Пухталаш ярим автоматлари - To'qimachilik - Referatlar

Пухталаш ярим автоматлари

Yuklangan vaqt:

20.09.2019

Ko'chirishlar soni:

0

Hajmi:

114.5 KB

Ko'chirib olish

Пухталаш ярим автоматлари Режа: 1. 220 синф пухталаш ярим автоматини қўллашдан мақсад, пухталашни схемалари. 2. 220 синф ярим автоматини техник таърифи. 3. 220 синф ярим автоматини механизмларини тузилиши, ишлаш принципи ва созлаш йўллари. 4. 220-М, 820 ва CS-625-ASXV синф ярим автоматлари хақида қисқача маълумот.

1. 220 синф пухталаш ярим автоматини қўллашдан мақсад У костюм, пальто ва плащ гурухидаги буюмларни хамда турли кийимларни икки ипли моки чоки билан пухталаш вазифасини бажаради. Кичик пухталаш игнани 21 маротаба буюмга санчилиши натижасида, катта пухталаш эса игнани буюмга 42 маротаба санчилиши натижасида бажарилади (Расм. 43 а ва б). Расм. Хар иккала пухталашда игнани буюмга охирги уч маротаба санчилиши бир нуқтага бажарилади. Ярим автоматда иккита педал кўзда тутилган бўлиб, биринчиси ишга тушириш педали бўлса, иккинчиси буюмни машина игна пластинасига босиб туриш мосламасиникидир. 2. 220 синф ярим автоматини техник таърифи Бош вални айланишлари сони, айл/мин 1200 Пухталашдаги чоклар сони: Каттасида 42 Кичкинасида 21

Пухталаш узунлиги, мм: Каттасида 7-16 Кичкинасида 3-7 Пухталаш эни, мм 2-3 Игналар 3Е, № 100, 110, 120 Машинанинг ўлчамлари, мм: Узунлиги 560 Эни 340 Баландлиги 380 Оғирлиги,кг 37 3. 220 синф ярим автоматини механизмларини тузилиши, ишлаш принципи ва созлаш йўллари Бу ярим автомат куйидаги механизмлардан ташкил топган: 1. Кривошип-шатун типидаги игна механизми (5-маърузага қаралсин). 2. Кривошип-коромисло типли ип тортгич механизми (6-маърузага қаралсин). 3. Кривошип-каретка типли буралма-қайтма харакат қилувчи моки механизми (7-маърузага қаралсин). 4. Буюмни суриш механизми. 5. Автоматик тўхтатиш механизми. Куйида буюмни суриш механизмини кўриб чиқамиз (Расм).

Расм. Бу механизм бўйлама харакат ва кўндаланг харакат узелларидан ташкил топган. Бўйлама харакат узели қуйидагича ишлайди. Бош валдан айланма харакат червяк редуктори орқали кўндаланг валга ўтади, кўндаланг вал 2 да 1 диск бўлиб, унинг 3 ариқчаси 4 роликни соат стрелкаси бўйича ёки қарши тарафга харакат қилдиради. Агар ролик 4 соат стрелкаси бўйича бурилса, у ўша тарафга 5 ричагни, 6 ўқни ва 7 кулисани буради, бунда 7 кулиса ичидаги 8 сирпангичдан харакат 9 стержен орқали 11 буюмни суриш планкасига ўтади ва уни чап тарафга машина платформаси

бўйлаб суради. Агар 3 паз 4 роликни соат стрелкасига қарши тарафга сурса, бунда 5 ричаг, 6 ўқ, 7 кулиса, 8 сирпангич ва 9 стержен орқали 11 буюмни суриш планкаси ўнг тарафга (ишчидан қарама-қарши тарафга) буюмни суради. Бу харакат пухталашнинг энини таъминлайди. Созлаш: Пухталаш эни 10 винтни бўшатилиб, 8 сирпангични 9 стерженда юқорига кўтариш ёки пастга тушириш йўли билан ростланади. Кўндаланг харакат узели қуйидагича ишлайди. Агар 1 дискни ташқи тарафидаги ариқча 13 роликни соат стрелкасига қарши тарафга сурса, 14 тўғри бурчакли ричаг хам шу тарафга бурилиб, 15 сферик бошли бармоқча ёрдамида 17 тортгични пастга туширади, 18 коромисло соат стрелкасига қарши тарафга айланади, натижада 19 ён вал 22 коромислони хам соат стрелкасига қарши тарафга айлантириб 24 сирпангич ва 26 винт ёрдамида 11 буюмни суриш планкасини ишчидан чап тарафга суради. Агар 14 тўғри бурчакли ричаг соат стрелкаси бўйлаб айланса, 15 сферик бошли бармоқча, 17 тортгич 18 коромисло 19 вал ва 22 коромисло ёрдамида 11 буюмни суриш пластинаси ишчидан ўнг тарафга сурилади. Бу харакат пухталашни узунлигини таъминлайди. Созлаш: Пухталаш узунлиги 16 роликни 14 ричагни кулисали ариқчасида холатини ўзгартириб ростланади. Агар ролик 16 14 ричагни ўқи тарафга сурилса пухталаш узунлиги камаяди. Автоматик тўхтатиш механизми Бу механизм асосан машина тянчини орқасида жойлашган бўлиб, у игна ва ип тортгичларни кўзчалари энг юқориги холга чиққанларида машинани тўхтади (дастлабки холда), бу эса пухталаш тўлиқ битганда

буюмни эркинлик билан пластина 11 ва 29 тепки орасидан олинишини таъминлайди (Расм 44). Машина тўхтаганда ишчи чап педални босса 31 ричаг соат стрелкаси бўйича айланади, бунда 30 занжир 27 кронштейнда жойлашган 29 тепкини кўтаради. Буюмни олиш мумкин. Механизм қуйидагича тузилган ва ишлайди (Расм).

Расм. Ишчи ўнг педални босганида 37 занжирли тортгич ёрдамида 36 тўғри бурчакли ричаг соат стрелкаси бўйича айланади ва ўзини “а” қисми билан 34 ромни 43 марказий винтлар ўртасида соат стрелкасига қарш тарафга буради. Бунда 42 пружина сиқилади, 35 тасма ушлагич тасмани 32 салт шкивдан 33 ишчи шкивга ўтказади, 46 кулиф эса 47 пружина таъсирида соат стрелкаси бўйлаб бурилади ва 34 ромни уни стержени 38 билан энг чапки холда ушлаб туради. Машина ишлай бошлайди.

Пухталаш битганда, кўндаланг валдаги 49 дискнинг 50 поналаридан бири 46 қулифни чап елкасига таъсир қилиб уни соат стрелкасига қарши томон буради ва 34 ромни қўйиб юборади. Натижада 42 пружина таъсирида 34 ром соат стрелкаси бўйича бурилиб 35 тасма ушлагич тасмани 33 ишчи шкивдан салт 32 шкивга ўтказади. Бунда 38 стерженни энг юқориги қисм 51 кулачокни ўйиқ жойига 40 пружина таъсирида кириб қолади. Сўнгра машина тўхтайди. Созлашлар: 1. Тўхташ вақти 50 поналарни 49 дискдаги холатини ўзгартириб бажарилади. 2. Тўхтатиш кучи 45 винтли гайкани буриб, 40 пружинани сиқилиш даражасини ўзгартириб ростланади. 3. 32 ёки 33 шкивлар ариқчасида тасмани жойлашиш холати 35 тасма ушлангични 34 ром бўйлаб чапга ёки ўнгга суриш билан ўзгартирилади. 4. 34 ромни бурилиш бурчаги 44 винт билан ростланади. 4. 220-М ва 820 синф ярим автоматлари хақида қисқача маълумот Тикув буюмларида белбандни тикиб улашда, фурнитура тагига кучайтирувчи қотирмаларни тикишда, шимнинг гульфиги измаларидаги орқасини пухталашда, мактаб формаларида эмблемаларни тикишда 820 синф ярим автомат базасида ишлаб чиқилган калта чок билан тикувчи-пухталовчи ярим автоматлар ишлатилади. Бу ярим автоматлар бир педал билан бошқарилиб, уларда ипларни кесиш хаво системаси билан бажарилади. 220-М-3 машинаси тўғри бурчакли ўлчами 5х37, 16х24, 10х10мм бўлган чок билан тикади. Бош валини айланишлар сони 2000 айл/мин. 820-1 синф – ўлчами 6х22 мм бўлган тўғри бурчакли чокни буюмда игнанинг 60 маротаба санчиши билан тикади.

820-3 – ўлчами 20х22 мм бўлган тўғри бурчакли чокни буюмда игнанинг 40 маротаба санчиши билан тикади. 820-5 - ўлчами 30 мм бўлган чокни буюмда игнани 28 маротаба санчиши билан тикади. CS-625-ASXV синф ярим автомати (“Паннония” Венгрия) пухталаш ва калта чок билан тикиш учун ишлатилади. Бош валининг айланишлари сони 1200 айл/мин.

Адабиётлар: 1. Анастасиев А.А. и др. Машины, машины - автоматы и автомати- ческие линии легкой промышленности. Учебник. М. 1983. 2. Червяков Ф.И.,Сумароков Н.В. Швейные машины. М. 1968. 3. Червяков Ф.И., Николаенко А.А. Швейные машины. М. 1977. 4. Вальщиков Н.М. и др. Оборудование швейного производства. М. 1977. 5. Рейбарх Л.Б. и др. Оборудование швейных предприятий. М. 1988. 6. Архипов Н.Н. и др. Лабораторный практикум по курсу “Машины и аппараты швейного производства”. М. 1972. 7. Исаев В.В. , Франц В.Я. Тикув машиналарининг тузилиши, созланиши ва ремонти. Т. 1982. 8. Зак И.С. и др. Комплексно-механизированные линии в швейной промышленности. М. 1988. 9. Франц В.Я., Исаев В.В. Иллюстрированное пособие по швейному оборудованию. М. 1976. 10.Полухин В.П. и др. Швейные машины цепного стежка. М. 1976. 11.Исаев В.В. Тикув корхоналарининг жихозлари. Т. 1986.

O'xshashlar

Тугма тикиш ва қадаш ярим автоматлари

Изма очиш ва йўрмалаш ярим автоматлари

Ярим даврли узиш характеристикалари

Либоссиз ярим қомат олд тарафидан. (Кекса чайир киши, ярим шартли чизма, сунъий ёруғликда)

Ярим махсулотлар ва ип сифатини текшириш