нутк товушларининг узгариши - Tilshunoslik - Referatlar

нутк товушларининг узгариши

Yuklangan vaqt:

20.09.2019

Ko'chirishlar soni:

0

Hajmi:

61 KB

Ko'chirib olish

Нутк товушларининг ўзгариши Режа: 1. Нутқ товушларининг комбинатор ўзгаришлари: 1) Ассимиляция; 2) диссимиляция; 3) метатеза. 2. Нутқ товушларининг позицион ўзгаришлари: 1) Редукция; 2) элизия; 3) апакона; 4) протеза; 5) эпентеза; 6) эпитеза. 1. Транскрипция (Фонетик ёзув). Фонетик сўз таркибидаги товушлар талаффуз пайтида якка ҳолда эмас, маълум тартибда бириккан ҳолда келади. Сўзларни талаффуз қилганда, товушлар ўзаро бир-бирига таъсир қилади, натижада товуш ўзгариши рўй беради. Масалан, кет

сўзига ўтган замон аффикси – ди қўшилганда, сўз охиридаги т товуши аффиксдаги д ундошига таъсир қилиб, уни т товушига айлантиради: кет +ди=кетти (ёзилиши: кетди); бир саноқ сонига дона сон аффикси -та қўшилганда, аффиксдаги т ундошининг таъсири натижасида сўзнинг охиридаги р ундоши т га ўтади: бир +та=битта каби. Сўз таркибидаги товушларнинг ўзаро таъсирига кўра товушлардан бири иккинчи бир товушни ўзига айнан ёки қисман ўхшаш товушга айлантиради. Масалан, эк+ган=эккан (ўзакдаги к товуши аффикс таркибидаги г ни айнан ўзига ўхшаш товуш к га айлантиради); ош+ган=ошкан (ўзакдаги ш жарангсиз товуш аффикс таркибидаги г ни қисман ўзига ўхшаш товуш к га айлантиради, ёзилиши: ошган ). Шунга кўра ассимиляция 2 хил бўлади: 1) тўлиқ ассимиляция; 2) тўлиқсиз ассимиляция. Сўз таркибидаги бир товушнинг иккинчи бир товушни айнан ўзи каби товушга айлантириши тўлиқ ассимиляциядир : чиқ+гач=чиққач, ет+ди=етти (ёзилиши: етди), иш+ни=ишши (ёзилиши: ишни), биз+ни=биззи (ёзилиши: бизни). Сўз таркибидаги бир товушнинг иккинчи бир товушни қисман ўзига ўхшатиб олиши тўлиқсиз ассимиляция бўлади: шош+ди=шошти, бош+да=бошта, оқшом-оҳшом (ёзилиши: шошди, бошда, оқшом). Ассимиляция яна прогрессив ва регрессив бўлади. Прогрессив ассимиляцияда олдинги товуш ўзидан кейинги товушни ўзига ўхшатиб олади: терак+га=теракка, ариқ+га=ариққа, қиш+да=қишта (ёзилиши: қишда).

Регрессив ассимиляцияда кейинги товуш ўзидан олдинги товушни ўзига ўхшатади: нонвой=новвой, шанба-шамба (ёзилиши: шанба) бир+та=битта. Диссимиляция (ноўхшашлик) ҳодисаси ассимиляциянинг тескарисидир. Бу ҳодисага кўра икки айнан ёки қисман ўхшаш товушдан бири ўзгариб, ноўхшаш товушга айланиб қолади. Масалан, зарур > зарил , коридор > калидор , нодон > лодон , бебош > бевош каби. Сўз таркибидаги айрим товушларнинг талаффузда ўрин алмашувига метатеза дейилади, масалан, дарйо ( дарё ) – дайро , аҳвол - авҳол ( ҳв>вҳ ) тупроқ-турпоқ ( пр>рп ), ёмғир - ёғмир ( мғ>ғм ).

Товушларнинг сўздаги ўрни билан боғлиқ ҳолда юз берадиган ўзгариши позицион ўзгариш дейилади. Товушларнинг сўз таркибидаги ўрни унинг позициясини ташкил қилади. Товушнинг сўздаги ўрни, мавқеи турлича бўлади, у сўзнинг бошида, охирида, урғули ёки урғусиз бўғинда келиши мумкин. Шуларга кўра товушлар турлича ўзгаради. Масалан, б, д ундоши сўз охирида келиб, жарангсиз талаффуз қилинади: мактаб - мактап , китоб - китоп , озод - озот , авлод - авлот (ёзилиши: мактаб , китоб , озод , авлод ). Русча-байналминал сўзларнинг урғусиз бўғинида о товуши а ёки и тарзида айтилади: октябрь , ноябрь , директор , ректор сўзлари актябрь , наябрь , директир , ректир каби талаффуз қилинади ва ҳ.к. Товушларнинг позицион ўзгаришларига асосан, қуйидаги ҳодисалар киради: редукция , элизия , апакопа , протеза , эпентеза , эпитеза ва бошқалар. Редукция ҳодисасига кўра, айрим сўзлардаги и , у унлилари кучсизланиб, қисқа талаффуз қилинади. Масалан, бил , бир , тил , тун , кун каби бир бўғинли сўзларда киши , билан , билак , тирак , бурун каби кўп бўғинли сўзларнинг биринчи бўғинларида и , у унлилари кучсизланиб, қисқа айтилади. Элизияга кўра сўз таркибидаги товуш тушиб қолади: синг + лим қ синглим , бурун + и = бурни , бора + олмади = боролмади , келар + экан = келаркан каби. Сўз охирида унли ёки ундош товушнинг тушиб қолиши апакона ҳодисасига олиб келади. Масалан: дўст - дўс , Тошкент -

Тошкан , фарзанд - фарзан , газета - газет (ёзилиши: дўст , Тошкент , фарзанд , газета ). Протезада сўз бошида битта унли орттирилади. Масалан: стол - устол , стул - устул , шкаф - ишкоп . Эпентеза ҳодисасига биноан сўз бошида, ўртасида, охирида икки ундош қатор келганда, улар орасида и , баъзан у ва а унлиси орттирилади: фикр - фикир , ҳукм - ҳукум , доклад - дакалат , трактор - тирактир . Эпитезага кўра сўз охирида келган икки ундошдан сўнг а унлиси орттирилади: киоск - киоска , отпуск - отпуска , танк - танка . 2. Фонетик ёзув (транскрипция). Адабий-орфографик нутқнинг ёзма шакли одатда алфавитдаги ҳарфлар воситасида шаклланади (ифодаланади). Алфавитдаги ҳарфлар оғзаки нутқимиздаги турли-туман товуш ўзгаришларини тўлиқ акс эттиролмайди. Шунинг учун ҳам оғзаки нутқда товушларнинг турлича ўзгаришларини, ҳар хил вариантда талаффуз этилишини ёзувда тасвирлаб кўрсатиш учун махсус белги- ҳарфлардан фойдаланилади. Бундай махсус белги-ҳарфлар ёрдамида нутқни айнан талаффуздагидек тарзда ёзиб олиш транскрипция дейилади. Транскрипция- испанча қайта ёзиш демакдир. Масалан, адабий орфографик шаклда «демократия» тарзида ёзиладиган сўз, транскрипцияда дэмократика тарзида; достон сўзи дастон тарзида; доно сўзи до:но тарзида; мўл сўзи мол тарзида; ўқит сўзи оқьт тарзида; зи:рай тарзида ёзиб кўрсатилади. Демак, фонетик ёзув (транскрипция)да алифбодаги ҳарфлар ўрни билан айнан, ўрни билан ўзгартирилган, ўрни билан қўшимча

шартли белгилардан фойдаланган ҳолда талаффуз шаклига мос ҳолда ёзилади. Транскрипциядаги кўпчилик белгилар алифбодаги ҳарфларнинг айнан ўзи, чунончи, а-қарға, буғ, буйруқ кабиларда а, и, у унлилари адабий орфографик шаклдагидек ёзилади. Аммо у унлиси транскрипцияда о-тарзида а унлисининг а варианти, у унлисининг у варианти; и унлисининг ь вариантлари қўлланиши мумкин. Ундош ҳарфларнинг қўлланишида ҳам маълум транскрипцион вариантлардан фойдаланилади. Масалан, в ҳарфи лаб-тиш ундошини, ф ҳарфи лаб-тиш ундошини, f варианти эса лаб-лаб ф ни ифодалаш учун ифодалайди. Аммо ундош ҳарфларнинг асосий кўпчилиги ўз вазифасида ишлатилади. Adabiyot :

1. Р.Икромова, 2. Д.Мухамедова, 3. Д.Шодмонкулова, 4. Х.Гуломова, 5. М.Максудова. 6. www . ziyonet . uz 7. www . nur . uz

O'xshashlar

Нутк товушлари таснифи

Тил ва нутк

Фонетика укитиш усуллари

Услубият хакида умумий тушунча. Нутк услублари

Фонетика. Нутк товушлари. Унли ва ундош товушлар