Болаларнинг жисмоний ривожланиши - Tibbiyot - Referatlar

Болаларнинг жисмоний ривожланиши

Yuklangan vaqt:

20.09.2019

Ko'chirishlar soni:

0

Hajmi:

75 KB

Ko'chirib olish

Болаларнинг жисмоний ривожланиши Режа: 1. Болаларнинг жисмоний ривожланиши 2. Акселерациянинг сабаби

Болаларнинг жисмоний ривожланиши Ўсишнинг биологик маъноси деганда тана катталашиб, организмнинг такомиллашиши тушунилади. Шунинг учун ҳам балоғатга етиш ўсишдан тўхташ билан деярли бир вақтга тўғри келади. Ўсиш тезлиги биологик қонунларга бўйсунади, аммо бу жараён ташқи муҳит омилларига ҳам боғлиқ. Бу омилларнинг баъзилари ўсишни рағбатлантирса, бошқалари унга салбий таъсир кўрсатади. Демак, болаларнинг жисмоний ривожланиши баҳоланганда, ирсият омилларидан ташқари, улар ўсаётган ижтимоий- гигиеник шароитларни ҳан эътиборга олиш керак. Жисмоний ривожланиш халқ саломатлигини ифодаловчи жуда аниқ кўрсаткич. Унинг асосида давлат ва жамият ҳолати ҳақида ҳам фикр юритиш мумкин. Бадавлат, тинчликда яшайдиган юрт фуқароларининг жисмоний ривожланиш кўрсаткичлари ҳам юқори бўлади. Болаларнинг жисмоний ривожланишини ўрганишда қуйидаги белгилар кўрсаткич сифатида олинади. Булар: бир ёшгача бўлган даврда боланинг ётгандаги бўйи, оғирлиги, кўкрак қафаси ва бошининг айланаси. Каттароқ болаларда тик тургандаги ва ўтиргандаги бўйи, кўкрак қафасининг айланаси тинч ҳолатда, нафас олганда ва нафас чиқарилганда ўлчанади. Булардан ташқари, билак мускуллари ва гавданинг кучи динамометр ёрдамида аниқланади ва ҳоказо. Болаларнинг жисмоний ривожланишини кенг кўламда ўрганиш болалар гигиенаси фанининг вазифаси ҳисобланади. Ўсиш физиологик жараён бўлганлиги сабабли икки кўрсаткич асосида (тана узунлиги ва вазни) болаликнинг турли даврларида ўсишнинг жадаллигини кўриб ўтамиз. Ўз вақтида туғилган чақалоқнинг бўйи ва тана массасида индивидуал фарқ анча сезиларли. Бу кўрсаткичларга онанинг саломатлиги ва ёши, ҳомиладорлик вақтида овқатланиши, ҳомиладорликнинг кечиши, биринчи ёки кейинги ҳомиладорликдан туғилиш, боланинг жинси ва ташқи омиллар таъсир қилади. Чақалоқнинг бўйи 45 см дан 56 см гача, ўрта ҳисобда 48-50 см га тенг бўлса, тана массаси 2500 г дан 6000 г гача бўлиб, ўртача 3200-3500

г ни ташкил қилади. Ўғил болаларда бу кўрсаткичлар қиз болалардагига нисбатан 3-7% юқори бўлади. Биринчи ҳомиладорликдан туғилган болаларнинг бўйи ва вазни одатда кейинги болаларникидан камроқ бўлади. Ҳаётининг биринчи кунлари (4-5 кунгача) чақалоқнинг вазни камаяди. Бу физиологик вазнни йўқотиш 5-8% дан ортмаслиги керак. 7-10 кунга бориб, тана массаси тикланади, ундан кейин орта боради. Чақалоқ ҳаётининг биринчи кунлари тана массасининг камайиш даражаси ва давомийлиги болани эмизиш тартибига боғлиқ. Агар чақалоқ онасини дастлабки 12 соат давомида илк бор эмса, эмизиш 6 марта бўлиб, қўшимча сув берилса, тана массаси 5% дан ортиқ камаймайди ва бу ҳолат 3 кун давом этади. Бу маълумот ўзбек халқида одат бўлган чақалоқни эрта эмизиш асосли эканлигини кўрсатади. Биринчи ойнинг охирида тана вазни 600-750 г га ортади. Бола ҳаётининг иккинчи ва учинчи ойларида тана массаси жадал кўпайиб, ойига 800-900 г ни ташкил қилади. Ундан кейин бу жадаллик пасайиб бориб, 11-12 ойларда 150-200 г га тушади. Биринчи йил давомида бола танаси массасига 6500-7000 г қўшилади ва у йилнинг охирида 10500-10650 г га етади. Демак, биринчи йилда бола танасининг массаси деярли уч маротаба ортади. Эмизикли боланинг бўйи ҳам туғилганидан кейин биринчи уч ой давомида энг жадал суръатда ўсади (1-расм). Бу давр ичида чақалоқнинг бўйи 20% га (ўрта ҳисобда 10 см га) ўсади. Кейин жараён секинлашиб боради. Йилнинг охирига келиб, бола бўйига 25 см қўшилади ёки ҳаётининг биринчи йилида унинг бўйи 50% га ортади. Бола ҳаётининг кейинги йилларида ҳам узлуксиз ўсишни кузатамиз, аммо жараённинг жадаллиги бир текис эмас. Биринчи йил давомида чақалоқнинг бўйи 47-50% ортган бўлса, иккинчи йилда 11-13% га ўсади. 3-5 яшар болаларнинг ўсиш тезлиги анча текис бўлиб, йилига 10% ни ташкил этади. 6-7 ёшда болаларда ўсишнинг яна бир жадаллашишини кўрамиз. 8 ёшда ўсиш тезлиги энг кам бўлиб, 1,5-3 % дан ортмайди. Балки бу боланинг

ҳаётида кескин ўзгариш – унинг мактабга бориши билан боғлиқдир. Ўқиш- ўрганиш жараёни болада ҳиссий зўриқишга олиб келади. Бу омилларнинг барчаси мурғак организмига стрессор таъсир кўрсатиб, унинг ўсишини тормозлайди. Балоғатга етиш даврида болалар ўсишида сезиларли тезланиш кузатилади. Кейин 16-17 ёшда бу жараён яна секинлашади ва 18-20 ёшга етганда тўхтайди. Демак, бола эмизикли даврида ҳам, ундан кейинги даврларда ҳам нотекислик қонунига бўйсунган ҳолда ўсади ва ривожланади. Алоҳида олинган аъзо ва функционал тизимларнинг ўсиши ва тараққиёти ҳам бу қонун асосида ўтади. Бу масала тегишли аъзолар фаолиятининг ёшга боғлиқ хусусиятлари кўрилганда, ёритилади. Ўсиш ва ривожланишнинг яна бир қонуни – бу жараёнларнинг жинсга боғлиқлиги. Балоғатга етиш давридан аввал ўғил болаларнинг антропологик кўрсаткичлари қиз болаларникига нисбатан юқори бўлади. Бу фарқни янги туғилган чақалоқнинг бўйи ва оғирлигида кўриш мумкин. Ўғил чақалоқнинг бўйи 50,43±0,09 см ва тана массаси 3530±21,30 г бўлса, қиз чақалоқларда бу кўрсаткичлар 49,50±0,08 см ва 3330±20,0 г ни ташкил қилади. 10-11 яшар болаларнинг бўйи ва оғирлигидаги жинсга боғлиқ фарқ йўқолади. 12-13 яшар ўсмир қизларнинг бўйи ҳам, оғирлига ҳам ўғил тенгдошлариникидан каттароқ бўлади (13 яшар қизларнинг бўйи – 154,0 см, тана вазни – 42,7 кг; ўгил болаларнинг бўйи – 150,2 см ва тана вазни – 39,4 кг). Ўспиринлик даврида йигитлар ривожланишда яна қизлардан ўзиб кетадилар. Бўй ва тана массасидан ташқари, ўсиш даврида бошқа тизимлар фаолиятида ҳам жинсий фарқ кузатилади. Масалан, кафт ва гавдани ёзувчи мускуллар кучи, нафас, ҳамда юрак-қон томирлар тизимининг фаолият кўрсатиш имкониятлари ўғил болаларда қиз болаларникидан кўпроқ бўлади. Ўсиш ва ривожланиш режасини асосан генетик омиллар белгиласада, уларга ташқи муҳитнинг физикавий ва ижтимоий омиллари сезиларли таъсир кўрсатади. Бола 6-7 ёшга, ўсмирлар 11-14 ёшга етганда ўсишнинг тезлашиши

генетик режага боғлиқ бўлса, шу даврларнинг ўртасида (8 ёшда) ўсишнинг тормозланишини муҳит шароитларининг ўзгаришлари юзага чиқаради. Тана вазнининг ортиши кўпроқ ташқи омилларга боғлиқ. Бола истеъмол қиладиган овқат миқдори ва сифати, боланинг ҳаракат фаоллиги, жисмоний тарбияланиши биринчи галда ривижланишнинг бу кўрсаткичига таъсир қилади. Организм фаолиятларининг баъзилари (олий нерв фаолиятининг турлари, ЭЭГ хусусиятлари ва бошқ.) кўпроқ боланинг ирсиятига боғлиқ бўлса, бошқалари (мускуллар кучи, ҳаракатчанлиги, чидамлилиги, автоном нерв тизими ва ички аъзолар фаолияти) ташқи муҳит омилларига сезгирдир. Ирсият билан кўп жиҳатдан боғлиқ бўлмаган фаолиятларга мунтазам равишда ва маълум йўналишда таъсир қилиб, уни ўзгартириш мумкин. Демак, бола организмининг ўсиши ва ривожланиши генетик ва муҳит омилларининг мураккаб ўзаро муносабатларининг натижасидир. Агар акселерация тўғрисида гап юритилмаса, ўсиш ва ривожланишга оид маълумот тўлиқ ҳисобланмайди. Антропология ва тиббиётда акселерация деганда бола ва ўсмирларнинг ўсиш жадаллигини аввалги авлодлар ўсиши ва ривожланишига нисбатан тезлаштириш тушунилади. Акселерациянинг моҳияти шундаки, ҳозирги авлоднинг биологик камолотга етиши олдинги авлодникидан эртароқ тугайди ва осиш тўхтаганида одамнинг бўйи ва тана вазни ортади. Акселерация асримизнинг 20-йилларида олинган антропометрик, ҳамда ХIХ асрнинг 30-йилларида тўпланган маълумотлар билан солиштирилганда, илк бор қайд қилинган. Акселерация ҳомила ривожланиши давридаёқ юзага чиқа бошлайди. Масалан, охирги 30-40 йил давомида туғилган чақалоқларнинг бўйи 1-1,5 см га, тана вазни эса 100-300 г га ортди. Эмизикли даврида ҳам ўсиш ва ривожланиш тезлашди. 60-йилларда Москва шаҳрида ўтказилган тадқиқотлар натижасига қараганда, кейинги 40 йилда олти ойлик болаларнинг бўйи 1,5 см, тана вазни 1 кг га кўпайган. Аввал бола ҳаётининг олтинчи ойида кузатиладиган тана вазнининг икки

баравар ортиши 4-5 ойлар орасига силжиган. Сут тишлари анча эрта чиқа бошлаган, уларнинг доимий тишларга алмашиниш муддати бир йил олдинга сурилган. Ўсиш ва ривожланиш акселерацияси ўсмирлик даврида жуда яққол кўзга ташланади. Кўп мамлакатларда ўтказилган текширишлар кейинги ярим аср давомида 12 яшар ўғил болаларнинг ўртача бўйи 11 см га, тана вазни 10 кг га ортганини кўрсатди. Балоғатга етиш ҳам анча тезлашган. Масалан, қизларда илк бор ҳайз кўриш вақти 1 йил олдинга сурилган. Шу билан бир вақтда ўсиш даври 2 йилга қисқарган. Аммо, бунга қарамасдан, ўрта яшар одамларнинг ўртача бўйи 3,5-4 см га ва вазни 8-9 кг га ортган. Акселерация алоҳида олинган мамлакат ёки маълум иқлим ва миллатга хос нарса эмас. 3-жадвалдаги рақамларга назар ташласак, кейинги 35-40 йил давомида совуқ иқлимда яшаган Коми болаларининг ҳам, денгиз соҳилида турувчи Литва ўсмирларининг ҳам, иссиқ иқлимда яшаган ўзбек болаларининг ҳам бўйи анча ортганини кўрамиз. 3-жадвал Турли миллатларга мансуб 13 яшар ўғил болалар бўйининг ортиши (1925-1967 йиллар) Миллати Текшириш ўтказилган йиллар Болаларнинг бўйи (см ҳисобида) Бўйга қўшилиш (см ҳисобида) Татарлар 1928 1964 133,4 146,0 12,6 Коми халқлари 1927 1967 137,2 149,4 12,2 Руслар 1925 1965 141,2 152,8 11,6 Литваликлар 1926 1966 142,8 153,6 10,8 Қирғизлар 1928 1961 138,4 148,4 10,0 Ўзбеклар 1928 137,8 9,6

1963 147,4 Акселерация ҳақида бир қанча гипотезалар мавжуд. Уларни шартли равишда уч гуруҳга бўлиш мумкин. Биринчи гуруҳга кирувчи физик- кимёвий гипотезаларга кўра, ҳозирги болаларга қуёш нурлари, радиоактив нурланиш, электромагнит тўлқинларининг таъсири аввалги даврлардагидан кучлироқ. Бу омиллар ўсишни рағбатлантира олади. Акселерациянинг сабаби – асосан яшаш шароитларининг ўзгаришига боғлиқ, - деган гипотезалар иккинчи гуруҳни ташкил қилади. Бундай гипотезаларни олдинга сурувчи олимларнинг фикрича, кейинги пайтларда болаларнинг овқатланиши сифат ва миқдор жиҳатдан анча яхшиланди. Овқатда юқори биологик қимматга эга бўлган оқсил ва ёғларнинг миқдори ортган, эмизикли болаларни боқишда калориялар сиғими юқори бўлган махсус сут аралашмалари қўлланилган. Ана шу омиллар ва аҳолининг шаҳарларга кўчиши, қишлоқдаги яшаш шароитларининг шаҳардагига яқинлашиши (урбанизатсия) ўсиш ва ривожланишни жадаллаштирган. Гипотезаларнинг учинчи гуруҳи бўйича акселерациянинг сабаби циклик равишда содир бўладиган биологик ўзгаришлар – гетерозисда. Ўтган аср давомида транспортнинг ривожланиши, урушлар натижасида халқларнинг бир жойдан бошқа ерга кўчиши, аҳолининг йирик шаҳарларда тўпланиши, миллий, диний урф-одатларнинг йўқолиши, турли миллат ва элатларнинг қўшилиб кетишига олиб келди. Натижада илгари бир-биридан ажралган ҳолда яшаган аҳоли қатламларида гетерозиготлик кўпайиб, уларнинг генетик фонди бойиди, болаларнинг ўсиши тезлашди. Келтирилган гипотезаларнинг бирортаси ҳам акселерация сабабларини тўлиқ тушунтира олмайди, чунки у кўп омилларга боғлиқ. Акселерация амалий соғлиқни сақлаш, умуман жамият учун бефарқ эмас. Масалан, ўсмирлар танасининг жадал ўсиши юрак-томирлар тизимига ва нафасга тушадиган фаоллик юкини орттиради. Аммо, юрак, ўпка ва бошқа ички аъзолар ўсиш жадаллиги тана ўсишига нисбатан камроқ бўлгани учун,

улар зўриқиб ишлайди. Бундай вазиятда юрак-томир ва нафас тизимларида патологик ҳолатлар ривожланиши мумкин. Акселерация бир қатор ижтимоий, психологик, падагогик, юридик муаммоларни ҳам келтириб чиқаради. Агар акселерацияга учраган 6 яшар боланинг жисмоний ўсиши ва маънавий ривожланиши аввалги 7 яшар боланики билан тенг бўлса, уни мактабга 6 ёшдан бериш керак. Агар ёшларнинг балоғатга етиши 2 йил олдинга сурилган бўлса, никоҳдан ўтиш мумкин бўлган ёшни олдинга суриш лозим, - деган фикрлар пайдо бўлди. Келтирилган маълумотлардан кўриниб турибдики, акселерация - жуда мураккаб ижтимоий-биологик муаммо. У қўйган саволларни ечиш учун боланинг жисмоний ва маънавий ривожланиши турли мутахассислар томонидан атрофлича ўрганилиши зарур.

Adabiyotlar : 1. B. Sodiqov, L. Kuchkarova, Sh. Qurbanov “Bolalar va o`smirlar fiziologiyasi va gigiyеnasi” O`zbеkiston milliy entsiklopеdiyasi davlat milliy nashriyoti. T. 2005 y. 2. Q.S. Sodiqov “O`quvchilar fiziologiyasi va gigiyеnasi” T. O`qituvchi, 1992. 3. A.G. Xripkova, M.V. Antropova, D.A. Farbеr, “Yosh fiziologiyasi va gigiyеnasi” M. Prosvеshеniyе 1990. 4. Sog`lom avlod yurtimiz kеlajagi “O`qituvchi gazеtasi”. № 48. 8.12.1999. 5. www.ziyonet.uz

O'xshashlar

Жисмоний тарбия спорт билан шуғулланувчиларнинг жисмоний жиҳатдан ривожланиши гавда тузилишини аниқлаш

Хордалилар типи ривожланиши

Сут тишларининг ривожланиши

Турли касалликларда жисмоний реабилитацияни қўлланилиши

Таянч ҳаракат тизимининг ёшга боғлиқ хусусиятлари ва гигиенаси