Aseptika va antiseptika. Desmurgiya va transport immobilizasiyasi - Tibbiyot - Referatlar

Aseptika va antiseptika. Desmurgiya va transport immobilizasiyasi

Yuklangan vaqt:

20.09.2019

Ko'chirishlar soni:

0

Hajmi:

83 KB

Ko'chirib olish

Aseptika va antiseptika. Desmurgiya va transport immobilizasiyasi Reja: 1. Jarrohlik fani va uning vazifalari. Jarohat infeksiyasi, infeksiya turlari. 2. Antiseptika va aseptika haqida ma'lumot, turlari, vositatari va qo'llanilishi. Sterilizasiya va uning turlari. 3. Desmurgiya haqida ma'lumot, jarrohlikda qo'llanilishi. 4. Bog’lamlarning turlari va qo’yish qoidalari. 5. Transport immobilizasiyasi.

Xirurgiya juda qadim zamonlardan ma’lum. Ibtidoiy odamlar o’z-o'ziga va bir- biriga yordam k o'rsatar ekanlar, nayzaning o'tkir uchini va yoy o'qini tanadan chiqarib olish yo'lini bilganlar, qon oqayotgan jarohatni qisib, qon ketishini to'xtata olganlar, jarohatni davolash uchun o'simliklarning barglaridan va yo'sin (mox) dan foydalanganlar. Operasiya - bu asosan ta'qimalarga mexanik ta'sir ko’rsatish yo'li bilan to'qimalar kesilib patologik o’choq aniqlanib bartaraf etiladi (kesib olib tashlanadi) va to'qimalar yoki ayrim tana a'zolarning normal shakli funksiyasi tiklanadi: to'qimalar va a'zolarni kesib olib boshqa joyga (boshqa organizmga) ko'chiriladi. Shikastlanishning turi va sabablari, davolash va oldini olish choralariga travmatologiya fani mas'uldir. Shikasllanishlar umumiy xirurgik kasalliklarning 30-35% ni tashkil etadi. Respublikamizda travmatologik xizmat uch asosiy zvenodan iborat: 1.Shikastlanish ro'y bergan joyda birinchi tibbiy yordamni tashkil qilish. 2.Ambulatoriya-poliklinikada shikastlanishga yordam ko'rsatish. 3.Travmatologik yordamni kasalxonalarda tashkil qilish. Travma yuz bergan joydayoq birinchi yordam ko'rsatish quyidagi maqsadlarni ko'zda tutadi: a) shifokor kelguncha birinchi oddiy yordam. Bu yordam ko'pincha maxsus kasbi bo’lmagan kishilar (o'z-o'ziga va o'zara yordam) tomonidan ko'rsatiladi. Ular shikastlangan kishining o’rtoqlari, sanitariya drujinachilar tomonidan, qarindoshlari yoki begona kishilar, yo’l harakati va milisiya hodimlari, o'rta ma'lumotli tibbiyot hodimlari bo'lishi mumkin: b) Yuqori malakali yordamni maxsus tayyorgarlikka ega bilgan shifokor bajarmog'i kerak. Birinchi travmatologik yordamni tashkil qilishda quyidagilarga rioya qilish kerak: 1) shikastlangan kishiga iloji boricha zudlik bilan yordam berish zarur.

2) birinchi malakali yordam tezroq ko'rsatilishi uchun avvalo oddiy tibbiy yordam ko'rsatilgandan so'ng, bemor darhol maxsus davolash muassasasiga olib borilishi zarur. 3) keyingi bosqichda yordam beruvchi travmatologiya hodimlariga har bir qilingan davolash usullarini keng va batafsil bayon qilish, birlamchi xirurgik ishlov berish, qoqsholga qarshi zardob yuborish va boshqalar. 4) har bir kishi shikastlanish yuz berganda qayerga, qachon so’rab murojaat qilishni bilish kerak. 5) shikastlangan kishini to'gri evakuaciya qilish travmatalogiya yordamining asosiy bo’g’ inlaridan biri hisoblanadi. Jarohat infeksiyalari tushunchasi kasallik qo'zg'atuvchi aerob va anaerob infeksiyasining spesifik hamda nospesifik turlari keltirib chiqaradigan xirurgik kasalliklarni o'z ichiga oladi. Kasallikning avj olishida kasallik tug'diradigan mikroblar katta rol o’ynaydi. Xirurgik infeksiyani qo'zg'atuvchi mikroblar atrof- muhitda ham inson badani sirtida ham shuningdek, nafas olish yo’llari va ichaklar bo'shlig'ining shilliq pardasida ham mavjud. Ular organizmga kirish darvozasi deb ataluvchi teri va shilliq pardalarining shikasllanishi tufayli yoki nafas olish, me'da- ichak va tanosil yo’llari orqali tushadi. Xirurgik infeksiyalar klinik ko'rinishi bo'yicha quyidagi turlarga bo'linadi: 1. O'tkir xirurgik infeksiya l. Mahalliy o'tkir xirurgik infeksiya. a) o'tkir nospesifik yiringli infeksiya; b) o'tkir chirik infeksiya; v) o'tkir nospesifik anaerob infeksiya yoki gazli gangrena; g) o'tkir spesifik anaerob infeksiya (qoqshol, kuydirgi). 2. Umumiy xirurgik infeksiya:

a) o'tkir nospesifik infeksiya; b) o'tib kelgan (surunkali) umumiy xirurgik infeksiya; 3.Surunkali xirurgik infeksiya: a) surunkali nospesifik infeksiya; b) surunkali spesifik infeksiya. Mikroorganizmlar jarohatga ekzogen va endogen yo'llar orqali tushadi. Ekzogen yo'llarga tashqi muhitdan tushadigan infeksiyalar ya'ni jarohatni kir qo'llar bilan tozalaganda, nosteril matolar bilan yarani bog'laganda, jarohatni noto'g'ri tozalaganda, bog'lamni noto'g'ri bog'lashda ro'y beradi. Endogen yo’llarga infeksiya tananing boshqa qismidagi yiringli ichakdan qon tomirlar bo'ylab t ushishi mumkin (surunkali tonzillit, yumshoq to'qimalarning yiringli yallig'lanishi, furunkulyoz, gaymorit va boshqalar). XIX asrning 40 - yillarida N. I. Pirogov jarohatni davolashda karbol kislota, lyapis, spirt, yod nastoykasi ishlatgan va jarohat infeksiyasiga qarshi kurashish ko'p marta takidlagan. D. Lister operasiyadan keyingi infeksiyani sababchisi tashqi muhitdan tushayotgan mikroblar bo'lib, ular qo'l, skalpel yoki ifloslangan bog'lam orqali tushadi degan xulosaga kelgan. Strelizasiya usullarini ishlab chiqishda bakteriologiyaning ahamiyati katta bo'ldi. Aseptika va antiseptika vrachlarda katla qiziqish uyg'otdi. Xirurgiya sohasida bu usullarni nemis xirurglari Trendelenburg. Bergman, Shimmelbush, Esmarx va Neyberg rivojlantirdilar. Paster va Koxning izlanishlari aseptikani yaratdi. Ya'ni amaliyotda ximiyaviy antiseptika fizikaviy aseptika bilan almashtirildi. Bu qaynatish yuqori harorat va bug' bilan amalga oshirildi. Antiseptika deganda esa jarohat sohasida va organizmdagi mikroblarni yo'qotish yoki miqdorini kamaytirishga qaratilgan tadbirlar tushuniladi. Antiseptika turlari Antiseptikaning fizik, mexanik, ximiyaviy, biologik turlari farqlanadi.

Fizik antiseptika. Jarohatlarni kechish bosqichlariga qarab ochiq davolash, ya'ni qurutuvchi steril t amponlar, qizdiruvchi lampalar, fen apparatlari ishlatish, jarohat suyuqligini tez shimib oluvchi bog’ i c h l a r, tamponlar, drenajlar va oq gigroskopik doka fizik antiseptikaning tarkibiy qismi h isoblanadi. Mexanik antiseptika. Hamma yaralar bakteriya bilan zararlangan hisoblanadi, shuning uchun ham asosiy vazifa ularni birlamchi xirurgik yo'l bilan tezroq tozalashdan iborat. Bu esa mexanik usullar yordamida amalga oshiriladi: yarani antiseptik eritmalar bilan yuvish, yot jismlarni kesib t ashlash, yaralar atrofini tekislash va kerak bo'lganda ularni tikish bilan erishiladi. Kimyoviy antiseptika. Bu usulda bakteriosid va bakteriostatik xususiyatga ega bo'lgan turli kimyoviy antiseptik moddalarni ishlatish ko'zda tutilgan. Antiseptiklar bilan mikroblarni yo'qotish yoki uni jarohatda rivojlanishini to'xtatishdan iborat. Asosiy antiseptik vositalarga antiseptik moddalar kirib, ular turli kimyoviy guruhlarga mansubdir. Xloramin eritmasi qo'lni tozalashda, yiringli yaralarni davolashda metallmas asboblar, bemorlar uchun ishlatiladigan asboblar va xonani tozalashda qo'llaniladi. Kaliy permanganat. Suvda yaxshi eruvchi qoramtir kristalldir. Pushti rangli eritmalari og'iz bo'shlig'i, qovuq va boshqa organizm chayish uchun ishlatiladi. Kuchliroq qoramtir binafsha rangli eritmasi bakteriosid xususiyatga ega bo'lib, to'qimalarni kuydiradi. Shuning uchun kuyishda qora qo'tirlarni davolashda, badbo'y hidlarni yo'qotishda, shuningdek chirayotgan, yiringli jarayonlarni yuvishda qo'llaniladi. Vodorod peroksid. 3-5%li eritmasi ishlatiladi. Rangsiz suyuqlik vodorod peroksid to'qima fermenti katalaza bilan qo'shilib, kislorod ajraladi, bu ko'p miqdorda ko'pik ajralishiga olib keladi. Ko'pik harakati tufayli jarohatdan yot jismlar, qon quyqasi, yiring chiqib ketadi.

Formaldegid. U gazsimion o'tkir xidli, suvda yaxshi eriydigan modda. Formaldegidning 40%li suvdagi eritmasi formalin deb yuritiladi. Asboblarni, drenajlarni, qo'lqoplarni sterillashda keng qo'llaniladi. Spirt ya'ni etil spirti xirurgiyada keng qo'llaniladi. Spirtni qo'lni zararsizlantirish, operasiya joyini tozalashda, kesuvchi asboblarni, optik asboblarni dezinfeksiya qilishda va ipakni sterillashda ishlatiladi. Biologik antiseptika. Maxsus zardoblar, vaksina va antibiotiklar ta'sirida bemorning himoya kuchlarini oshiradigan, jarohatlarda infeksiyaning rivojlanishini to'xtatuvchi antiseptik xususiyutlari bo'lgan davolash vositalari (maxsus zardoblar va vaksinalar, anatoksinlar, immunglobulinlar, qon va plazma quyish va boshqalar shuningdek, ma'lum bir organizm, (viruslar, zamburug’lar va boshqalar) faoliyatida paydo bo'lgan moddalar orqali boshqalarga ta'sir qiluvchi antibiotiklar, bakteriofaglar va proteolitik fermentlardan iborat. SULFANILAMID PREPARATLARI. Bularga streptosid, norsulfazol, etazol, urosulfan, sulgin ftalazol, sulfadimetoksin, sulfalen kabi dori moddalari kiradi. Organizmga mahalliy va umumiy ta'sir ko'rsatadi. ASEPTIKA. Bu fizik omillar, kimyoviy preparatlar, biologik usullari qo'llash bo'yicha o'tkaziladigan tashkiliy ishlar tufayli, operasiya yarasiga mikroblar tushishini oldini olish demakdir. Aseptikaning asosiy qonuni quyidagicha sharxlanadi: yaraga tegadigan har bir narsa bakteriyalardan holi bo'lishi, ya'ni sterillangan bo'lishi kerak. Yaraga mikroblar ikki xil yo’l bilan tushadi: ekzogen va endogen. Mikroblar va ularning sporalarini xirurgik operasion oqliklar, asboblar, chok solish va yara bog’lash materiallarini, xirurgning qo'lqopi, xalati, qo'llaridan yo'qotishga sterilizasiya deyiladi. Sterilizasiyani turli usullarda: bug' bilan bosim ostida avtoklavlash, quruq issiqlik,qizdirish,qaynatish,kuydirish yo'li bilan, antiseptik eritmalarda va antibiotiklarning eritmalarida saqlash bilan amalga oshiriladi.

Radioaktiv nurlanish nurlar (gamma - nurlar), ultrabinafsha nurlar (simob-kvars lampalar), gazlar bilan sterilizasiya qilish birmuncha keng qo'llaniladi. Ma'lumki, qaynoq suv bug'i issiqlik o'tkazish qobiliyatiga ega. U qaynoq havoga nisbatan yuqori issiqlik darajasiga ega bo'lgani uchun sterilizasiya qilinayotgan jismga issiqlikni tez o'tkazadi. Oquvchi bug' bilan sterillash avtoklavda bajariladi. Quruq issiqlik bilan sterlizasiya qilinadigan sohalarni qizdirishga asoslangan va unda sterilizasiya qilinayotgen jismlardagi harorat 170 C-200 C ga yetishi kerak. Avtoklavlar qarovsiz qoldirilmaydi. 180 C temperaturada sterilizasiya qilish vaqti 15 minutga teng. Nur bilan sterilizasiya qilish, bu usul katta energetik kuchga ega bo'lib, sterilizasiyaning kuchi materiallarning har - xil chuqurligigacha yetib boradi. Ultra tovush bilan sterilizasiya qilish. Bu usulda sterilizatorlar kuchsiz antiseptik vosita bilan to'ldiriladi va ultra tovush to'lqinlari ta'sirida xirurgik asboblar. kichik plastmassa asboblar yoki jarroh barmoqlarini dezinfeksiya qilinadi. Kimyoviy (sovuq) sterilizasiya deb, etilen oksidi hamda kuchli antiseptiklarni qo'llashga aytiladi. Sovuq sterilizasiyadan oqsillar koagulyasiyasi 45 C dan 60 C gacha harorat atrofida bajariladi. Bu usul bilan avtoklavda yoki havo sterilizatorida kateterlar, xirurgik qo'lqoplar, tomir protezlar, endoskoplar, respirator va sun'iy qon aylanish apparatlari sterilizasiya qilinadi. Desmurgiya haqida ma'lumot Yaralanganda, shikastlanganda, operasiyalardan keyin jarohatga infeksiya tushishining oldini

Olish, qon oqishini to'xtatish, shikastlangan organ yoki tana qismiga tinch sharoit yaratish uchun bekitish kerak. Bunga tananing shu qismiga bog'lam qo’yish bilan erishiladi. Xirurgiyaning bog'lamlar turini, ularni qo’yishda usullarini va bog'lamlar qo’yishda ko'zda tutilgan maqsadni o'rganadigan bo’limi desmurgiya, bog’lam qo’yish prosessi yara bog’lash deyiladi. Desmurgiya (astos-grekcha-bog'lam va crdon-ish demakdir) bog'lamlar qo’yish to'g'risidagi ta'limotdir. Bog'lamlar qo’yish san'ati tibbiyotning eng qadimiy namunalaridan biri hisoblanadi. Qadimiy qo'lyozmalarda yaralarni davolashda bog'lovchi material sifatida yopishqoq, smola, bo’z va boshqa narsalar ishlatilganligi haqida yozib qoldirilgan (Gippokrat, qorniliy, Sels, Galen). Desmurgiya ta'limotini rivojlantirishda N. I. Pirogovning xizmati ка tt а bo'lib, u o'z ilmiy asarlarida bog'lovchi materiallar turlari va ularni qo'llash usullarini yozib qoldirgan. Bog'lam turlari: Bog'lamlar tarkibiga ko'ra: yumshoq va qattiq bog'lamlarga bo'linadi- Tanaga qo'yiladigan bog'lam odatda, ikki qismdan iborat bo'ladi. Yaraga davolash uchun qo'yilgan va bog’lamni tutib turuvchi qism. Bog'lov materialni tutib turish uchun oddiy bint, to’rli bint, trikotajli bint, elastik bint va shu kabilar qo'llaniladi. Bog'lov materiali bog'ich va boshqa narsalar bilan tutib turiladi. Birinchi yordam ko'rsatishda, asosan yumshoq bog'lamlar qo'llaniladi, bularga yelimli, kosinka, bint bog'lamlar kiradi, qattiq bog'lamlardan - shina bog'lamlar ishlatiladi (kraxmalli, gipsli, yelimli). Bog’lam qo'yiladigan maqsadiga ko'ra, jarohatlarni zararli tashqi ta'sirotlardan himoya qiladigan, bog’lov materiali va dori preparatlarini ushlab turadigan-oddiy bog'lamlar farqlanadi. Tananing biror qismini doimo bosib turadigan bog'lamlar (ko'pincha qon oqishini to'xtatish uchun qo'llaniladi).

Shikastlangan tana qismiga zarur harakatsizlikni ta'minlaydigan - immobilizasiya qiladigan Bog’lamlar: tananing biror qismini doimo tortib bo'shlig'ini germetik yopib turadigan okklyuzion bog’lamlar, tananing biror qismidagi noto'g ri holatni to'g'rilab turadigan qorrigasiyalovchi bo g’la ml a r farq qilinadi. Bog’lam jarohatni ifloslanishidan himoya qiladi, qon oqishini to'xtatadi, shikastlangan organni qimirlamaydigan qilish imkonini beradi, bo'shliqlarni germetik yopishga sharoit hozirlab, kollaps, s hok kabi juda juda og'ir asoratlar rivojlanishining oldini oladi. Yumshoq bog'lamlar. Yelimli bog’lamlarni jarohatni asosan tashqi muhit ta'siridan himoya qilish uchun qo’yiladi. Bunday bog'lamlarni qo’yishda bog’lov materialini turli xil yelimlar-kleol, kolodiy, leykoplastir yordamida jarohat atrofidagi t eriga yopishtiriladi. yelimli bog'lam qo’yish (yelimlash) texnikasi oddiy jarohatga dokani bir necha qavat qilib qo'yiladi, uning atrofiga ensiz qilib kleol qatlami surtiladi. Doka salfetkani tarang tortib turgan holda yelim qatlami ustiga bosiladi va bir oz vaqt tutib turiladi, salfetka teriga zich yopishadi. Kollodiyli bog'lam qo’yishda yelimni tarang tortilgan bosib turgan salfetka ustidan surtiladi. Bog'lov materialini leykoplastir tilishlari bilan yopishtirish mumkin. Jarohat yuzasini bekitish uchun bakteriosid leykoplastir ham ishlatiladi, unda juda mayda teshiklar borligi tufayli terini bichiltirmaydi va jarohatning bitish prosessini buzmaydi. Kosinka bog'lamlar ni kosinka qirqilgan yoki burchakli uchburchak ko'rinishida buklangan mato parchasi yordamida qo’yiladi. Kosinka bog'lamlarni to’g'nog'ich bilan mahkamlanadi yoki kosinka uchini tugib qo’yiladi. Sanoatda ishlab chiqariladigan standart kosinkaning razmeri 135x100x100sm. Sanitariya sumkalari va birinchi yordam aptechkalari uchun kosinkalarni presslangan holda chiqariladi. Bu holida ular razmeri 5x3x3sm li kubsimon shaklda bo'ladi. Sopqonsimon (palaxmonsimon) bog'lamlarni uzunligi 75-80 smli eni enli bint yoki material parchasidan tayyorlash mumkin. Bintning ikkala uchidan uzunasiga

qirqib uning 15-20 sm uzunlikdagi o'rta qismi butun qoldiriladi. Bintning qirqilmagan qismini kerakli sohaga ko’ndalang yo’nalishda qiyiladi. Ikkala tomondagi qirqilgan uchlarini pastki tilishi yuqorida, ustki tilini esa pastda turadigan qilib o'zaro kesishtiriladi va qarama -qarshi tomondagi shunday tilishi bilan bog'lanadi. Burunga va yuqori labga bog’lam qo’yishda bintning ikkala uchini quloq chanoqlari ustidan o'tkaziladi va ensada bog'lanadi, boshqa ikkala uchini quloq chanoqlari ustidan o'tkaziladi va bo'yindan bog'lanadi. Iyakka bog'lam qo’yishda bintning pastki uchlarini quloq chig’anoqlari tepasidan o'tkaziladi va tepa suyagi sohasida tugib qo'yiladi, ustki uchlarini quloq chig'anoqlari va ensa ustidan o'tkaziladi, kesishtiriladi va chakka suyagi sohasidan o'tkazib, peshonaga chiqariladi va shu joyda bog'lanadi. Qontur bog'lamlar ni tananing bog'lam bilan bekitiladigan qismining profili bo'yicha mato parchasidan qirqib tayyorlanadi, qontur bog'lamlarini chatilgan bog'ichlar bilan mahkamlanadi. Qontur bog'lamlarga bandajlar kiritiladi, bu- bemorga mos qilib tikilgan, bog'ichlari yoki ilgaklari bo’lgan mato bog'lamdir. Bandajlar ka'pincha qorinning oldingi devorini mahkam tutib turishi uchun qo'llaniladi. Bint bog'lamlar -bint yordamida qo’yiladigan bog’lamlardir. Bint eni 5-20sm va uzunligi 5-7 m bo'lgan, rulonga o'ralgan doka tilishidan iborat. Tananing bint o'raladigan qismiga ko'ra eni turlicha bintlar ishlatiladi. Ensiz bintlar (5 sm gacha) tananing mayda qismlariga (barmoqlar) bog'lamlar qo’yish uchun, o'rtacha bintlar (7-19 sm) bilak, boldir, bo'yin, boshga, enli bintlar (20 sm gacha) ko'krak, qorin, songa bog'lamlarga qo’yish uchun ishlatiladi. Doka bint yaxshi elastiklikka ega. Yumshoq bintli bog'lamlar xususiyati va qo'llanilishiga qarab quyidagicha tasniflanadi: 1) oddiy yumshoq bog'lam (himoya qiluvchi, davolovchi); 2) qon to'xtatuvchi (siqib turuvchi) bog'lam; 3) immobilizasiya qiluvchi (harakatsizlantiruvchi) bog'lam (davolash va transportirovka qilish uchun); 4) tuzatuvchi bog'lam.

Yumshoq bintli bog'lam qo’yishning umumiy qoidalari. Bog'lam qo’yishda bemorga hamda bog'lam qo’yuvchiga bir qator talablar qo’yiladi: 1) bog'lam qo’yilayotgan bemorni yaxshi joylashtirish zarur, u o'tirishi yoki yotishi kerak; 2) u harakat qilmasligi lozim; 3) tananing bog'lam qo'yilayotgan joyi tinch turib, muskullar tortilmasligi kerak, aks holda muskullar bo'shaganda, bog'lam yechilib ketishi mumkin; 4) t ananing bog'lam qo’yilgan qismi bog'langandan keyin, harakatlanishga qulay bo'lishi kerak; 5) hamshira bog'lam qo'yayotgan vaqtda kasalga yuzma-yuz turib uning ahvolini bilib turish kerak; 6) bint o'ramini o'ng qo'lda va boshlanish qismini chap qo'lda ushlab, chapdan o'ngga qarab o'raladi, o'ralayotgan vaqtda bintning oldingi o'ramini 1|2 yoki 2|3 qismini berkitish kerak. Bint bo’lmagan holda uni doka parchasidan tayyorlash mumkin. Doka uzunasiga bir tekisda qirqiladi, ti lishlari bir-biriga ulanadi va zich qilib o'raladi. Doka parchasi butun eni bo’yicha metall sterjenga o'rab, so'ngra sterjen chiqarilib, o'ram o'tkir pichoq bilan kerakli razmerda bintlar qirqiladi, bintlar birnuncha tekis chiqadi. Bog'lam qo’yilayotganda bemorning yuz qiyofasini kuzatib turish va yangi og’riq sezgilarini keltirib chiqarmaslik uchun bu ishni avaylab qilish zarur. Bog'lam bemorni bezovta qilayotgan bo'lsa, uni bo'shatishni yoki bint o'ramlari yo’nalishini o’ zgartiris h lozim. Bint boshchasini goh u qo'l, goh bu qo'lda aylantirib tikilgan holda ikkala qo'lda bintlash, bo'sh qolgan qo'l bilan bint o'ramlarini t ekislab turish kerak. Bog'lam qo’yish vaqtida bintni chapdan o'ngga ochib borish zarur, bunda bint boshchasi bint o'ramlaridan tushib kelayotgandek bo'ladi, har bir keyingi o'ram oldingi o'ram enining l|2 yoki 2|3 qismini bekitib borishi kerak. Qo’yilgan bog'lam oyoq qo’ldan qon aylanishining buzilishiga sabab bo'lmasligi kerak. Oyoq -qo'l bog'lamining pastida rangsizlanib qolishi, ularda sianoz paydo bo'lishi, uyishish sezgisi yoki liqqillab og'irishi ana shundan darak

beradi. Bunday bog'lamni tezlikda tuzatish yoki yangisini qo'yish lozim. Bint uchini bog'lashni yoki unga to’g'nog'ich qadashni tananing sog’lom qismi ustida bajarish lozim. Yumshoq bog'lamlar: bintli, doka-bintli, turli va elastik to'qimali bintlar bog'lamlarga bo'linadi. To'r-naysimon bog'lamlar. Elastik bintlar sintetik tolalar va ip gazlama ipi aralashgan elastik ko'pdan tayyorlangan to'rsimon trikotaj naycha (englik) dan iborat. Bintlar juda cho’ziluvchan, shuning uchun ular tananing istalgan qismiga zich yopishib turish xususiyatiga ega bo'lib, qon aylanishini buzmaydi va bo'g'inlarda harakatni chegaralab qo’ymaydi. Qirqilganda va qisman kesilganda bint titilib ketmaydi. Elastiklik xossalarini yuvishdan, sterilizasiya qilishdan so'ng saqlanib qoladi. To’r naysimon bintlar bog'lam qo’yish vaqtini anchagina qisqartiradi: bintdan tayyorlangan paypoqni tananing shikastlangan joyiga kiygiziladi. Bint ikkala qo'l panjasi (barmoqlari) orasiga kiritiladi, uni cho’zib va tegishli sohaga kiygiziladi. To’r-naysimon bintlar tananing turli sohalariga, hajmiga qarab № 1dan №7 gacha yetti razmerda chiqariladi. № l bintni (uning diametri erkin holatda 10 mm) katta odamning qo'l barmoqlari, bolaning panjasi va oyoq panjasiga qo’yiladi. № 2 bintni (17 mm) katta odam panjasi, bilagi, tirsak, bilak-kaft, boldir-tovon bo’g'imlariga, bolalarning yelkasi, boldinga, tizza bo'g'imlariga qo'yiladi. № 3 va № 4- bintlarni (25 va 30mm) kattalarning bilagi, yelkasi, boldiri, tizza bo’g'imiga, bolalar soniga va boshiga qo’yiladi. № 5 va № 6-bintlarni (35 va 40mm) katta odamning boshiga, soniga, bolalarning ko'kragiga, qorniga, chanog’iga, chot oralig’iga, № 7-bintni (50mm) kattalarning ko'kragi, qorni chanog'i, chot oralig'iga ishlatiladi. Bintlar sovun ko'pigida yuviladi. Elastik bintlar kislotalar, ishqorlar, moylar ta'sirida yemiriladi. Bintli bog'lamlar turlari quyidagilarga bo'linadi: aylanma spiral, o’rmalovchi, boshoqsimon, toshbaqasimon bog’lamlar. Bint o'ramlari bir-birini bekitib, biri ikkinchisining ustiga tushsa,

bunga doirasimon bog'lam deyiladi. Spiralsimon bog'lam - tananing anchagina qismini bintlash zarur bo'lganda qo'yiladi. Bunda bint o 'ramlar pastdan yuqoriga bir oz qiyshaytirib o'raladi va har bir keyingi o'ram oldingisi enining 2|3 qismini bekitib boradi. Bu bog'lam odatda bosib turadigan bir necha doirasimon o'ramlar qilishdan boshlanadi. Spiralsimon bog'lam yo’g'onligi bir-xil qismlarga oson qo’yiladi. Yo'g’onligi bir xil bo'lmagan sohani masalan, boldirni bintlashdan qayirish usuli taklif etilgan. Bint quyidagicha buriladi: spiral qilib bog'lashga qaraganda, bint ko'pincha qiyshaytirib o'raladi, chap qo'lning bosh barmog'i bilan uning pastdagi chetidan tutib turiladi, bintning uchi bir oz bo'shatiladi va uni odam o’ziga qaratib buraydi, shunda bintning yuqori cheti pastga bo'lib qoladi v a aksincha. О ’rmalovchi (ilonizisimon) bog'lam. Bog'lash materialini jarohatga mahkamlab olish kerak bo'lsa, avval o'rmalovchi yoki ilonizisimon bog'lab qo’yiladi, so'ngra spiral bog'lamga o'tiladi. Sakkizsimon yoki krestsimon bog'lam bunda bint o'ramlari sakkizsimon ko'rinishda o’rab bog'lanadl. Bu bog'lam tananing shakli murakkab qismlariga: boldir-tovon bo’g'imi sohasiga, ensa sohasiga, yelka bo’g'imi sohasiga, panjaga, oraliqqa, boshga qo’yish qulay. Boshoqsimon tutashadigan va tarqaladigan bog'lamlar sakkizsimon bog'lamning turlaridan hisoblanadi. Boshoqsimon bog’lamda bintlarning biri ustiga ikkinchisi tushadigan joyini asta-sekin o'zgartirib boriladi, tutashadigan va tarqaladigan bog’lamlarda sakkiz raqamini hosil qiladigan bint o'ramlari bir-biriga yaqinlashadi yoki tarqaladi. Qaytadigan bog’lam bog’lov materialini boshga, oyoq-qo’l cho’ltog'iga, barmoqlarga mahkam bog’lash imkonini beradi. Bu bog’lamga bint o'ramlari perpendikulyar tekislikda birin-ketin aylantiriladi, bunda bintni 900 C burchak ostida qayirish va qayirilgan sohaga aylanma o'ramlar bilan mahkamlash yo'li bilan erishiladi.

Toshbaqasimon bog 'lash bo'g’imlarni bog’lash uchun qulay. Bu bog'lamni qo'yish uslubiga ko'ra uzoqlashuvchi va yaqinlashuvchi turlari bor. Tizza sohasining uzoqlashuvini toshbaqa bog'lam bilan yopish uchun bint bo'g'imining o'rtasidan ("tizza ko'zidan") aylantirib olinadi, so'ngra avvalgi o'ramning yuqorisidan va pastidan ham shunday yurgiziladi. Bintning keyingi o'ramlari tobora ko'proq tarqalib, butun bo’g'imni sekin-asta yopaveradi. IBP-individual bog’lov paketi. Ommaviy shikastlanishlarda birlamchi bog'lam sifatida individual bog'lov paketi keng qo'llaniladi. Paket 2 ta 15x15 sm bo’lgan steril paxta-dokali yostiqchalardan iborat bo'lib, ular qalinligi 9 sm li steril bintga bog’langan. Yostiqchalardan biri qattiq mahkamlangan, ikkinchisi qo'zg’aluvchan bo'lib, uni kerakli joyga qo'yish mumkin. Ularning ichki qavati bir-biriga yopishib turadi. Bog’lov materiali oq qog'ozga o'ralgan bo'lib, rezinalangan qobig'i bor va chekkalari kleylab qo’yilgan. Qog'ozning ichki tomoni sterillangan. Bint oxirini mahkamlash uchun paket ichida to'g'nog'ich bor. Individual paketdan foydalanish qoidalari: rezinalangan qobi q y irtib yechiladi, qog’oz qobiq ichidan to'g’nog’ich chiqarib olib, qobiq tashlab yuboriladi. Chap qo'l bilan bint (bin o’rami) uchidan ushlanib, o'ng qo'l bilan bint o'rami ushlanib, katta ochiladi, yostiqchaning rangli ip bilan tikilgan joyidan ushlab, kerakli joyga qo’yiladi, yostiqchalar bintlanib, bint uchun to’gnog'ich bilan mahkamlab qo’yiladi. Transport immobilizasiyasi -immobiliz-lotinchada qimirlatmaslik degani. Immobilizasiya tananing shikastlangan qismni qimirlatmaydigan qilib qo'yishdir. Immobilizasiya shikast yuz berganda sohada qimirlatmaslik holatini vujudga keltirib bu og'riq kamaytiradi va shu tariqa suyaklar va bo’g’imlar singanda shokka qarshi tadbir hisoblanadi, jarohat chekkasi siljishining oldini oladi va jarohat ichiga infeksiya tushishidan himoya qiladigan vosita hisoblanadi. Immobilizasiya suyak siniqlarini bir-biriga zich qilib ushlab t uradi, bu keyingi xirurgik davolashni yengillashtiradi va singan suyakning tezroq bitishiga imkon beradi. Birinchi yordam ko'rsatishda to'g'ri immobilizasiya qilingan singan suyak shikastlangan

kishini stasionarga immobilizasiya qilingan singan suyakka qaraganda tezroq bitadi. Singan suyakni immobilizasiyaa qilish asoratlar rivojlanishi suyak sinishi o'tkir chetlarini qon tomirlar, nervlar, muskullarni shikastlanishi xavfini kamaytiradi. Immobilizasiya suyaklar singanda, chiqqanda va bo’g'imlar jarohatlanganda yumshoq to'qimalar katta hajmda yaralanganda, kuyganda birinchi yordam ko'rsatishning asosiy usuli hisoblanadi, olinganida ham singan suyak o'rnidan qo'zg'alib ketmaydi. Bemor kasalxonaga keltirilgandan so'ng transport immobilizasiya doimiy immobilizasiya bilan almashtiriladi. Transport immobilizasiya ahamiyati katta qo'l oyoq shikastlanganda og'riqni kamaytiradi va travmatik shokka yo’l qo’yilmaydi. Qo'l oyoq shikastlangan uni taxtakachlanmasdan turib, bemorni transportga olish ya'ni juda qisqa masofaga eltish ham yaramaydi, aks holda singan suyak bilaklari o'rnidan qo'zg'alib, uning bitishiga to’siqlik qiladi. Suyak ochiq singanda va qo'l oyoqning ancha joyi jarohatlanganda esa infeksiya tarqaladi, singan suyak bilaklari qimirlab orqa tomir va nerv boshqa to'qimalarga shikast yetkazadi. Vaqtincha immobilizasiya uchun sim, faner, plastmassa va taxatakachlardan tayyorlangan shinalar qo'llaniladi. Shinalash transport immobilizasiyasining asosiy turi hisoblanadi. Birinchi yordam berishda bemor tayoq, yupqa taxta, zonlik va boshqa vositalar bilan immobilizasiya qilinadi. Xech bo’lmaganda shikastlangan qo'l ko'krak qafasiga shikastlangan oyoq sog'oyoqqa bog'lanadi, bint bo'lmasa sochiq. Immobilizasiya shinalar deb ataladigan maxsus predmetlardan foydalanib bajariladi. Bu predmetlar shikast yetgan tana qismiga bintlar, kamarlar, bog'ichlar bilan yopishtiriladi. quyidagi turlari farqlanadi: 1.Vaqtincha (transport) immobilizasiyasi. 2.Doimiy (davolash) immobilizasiyasi Doimiy immobilizasiyasini vrach yoki feldsher bajaradi, asosan shina gipsli bog'lamlar bilan immobilizasiya qilinadi.

Transport vaqtinchalik immobilizasiya suyak singanda va boshqa og’ir shikastlanishlarda birinchi yordam ko'rsatishning eng muhim vositasi hisoblanadi. Vaqtincha (transport) immobilizasiyasi o'z navbatida bo'linadi: 1.Improvizion shinalarga bularga qo'l ostidagi materiallar (yog’och, reykalar, karton, tayoqchalar va daraxt shoxlari) dan tayyorlanadi. 2. Tabel shinalari medisina sanoati tomonidan ishlab chiqariladi va ular medisina muassasalariga tarqatiladi. Keyingi paytlarda immobilizasiya uchun pnevmatik medisina shinalari ham ishlatilmoqda (rezina, plastmasa). Transport immobilizasiyasi suyak singanda shikastlanish sodir bo'lgan joyning o’zida bajariladi, singan suyakni maxsus shina yoki taxtacha bilan mahkam bog'lanadi, shunda bemor transportda ro'molcha yoki paypoqdan foydalanish mumkin. Transport immobilizasiyasida quyidagilarga e'tibor berish lozim. 1. Shikastlangan organni zudlik bilan shinalash zarur. 2.Shina kiyim ustida qo’yiladi, chunki kiyimni yechish qo'shimcha shikastlashga olib kelishi mumkin. 3.Shinalanganda suyak turtib chiqib turgan joylarga (tupiq) oldin paxta qo’yib, so’ngra shinani doka yoki gips bilan bog’lanadi. 4.Shinalanadigan joyda jarohat qon oqayotgan bo'lsa, aseptik bog’lam qo'yiladi. 5.Shikastlangan joydan qon oqayotgan bo'lsa, oldin qon to'xtatuvchi jgut qo'yib, keyin shinalanadi, lekin bint bilan o'ralmaydi, xamda jgut qo’yilgan vaqt belgilanadi. 6. Shina qo’yganda bint bilan juda siqib bog'latmaslik kerak, aks holda qon aylanishi buziladi. 7. Kun sovuq bo'lsa, shina ustidan issiqroq narsa bilan o'rab chirmalanadi. Shinalanganda shinalar juda katta bo’lmasligi kerak, chunki immobilizasiya foyda bermay, shikastlangan a'zo qimirlab ketadi.

Tez yordam mashinalari, standart shinalar bilan jihozlangan. Son suyagi singanda Diterixs shinasi yaxshi tarnsport shinasi hisoblanadi, bu boldir-panja , tizza va chanoq -son bo’g'inlarini yaxshi immobilizasiyasi qilish imkonini beradi. Shina uzunligi oson o'zgartirsa bo'ladigan ikkita yog'och taxtakachdan va burmali taxta asosdan iborat. Bu shinani kiyim ustidan qo'yib, shina qo’yish taxta asosni kasal oyoq tovonni bintlashdan bosh (poyabzal yechilmaydi) lanadi. Shina uzunligi (uzun) qismi uchi qo'ltiqqa taqalib turishi, qarama-qarshi tomondagi uchi esa oyoq kaftidan 12-15 sm ga chiqib turishi kerak, shinaning ichki qismi uchi chotga taqalib turishi va bu ham oyoq kaftidan 12-15 smga chiqib turishi kerak. Yon tomondagi shinalarni avvalgiga taxta asos ilgagidan o'tkaziladi. Asos tagida shina qismlari ko'ndalang taxtacha bilan biriktiriladi. Shina qismlari ko'ndalang taxtacha bilan biriktirladi. Shina ko'krakka, qoringa, songa va boldirga tasma, ichak bint o'ramlari bilan mahkamlanadi. Taxta asosdan biriktiruvchi plankaga ikki qavat qilib pishiq chizimcha o'tkazib, uni burash yo'li bilan oyoq biroz cho’ziladi. Boshqa tayyor taransport shinalaridan simdan yasalgan norvonsimon Kramer shinasi eng keng tarqalgan. Shinaning uzunligi 1m,eni 10-15 sm. Shinaga istalgan shaklni berish mumkin uzunroq shina tayyorlash zarur bo'lib qolganda 2-3 shinani birlashtirish mumkin. Bilak, panja, oyoq panjasini immobilizasiya qilish uchun ingichka yumshoq simdan yasalgan to'rsimon shina qo’llaniladi. Sim unga har qanday shakl berish imkonini beradi. Kramer shinasi 90 C ga bukilib, yelka bilan qo’shib bog'lanadi, bilak va qo'l panja bo’g’imlari shu tariqa harakatsizlantiradi. Yelkada shina qo'lining uchigacha yetkazilib, ro’molchaga osib qo'yiladi. Yelka suyagi singanda Kramer “zinapoyasimon shina” metal simdan yasalgani uchun ham oson egiladi, zanglamaydi, uch bo'g'imda yelka, bilak, qo'l panjalarida harakatsizlikni ta'minlash uchun qo’llaniladi. Buning uchun shina yaxshilab tekislanadi, egiladi va bemor panjasiga mahkamlanadi. Shinaning yuqori qismi sog' yelkada bo’lishi kerak. Fiksasiya bintlash yo'li bilan bajariladi. Qo'l ro'molcha vositasida osib qo’yiladi. Boldir suyaklari yoki pnevmatik shina (afzalligi yengil, kichik hajmli, rentgen nurini o'tkazuvchi, singan joyini yaxshi ko'rsa bo'ladi, manfiy tomoni esa son va yelka suyagi singanida ishlatib bo'lmaslik, qattiq

emasligidandir) yordamida qilinadi. Qo'yishdan odin u oyoq shakliga keltiriladi va oyoq panjalarida sonning o'rta yoki yuqori qismiga qo’yiladi. Fiksasiya mustahkam bo'lishi uchun singan oyoqning ichki va tashqi tomonidan yoki K ram e r shinasining kichikroq o'lchamdagilaridan bittadan katta shinani V -simon qilib bukib qo'yiladi va ustidan bint bilan o'raladi.

O'xshashlar

Jarrohlik haqida tushuncha Aseptika va antiseptika

ANTISEPTIKA. ASEPTIKA. SHIKASTLANISH, JAROHATLANISH.

Jarrohlik haqida tushuncha

Kapitalizm va mustamlaka davridagi tibbiyotning rivojlanishi

Andrologiya