Дорихоналарда рецептларни қабул қилиш ва улар асосида дори воситаларини бериш - Tibbiyot - Referatlar

Дорихоналарда рецептларни қабул қилиш ва улар асосида дори воситаларини бериш

Yuklangan vaqt:

20.09.2019

Ko'chirishlar soni:

0

Hajmi:

91 KB

Ko'chirib olish

Дорихоналарда рецептларни қабул қилиш ва улар асосида дори воситаларини бериш Режа 1. Рецептура ишлаб чиқариш бўлимининг асосий вазифалари. 2. Фармацевт – технолог иш жойини жиҳозлаш. 3. Фармацевт – технологнинг вазифалари. 4. Рецепт ва унинг бланкалари. 5. Рецепт ёзишда тиббиёт ходимлари томонидан йўл қўйиладиган хатоликлар. 6. Рецептни таксировка ва экспертиза қилиш. 7. Сигнатура ҳақида тушунча. 8. Рецептларнинг ўз таъсир кучини сақлаш муддатлари. 9. Гиёҳвандлик (наркотик) воситалари психотроп моддалар, прекурсорлар тўғрисидаги низом. 10. Дорихонада олиб қолинадиган ре ц ептларнинг сақланиш муддатлари.

Рецептура ишлаб чиқариш бўлимининг асосий вазифалари: - ДПМ (даволаш-профилактика муассасаси)дан келган талабномалар ва аҳолидан келган индивидуал рецептларни қабул қилиш; - ДПМдан келган талабномалар ва аҳолидан келган рецептлар асосида дори воситаларини тайёрлаш; - тайёрланган дори воситалари сифатини назорат қилиш; - ДПМ талабномалари ва аҳолидан келган рецептлар асосида тайёрланган дори воситаларини расмийлаштириш ва беморларга бериш. Рецептура ишлаб чиқариш бўлимининг энг масъулиятли ишларидан бир рецептларни тўғри қабул қилиб олишдир. Шунга кўра рецепт қабул қилаётган фармацевт – технолог рецептнинг тиббиёт ходимлари томонидан тўғри расмийлаштирилганлигига яъни, рецепт ёзиш қоидаларидаги барча зарурий маълумотларни келтирилганига, ёзилган дори воситаларининг дозалари, ўзаро мос келиши ва беморнинг ёшига бутун диққатини жалб этиши шарт. Рецепт қабул қилувчи фармацевт – технолог хонасида тумбали стол, шкаф, тайёр дорилар учун вертушка, таркибида “А” рўйхатдаги дорилар учун шкаф, совутгичлар бўлади. Рецепт қабул қилувчи фармацевт – технолог столида ҳисоблаш машинаси, мухрлар тўплами хужжатлар, прейскурант, давлат фармакопеясининг энг сўнгги нашри, 1 мартали ва суткали дозалар жадвали, моддаларнинг эрувчанлик жадвали, дори воситаларининг номутаносиблик жадвали, буйруқлар, дори воситаларини синонимлари рўйхати, нотўғри ёзилган рецептларни қайд қилиш журнали бўлади. Ҳар бир предметни доимий турадиган жойи бўлиши, тез-тез ишлатиладиган предметлар қўл остида жойлашган бўлиши керак. Рецепт қабул қилувчи фармацевт – технологнинг вазифалари қуйидагилардан иборат:

- рецептларни, талабномаларни қабул қилиш; - рецептлар тўғри расмийлаштирилганлигини текшириш; - рецепт ингр е диентларининг мутаносиблигини текшириш; - бемор ёшига аҳамият бериш; - ё зилган дозаларни текшириш; - дори воситаси нархини аниқлаш; - тегишли хужжатларни расмийлаштириш; - келган рецептларни ҳисобини олиб, тайёрлаш учун ассистентлар хонасига бериш; - рецептларни врачлар томонидан тўғри ёзилганлигини текшириш; - ДПМ раҳбарлари билан боғланиб туриш; - дорихонага келган рецептларда дорихонада мавжуд бўлмаган дори воситаларини қайд қилиб бориш ва дорихона мудири ёки муовинларига шу ҳақида ахборот бериш. Фармацевт – технолог қабул қилган рецептларнинг ҳисобини “Рецептура дафтарчаси” ёки “Квитанция дафтарчаси”да олиб боради. Квитанция дафтарчаси уч қисмидан иборат бўлади. Биринчи қисми ёки корешок бу дори воситасини ҳисобга олиш учун асос бўлиб, шу ерда тартиб номери дори воситасининг шакли, қиймати беморнинг фамилияси, исми-шарифи кўрсатилади. Бу қисм дорихонада қолади. Иккинчи қисмида эса беморни фамилияси, исми-шарифи, дори воситасининг шакли, қиймати, рецепт номеридан ташқари дори воситасининг тайёр бўладиган вақти кўрсатиб, беморнинг қўлига тутқазилади. Рецептда заҳарли, наркотик, этил спирти ёзилган бўлса дори воситасини тайёрловчи фармацевт эътибор бериши учун тагига қизил қалам билан чизиб қўйиш керак.

Врач томонидан заҳарли, наркотик ва кучли таъсир этувчи моддаларнинг дозаси ошириб ёзилган бўлса, 1 марталик юқори дозанинг ярим миқдорида тайёрлаб берилади. Рецепт бу шифокорнинг фармацевтга ёзма мурожаатидир. Рецептлар беморларнинг ёшини, дори воситалари учун ҳақ тўлаш тартибини ва унда ёзилган дори воситалари таркибидаги моддалар таъсирини ҳисобга олган ҳолда ёзилади. Ўзбекистон Республикаси Соғлиқни сақлаш вазирлигининг 26 июн 2002 йилда чиққан 297-сонли буйруғига асосан рецепт бланкалари 3 хил бўлади: 1. Болалар ва катталар учун тўлиқ нархдаги дори воситасини олиш учун ёзиладиган 1-шакл. 2. Бепул дори воситалари ва гангитувчи хусусиятига эга бўлган дори воситалари учун ёзиладиган 2-шакл. 3. Пушти рангли фақат наркотик дори воситалари ёзиш учун тавсия этиладиган 3-шакл. рецепт бланкаси қуйидаги реквизитларга эга бўлиши шарт: - Даволаш-профилактика муассасаси коди босмахона усули билан босилади ёки штамп кўйилади; - якка тартибдаги меҳнат фаолияти билан шуғулланадиган шифокорларнинг рецептларини тепа қисмининг ўнг томонига босмахона усули билан уларнинг манзили, лицензиясининг тартиб рақами, берилган санаси, амал килиш муддати ва лицензия берган ташкилотнинг номи босилади ёки штамп қўйилади; - рецептда дори воситасининг номи лотин тилида, аниқ, равшан қилиб, сиёҳда ёки шарикли ручка билан ёзилади, тузатишлар киритиш тақиқланади; - битта рецептура бланкида иккитадан ортиқ бўлмаган оддий дори воситалари ёзилади;

- этил спирти таркибида заҳарли моддалар ҳамда миқдорий ҳисобда турувчи психотроп дори воситалари ва прекурсорлар бўлган дори- дармонлар алоҳида рецепт бланкасида ёзилади ва рецепт бланкаси қўшимча даволаш-профилактика муассасасининг “рецептлар учун” муҳри билан тасдиқланади; - белгиларни фақат қоидаларда белгиланганганидек қисқартириб ёзишга рухсат берилади холос; - қаттиқ ва сочилувчи моддалар – граммлар (0,001; 0,5; 1,0) суюқликлари – миллилитр, грамм ва томчилар ҳисобида кўрсатилади; - “ичилади”, “ишлатилиши маълум” ва ҳоказо деган умумий кўрсатмалар билан чекланиш тақиқланади; - беморларнинг фамилияси, исми-шарифи, ёши, шифокорнинг фамилияси, исми-шарифи кўрсатилади; - шифокорнинг имзоси унинг шахсий муҳри билан тасдиқланган бўлиши лозим; - “каттага”, “болага” деб кўрсатилган белгилардан кераксизи ўчирилади. Биринчи шаклдаги рецепт бланкасига қуйидаги дори воситалари ёзилади: - захарли дори воситалари ва уларнинг препаратлари; - ухлатувчи дори воситалари; - нейролептик, антидепрессив препаратлар; - стероид гормонлар; - транквилизаторлар; - астмага қарши воситалар; - 8-оксихинолин ҳосилалари; - заманиха настойкаси; - этил спирти сақлаган дори воситалари; - кучли таъсир этувчи моддалар; - антибиотиклар - сульфаниламид препаратлар.

Иккинчи шаклдаги рецепт бланкасига гангитувчи хусусиятга эга бўлган дори воситаларидан ташқари қуйида берилган касалликлар билан оғриган беморлар ва шахслар (Ўзбекистон Республикаси Вазирлар Маҳкамасининг 2 декабр 1997 йилда тасдиқланган 532-сонли қарорига асосан)га бепул бериладиган дори воситалари ёзилади. Дори воситалари ва тиббий буюмларига имтиёзли асосда рецепт ёзиб бериш ва рецепт бланкаларини расмийлаштириш тартиби: Даволовчи врач қуйидаги мутахассис врачларнинг тавсияси асосида амалга оширади: Онкологик препаратлар – онколог ёки гемотолог; Диабетга қарши препаратлар ва эндокрин тизимига таъсир кўрсатувчи бошқа дори воситалари – эндокринолог; Психотроп препаратлар – психиатр. Ўзбекистон Республикаси Вазирлар Махкамасининг 1997 йил 2 декабрдаги 532-сонли қарорига мувофиқ беморлар стационар шароитида даволанаётган даврида, стационар хамда поликлиника врачлари томонидан имтиёзли рецептларни беришга рухсат этилмайди. Имтиёзли тоифага эга беморларга наркотик дори воситалари Соғлиқни сақлаш вазирлигининг 2001 йил 28 ноябридаги 527-сон Адлия вазирлигида 2001 йил 29 декабрда 1090-сон билан қайд этилган буйруғига асосан ёзилиб берилади. Имтиёзли рецептларнинг таъсир қилиш муддати – 1 ой, гиёхванд дори воситалари бундан мустасно. Дори воситалари ва тиббий буюмларга ёзиладиган имтиёзли рецептлар битта нусхада ёзилади.

Дорихона томонидан имтиёз асосида бериладиган дори воситалари тўлови ДПМ лар томонидан икки нусхада расмийлаштирилган реестр асосида амалга оширилади. (ЎзРССВ нинг 2007-йил 22 ноябрдаги 519-сонли буйруғи). Учинчи шаклдаги рецепт бланкасига фақат наркотик дори воситаларини ёзиш тавсия этилган. Рецепт ёзишда тиббиёт ходимлари томонидан йўл қўйиладиган хатоликларни қуйидагича гуруҳлаш мумкин: 1. рецепт таркибидаги моддаларнинг номини ёзишдаги хатолик (лотин тилида, қисқартиришлар, тушунарсиз ёзувлар). 1. дозасидаги хатоликлар (дозаларнинг ноаниқлиги, фоиз кўрсаткичини тушунарсиз ёзилгани). 2. тавсия қилишдаги хатолик (нотўғри тавсия килинган) 3. расмийлаштиришдаги хатолик (нотўғри расмийлаштирилган). бундай рецептларга “рецепт ўз кучини йўқотган” деб муҳр босилади ва махсус журналда кайд қилинади. Рецептни таксировка қилиш – бу рецепт таркибидаги ингредиентларнинг ҳар бири нархини хисоблаш ҳамда қуйидаги жадвалга мувофиқ равишда ҳақ олиш демакдир. Рецептни экспертиза қилиш – бу рецептни қабул қилаётганда текшириш, дозасига аҳамият бериш, тайёрлаш, сақлаш ва бошқа жараёнларни ҳар томонлама назорат қилиш. Таркибида заҳарли, наркотик моддалар ва этил спирти бўлган экстемпорал усулда тайёрланган дори воситалари беришда беморларга рецепт ўрнига юқори қисмида сариқ йўли ва унда қора шрифтдаги “сигнатура” деган ёзуви бўлган қоғоз берилади. Дорихонада рецептлар ўз таъсир кучини сақлаш муддатига эга бўлади.

Наркотик дори воситалари ёзилган рецептлар 10 кун давомида ўз кучини сақлайди. Заҳарли дори воситалари сақлаган рецептлар ҳам 10 кун. Қолганлари эса 1 ойгача ўз кучини сақлайди. Тайёр ва якка тартибда тайёрланадиган дори воситаларига ёзилган рецептлар сурункали касаллик билан оғриган беморлар учун бир йил мобайнида ўз кучини сақлаш муддатига эга, қуйидагилар бундан мустасно: - миқдорий ҳисобда турувчи дори воситалари; - анаболик активликка эга бўлган дори воситалари; - бепул рецепт билан бериладиган дори воситалари; - якка тартибда тайёрланадиган спирт сақловчи дори воситалари (Ўзбекистон Республикаси Соғлиқни сақлаш вазирлигининг 26 июн 2002 йил 297-сонли буйруғига биноан 2.13. пункт). Баъзи наркотик, ухлатувчи ва психотроп дори воситаларини 1 дона рецептга бериладиган меъёри белгиланган, уларни қуйидаги ёзилган миқдордан оширишга рухсат этилмайди. № Дори препаратларининг номи Меъёри 1. алнагон 20 табл. 2. кодеин 0,2 г 3. барабамил (порошокда) 2,0 г 4. бупренорфин табл. 0,2 мг 20 табл. 5. бупренорфин ампулада 0,3 мг 20 амп. 6. бупренорфин ампулада 0,5 мг 10 амп. 7. кодтермопс, кодтерпин 20 табл. 8. кокаин гидрохлорид 0,1 г 9. морфин гидрохлорид, морфилонг 0,1 г 10. омнопон 0,1 г 11. промедол 0,25 г

12. пахикарпин гидройодид 1,2 г 13. ухлатувчи препаратлар 10-12 табл. 14. фепранон 0,0025 50 драже 15. этаминал натрий 1,0 г 16. эстоцин табл. 12 табл. 17. этилморфина гидрохлорид (дионин) 0,2 г 18. эфедрин гидрохлорид 0,6 г 19. пентазоцин (фортрал) 30 ва 50 мгн 10 табл. 20. пентазоцин (фортрал) 3% 1 мг 10 амп. Дорихонада ва ДПМ ларда миқдорий ҳисобда турувчи захарли моддалар рўйхати: 1. Атропин сульфат 1. Мышьяк ангридрид 2. Натрий арсенат кристаллари 3. Симоб дийодид 4. Симоб оксицианид 5. Симоб цианид 6. Кумуш нитрат (ляпис) 7. Стрихнин нитрат 8. Дикаин Гиёҳвандлик (наркотик) воситалари гиёҳвандлик воситалари рўйхатига киритилган ва Ўзбекистон Республикасида назоратга олинадиган, келиб чиқиши синтетик ёки табиий моддалар, таркибида гиёҳвандлик моддаси бўлган препаратлар ва ўсимликлар. Психотроп моддалар-психотроп моддалар рўйхатига киритилган ва Ўзбекистон Республикасида назоратга олинадиган, келиб чиқиши синтетик ёки табиий моддалар.

Прекурсорлар-прекурсорлар рўйхатига киритилган ва Ўзбекистон Республикасида назоратга олинадиган, гиёҳвандлик воситалари ва психотроп моддалар тайёрлаш учун фойдаланиладиган моддалар. Гиёҳвандлик (наркотик) ва заҳарли дори воситаларини ёзиб боришнинг ўзига хос қоидалари мавжуд. Гиёҳвандлик (наркотик) дори воситаси ёзилган махсус пушти рангдаги рецепт босма қоғозида даволаш профилактика муассасасининг тўртбурчак муҳри, думалоқ муҳр, врачнинг имзоси ва шахсий муҳри бўлиши шарт. Битта пушти рецепт босма қоғозига фақат битта наркотик воситаси ёзилиши мумкин. Амбулатор равишда даволанадиган беморлар учун наркозда ишлатиладиган препаратларни рецепт босма қоғозда ёзиш қатиян ман этилади. Ўрта маълумотли тиббиёт ходими наркотик воситаларига рецепт ёзиш ҳуқуқидан маҳрум. Психотроп моддалар учун ёзиладиган рецептура бланкаларида даволаш муассасасининг муҳри ва штампи, тиббиёт ходимининг шахсий муҳри ва имзоси бўлиши шарт. Битта рецептура бланкасига фақат битта психотроп модда ёзиш рухсат этилади. Дори воситалари учун рецепт ёзишда уларнинг таркибига кирган психотроп, заҳарли модда рецептнинг бошида қолган ингредиентлар эса ундан кейин ёзилиши шарт. Психотроп моддалар сақлаган рецептлар дорихонада 1 ой мобайнида ҳақиқий ҳисобланади. Дорихоналарда прекурсорлар уларнинг кимёвий-физикавий хоссаларини ҳисобга олган ҳолда сақланиши шарт. Уларга қуйидагилар киради: сирка кислотасининг ангидриди, ацетон, этил эфири, сульфат ва хлорид кислоталари, толуол. дорихоналарда улар метал шкафларда сақланиши шарт. Дорихоналарда рецептсиз холда қуйидаги прекурсорлар маълум миқдорда берилади: калий перманганат 5 граммгача, хлорид кислотасининг 1-6 % ли эритмаси 250 мл. гача берилиши рухсат этилган.

Тиббиётда ва илмий мақсадларда ишлатиладиган гиёҳвандлик (наркотик) дори воситаларининг ишлатиш меъёрлари (1000 та аҳоли учун граммларда). 1. морфин гидрохлорид - 0,3 2. промедол - 5,0 3. омнопон - 0,3 4. кокаин - 0,2 5. эстоцин гидрохлорид - 0,3 6. кодеин - 70,3 7. опий - 833,3 8. фентанил - 0,006 Дорихонада олиб қолинадиган рецептларнинг сақланиш муддати белгиланган. Бепул тарзда берилган дорилар учун ёзилган рецептлар дорихонада 3 йил, наркотик дорилар учун ёзилган махсус пушти рангдаги рецепт босма қоғози 5 йил, заҳарли ҳамда этил спирти сақловчи, бангидевона таъсирига эга бўлган препаратлар, анабалик дори воситалари учун ёзилган рецептлар бир йил давомида, бошқа рецептлар бир ой муддатида сақланади. Республиканинг барча дорихона муассасаларида бўлиши мажбурий бўлган, чекланган чакана нархларда сотиладиган дори – дармонлар рўйхати 1. Аспирин 11. Валериан суюқлиги 2. Анальгин 12. Нитроглицерин 3. Борли суртки 13. Йод суюқлиги 4. Ҳар хил бинтлар 14. Инъекциялар учун новокаин 5. Тиббий пахта 15. Папаверин 6. Валидол 16. Аммиак эритмаси

7. Горчичник 17. Кўк дори 8. Димедрол 18. Сенадексин 9. Дибазол 19. Эуфиллин 10. Левомицетин 20. Феррамид

Адабиётлар 1. Ўзбекистон Республикаси Соғлиқни сақлаш вазирлигининг 2002 йил 26 июндаги 297-сонли буйруғи. Ўзбекистон Республикасида фармацевтика фаолияти III китоб Тошкент 2003. б. 79-121. 2. Ўзбекистон Республикаси Соғлиқни сақлаш вазирлигининг 2007 йил 22 ноябрдаги 519 сонли “Имтиёзга эга шахсларни амбулатория шароитида даволашда шифокор рецепти бўйича дорихоналардан бепул бериладиган дори воситалари рўйхатини тасдиқлаш тўғрисидаги” буйруғи. 3. Ўзбекистон Республикаси Вазирлар Махкамасининг 31 май 2002 йилдаги 188 – сонли қарори. 4. П риказ МЗ РУз №527 от 28 ноября 2001 года “ О б утверждении положения об условиях хранения, отпуска, реализация, распределения, учета наркотических средств, психотропных веществ и прекурсоров”. 5. О рганизация и экономика фармации 2-е издание. П од. ред. И . В . К осовой. М осква 2004. с. 172-176. 6. К омилов А . М . С оциал фармация фанидан маърузалар матни. тошкент 2000й. 120 б. 7. Т ошмухамедов Э . Р . ва бошқалар. “ Ф армация ишини ташкил қилиш ва унинг иқтисодиёти бўйича амалий машғулот”. Б ухоро 1992 й. 10-21 б. 8. Юсупов М.А, Комилов В.М, Хидоятова З.Ш., Эрматов Ш.Х. “Фармация ишини ташкил қилиш ва унинг иқтисодиёти”. То шкент 2004 й. 55-59 б. 9. П риказ МЗ РУ з от 17 июня 1996 года за №489. О порядке хранения, учета прописывания, отпуска, применения и усиления контроля использования ядовитих, наркотических и психотропных средств. 10. Г иёҳвандлик воситалари, психотроп моддалар ва прекурсорлар муомаласи бўйича меъёрий хужжатлар. Тошкент 2002. 15-21 б.

O'xshashlar

Дорихона шароитида дори воситаларини тайёрлаш ва сифатини назорат ишларини ташкил қилиш

Дори воситаларини турғунлаштиришнинг замонавий аспектлари

Дори воситаларини ишлаб чиқариш технологияси

Даволаш профилактика муассасасининг дорихонаси

Дорихоналар ишини ташкил қилиш