Дорихонада ғамламалар бўлими ишини ташкил қилиш. Лаборатория ва қадоқлаш ишларини ҳисобга олиш - Tibbiyot - Referatlar

Дорихонада ғамламалар бўлими ишини ташкил қилиш. Лаборатория ва қадоқлаш ишларини ҳисобга олиш

Yuklangan vaqt:

20.09.2019

Ko'chirishlar soni:

0

Hajmi:

59.5 KB

Ko'chirib olish

Дорихонада ғамламалар бўлими ишини ташкил қилиш. Лаборатория ва қадоқлаш ишларини ҳисобга олиш Режа 1. Дорихонада ғ амламалар б ў лимининг вазифалари. 2. Ғ амламалар б ў лимидаги фармацевт ва қ адо қ ловчиларнинг вазифалари. 3. Дорихона омборхонасидан молларни олиш, дорихонанинг бош қ а б ў лимларига ва шахобчаларига молларни тар қ атиш тартиблари. 4. Ғ амламалар бўлимидаги хоналар ва улар ў ртасидаги бо ғ ли қ лик. 5. Ғ амламалар б ў лимидаги дори воситаларининг са қ ланиши. 6. Наркотик, за ҳ арли дори воситаларини, психотроп моддаларни, прекурсорларни, этил спиртини са қ лашнинг ў зига хос хусусиятлари. 7. Лаборатория ва қ адо қ лаш ишлари х исобини олиб бориш тартиби. 8. Тайёр дорилар ва рецептсиз савдо б ў лимларининг вазифалари.

Ғамламалар бўлимининг асосий вазифалари дорихона таъминотчиларидан келтирилган дори воситалар ва бошқа тиббий молларини қабул қилиб олиш, сақлаш, уларни бошқа бўлимларга даволаш-профилактика муассасаларига, ташкилотларга, шахобчаларига тарқатиш ҳамда лаборатория ва қадоқлаш ишларини амалга оширишдан иборат. Ғамламалар бўлимида фармацевт ва қадоқловчилар хизмат қилиб, улар бевосита бўлим мудири ва муовинларига бўйсунадилар. Бўлимда фармацевт-технологнинг вазифалари қуйидагилардан иборат: - бўлимдаги лаборатория ишларини олиб бориш, жумладан, концентрланган эритмаларини, ярим фабрикатлар, дорихонада ва тез-тез учраб турадиган рецептлар бўйича олдиндан дорилар тайёрлаш; - қадоқловчилар ўртасида ишларни тақсимлаб, қадоқланган маҳсулотларни қабул қилиш; - моллар сақлаш хоналарида давлат фармакопеяси ва амалда тасдиқланган йўриқномаларнинг талабларига мувофиқ тўғри сақланишини таъминлаш; - штангласларни дори ва дори воситалари билан тўлдириб туриш; - бириктирилган даволаш профилактика муассасалари ва дорихона бўлимларидан тушган талабномалар асосида моллар тўплаш; - дори воситалари ва бошқа тиббиёт молларига буюртма тузишда қатнашиш, вақтинчалик йўқ бўлган дори воситаларига буюртма тузишда қатнашиш, вақтинчалик савдода бўлмаган ва янги қабул қилинган дори воситаларининг ҳисобини олиб бориш; - дорихонага олиб келинган молларни қабул қилишда қатнашиб, уларни сақланиш жойлари бўйича жойлаштиришни ташкил қилиш; - бўлимда фармацевтик тартиб ва санитария режимига риоя қилишни назорат қилиб туриш ва бошқалар. Қадоқловчилар эса қуйидаги вазифаларни бажарадилар: - дори воситаларни қадоқлаш;

- молларни қабул қилишда ва бўлимларга тарқатишда қатнашиш; - тарозилардан, қадоқлаш асбобларидан ва ускуналардан тўғри фойдаланиб, уларни озода сақланишини таъминлаш; - фармацевт ва фармацевт ассистентларнинг ишлаб чиқаришга доир кўрсатмаларини бажариш. Қадоқловчи бажарилган ишнинг сифати ва иш жойининг санитария ҳолати учун жавобгар ҳисобланади. Ғамламалар бўлими дорихона омборхонасидан молларни олиш учун буюртма-талабнома ёзади. Буюртма талабнома 2 нусхада омборхонанинг тегишли бўлимлари учун расмийлаштирилади. Таркибида заҳарли, наркотик моддалар ва этил спирти бўлган дори воситалар учун алоҳида буюртма талабномалар ҳар ойда режа асосида дорихона омборхонасига, айрим ҳолларда режадан ташқари шошилинч буюртмалар тузилади. Ғамламалар бўлимидан дорихонанинг бошқа бўлимларига ва шахобчаларига молларни талабнома юк хатига мувофиқ берилади. Талабнома юк хати 3 нусхада тўлдирилади. Унинг биринчи нусхаси моллар ҳисоботига киритилиб, иккинчиси молларни қабул қилган ходимга берилади, учинчи нусхаси эса уларни тарқатган моддий жавобгар шахсда қолади. Ғамламалар бўлимида қуйидаги хоналар бўлади: - молларни қабул қилиш хонаси; - тайёр дори воситаларини, иссиққа чидамсиз - термолабил дори воситаларини, минерал сувларни, ҳар хил идишларни, дори воситаларини тайёрлаш, уларни расмийлаштириш ва беришда керак бўладиган ёрдамчи материаллар, доривор ўсимликлар ҳамда боғлов материалларини сақлайдиган хоналар. Айрим дорихоналарни ғамламалар бўлимида лаборатория ва қадоқлаш ишларини бажариш учун алоҳида хона бўлиб, унда концентратлар, яримфабрикатлар тайёрлаш ва қадоқлаш ишлари бажарилади. уларни бажариш учун эса ҳар хил кичик механизация воситаларидан фойдаланилади.

Ғамламалар бўлимидаги дори воситалари давлат фармакопеяси талабларига мувофиқ сақланади. Дори воситаларининг сақлаш қоида ва шартларига аниқ риоя қилинса, уларнинг бузилиш ҳолларини олди олинади. Дори воситаларини сақлашда уларни токсикологик хоссалари, фармакологик гуруҳлари, қўлланиш усуллари, агрегат ҳолатлари, яроқлилик муддати таъсирчанлигига асосан гуруҳларга таснифланади. Ёруғликка сезгир препаратлар тўқ зарғалдоқ рангли шиша идишларда, баъзида ёруғлик ўтказмайдиган қора қоғоз ёпиштирилган штангласларда сақланади. Намликка сезгир препаратлар қуруқ жойларда сақланади. Резина буюмлари салқин хоналарда, қоронғи шкафларда ва токчаларда сақланади. улар сақланадиган хоналар ва шкафлардаги намлик 60% дан кам бўлмаслиги керак. Унинг учун карбон кислотасининг эритмаси ва резина буюмларини эластиклигини сақлаш мақсадида аммоний карбонат ёки хлорид, очиқ идишларда қўйилади. Боғлов материалларини қуруқ ёруғ хоналарда алоҳида шкаф тортмаларида сақланади. Уларни сақлашда техника хавфсизлиги қоидаларига риоя қилиш талаб қилинади. Наркотик, заҳарли дори воситалари, психотроп моддалар, прекурсорлар, этил спирти алоҳида шарт-шароитларга риоя қилинган ҳолда сақланади. Наркотик, ўта заҳарли дори воситалар маҳсус сейфларда сақланади. Ушбу дори воситалар сақланадиган хоналар ёруғлик ёки товуш сигнализацияси билан таъминланади. Наркотик воситалар, психотроп моддалар, прекурсорлар сақланадиган сейфларнинг иккитадан калити бўлиши лозим. Уларнинг бири жавобгар шахсда, иккинси эса мудирда бўлади. Наркотик дори воситалари сақланадиган сейфларда уларни ўлчаш учун қўл тарозилари, дори воситаларини тайёрлаш учун ховонча, цилиндр, воронка бўлиши шарт.

Прекурсорлар сақланадиган хоналарда табиий вентиляция бўлиши лозим. Прекурсорлар сақланганда чанг билан ифлосланмаслик ва бошқа чораларни кўриш керак, акс ҳолда портлаш ходисаси рўй бериши мумкин. Этил спирти аланга олувчи препаратлар қаторига киргани учун уни оғзи маҳкам ёпиладиган идишларда ёруғликдан ҳимоя қилинган ҳолда, салқин жойларда, алоҳида хоналарда сақланиши керак. Смена тугагач, юқорида қайд этилган моддалар сақланадиган хоналар ёпилиб, муҳрланади ёки пломбаланади. Ғамламалар бўлимида бажарилган лаборатория ва қадоқлаш ишлари “Лаборатория ва қадоқлаш ишларини ҳисобга олиш дафтари”да қайд этилади. Бу дафтарда лаборатория иши учун берилган дори воситаларнинг номи, ўлчов бирлиги, миқдори, баҳоси, умумий нархи билан биргаликда тайёрлаб, қадоқлаб топширилган маҳсулотларнинг серияси, ўлчов бирлиги, номи, миқдори баҳоси, умумий нархи, хом ашё ва тайёр маҳсулотларнинг нархлари орасидаги фарқлар акс эттирилади, ҳамда ишни бажариб сифатини текшириб, қабул қилиб олган шахсларнинг имзолари қўйилади. Дорихоналарда ходимларнинг иш фаолиятини енгиллаштириш учун олдиндан концентратлар, яримфабрикатлар тайёрланади: 50% ли глюкоза, 20% ли натрий бромид, 20% ли магний сульфат, 10% ли калий йодид, димедролнинг 1% ли, бор кислотасининг 2% ли, натрий тиосульфатнинг 60% ли, натрий хлориднинг 0,9% ли эритмалари ва ҳоказо. Тайёрланадиган концентратлар, яримфабрикатлар ва дорихона стандартларининг номенклатураси дорихона худудидаги “Дори-дармон” давлат акционерлик уюшмаси ва назорат-аналитик лабораториялар билан келишилган бўлиши керак. Тайёр дори воситалари бўлими ҳар хил секцияли шкафлар, столлар ва пештахталар билан жиҳозланади, ундан ташқари термолабил дори воситалари учун музлатгичлар, заҳарли, наркотик дори воситалари учун эса қулфланадиган темир сейфлар бўлади. Бўлимни мудир ва унинг

ўринбосарлари – олий маълумотли фармацевтлар бошқаради. Ушбу бўлимнинг асосий вазифаси аҳолига турли тайёр дори воситаларини врач рецепти бўйича савдо қилишдир. Дорихонадаги дори воситаларини ва бошқа тиббиёт буюмларини рецептсиз берадиган бўлим ҳам кутиш залига жойлаштирилади. У ҳар хил тўсиқлар билан ажратилган бўлади. Рецептсиз савдо бўлимини эса ўрта маълумотли фармацевт – ассистенти бошқаради. Бу бўлимнинг вазифаси аҳолига врач рецептисиз беришга рухсат этилган дори воситалари, гигиена буюмлари ҳамда бошқа тиббиёт моллари, беморлар парваришида ишлатиладиган буюмлар билан савдо қилишдан иборат.

А д а б и ё т л а р 1. Тошмухамедов Э.Р. ва бошқалар Фармацевтика ишини ташкил қилиш ва иқтисодиёти бўйича амалий машғулот. Тошкент, 1992, 35-47 бетлар. 2. Ўзбекистон Республикаси Соғлиқни сақлаш вазирлигининг 26 июнь 2002 йилдаги 297- сонли буйруғи. 3. Ўзбекистон Республикаси Соғлиқни сақлаш вазирлигининг 9 июль 2003 йилдаги 324- сонли буйруғи “Шифокор рецептисиз сотиладиган дори воситалари рўйхатига қўшимча киритиш ҳақида”. 4. По становление “Об утверждении положения о технических по хранению наркотических средств, психотропных веществ и прекурсоров” “Зарегистрировано” министерством юстиции республики узбекистан 11 июля 2001 г. № 1048. Ўзбекистон Республикасида фармацевтика фаолияти Тошкент, III -китоб, 2003, 390-407 бетлар. 5. Приказ МЗ РУ з № 527 от 28 ноября 2001 года. “Зарегистрировано” министерством юстиции Республики Узбекистан 29 декабря 2001 года. № 1090. “Об утверждении положения об условиях хранения, отпуска, реализации, распределения, учета наркотических средств, психотропных веществ и прекурсоров” Ўзбекистон Республикасида фармацевтика фаолияти Тошкент, III -китоб, 2003, 206-242 бетлар.

O'xshashlar

Дорихоналар ишини ташкил қилиш

Дорихона шароитида дори воситаларини тайёрлаш ва сифатини назорат ишларини ташкил қилиш

Фармацевтика бозорида улгуржи савдо фаолиятини ташкиллаштириш

Даволаш профилактика муассасасининг дорихонаси

Хирургия булимининг тузилиши ва унда тиббий хамширанинг ишини ташкил этиш