Менингококкли инфекция - Tibbiyot - Referatlar

Менингококкли инфекция

Yuklangan vaqt:

20.09.2019

Ko'chirishlar soni:

0

Hajmi:

105 KB

Ko'chirib olish

Менингококкли инфекция Режа: 1. Тарихий маълумотлар 2. Эпидемиологияси 3. Ўткир назофарингит 4. Менингококкли менингит 5. Менигококкли менингоэнцефалит 6. Бир ёшли болаларда менингококк инфекцияси 7. Профилактикаси

КИРИШ Кенг табобат амалиётида педиатрлар кундалик ишларида менингококкли инфекциясининг турли кўринишларига дуч келадилар. Бу юқумли касалликни клиник белгилари серқирра бўлгани учун уни ташхиси доим осон бўлавермайди. Менингококкли инфекция – ўткир инфекцион касаллик бўлиб, характерли, клиник кўринишларининг турли туманлиги билан характерли. Бундай касаллик назофарингит кўринишидан тортиб, оддий ташувчилик ва генераллашган шаклларни йирингли менингит, менингоэнцефолит, менингококкцемия билан турли орган ва системалар зарарланиши каби клиник ўзгаришлар кўринишида бўлиши мумкин. ТАРИХИЙ МАЪЛУМОТЛАР. Касаллик биринчи марта 1805 йил эпидемик цереброспинал менингит номи билан маълум эди. Кейинчалик касаллик нафақат йирингли менингит кўринишида, балки ўзига хос менингококкли сепсис (менингококкцемия) кўринишида бўлиши мумкинлиги маълум бўлган. Оҳирги ўн йиллик ичида эса касалликнинг барча клиник шакллари учун ягона «менингококкли инфекция» деган ном берган. ЭТИОЛОГИЯ. Менингококк инфекция қўзғатувчиси – менингококк – 1887 йил А.Вексельбаум томонидан ўрганилган. Замоновий классификация бўйича у Neisseria авлодига мансуб. Менингококк – грам(-) диплококк бўлиб, юқори намлик, кучсиз ишқорий муҳит (рН 7,2-7,4), 36-37 0 С ли ҳароратли муҳитлардан (натив оқсил тутган) яхши ўсганлар. Менингококк ташқи муҳитнинг ноқулай шароитларига чидамсиз ҳисобланадилар. Одам организмидан ташқарида 30 минутдан сўнг ўлади. Менингококк инфекциясига фақат одамлар берилувчан бўладилар. Микроб бурун ҳалқум, орқа мия суюқлиги, қон ва терида кўпаяди. Менингококк эндотоксин ва аллергик субстанция ишлаб чиқаради. Менингококкнинг алоҳида штаммларининг серологик хусусиятлари турли

туман. Менингококкнинг бир қанча серогруппалари тафовут қилинади: А, В, С, D , N , Х, У, 29Е ва 135. Менингококк штаммларидан А группаси юқори вирулентли хусусиятига эга. Шунингдек менингококк – шакл ҳосил бўлиш хусусиятига эга бўлиб, бу менингококкли инфекциянинг узоқ вақтга чўзилишига сабаб бўлади. ЭПИДЕМИОЛОГИЯСИ. Менигококкли инфекция антропонозлар, ҳаво-томчи инфекция гуруҳига таалуқли. Инфекция манбаи бўлиб, бемор одам ва ташувчилар ҳисобланади. Бемор касалликнинг бошлангич даврида, айниқса бурун ҳалқум катарал яллиғланиш белгилари бўлган вақтда юқумли ҳисобланади. Инфекция ўчоғидан ташувчилар сони ошиб боради. Инфекцияни берилиш механизми – ҳаво-томчи (аэрозол) йўли орқали. Менигококк ташқи муҳитга чидамсиз бўлганлиги сабабли инфекциянинг юқишидан контактнинг узоқ вақт давом этиши, болалар муасссаларида болаларнинг зич бўлиши аҳамиятга эга. менингококкка берилувчанлик юқори эмас. Контагиоз индекси 10-15%. Менингококк инфекцияси барча минтақаларда бир хилда тарқалган. Касаллик учун ҳар 8-30 йил ичида даврий кўтарилиш хос. Касалликнинг даврий кўтарилиш сабаби охиригача ўрганилмаган, лекин ҳозирда аҳолининг иммунологик стрруктурасининг ўзгариши тахмин қилинмоқда. Касалликнинг кўтарилишининг илк белгиси бу аҳоли ўртасида ташувчанликнинг кўпайишидир. Юқори касалланиш 2-4 йил давом этади ва кўпроқ қиш-баҳор ойларида кузатилади. Менингококкли инфекция исталган ёшда учраши мумкин, лекин 70- 80% 14 ёшгача бўлган болаларда учрайди. 3 ойгача бўлган болаларда камроқ учрайди. Хомиладорлик даврида хомиланинг зарарланиш эҳтимоли бор. Менингококкли инфекцияда летал ҳолат қатор омилларга боғлиқ, бир ёшли болалар ва кекса одамларда касаллик оғир кечади. ПАТОГЕНЕЗ. Менингококкли инфекция патогенезида 3 омил асосий рол ўйнайди: қўзғатувчи, унинг эндотоксини ва аллергик омил.

Менингококкнинг кириш дарвазаси бўлиб бурун ва оғиз-ҳалқумнинг шиллиқ қавати ҳисобланади. Кўп ҳолларда менингококк тушган соҳада ҳеч қандай патологик ўзгаришлар кузайтилмайди. Бу соғлом ташувчилик дейилади. Бошқа ҳолларда бурун ҳалқумнинг шиллиқ қаватидан яллиғланиш бўлиб, менингококкли назофарингит юзага келади. Кўпинча беморлардан менингококк маҳаллий барерлардан ўтиб, лимфа йўллари орқали қонга тушади. Бунда ёки транзистор бактеремия ёки менингококкцемия (менингококкли сепсис) юзага келади. Бундай ҳолларда менингококк қон оқими билан турли органларга тарқалади: тери, бўғимлар, буйрак усти бези, кўзнинг қон томир қавати, эндокард, ўпка ва бошқалар. Менингококк гематоэнцефалитик барердан ўтиб, мия қобиқлари ва мия моддаси зарарланиши мумкин. Натижада йирингли менингит ёки менингоэнцефалитнинг клиник белгилари намоён бўлади. Менингококк инфекциясининг генераллашган шаклларининг патогенезида (менингококкцемия ва менингит) менингококк ва унинг токсини аҳамиятга эга бўлади. Менингококк эндотоксини бу – кучли қон томир заҳарлари. Эндотоксин қон томир эндотелийсига таъсир этиб, ундан микроциркуляртор ўзгаришларни келтириб чиқаради. Гемокаогуляция тромбогеморрагик тип бўйича ўзгаради, бу эса ўз навбатида майда артериолаларида кўплаб бактериал тромбларнинг ҳосил бўлишига олиб келади. Натижада коагулопатия юзага келади, тери ва ички органларга кўплаб қон қуйилади. Эндотоксемия, гемодинамик ва метеболик ўзгаришлар натижасида миянинг ўткир бўкиши ва шиши юзага келиши мумкин. Менингококкли инфекциянинг яшинсимон шакллари патогенезида яққол эндотоксемия билан бир қаторда гиперсенсибилизация ва организм реактивлигининг ўзгариши ётади. Яшинсимон шаклда юзага келадиган инфекцион-токсик шокнинг юзага келишида микроб ҳужайраларнинг кўп миқдорда ва қисқа вақт ичида ўлиши натижасида келиб чиқадиган массив эндотоксемия жуда катта аҳамиятга эгадир. Бунда касалликнинг биринчи

соатлариданоқ терида кўплаб гемаррогик тошмалар, ички аъзоларга қон қуйилиши ва қон кетиши каби белгилар пайдо бўлади. Инфекцион-токсие шок клиникада ўткир буйрак усти бези етишмовчилиги билан бирга кечади. ИММУНИТЕТ. Клиник жиҳатдан ифодаланган менингококкли инфекциядан сўнг организмда специфик антитаначалар: агглютининлар, преципетинлар, бактерицид антитаначалар, опсонинлар пайдо бўлади. Гемаглютининлар титри касалликнинг биринчи кунлариданоқ оша бошлайди ва генераллашган шаклларнинг бешинчи кунида энг юқори кўрсатгичга эга бўлади. Касалликнинг 4 ҳафтасидан бошлаб, антитаначалар титри пасаяди. Уларнинг сақланиш вақти аниқланмаган. Менингококкли инфекцияда кузатилган морфологик ўзгаришлар М.А.Скворцов (1935) томонидан чуқур ўрганилган. қўзғатувчи тушган жойда бурун-ҳалқумда – менингококкли назфарингит пайдо бўлиб, у ҳалқум орқа девори қон томирларининг тўла қонлиги, лимфоид элементларнинг гиперплпзияси, шиллиқ қаватларнинг нейтрофил инфилтрацияси билан намоён бўлади. Марказий нерв системаси зараланганда яллиғланиш жараёни катта ярим шарларнинг ва мия устунида жойлашади, шунингдек, орқа мияга ҳам ўтиши мумкин. Мия моддаси зараланганда – энцефалит, мия қоринчалари зарарланса эпендиматит юзага келади. Ликворнинг оқиб ўтадиган йўлларида облитерацияси ва йирингли экссудат билан тиқилиб қолиши натижасида – гидроцефалия ривожланиши мумкин. Менингококкцемия учун қон қуйилишилар, қон томирлар, тромбоз ва йиртк некрозларнинг бўлиши хосдир. Яшинсимон кечуви менингококкцемияда капиллярларнинг диффуз зарарланиши юзага келиб, турли орган ва системаларни циркулятор бузилишлари ривожланадилар. Буйрак усти безининг шиши, қон қуйилиши ва некроз ривожланади. Бўғимлар зарарланганда синовиал халтада йиринг

тўпланиб, йирингли артрит ривожланади. Кўз қон томири қавати шикастланганда – иридоциклит юзага келади. Шунингдек эндокардит, плеврит, перикардит, каби патологик ўзгаришлар ривожланиши мумкин. КЛИНИКАСИ. Менингококкли инфекциянинг клиник кўринишлари турличадир. қуйидаги кўринишлар тафовут қилинади: 1. Локаллашган шакли –ўткир назофарингит 2. Генераллашган шакллари – менингококкцемия, менингит, аралаш шакли – менингит менингококкцемия билан. 3. Кам учрайдиган шакли – менингококкли эндокардит, пневмония ва бошқалар Инкубацион даври 2-4 кундан 10 кунгача. ЎТКИР НАЗОФАРИНГИТ . Энг кўп учрайдиган шакли бўлиб, менингококкли инфекцичнинг 80%ни ташкил этади.Касаллик ўткир бошланиб, тана ҳарорати 37,5-38 0 Сгача кўтарилади. Бемор бола бош оғриши, бош айланиши, томоқ ачиши, ютишдаги оғриқ, бурун битиши каби белгиларга шикоят қилади. Болада ҳолсизлик, ҳалқум орқа деворининг шиши, лимфоид фолликулаларнинг гиперплазияси, ён ёстиқларининг шиши кузатилади. Ҳалқум орқа деворида оз миқдорда шиллиқни кўриш мумкин. Айрим ҳолларда касаллик нормал ҳарорат, қониқарли умумий аҳвол, бурун ҳалқум кам ифодаланган каторал ўзгаришлар кўринишида кечиши мумкин. Периферик қонда характерли нейтрофилли лейкоцитоз аниқланади. Назофарингит кечиши деярли яхши бўлади. Тана ҳарорати 2-4 кундан сўнг нормаллашади. Тўлиқ клиник соғайш 5-7 кундан сунг бўлади. Менингококкли назофарингитга ташхис қўйиш жуда қийин бўлиб, у кўпинча болалар жамоасида менингококкли инфекциянинг тарқалиши кақтида аниқланади. Лекин шу ёддан чиқмаслиги керакки, айрим ҳолларда менингококкли назофарингит касалликнинг генераллашган шаклларининг бошланғиш белгиси бўлиши мумкин. Шунинг учун менингококкли инфекция билан контакда бўлган болалар барчасини дарҳол текширишдан ўтказиб

назофарингит бўлган болаларни изоляция қилиш ва даво чораларини қўллаш даркор. МЕНИНГОКОККЦЕМИЯ (менинггггггитли бактеремия, менингококкли сепсис) – менингококк инфекциясининг клиник шакли бўлиб, теридан бошқа яна турли аъзолар (бўғимлар, кўз, талоқ, буйрак, ўпка усти бези) шикастланиши мумкин. Касаллик ўткир, бирданига тана ҳароратининг юқори даражага кўтарилиши билан бошланади. Бунда беморда қалтираш, қусиш, кучли бош оғриғи; қичқириш каби белгилар кузатилади. Оғир ҳолларда хуш йўқотиш, эрта ёшдаги болаларда талвасалар юзага келиши мумкин. Барча клиник белгилар 1-2 кун ичида кучайиб боради. 1 кун охири, 2 кун бошларида терида тошмалар пайдо бўлади. М.И Геморрагик тошмалар характерли бўлиб у бир вақтнинг ўзида терининг барча юзаларида, айниқса кўпроқ оёқ ва думбаларда пайдо бўлади. Тошма элементларнинг катталиги нуқтасимон гемморигиядан тортиб, нотўғри юлдуз шаклигача йирик қон қуйилишлар шаклигача боради ва уларнинг ўртасида некроз белгилари аниқланади. Йирик зарарланиш соҳаларида некроздан сўнг дефект ва чандиқлар қолади. Жуда оғир ҳолларда бармоқларнинг учи, тавон, қулоқ супраларида гангрена ривожланиши мумкин. Бу ҳолларда тикланиш жуда секин кечади. Шунингдек склера, конъюктива, оғиз бўшлиғи шиллиқ қаватига қон қуйилишлари мумкин. Бўғимлар синовит ва артрит кўринишида зарарланиши мумкин. Одатда қўл бармоқларининг майда бўғимлари шикастланади. Бунда болалар бўғимлардаги оғириқларга, шишга шикоят қиладилар. Шикастланган бўғим соҳаси тери гиперемияланган, оғриқ сабабли ҳаракати кескин чегараланган бўлади. Артритларнинг кечиши яхши сифатли ҳисобланади, кейинчалик унинг функцияси тўлиқ тикланади. Ёруғликда кўзнинг қон томир қавати жигарранг (зангисимон) тусга киради. Жараён кўпинча бир томонлама бўлиб, панофталмит ривожланиши мумкин.

Шунингдек менингококкцемияда плеврит, пиелит, артрит, тромбофлебит, жигар, эндо-, мио-, пери-кардитнинг йирингли яллиғланиши белгилари юзага келиши мукин. Юрак зарарланганда беморда хансираш, цианоз, юрак тонларининг буғиклашуви, унинг чегараларининг кенгайиши каби ўзгаришлар пайдо бўлади. Шунингдек ўчоқли гломерулонефрит, гепатлиенал синдром юзага келиши мумкин. Менингоцемия учун периферик қонда юқори лейкацитоз, нейтрофиллёз, анэозинофилия, ЭЧТнинг ошиши хосдир. Оғирлигига қараб менингококк инфекция енгил, ўртача оғирликда ва оғир турлари бўлади. Менингококкцемиянинг яшинсимон шакли жуда оғир кечади ва унга жуда оғир менингококкли сепсис дейилади. Касаллик бу ҳолатларда бирданига оғир бошланади. Болаларда тана ҳарорати кўтарилади, қалтираш, кўплаб гаморрагик тошмалар пайдо бўлади. Тошма элементлари оз вақт ичида кўзимизнинг олдида бир бирига қўшилиб, катта-катта қизил-кўкимтир тусдаги геморрагиялар ҳосил қилиб, мурда доғларини эслатади. Бола оқариб, териси совуқ, ёпишқоқ тер, юз ифодаси ўткирлашганлиги аниқланади. Болалар безовталанади, тўшакда жим ёта олмайдилар ва улар мушак ва бўғимларидаги оғриққа шикоят қиладилар. Гиперестезия пайдо бўлади. Артериал босим ҳаётга хавф солар даражада пасаяди, тахикардия, ипсимон пулс, ҳансираш юзага келади. Бу симптомокомплексга Уотерхаус- Фридериксон синдроми деб ном берилган. Беморлар талвасалар, ҳуш йўқотиш, тана ҳарорати тушиши кузатилиши мумкин. Менингиал симптомлар доимий, мушак гипотонияси аниқланади. Касалликнинг охирги этапларида «кофе қуйқаси» (айрим ҳолларда малена) шаклида қусиш, анурия, декомпенсациялашган метаболик ацидоз ривожланади. Патогенетик жиҳатдан бунга инфекцион-токсик шок деб қараш мумкин. Адекват терапия ўтказилмаса касалликнинг 12-24 соатларида летал ҳолат ривожланиши

мумкин. Мурда ёрилганда ички аъзоларга қон қуйилиши белгилари аниқланади. МЕНИНГОКОККЛИ МЕНИНГИТ. Касаллик тана ҳарорати 39- 40 0 Сгача ошишиш била бошланади. Катта ёшли болалар кучли бош оғригига датлаб шикоят қиладилар. Болалар безовталанадилар, инграйдилар, қўллари билан бошларини ёпадилар, бақирадилар, қичқирадилар, уйқулари бузилади. Бош оғриги харакат, бошни ўғирганда, кучли товуш ва ёруғликга кучаяди. Айрим беморларда қўзғалувчанлик тормозланиш билан алмашади. Умуртқа поғонаси бўйлаб, айниқса нерв устунлари ва илдизчалари бўйлаб оғриқ бўлиши мумкин. Парестезия ҳолати йирингли менингитнинг асосий симптомларидан ҳисобланади. Шунингдек қусиш ҳам бошлангич белгиларидан ҳисобланиб, у касалликнинг биринчи кунларидан пайдо бўлади ва овқат қабул қилиш билан боғлиқ бўлмайди. Эрта ёшли болаларда менингококкли менингитнинг асосий симптоми бу талвасалар, улар одатда клонико-тоник характерга эга бўлиб, касалликнинг бринчи кунлари юзага келади. Менингиал симптомлар касалликнинг 2-3 кунида аниқланади. Кўпинча мушакларнинг ригидлиги Кернинг ва Брудзинскийнинг юқори симптомлари кузатилади. Пай рефлекслари ошади, аммо оғир интоксикацияларда улар йўқолиши мумкин. Калла нервларини зарарланиши (Ш,У1, УП,УШ жуфт нервлар) кузатилади. Ўчоқли белгиларининг пайдо бўлиши мия шишидан дарак беради. Менингококкли менингитда қизил дермографизм, лабларда герпетик тошмалар, оқарган юз кузатилади. Бунда боланинг юзи паришонхотир, склера қизарган бўлади. Юрак тонлари буғик, артериал босими пасайган, пулс тезлашган, оғир ҳолларда нафас тез-тез юзаки бўлади Перкуссияда қутича товуши, аускултация дағал нафас эшитилади. Эрта ёшли болаларда ич кетиши кузатилади. Тилнинг қуруқлиги, жигар ва талоқнинг катталашуви хосдир. Сийдикка албуминурия, цилиндрурия, микрогемотурия кузатилади. Периферик қонда: лейкоцитоз, нейтрофил

силжиш, анэозинофилия, ЭЧТнинг ошиши аниқланади. Диагностикада орқа мия суюқлигини текшириш жуда катта аҳамиятга эга. Касалликнинг биринчи кунларида ликвор тиник бўлиши мумкин, лекин у тез орада лойқалиниб, нейтрофиллар ҳисобига йирингли бўлиши мумкин. Плеоцитоз 1 мклда бир қанча минга етиши мумкин, қанд ва хлоридлар пасайиши аниқланади. МЕНИГОКОККЛИ МЕНИНГОЭНЦЕФАЛИТ – асосан эрта ёшли болаларда учрайди. Бу шаклда касалликнинг биринчи кунлариданоқ энцефалитик симптоматика устунлик қилади: харакат қўзғатувчанлиги, эс- ҳуш бузилиши, талвасар, Ш,У1, У, УШ жуфт калла нервларининг зарарланиши ва бошқалар. Геми ва монопарезлар бўлиши мумкин. Айрим ҳолларда бульбар фалажлари, мияча атаксияси, кўз харакатларининг бузилишлари ва бошқа неврологик симптоматика юзага келиши мумкин. Менингиал ўзгаришлар менингоэнцефалитик шаклда унчалик сезилмайди. Касаллик жуда оғир кечиб, оқибати ёмон бўлади. Менингококкли менингит ва менингококкцемия. Кўпчилик беморларда менингококк инфекцияси қўшилган шаклда менингит билан менингококкцемия учрайди. КЕЧИШИ ВА АСОРАТЛАР . Этиотроп терапиясиз менингококк инфекциясининг кечиши оғир ва узоқ давомли – 4-6 хафта, ҳатто 2-3 ойдир. Кўпинча касаллик тўлқинсимон кечади. Касалликни исталган даврида летал ҳолат юзага келиши мумкин. Йирингли менигитдан камроқ ҳолларда менингококкцемияда ўлим ўткир мия шиши ва бўкишидан ривожланиши мумкин. Ушбу синдром нафақат мияни локал зарарланишидан, баки нейтротоксикоз, гемодинамик ва метаболик бузилишлар натижасида келиб чиқади. Клиникада миянинг ўткир шиши ва бўкиши бош оғриги, тавасалар, эс- ҳуш йўқолиши, психомотор қўзғалувчанлик, қайта қусиш каби белгилар намоён бўлади. Узунчоқ миянинг сиқилиши натижасида хавфли симптомлар пайдио бўлади: зўрға унналадиган пулс, аритмия, лабил артериал босим, шовқинли нафас Чейн Стокс типидаги, гипертермия, юз гиперемияси,

цианоз, терлаш. Гипоксия, гипокапния, нафас алкалози ҳам хосдир. Ўпки шиши нафас олишнинг тўхташи натижасида летал ҳолат юзага келади. Ёш болалар касалликнинг кечиши церебрал гипотензия синдроми ривожланиши натижасида оғирлашади. Бу синдромнинг ривожланиши болага массив дозада бензипенициллин калий тузини парентерал юбориш, шунингдек интенсив дегидратацион терапия ўтказиш билан боғлиқ. Клиникада у яққол токсикоз, сувсизланиш, кўзнинг чуқурлашуви, кўз атрофида кўкаришлар, талвасалар, менингиал симптомлар камайиши, катта миқдорнинг чўкиши каби белгилар сифатида ифодаланади. Пай рефлекслари йўқолади. Орқа мия канали босими пасайиб ликвор томчилаб оқади (церебрал коллапс). Менингококкли менигит яллиғланиш процесси мия қоринчаларининг эпиндемасига тарқалиши оқибатида оғирлашиши мумкин. Эпиндематит менингококкли менингитнинг эрта ва кеч даврларида ривожланиши мумкин. Менигококк инфекциясининг оғир кечуви билан бир қаторда енгил абортив вариантлари ҳам тафовут қилади. Бу ҳолда интоксикация симптомлари кам ифодаланган, менингиал симптомлар доимий бўлмайди. Люмбал пункция қилиниб, ташис қилиш мукин. ТАШХИСОТ. Типик ҳолларда ташхисот қўйиш ҳеч қандай қийинчилик туғдирмайди. Менингококк инфекцияси учун ўткир бошланиш, юқори ҳарорат, бош оғриғи, қусиш, гиперестезия, мия қобиқларининг таъмирланиши симптомлари, геморрагик юлдузсимон тошмалар хосдир. Менингококк инфкекциясини диагностикалаш люмбал пункция катта аҳамиятга эга бўлади. Лекин ликвор тиниқ ёки енгил плеоцитоз (50-100, 200та хужайра) бўлиши мумкинлигини ҳисобга олиш керак. Бундай цитоз менингококкли менингит боланғиш даврларида учрайди. Бу даврларда антибиотиклар яхши наф беради. Ликворни ва қон суртмаларини менингококкка бактериологик текшириш ҳам катта аҳамиятга эга. Серологик диагностика стандарт диагностикумларнинг йўқлиги туфайли тарқалмаган. Серологик методлардан РПГА ва ВИЭВ энг сезгир усул ҳисобланади.

Қ ИЁСИЙ ТАШХИСОТ. Менингококкцемини типик кечуви менингококк инфекциясини тошма билан кечадиган қатор инфекцион касалликлар (қизамиқ, скарлатина, иерсиниоз), геморрагик васкулитлар, сепсис, тромбопния ҳолатлардан фарқлаш керак. О Қ ИБАТ. Ўз вақтида даво муалажалари ўтказилса касалллик оқибати яхши ҳисобланади. Аммо шунга қарамай ҳозир летал оқибат юқори бўлиб 5% ташкил этади. Касаллик оқибати боланинг ёши ва касаллик шаклига боғлиқ. Боланинг ёши қанча ёш бўлса, ўлим ходисаси шунчалик юқори бўлади. Менингококкли менингоэнцефалитда, эпендимамититда, ўткир буйрак ётимовчиликда оқибат ёмон. Шунингдек ўткир мия шиши ва церебрал гипотензия ҳам хавфли ҳисобланади. Менингококкли инфекцияни бошдан ўтказгач узоқ вақтгача қолдиқ асоратлар: церебрал астения, астеновегетатив ҳолатлар, енгил ўчоқли симптоматика, эпилепсия кузатилади. Кеч даволаш натижасида болада жисмоний ва ақлий ривожланишдан орқада қолиш, кўз нервининг қисман атрофияси, гидроцефалия каби патологик ўзгаришлар ривожланади. БИР ЁШЛИ БОЛАЛАРДА МЕНИНГОКОКК ИНФЕКЦИЯСИ Эрта ёшдаги болаларда менингококкцемия ва яшинсимон шакл кўпроқ учрайди. Менингитда менингиал симптомлар кам ифодаланган ёки умуман симптоматика (гиперестезия, клонико-тоник талвасалар, қўл ва даҳамнинг тремори, қайта қусиш) устунлик қилади. Кўкрак ёшидаги болалар учун менингококк инфекциясининг менингит шаклининг бошланишидан умумий безовталик, кучли қичқирув, уйқусизлик, ҳолсизлик каби белгилар характерлидир. Болаларда Лессажнинг осиш симптоми ва бош орқага ташлаш каби белгилари аниқланади. Катта лиқилдоқнинг таранглашуви ва бўртиши муҳим диагностик аҳамиятга эга.

Бир ёшли болаларда учрайдиган менингококкли менингитни спазмофилиядан, марказий нерв системасининг органик шикастланишларидан фарқлаш керак. Чунки бу касалликлар ҳам менингококкли менингитга ўхшаб талвасалар билан кечади. Лекин бу ҳолатларда тана ҳарорати нормал, катта лиқилдоқнинг таранглашуви ва бўртиши, Лессажнинг осилиш симптомлари кузатилмайди. Ликвор нормал бўлади. Кўкоак ёшдаги болалар катта ёшдаги болалардан фарқли равишда жараёнга мия моддани қоринли эпендимаси қўшилиши ва натижада гидроцефалия ривожлниши жуда характерлидир КЕЧУВИ. Бир ёшли болаларда касаллик жуда секин кечади. Ликворнинг нормаллашуви, умумий ҳаётнинг яхшилаашуви катта болаларга нисбатан кечроқ бўлади ва кўпинча ўзидан сўнг қолдиқ асоратлар қолдиради (фалаж, ички қулоқнинг зарарланиши ва хоказо). ДАВОЛАШ. Менингококкли инфекция билан оғриган беморлар дарров махсуслашган бўлиб ёки диагностик боксга ётқизилиши керак. Даво- чоралари касаллик оғирлиги ҳисобга олган ҳолда комплекс равишда олиб борилиши керак. Антибактериал терапия. Менингококкли инфекциянинг генераллашган шаклида пенициллинотерапия массив дозада берилади. Бензилпенициллиннинг калий тузини ҳар бир кг га 200-300 минг ТБ ҳисобидан мушак остига юборилади. Суткалик доза 4га бўлиб берилади. 3 ойлик болалрга бу интервал 3 соатгача қисқартирилади. Оғир менингоэнцефалит ва айниқса эпендиматитда вена ичига пенициллин юборилади. Клиник эффект 10-12 соатдан сўнг кўрина бошлайди. Бу вақтда бемор аҳволи яхшилана боради, тана ҳарорати нормаллашади, менингиал симптомлар йўқолади. Контрол даволаш учун орқа мия суюқлигини текширилади. Агарда ликворда цитоз 1 мм 3 да 100 та хужайрадан ошмаса ва лимфоцитлар характерга эга бўлиб, пенициллин билан даволаш тўхтатиш лозим. Агар плеоцитоз нейтрофил характерга эга бўлса, пенициллин билан даволаш 2-3 кунга яна чўзилади. Пенициллин

бошқа антибиотиклар билан қўшиб юбориш тавсия этилмайди. Антибиотиклар қўшимча бактериал инфекция қўшилганда комбинирланган ҳолатда юборилади. Бола пенициллинни кўтатара олмаса левомицетин сукцинат натрий суткада 50-100 мгғкг дозада буюрилади. Суткалик дозани 6-8 кун давом эттирилади. Менингококкли инфекцияни даволаш ампециллин, оксациллин эффектив антибиотиклар деб ҳисобланади. Улар мушак орасига 150-200 мг кг дозадан 4 маҳал юборилади. Катта ёшли болаларга сулфанометоксин 2 маҳал 40 мг кг дозадан, кейинчалик 1 маҳал 20 мг кг дозадан 7-10 кунгача тавсия этилади. Этиотроп терапия билан бир қаторда менингококк инфекциясига комплекс патогенетик терапия ўтказилади ва у токсикоз билан моддалар алмашувини нормаллаштиришга қаратилган бўлиши керак. Шу мақсадда беморлар оптимал миқдорда суюқлик ичилади ва вена ичига гемодез, реополиглюкин, 5-10% глюкоза, плазма, албумин ва бошқа препаратлардан қабул қилиш керак. Суюқлик 50-100-200 мг кг ҳисобидан томчилаб, боланинг ёшига қараб юборилади. Донор гамма-глобулин юбориш тавсия этилади. Менингококкцемиянинг оғир шаклларида, ўткир буйрак усти без етишмовчилигида антибиотиклар билан бир қаторда вена ичига суюқликлар ва гидрокортизон (20-50 мг) юборилади. Кортикостероидлар суткалик дозаси: преднизолон 5-10 мг кг ва гидрокортизон 20-30 мг кг ҳисобидан буюрилиши лозим. Шунингдек вена ичига плазма, албумин, кокарбоксилаза, АТФ, строфантин, корглюкон, аскорбин кислотаси юборилади. Инфузион терапия давомийлиги беморнинг аҳволига қараб аниқланади. Аниқ клиник эффект олингач, юборилаётган суюқлик тўхтатилади, коритостероидлар дарҳол тўхтатилади. Стероид терапия давомийлиги 3-5 кун. Глюкокортикоидлар билан мушак орасига дезоксикортикостерион-ацетат (ДОКСА) 2 мг суткасига 4 маҳал бериш билан тўлдириш мумкин.

Ацидоз билан курашиш мақсадида 4,5% натрий гидрокарбонат, гипоксия йўқотиш учун кислородтерапия берилади. Гипокалемия ҳолатларида калий препаратлари вена ичига юбоилади. Жуда ўткир менингококкли сепсис даврларида ДВС-синдром олдини олиш мақсадида гепарин 150-200 ТБ кг ҳисобида вена ичига юборилади. Буйрак етишмовчилигида маннитол, эуфиллин, калций глюконат буюрилади, эффект бўлмаса, гемодиализ ўтказилади. Мия ўткир шиши ва бўкишида энергетик дегидратацион терапия ўтказилади. Яхши дегидратацион хусусиятга концентрланган плазма, албумин эга. Дезинтоксикацион терапия ҳам иложи борича вақтли ўтказилгани маъқул. Гемодез, реополиглюкин, 10% глюкоза эритмаси, плазма, бошқа суюқлар юбориш мақсадга мувофиқ Оксигенотерапия ҳам яхши эффект беради. Таваса бўлганда талвасаларга қарши препаратлар ишлатилади. Литик эритмалвар (промедол, димедрол, пиполфен) вена ичига ёки мушак орасига седуксен 20-40 мг суткасига ҳисобидан юборилади. Шунингдек фенобарбитал, хлоралгидрат хўқнадан қилиниши мумкин. Вена ичига интравентрикуляр ёки эндолюмбал изотоник эритмалари 12-15 МЕ ҳисобидан юбориш мумкин. Менингококкли назофарингитда левомицитин билан даволаш оддий дозировкада 5 кун давомида ўтказилиши лозим. Катта ёшдаги болаларга оғиз-ҳалқум фурациллин, натрий гидрокарбонат эритмалари билан чайиш тавсия этилади. Бурунда қатқалоқлар пайдо бўлишини олдини олиш мақсадида бурунга шофтоли ёки вазелин ёғидан томизиб туриш лозим. ПРОФИЛАКТИКАСИ. Менингококкли инфекцияда профилактик чора-тадбирлар системалаш беморларни ва бактерия ташувчиларни изоляция қилиш катта аҳамиятга эга. Менингококкцемияли беморларни дарҳол касалхонага ётқизилади. Касалликнинг ҳар бир ҳолатида СЭСга шошилинч ҳабар берилади. Касаллик аниқлангач жамоада 10 кунгача, янги одамлар қабул қилинмайди ва бир гуруҳдан иккинчи гуруҳга ўтказилмайди. Контактда

бўлган беморларда 3-10 кун давомида 2 марта бактериологик текшириш ўтказилади. Назофарингит бўлган беморлар клиник ва эпидемиологик кўрсатмаларга қараб госпитализация қилинади. Уларни 5 кун давомида левомицитин билан даволанади. Агар назофарингит билан касалланган беморлар касалхонага ётқизилмаса, бемор билак мулоқатда бўлганлар мактаб ёшигача бўлган муассасаларда ва бошқа ёпиқ болалар муассасаларида бурун-ҳалқумдан олинган шиллиқдан бактериологик теширувлар манфий чиқмагунча қўйилмайди. Соғлом ташувчилар касаохонага ётқизилмайдилар. Касалликнинг генераллашган шакли ва назофарингит билан оғриган беморлар билан контактда бўлган оила аъзолари, юқоридаги муассасаларга бурун-ҳалққум шиллиқ олиниб, 1 марта бактериологик теширув манфий чиққунгача қўйилмайди. Бактериологик текширув клиник симптомлар йўқолгач, анибиотиклар билан даволанишдан сўнг 1-2 кун ўтгач ўтказилади. Назофарингит билан оғриган беморлар клиник соғайишдан сўнг стационарда 1 марта бактериологик текширувдан ўтгач, чиқарилади. Умумий гигиена тадбирлари: муассасаларни шамоллатиш, кундалик буюмларга хлор тутган эритмалар билан синов бериш, муассасаларни ултрабинафша нурлар билан нурлатиш, ўйинчоқларни қайнатиш катта аҳамиятга эга. Гамма-глобулин профилакитиканинг эффективловчи охиригача ўрганилмаган. Актив иммунитет ҳосил қилиш учун турли тирик ва ўлик менингококк вакциналари ишлатилади. Ҳозирда полисахарид антигенадан тайёрланган вакциналар ишлатилади.

Хулоса: Шундай қилиб бу касаллик оддий ташувчанликдан бошлаб токи тарқалган турларигача бўлиши мумкин. Менингококкли инфекцияни кеч аниқлаш оқибатида тезда ҳар хил асоратлар ривожланади ва ўлим юқори бўлади. Шу сабабли ҳар бир педиатр бу касалликни яхши билиши зарур .

Адабиётлар: 1. Е.П.Шувалова, Инфекционнўе болезни, М., Медицина, 1999г. 2. В.М.Маджидов, Юқумли касалликлар, Тошкент, 1992й. 3. В.Ф.Учайкмн, Руководство по инфекционнўм болезням у детей, М., Медицина, 1998 г. 4. И.К.Мусабаева, Руководство по воздушно-капельнўм инфекциям, Ташкент. 5. А.Г.Коломиец, В.И.Вотяков и др., Генерализованная герперическая инфекция, фактў и концепция, Минск, Наука и техника, 1992г. 6. В.Ф.Учайкин, Специфическая профилактика инфекционнўх заболеваний у детей, М., Медицина, 1995г. 7. Н.Д.Юшук, А.Д.Царегородцев, Лекции по инфекционнўм болезням, М., ВУНМИ, 1996г. 8. Г.А.Тимофеева, Л.А.Антипова, Инфекционнўе заболеван ия у детей первого года жизни, М., Медицина, 1985

O'xshashlar

Инфекция

Раневая инфекция

Раневая инфекция

Гнойная инфекция

Раны. Раневая инфекция