Ёғоч массадан қоғоз олиш - To'qimachilik - Referatlar

Ёғоч массадан қоғоз олиш

Yuklangan vaqt:

25.04.2023

Ko'chirishlar soni:

0

Hajmi:

109 KB

Ko'chirib olish

Ёғоч массадан қоғоз олиш Режа: 1. Масса тайёрлаш 2. Қоғоз олиш

Ҳозирги вақтда 5000дан ортиқ қоғоз нави ёки тури мавжуд. Одатда улар уч та асосий синфга бўлинади: 1) қоғоз-масалан, ўров, гигиена, ёзув ва босма қоғозлар; 2) картон – масалан, ишлаб чиқаришда ишлатиладиган қути (тара) қоғозлари; 3) қурилиш – картонлари (ҳимояловчи, шиббаловчи), асосан қурилиш соҳасида ишлатиладиган қоғозлар. Қоғоз ишлаб чиқаришнинг усуллари жуда кўп. Қоғоз, асосан, толали табиий полимер хомашёдан (дарахт, бир йиллик ўсимликлар, пахта момиғи) ва уларга қисман кимёвий толалар қўшиб олинади. Энди булардан саноатда кўплаб ишлаб чиқарилаётган турларига тўхталиб ўтамиз. Масса тайёрлаш Қоғоз массасини ишлаб чиқариш . Қоғоз массасини тайёрлаш учун таркибида целлюлозага бой ёғоч, пахта момиғи ва бошқа хомашёлар ишлатилади. Ёғоч масса . Қоғоз массасини тайёрлаш учун ёғоч асосий материал ҳисобланади. Ҳар хил узунликдаги ёғочдан узунлиги 1,2 м бўлган ғўла тайёрланиб, целлюлоза-қоғоз ишлаб чиқариш корхоналарида целлюлозасини ажратиб олиш учун пайрахаланади ва бу пайрахалардан масса тайёрланади. Ёғочдан қоғоз масса олиш жараёнлари . Қоғоз тайёрлаш барча толали материаллардан олингани учун улардан масса тайёрлаш ҳам хилма хил, лекин ёғочни қоғоз массасига айлантиришни уч асосий жараёнга ажратиш мумкин: механик, кимёвий ва яримкимёвий. Ғўлалар корхоналарга қобиғи шилинмаган холда келтирилади ва 28-расмдаги схема бўйича, тозаланади. Сўнгра, махсус машиналарда пайрахаланиб (6-7 см ), кейинги кимёвий ишлов бериш жараёнига тайёрланади. Механик жараён. Механик жараёнда ғўлаларнинг қобиғи тозаланиб, майдаланади (фибрилланади). Механик жараёнда кимёвий ўзгаришлар содир бўлмайди. Олинган ёғоч массасида ёғоч таркибидаги барча компонентлар сақланиб қолади. Масса пероксидлар билан оқартирилади, лекин вақт ўтиши

билан масса барқарор бўлмаганлиги учун айнийди. Майдалаш жараёнида толаларнинг бир қисми тугун кўринишга ўтиб қолади. Шунинг учун ёғоч массаси кимёвий жараёнлар ёрдамида олинган қоғоз массаси билан аралаштирилиб ишлатилади. расм . Механик масса таёрлаш ва ундан қоғоз олиш технологияси: 1- ёғоч омборхонаси; 2 – ёғоч қирқиш устахонаси; 3 – қобиғ шилувчи қурилма; 4 – пайрахалаш машинаси; 5 –пишириш қозони; 6 – газсизлантирувчи сиғим; 7 – ювиш агрегати; 8 – саралаш ваннаси; 9 - оқартириш сиғимлари; 10 – ролл; 11 – рафинёр; 12 – машина ҳовзаси; 13 – тўр; 14 – валцловчи пресслар; 15 – қуритиш цилиндрлар.

Сульфитли жараён . Қоғоз массани сульфитли жараёнда ўтказишда пайрахаларга пишириш суюқликлари билан ишлов берилади. Бу суюқлик таркибида бисульфит иони ( HSO 3 2– ) бўлган кальций ёки магний, аммиак ёки натрий аралашмаларидан иборат бўлади. Кальций-магний аралашмаси асосида целлюлоза олинади ва бу целлюлоза механик ишқаланишларга чидамли ҳисобланади. Оқартирилмаган масса механик масса билан аралаштирилган ҳолда картон, газета учун, оқартирилгани эса барча оқ қоғозлар олишда ишлатилади. Қоғоз массасини ишлаб чиқаришда нейтрал сульфит реагентидан ҳам фойдаланиш мумкин. Лекин унинг қимматлиги ва регенирациялаш жараёнининг мураккаблиги сабабли кенг қўлланилмайди. Содали жараён . Бу жараён ишқорий жараённинг бир тури ҳисобланади. Пайрахалар каустик сода эритмасида ёки натрий ишқорида пиширилади. Содали қоғоз массаси асосан қаттиқ дарахтдан (тоғ терак, терак) олинади. Бу масса сульфит усулида олинган масса билан аралаштирилиб, босма қоғоз тайёрлашда ишлатилади. Сульфатли жараён . Бу жараён ҳам ишқорий ҳисобланади. Пишириш эритмаси каустик бўлиб, масса тайёрлашни тезлаштириш учун олтингугурт қўшилади. Сульфатли жараён асосан механик пишиқ қоғозлар (ўров қоғоз, картон) олишда ишлатилади. Бу жараён учун масса қарағай дарахтидан тайёрланади. Яримкимёвий жараён . Жараён механик ва кимёвий жараёнлар аралашмасидан ташкил топган. Ёғоч кимёвий моддалар билан бир оз қиздирилади. Натижада толалар орасидаги боғлар кучсизланади. Усулнинг бошқа тури – пайрахалар ишқорнинг кучсиз эритмаси билан атмосфера босимида қиздирилиб, ишлов берилади. Сўнгра майдаланади. Қоғоз олиш Қоғоз қуюиш машинаси . Массани қоғоз шаклига келтириш қоғоз қуйиш машинасида (ҚҚМ) бажарилади. Қоғоз ва картон тайёрлаш учун икки

турдаги машиналар мавжуд: текс тўрли ва думалоқ (цилиндр) тўрли. Текс тўрли машинада бир қаватли қоғоз, цилиндрлида – кўп қаватли картон ишлаб чиқарилади. Текс тўрли машина . Тўрнинг узунлиги 15 м ва ундан кўпроқ бўлиб, симдан тўқилган ва таранг қилиб тортилган бўлади. Қоғоз масса (концентрацияси 0,5 %) ҳаракатдаги тўрнинг бош қисмига босим яшигидан бир меъёрда бериб турилади. Сувнинг асосий қисми тўрнинг ҳаракати натижасида тўрдан ўтиб кетади, толалар эса нам полотнога айланади. Бу полотно жундан тўқилган сукно билан бирнечта валлардан ўтиб сувисизлантирилади. Сўрувчи яшиклар, тўр ва унинг компонетлари машинанинг ҳўл қисмини ташкил этади. Полотно ҚҚМнинг қуритиш қисмига келади. Одатда, машинанинг қуритиш қисми бир катор, ичи бўш, диаметри 1,2 м ли цилиндрлардан иборат бўлиб, буғ билан қиздирилади. Цилиндрлар қалин сукно билан сиқиб турилади ва қоғоз полотнонинг биридан иккинчисига ўтишини таъминлайди. Қуритилган қоғоз полотнони намлиги 5...10 % ни ташкил этади. Қоғоз машинанинг пардозлаш қисмига берилади. Бу қисм цилиндрли суперкаландрлардан иборат бўлиб, цилиндрлар сони 12 тагача бўлиши мумкин. Каландрлардан ўтган силлиқ қоғоз рулон шаклида ўралади. Рулонлар босмахоналарга ёки қоғозга қўшимча ишлов бериш (бўрлаш, форматларга қирқиш) корхоналарига юборилади.

Адабиётлар : 1. Пузыров С. С . Методическое указания к курсовому и дипломному проектированию для студентов специальности 0904. Ленинград. 1987. 2. Раҳмонбердиев Ғ. Р., Примқулов М. Т., Акмалова Г. Ю . 3. Целлюлоза-қоғоз ишлаб чиқариш технологиясидан амалий ишлар. Тошкент2007. 4. Бобров Ю. А. , Викене Л. Я. Расчёт мокрой части бумагоделательной машины. С. - Петербург, ЛТА, 1992. 5. Махонин А. Г. Технология целлюлозно-бумажного производства. Расчёт мешальных бассейнов. Ленинград, 1974. 6. Технология целлюлозно-бумажного производства . В трёх томах. том 2, часть первая: Технология производства и обработки бумаги и картона. «Политика» Издательство, С.-Петербург, 2005. 7. Кадыров Б. Г., Ташпулатов Ю. Т., Примкулов М. Т. Технология хлопкового линта, целлюлозы и бумаги. «Фан», Ташкент, 2005. 8. Кугушев И.Д., Слуцкий А. Е . Расчет обезвоживания в мокрой части бумагоделательных машин. – Л.: ЛТА, 1982. – 102 с. 9. Сеточные части бумаго – и картоноделательных машин / И . Д. Кугушев, О. А. Тереньтев, Н. Н. Кокушин, Ю. Н. Швецов. –СПб.: СПбТРП. 2000.– 98 с. 10. Рябченко С. В. Расчёт материальных балансов производства бумаги и картона на ЭВМ ЕС. 1020: методич. Указания. – Л.: ЛТИ ЦБП. 1988. – 20 с.

O'xshashlar

Қоғоз қуйиш агрегати

Ёғоч целлюлозасини ишлаб чиқариш

Бир йиллик ўсимликлардан целлюлоза олиш

Вискоза олиш жиҳозлари

Нитрон толасини олиш агрегати когоз куйиш агрегаги