Либосни тайёрлаш жараёнига таъсир қиладиган материал хусусияти - To'qimachilik - Referatlar

Либосни тайёрлаш жараёнига таъсир қиладиган материал хусусияти

Yuklangan vaqt:

01.05.2023

Ko'chirishlar soni:

0

Hajmi:

959 KB

Ko'chirib olish

Либосни тайёрлаш жараёнига таъсир қиладиган материал хусусияти Режа: 1. Уланадиган тўқимачилик материалларини ип билан бириккан параметрларига таъсири 2. Буюмни тикиш жараёнига тикув иплари хусусиятининг таъсири 3. Тикувчилик буюмларини нам-иссиқ ишлов жараёнида тўқумачилик материалларнинг таъсири

Уланадиган тўқимачилик материалларини ип билан бириккан параметрларига таъсири Ишлаб чиқаришнинг эффективлигини ошириш, тикувчилик буюмлариниг сифатини яхшилаш ва материал кетишини камайтириш масалаларини йечишда маҳсулотни лойиҳалаш ва тайёрлашда материал хусусиятларидан янада тўлиқ фойдаланиш, либос учун материал танлашнинг мукаммал услубини қўллаш талаб этилади. Тўқмачилик материаллар рассом, конструктор, технолог учун таянч нуқта сифатида либоснинг янги моделларини ишлаш билан алоқадор, шунингдек, тикувчилик буюмлари тайёрлаш жараёнида лойиҳавий- технологик ишлаб чиқаришни тайёргарликларида хизмат қилади. Маълум бўлишича, кундалик либос учун мода ўзгарувчандир. У ўзи кетидан алоҳида элементларни, либос силуети шаклини ўзгаришига олиб келмоқда. Либос учун бошқа материалларни чиқариш ва ишлаб чиқаришга тайёрлайдиган шаклланиш сифатидаги ўзгаришларни ҳисобга олмаслик мумкин эмас. Шунинг учун материалнинг табиий-механик хусусияти кўрсаткичларига талаб узоқ вақт доимий бўлолмайди, улар ишлаб чиқариладиган либос моделларини ўзига хос хусусиятларини ҳисобга олган ҳолда тўғирланиб боради. Материалнинг тузилиши ва хусусиятлари либос модасига бўлган талабга қараб вақти-вақти билан аниқланиб турилиши лозим. Мода йўналишини ишлаш босқичларида асосий эътибор материалнинг модели, лойиҳавий-технологик ва бошқа омилларини, шунингдек, фойдаланиш шартлари ва мақсадини ҳисобга олган ҳолда табиий-технологик хусусиятларига аниқ талабни юзага чиқаришга қаратилиши лозим. Либос учун тўқмачилик материалларининг кўпхиллилиги ғоятда юқоридир ва колористик безак ҳамда безак тури ва қурилиш хусусиятини ўзгартириш ҳисобига тўқмачилик саноатида яратилади.

Тикувчилик корхоналарида қайта ишланадиган тўкимачилик материаллар турли специфик шароитларда уларнинг феъл-атворини аниқлайдиган хусусиятларнинг муҳим комплексини ўзида жамлаган бўлиши керак. Уларнинг орасида айниқса технологик ва лойиҳавий хусусиятлар қизиқарлидир.

Либос учун материалларнинг технологик хусусиятларида маҳсулот лойиҳасини ишлаб чиқишда, материалларни конфекциялашуви, ишлаб чиқаришни такомиллаштириш, асбоб-ускунани танлашда бичишдан то нам- иссиқ ишловгача бўлган унинг технологияси ҳисобга олинади. Тўқмачилик материалларни хусусиятлари ва таърифлари ип билан бириктириш ва уларга таъсир этувчи омиллари схемаси. Ипларни бирикиш параметрларига таъсир қиладиган текстиль материалларининг хусусиятлари рўйҳати. Тикувчилик буюмларини тайёрлашда технологик ишлов кенг тарқалган масала бўлиб, ипларни бирикмасидан фойдаланган ҳолда тикувчилик буюмларини йиғишни қатъий белгиланган режимларини асослаш ва танлаш ҳисобланади. Асосий хусусият ва характеристикалар рўйҳати схемасида келтирилган. Бирикадиган (асосий ва амалий) материалларнинг хусусиятларининг тикилиш технологиясига таъсири турли даражаларда намоён бўлади. Бир хилдаги хусусиятлар жуда қаттиқ таъсир этади, бошқаларнинг таъсири эса анча пастдир. Мисол учун, мато йўғонлиги чокларнинг тузилишига, йўғон жойларини кесиш бўйича қўшимча жараёнларни киритишга, тикув машинасининг турини танлаш ва тикув ипларини сарф қилинишига таъсир ўтказади. Бошқа хусусияти эса – матонинг (духоба, бахмал, чийдухоба) туки йўналган бўлиши – тикилишда қисмларни улаш йўналишини танлашга ва уни сиқиш кучига таъсир этади. Ипнинг бирикиш технологиясига материалларнинг тукли таркиби жиддий таъсир ўтказади. Ушбу кўрсаткич (тукларнинг процентли миқдори)га қараб, тикув машина, ип ва игнанинг тури ва маркаси танланади, таркибида синтетик тола мавжуд материалларда игнанинг қизиб кетиши уларнинг иссиқликдан йемирилиши (эриши) сабабли бириктириш режимлари тайинланади.

Тўқимачилик материалларнинг ўзига хос деформатсиали хусусиятлари тикув машиналарда ипли чокларни бажаришда намоён бўлишига қуйидагилар киритилади: 1) Пастки қатламнинг (қисқартириш) ўтириши; 2) материалнинг иккала қатламини (қисқартириш); 3) материалнинг бир ёки иккала қатламини чўзиш. Ушбу хусусиятларни материалда акс этиши, юқори ва пастки қатламларини турли реакцияси, унинг тузилишини ўзига хос хусусиятлари, материални улашда юз берадиган турли кучлар таъминлайди. Бу каби ҳодисалар чоклар бажарилгандан сўнг материалнинг тўлқинсимонлигида акс этади. Қўндириш деб, пастки материалнинг юқоридагисига нисбатан силжиши аталади. Пастки материални қўндиришнинг асосий сабаби бу материални қўзғалишини турли шартлари ҳисобланади, бунда юқоридаги материал бироз чўзилади, пасткиси эса – тортилади. Чўзилиш деб, тикиладиган материалларни қисқарилиши, чоклар иккала материалларни деформацияси, яъни уни ипли чоклар билан сиқиш натижасида бажарилиши аталади. Чўзилтириш миқдори материалнинг тузилиши ҳаракатига ва унинг қаттиқлигига боғлиқ. Масалан, ватин туридаги тўқилмаган иситиладиган ҳажмли материалларни тикишда чўзилувчанлик 2 % дан ошиши мумкин. Материалларнинг чўзилувчанлиги деб, чок бажарилгандан сўнг бир ёки иккала материалларни узайтирилиши аталади. Материалларнинг чўзилувчанлиги ўз ўрнини шундай вақтда топадики, қачонки уланадиган материалларни кесимлари асоснинг ипи йўналиши бўйича бичилган бўлса, материал ғовакли ҳарактчан тузилмали бўлганда ёки бирикадиган материаллар ўзининг тузилишидан фарқ қилганда. Бу каби ҳодисалар чоклар бажарилгандан сўнг материалнинг тўлқинсимонлигида акс этади. Шундай қилиб, тўқимачилик материалларнинг деформатсиали хусусиятлари олинган ипли бирикмалар хусусиятига муҳим даражада таъсир

этади. Бирикадиган чоклар асосан чўзиладиган кучларга дуч келади. Мисол учун, шимларда чўзилувчанлик деформацияси 10%га йетиши мумкин. Ипли бирикмаларни вужудга келиш шартларини аниқлашнинг умумий қоидаси бўлиб, ипли чок ва материалнинг чўзилувчанлигига мувофиқлиги хизмат қилади. Материалнинг йўғонлиги таъсир этади: • чок тузилмасини танлашга; • ипли бирикмалар режимига; • тикув машинасини тури ва ортехонастика воситаларини танлашга; • тикувчилик буюмларини йиғиш схемасига. Материал йўғонлигининг ошиши билан унинг йўғонлигини пасайтириш мақсадида материалларнинг қатламлари йўғонлиги билан тахланадиган чоклар тузилмасига ўзгаришлар киритилади. Бу каби тадбирлар кўпҳолларда костюм ва палъто матолари учун қўлланилади. Ипли бирикмаларнинг режимлари уланадиган материалларнинг йўғонлигига қараб танланади. Материалларнинг йўғонлигини ошиши уни игна билан тешиш кучи ортади ва қавиқ кўриниши шартлари ёмонлашади. Бирикадиган материалларнинг йўғонлигига қараб турли тикув машиналари ва уларга мосламалар қўлланилади. Тўкилиш деб, ипларни матонинг очиқ кесимларидан тўқилиши аталади. У матонинг тузилиш хусусиятига боғлиқ ва кесим қиялиги бурчагидан то асоснинг ипи йўналишига қараб ўзгаради. Кўп хилдаги матоларнинг максимал тўкилиши 15º ва 75º бурчаги остида асосдан ипга қараб, минимали эса – 45º бурчаги остида қисмларни бичиш вақтида кузатилади. Тикиш ва фойдаланиш жараёнида қисмлар кесимларида тўкилишни камайтириш учун қуйидаги технологик усуллар қўлланилади: 1) «Тикув маҳсулотлари. Қавиқ, чок, бахяларга бўлган техник талаблар» ГОСТ 17-835—80да келтирилган чок эни оралиқ масофаси максимал миқдоргача ошириш;

2) кўкланадиган чокларни бажаришда 10 мм. чокда қавиқ миқдорини ошириш; 3) йенгил тўқиладиган материалларнинг кесимларини кўклашда кантли тасмадан фойдаланилади. Тасмадан кесимларни кўклаш билан биргаликда фойдалинлади; 4) кесимларни йелимли полимер композиция билан синдириб қотирилади; 5) агарда кесимлар инсон танаси билан контакда бўлмаса, таркиби 65 % дан юқори бўлган термопластик сунъий тола ва ипли матонинг кесимларини эритиш; 6) чизиқли зичлиги 31 текс. дан ошмаган тикув ипини кўклаш учун қўлланилади. Бирикадиган материалларни тешиб, игнада бахялаш вақтида, иплар ёки кериш йўли билан толалар орасига ё бўлмаса ипга (толага) тегиши мумкин. Охирги ҳолатда ипдан тузилган толаларни қисман ёки ипларни бутунлай бузилишига олиб келади. Ипда бир қанча толаларни қисман бузилиши яширин кесилиши (прорубаемостъ), ипларни бутунлай бузилиши эса – аниқ кесилиш дейилади. Кесилиш маҳсулотнинг ташқи кўринишини ёмонлайди ва ипли чокларни мустаҳкамлигини пасайтиради. Кесилиш материалнинг хусусиятига ва тикиш режимларига боғлиқ. Кесилиш чеклаб бўлмайдиган нуқсон ҳисобланади. Шунинг учун янги материаллардан бўлган моделларни ишлаб чиқаришга туширишдан олдин кесилишга синовлар ўтказилади. Кесилишни пасайтириш бўйича асосий тадбир бўлиб қуйидагилар ҳисобланади: 1) думалоқ конусли қайралган тиғли эмас, балки шарсимон ингичка тикув игналарни қўллаш; 2) Игнали пластинада игна тешигининг диаметрини катталаштириш.

Кесилишнинг пасайтирилиши бошқа технологик усули бўлиб, бирикма турларини – ипни заклёпкага алмаштириш ҳисобланади. Бундай алмашинув айниқса илгакларни тайёрлашда эффектив бўлади. Буюмни тикиш жараёнига тикув иплари хусусиятининг таъсири Либос қисмларининг ипли бирикувининг сифати қуйидаги омилларга боғлиқ: • қўлланиладиган тикув ипларини ассортименти (толали таркиб, техник характеристикалар, хусусиятлар); • чокларни бажаришдаги технологик параметрлари; • тикувчилик ипларининг тўқимачилик материалларнинг бирикув хусусияти билан мослиги; • ипли бирикмаларга қўйилган талабни таъминлаш. Ипли бирикма сифати чокларни бажарадиган рационал технологик параметрлар билан таъминланади. Шундай қилиб, қавиқларнинг такрорланиши тикувчилик ипларининг мустаҳкамлигига таъсир қилади: у қанча кўпбўлса, ипнинг мустаҳкамлиги шунчалик йўқолади. 10 мм. чокли қавиқлар миқдори 2.5дан то 7.0гача ошиши ипгазлама ипларни 14-17 %гача, армирли 19 %гача, лавсан комплексини – 9 %, штапелларини – 10 %гача мустаҳкамлигини йўқолишини ошишига олиб келади. Армирли ипларда пахта толаси комплекс ипларни юзаси бўйича силжийди. Ипли бирикмалар сифатига катта таъсирни технологик ускунани тўғри танлаш кўрсатади: тикувчилик машинасининг тоифаси, тури, игнанинг қайралиши шакли ва диаметри, тикувчилик машинасининг бош валини айланиш тезлиги. Игнанинг қайралишини шаклини тўғри танлаш тикувчилик ипнинг йўғонлигини тўғри танлаш билан мос бўлиши керак.

Тикувчилик буюмларининг технологиясига ипларнинг баъзи параметрлари ва бирикадиган материаллар турига таъсир кўрсатиши жадвалда келтирилган. жадвал. Чокларни тайёрлашнинг технологик талаблари (ГОСТ 28073-89) Тикувчилик буюмларини нам-иссиқ ишлов жараёнида тўқумачилик материалларнинг таъсири Нам-иссиқ ишлов бериш кўп босқичли жараён бўлиб, ҳар бир босқичда тўқмачилик материалларини жиддий иш тартиби асосида, ўзгаришларни ҳисобга олган ҳолда амалга оширилади. Ҳар бир босқичнинг бошланишида тўқмачилик материалларида маълум ўзгаришлар рўй бериши лозим. Масалан, материални формалашни (муайян шаклга келтириш), (шаклни ўзгартириш), фақат уни кейинги босқичда пластиклашдан (мутаносиблик) сўнг ўтказиш мумкин бўлади. Ипнинг бирикиш ҳолатидаги каби барча жараёнларнинг миқдорий аҳамиятини аниқлаш бошланғич маълумотлар таҳлилига асосланади. Бунда у ўз ичига қайта ишланган материаллар хоссалари кўрсаткичини олади.

Исталган тўқимачилик материалларида бажарилиши мумкин бўлган ипнинг бирикиш амалиётидан фарқли ўлароқ, намчил-иссиқ ишлов бериш жойи чегараланган бўлади. Чегараланишнинг сабаблари қуйидагилардан иборат: 1) нам-иссиқ ишлов беришни ўтказишда ҳамда сўнгги барқарор технологик таъсирга эга бўлиш учун, бир қатор зарур тўқмачилик материаллари хоссаларининг етишмаслиги; 2) нам-иссиқ ишлов берилганидан сўнг, матодаги ташқи кўринишнинг ёмонлашуви. Тўқмачилик материалини қиздириш ва намлаш — материални деформациялашда зарур бўлган енгилликни туғдиради. Материални деформациялаш ва деформация ҳолатида етганида мустаҳкамлаш, намиссиқ ишлов беришнинг асосий мазмуни саналади. Гарчи нам-иссиқ ишлов беришнинг асосий параметрлари у қадар катта эмас (улар тўртта: ишчи орган ҳарорати ва иссиқлик тарқатувчи, ортиқча намлик, механик ишнинг катталиги ва вақт), уларнинг катта миқдордаги хоссаларга боғлиқлиги ва ишлов берилаётган тўқмачилик материалларининг хусусияти рационал режим ишловини ўта даражада мураккаблаштиради. схемада намчил-иссиқ ишлов беришнинг барча босқичларидан ўтувчи шартларга таъсир қилувчи тўқмачилик материалларининг хоссалари кўрсатиб ўтилган. Нам-иссиқ ишлов беришнинг рационал режимини аниқлаш жараёнида юқорида санаб ўтилган хоссаларга эътиборсизлик қуйидагича акс этиши мумкин: • намчил-иссиқ ишлов беришни ўтказишда сифатсиз жараёнлар ўтказиш (талабларнинг технологик таъсир шартларига кўра бўлмаслиги); • ташқи кўринишдаги нуқсонларнинг кўзга ташланиши (ялтироқ доғлар, рангларнинг ўзгариши, иссиқликдаги киришиш); • бартараф қилиб бўлмайдиган нуқсоннинг юзага келиши (безакли буюмларга ишлатиладиган деталлар, локал термоқисқариш);

• жараённинг норационал қурилиши (муддатнинг узайиши, энергия сарфининг ўсиши); • иш жойида меҳнат талабларининг мураккаблашиши — агар уларда термик ажралиш ҳолати рўй берса, газсимон маҳсулотлар, тола бўёғи ва пардозлаш маҳсулотларидан ишчи ҳудудга ҳаво ажратиш; • визуал йўқолмаган, аммо эксплуатация вақтида матоларнинг истеъмол хусусиятлари кўрсаткичининг ёмонлашуви (пардозлаш моддасининг қисман бузилиши, ишқаланишга бўлган бардошлиликнинг пасайиши ва ҳ.к.).

Схема Нам-иссиқ ишлов бериш жараёнига таъсир этувчи тўқмачилик матолларининг хоссалари ва хусусиятлари Толали таркибга кирувчи тўқмачилик материалларининг ўзига хос хосса ва хусусияти муҳим аҳамиятга эга. Сабаби, у қолган кўрсаткичларнинг хоссаларини аҳамиятга эга бир даражада, муайян шаклга солади. Материалларнинг толали хоссаси қуйидагиларга ўз таъсирини ўтказади: 1) жараёнларининг режими ва уларни ўтказишда техник талаблар;

2) нам-иссиқ ишлов беришдан сўнг, нуқсонларнинг характери ва сони; 3) термобардошлиллик; 4) нам тортувчанлик. Нам-иссиқ ишлов берилгандан сўнг, нотўғри танланган усул кўнгилга хуш келмайдиган нуқсонларни юзага келтириши ҳам мумкин. Уларнинг орасида қўшимча технологик жараёнлар ёрдамида бартараф этиш мумкин бўлган нуқсонлар ва тўғрилаб бўлмайдиганлари ҳам учраб туради. Кўпчилик тўқмачилик материаллари қизиш ва намланиш жараёнида ўзларининг шакл ўзгаришидаги хусусиятларини ўзгартира олиш қобилиятига эга. Мана шу нарса либос тайёрлашда нам-иссиқ ишловдан фойдаланишни тақозо этади. Шакл ўзгариши таркибий қисмини бошқариш қуйидагиларни тайёрлайди: 1) тўқмачилик материалининг ҳароратини ўзгартириш йўли билан (барча материаллар учун); 2) тўқмачилик материалларининг ҳарорати ва улардаги ортиқча намчилликни ўзгартириш йўли билан (кўпроқ ўзида табиий толага эга бўлган матолар). Тўқмачилик материалларнинг шаклни ўзгартириш хусусиятларида қуйидагилар назарда тутилади. 1) деталлар конструкциясини ишлаш жараёнида; 2) технологик жараёнларни ишлаш вақтида; 3) нам-иссиқ ишлов бериш учун ишчи органлар ускуналарини лойиҳалаш. Нам-иссиқ ишлов бериш жараёнида тўқмачилик материаллари 100- 150°С даражага қадар қиздирилиши ва уларнинг оғирлигидан келиб чиққан ҳолда, намликни ютиш миқдори 20-30% ташкил этиши мумкин. Текстиль материалига мана шундай катта таъсир ўтказиш қуйидаги ички жараёнларнинг ривожланишига олиб келади:

1) ипларнинг қисқариши, тола ва иплар бўртиши натижасида улардаги эғилишнингортиши; 2) уларни ишлаб чиқаришда вужудга келадиган толаларнинг қолдиқли кучланиш релаксацияси, тўқа ва матолар. Нам-иссиқ қайта ишлашдан сўнг, мана шу икки омил тўқмачилик материаллари чизиқли ўлчамларининг ўзгаришига асосий сабабчилардан бири саналади. Иссиқдан киришиш тикувчилик буюмнинг тайёрлашда тузатишлар киритишга туртки беради ва уни конструктив ишлашда ҳисобни амалга оширишни талаб этади. Технологияда иссиқдан киришиш ҳисоби қуйидаги ўзгаришларга олиб келади: 1) ўлчамларга янада аниқлик киритиш мақсадида қўшимча жараёнларни қўллаш ва уларга иссиқ таъсир ўтказилганидан сўнг қисмларни қирқиш; 2) бирикадиган кесимларда қўшимча назорат белгилар қўйиб чиқилади. Бир қанча материаллардан ташкил топган тикувчилик буюмларини монтаж қилишда иссиқдан киришишга негатив таъсирнинг мустасно ҳолатида, йиғиш тартибига ўзгартириш киритилади. Масалан, астар матони иссиқдан киришиб қолиши сабабли аёллар палътосининг астарини пастки қисмини чоклаш ва тикиш охирги НИИдан сўнг амалга оширилади. Маҳсулотнинг конструкциясини ишлаш жараёнида айнан худди ўша қисмнинг ишлаб чиқариш жараёнида неча марта иситиш қайта ишловига дуч келишини ҳам ҳисобга олиш лозим бўлади. Иссиқ ўтказувчанлик материал ва материаллар пакетининг қизиш тезлигини ва НИИнинг алоҳида босқичларини узайишини аниқлайди. Тўқмачилик материаллар учун ҳарорат кўтарилиши билан иссиқ ўтказувчанликни ортиши ўзига хосдир. Иссиқ ўтказувчанлик, турли материаллардан ва ҳар хил иссиқ ўтказувчанликка эга прессланадиган пакетга иссиқ ўтказиш йўналишини танлашга таъсир кўрсатади.

Иссиқлик чиқариш тўқмачилик материалларнинг буғланиш ва деформациядан сўнг совутиш тезлигини аниқлайди. Бардошли қотиши учун НИИ ўтказилгандан сўнг материал қисқа вақт мобайнида совиши шарт. Ушбу жараённи ўтиши учун материалнинг тузилиши хусусиятлари таъсир кўрсатади. Тўқмачилик материалини тезда совитиш учун унинг ичидаги ҳавони қисқа вақт оралиғида совитиш лозим. Бошқа сўз билан айтганда, тўқмачилик материал ичида жойлашган иссиқ ҳавони совуқ ҳавога алмаштириш керак. Бундай совитиш оригинал технологик ечимини қўллаш йўли билан амалга ошади. Тўқмачилик материалларининг тузилиши хусусиятларини ҳисобга олиб, махсус вакуумотсослар ёрдамида тўқмачилик материалдан ишлаб чиқариш хонасининг ҳавосини сўриб олиш йўли орқали амалга оширади. Ҳаво ўтказувчанлик тўқмачилик материалларининг асосий тикув кўрсаткичларидан бўлиб, НИИ жараёнларида унинг иссиқфизик хусусиятларини аниқлайди. Ҳаво ўтказувчанлик материалнинг хусусияти (тузилиши, йўғонлиги, ҳажмли оғирлиги) ва ташқи шароитлар (ҳаво босими, пресслашни кучайтирилиши, бир вақтнинг ўзида прессланган қатламлар) орқали аниқланади. НИИ вақтида тўқмачилик материал орқали ҳаволи буғ аралашмаси уни қиздириш ва пластификациялаш ҳамда кейинги совиши учун ҳаво босиб чиқарилади. Табиийки, айтиб ўтилган газ аралшамаларининг материал ёки пакет орқали ўтиш тезлиги унинг босқич давомийлиги ва бажариш сифатига таъсир этади. НИИдан сўнг материалларнинг ҳаво ўтказувчанлиги толаларнинг иссиқдан киришиши ва мато ичидаги коваклар кичрайиши туфайли камайиши мумкин. Материалнинг юзаси ҳолатини баҳолашда асосий эътиборни қуйидаги омилларга қаратиш лозим: 1) йўналтирилган расмли бўлиши;

2) тукли (таралган ёки кесма) бўлиши; 3) камчиликларни (аркокли ипларини нуқсони, кромкани тортилгани, ҳар хил тусли) бўлиши. Катак ёки йўл-йўл классик расмли матолар бир текис бўялган матоларга нисбатан қайта ишланиши мураккабдир. Йўналган расмли бўлиши уни мос келтириш зарурияти туфайли, яъни берилган йўналишни таъминлаш учун симметрик қисмлар ва тугунларни тайёрлаш ишларини мураккаблаштиради. Шунинг учун маҳсулотни бичиш махсус қоида орқали бажарилади, унинг технологиясига эса либосга бўлган мода талабларига қараб ўзгартиришлар киритилади. Бунда мода йўналиши билан ҳамоҳанг равишда ишлаш босқичида асосий эътибор модели, лойиҳавий-технологик ва бошқа омиллар, шунингдек, мақсади ва фойдаланиш шартларини ҳисобга олиб, материалнинг табиий-механик хусусиятларига аниқ бир талабни юзага чиқаришга қаратилиши лозим. Тикувчилик саноатида материалларни хусусиятини кўптомонлама ҳисоботи замонавий талабга жавоб берувчи маҳсулотни яратишга– «инсон – маҳсулот – атрофмуҳит» тизимида маҳсулотдан фойдаланишда ҳам, тайёрлашда ҳам максимал фойдали эффект олишга ёрдам беради.

Адабиётлар: 1.Алыменкова Н.Д. Ассортимент плательных тканей. М., 1995. 2.Ассортимент, свойства и технические требования к материалам для одежды / Гущина К. Г., Беляева С. А. и др. Л., 1978. 3. Бузов Б.А., Румянцева Г.П. Материалы для одежды. Учебное пособие. Издский центр «Академия» 2010 г. 4.Бузов Б. А., Модестова Т. А., Алыменкова Н. Д. Материаловедение швейного производства. М., 1986. 5.Беляева С. А. Оптимальные пакеты швейных изделий различного ассортимента для обеспечения выпуска высококачественной одежды. М., 1989. 6.Град И. Н., Авсеев Е. П., Летроченко В. Ф. Организация рационал’ного использования материалов в швейной промышленности. М., 1986. 7. Делль Р. А., Афанасьев Р. Ф., Чубарова 3. С. Гигиена одежды. М., 1991. 8.Иванникова И. М. Ассортимент и свойства л’няных и шелковых тканей. М, 1985. 9.Иванова М. И., Шакланов И. Г., Панасенко В. А. Товароведение обувных товаров. М., 1990.

O'xshashlar

Кийимларнинг ҳар хил гуруҳлари ва турлари учун материалларни конфекциялашнинг тамойиллари

Либоснинг тузилиши ва бардошлилиги

Материал, детал ва маҳсулотларни узатиш

Костюм композициясидаги материал ва декор

Машиналарнинг пухталиги ва чидамлилиги тугрисида умумий тушунчалар.doc