Болалар амалиётида ишлатиладиган дори турларини яратишдаги муаммолар - Tibbiyot - Referatlar

Болалар амалиётида ишлатиладиган дори турларини яратишдаги муаммолар

Yuklangan vaqt:

20.09.2019

Ko'chirishlar soni:

0

Hajmi:

144.5 KB

Ko'chirib olish

Болалар амалиётида ишлатиладиган дори турларини яратишдаги муаммолар Режа: 1. Педиатрия амалиётида ишлатиладиган дори турларини яратишдаги муаммолар ва уларни ҳал қилиш йўллари 2. Болаларда дорилар фармакокинетикасининг ўзига хослиги 3. Болаларга мўлжалланган дориларга қўйилган талаблар 4. Болаларга мўлжалланган дориларни дозасини белгилаш усуллари 5. Болаларга мўлжалланган дориларни жихозлаш қоидалари.

ТАЯНЧ СЎЗЛАР: болалар учун дорилар , дозалаш, корригирлаш, чақалоқлик даври, дозис-фактор, ленарт усули, юбориш усуллари 1.Болалар амалиётида ишлатиладиган дори турларини яратишдаги муаммолар ва уларни ҳал қилиш йўллари Муаммони долзарблиги Болалар учун мўлжалланган дориларни яратиш хозирга вақтда Умумжахон Соғлиқни Сақлаш ташкилоти томонидан тиббиётнинг ва фармациянинг долзарб муаммоларидан бири деб белгиланган. Бунга асос: - бола организмининг қатор ўзига хос тарафлари мавжудлиги; - Ундан ташқари республикамизнинг 40% болалар ташкил этади ш.у. болалар фармакотнрапиясиги катта ахамият берилиши); - дуне миқёсида махсус болалар учун яратилган дориларни катастрофик этарли эмаслиги. Болалар учун мўлжалланган дорилар боланинг ёшини ҳисобга олган ҳолда дозаланган, корригирланган, керакли самарадорликга эга бўлган ва болалар учун қулай жиҳозланган дори воситалар УССЖ маълумотларига кўра хар йили дунё бўйича 1 млрд долларга яқин маблағ сарфланади болаларга керак бўлмаган дорилар учун ( йўталга қарши. диареяга қарши, шамоллашга қарши) Улардан кўпчилиги бефойда, айримлари эса потенциал зарарли, фақат айрим қисми болалга касални енгишга ёрдам беради. Катор тадқиқотлар натижалари шуни кўрсатадики- болалар организми анатомо-физиологик, психосоматик тарафдан фарқланади. Педиатрия амалиётида болаларнинг ёши куйидаги даврларга бўлинади: 1. Янги туғилган даври 3 ойгача 2. Эмизикли даври 3 ойдан 1 йилгача 3. Мактабдан олдинги даври 1 ёшдан 4 ёшгача 4. Мактабгача бўлган даври 4 ёшдан 7 ёшгача 5. Бошланғич синф ёшдаги даври 7 ёшдан 12 ёшгача

6. Юқори синф ёшдаги даври 12 ёшдан 16 ёшгача Модда алмашинуви, биокимёвий жараёнларни содир бўлиши, асаб психосоматик ҳолати боланинг ҳаётидаги ҳар бир босқичида ўзгача бўлиши кузатилади. Бу ўзгаришлар дориларни сўрилиш,тарқалиш, метаболизм ва танадан чиқиб кетиш жараёнларида ўз таъсирини кўрсатиш мумкин. Дориларни фармакокинетикасига бола организмининг қайси ўзига хос тарафлари кўпроқ таъсир курсатишини қўриб чиқамиз. 1. Дориларни сўрилиш босқичида: А) ўзгаришлар ошқозонда хлоридводород кислотанинг концентрацияси нисбатан паст бўлиши билан боғлик. 1 ойгача бўлган болаларда ошқозон рН муҳити 5,8, 1 йил ёшдаги болаларда –4,5 атрофида бўлади. (Катта одамларда меёрда-1,5-1,8 бўлиши керак); Б)ошқозон-ичак ферментларини тўла ривожланмаганлиги; В)танада қон айланишнинг тезлиги (12 сония чақалоқларда, 22 сония катта одамларда); Г)ўпкада хаво айланиш тезлиги нисбатан юкори (чақалоқларда нафас харакати 40-60 дақиқада бўлса, катта одамларда эса-15-18 ни ташкил этади); Юқорида келтирилган бола организмининг ўзига хос тарафлари дориларни умумий таъсирини тез намоён бўлишига олиб келиши мумкин, айниқса улар перорал ва ингаляцион йўли билан юборилса. Айрим холатларда дориларни салбий таъсири кучайиши кузатилиш мумкин. Масалан, тетрациклин препаратлари ошқозонда узоқ вақт давомида сўрилганлиги (хлоридводород кислотасининг мищдори кам бўлганлиги оқибатида) учун скелет суякларининг шикастланишига, тишларнинг зарарланишига сабабчи бўлиши мумкин. Бу эса препаратни ёш болаларга эҳтиётлик билан ишлатишни талаб қилади ( 8 ёшгача бўлган болаларга тетрациклинларни бериш тавсия қилинмайди). 2. Болалар организмида дориларнинг тарқалиш жараёнида фарқи куйидагиларга боғлиқ:

а) болаларда гемато-энцефалик тўсиқ яхши ривожланмаганлиги сабабли қондан миянинг суюқлигига моддалар тез сўрилиб ўтишига; б) қон зардобидаги оқсиллар билан дори модданинг боғланиш даражаси паст. Шу сабабли модданинг актив фракциялари узоқ вақт давомида қонда сақланади, бу эса ,албатта, дори модданинг дозасини камайтирилишини талаб қилади; в)бола организмида сув миқдори юқори бўлиши (чақалоқларда ўртача танадаги сув миқдори-74,7% бўлса, катта одамларда эса бу кўрсаткич 61,5 % ташкил этади). Бу холат сувда эрувчан препаратларнинг бола танасида тарқалишининг ўзига хос бўлишига сабаб бўлади) 3. Дориларнинг парчаланиш, биотрансформация ва элиминация жараёнларининг фарқи куйидагиларга боғлиқ бўлади; а) фермент, гормон системаларнинг тўлиқ ривожланмаганлиги, айниқса жигар хужайраларида ферментларнинг фаолияти етарли дара- жада бўламаганлиги учун метаболизм тезлиги сусайган бўлади. Бу эса препаратларнинг ножуя реакцияларини ошишига олиб келиши мумкин. Масалан левомицетиннинг ярим парчаланиш вақти 5 ёшли болаларда 4 соат бўлса, чақалоқларда бу вақт 26 соатни ташкил этади. Бу холат препаратнинг салбий реакцияларини кучайишига олиб келади (кўз неврити, юрак-томир системасини коллапси); б) гидроксиллаш ва деметиллаш жараёнлари тўлиқ ривожланмаган; в) буйракда қон айланиши 30-40% кам бўлганлиги учун дориларнинг буйрак орқали чиқиб кетиши анча фарқ қилади (50% гача бўлиши мумкин). Бу дориларнинг танада узоқ вақт сақланишига олиб келади (кумуляция). Шунинг учун қатор препаратларнинг бола танасига салбий реакциялари кўзатилиш мумкин. Масалан,ёш болаларда анестезин метгемоглобинемияга, бутадион гепатитга, ампициллин аллергик реакцияларга, кортикостероидлар ( преднизолон, гидрокортизон) ошқозон язваларига, гипотиазид кома холатларига сабабчи бўлиши мумкин.

Айрим холатларда дорилар бола организмига парадоксал реакция кўрсатиш мумкин. 4. Булардан ташқари болаларнинг асаб системаси ҳам мустаҳкам эмас. Уларнинг оғриққа, нохуш ҳидга, таъмга, рангга сезгирлиги анча юқори. Болалар асаб системасининг ўзига хослиги хам уларга дорилар яратишда ҳисобга олиниш лозим. 5.Чақалоқлик даврида болаларни иммунитет кучларини тўла ривожланмаганлиги учун микроорганизмларга сезгирлига юқори бўлиши кузатилади. Бу эса янги туғилган чақалоқларга мўлжалланган дори турлари микроблардан тозаланган бўлиши талаб этади. 6. Ёш болаларда (7-8 ёшдаги) ютиш рефлекси тўлиқ ривожланмаганлиги учун, қаттиқ дориларни истъемол қилини қийинлашади. 7. Ёш боланинг териси нозиклиги ва шимиб олиш хусусияти юқори бўлиши билан фарқланади. Бу эса айрим моддаларни теридан тез сўрилиб уларни резорбтив таъсирини кучайишига олиб келади. Шунинг учун боланинг терисига суртиладиган препаратлар эҳтиётлик билан қўлланилиш лозим. Масалан, терига йодни спиртли эритмаларини 5 ёшгача, ментол сақловчи суртмаларни бурунга 1 ёшгача, борат кислотаси препаратларини эса умуман қўллаш тавсия этилмайди. Ёш болалар танасига дориларни салбий реакцияларини даражаси юқори бўлишини ҳисобга олиб, айрим препаратларни болалар амалиётида қўлланилиши чекланган ёки умуман ишлатиш тавсия этилмаслиги тўғрисида, адабиётларда маълумотлар келтирилган . Болалар амалиётида берилиши чекланган дори препаратлар Боланинг ёши Берилмайдиган препаратлар номи Муддатидан олдин ва янги туғилган чақалоқлар Бактрим (Бисептол), Канамицин (фақат ҳаётий зарурлигида), “Дермазин” суртмаси, Сульфатон, Цефазолин (Кефзол) 6 ойгача Кодеин фосфат, Пирроксан, Эметин гидрохлорид. 1 ёшгача Дитилин, Имодиум, ровоч илдизи (порошок), Пирацетам

(гранулалари), Эпилин мал ҳ ами 2 ёшгача Анастман (таблеткалари), Калий арсенит эритмаси (Фаулеров эритмаси), Неграм(Невиграмон), Кодеин, Кофеин, Морфин гидрохлорид, маргимуш препаратлари, оксолин кислотаси (Грамурин), Промедол, стрихнин нитрат, Теофедрин таблеткалари, Теофеллин, тимол, Строфант настойкаси, Эстоцин, Этилморфин гидрохлорид 3 ёшгача Адиурекрин, Бромгексин, фенолфталеин 5 ёшгача Аммифурин, Бероксан, “Ким” сую қ бальзами, йоднинг спиртли эритмаси (ичиш учун), Каметон, Камфомен, Кромолин натрий (Интал), Псоберан, Псорален 6 ёшгача Волтарен (Диклофенак) 7 ёшгача Реопирин, 7 ёшдан сунг станционар шароитида 8 ёшгача Диоксициллин гидрохлорид, Тетрациклин гидрохлорид 10 ёшгача Дикаин 12 ёшгача Леводопа, Мадопар, Мазиндол (Теренак) 14 ёшгача Индометацин (Метиндол), Ранисан 15 ёшгача Триэтилперазин (Торекан) 16 ёшгача Напроксин (Напроксен) Болалик ва ўспирин даврида Букарбан, Бутамид, Манинил 18 ёшдан кичик Глюкобай Суяги қотмаган ўспиринларга Таривид Кальций глюконат эритмаси мушакларга юборилиши мумкин эмас! Болаларга эҳтиёткорлик билан бериладиган дори воситалар Номи Изоҳлар

Бактрим Ёш болаларга Блеомицин Болани вазнига қ араб ҳ исоблаб берилади Дигоксин Якка тартибда танлаб берилади Клоназепам (Антэлепсин) Якка тартибда, кичик дозалардан бошлаб берилади Левомицетин Ёш болаларга Метоклопрамид (Церукал) 14 ёшгача ножўя таъсир кўрсатиши мумкин Пирогенал Кичик дозалардан бошлаб берилади, айниқса ёш болаларга Пропанидин (Сомбревин) 4 ёшгача якка тартибда, катта эҳтиёткорлик Билан Сизомицин сульфат Ёш болаларга ҳаётий зарур бўлганида Циметидин (Цинамент) 7 ёшдан бошлаб эҳтиёткорлик билан, кичик дозаларда Ципрогептадин (Перитол) 6 ойдан 2 ёшгача Эметин гидрохлорид Дозани ошириб юбориш мумкин эмас Демак, ёш болаларнинг фармакотерапиясини самарадорлигини таъминлаш учун дориларни яратишда бола организмининг хусусияти ва дорини таъсирини ҳисобга олиш керак. Демак, болалар организмининг физиологик, психологик, анатомик хусусиятларини ва дориларнинг фармакокинетикасининг ўзгаришини ҳисобга олган ҳолда махсус педиатрик дори турларини яратиш долзарб масала ҳисобланади. Бу масалани ечишда дориларни болаларга тўғри дозалаш масаласига ката эътибор берилади. Дориларни педиатрия амалиётида дозалаш Болаларга дориларни яратишда технологик, биофармацевтик масалалар билан бир қаторда уларнинг мўътадил дозасини танлаш масаласи ечилиши лозим. Шу масаланинг энг мўътадил ечилиш йўли-ДМ аниқ дозаси бир хил ёшли ва бир вазнга эга бўлган болалар учун уларнинг организмининг индивидуал хоссалари, ҳисобга олиниш зарур. (В случае плохой переносимости дозу снижаю , при недостаточной эффективности- повқшают). Болаларга мўлжалланган дориларни дозалашда албатда уларни организмининг ўзига хос тарафлари ҳисобга олинади. Педиатрия амалиётида

ДМ дозини аниқлашда уларни 1 кг вазнга ёки 1м 2 тана юзасига ёки бир йил ёшига ҳиоб қилнади. Болаларга мўлжалланган дорилари албатда дори моддаларнинг дозалари билан ҳам фарқланади. Хозирги вақтда болаларга мўлжалланган дориларни дозасини ҳисоблаш учун бир неча усуллар таклиф этилган. Дозаларни 2-та асосий йўналиш бўйича ҳисоблаш мумкин: 1. Эмперик йули -яъни керак бўлган доза боланинг ҳар бир ёшига тажриба асосида клиник синовларда аниқланади. 2. Катталарга мўлжалланган дозани асос қилиб, турли коэффициентлар ва формулалар ёрдамида, болаларга керак бўлган дозани ҳисоблаш. Амали ё тда кўпрок 2-нчи усул қўлланилади. Катталарга мўлжалланган дозаси асосида турли коэффициентлар ёрдамида ҳисоблаш. 1. Мисол: Коэффициент (дозис-фактор) ёрдамида ҳисоблаш: Боланинг ёшга қараб куйидаги дозис-фактор ( коэффициентлар) таклиф этилган: 1 ёшгача - 1,8 1 - 6 ёшгача - 1,6 6 - 10 ёшгача - 1,4 10 - 14 ёшгача - 1,2 Мисол: Парацетамолнинг дозасини 1 ёшли ва вазни 10 кг ли болага ҳисоблаш учун катталарга мўлжалланган парацетамолни дозасини асос қилиб олиш керак. Бу доза 0,5 г ташкил этади. Уни одамнинг ўртача вазнига ( 70 кг) бўлиб препаратнинг 1 кг вазнга тўғри келадиган миқдорини топамиз: 0,5 : 70 = 0,0071 Сўнг топилган санани тегишли коэффициентга ( 1,8) кўпайтириб боланинг 1 кг вазнига бериладиган препаратнинг дозасини ҳисоблаб чиқамизамиз : 0,0071 х 1,8 = 0,01278 г

Боланинг вазни 10 кг бўлишини ҳисобга олиб парцетамолнинг керакли дозасини топамиз: 0,01278 х 10 = 0,1278 г. 2. Х ДФ ҳам дори моддаларни дозасини болалар учун ҳисоблаш жадвали келтирилган (жадвал) ГФ Х бўйича Болани ёши Болага мўлжалланган доза (катта одамларга мўл-жалланган дозасини қисми) 1 1 йилгача 1/24 - 1/12 1 йил 1/12 2 йил 1/8 4 йил 1/6 6 йил 1/4 7 йил 1/3 14 йил 1/2 15-16 йил 3/4

3. V . Harnack томонидан таклиф этилган усул Болани ёши, йил Болага мўлжалланган доза (катта одамларга мўл-жалланган дозасини қисми) 1 1/12 1/10 2 1/4 1/6 3 ½ 1/5 4 1 1/4 5 3 1/3 6 7,5 1/2 7 12 2/3 Бунда катта одамнинг танасининг юзаси1,73 м 2 деб олинса, ЯТЧ тана юзаси 0,2м 2 , 6 ойлик боланинг -0,35 м 2 ,1 ёши- 0,43 м 2, 3 ёшли-0,6 м 2 , 6 ёшли 0,8м 2 9 ёшли-1,1м 2 . Шу сонларга асосланиб қиёсий нисбатни ҳисоблай олган холда юқорида келтирилган сонлар ҳисоблаб чиқарилаган. Катталарга мўлжалланган дозаси асосида турли формулалар ёрдамида ҳисоблаш. Махсус формулалар ёрдамида болаларга керакли доза ҳисоблаб олинади. Бунда асос қилиб боланинг ёши, вазни, танасининг юзаси олиниши мумкин. 1) Augsberger том онидан таклиф этилган усул А = ( 4 х болани нг ёши + 20) A - бу катталарнинг дозасидан олинадиган қ исми , %% 2 ) Lenart G. томонидан таклиф этилган усул. Бу усулнинг( Lenartнинг учлик формуласи) афзаллиги боланинг ёши ва вазни ҳисобга олинган ва ундан ташқари айрим гурух ДМ га бола организмининг сезгирлиги хам ҳисобга олинган.

а) К = ( 2 х болани нг ёши + боланинг вазни ) К - бу катталарнинг дозасидан олинадиган қ исми , %% б) К + = ( 2 х болани нг ёши х боланинг вазни + 12)- бу формула ёрдамида бола организми сезгирлиги юқори бўлмаган препаратлар(антибиотиклар,сульфаниламидлар, витаминлар, фермнтлар в) К - = ( 2 х болани нг ёши х боланинг вазни - 12)- бу формула ёрдамида бола организми сезгирлиги юқори бўлган препаратлар(опий, барбитуратлар) 3. Sagel J . томонидан таклиф этилган усул Болани ёши Болага мўлжалланган доза (катта одамларга мўл- жалланган дозасини қисми,%) 1 20 хафтагача 13 n+5 2 20-52 хафта 8n+7 3 1-9 ёш 3 n+12 4 10-17 ёш 6n+16 n – бу боланинг ёши , йил 4. Lucas томонидан таклиф этилган усул( асосан седатив ва наркотик моддалар учун) Б = боланинг ёши, йил х катталар учун доза боланинг ёши + 12 Шуни алохида эътиборга олиш ке рак: ЯТЧ учун ДМ дозаларини аниқлашда индивидуал ёндашув мақсадга мувофиқдир. Болаларга мўлжалланган дориларни дозасини ҳ исоблаш: а 4 а + 20 б

А = Б ----------- ; А = Б -----------; А = Б - ----. а + 12 100 70 бу ерда: А - бола учун бериладиган доза, Б - катта одам учун бериладиган доза, a - болани ёши (йил), б - боланинг массаси (вазни), кг. ДМ нинг бола учун дозаси ҳисоблашда яна дори шаклига хам эътибор берилади. Масалан, аниқланган ректал ДТ айрим ДМ учун : алкалоид тузлари, эфедрин, фенолларнинг 30-50% га камайтирилади(бериладиган перорал дозасидан), аммо сульфаниламидлар, антибиотиклар учун дозаси 1,5 марта кўпайтирилиши мумкин ( бола организмини шу моддаларга сезгирлиги паст бўлганлиги учун). Ундан ташқари боланинг терисига сепиладиган сепмаларда кучли таъсир этувчи моддаларнинг концентрациясига эътибор берилади- ҳисобга олиниш зарур бола терисининг юқори резорбтив хусусиятлари ( айрим препаратлар, масалан борат кислотаси умуман ишлатилмайди). Болаларга мўлжалланган дори турларини таърифи, таснифи, уларга қўйилган талаблар. Дори турлари технологиясини замонавий ривожланиш босқичини ҳисобга олган холда. илмий жиҳатдан болаларга дориларни яратишда биринчидан уларнинг асабини (психика) иложи борча аяшга қаратилган бўлиши лозим. Болаларга мўлжалланган дори турлари фақат дозаси билан фарқ қилмай балки бир неча талабларга жавоб бериш керак; 1. Дори моддаларни юқори терпапевтик таъсирини таъминлаб уларнинг салбий таъсирини мумкин даражада камайишини таъминлаш; 2. қўлланилиши бола учун қулай, табиий, истеъмол қилишда оғриқ чақирмаслиги, дори моддаларни (айниқса перорал дориларни) нохуш органолептик хусусиятлари ниқобланган бўлиши керак; 3. Ёши 7-8 йилдан ошмаган болаларнинг ютиш рефлекси тўлиқ ривожланмаганлиги учун, болаларга мўлжалланган дори турларининг асосий қ исми суюқ дори шаклида бўлиши мақсадга мувофиқдир;

4. Янги туғилган чақалоқларнинг иммунитет кучлари тўла ривожланмаганлиги уларга бериладиган хамма дори турларини стерил бўлишини талаб қилади. Дори шакллари боланинг ёшига мувофиқ танланиш лозим: - мактабгача бўлган ёшдагиларга –асосан СДТ ( сироплар, эритмалар, эмульсиялар, суспензиялар, эритиладиган таблетка ва гранулалар, томчилар, рект ДТ. Мактаб ёшидагиларга яна таблетка, драже ва бошқ ҚДТ ва ректал ДТ. 3 ёшгача бўлган болаларга тавсия этилмайди дориларни таблетка ва драже шаклида яратиш. айниқса таъми ва ранги яхшиланган. Дориларнинг фаоллиги улар қайси дори шаклида берилганига боғлиқ бўлади. Болаларга дорилар хар хил йўллар билан юборилиши мумкин: перорал, парентерал, ректал, ингаляцион. Улардан асосий йўл – перорал чунки бу йўл бола учун табиий ва қўлай ҳисобланади. Шунинг учун болаларга яратиладиган дориларни асосий қисми перорал дори турларидан ташкил топган. Лекин бу йўлнинг камчиликлари ҳам бор; дориларни ичак-ошқозон системасида парчаланиши, нохуш органолептик дориларни беришда қатор муаммоларнимавжудлиги. Парентерал йўл билан дориларни болаларга юбориш терапевтик таъсирни тез намоён бўлиши, дори моддаларни парчаланмаслиги, уларни экстремал холатларда қўллаш мумкунлиги билан ажралиб туради.Лекин қатор камчиликлари хам мавжуд: инфекция тушиш ва мушак-нервларни жарохатланиши мумкинлиги,юборилганда оғрик пайдо бўлиши. Шунинг учун бу йўл болалар амалиётида ўткир зарурият бўлгандагина қўланиш лозим. Юқоридагиларни ҳисобга оган холда хозирги пайтда дориларни ректал йўли билан юборишга катта эътибор берлади. Болаларга ректал йўли билан дориларни қўллаш уларни тез сўрилишига, ферментлар таъсирида йўқолмаслиги, ичак-ошқозон системасига дориларни махаллий салбий

реакциялари йўклиги, дориларни нохуш органолептик хусусиятлари билинмаслиги, оғриқсизлик билан ажралиб туради. Ингаляцион йўл билан дориларни танага киритиш хам қатор афзалликларга эга: тез сўрилиши, ферментларни таъсирини йўқлиги. Лекин пропеллентларни махалий таъсири намоён бўлиши мумкин. Юқоридагиларни ҳисобга олиб, хозирги пайтда, болаларга мўлжалланган дори турларини ривожланиши асосан иккита йўл билан - перорал ва ректал дори турларини яратишга боғлиқ. Хозирда болалар учун мўлжалланган дори шакли бу мураккаб терапевтик система бўлиб, унинг компонентлари ДМ ни сўрилиш тезлигини. Даражасини, йўналтирилганлигини белгилайди. Дори шакллари. Болалар учун ишлаб чиқариладиган дориларнинг асосий қисми перорал, нохуш таъми ниқобланган ДТ ( тахминан 70%) тўғри келади ( эритмалар, суспензиялар, эмульсиялар, томчилар, эритиш учун мўлжалланган гранулалар, порошоклар, таблеткалар )- афзалликларига боғлиқ( тез сўрилиши, оддийлиги ва бошқ). Ректал ДТ хам ахамиятли ( шамчалар, ректал суртмалар, капсулалар, ректал пипеткалар). Қаттиқ ДТ: таблеткалар (оддий, чайнаш учун, эфервесцент), драже, касулалар Инъекцион ДТ, сиртка қўллашга мўлжалланган ДТ ( суртмалар, пасталар, сепмалар, томчилар ва бошқ) тахмиан 2-3 % ташкил этади. МУАММОЛАР - корригирлаш ДМ нохуш органолептик хоссаларини - инъекция йўлини ўрнини босувчи ДШ яратиш -замонавий жиҳоз турларини яратиш - ДМ дозасини мувофиқлигини таъминлаш Болалар учун бериладиган дори воситалар жихозла ниши

Болаларга мўлжалланган дориларни ташқи кўринишини, мазасини,ҳидини яхшилаш билан биргаликда яна бир муаммо ечилишига эътибор бериш лозим. Бу муаммо- ёш болаларни дорилар билан заҳарланишини олдини олиш. Шунинг учун болаларга дориларни яратишда уларнинг жиҳозланишига ҳам эътибор берилиши лозим: 1. Махсус дозалаш мосламалари мавжудлиги( дозаларга бўлиш учун махсус қошиқчалар, мензуркалар, томизғичлар ва ш.ў.); 2. Жихоз химояловчи мосламаси билан таъминланганлиги. Яъни ёш болалар томонидан қийин очиладиган жиҳоз бўлиши шарт. Масалан, махсус қопқоқли флаконлар, махсус пеналга ўхшаган жиҳоз, конструкцияси мураккаб бўлган ёки махсус таблеткаларга мўлжалланган жиҳозловчи ленталар. 3. Яна бир йўл билан заҳарланиш олдини олиш мумкин- бу болаларга дориларни бир марта ишлатиладиган, яъни битта дозани сақлайдиган жиҳозларни қўллаш. Масалан: полимер материаллардан ясалган битта дозали пакетлар (порошоклар, қуруқ суспензиялар учун).Бу жиҳозлаш усули дори моддаларни ташқари муҳит таъсиридан, микроблардан сақлайди ва махсус автоматлар ёрдамида ишлаб чиқарилади. Болалар учун бериладиган дори воситалар жихозланадиган идишлар солинадиган дори воситага қараб турли бўлиши мумкин: - шишадан ясалган флакон ва трубалар. - металл трубкалар. - контур-уячали (блистер) жихоз. - капсулалар. - алюминий зар қоғози ва ламинирланган қоғоздан ясалган пакетлар. - алюмини ва полимерлардан тайёрланган тубалар ва х.к Қадоланадиган идишлар шиша,картон,полимер парда,целлофан, ламинирланган қоғоз,алюминий зар қоғози,ПВХ тайёрланган идишлар,целлюлоза ацетат ва бошқалардан тайёрланади. Жиҳозни ёрлиқлашга қўйиладиган талаблар:

1. Дори восита ишлаб чиқилган мамлакат. 2. Ишлаб чиқарган корхона номи,унинг товар белгиси,юридик манзили (телефон,факс). 3. Дори восита технологиясини ишлаб чиққан муассаса агар ишлаб чиққарган корхона билан фарқланса. 4. Дори воситани лотинча,ўзбекча (Ўзбекистон учун) ва русча номлари. Дори воситанинг лотинча номи махаллий ва русча номларга нисбатан майдароқ шрифт билан ёзилиши керак. 5. Дори воситанинг таркиби (таъсир этувчи модданинг концентрацияси ёки дозаси ва ёрдамчи моддаларнинг номи келтирилади).Жихоз хажми,фаоллиги ва дозаси 6. Дори воситани ишлатиш усули (инъекция,оғзи орқали ва ҳ.к.) 7. Регистрация гувохномасининг рақами (Р.харфдан сўнг дори восита ЎзР ССВ буйруғи тасдиқланган сананинг рақамлари,сўнг буйруқ рақами келтирилади). 8. Огохлантирувчи ёзувлар “Стерилланган”, “Шифокор кўрсатмаси бўйича ишлатилсин” ва ҳ.ҳк. 9. Сақлаш шароити. 10. Сақлаш муддати:рим рақамлари ой,араб рақамлари эса йилни кўрсатади. 11. Штрих код. Махсулот ишлаб чиқилган серия рақами: охирги рақамлар махсулот ишлаб чиқарилган кун,ой ва йилни кўрсатади. Дори воситаларини ёрлиқлаш ОСТ 64-61-72 бўйича амалга оширилади. Дори воситани фальсификация қилинишини олдини олиш учун ишлаб чиқарувчилар назорат белги билан ишлаб чиқарадиган бўлишган. “АҚЛИЙ ХУЖУМ” УЧУН САВОЛЛАР

- Болаларга мўлжалланган дори деганда нимани тушннасиз? -Болаларга мўлжалланган дорилар нима билан фарқланади? - Болаларга дориларни дозалаш принциплари хақида нима биласиз? - Болаларга мўлжалланган дори турларини жиҳозланиши ўзига хос томонлари? Тезкор сўров учун саволар 1 . Болаларга мўлжалланган дориларни дозалашдаги ёндошиш ? 2. Болаларга дориларни дозалашда коэффициентларни қўллаш принциплари 3. Формулалар ёрдамида болаларга дориларни дозалаш 4. Болаларга мўлжалланган дори турларини жихозлашнинг ўзига хос томонлари?

А д а б и е т л а р 1. Тихонов А.И., Ярных Т.Г. Технология лекарств.-Харьков.-2002.-704 с 2. Шамсиев С.Ш., Шамсиев Ф.С. Фармакотерапия в педиатрии.-Т.:- 1998.- С.687. 3 оллогуб Л.В. Детские лекарственные формы и требования к ним//Фармация.-1991, N 1.- С.12-15. 4. Ясницкий Б.Г. Корригенты запаха и вкуса в производстве лекарств-М.- 1990г 5. Чуешов В.И. Промышленная технология лекарств. Харьков.-2002.-761с 6. Иванова Л.А. Технология лекарственных форм.-1991.Т.-2 7.Синёв Д.И., Марченко Л.Г., Синёва Т.Д. Спаравочное пособие поптечной технологии лекарств.-С.Петербург 2001.-316 с. 8.МахмуджановаК.С.,НазароваЗ.А.ТурееваГ.М.,ФайзуллаеваН.С.Назирова Я.К. “Янги дори турларини яратишнинг назарий ва амалий асослари ва дорилар технологиясини такомиллаштириш муаммолари” услубий қўлланма.-Тошкент 2006.-108 б.

O'xshashlar

Гериатрия амалиётида қўлланиладиган дори турларини яратишдаги муаммолар

Педиатрик дори турларини технологиясини такомиллаштириш

Гериатрия амалиётида қўлланиладиган дори турлари

Инфекцион дори турларини тайёр дорилар орасида тутган ўрни. Инфекцион дори турлари учун ишлатиладиган шиша ва полимерлар

Суюқ дори турларини таърифи, таснифи. Эритмаларни умумий технологияси. Эритмаларни ызига хос тайёрланиши