TAYYORLOV SEXI MASHINA VA USKUNALARI - To'qimachilik - Referatlar

TAYYORLOV SEXI MASHINA VA USKUNALARI

Yuklangan vaqt:

20.09.2019

Ko'chirishlar soni:

0

Hajmi:

274.5 KB

Ko'chirib olish

Tayyorlov sexi mashina va uskunalari Reja: 1. Andazalar, burlamalar va trafaretlar tayyorlash 2. Gazlamalarning enini, uzunligini o`lchash va nuqsonlarini aniqlash mashinasi 3. Andazalar yuzasini o`lchash mashinasi

Andazalar, burlamalar va trafaretlar tayyorlash Andazalar qalinligi 0,9-1,2 mm qattiq pressshpat kartondan tayyorlanadi. Qo`shimcha andazalar kartondan tayyorlangan bo`lsa, atrofiga tuno`qa qoplanadi. Uzoq vaqtgacha o`zgarmaydigan kiyim detallarini bichishga mo`ljallangan qo`shimcha andazalar esa dyo`ralyuminiy yoki boshqa metall tuno`qalardan tayyorlanadi. Ustiga biror kiyim andazalari to`plamini yoki bir necha kiyim andazalari ma`lum tartibda joylashtirib, andazalar shakli tushirib olingan gazlama yoki qog`oz bo`lagi burlama deb ataladi. Ma`lum tartibda joylashtirilgan andazalar shaklini gazlama yoki qog`ozga tushirib olish uchun, odatda, andazalar atrofidan bo`r yoki qalam yuritib chiqiladi. Hozir joylashtirilgan andazalar shaklini tushirib olishning ilg`orroq yo`llari ham topilgan. Masalan, andazalar gazlama ustiga joylashtirilib, ular ustidan tez quruvchi rang sepish mumkin. Trafaretlar ham, xuddi burlama tayyorlangandek, oldin eksperimental bo`limda andazalarni kam chiqindi chiqadigan ratsional joylashtirish yo`lini topib tayyorlanadi. Trafaretlar tayyorlashda ham burlama tayyorlashdagi barcha texnik shartlarga rioya qilinadi. Tayyor bo`lgan trafaret nomerlab qo`yiladi. Trafaret ishlatilganda burlama olish uchun 8-10 marta kam vaqt ketadi; ish andazalari soni kamayadi, burlama tayyorlash narxi pasayadi. Tayyorlov va bichish ishlarini avtomatlashtirish muammosi eng muhim ishlardan biri hisoblanadi. Bu ishlarni kompleks avtomatlashtirish ustida ko`pgina oliy o`quv yurtlari va ilmiy tekshirish institutlari tadqiqotlar o`tkazib, texnologik kompleks vositasini ishlab chiqdilar. Texnologik kompleks vositasi «Siluet» deb ataladi. «Siluet» kompleksi uchta mashinadan iborat bo`lib, «Siluet-S», «Siluet-K», «Siluet-R» deyiladi. «Siluet-S» mashinasi EHM bilan birga quyidagi ishlarni bajaradi:

a) andaza konturlarini hisoblab ma`lumotini avtomatik yoki yarimavtomatik ravishda bosib chiqaradi; b) andazalarni kerakli o`lcham va bo`yiga ko`paytirib, andaza yuzasini va andaza perimetrlarini hisoblab, ma`lumotini bosib chiqaradi; v) andazalarni tabiiy kattalikda yoki kerakli masshtabda chizib chiqaradi; g) kichiklashtirilgan andazalarni qo`llab, bichishga mo`ljallab mexanikaviy ravishda dastur tuzadi; d) tanlangan masshtabda andaza konturini yoki andazalar joylashmasini ko`rib nazorat qilish uchun uni grafik tarzida chizib beradi. «Siluet-S» mashinasi EHMda yoki boshqa qurilmada hisoblab olingan andazalarni yoki andazalar joylashmasining istalgan masshtabda chizib beradi. Bundan tashqari «Siluet-K» mashinasi dasturlashtirilgan bichish mashinasi «Luch»ga bog`liq bo`lgan jarayonlarni bajaradi va qo`lda bichish ishlariga mo`ljallab andazalar joylashmasini chizib tayyorlab beradi. «Siluet-K» mashinasi ham «Siluet-S» mashinasidek ikkita koordinata (x va u o`qi) sistemasida ishlaydi. Mashina ikkita g`altagi: uzatuvchi-passiv 11 (14.1- rasm) va qabul qiluvchi-yuritadigan g`altaklari bor qo`zg`almas stoldan iborat. Stol ustida ish asbobi I ni tashuvchi ijrochi mexanizm (portal) 2 harakatlanib turadi. Ish asbobi 1 - stol 13 ustidagi material (qog`oz) 12ga tegadigan bo`ladi. Stol chetiga qo`zg`almas qilib mahkamlangan ikkita vertikal yo`naltirgich 4 va 8 shtanga 6 ning ikki uchiga mahkamlangan ikkita burilma yarim o`q 5 va 7 ichidan bemalol o`tadi. Yo`naltirgichlarning birini yuqori uchiga PIX-6-1 kontaktsiz elektr ajratgich 9 o`rnatib qo`yilgan. G`altakdan uzatilayotgan qog`ozni bir oz ortig`i bilan stolga mahkamlanadi. Qog`ozning yon tomonlari elektr qamragichlar orasidan o`tkaziladi, bunda qog`ozning mo`ljaldagi kengligiga moslab, portal bo`ylab surilma qamragich oldin o`rnatib olinadi. Qabul g`altagini pult orqali ishga tushirib, kerakli qog`oz o`rab olinadi.

14.1-rasm. «Siluet-K» mashinasining ishchi plansheti. Keyin ikkala koordinata bo`ylab ish mexanizmini dastlabki boshlang`ich holatga chiqariladi. Boshqaruv qurilmasiga chizish dasturini to`g`rilab, uni «Siluet- K»ga uzatib ishga tushiriladi. Mashina ishga tushirilganda, oldin materialni (qog`ozni) tortib turadigan vakuum ulanadi, keyin andazalar joylashmasi chizila boshlanadi. «Siluet-R» mashinasi karton yoki qog`ozdan yasaladigan andazalarni tabiiy kattalikda yoki istalgan kattalikda qirqish uchun mo`ljallangan. «Siluet-R» ning ish organi gazli lazer bo`lib, asosiy ish asbobi lazerli kesgichdir. Bu mashina ham ikki koordinatali surilma sistema bo`lib, andaza qirqiladigan material qo`yilgan qo`zg`almas ish stoli ustida harakatlanadi. Mashinaning konstruktsiyasi 250-300Vt quvvatda ishlaydigan har qanday lazerga mo`ljallangan. Lazer 4 (14.2-rasm, a) mashina 1 dan tashqariga joylashgan bo`lib, dasturga qarab, lazer nurini to`xtatish uchun, unga elektromagnitli boshqaruv to`siq 3 o`rnatilgan bo`ladi. Nurga nisbatan 45 burchak ostida joylashgan og`ma ko`zgu 2 lazerli kesgich 5 ga nur uzatib beradi.

14.2-rasm. “Siluet-R” mashinasidagi a-ishchi planshet bilan lazerning joylashishi; b-lazerli kesgich. «Siluet-R» mashinasidagi kesgich (14.2-rasm,b) asosiy ish asbobi hisoblanadi. U ichi bo`sh to`ntarilgan konus shaklida bo`ladi. Keskichning ostki uchi ingichkalashgan va diametri 2 mmli teshigi bor soplo 1 dan iborat. Yuqori qismini esa orasidan gazli lazer nuri o`tadigan optik linza 3 qo`yib germetik yopilgan bo`ladi. Qirqayotgan zonadan material 5 ning qo`ygan mahsulini havo oqimi yordamida soplo teshigidan chiqarib tashlash uchun, linza bilan soplo orasidagi kesgich korpusiga 0.5.10 Pa bosim ostida havo kiritadigan rezbali detal 2 mahkamlangan. 14.2. Gazlamalarning enini, uzunligini o`lchash va nuqsonlarini aniqlash mashinasi Tikuvchilik korxonasiga material to`quvchilik korxonalaridan nuqson topish stanoklarida ishlanib, bo`yi, eni va boshqa xarakteristikalari ko`rsatilgan tarzda keladi. Tikuvchilik korxonalarida materialdan nuqson topish takrorlanadi; bo`yi va eni o`lchanadi, nuqsonlari va tekis bo`yalmagan joylari belgilanadi.

Tayyorlov bo`limlarida materiallarning muayyan qalinligi va kengligiga moslangan mexanizatsiyalashgan nuqson topish-o`lchash stanoklarining turli tiplari ishlatiladi. 14.3-rasm. Nuqson topish-o`lchash stanogi. NS-59 Moskva eksperimental mexanika zavodi ishlab chiqaradigan nuqson topish- o`lchash stanogining ishlash printsipini ko`rib chiqamiz. Stanokda payvand konstruktsiyali korpus bo`lib, unga qiya joylashgan nazorat taxtasi (14.3-rasm) mahkamlangan. Taxtada oyna yopib turadigan darcha bo`lib, material shu darcha orqali lyuminestsent lampalar yordamida tag tomonidan yoritiladi. Yuqoridan ham material yoritkichdagi lyuminestsent lampalar yordamida yoritiladi. Material ruloni novga qo`yiladi yoki skalkaning aylanishini yengillashtiradigan to`rtta sharikli podshipnigi bor ikkita tayanchda aylanib turadigan skalkaga kiydirib qo`yiladi. Dastani burib, qisuvchi valik tashuvchi valikdan uzoqlashtiriladi va ular o`rtasidagi oraliqqa material uchi kiritiladi. Keyin ko`tarilib qo`yilgan qisgichni valda yuqori tomonga burib turib, materialni shtanga ustidan o`tkazib, nazorat taxtasi bo`ylab tortila boshlanadi. Material uchini pastga tomon olib tushib, skalkaga o`raladi-da, uni yo`naltirgichlarning pazlariga kiritiladi. Mashinaning o`ng tomondagi panel tagidagi tugmachali ulagich yordamida nuqson topish-o`lchash stanogi elektr manbaiga ulanadi. Pedal bosilsa, stanok ishga tushib, material yuqoridan pastga tomon surila boshlaydi. Ostki tashuvchi valiklar yordamida material rulon bo`lib o`raladi. Materialning eni lineykaga binoan vizual, bo`yi esa hisoblagich

yordamida nazorat qilib boriladi. Ishchi o`lchab bo`lingan material bo`yichi ko`rsatuvchi raqamlarni o`chirish uchun richagni bosadi; kerakli raqamni o`rnatish uchun dasta buriladi. Pedal materialni teskari yo`nalishda, ya`ni pastdan yuqoriga tomon surishga xizmat qiladi. Material nuqsonini topish batamom tugab, bir to`pning bo`yi va eni o`lchab bo`lingandan keyin, ishchi dastani o`ziga tomon burib, pedalni bosadi. Bunda yo`naltirgichlar ishlovchidan pastga tomon buriladi va o`ralgan material ruloni lentali konveyer ustiga tushadi. Pedal bosilganda konveyer rulonni chap tomonga, pedal bosilganda esa o`ng tomonga suradi. Nuqson topish-o`lchash stanoklarining boshqa turlari bir qavat va ikki qavat materiallarning, kitob qilib taxlangan va rulon qilib o`ralgan materiallarning nuqsonini topish imkonini beradi. Materialning surilish tezligini ulardagi rasmlar murakkabligiga va to`qimachilik nuqsonlari soniga qarab 10-24 m/min oralig`ida o`rnatiladi. Stanoklar pedal yordamida boshqariladi. Bir qator tikuvchilik korxonalarida materiallar usti silliq, bo`ylama va ko`ndalang lineykalari bor bo`yi 3 m li o`lchash stollarida o`lchanadi va nuqsonlari aniqlanadi. O`lchanadigan material mexanik vositalar yordamida stolning uzunasiga suriladi, bunda elektromexanik belgilagich materialga har 3 m da bo`r bilan belgi qo`yib boradi. Materialning eni lineyka bo`yicha har 3 m da tekshiriladi. Nuqson topish va material rulonini o`lchash natijalari rulon pasportiga yozib boriladi va bu pasport to`shama qavatlarini hisoblab chiquvchilarga beriladi. 14.3. Andazalar yuzasini o`lchash mashinasi Modelning tejamliligi andazalar orasidagi chiqindilar miqdoriga qarab xarakterlanadi. Bu ko`rsatkich andazalarning o`lchangan yuzasi bilan andazalarning eksperimental joylashgan yuzasi orasidagi farq orqali aniqlanadi. Andazalarning yuzasini kontaktsiz o`lchash uchun fotoelektron mashina IL-2 ishlatiladi. Gazlamalardan unumli foydalanish asosan andozalar yuzasini to`g`ri o`lchashga bog`liq bo`ladi. IL fotoelektron mashinasi tekis figuradagi andozalarni

o`lchash uchun mo`ljallangan. Bu mashinada 100-500 mm uzunlikdagi va 100-750 m endi andozalarni o`lchash mumkin. 14.4-rasm. IL fotoelektron o`lchash mashinasi O`lchanadigan andoza 4 qo`zg`aluvchan stol 3 ga joylashtiriladi. Stol ostki qismida yoysimon tirqishli po`lat list mahkamlangan. Qo`zg`aluvchan stol doimiy tezlikda 2 yo`naltirgichlarda bo`ylama harakatlanadi. Stol ustki qismiga 5- yoritgich o`rnatilgan bo`lib, undan tushadigan yorug`lik optik trubkalarga tushadi. Trubkalar stol ostida joylashgan turel valiga o`rnatilgan (14.4-rasm). Turel-8 trubkalar bilan birgalikda doimiy burchak tezlikda aylanadi. Turelning bir aylanishda stol-4 smga siljiydi. Turelning har bitta trubka ketma-ket aylanma harakatlanib, 80 sm uzunlikda va 1 sm enli yuzani o`lchaydi. Turel bir to`liq aylanishda 4x80x320 sm yuza o`lchanadi. Mashinada turelning har bir aylanishida 320 impuls beruvchi induktsion generator mavjud. Impulslar generator kuchaytirgichi orqali 10 fotorelega va elektron hisoblagich 11 ga uzatiladi. Tablo- 12 kv. smda o`lchash natijalarini ko`rsatadi. Stol 3, turel-8 va impulslar generatoriga harakat tishli uzatmalar sistemasi orqali beriladi. Mashinada bir smenada 200-250 dona andozalar yuzasini o`lchash mumkin.

O'xshashlar

BICHUV SEXI MASHINA VA USKUNALARI

Analоgli svеtоprоba tayyorlash uskunalari

Fоtоqоliplarga ishlоv bеrish uskunalari

Paxta tоzalash kоrxоnalarida va tayyorlov maskanlarining quritish-tоzalash bo’limlari

Chuqur bosma qolipini tayyorlash uskunalari