Динлар ўзаро таъсирининг глобаллашуви - Sotsiologiya - Referatlar

Динлар ўзаро таъсирининг глобаллашуви

Yuklangan vaqt:

20.09.2019

Ko'chirishlar soni:

0

Hajmi:

82 KB

Ko'chirib olish

Динлар ўзаро таъсирининг глобаллашуви Режа: 1. Диннинг маданият феномени сифатида ўзига хос хусусиятлари. 2. Ислом динида глобаллашувнинг талқини. 3. Сўфизмда глобал муаммоларнинг кўтарилиши. 4. Дин глобаллашувининг мезонлари.

Динлар ўзаро таъсирининг глобаллашуви Мамлакатимиз Президенти И.А.Каримов БМТнинг 2010 йил 20 сентябрда бўлиб ўтган “Мингйилликнинг ривожланиш мақсадлари” саммитининг пленар мажлисида сўзлаган нутқида “Жаҳоннинг турли нуқталарида ҳамон давом этаётган урушлар ва қарама-қаршиликлар, сақланиб қолаётган давлатлараро, миллатлараро ва динлараро зиддиятлар, Мингйиллик ривожланиш декларациясида таъкидланганидек, қашшоқлик, очлик, оналар ва болалар ўлими, эпидемиялар ва инсониятнинг бошқа муаммоларига қарши кураш борасидаги энг жиддий тўсиқлар бўлиб қолмоқда”, – деб таъкидлади. Шундан сўнг давлатимиз раҳбари “асосий муаммо ва зиддиятлар бўйича ўзаро муроса асосидаги ечимларни топиш” зарурлигини ва бу мураккаб, чигал, зиддиятли вазиятлардан чиқишнинг асосий йўлларидан бири эканлигини қайд этиб ўтди. Шу муносабат билан толерантликни ва унинг одамлар онгига таъсири даражасини ошириш муҳим аҳамият касб этади. Кейинги пайтларда дунёда муросасизлик, зўравонлик, террорчилик, тажовузкор миллатчилик, халқларнинг бир-биридан узоқлашуви, кам сонли миллий, этник гуруҳларни камситиш ҳолатларининг тез-тез юз бераётганлиги минтақавий ва халқаро миқёсда барқарорликка ва хавфсизликка таҳдид солмоқда ва ижтимоий ривожланиш йўлидаги тўсиқлардан бири бўлиб қолмоқда. ЮНЕСКОнинг1995 йил 16 ноябрда бўлиб ўтган Бош конференцияси толерантлик тамойиллари Декларациясини қабул қилди, зеро толерантлик тинчликни сақлашнинг, инсониятнинг ҳар томонлама ривожланишининг энг муҳим тамойили бўлибгина қолмай, балки унинг зарур шарти ҳамдир. Ижтимоий ривожланишда юз бераётган ўзгаришлар ва уларнинг тенденцияларини таҳлил қилиш глобал ижтимоий онгда ва муайян инсон ҳаёти ва тақдирида толерантлик муаммоси нақадар долзарб эканлигини кўрсатади. Толерантлик бугунги кунда заруратга ва маданий меъёрга

айланиб, атрофимизни ўраб турган дунё билан муносабатларимизнинг зарур шарти сифатида намоён бўлмоқда. Маълумки, глобаллашув ижтимоий, иқтисодий, сиёсий тизимлар ва ижтимоий бирликларнинг интенсив интеграцияси, коммуникациянинг инновацион усул ва воситаларига таянган ҳолда кечаётган, комплекс характерга эга обьектив воқеа ва ҳодисаларда ўз аксини топмоқда. Шунингдек, мазкур шароит мавжуд ҳуқуқий нормаларнинг қайта кўриб чиқилиши, минтақа ва ҳудудлардаги иқтисодий тизим характерининг ўзгариши, мамлакатлар сиёсий ҳаётига халқаро омил таъсирининг кучайиши, турли маданий тизимлар, хусусан, динлар ўртасидаги мулоқот интенсивлигининг кучайишини келтириб чиқармоқда.. Глобаллашув жараёнинг ҳаётимизга тобора тез ва чуқур кириб келаётганининг асосий сабаблари хусусида гапирганда Президентимиз И.Каримов таъкидлаганларидек “ ... шуни объектив тан олиш керак – бугунги кунда ҳар қайси давлатнинг тараққиёти ва равнақи нафақат яқин ва узоқ қўшнилар, балки жаҳон миқёсида бошқа минтақа ва ҳудудлар билан шундай чамбарчас боғланиб бораяптики, бирон мамлакатнинг бу жараёндан четда туриши ижобий натижаларга олиб келмаслигини тушуниш, англаш қийин эмас” 1 . Мутахассислар замонавий глобал ривожланиш жараёнидаги баъзи тенденцияларнинг таҳлили асосида бу борада кўп ҳолларда аксиомадек қабул қилинадиган айрим хулосаларга танқидий ёндашиш зарурлигини таъкидлашаётганини алоҳида қайд этиш лозим. Жумладан, улар глобаллашув шароитида дунёдаги йирик компаниялар олаётган фойда ўсиш эмас, балки пасайиш томон кетаётгани, ҳукуматлар ҳали ҳамон гигант корпорациялар фаолиятига таъсир кўрсатиш имкониятини сақлаб тургани ва кўп ҳолларда уларни ўз режаларини ўзгартиришга мажбур қила олаётгани ҳақида ёзмоқдалар 2 . Бу эса, давлат чегаралари аҳамиятининг кескин даражада 1 Каримов И.А. Юксак маънавият – енгилмас куч. – Тошкент: Маънавият, 2008. – 111 б. 2 Лапкин В.В., Пантин В.И. Геоэкономическая политика и глобальная политическая история. – М.: Изд-во: Олита, 2004. – 280 с.

пасайиб кетаётгани ҳақида гапираётган мутахассисларнинг қарашларини бир ёқлама эканидан далолат беради. Глобал диний маконда рўй бераётган ўзгаришлардан бири бу муайян дин ёки конфессиянинг конкрет ҳудуд билан шартланишидаги ўзгаришлар билан боғлиқ. Чунки ҳозирда диний ҳаётда содир бўлаётган ўзгариш уларнинг анъанавий конфессионал, сиёсий, маданий ва цивилизациявий чегаралар доирасидагина эмас, балки трансмиллий, трансэтник даражаларда ҳам кечмоқда. Хусусан, неопятидесятниклар, баҳоийлар фаолияти бу йўналишдаги жараёнларга мисол бўла олади. Диний ҳаётдаги глобал динамик ўзгаришларнинг яна бир хусусияти, иқтисодий жараёнлар ва ижтимоий соҳанинг бир қатор жабҳаларида глобал коммуникация майдонида юзага келган тармоқ моделлари каби “тармоқ динлари” феноменининг вужудга келгани билан ҳам характерлидир. Мутахассисларнинг фикрича “тармоқ динлари” анъанавий конфессиялардаги иерархик структурадан ягона марказ ва анъаналар ортодоксаллиги билан ажралиб туради ва беқарор алоқалар ва ночизиқли авторитет ҳамда бўйсуниш тизимига эга қатор автоном бирликлар орқали шаклланади. Ўз навбатида, ушбу бирликлар бир-биридан куртакланиб, эски сиёсий, маданий ва конфессионал юрисдикция чегараларини кесиб ўтиш хусусиятига эга. Харизматик протестант черковлари, буддавийлик ва ҳиндуийликдаги айрим “тармоқ” ташкилотлари фаолияти бунга яққол мисол бўла олади 3 . Шу билан бирга, диний ҳаётда ўзига хос аксилглобаллашув жараёнлари кечаётганини ҳам таъкидлаш жоиз. Гап шундаки, айрим мутахассислар томонидан замонавий воқеликнинг радикал секуляр қадриятлар асосида шаклланаётгани ҳақидаги қарашлар ҳам илгари сурилмоқда. “Бунга кўра ижтимоий, сиёсий, иқтисодий ва маънавий ҳаётда дин асосий эмас, балки маргинал ўринга эга бўлади” 4 . Айни пайтда, ўзгача нуқтаи назар ҳам мавжуд бўлиб, у диннинг барча йўналишлардаги жараёнлар 3 Қаранг: Нуруллаев А.А. Проблемы диалога религий в эпоху глобализации. // Вестник Российского университета дружбы народов. - Cерия: Политология. - 2001. - № 3. - С. 28-35. ; Мещеряков Д.А. Глобализация в религиозной сфере общественного бытия : Автореф . дисс ... канд . филос . наук. Омск: ГОУ ВПО «Омский государственный аграрный университет», 2007. – 25 с.

ривожида қадриятли - норматив асослардан бири сифатида чиқишини ифодалайди. Хусусан, “Ҳозирда дин глобал тартибга институт, анклав, муайян бирлик эмас, балки ўзига хос “жамоавий ва индивидуал мансублик жанри” сифатида кирмоқда”, - деб ёзади атоқли олим Рональд Робертсон 5 . Албатта, инсоният истиқболида диннинг қандайдир иккиламчи, ноасосий ўрин тутишига доир гипотетик характердаги ушбу фикр- мулоҳазалар ўта баҳсли бўлиб, уларга диний ҳаётда кечаётган ўзгаришлар динамикасини ҳар томонлама таҳлил этиш орқалигина асосли муносабат билдириш мумкин. “Шу ўринда таъкидлаш муҳимки, замонавий воқелик диний қадриятлар бузилиши ва фақатгина секулярлашув асосларининг ривожланиши билан кечаётгани йўқ. Балки, демократик давлат ва жамият қуриш асосларининг мустаҳкамланиб бориши, диний эътиқод эркинлигининг кенг жорий этишиши натижасида, диний ҳаётда ўзига хос ихтиёрийлик муҳити вужудга келмоқда” 6 . Айтиш мумкинки, бу диний соҳадаги глобаллашув жараёнининг асосий хусусиятларидан биридир. Эътиқод ва виждон эркинлигининг кенг тарқалиши, ўз навбатида, диний ҳаёт шаклларининг трансформациялашувига олиб келмоқда. Демократия, эркин рақобат ва инсон ҳуқуқлари тамойиллари диний қоидалар тизимига интеграциялашмоқда. Турди дин вакиллари эса, айнан шу нуқтаи назардан келиб чиққан ҳолда секуляр маданият тизимига муносабат билдирмоқда. Бошқача айтганда, глобаллашув даври бошқа ижтимоий институтлар ҳаётида бўлгани каби динлар ҳаётида ҳам муҳим тарихий босқич ҳисобланади. Чунки турли ижобий ва салбий оқибатларга эга глобаллашув жараёни эътиқод ва виждон, ирода ва сўз эркинлиги тамойиллари устуворлашиб бораётган демократик шароитларда кечмоқда. Бу эса, ўз навбатида, асрлар мобайнида 4 Қаранг: Еремеев С.Г. Вызовы глобализации: э тнический и религиозный экстремизм в современном мире . - http://anthropology.ru/ru/texts/eremeev/terror.html. 5 Қаранг: Новая социальная реальность глобального мира. /Отв. ред. В.И. Иванов. – Красноярск: Изд-во “ЛИТЕРА-принт”, 2008. – 214 с . 6 Орлов М. Место и роль религии в глобальных процессах современности . // Власть , 2008. № 1. – С 46.

ўзаро бир-бирига нисбатан антагонизм, нигилизм, радикализм кайфиятида яшаб келган турли диний тизимлар олдига сифат жиҳатдан янги бўлган шароит талабларига мослашиш, фуқаролик жамияти қуришни мақсад қилиб олган халқлар ҳаётида ўзининг ўрни ва аҳамиятини сақлаб қолиш ва ривожлантиришнинг инновацион йўллари ва механизмларини ишлаб чиқишдек мураккаб вазифаларни ҳал этишни зарур қилиб қўймоқда. Бу йўналишдаги бирламчи вазифалардан бири шубҳасиз, динлараро, конфессиялараро мулоқот ҳисобланади. Зеро, ўзаро ҳурмат, тенглик, ишонч ва ҳамжиҳатликка асосланган соғлом мулоқот ҳар қандай дин ёки конфессиянинг глобаллашув шароитида ўз ўрни ва мавқеини сақлаб қолишнинг энг мақбул воситасидир. Умуман олганда, “глобаллашув – бу аввало ҳаёт суръатларининг беқиёс даражада тезлашуви...” 7 экани ҳақидаги фикрдан келиб чиққан ҳолда айтиш мумкинки, ҳозирда динларнинг бир-бири билан яқиндан ҳамкорлик қилиши объектив заруриятдир. Глобал ижтимоий, сиёсий, иқтисодий, маънавий ҳаёт барқарорлиги кўп жиҳатдан ана шу ҳамкорликнинг самарали ривожлантирилишига боғлиқдир. Глобаллашув атамаси гарчи кейинги вақтларда оммавий тарзда қўлланилаётган бўлсада, у чуқур назарий асосларга эга тушунчадир. Қайсидир маънода бу тушунча инсониятни бирликка интилишининг фаоллашувини билдиради, одамлардаги бегоналашувни йўқотади, коммуникатив алоқаларни тезлаштиради. Инсониятнинг тарихан бирлигини маданиятларнинг ўзаро алмашинувида, монотеистик динларни тарқалиши, умумий тил яратишга бўлган уринишларда кўришимиз мумкин. Лекин, ҳозир гап бу ҳақда кетаётгани йўқ. Глобаллашувнинг замонавий тенденцияси маънавий доирадан чиқиб иқтисодни, сиёсатни, ахборот жараёнларини ва инсон фаолиятининг бошқа кўплаб жабҳаларини қамраб олмоқда. Шу тарзда кўп қиррали алоқалар билан боғлиқ бўлган мегажамият шаклланмоқда. Шу 7 Каримов И.А. Юксак маънавият – енгилмас куч. – Тошкент: Маънавият, 2008. – 111 б.

маънода айтиш мумкинки, глобализация — жаҳон иқтисодий, технологик, сиёсий, информацион интеграциясининг ўлчамидир. Ўзбекистон Республикаси Конституциясининг 12-моддасида ижтимоий ҳаёт сиёсий институтлар, мафкуралар ва фикрларнинг хилма-хиллиги асосида ривожланади, ҳеч қайси мафкура давлат мафкураси сифатида ўрнатилиши мумкин эмас, дейилган. Шунга биноан, ҳар бир диний конфессия ўз мафкурасига эга бўлиши мумкин. Лекин бу мафкура халққа тазйиқ билан сингдиришга йўл қўйилмайди. Жамиятимизда диний ташкилотлар фаолияти халқимизда миллий ғурур ва ифтихор, ватанпарварлик ва фидокорлик, комил инсонни шакллантиришга қаратилган. Ўзбекистонда эътиқод эркинлиги ва диний бағрикенгликни мустаҳкамлашда қонунчилик ҳам такомиллашиб борди. «Виждон эркинлиги ва диний ташкилотлар тўғрисида»ги қонун 1991 йилда қабул қилинган бўлиб, 1993 йилда киритилган баъзи қўшимча ва ўзгартиришлар билан 1998 йилга қадар амалда бўлиб келди. Сўнгги йиллар давомида мазкур қонунни давр талаблари асосида тубдан ўзгартириш зарур бўлиб қолди ва 1998 йилнинг 1 май ойида Республика Олий Мажлиси томонидан қонуннинг янги таҳрири қабул қилинди. 2000 йил 13-15 сентябрда Тошкентда ўтган динлараро мулоқот ЮНЕСКО Конгресси Марказий Осиёдаги маданий, диний ва этник хилма- хиллигини муҳокама қилди. Унда 40га яқин давлатдан 80дан ортиқ турли дин ва конфессияларга мансуб вакиллар, йирик мутахассислар иштирок этдилар. Конгрессдан сўнг 18 сентябрь куни Бухоро шаҳрида «Тасаввуф ва динлараро мулоқот» мавзусида халқаро симпозиум бўлиб ўтди. Унда «тасаввуф»га бағрикенгликни тарғиб этувчи, тинчликка чақирувчи Ислом динининг ноёб, ўзига хос кўриниши деган таъриф берилди. Айнан 2000 йил сентябрида Тошкент ислом университетида динларни қиёсий ўрганиш бўйича ЮНЕСКО кафедраси очилди. ЮНЕСКО раҳбарияти бу ташаббусни қўллаб-қувватлади. Фан, таълим ва маданият соҳасидаги энг нуфузли халқаро ташкилот раҳбари шахсан ўзи келиб кафедрани очиши фикримиз исботидир. Кафедранинг

асосий вазифаси динлараро мулоқот ва диний бағрикенгликни янада мустаҳкамлашга кўмаклашишдир. Шунингдек, 2001 йил сентябрида Тошкентда ўтган Осиё – Тинч океани минтақаси ЮНЕСКО «бағрикенглик тармоғи»нинг иккинчи йиғилишида бағрикенглик тамойиллари ўзбек халқининг урф – одатлари билан чамбарчас боғлиқлиги таъкидланди. Ўзбекистоннинг анъанавий диний бағрикенглик ўлкаси экани, ислом фани ва маданиятига қўшган улкан ҳиссасини эътироф этиб, нуфузли халқаро ташкилот – Ислом конференцияси ташкилоти (Ўзбекистон унга 1996 йилдан аъзо)нинг таълим, фан ва маданият бўйича Бошқармаси (ISESCO) Тошкент шаҳрини 2007 йилда ислом маданияти пойтахти деб эълон қилди. Халқаро ҳамжиҳатлик йўлида ҳар бир инсон, жамоа ва миллатлар башариятнинг турли-туман маданиятлардан иборат эканини англаши ва ҳурмат қилиши жуда муҳимдир. Бағрикенгликсиз демократия асослари ва инсон ҳуқуқларини мустаҳкамлаб бўлмайди. Тинчликсиз тараққиёт ва демократия бўлмагани каби, бағрикенгликсиз тинчлик бўлмайди. Глобаллашув жараёни ғоявий, мафкуравий жараёнларга ўз таъсирини кўрсатиб, хозирги шароитда у мафкуравий таъсир ўтказишнинг нихоятда кучли воситасига айланиб, жаҳондаги хар хил сиёсий кучлар ва марказларнинг манфаатларига хизмат қилмоқда. Хозирги вақтда кўз ўнгимизда дунёнинг геополитик, иқтисодий ва ижтимоий, аҳборот коммуникация манзарасида чуқур ўзгаришлар рўй бераётган, турли мафкуралар тортишуви кескин тус олаётган бир вазиятда, барчамизга аёнки, – деб таъкидлайди Президент И.А.Каримов, – фикрга қарши фикр, ғояга қарши ғоя, жаҳолатга қарши маърифат билан курашиш ҳар қачонгидан кўра мухим аҳамият касб этмоқда 8 . Миллий мустақилликка эришилгандан сўнг Ўзбекистонда демократик, ҳуқуқий, фуқаролик жамиятли, дунёвийлик тамойилига асосланган «Озод ва обод Ватан, эркин ва фаровон хаёт» барпо этила бошланди. Лекин шу билан биргаликда ўз олдига муайян геополитик мақсадларни қўйган сиёсий 8 Каримов И.А. Юксак маънавият – енгилмас куч. Тошкент : Маънавият , 2008 . 119 - бет.

кучларнинг, диний ташкилотларнинг маънавий-мафкуравий тахдидлари кучайди. Мавжуд конституциявий тузумни ағдариб ташлаб, ислом давлатини қуриш, халифаликни қайта тиклаш тўғрисидаги зарарли ғоялар Ислом уйғониш партияси, Хизбуоллоҳ, (Аллоҳ партияси), Хизб ат таҳрир ал- исломий (Ислом озодлик партияси), Бадиуззамон Саид Нурсийнинг Нурчилик ҳаракати, Усома бин Лодиннинг Ал Қоида, Акром Йўлдошевнинг акромийлар ҳаракатининг ғояларида ўз ифодасини топган бўлиб, Ўзбекистондаги тинчлик ва барқарорликка, диний тотувлик ва динлараро бағрикенгликка салбий таъсир кўрсатиб келди. Ўзбекистонда демократик, ҳуқуқий, дунёвий давлат ва фуқаролик жамият қуриш жараёнида Хожи Абдулла Озарбайжоний асос солган «Тавба» экстремистик ҳаракати, Ҳиндистонда Муҳаммад Илёс асос солган «Таблиғчилар» жамоаси, Покистонда Мирза Ғулом Ахмад Хон томонидан асос солинган Ахмадия харакати, Ислом динини илк давридаги холида сақлаб қолиш ғоясини илгари сурган Абдул Ваххобнинг Ваҳҳобийлик диний-сиёсий оқими томонидан илгари сурилган ғоялар ҳамда олиб борилган харакатлар Ўзбекистондаги динлараро бағрикенглик ғоясига қарши йўналтирилган диний- сиёсий харакатлар сифатида намоён бўлди. Ўзбекистондаги тинчлик- барқарорлик, миллатлараро тотувлик ва динлараро бағрикенгликка бевосита тахдид кўрсатган омилларга диний экстремизм, фундаментализм, ақидапарастлик, терроризм, миссионерлик, прозелитизм каби зарарли ғоялар, мафкуралар ҳамда харакатлар тааллуқли бўлиб, миллий мафкуранинг асосий ғоялари асосида фуқаролар мафкуравий иммунитетини шакллантириш масаласига давлатимиз томонидан олиб борилаётган сиёсатда катта эътибор қаратилмоқда. Миссионерлик ва прозелитизм глобаллашув шароитида маънавий-мафкуравий тахдид воситаси бўлиб, энг аввало жахондаги муайян сиёсий кучларнинг геополитик мақсад манфаатларига йўналтирилган холатда олиб борилмоқда. Иккинчи томондан, халқнинг миллий маънавияти, урф- одат ва анъаналари, миллий менталитети диний таълимот билан боғлиқ бўлиб, миссионерлик ва прозелитизм халқнинг миллий ўзлигидан

бегоналашувига, манқуртлашувига, давлатнинг ички ҳаётида миллий, диний, ижтимоий зиддиятларнинг чуқурлашувига сабабчи бўлади. Шунинг учун ҳам бугунги кунда Ўзбекистонда замонавий демократик, ҳуқуқий давлат ва фуқаролик жамияти қуришда миллий истиқлол мафкурасининг асосий ғояларини фуқаролар онги-тафаккурига сингдиришга, уларда миллий ғурур ва ифтихор туйғуларини юксалтириб мафкуравий иммунитетини шакллантириш масаласига асосий эътибор қаратилмоқда. Жаҳондаги аксарият мамлакатлар кўп миллатли ва турли динли бўлгани каби Ўзбекистон ҳам шундай давлатлар қаторига киради. Унда миллатлараро тотувлик ва динлараро бағрикенглик каби умуминсоний қадриятлар ўзининг чуқур илдизларига эга. Ўзбекистон илк диний тасаввурлар юзага келган энг қадимий ўлкалардан бири эканлиги қатор тарихий манбаларда қайд этилган. Ўлкада қадим замонларданоқ зардуштийлик, буддизм, яҳудийлик, насронийлик каби мураккаб идеологик тизимга эга динлар тинч-тотув фаолият олиб борганлар. Тешик-Тош ғорларидаги қадимий қабрлар, Фаёз ва Қора-Тепанинг буддавийлик топилмалари, Далварзинтепа ва Суғдиёна қолдиқлари, ҳозирда француз ва япон археологлари билан ҳамкорликда олиб борилаётган изланишлар натижалари бундан яққол далолат беради 9 . Дарҳақиқат, халқимизга азалдан хос хислат – бағрикенглик, толерантлик бир зумда пайдо бўлган эмас, у биз учун анъанавийдир. Ўзбекистоннинг диний тарихига қисқача назар ташласак, ҳозирги Ўзбекистон ҳудуди инсонларда илк диний тасаввурлар ва ақидалар пайдо бўлган энг қадимги ўлкалардан бири эканига гувоҳ бўламиз. Тош асрининг ўрталарида аждодларимиз орасида турли ҳайвонлар ва Қуёшга топиниш, кейинроқ фетишизм, анимизм, афсунгарлик (магия) тарқалди. Илк ўрта асрларда Марказий Осиёда буддавийлик ҳам муҳим ўрин тутади. Бухоро шаҳрининг номи ҳам “вахара” – буддавийлар ибодатхонаси номидан келиб чиққан, деган фикрлар ҳам буни тасдиқлайди. Кушон ва 9 Қаранг: Дервиш Р.А., Левтеев Л.Г., Мусакаева А. Памятники истории религии и культуры в Узбекистане. – Т.: Ў қ итувчи, 1994. – Б. 10-12, 56-60.

Эфталитлар давлатлари даврида Ўзбекистон ҳудудига бевосита Ҳиндистондан буддавийлик кириб келди ва кенг илдиз отди. В.Литвинскийнинг таъкидлашича, Марказий Осиёда “ҳунарманднинг хонадони ва чорикорнинг кулбасигача будда дини кириб борганди” 10 . Буддавийликнинг Ҳиндистондан Марказий Осиёга кириб келишини одатда кушонларнинг ҳукмронлиги билан боғлайдилар. Император Канишка (I асрнинг охири – II асрнинг бошлари) даврида Кушон подшоҳлиги ушбу диннинг марказларидан бирига айланган. Жумладан, Канишка зарб қилдирган тангаларда бошқа илоҳиятлар билан бир қаторда Будда тасвири ҳам учрайди. Хитойлик Сюань-Цзянь берган хабарга кўра, VII асрнинг бошларида Термизда 10 та буддавийлик хонақоҳи (сангарама) ва мингта роҳиб фаолият олиб борган. XX асрнинг бошларида Амударёнинг ўнг қирғоғида буддавийликка мансуб кўплаб қимматбаҳо металлар – олтин ёки кумушдан ясалган кўп сонли тангалар, ҳайкалтарошликка оид майда тасвирлар ва бошқа ёдгорликлар топилган 11 . Халқимизда толерантлик ва муросанинг илдизлари узоқ асрларга бориб тақалади. Мамлакатимиз ҳудудида фаолият кўрсатган турли динлар маданияти бўйича изланишлар олиб бораётган япон олими Като фикрига кўра Сурхондарё воҳасида аниқлаган ноёб Будда маданияти ёдгорликлари, яҳудий ёдгорликлари, Бухорода насронийларнинг зиёратгоҳлари юртимиздаги ислом обидалари билан бир қаторда туриши ҳеч кимни ажаблантирмайди. 10 Ўзбекистон – диний бағрикенглик ўлкаси // Бағрикенглик – барқарорлик ва тараққиёт омили. – Т.:Тошкент ислом университети, 2007. – Б. 101. 11 Қаранг: Диний экстремизм ва терроризмга қарши курашнинг маънавий-маърифий асослари. – Т.: Тошкент ислом университети, 2005. – Б. 30 .

Юртимиз ҳудудида зардуштийлар билан бир қаторда буддавийликка эътиқод қилувчилар ҳам яшаганлар. Милоднинг биринчи асрларидан бошлаб, Самарқанд ва Бухорога кириб келган яҳудийлар жамоалари вакиллари ҳозирга қадар ўз динларига эркин эътиқод қилиб келмоқдалар 12 . Ўзбекистонда исломдан олдин мавжуд бўлган динлар қаторида Шом (Сурия) ва Эрон орқали кириб келган христиан динининг несториан мазҳаби сезиларли ўрин тутган. Христиан жамоалари ғуз, тўққизўғиз каби баъзи кўчманчи турк қабилаларининг вакилларини ҳам ўз ичига олган. Академик В.Бартольднинг фикрича, VI асрда Самарқандда христиан епископи ва бевосита араблар келишидан олдин эса митрополити бўлган. Ҳозирги Тошкент ва Хоразм вилоятлари ҳудудида ҳам христиан динига мансуб аҳоли мавжуд эди 13 . Илмий адабиётларда Марказий Осиёга христианлик III асрларда кириб келган деб талқин қилинади. Бу Эронда мазкур дин вакилларининг таъқиб қилиниши ва уларнинг бошқа ҳудудларга кўчиб ўтиши билан боғланади. Эрон шоҳи Шопур I (241 – 272 йиллар) асир олинган Рим аскарларини шарқий ерларга жойлаштирган. Улар орасида насронийлар ҳам бўлган. Баъзи ёзма манбаларда 334 йилда Марвда епархия фаолият кўрсатгани қайд қилинади. Бу Марвда христианларнинг 334 йилдан аввалроқ пайдо бўлгани ва йирик жамоалари шаклланганидан далолат беради. Умуман олганда, VIII асрда Мовароуннаҳрга кириб келган ислом ва маҳаллий динларнинг, уларга хос қадрият ва одатларнинг қоришиши юз берди 14 . Мовароуннаҳр халқлари ислом динига маҳаллий ахлоқ ғоялари, ҳуқуқий меъёрлари ва урф-одатларини олиб кирдилар. Мовароуннаҳрда бу ҳолат исломнинг ўзига хос хусусиятлар касб этишига сабаб бўлди. Ўша вақтга келиб минтақада шаклланиб улгурган қулай бағрикенглик муҳитида бу тасодифий ҳодиса эмас эди. 12 Ибрагимов Э. Ўзбекистон – диний бағрикенглик ўлкаси // Ўзбекистон – бағрикенг диёр. – Т.: Ўзбекистон, 2007. – Б. 69. 13 Бартольд В. Сочинения. - М., 1996. Т.6. – С. 105. 14 Қаранг: Дервиш Р.А., Левтеев Л.Г., Мусакаева А. Памятники истории религии и культуры в Узбекистане. – Т.: Ў қ итувчи, 1994. – Б. 10-12, 56-60.

Ислом дини барқарор бўлганидан, то шу бугунги кунгача, Ислом дини кенг ёйилган мусулмон давлатларида бошқа ҳақ динларга ҳам бемалол йўл берилган. Улар черков, синагогаларига кириб, ибодатларини бемалол қилаверганлар. Ҳатто, уларнинг молу жонлари давлат ҳимоясига олинган. Тарихий манбаларда ўтмишда Ўзбекистонда диний муносабатлар асосида бирор марта ҳам низо чиқмаганини қайд қилинади. Бундай ҳолатни ҳозирги Ўзбекистондаги ислом, христиан, яҳудий динлари ва бошқа конфессияларнинг ўзаро муносабатлари мисолида ҳам кўриш мумкин. Бундай дўстона муносабатлардан хулоса қилиб, Президент Ислом Каримов: “Мусулмонлар ва христианларнинг Ўзбекистон заминида биргаликда ҳамнафас бўлиб яшаши диний-маънавий тотувликнинг нодир тимсоли ва барча дин вакилларига нисбатан бағрикенгликнинг энг яхши намунаси деб ҳисобланишига арзигуликдир” 15 , дея воқеликни аниқ кўрсатиб берди. 15 Каримов И.А. Маънавий юксалиш йўлида. – Т.: Ўзбекистон, 19 9 8. – Б. 102.

Фойдаланилган адабиётлар: 1. Каримов И.А. Асарлар 1-20-жилдлар. –Т.: Ўзбекистон, 1996-2012 2. Каримов И.А. Юксак маънавият – енгилмас куч. –Т.: Маънавият, 2008 3. Каримов И.А. Жаҳон молиявий-иқтисодий инқирози, Ўзбекистон шаротида уни бартараф этишнинг йўллари ва чоралари. – Тошкент: Ўзбекистон, 2009. – 56 б. 4. Каримов И.А. Тарихий хотирасиз келажак йўқ. –Т.: Ўзбекистон,1998. 5. Жўраев Н. Тарих фалсафасининг назарий асослари. -Т.: Маънавият, 2008. 6. Глобалистика международ ный междисциплинарный энциклопедический словарь. –Москва-Санкт-Петербург-Нью-Йорк.: 2006.

O'xshashlar

Жиноятнинг глобаллашуви

Спортнинг глобаллашуви

Сиёсий институтларнинг глобаллашуви

Миграция жараёнларининг глобаллашуви

Миллий динлар 2