Касалликнинг ривожланиш даврлари ва оқибати - Tibbiyot - Referatlar

Касалликнинг ривожланиш даврлари ва оқибати

Yuklangan vaqt:

20.09.2019

Ko'chirishlar soni:

0

Hajmi:

17.8564453125 KB

Ko'chirib olish

Касалликнинг ривожланиш даврлари ва оқибати Режа: 1. Касалликнинг яширин ва продромал даври туғрисида тушунча. 2. Касалликнинг клиник белгилари ва касалликнинг сўнгги даври.

Таянч иборалар: Касаллик даврлари, яширин, продрамал, авж олиш, оқибат, касалликни юқиш йўллари ва х.к. Чорва моллари ва паррандалар организмида учрайдиган касалликларнинг пайдо бўлиш сабаблари, ривожланиш қонуниятлари ҳамда оқибатини патология ўрганади. У ҳар бир касалликда рўй берадиган патологик ўзгаришларни яъни жараёнларни ўрганади. Қишлоқ хўжалик ҳайвонлари ва паррандалар организмида кечадиган турли хирургик, юқумсиз, юқумли, паразитар касалликларнинг кечишида қуйидаги асосий даврлар кузатилади. 1. Яширин яъни латент давр - касаллик пайдо қилувчи агент таъсир қила бошлаган ёки организмга кирган пайтдан то организм реакцияси кўринишида ифодаланган касаллик аломатлари, яъни белгилари юзага чиқишигача бўлган даврдир. Юқумли касалликлар ҳақида гап борганда яширин давр дейилади. Яширин давр касалликларда бир неча минутдан бир неча ой, ҳатто йилларгача давом этиши мумкин. 2. Продромал давр - касалликнинг дастлабки белгилари кўрингандан бошлаб, батамом аниқлангунча ўтган даврдир. ноаниқ белгилар пайдо бўлади. 3. Касалликни яққол юзага чиққан даври - одатда бу давр продромал даврдан кейин бошланади. Бу даврда касалликнинг барча асосий белгилари пайдо бўлади. Айрим касалликлар юқумли озмикўпми маълум муддат давом этади. Масалан; Оқсил 10-15 кун, сарамас 8-10 кун. Ўткир касалликлар 3-6 ҳафтагача, сурункали касалликлар олти ҳафтадан кўпроқ чўзилади. 4. Касалликнинг оқибати - баъзан организм функцияларининг тикланиши ва батамом соғайиши билан касаллик тугайди. Лекин айрим ўзгаришлар организмда сақланиб қолмайди. Айрим касалликларда организмда иммунитет яъни қайта касалланмаслик ҳолати пайдо бўлади. Организм ўзгарган яшаш шароитига мослаша олмаганлиги учун

мослашиш кучи камайиб кетади, бундан кейин яшашга имкон бўлмайди ва ҳайвон нобуд бўлади. Юрак уруши ва нафас олишни тўхтаб қолиши ҳам ўлимга олиб келади. Агония ва клиник ўлим . Бу ҳолатлар (терминал ёки охирги) ўлим босқичи ҳисобланади. Ўлим жараёнида даставвал марказий нерв тизимсининг функцияси сўна бошлайди. Бунда биринчи навбатда бошмия пустлоғи ишлашдан тўхтайди, кейинчалик оралиқ мия, ўрта мия, узунчоқ мия ва ниҳоят орқа мия ишдан чиқади. Агония марказий нерв тизимининг бузилиши ва организмнинг ҳамма ҳаётий функцияларнинг издан чиқиши билан характерланади. Агония клиник ўлим олдидан бошланади ва бир неча соатдан 2-3 суткагача давом этиши мумкин. Клиник ўлим марказий нерв тизимси функцияларининг жуда чуқур издан чиқиши билан характерланади. Тўқималарда, марказий нерв тизимсининг олий бўлимларида қайта тикланмайдиган ўзгаришлар рўй бергандан сўнг эса биологик яъни ҳақиқий ўлим ҳолати рўй беради. Ҳайвоннинг ўлганлиги мурдада рўй берадиган белгиларига қараб аниқланади. 1. Мурда совийди . Биринчи куни тана ҳарорати соатига + 1 0 С дан, иккинчи куни + 0,2 0 С дан пасаяди. Аммо айрим вақтларда ҳайвон ўлгандан кейин ҳам унинг тана ҳарорати + 42 0 С гача кўтарилиши (қотма касалида) мумкин. 2. Мурда қотади. 8-10 соатдан кейин 3. Мурда доғи - гемолизланган қоннинг тўқималарга шимилишидан ҳосил бўлади. Мурданинг ерга тегиб ётган яъни пастки қисмида бўлади. 4. Мурда чирийди . Бу кўкимтир - сарғиш доғлар пайдо бўлиши билан характерланади. Микробларнинг ривожланиши натижасида ҳар хил газлар ажралиб чиқиб, мурда эмфиземасининг ривожланишига сабабчи бўлиши мумкин.

Адабиётлар: 1. Шопўлатов Ж. "Ветеринария асослари" Тошкент 1993 йил. 2. Шопўлатов Ж. Бурхонова Х., Жиянов Я. «Эпизоотология ва микробиология асослари» Тошкент «Мехнат» 1991 й 3. Конопаткин А.А. «Эпизоотология и инфекционные болезни сельхоз животных». Учебник, Москва, изд. «Колос» 1984 г 4. Данилевский В.М. «Внутренние незаразные болезни сельхоз животных». Учебник, Москва «Агропромиздат» 1991 г 5.Ветеринария қонунчилиги. «Ёзувчи» нашриёти. Т. 1998 й

O'xshashlar

Ирсият ва ривожланиш

Янги туғилган ҳайвонлар касалликлари

Эпизоотология ва инфекцион касалликлари

Спорт тиббиёти фани, мақсади, вазифалари,ривожланиш тарихи

Физиологиянинг ривожланиш тарихи