Паразитларга қарши препаратлар ва уларнинг тавсифи - Tibbiyot - Referatlar

Паразитларга қарши препаратлар ва уларнинг тавсифи

Yuklangan vaqt:

16.02.2024

Ko'chirishlar soni:

0

Hajmi:

78.5 KB

Ko'chirib olish

Паразитларга қарши препаратлар ва уларнинг тавсифи Режа: 1. Макмирор ( нифуратель ) 2. Метронидазол - Metronidazolum 3. Фуразолидон -Furazolidanum 4. Безгакка қарши препаратлар

Макмирор (нифуратель) - 5-нитрофурандан ҳосил бўлган бўлиб, ҳозирги кунда лямблиоз билан касалланган болалар ва катталарни даволашда жуда кенг қўлланилмоқда. Бошқа нитрофуран препаратлардан фарқли равишда, нифуратель таркибида тиоэфир ( SEH ) гуруҳни сақлайди, бу эса унинг микробга қарши таъсир самарасини оширади. Препарат тез сўрилади, 2 соат давомида плазмада максимал концентрацияга эга бўлади. Организмдан (почка) буйраклар орқали чиқарилади. Нифурателнинг таъсир механизми энзим занжирлари қаторининг блокланиши ва трансляциянинг энг эрта босқичларида рибосомадаги оқсил синтезининг ингибарланиши билан ифодаланади. Препаратнинг таъсири 95% га кўтарилади. Терапевтик концентрацияси 8-10 соат давомида турғун сақланади. Лямблиозда даволаш учун препаратнинг катталарда-400 мг 7 кун давомида кунига 2-3 марта болаларда тана массасини 15 мг/кг қисмига ҳисоблаб 5-7 кун давомида суткасида 2 марта миқдори берилади. Нифуратель - ҳам токсик (заҳарлиги оз), теротоген ва концероген таъсирига эга эмас, бу эса препаратни болалар ҳомиладорларга даволаш учун қўллашга имкон беради. Баъзи ҳолларда препаратнинг дискомфорт ва аллергик реакция каби салбий таъсири намоён бўлади. Бундай таъсир 2% дан ошмайди. Лямблиозни даволашда унинг эффективлиги 96-98% ни ташкил этади. Агар препарат самарасиз бўлса у ҳолда даволаш курси 2-5 ҳафтадан сўнг такрорланади. Такрорий давони худди шу дозада ўтказиш 100% натижани таъминлайди. Метронидазол- Metronidazolum (синоним. Ғ lagul , Trichopol , Esloran , Metronil ва бошқалар) анаэроб микроорганизмлар учун заҳарли бўлиб, ДНК ни ингибирлайди. У мутагенлик, ўсма ҳужайрасига радиация кириш эффектини потенцирлаш таъсир хусусиятига эга бўлиб, оғиз орқали қабул қилинганда яхши сўрилади.

Адсорбцияси қаришиб, кўп қисми ингичка ичакда оз қисмигина йўғон ичакда тугалланади. Дуоденал суюқликнинг микроскопик текширувлари- фекал текширувлар олдида ҳеч қандай хусусиятга эга эмас. Биологик хусусияти 100% плазмадан ярим миқдорини 8-10 соат. Оқсил плазмаси билан бирга 10% препарат бирланади. Метронидазол организм суюқликлари Рт тўқимасига яхши сингади, рационал секрет, сўлак, гемотоэнцефалитик тўқимадан ўтиб, цереброспинал суюқликда терапевтик концентрацияни ташкил этади. Маълум миқдорда кўкрак сутида ҳам ажралади. Шунинг учун ҳомиладор аёлларда ва лактация даврида метронидазол тавсия қилинмайди. Бу препарат буйраклар, ўт кал орқали чиқарилади, шунинг учун 15-58% модда ўзгармаган ҳолда экскрецияланади. Қолган қисми метаболитлар кўришда чиқарилади. Лямблиозда метронидазол қўллашнинг 2 та асосий тизмаси мавжуд. 1) суткасига 3 марта, 5 сутка давомида 400 мг дозада 2) 10 кун давомида қабул қилинади, катталарда суткалик дозаси 500 мг, болаларда 1 кг массага 5 мг кунига 3 маҳал (болаларда максимал суткалик дозаси 10 ёшда 300 мг). Кўнгил айниш, қусиш, анорекция, қоринда оғриқ оғизда метал таъм сезиш каби белгилар билан кечади. Кам ҳолларда бош оғриши, бош айланиши, бўғим ва мушакларда оғриқ, уртикар тошма терида гиперемия, стоматит, пиневит, цистит. Баъзи ҳолларда периферик нейропатия ва эпилептик тутқаноқ ривожланиш мумкин. Алькогол қабул қилувчи шахсларда метранидазол тетурамсимон реакцияларни юзага келтириши мумкин 15- 30% ҳолларда метронидазол қабул қилгандан сўнг, юқорида айтилган белгилар кузатилиши мумкин. Юқори сезгир, ҳомиладор ва кўкрак сути билан боқувчи аёлларда метронидазол билан даволаш ман этилади. Зарур бўлганда бола сунъий овқатлантиришга ўтказилади ва она метронидазол қабул қилиши мумкин. Даволаш жараёнида алкогол қабул қилиш ман этилади.

Ниридазол - ( Niriclazolum ) орал кўрсатмада ошқозон-ичак тракти орқали сўрилади ва жигарда тез метоболизмга учрайди, қонда маълум муддат метаболитлар кўринишда сақланади, организмдан буйраклар орқали чиқарилади. Сийдик ранги ўзгаради кулранг ёки қора тус олиб, ёмон ҳидли бўлади. Препарат қабул қилгандан 3 соат ўтгандан сўнг, ранги ўзгарган сийдик кўринишида чиқарилади ва 24-36 соат давом этади. Препарат 25 мг/кг дозада ором қабул қилиш учун берилади, бир неча муолажа олиб борилади. Даволош олиб борилади. Даволаш курси 5-7 кун давом этади. Ёмон оқибатлари-кўнгил айниш, қусиш, қоринда оғриқ. Бу асоратлар катталарда кўпроқ кузатилади. Препарат овқатдан кейин қабул қилинади. Оғир асорати МАТ нинг фалажи ҳисобланади. Дори моддасини қабул қилганда кейин бош оғриши, бош айланиши, уйқусизлик, эпилепсия, юзага келиши мумкин. Ниридазол терапиядан-1-2 кун ўтгандан сўнг юрак соҳасида ўзгаришлар кузатилиши мумкин: тахикардия, нерв мушакларнинг импульс ўтказувчанлиги бузилади. Глюкоза-6-фосфат дегидрогеназа дефицити бўлган беморларда даволаш жараёни гемолизларга олиб келади. Препарат иммунодепрессив таъсир кўрсатади. Жигарнинг оғир касалликларида қарши кўрсатма ҳисобланади. Антигистамин препаратлар ҳам қўлланилади. Орнидазол-(Тиберал) метронидазол препаратига ўхшаш. Перорал қабул қилгандан сўнг 1-2 соат ўтгач қон плазмасида препарат юқори концентрацияси қўлланилади. Препаратнинг 85% биринчи 5 суткасида 85% чиқарилади. 63% сийдик орқали ва 22% фекаллар орқали ўзгарган кўринишда чиқарилади. Катталар ва болаларда 35 кг 3 таблетка кечқурун берилади. 15% беморларда ножўя таъсир бериши мумкин. Нейротоксик хусусияти бош айланиши ва миалгия кўринишида баъзан кўнгил айниш ва қусиш кузатилади. Ножўя таъсирни олдини олиш учун болаларда 2-3 маротаба муолажа тавсия қилинади. Қарши кўрсатма: Препаратнинг индивидуал сезгирлик уйғотишлар ҳомиладорлик вакўкрак сути билан боқадиган аёлларда препарат қабул қилиш ман этилади. Тинидазол ( Tinidazolum , tridasol ) тинидазол аналоги ҳисобланади, метронидазолга ўхшаш препарат. Қон ва плазма оқсиллари билан ёмон бирикади шунинг учун 88% и эркин кўринишда юқори активликка эга бўлади қонда.

Катталарда суткада 2 марта 0,15г, 7 сутка давомида, 50 мг/кг 1 марта суткасига тавсия қилинади. Лямблиоз бўзлган беморларда даволашдан сўнг эознофиллар сони ошади. Қарши кўрстма: ҳомиладорлик кўкрак сути билан боқадиган аёллар, нерв касалликлари, эпилепсия ва невритлар 5 ёшгача болаларда тинидазол қўлланилади. Фуразолидон- Furazolidanum овқатдан сўнг ички қабул қилинади. Катталарда 0,1 г суткада 4 марта, болаларда10 мг/кг тавсия қилинади. Даволаш курси 7 кун кўп ҳолатларда кўнгил айниш ва қусиш,иштаҳа пасаяди. Тери жароҳати кўришдаги алергиялар ривожланиши мумкин. Ножўя таъсирларни бартараф қилиш учун антигистамин препаратлар берилади кальций хлорид, В гурух витаминлари, Фуразолидон моноаминоксидаза ингибитори ҳисоблаанди шунинг учун уни қўллашда эҳтиёт бўлиш керак. Охирги йилларда лямблиозни даволаш учун бензимидазол қатори тўлиқ ингибиторлари (альбендазол, пирантел) қўлланилади. Бу препаратларнинг ножўя таъсири тинидазол ва метронидазолга қараганда камроқ. Секнидазол (Секдаза) - бактерияларга қарши таьсирга эга бўлган протозойларга қарши нитроимидазол гуруҳига мансуб препарат; бактерицид ва амебицид самаралари билан характерланади. Секдаза препарати айниқса, Trichomonas vaginalis , Entamoeba histolica , Giardia lamblia ларга нисбатан фаол. Микроорганизмнинг ҳужайра ичига кириб, 5-нитрогуруҳини тикланиши натижасида фаоллашади, бунинг оқибатида ҳужайра ДНК билан ўзаро таьсирлашади. Унинг спиралсимон тузилмаларини бузилиши ва ипларини узилиши, нуклеотидни синтезини ингибицияси ва ҳужайрани нобуд бўлиши кузатилади. Қўлланилиши: - Трихомонадалар чақирган уретритлар ва вагинитлар - 2,0 г бир марта қабул қилинади; - Бактериал вагиноз - 2,0 г бир марта қабул қилинади; - Ичак амёбиази - 2,0 г бир марта қабул қилинади;

- Жигар амёбиази - 1,5 г дан 5 кун; - Лямблиоз - тана вазнига 30мг/кг бир марта қабул қилинади. Азитромицин кенг таьсир доирасига эга антибиотик. Янги макролид антибиотиклари- азалидлар кичик гурухининг биринчи вакили. Яллиғланиш ўчоғида юқори консентрацияси ҳосил қилинганида бактерицид таьсир қилади. Препаратга граммусбат кокклар: Streptococcus pneumonia , Stpyogenes , St . agalactiae , C, F ва G гуруҳи стрептококклари, St . viridans , Staphylococcus aureus , грамманфий бактериялар: Haemophilus influenza , Moraxella catarrhalis , Bordetella pertussis , B . parapertussis сезгирдир. Қўлланилиши. Препаратга сезгир бўлган қўзғатувчилар чақирган инфекцион-яллиғланиш касалликлари: - нафас йўлларининг юқори бўлимлари ва ЛОР-аьзоларининг инфекциялари (ангина, синусит, тонзиллит, ўрта отит); - скарлатина; - нафас йўлларининг қуйи бўлимларини инфекциялари; - тери ва юмшоқ тўқималарнинг инфекциялари (сарамас, импетиго, иккиламчи инфекцияланган дерматозлар); - урогенитал йўлларнинг инфекциялари, хламидиоз (асоратланмаган уретрит, цервицит); - Лайм касаллиги. Препарат овқатдан 1 соат олдин ёки овқатдан 2 соатдан кейин, суткада 1 марта қабул қилинади. Катталарга нафас йўлларининг юқори ва қуйи бўлимлари ва ЛОР-аьзоларининг инфекциялари 500 мг дан 3 кун давомида буюрилади. Асоратланмаган уретрит, цервицитларда 1 марта 1г буюрилади. Тери ва юмшоқ тўқималарнинг инфекцияларида суткада 1 г дан 1 қабулда 1- куни; кейинчалик 500 мг дан ҳар куни 2-5 кунгача, курслик доза 3 г. Болаларга 3 ёшдан ошган ёки тана вазни 25 кг дан катта бўлган болаларга нафас йўлларининг юқори ва қуйи бўлимлари ва ЛОР- аьзоларининг инфекцияларида 10мг/кг тана вазни хисобидан суткада 1 марта 3 кун давомида ёки 1 кун 10/кг буюрилади.

Қўллаш мумкин бўлмаган ҳолатлар: жигар ва буйрак етишмовчилиги, юқори сезувчанлик, 3 ёшгача бўлган ва тана вазни 25 кгдан кам бўлган болалар, лактация даври Спирамицин (Ровамицин) Чиқариш шакли: 1,500000 ёки 3000000 ХБ таблетка ва 1500000 ХБ эритма ҳолида. Кўрсатма: Ангина, скарлатина, дифтерия, холецистит, простатит, токсоплазмоз. Ножўя таьсирлари: кўнгил айнаши, кусиш, диарея, терида тошма. Қарши кўрсатма: Препаратга сезгирлик, жигар фаолияти бузилиши, эмизикли давр. Клиндамицин (Далацин Ц). Чиқариш шакли: 0,15 ва 0,075 капсула,15 фоизли эритма 2, 4, 6 мл, қиём ҳолида 5 млда 75 мгдан флаконда 80 мл. Кўрсатма: сепсис, остеомиелит, сарамас, токсоплазмоз, пенициллинга чидамли микроорганизмлар чақирадиган инфекциялар. Ножўя таьсирлари: қусиш, кўнгил айнаши, диарея, қоринда оғриқ, вена ичига тез юборганда артериал босим тушиши, бош айланиши, умумий лоҳаслик. Қарши кўрсатма: ҳомиладорлик, жигар ва буйрак фаолияти кескин бузилиши. Безгакка қарши препаратлар Безгак касаллигининг олдини олиш ва даволашда суньий равишда тайерланган бир неча хил препаратлар: 4-аминохинолин хосилалари (хингамин, гидроксихлорохин), диаминопиримидин хосилалари хлоридин), бигуанидлар (бигумаль), 9-аминоакридин (акрихин), 8-аминохинолин хосилалари (примахин, хиноцид), шулар билан биргаликда сульфаниламид препаратлари (сульфазин, сульфадиметоксин, сульфанперифазин, сульфален) ва сульфонлар (диафенилсуль фон) кенг кулланилади. Илгари безгакка қарши препарат сифатида кулланилаетган хинин алколоиди ножўя таьсирлари куплиги ва даволаш эффективлиги синтетик препаратларга нисбатан паст булганлиги учун чегараланган ҳолда қўлланиляпти.

Безгакка қарши препаратлар қўзғатувчининг турлари ва ривожланиш босқичларига таьсирлари билан ажралиб туришади. Шу билан бирга битта препарат турли таьсирларга эга. Хингамин, гидроксихлорохин, акрихин, сульфаниламидлар, сульфон- лар ва хинин плазмодийларининг эритроцитар шаклларига нисбатан фаол булгани учун гематошизотлар гурухига киритилади. Плазмодийларнинг экзоэритроцитар тўқимали шаклларига таъсир қилувчи препаратлар гистошизотроп препаратлари дейилади ва булар жум- ласига хлоридин ва бигумал киради. Гамонтатроп препаратлар асосан плазмодийларнинг жинсий шакл ларига (гамонтларга) нисбатан фаол бўлган препаратлар: примахин, хиноцид бигумаль, хлоридинни ўз ичига олади. Биринчи икки препарат тўппа-тўғри гомонтларни ўлдириш хусусиятига эга. Безгакка қарши препаратларнинг хусусиятларини инобатга олиб, Кўпинча, улар биргаликда қўлланилади. Бу албатта, даволаш натижасини яхшилайди ва препаратларга чидамли паразитларни юзага келишига йўл қўймайди. Безгакка қарши препаратлар сульфаниламидлар ва сульфонлар билан биргаликда, аксарият ҳолларда паразитларнинг монотерапияга чидам- лилиги юзага келганда буюрилади. Баъзи безгакка қарши препаратлар нафақат плазмодийларга бал ки бошқа паразитларга қарши таьсир кўрсатади. Акрихин гельминтозлар, лямблиоз, тери лейманиози, хлоридин эса токсоплазмоз ва лямблиозни даволашда қўлланилади. Хингамин ревмато- идли артритни даволашда юкори натижа беради. 1.Хингамин (хлорохин, делагил, хлорохин фосфат). Чиқариш шакли: 0,25 г таблетка, 5 фоизли 5мл эритма ҳолида. Кўрсатма: Безгакнинг барча тулари ўткир кўринишда кечганда ва кимёвий профилактика учун. Ножўя таьсирлари: Дерматит, бош айланиши, бош оғриғи, кўнгил ай- ниши, баьзан қусиш, қулоқларда шовқин, аккомадация бузилиши, катта доза- ларда жигар яллиғланиши, миокардда дистрофик ўзгаришлар, соч тўкили- ши, ретинопатия.

Қарши кўрсатма: Юрак оғир шикастланиши, буйракнинг диффуз ўз- гариши, жигар фаолияти бузилиши, қон ишлаб чиқариш аьзолари яллиғланиши. 2.Гидроксихлорихин (Плаквенил) Чиқариш шакли:0,2 г таблетка, 100 та таблетка. Кўрсатма, ножўя таьсирлари, қарши кўрсатма- хингаминдагидек. 3.Хинин гидрохлорид Чиқариш шакли: 0,25 ва 0,5 г таблетка, 50 фоизли 1 мл эритма ҳолида. Кўрсатма: Безгакнинг барча турлари ўткир кўринишда кечганда. Ножўя таьсирлари: қулоқларда шовқин, бош айланиши, қусиш, уйку- сизлик, қўл қалтираши, эритема, тана ҳарорати ошиши, бачадондан қон кетиши. Қарши кўрсатма: Препаратларга сезгирлик, ички ва ўрта қулоқ касалликлари, гемоглобинурияли иситма, юрак фаолияти декомпенсацияси, ҳомиладорликнинг охирги 3 ойлиги. 4.Примахин Чиқариш шакли: 0,003 ва 0,009 г таблетка. Кўрсатма: Уч кунлик, тўрт кунлик ва тропик безгакнинг кайталанишларининг олдини олиш мақсадида, хингамин билан шахсий профилактика, ҳамда жамоа профилактикаси учун қўлланилади. Ножўя таьсирлари: Коринда оғриқ, диспептик ҳолат, юрак соҳаси- да оғриқ, умумий лоҳаслик, цианоз. Препарат қабул қилмагандан сўнг ножўя таъсирлари йўқолади. Қарши кўрсатма: ўткир юқумли касалликлар (безгакдан ташқари) бод, юрак, буйрак ва қон касалликлари авж олганда. 5.Хлоридин (Тиндурин, Пириметамин) Чиқариш шакли: Кукун ва 0,005 ва 0,01 г таблетка. Кўрсатма: Безгак (профилактик мақсадида), токсоплазмоз. Ножўя таьсирлари: Бош оғриғи, бош айланиши, юрак соҳасида оғ- рик, диспептик ҳолат. Қарши кўрсатма: қон ишлаб чиқариш аьзолари ва буйрак касал- ликлари. 6.Фансидар (Сульфадоксин) Чиқариш шакли: 25 мг пириметамин (хлоридин),0,5 г сульфадоксин сакла ган таблетка. Кўрсатма: Безгак, токсоплазмоз.

Ножўя таъсирлари: Бош оғриги, бош айланиши, тери сарғайиши. Қарши кўрсатма: ҳомиладорлик, гепатит, буйрак касалликлари.

Адабиётлар: 1. Ахмедова М.Д., Облокулов А.Р., Мирзажонова Д.Б. Юқумли касалликларда ҳамширалик иши. Тошкент. 2018. 2. Бажора Ю. И., Тимченко А. Д., Чеснокова М. М.Атлас: медицинская паразитология. Учебное пособие — Одеса: Одес. держ. мед.ун-т, 2001. - 110 с. 3. Богомолов Б.П. Инфекционные болезни. -М.: Издательство Московского унивеситета, 2006. – 583 с. 4. Даминов Т.А. Инфекционные болезни с детскими инфекциями.1-2 часть. Тошкент 2011. 5. Даминов Т.А., Туйчиев Л.Н., Таджиева Н.У. Инфекционные болезни в деятельности врача общей практики Тошкент-2007. 6. Жаворонок С.В., Мицура В.М., Красавцев Е.Л и др. Тропические и паразитарные болезни. Учебное пособиеЛитагент Вышэйшая школа год 2014.

O'xshashlar

Органопрепаратлар ва уларнинг тавсифи ва таснифи, олишдаги технологик босқичлари

Радиофармацевтик препаратлар

Новогален препаратлари. уларнинг тавсифи ва таснифи. Уларни ёт моддалардан тозалаш

Малярияга карши препаратлар фармакологияси

Антиоксидант ва адоптоген таъсирга эга препаратлар фармакологияси