Марказий Осиё цивилизацияси. Марказий Осиё цивилизациясини юзага келтирувчи мустақил манба - Tarix - Referatlar

Марказий Осиё цивилизацияси. Марказий Осиё цивилизациясини юзага келтирувчи мустақил манба

Yuklangan vaqt:

23.10.2023

Ko'chirishlar soni:

0

Hajmi:

102.5 KB

Ko'chirib olish

Марказий Осиё цивилизацияси. Марказий Осиё цивилизациясини юзага келтирувчи мустақил манба Режа: 1. Марказий Осиёда дастлабки цивилизация ўчоқлари. Илк давлат бирлашмалари. 2. Қадимги ва илк ўрта асрларда Марказий Осиё. 3. Марказий Осиёда биринчи ва иккинчи ренесанс даври.

Марказий Осиё минтақаси қадимдан деҳқончилик учун қулай бўлиб, энг қадимги даврлардан бу ер иқлими ёввойи бошоқли экинлар ўсиши учун қулай жой бўлган. Айниқса, унинг жануби-ғарби Копетдоғ атрофлари баҳорги ёғингарчилик натижасида катта-кичик сойларнинг қуйи қисмида бой, серунум, лойқа тупроқли жилғалар ҳосил қилган. Натижада энг қадимги даврларда милоддан авв. VI - IV асрлардаёқ бу ҳудудда илк деҳқончилик манзилгоҳлари юзага келган. 1952 йил археологлар Ашхободдан 40 км узоқликда Чақмоқли деб номланган жойдан дастлабки деҳқончилик манзилгоҳини топади. Неолит даврига оид бу жойнинг Чақмоқли деб аталишига сабаб, чўпонлар бу ердан чақмоқтош теришар экан. Бу жойнинг иккинчи номи Жойтун бўлиб, баҳорги ёмғирдан сўнг кўлмаклар ҳосил бўлиб, ойдин кечада улар қоп-қора бўлиб кўринишидан чўпонлар шундай ном қўйганлар. Жойтун ёдгорлигидан қистирма ўроқ (мис ва тошдан ишланган), пичоқ, суякдан ишланган игна, бигиз ва бошқа қуроллар топилган. Олимларнинг фикрича Жойтун ёдгорлиги бундан VII - VI минг йил бурун шаклланган. Кейинчалик шаклланган ва III - II минг йилликларга оид бўлган Олтинтепа ёдгорлиги ҳам (жануби-шарқий Туркманистон) Марказий Осиёдаги бронза даври ёдгорликлардан бири бўлиб ҳисобланади. Олтинтепа ёдгорлигида дастлабки хом ғиштдан ва пахсадан қурилган турар жойлар, бронза қуроллар топилиши билан бирга Марказий Осиёнинг Ҳиндистон ва Месопотамия билан боғлаб турган лал йўлининг муҳим тугуни бўлган. Бу ердан олтин ва қимматбаҳо металлардан ишланган буюмлар кўплаб топилган. Олтинтепа аҳолисида нариги дунёга ишонч бўлганлиги, кинотафт (майитсиз қабр) қабрларини ҳам ўргатиш мумкин. Мил.авв. III минг йиллик охири II минг йиллик бошларида Жарқўтон, Сополитепа ёдгорликлари ватанимиздаги илк қишлоқ ва шаҳар типидаги манзилгоҳларнинг вужудга келиши бронза давридаёқ бошланганидан далолатдир. Мил.авв. I минг йиллик бошларида аждодларимиз темир қуроллардан фойдалана бошладилар. Шу даврдан бошлаб тоғ жинсларини қайта ишлаш (масалан: темир, олтин, қалай, қўрғошин ва б.) улардан меҳнат ва жанг қуроллари тайёрлаш, тўқувчилик, қурувчилик, заргарлик ва бошқа соҳалар ривож топади. Темир қуроллардан фойдаланиш мил. авв. VII - VI асрлардаёқ улкан

суғориш тизимлари қурилишига сабаб бўлади. Ортиқча маҳсулот ва синфий табақаланиш вужудга келади. “Авесто” да мил. авв. II минг йиллик бошларида коҳинлар, ҳарбийлар, деҳқон ва ҳунармандлардан иборат табақалар тилга олинади. Бу даврда шаҳар ва шаҳарсозлик маданияти ҳам тараққий эта боради. Натижада жамиятда давлат, давлатчилик анъаналари ҳам мил. авв. VIII - VII асрларда шакллана бошлади деб айтишимиз мумкин. Авестода Катта Хоразм (Арёнам Вайжо) тилга олинган бўлиб у дастлабки давлат бирлашмаларидан бири эди. Копетдоғ, Марв (Авестода Моуру) Каспий ва Орол денгизигача бўлган ҳудудларни Дахью - Састар бошқаргани эслатилади. Бу мил. авв. VII асрда яшаган милетлик Гекатей маълумотлари билан айнан ўхшашдир. Яна бир антик муаррих Эрон аҳамонийлари саройида табиб бўлиб ишлаган Ктеси маълумотлари ҳам мил. авв. (III аср) Катта Хоразмни юқоридаги каби тасвирлайди. Демак, мил. авв. 1 минг йиллик бошларида вужудга келган Катта Хоразм давлати мил. авв. VI - IV асрларда ҳам бир қадар мустақиллигини сақлаб қолган. Алдександр Македонский юришлари даврида Хоразм ҳукмдори Фарасманнинг тилга олиниши эса юнон-македон истилоси даврида ҳам Хоразм ўз мустақиллигини сақлаб қолганини кўрсатади. Яна бир давлат бирлашмаси бўлган Бақтрия ҳам мил. авв. I минг йиллик бошларида пайдо бўлади. Авестода Бақтрия (Бахди) тилга олиниб, баланд байроқли ўлка сифатида таърифланади. Книдлик Ктеси Оссурия подшоси Нин Болид ва унинг хотини Семирамиданинг юришлари ҳақида маълумот келтиради. Қизиғи шундаки, Нин Болид афсонавий подшо бўлиб, Семирамида тарихий шахс у мил. авв. VIII аср бошларида яшаган. Бундан ташқари Оссур подшоси Саргон II ёзувларида ҳам Бақтриядан икки ўркачли туяларда лаъл олиб келиниши ҳақидаги маълумотлар мавжуд. Демак, Бақтрия давлати ҳам мил. авв. VIII - VII асрлардаёқ мавжуд бўлган. Бақтрия мил. авв. VI - IV асрларда аҳамонийлар кейин Александр Македонский давлати, мил. авв. IV - III аср ўрталарида салавкийлар давлати таркибига киради. Марказий Осиё халқлари мил. авв.6-4 асрларда Эрон аҳамонийлари ва IV - III асрларда юнон-македонларга қарам бўлиб қолади. Мил. авв. III аср ўрталарида

мустақил давлатлар ташкил топади. Шулардан бири Юнон- Бақтрия давлати бўлиб, у мил. авв. 250 йиллар атрофида ташкил топади. Тахминан 120 йиллик ушбу давлат сиёсий тарихидаги ўзгаришлар унинг маданий, хўжалик тараққиётига ҳам таъсир қилади. Бу даврда товар-пул муносабатлари яхши йўлга қўйилади. Бақтрияда зарб қилинган олтин, кумуш, никел тангалар Хоразм, Суғдиёна, Фарғона, Ҳиндистон ҳудудларидан топилиши Бақтрия тангалари халқаро савдода эквивалент бўлганини кўрсатади. Юнон-Бақтрияда расмий тил юнон тили бўлиб ҳисобланган. Панжобда юзага келган кхорошти ёзуви ҳам кириб кела бошлаган. Будда динининг мил. авв. II - I асрларда кириб кела бошлаши билан будда ёзуви ҳам қўлланилган. Ниҳоят бақтрияликлар юнон ёзуви асосида ўзининг квадратсимон ёзувларини ҳам яратганлар. Мусиқа ва санъат соҳасида Бақтрия ўша давр шарқ мамлакатлари ичида олдинги ўринларда турган. Аниқ ва табиий фанлар фалсафа ривож топган. Ҳинд донишманди Нагаржуна Юнон-Бақтрия подшоси Менандр билан фалсафа борасида суҳбатлашгач, унга атаб Милинда панха (Менандр донишмандлиги) номли асар ёзади. Мил.авв. II асрнинг ўрталарида Юнон-Бақтрия сиёсий жиҳатдан инқирозга юз тутади. Мил.авв. 140 йилда бу давлат саклар, юэчжилар зарбаси остида қолади. Бу ҳудудга кўчиб келган юэчжилар тахминан I асрда Кушон давлатига асос солади. Далват асосчиси Куджула Кадфиз Сурхондарё вилояти Шўрчи туманидаги Далварзинтепани давлат пойтахтига айлантиради. Кушон давлати тезда Марказий Осиёдаги қудратли давлатга айланади. Кушонлар даврида минтақада қурувчилик, ҳайкалтарошлик, рассомчилик, наққошлик каби соҳаларда улкан ютуқларга эришилди. Кушонлар даври маданий ҳаётининг ўзига хос хусусиятларидан яна бири минтақада ҳинд маданиятининг янада чуқур илдиз отишидир. Бу даврда Будда дини (Канишка 77-138 йй.) давлат дини даражасига кўтарилиши, тасвирий санъат, тангалар зарб қилиш, архитектура қурилишида, маънавий ҳаётда ҳинд анъаналари янада чуқур илдиз отди. Шу билан бирга математика, астрономия, мусиқа, граматика, метрология, химия, фалсафа, доришунослик каби фанлар соҳасида ҳам кўплаб ютуқлар қўлга киритилади. Хитой манбаларида Бақтриядан борган Будда роҳиби 77 тилни билиши, яна бир роҳибнинг астрология соҳасидаги

билимлари беназир эканлиги ва бошқа шунга ўхшаш мисолларни кўплаб келтириш орқали юқоридаги фикрларни исботлаш мумкин. Кушон маданияти ёдгорликлари юртимиз жанубида Далварзинтепа, Айритом, Қоратепа ва бошқа жойлардан топиб ўрганилган. Маданият юксак даражага ривожланишига мил. авв. II аср охиридан бошлаб шаклланган буюк ипак йўли бўйлаб халқаро алоқаларнинг йўлга қўйилиши ҳам муҳим аҳамият касб этади. Бу йўл орқали минтақамиз шарқу- ғарбни боғлаб уларнинг маданиятларини бир-бирига таништириш ва тарғиб этиш орқали ўзлари ҳам юксак маданият яратдилар. Юртимиз ҳудудига V асрда Эфталит қабилалари кириб келади. Эронда ташкил топган сосонийлар давлати билан эфталитлар V асрнинг 30 йилларидаёқ кураш олиб бора бошлайдилар. Айниқса, Эрон сосоний ҳукмдори Перўз (459-484 й.) даврида ўзаро курашлар авж олади. Тарихий манбаларда Хўрмузд (420-457 й.) ва Перўз (459-484 й.) ни сосонийлар тахтига чиқишига эфталийларнинг ҳарбий ёрдам бергани таъкидланади. Бунга буюк ипак йўлида минтақадаги савдо иқтисодий доираларининг манфаатдор бўлганлари сабаб бўлган десак хато бўлмайди. Минтақа шаҳарлари тарихида V аср охири- VI аср бошлари катта жонланиш йиллари бўлгани маълум. Айниқса, кичик шаҳарларнинг тезлик билан ўсиб бориши ҳашаматли бинолари бўлган алоҳида-алоҳида қўрғонларнинг юзага келиши Хоразм, Суғдиёна, Шош ва Бақтрия вилоятларида кенг қилиб қуриш, уй деворларини наққошлик ва тасвирий санъат намуналари билан безаш бу давр учун характерлидир. Диний иншоотлар қурилишига ҳам алоҳида эътибор берилиб, ичик безаш ишларида қимматбаҳо тошлар, олтин билан безаш кенг тарқалган. Эфталитлар даврида минтақада сўғдча, хоразмча, кхарошти, эфталитча ёзувлар маълум бўлган. Эфталитлар ёзуви ҳақида Сюан Цзян: “Ёзувларидаги асосий ҳарфлар 25 та бўлиб, улар ёрдамида иборалар, сўзлар ясайдилар. Саҳифага хатни энига туширадилар, чапдан ўнгга қараб ўқийдилар”–деб ёзган. Эфталитлар даврида юртимиз аҳолиси зардуштийлик, монийлик, буддавийлик ва қам (шаманлик) динига сиғинган. Бу даврда Эрондан христиан ва маздак қарашлари ҳам кириб кела бошлаган. VI аср иккинчи ярмидан бошлаб турк ҳоқонлиги Марказий Осиё ҳудудини истило қила бошлайди. 568 йилги эфталитлар билан

урушдан сўнг турк ҳоқонлиги ҳукмронлиги тўлиқ ўрнатилади. Турк ҳоқонлиги даврида ҳам эфталитлар давридаги иқтисодий-ижтимоий ва маданий юксалиш давом этди. Буғдой, арпа, шоли, мош, тариқ, нўхат, қовун, пахтачилик, пиллачилик, боғдорчилик, узумчилик тараққий этади. Қазилма бойликлардан олтин, темир, навшадил, кумуш, қўрғошин, мис, маргимуш, тузнинг бир неча турлари қазиб олинган. Натижада металга ишлов бериш, шишасозлик, заргарлик, кулолчилик, дурадгорлик, қуролсозлик, тўқимачилик каби соҳалар ривожланган. Ёзма манбалар ва деворий суратлар ўлкамизда бу даврда мусиқа, раққослик, театршунослик каби соҳалар ривожланганидан далолат беради. Мусиқа асбобларидан катта ва кичик чирманда, беш торли уд, дўмбира, най, рубоб қабилар мавжуд бўлган. Қўғирчоқ театри Хитойга юртимиздан тарқалган ҳисобланади. Маълумки, бронза давридаёқ савдо йўллари вужудга кела бошлаган. Мил.авв. II аср охиридан бошланган буюк ипак йўли савдосида ҳам юртмиз аҳолиси Эрон, Византия, Ҳиндистон, Хитой ва бошқа кўплаб давлатлар ва минтақалар билан алоқалар олиб борганлар. Илк ўрта асрлар даврида сўғдларнинг ипак йўлидаги устун мавқега эга бўлганларни кўриш мумкин. сўғд савдогарлари ўзларининг устунликларини Шарқий Туркистонда, Еттисувда, Олтойдан Енисейгача, Шимолий Хитойдан Мўғулистон ва Тинч океанининг шарқий соҳилларигача бўлган ҳудудлардаги колониялари мавжудлиги орқали таъминлаганлар. Маздакийлик зардуштийлик динидаги қарашлардан ўсиб чиқади. Шунингдек, христианлик, монийлик, эллинизм фалсафий қарашларни ҳам ўзидан мужассамлаштирган. Маздакчиликнинг ижтимоий концепциясида: дунёда тенгсизлик, адолатсизлик мавжуд, бу эса ёвузликнинг туғилишига сабаб бўлади. Ақл ва одиллик умумий тенглик ва барча одамларнинг барча нарсаларига тенг эгалик қилишини таъминловчи дунё яратиши лозим. Гуноҳкорларнинг қонини тўкиш мумкин деган ғоялар мавжуд бўлган. Бу ҳаракат Эронда 496-529 йилларда кенг тарқалди. Эронда мағлубиятга учрагач, маздак ғоялари тарафдорларидан бир қисми Ўрта Осиёга қочади ва бу ҳудудларга ҳам Маздак ғояларини тарғиб қиладилар. Маълумки, Ўрта Осиё ҳудудида зардуштийлик

дини мил. авв. I минг йиллик бошларида шаклланган. Зардуштийлик асосан дуализм ёруғлик, яхшилик (Ахурамазда) ва ёмонлик, зулмат (Ахриман) ўртасидаги курашга асосланади. Инсон эса, эзгу сўз, эзгу фикр, эзгу амали билан яхшиликка хизмат қилиши лозим деб ўргатади. Лекин зардуштийликда Мигра- қуёш худоси, Анахита-табиат, яхшилик ҳомийси, Веретрагна-подшо тахти ҳомийси, Агни-олов, Фаро-бахт, омад, Вахш-дарё сувлари ҳомийси каби кўплаб худолар мавжуд бўлиб, улар инсонлар ҳаётида муҳим ўрин тутади деб ҳисоблаганлар. Ислом динининг кириб келиши билан нафақат зардуштийлик, балки, бошқа динлар ҳам аста- секин ижтимоий ҳаётдан чиқиб кетади. Араблар Ўрта Осиёни истило қилиши тарихда икки қисмга, яъни 651 йилдан 704 йилгача, ҳарбий разведка даври ва 704-715 йиллар истило даврига бўламиз. Араблар Ўрта Осиёни истило қилгач, зўрлик йўли ва исломга кирмаган (жузя солиғи-иқтисодий йўл), шунингдек, исломни қабул қилганларни 2 дирҳамдан бериш каби воситалардан ҳам фойдаландилар. Араблар зулмига қарши бир неча бор қўзғолонлар кўтарилсада булар муваффақият келтирмади. VIII аср бошларида Марказий Осиё аҳолиси араблар босқини натижасида оғир қийинчиликларга дучор бўлди ва истилога қарши кўп йиллик кураш олиб борди. Абу Райҳон Беруний асосли равишда араблар зарбаси оқибатида Сўғд ва Хоразмнинг бой маданияти барбод бўлди, деб афсусланган эди. Шу билан бирга араб халифалигида ҳам катта ўзгаришлар юз берди. Умавийлар сулоласидан ҳокимият аббосийларга ўтганлиги муҳим воқеа бўлди. Янги сулола бениҳоя катта салтанатни идора қилишда, унинг тараққиётини таъминлашда илму- фаннинг аҳамиятини чуқурроқ англади. Халифа Хорун ар-Рашид (786-809 йй.) дан сўнг унинг ўғли Маъмун ўз тасарруфидаги ўлкалардан олимларни халифаликнинг янги пойтахти Бағдодга таклиф этади, уларнинг самарали ишлашлари учун шароит яратади. Ўлкамизда ислом динининг тарқалиши, унинг маҳаллий одат удумлар билан тез орада уйғунлашуви аҳамиятлидир. Исломда илм олмоқ фарз, деган ҳикмат мавжуд. Маданий соҳада хусусан, исломнинг ахлоқий тариқатлари, шунингдек, IX - X асрдаги дунёвий илмланинг ривожи араб дунёсидаги ижтимоий-маънавий

вазиятни анчагина ўзгартирди. Шу билан бирга, араб (ислом) цивилизациянинг шаклланишида Ҳиндистон, Эрон, Юнонистон, Марказий Осиё ва Кавказ халқларининг маданияти таъсири катта бўлган. Минтақамизда қадимдан цивилизация асослари, моддий ва маънавий маданиятнинг чуқур илдизлари мавжуд эди. VII аср охирлари-IX аср бошларида Марказий Осиёда ижтимоий ва сиёсий вазият анчагина барқарорлашди. Бундай шароитда минтақада илм-фан, умуман маданиятнинг кенг кўламда ривожланишини тақозо қиларди. Хусусан, Бухоро, Самарқанд, Марв, Хива, Термиз, Фарғона, Хўжанд, Қўқон маданият ўчоқларига айланади. Хоразмда эса Маъмун академияси ташкил топди. Бу илк уйғониш, биринчи ренесанс даври эди. Марказий Осиёдаги олимлари ўша пайтда маълум бўлган барча илм соҳалари билан қизиқдилар, дунёвий ва диний фанлар ривожига ўзларининг салмоқли ҳиссаларини қўшдилар. Бу ҳақда М.Хайруллаевнинг “Ўрта Осиёда илк уйғониш даври маданияти” (Фан 1994). Ф.Сулаймоновнинг “Шарқ ва Ғарб” (Ўзбекистон 1997) шунингдек, “Буюк сиймолар, алломалар” (Мерос 1995, 96). Асар ва тўпламларида сермазмун ва бой маълумотлар, ишонарли мисол ва далиллар келтирилган. Бу нашрларда нафақат Ал-Хоразмий, Ал-Фарғоний, Форобий, Беруний ва Ибн Синоларнинг кўп қирралари фаолияти хусусида, балки уларнинг юзлаб издошлари ва шогирдлари ҳақида ҳам қимматли маълумотлар бор. Улар лотин, араб бошқа кўплаб тилларни билишган. Жаҳон цивилизацияси яратган аниқ ва гуманитар фанлар бўйича ўз мустақил мулоҳазаларига эга бўлганлар, қисқаси бу сиймолар чинаккам қомусий донишманд бўлганлар. Марказий Осиё маданиятининг ривожланишида М.Қошғарий, Юсуф Хос Ҳожиб, А.Югнакий, А.Фирдавсий, Рудакий, М.Нархаший каби арбобларнинг ҳиссаси каттадир. Имом Ал-Бухорий, Ал-Термизий каби буюк муҳандисларнинг бутун ислом дунёси бугун ҳам эҳтиром билан тилга олинмоқда. Ўлкамизда юз берган илм фан, маданият ва санъат соҳаларидаги ўзгаришлар, янгиликларнинг асосий хислатларидан бири инсонпарварлик ғоясининг доимо устун бўлганлигидадир. Марказий Осиёдаги уйғонишнинг муҳим белгиси-бу дунёвий илмларга интилиш, ҳамда дин ва диний билимларни жамият, инсон

манфаатидан келиб чиқиб талқин этиш бўлган, одамзод маънавиятини бойитиши эса асосий мезон бўлган. Ғарб олимларининг эътирофича, антик цивилизация билан Европа то уйғониш даврига қадар, яъни XVI асргача араб тилида битилган асрлар билан танишган. Г.Гегель ўзининг “Тарих фалсафасида”, “Фан ва билимлар айниқса фалсафа Ғарбга араблардан ўтган” - деди. Юртдош донишмандларимизнинг кўпчилиги замон тақозосига кўра ўз асарларининг кўпчилигини ўша пайтларда халқаро тилга айланган араб тилида ёзганлар. Шу боисдан аксарият Ғарб олимлари кзпчилик Шарқ олимларини араб деб фараз қилганлар. Ал-Хоразмийнинг арифметикага бағишланган китоби XII асрда Испанияда лотинчага таржима қилинган. Ўша пайтларда кўчирилган лотинча нусхаси ҳозир ҳам Кембержда сақланмоқда. Бу асар бир неча асрлар давомида Европа университетида “Алгоритм китоби” ном билан машҳур бўлган. Рим папаси Сильвесто Рим рақамлари ўрнига Хоразмий ишлаб чиққан араб рақамларини Европада истеъмолга киритиш тўғрисида фармон берди. “Алгебра”, “Алгоритм” атамаларининг дунё миқёсида тарқалишига ҳам ватандошимизнинг номи сабабчи бўлган. Ал-Хоразмийнинг география хусусидаги асари 1037 йилда кўчирилган нусхаси Страсбург кутубхонасида мавжуд. Ал-Фарғонийнинг астрономик асари Европада XII асрда лотин тилига икки марта ва XIII асрда бошқа Европа тилларига таржима этилгандан сўнг, унинг номи “Алфраганус” шаклда Ғарбда бир неча аср давомида кенг тарқалди. Фарғоналик донишманд номини Данте ( XV аср) Шеллер ( XVIII аср) эҳтиром билан тилган олганлар. Фарғоний яратган асарлардан бирининг қўлёзмаси Принстон (АҚШ) университетида сақланмоқда. Абу Наср Фаробий асарлари XII - XIII асрлардаёқ лотин, қадимий яҳудий, форс, француз, рус, инглиз тилларида чоп этилган. Ибн Сино асарлари ўша пайтлардан бошлаб кўп тилларга ағдарилган. Фақат “Тиб қонунлари” нинг ўзи лотинчада 30 мартадан ортиқ нашр қилинган. Абу Райҳон Беруний яратган дурдоналар турли асарларда лотин, араб, санокрид, француз, италян, немис, инглиз, яҳудий, рус, форс, турк ва бошқа кўп тилларда чоп этилган. Америкалик

профессор Ж.Сартоэн Беруний меросига юксак баҳо бериш билан бирга, уни “Ўз давридаги жаҳоннинг биринчи донишманди” деб атайди. Ўтмиш цивилизациямиз ҳақида биринчи Президентимиз: “Марказий Осиё тарихида сиёсий ақл-идрок билан маънавий жасоратни, диний дунёқараш билан қомусий билимдонликни ўзида мужассам этган буюк арбоблар кўп бўлган” деб таъкидлайди. Улариннг жаҳон цивилизацияси тараққитига қўшган ҳиссаларини ўша даврлардан буён бутун дунё тан олмоқда. XIII аср бошларидаги мўғуллар босқини натижасида ўлкамизда маданият ўқочлари барбод бўлди, санъат обидалари вайрон этилди, мамлакат оғир тушкунликка учради. XV аср ўрталаридан бошлаб Мовароуннаҳрда моддий ва маданий тикланиш бошланди. Бу жараён Амир Темур ҳокимият тепасига келиб марказлашган давлат ташкил топган даврда кучайди. Цивилизация янги босқичга кўтарилди. Аввало давлатчилик қонуни қонун- қоидалари пухта шаклланди. Соҳибқирон фан, маданият, санъат, меъморчиликнинг ибратли ҳомийси бўлган. Темурийлар сулоласи маданий юксалишга катта ҳисса қўшиб келган. Самарқандда катта расадхона бунёд этилди, кўплаб мадрасалар, мактаблар очилди, санъат, адабиёт соҳасида ҳам катта ўсиш юз берди. Бу даврларда Мирзо Улуғбек, Жамшид ал-Коший, Румий, Али Қушчи каби олимлар астрономия, математика ва бошқа аниқ фанлар соҳасида муҳим кашфиётлар қилдилар. Хусусан Улуғбекнинг юлдузлар жадвали жаҳон астрономлари томонидан эҳтиром билан тан олинди, у кўп маданий марказларида хусусан Лондонда кейин Париж ва Данцигда 1917 йили Вашингтонда ва бошқа шаҳарларда чоп этилди ва қанчадан-қанча илмий изоҳлар битилди. Алишекр Навоий, А.Жомий, Саккокий, Лутфий, Х.Кошифий, К.Бекзод каби нодир ва нозик истеъдод эгалари юксак гуманистик асарлар яратдилар. Н.Жомий, Ш.Али-Яздий, Х.Абру, Мирхонд, Хондамир каби тарихчилар ижод этдилар. Амир Темур ва Темурийлар давридаги моддий ва маънавий юксалишнинг аҳамиятини инобатга олиб кўпчилик тарихчи олимлар бу жараённи иккинчи ренесанс (уйғониш) даври деб талқин этмоқдалар.

И.Каримов “Тафаккур” журнали саволларига жавоб бера туриб, IX - XV асрларда маърифатли дунё юртимиз донишмандларини қанчалик иззат-икром қилган бўлса, XXI асрда биз халқимиз, миллатимизга нисбатан ана шу эҳтиромни тиклашимиз, қайтдан қўлга киритишимиз керак деб улкан вазиани олдинга сурди. Бу борада астойдил ҳаракат интилиш Мустақил Ўзбекистон учун учинчиуйғониш ренессансга айланса ажаб эмас.

Хулоса Жаҳон цивилизациялари ва уларнинг тарихига бағишланган кичкинагина усулий ишланмани яратишимиз бу борадаги тугалланган иш деб бўлмайди. Бу борадаги дебоча ишлардан холос деб ҳисоблаймиз. Шунинг учун ундаги айрим камчиликлар учун муҳтарам ўқувчидан узр сўраймиз. Кўриб чиқилган мавзулар инсоният цивилизациясининг энг қадимги даврларидан янги замон давригача бўлиб, ҳозирги замон цивилизацион жараёнлари хусусида тўхталиб ўтирмадик. Биз бу мавзуни алоҳида ўрганиш зарур ва албатта уни ўрганишда кўпгина воқейликларга танқидий баҳо бериш зарур деб ҳисоблаймиз. Бу борада ғарбдан турли - туман оқим ва “маданият” ларнинг кириб келиши ва уларнинг салбий жиҳатларига алоҳида урғу берилишини истаймиз. Жаҳон цивилизациялари тарихи, уларнинг вужудга келиши, ривожланиши ва инқирози масалаларини бизнинг фикримизча, муҳим ижтимоий - сиёсий аҳамиятга эга бўлган муамо деб қараш ва уни кенг миқиёсда, дунёнинг барча мамлакатлари ва халқлари ҳаётига дахлдор масала сифатида ўрганиш, таҳлил қилиш ва баҳолаш мақсадга мувофиқдир. Ушбу ишланма ана шундай саволларнинг айримларига жавоб беради деб ҳисоблаймиз.

Адабиётлар : 1. Каримов И.А. Тарихий хотирасиз келажак йўқ. Т., 1998. 2. 2017-2021 йилларда Ўзбекистон Республикасини ривожлантиришнинг бешта устивор йўналишлари бўйича ҳаракатлар стратегияси. 2017 йил 7-Февраль. ПФ 4947-сонли фармон. //Халқ сўзи, 28- сон, 2017 йил, 8 февраль. 3. Мирзиёев Ш.М. Таныидий таҳлил, қатъий тартиб-интизом ва шахсий жавобгарлик-ҳар бир раҳбар фаолиятининг кундалик қоидаси бўлиши керак. - Т.: Ўзбекистон, 2017. - 104 б. 4. Эшов Б. Цивилизация тизимида илк шаҳарлар. Тошкент, 2005. 5. Островский А.В. История цивилизаций. Санкт-Петербург. 2000 6. Яковец Ю.В. История цивилизаций. М., 1997. 7. “Древние цивилизации”. Под общей редакцией Бангарда-Левина Г. М. М., 1989. 8. “Древнеиндийская философия. Начальный период” М., 1963. 9. “Мифология древнего мира”. М., 1977. 10. Крамер С. “История начинается в Шумере”. М., 1991. 11. Ғуломов Х.Ғ., Татибоев А.С. “Ўрта Осиё ва жахон тарихи”. Т., 1993.

O'xshashlar

Ислом ва Марказий Осиё халклари

Марказий осиё халкларининг кадимги маданияти

Марказий осиё халкларининг кадимий маънавияти

Урта асрларда марказий Осиё маданияти

Қадимги Жанубий-Шарқий Осиё цивилизацияси