Нотукима материаллар хакида умумий маълумотлар - To'qimachilik - Referatlar

Нотукима материаллар хакида умумий маълумотлар

Yuklangan vaqt:

20.09.2019

Ko'chirishlar soni:

0

Hajmi:

65.5 KB

Ko'chirib olish

Кириш. Нотўқима материаллар ҳақида умумий маълумотлар Режа : 1. Кириш. 2. Нотўқима материаллар ишлаб чиқариш усуллари. 3. Нотўқима материаллар таснифи.

1. Кириш Нотўқима материалларнинг қўлланиш доираси Нотўқима материаллар қуйидаги соҳаларда қўлланилади: Қурилишда – биноларнинг иссиқлигини сақлаш ва товушни изоляция қилиш учун. Йўл қурилишида – йўлларни текислигини узоқ муддатда сақлаш учун. Техникада – фильтрлаш, ўраш, изоляция қилиш учун. Автомобилларда – салон ичини пардозлаш учун. Кундалик турмушда – кийим-кечак ва пойафзал учун тўлдирувчи материал сифатида, сунъий чарм, сунъий мўйна, сунъий духоба сифатида. Тиббиёт соҳасида – профилактика, санитария, ва гигиена мақсадларида 1 марта ва қисқа муддатда ишлатиладиган мато (салфеткалар, сочиқлар, чойшаблар), хирургия тампонлари, кийимлари сифатида ишлатилади. Агар тўқимачилик материаллари ишлаб чиқаришнинг эски усуллари – тўқувчилик, трикотаж усулларини анализ қилсак бу технологиялар анча мураккаб ҳисобланиб иккаласи ҳам йигириш жараёнларини ўз ичига олади. Айниқса тўқувчилик технологияси жуда кўп технологик босқичлардан ташкил топган ва уларни амалга ошириш учун жуда кўп ёрдамчи материаллар ишлатилади. Масалан шпулялар, бобиналар, патронлар, моккилар ва бошқалардир. Ҳар бир технологик босқичларда чиқиндилар ажралиб чиқади. Бундан ташқари, бу технологиялар бўйича калта толалар ишлатилмайди. Чунки йигирув учун мўлжалланган машиналар бунинг имконини бермайди. Шунинг учун юқоридаги камчиликлардан холи бўлган янги тўқимачилик технологиясини яратиш бўйича кўп ишлар олиб борилди. Бу қидирув ишлари шунга олиб келдики, натижада ишлаб чиқариш унумдорлиги анча юқори бўлган қисқа технологик жараёнлардан ташкил топган янги прогрессив технология – нотўқима материаллар технологияси пайдо бўлди. Бу тўқимачилик ва енгил саноатнинг энг прогрессив ва юқори

самарали технологияларидан бири ҳисобланади. Ҳозирги кунда нотўқима материаллар ишлаб чиқариш тараққиёти қуйидаги йўналишларда бормоқда: 1. Нотўқима ишлаб чиқариш янги усулларини яратиш. 2. Нотўқима материалларни ишлаб чиқариш ва уларни пардозлаш бўйича комплекс механизациялашган ва автоматлашган узлуксиз линияларни яратиш. 3. Машина ва агрегатларнинг чидамлилиги ва тезлигини ошириш. 4. Зарур эксплутацион хоссаларга эга бўлган нотўқима материаллар ассортиментини яратиш. 5. Техник соҳаларда қўлланилаётган табиий толалардан тайёрланган тўқимачилик материалларини кўпроқ кимёвий толалардан тайёрланган нотўқима материаллар билан алмаштириш. Нотўқима материалларининг афзалликлари Нотўқима материаллар ишлаб чиқариш технологияси анъанавий тўқимачилик технологияларга нисбатан бир қатор афзалликларга эга: 1. Юқори ишлаб чиқариш унумдорлиги. 2. Саноат чиқиндилари ва иккиламчи хом ашёни қўлланииши эвазига қимматбаҳо хом ашёни тежаб қолиш. 3. Узлуксиз ишлаб чиқариш линияларини қўллаш. 4. Ишлаб чиқариш линияларини комплекс механизациялаштириш имкони. 5. Ишлаб чиқариш жараёнларини қисқартириш имкони. 6. Ишлаб чиқариш майдонларини қисқартириш имкони. Нотўқима материаллар ишлаб чиқарувчи машина ва агрегатларнинг унумдорлиги ўта юқори. Масалан, тўқув дастгоҳи АТ нинг унумдорлиги соатига 10 м 2 гача бўлса, нотўқима материаллар ишлаб чиқариш машиналари қуйидаги иш унумдорлигига эга: 1. Қатлам тикма машина соатига 120 м 2 .

2. Ип тикма машинаси соатига 300 м 2 . 3. Тафтинг машинаси соатига 400 м 2 . 4. Қо²оз тайёрлаш усулида нотўқима материаллар ишлаб чиқариш минутига 300 м. Нотўқима материалларнинг асосий хоссалари 1. Юқори ҳажмлилик. 2. Юқори ҳаво ўтказувчанлик. 3. Капилярлилик. 4. Намликни шимиб олиш хусусияти. 5. Пишиқлик. 6. Иссиқлик ва товушни изоляциялаш. 2. Нотўқима материаллар ишлаб чиқариш усуллари. Нотўқима материаллар 3 хил технология бўйича ишлаб чиқарилади. I. Механик технология. Бу технология ўз ичига бир қатор усулларни олади: 1. Игна санчиш усули. 2. Тўқима-тикма усули. 2.1. Холот-тикма усул. 2.2. Ип-тикма усули. 2.3. Қатлам-тикма (каркас-тикма) усул. II. Физик-кимёвий технология. 1. Шимдириш усули. 2. Қо²оз тайёрлаш усули. 3. Термик бириктириш усули. 4. Юқори босимли газ ёки суюқликни сочиш усули. 5. Фильера усули.

III. Аралаш технология: 1. Кийгиз тайёрлаш. 2. Тафтинг усули. 3. Электротуклаш усули. 4. Игна санчиш материалларини шимдириш билан ишлаб чиқариш усули. Нотўқима материаллар технологиясининг механик усуллари тўқимачилик технологиясининг классик усуллари бўлган йигириш жараёнлари (титиш, саваш, тараш, холот тайёрлаш), трикотаж жараёнлари (ҳалқа ҳосил қилиш) ва тикувчилик жараёнлари (қатлам тикиш) каби жараёнлардан самарали фойдаланиш ва уларни мукаммаллаштириш асосида пайдо бўлади. Нотўқима материаллар ишлаб чиқариш физик-кимёвий усуллари толаларнинг кимёвий бо²ловчи ёрдамида ёки бо²ловчисиз ўзаро ёпишиш хусусиятларига асосланган. Бу усулда олинган материаллар сифати толаларнинг ўзаро ёпишиш пишиқлигига бо²лиқ бўлади. Нотўқима материаллар ишлаб чиқариш физик- кимёвий усуллари тўқимачилик хом ашёларининг барча турлари, толавий чиқиндилар ва иккиламчи хом ашёни ишлатиш имконини беради. Аралаш усулда эса эксплутацион хоссалари бўйича бошқа тўқимачилик материалларидан тубдан фарқ қиладиган, янги функцияларни бажара оладиган материаллар ишлаб чиқарилади. Масалан, автомобиль ойнаси оралиђида қўлланиладиган тукланган жипсловчи профиллар бошқа тўқимачилик усуллари бўйича ишлаб чиқарилмайди. 3. Нотўқма материаллар таснифи. НМлар ишлаб чиқариш усулларига қараб таснифланади. 1-расмда НМнинг таснифланиши схемаси келтирилган. Ушбу схема бўйича рақамлар билан 1 дан 11 гача ишлаб чиқариш усуллари, 01, 02, 03, - материалнинг

асоси берилган. Рақамлар ёрдамида НМнинг ишлаб чиқариш усули ва унинг тузилиши ҳақида тасаввурга эга бўлиш мумкин. Масалан, 1.01, 1.02, 1.03, рақамлар ёрдамида қуйидагиларни билиш мумкин: НМ тўқима-тикма усул бўйича ишлаб чиқарилган бўлиб асосини эса толавий холст (1.01), иплар системаси (1.02) ва матолар (1.03) ташкил қилади. НМларнинг савдо таснифи материални ишлаб чиқариш усулига, қўлланилган толанинг турига ва қайси соҳа учун мўлжалланганлигига қараб ўрганилади. Бу тасниф нотўқима материалларнинг чакана нархлар прейкурантида қайд этилади. Газламага ўхшаган НМлар ишлаб чиқариш усулига қараб ип-тикма, холст-тикма, қатлам-тикма, игна санчиш, елимланган ва аралаш НМларга бўлинади. Ишлатилишига кўра НМлар – маиший матолар, ўровчи матолар, пойафзал матолар, сунъий чарм учун асос, астарли материаллар, фильтрловчи материаллар, мебель материаллари ва ватинларга бўлинади. Ишлатилаётган тола турига қараб НМлар – пахтали (Х/Б), ярим жун, ипак ва зигир толали материалларга бўлинади. Савдо таснифи бўйича ҳар бир НМга 6 та рақамдан иборат артикуль ўрнатилади. Артикулнинг биринчи рақами ҳар доим 9, иккинчи рақами тола турини кўрсатади, учинчи рақам – ишлаб чиқариш усулини, тўртинчи рақам – қайси соҳага мўлжалланганлигини, бешинчи ва олтинчи рақамлар маълум соҳа учун мўлжалланган материаллар гуруҳидаги тартиб рақамини кўрсатади.

Адабиётлар: 1. Ш.Р. Марасулов « Пахта ва кимёвий толаларни йигириш» I - кисм. Тошкент 1979 йил. 2. Ш.Р. Марасулов « Пахта ва кимёвий толаларни йигириш» I - кисм. Тошкент 1979 йил. 3. Азимов Б.А. «Пахта йигириш фабрикаларини лойихалаш» Тошкент 1995 йил. 4. Бадалов К.И. и др. « Прядение хлопка и химических волокон» I -часть М.1982 г. 5. Бадалов К.И. и др. « Прядение хлопка и химических волокон» I -чась М.1982 г. 6. Бадалов К.И. и др. « Лабораторный практика по прядению хлопка и химических волокон » М.1978 г. 7. Широков В.П. и др. «Справочник по хлопкопрядению» М.1985 г. 8. Х.Х. Ибрагимов. Ва бошк. « Йигириш машиналари» Т. 1985 й. 9. Болясов П.Д. и др. « Лабораторный практика по прядению хлопка и химических волокон » М.1967 г. 10. Макаров А.И. и др. «Расчет и конструирование машин прядильного производства» М. 1981 г. 11. Иванов С.С., Филатов О.А. «Техконтроль в хлопкопрядение» М. 1978г. 12. Плеханов Ф.М. и др. «Пневмомеханическая прядильная БД-200» М. 1976 г.

O'xshashlar

Сертификациялаштириш хакида асосий маълумотлар

Нотукима материалларни куритиш ва термик ишлов бериш. Елимланган нотукима материаллар ишлаб чикариш линиялари

Нотукима материаллар ишлаб чикариш учун кўлланиладиган хом ашё

Нотукима полотно

Нотукима полотно