Тўр столининг сувсизлантирувчи элементлари - Texnika va texnologiya - Referatlar

Тўр столининг сувсизлантирувчи элементлари

Yuklangan vaqt:

08.11.2019

Ko'chirishlar soni:

0

Hajmi:

507 KB

Ko'chirib olish

Тўр столининг сувсизлантирувчи элементлари Режа: 1. Тўр столининг сувсизлантирувчи элементлари 2. Қоғоз полотнони пардозлаш қурилмалари

Тўр столини сувсизлантирувчи элементлар . Текис сеткали стол конструкцияси машина тезлиги ва ишлаб чиқарилаётган маҳсулот типига қараб аниқланади (45 – расмда келтирилган). Тўр столи бош қисмида диаметри 400...1000 мм бўлган грудной вал ўрнатилган. Кўп ҳолларда грудной вал сеткага ишқаланиш натижасида айланади. Тезюрар машиналарда грудной вал мустақил ҳаракатлантирувчига кучга эга. Юқори сифатли қоғоз ишлаб чиқарадиган, секин ҳаракатланадиган машиналарда ( υ c < 250 м/с), полотнони макроструктурасини яхшилаш ва анизотропияни пасайтириш мақсадида, сеткани тебратувчи мослама қўлланилади. 45 – расм . Ҳўл, вакуум ва сўрувчи яшиклар билан таъминланган тўр стол: 1 – грудной вал; 2 – шакллантирувчи яшик; 3 – “ҳўл яшик”; 4 – “вакуумли яшик”; 5 – регистрли валик; 6 – текислагич; 7 – сўрувчи яшик; 8 – сўрувчи гауч-вал; 9 – етакловчи вал; 10, 13 – сетка юритувчи валиклар; 11 – сеткани таррангловчи валик; 12 – сеткани туғирловчи валик; 14 - сетка Тебратувчиларнинг эффективлиги унинг амплитуда ва частотасига, ҳамда композицияси, майдаланиш даражасига, масса концентрациясига, 1 м 2 қоғоз массасига, боғлиқ. “Садкий” массада паст амплитуда (2...4 мм) ва катта частота (минутига 200 юқори тебраниш), масса “жирний” бўлганда – катта амплитуда (10...12 мм) ва кичик частота (минутига 100...120 тебранишлар). Қуйидаги нисбат бажарилганда, тебратиш эффектли бўлади: 2Аn / υ = 150 + 450, бунда А – тебраниш амплитудаси, м; n – тебраниш частотаси, с – 1 ; υ – машина тезлиги, м/с. Сеткани дастлабки қисмида сувсизлантириш тезлигини камайтириш учун, полотно қуюш жараёнини бошқариш мақсадида, ҳамда грудной валдан кейин сеткани эгилишини йўқотиш учун, шаклантирувчи доска ёки

шакиллантирувчи яшик ўрнатилади. Доска юзи текис ёки тешикчалар тешилган бўлиши мумкин. Регистрли валиклар сетка орқали айланади ва у билан бирга бироз сирпаниб айланади. Сувни йўқотиш вакуум орқали бажарилади. Вакуумни катталиги 40 кПа гача боради. Шундай қилиб, регистрли валиклардан фойдаланилганда, массани сувсизлантириш навбатма навбат гоҳ босим остида гоҳ вакуумда боради. Регистрли валикларнинг сўриш ҳаракати уларнинг айланиш тезлиги квадратига пропорционал, чиқариладиган сувнинг миқдорини қуйидагича аниқлаш мумкин: W = K υrl, м 2 /с, бунда К – масса ҳоссаси ва унинг фильтрланишга қаршилик, коэффициенти; υ – валикни айланма тезлиги, м/с; r - валик радиуси, м; l – валикни ишчи қисми узунлиги, м. Сувнинг асосий миқдори (машинани сеткали қисмида барча сувни 40 %), биринчи 5...6 регистирли валикларда чиқарилади. Регистрли валикларнинг зарарли таъсирини йўқотиш учун уларнинг бир қисми ёки ҳаммаси биратўла регистрли планкаларга (гидропланка) алмаштирилади. Гидропланкалар шаберни бир тури бўлиб, сетка 1...5 о остида ўрнатилади. Гидропланкалар орқали ҳосил қилинган вакуум 2...5 марта, регистрли валиклар ҳосил қилган вакуумга қараганда кам. Шакиллантириш зонисини охирларида, қуруқ линиядан олдин, гидропланка орқасига сувсизлантирувчи элемент сифатида ҳўл сўрувчи яшиклар ўрнатилади. Вакуумни ошириганда, сувсизлантириш тезлашади, сеткада қоғоз массаси компонентларининг ушланиб қолиши пасайяди, сетка ячейкалари муҳирланиб қолади. Тўр столида сўрувчи яшиклар сони 10..12 донагача етиши мумкин. Сурувчи яшик конструкцичси 46 – расмда кўрсатилган.

46– расм . Сўрувчи яшик: 1 – сув ва ҳавони чиқарувчи трубалар; 2 – яшик баландлигини бошқарувчи болтлар; 3 – корпус; 4 – кўп тешикли (перфарланган) ёпинди; 5 – шибер; 6 – сўрғич энини бошқарувчи винт Қоғоз қуйишчи машиналар (ҚҚМ) тўри . Қоғоз – картон қилувчи машиналарнинг тўри – тўр столини энг муҳим элементи ҳисобланади. Маҳсулот сифати ва машинанинг эффектив ишлаши тўрни сифатига боғлиқ. Тўрни техник функцияларига қўйилган талаблар: рН ўзгаришига чидамлилик; мустахкамликка, узилишга, эгилиш ва ишқаланишга чидамлилик; тўқимани етарли зичлигини таъминлаш; сувни яхши ўткасиш қобилияти. Тўрлар ҳар хил белгилари билан характерланади, буларнинг ичида энг муҳими: тўр материали, тўқима типи, ипларининг қалинлиги, ячейкалар ўлчами ва уларнинг 1 см 2 сони. Тўрларни номери - асосидаги ипларни 1 см сетка энига тўғри келадиган сони. Тўрлар биттали, иккитали ва учталиларга бўлинади. Биттали тўралар асоси алоҳида иплардан иборат. Иккитали тўрлар асосида жуфт - жуфт иплар бўлади. Учталикларда, тўрлар асосида учтадан ёнма - ён жойлашган иплар бўлади (47– расм).

Узоқ вақтлар тўрлар металл симлардан тайёрланган. Ипларни асосини қалайфосфорли бронзадан тайёрланган, уларнинг таркибида 92,5...93,7 % мис, 6...7 % қалай ва 0,3...0,4 % фосфор, кўндаланг ипи эса (уток) – 80 % мис ва 20% руҳ бўлган. Металл тўрларнинг асосий камчилиги уларнинг тез емирилиши, шу туфайли хизмат вақтининг камлиги. Бу качиликлар, айниқса юқори тезликда ишлайдиган машиналарда кўринади. Ҳозирги вақтда металл сеткалар амалда қўлланилмайди. Синтетик полимер сеткаларнинг асосий яхши томонлари – хизмат вақтининг катталиги, қоғоз полотнонинг макроструктурасини яхшилашда, тўр тўқимасини 1 м 2 массасини 6...8 марта енгиллигидир. Тўр юргизувчи валларга ишқаланиш коэффициентин камлиги, тўр ишлаганда қаттиқ тортилиб турилиши, бу машинани тўр қисмида энергиянинг кўп сарфланишига олиб келади. Синтетик полимер тўрни эксплуотация қилиш жараёнида 1,0...1,5 % чўзилади, баъзан бу қўшимча тўр еталовчи валиклар ўрнатишини талаб этилди. 47 – расм . Тўқилган тўрлар типи: а – битталик тўр (льнянли тўқилма); б – битталик тўр ( яримсаржлик тўқилма); в – иккиталик тўр; г – учталик тўр: 1 – асос иплари; 2 – кўндаланг иплар Синтетик полимер толалардан тўқилган тўрларга қўйиладиган технологик талаблар: керакли даражада сувсизлантириш; қоғоз массасидаги компонентларни яхши ушлаб қолиш; қоғоз полотнони енгил ажратиб олиш; қоғозда сеткани муҳирланмаслиги; сеткали қисмда энергияни кам сарфлаш;

юқори хизмат вақти; узунлиги бўйича кам чўзилиш; кўндаланг йўналишда текис ва қаттиқлик. Синтетик сеткалар мустахкам, маҳсус иссиқ ишлов берилган, ишқаланишга чидамлиликни ошириш учун синтетик смолалар билан қопланган полиэфир ва полиамид иплардан тайёрланади. Қоидага кўра, қоғозни 1 м 2 массаси кам бўлса ва майдаланиш даражаси юқори бўлса, у ҳолда ишлатиладиган сеткани номери юқори бўлади. Масалан, конденсатор қоғози учун учталик сетка № 34...40, папирос, нусха кўчириш қоғозлари учун учталик № 24...32 ёки битталик № 36...40, енгил юқори сифатли қоғозлар ва санитар – гигиена қоғозлари учун – битталик тўр № 28...32, газета, ёзув, қоғоз қоплар учун № 24...28, ўровчи қоғозлар учун – № 16...24, целлюлоза папкалари ва баъзи картон типлпри учун – № 8...16. Тўрдан муҳрланишни камайтириш учун, юпқа ингичка диаметрлик иплардан тўқилган тўрлардан фойдаланиш керак. Синтетик тўрлардан иккиталигидан фойдаланганда, кенг машиналарда бемалол ишлатиш мумкин. Қоғоз полотносини сеткада нормал шакллантириш жараёнини таъминлаш учун, тўр тоза бўлиши ва бир текисда тарранг тортилиши керак. Қоғоз полотнони пардозлаш қурилмалари 1. Қоғоз (картон) юзасига бериладиган пигмент қоплама таркиби Қоғоз (картон) юзасига ишлов бериш натижасида уларнинг бирқанча техник хоссалари яхшиланади: оқлиқ даражаси 45...70 % дан 80...90 % гача ва силлиқлиги бирнеча баробор ошади. Бўрловчи материалнинг хоссаси унинг таркибига, суртиш технологияси ва асбоб ускуналарига боғлиқ бўлади. Қоғоз юзаси қопланганда қоғоз юзаси мустахкамланади, чангланиши ва юза юлиниши камаяди. Боғловчи моддалар сифатида ишлатиладиган эритмаларнинг концентрацияси 5...20 % бўлиб, оксидланган ёки модификацияланган крахмал, поливинил спирти, Na-КМЦ, дисперс полимерларва ҳ.к. қўлланилиши мумкин. Уларнинг таркибида 0,1...1,0 % гача пластификатор бўлади.

Сувга чидамлилигини ошириш учун сувда эрийдиган полимерларга 10 % гача мочевино-ёки меламнформальдигид смола, глиоксал ёки метазин қўшилади. Қуйида қопламалар таркиби (масса улушида) келтирилган %: крахмал асосида : оксидланган крахмал – 90; мочевиноформальдегид смола – 10; пластификатор – 1(қуруқ модда миқдори - 6 %); юзасига суртилган масса миқдори – 2...3 г/м 2 ; ПВС асосида : поливинил спирти – 95; меломинформальдегид смола–5 (қуруқ модда миқдори 3...4 %) юзасига; суртилган масса миқдори– 2...3 г/м 2 ; N a- КМЦ асосида : Na-КМЦ – 100; оптик бўёқ – 0,2; майда табиий бўр дисперда - 100 (қуруқ модда миқдори 2...20 %). Ишлатиладиган пигментлар: каолин, титан диоксиди. Технология шароитига қараб, қоғоз ва картон юзасига суртилган қоплама миқдори 7,5...32 г/м2 атрофида бўлади. Бўрловчи таркибни технологик тайёрлаш схемаси Схемада тайёр кўринишда келадиган суюқ компонентларни сақловчи сиғимлар: ишқор, аммиак, латекс, пигментлар дисперсияси. Боғловчилар кукун кўринишда бункерларда сақланади. Боғловчи модда эритмасини тайёрлаш учун буғ билан қиздиришга мосланган қобиқли ва аралаштиргичли реактор қўлланилади. Реакторга боғловчилар винтли юқлагичлар билан юкланади. Концентрацияси 15...20 % ли бўлган боғловчи эритма сақлаш учун бакка қуюлади. Иккинчи реакторда ёрдамчи моддалар эритмаси тайёрланади. Кўпикка қарши, қўлланиладиган модда бўёқ, оптик оқартиргич, ҳар хил концентрацияли меломинформальдегид смоланинг эритмалари, сақлаб туриш учун аралаштиргичли бакка қуйилади. 52-расмда бўрловчи таркибни тайёрлашнинг технологик схемаси келтирилган. Схемадаги асосий агрегат – аралаштиргичли реактор ҳисобланади.

52-расм . Бўрловчи таркибнинг тайёрлаш технологик схемаси : 1 – каолин дисперсияси учун мерник; 2 – қўшимча пигмент мерниги; 3 – латекс учун мерниги; 4 – сувда эрийдиган боғловчи эритмаси учун мерник; 5 – аралаштиргич; 6 – бўрловчи таркибни сақлаш учун бак; 7 – насос Реакторга олдиндан тайёрлаб қўйилган каолин дисперсияси (53-расм) ва бошқа қўшимча моддаларнинг эритмалари дозатор ёрдамида ўлчаб қуюлади. Тайёрланган 50...60 % концентрацияли бўрловчи таркиб сақлаш учун бакка юборилади. Бошқа бакка эса алоҳида рецептда тайёрланган 40...45 % концентрацияли тайёр қоплама қуюиб қўйилади. 53-расм . Пигмент дисперсиясини тайёрлаш қурилмасининг схемаси: 1 – бункер; 2 – қуруқ пигментни узатувчи транспортёр; 3 – пигментни диспергловчи аппара 4 – дисперсияни сақлагич баки; 5 – тебратиб саралагич; 6 – оралиқ бак; 7– насослар; 8–қўшимча пигмент дисперсиясини сақловчи бак;

7 – каолин дисперсини сақлаш учун бак. Тайёр тозаланган таркиб, машинанинг ванна қурилмасига берилади. берилган модданинг 10...20 % қоғоз полотно юзасига суртилиб, ортиқча 80...90 % сақловчи бакка қайтарилади. Қопламани полотно юзасига суртиш усуллари Бўрловчи қатлам қоғоз полотнони бир томонига (этикетка қоғоз учун) ва иккала томонига (босма қоғоз учун) берилиши мумкин. Бўрловчи қатлам миқдори 5...6 дан 18 г/м 2 ва ундан юқори бўлиши мумкин. Қатлам қанча катта бўлса қоғоз юзасига босиш сифати шунча юқори бўлади. Қоплама суртиш машинаси анча мураккаб агрегат бўлиб, қуйидаги қурилмалардан таркиб топган: раскат, суртиш узели, қуритиш, қоплама ва охорлаш узеллари, накат, привод, қоғоз етакловчи узеллар ва валиклар (54расм). 54-расм. Бўрловчи қурилманинг схемаси: 1 – станина; 2 – инфрақизил қуритгич; 3 – ҳаволи қуритгич; 4 – накат; 5 – бўрловчи узеллар; 6 – силлиқлагич (раскат).

Машинанинг махсус қисми суртиш қисми бўлиб (55-расм), учта операцияни бажаради: 1) қоғозга бўрловчи таркибни суртиш; 2) суртиладиган таркиб миқдорини дозалаш; 3) суртилган таркибни текислаш. 55-расм . Бўрлаш схемаси Бўрлаш валлар ёрдамида осон бажарилади. Бўрловчи қатлам кўпроқ бериладиган бўлса, машинанинг шабери ёрдамида бажарилади. Ортиқча бўрловчи суспензия шабер билан (пичоқли қирғич) қириб олинади. Шу тариқа юзаси анча сифатли қилиб суртилади.

Фойдаланилган адабиётлар: 1. Рахмонбердиев Ғ. Р., Примқулов М. Т., Тошпулатов Ю. Т. Қоғоз технологиясининг асослари. Тошкент, “Алоқачи”, 2009, 404 бет. 2. Примқулов М. Т., Рахмонбердиев Ғ. Р. Қоғоз олиш жихозлари. Тошкент, “Фан ва технология”, 2009, 80 бет. 3. Примқулов М. Т., Рахмонбердиев Ғ. Р., Яқубов С. Қоғоз олиш машина ва аппаратлари. Тошкент, “Фан ва технология”, 2010, 240 бет. 4. Примқулов М. Т., Раҳмонбердиев Ғ. Р. Целлюлоза-қоғоз ишлаб чиқариш асбоб-ускуналари. Т.: Фан ва технология. 2009. 156 бет. 5. Примқулов М. Т., Раҳмонбердиев Ғ. Р. Қоғоз технологияси, Тошкент, “Фан ва технология” 2009, 232 бет. 6. Примқулов М. Т., Раҳмонбердиев Ғ. Р. Целлюлоза ва қоғоз технологияси. Т.: Фан ва технология. 2009. 168 бет. 7. Примқулов М. Т., Раҳмонбердиев Ғ. Р. ,Эгамбердиев Э. Целлюлоза ва қоғоз технологиясидан масалалар. Т.: “Фан ва технология”. 2009. 168 бет.

O'xshashlar

Массани тўр столига меъёрлаб бериш қурилма турлари

Қоғоз ишлаб чиқариш

Целлюлоза пишириш бўлими асбоб ускуналари

Целлюлоза қуйиш машинасининг тузилиши

Технологик жихозларни автоматик бошкариш тизимлари