Xor partiturasi va uni taxlil qilish

Xor partiturasi va uni taxlil qilish

Yuklangan vaqt:

20.09.2019

Ko'chirishlar soni:

0

Hajmi:

35 KB

Ko'chirib olish

Xor partiturasi va uni taxlil qilish Reja: 1. Dirijyorning xor partiturasini o`rgatishdagi asosiy etaplar. 2. Nota va adabiy tekstni o`rgatish 3. Asarni taxlil qilish

Xor asarlarini o`rganishda asarlarni to`g`ri tanlash, ularni xorga o`rgatish, aniq ko`zlangan maqsadga erishish uchun dirijyordan quyidagi vazifalar talab qilinadi: Asarni puxta o`rganish, asarni mualliflari xaqida ma`lumotga ega bo`lish, asarni f-no asbobida chalib o`rganish, asarning har bir ovoz partiyalarini mukammal bilish va sof kuylay olish, asarni taxlil qilish. O`rganiladigan asar dirijyor tomonidan puxta o`rganilishi lozim. Xor rahbari har ovoz partiya, intervallarni aniq o`rganishi, nyuanslar bilan tanishmog`i va asarni murakkab qismlarini puxta ishlab chiqishi va asarni murakkab joylarini belgilab olib xorga o`rgatish uchun tayyorlamog`i lozim. Dirijyor xorga o`rgatadigan asarini avval mazmun mohiyatini yashxi o`zlashtirib xor ishtirokchilariga uni to`la tushuntirib berishi zarur. Asarni chalib ijro etib berishi, dinamikalari bilan tanishtirishi kerak. O`rgatiladigan asarni raxbar o`zi yaxshi bilmasa talab darajasida o`rgata olmaydi. Xor dirijyori asarlarni xorga o`rgatayotgan tovushlarni vertikal va gorizontal o`rgatishga tayyor bo`lishi, uni solfedjio usulida kuylatib, tovushlarni aniq va ravon kuylatishi, so`zlar talaffuzi ustida ishlashi lozim. Xor raxbari qaysi ovoz partiyasi susaysa shu tovushni kuylab, boshqarib ketishi zarur. Bu esa undan nazariy va amaliy puxta bilim va malaka talab etadi. Nota va adabiy tekstni o`rgatish Asarni o`rgatishda asar notalarini aniq solfedjio usulida kuylatish katta ahamiyatga ega. Bunda turli xil vokal mashlarida foydalaniladi. Musiqaviy tayyorgarlikka ega xor bilan ishlash ancha qulaylik tug`diradi. Sol’fedjion kuylash orqali asar sof va ravon kuylaniladi. Xor asarini kuylashda asar ustida ishlash jarayoni uch bosqichdan iborat bo`ladi. - dirijyor asarni mustaqil o`rganishi va xor bilan ishlashga tayyorgarlik ko`rishi. - asarni xorga o`rgatish - asarni ijro ettirish

YUqorida aytib o`tkanimizdek asarni o`rganishning asosiy bir bo`lagi nota kuylash hisoblansa, qo`shiq matnini aniq talaffuz qilib ravon musiqa ohangida kuylashida talaffuz ham katta ahamiyatga ega. Asosiy tovushlar har bir bo`g`inga to`g`ri kelsa, ayrim ligalangan tovushlarni kuylashda tekst so`zlarini aniq talaffuz qilish talab qilinadi. Asarni o`rganishda dirijyor va xor jamoasining butun ijodiy faoliyati bilan bog`liq bo`ladi. Asarni har tomonlama taxlil qilish jarayoni ham asar ustida ishlash jarayoniga kiradi. CHunki ijro paytida ham (boshlang`ich davrlarda) asar ustida ish olib boriladi. O`rganiladigan asar darxol ko`ngildagidek bo`lavermaydi. Repetitsiya va kontsertda asarning har bir ijrosi uni sayqallab boraveradi. Akkordlar sadosi, partiyalarning hamohangligi yaxshilana boraveradi. Ijrochilar esa tinglovchilarga asarning asl ma`nosini etkazib berish uchun ijro mahoratlarini orttira boradilar. Asarni taxlil qilish (annotatsiya) Asarni taxlil qilish dirijyordan chuqur bilim, mahorat talab qiladi. Asosan rahbar o`rganiladigan asarni to`la taxlil qilib, uni asar mazmuni tomonidan, musiqaviy tomonidan to`la o`rganib, o`rganiladigan asarni jamoa o`rtasida taxlil qilib berishi katta natijalarga olib keladi. Bunda rahbar asarni mualliflari, asarni mazmun mohiyatini, asarning qaysi xor uchun yozilganligi (jo`rli yoki jo`rsiz) ni, kimlar tomonidan kuylanishi, asarni sur`at tezligi, tonalligi,o`lchovi asarning umumiy va ovoz diapazonlari, asarning murakkab qismlarini (intervallarni yuqori va pastligi) kuylashiga erishish asarning muhim omillaridan hisoblangan dinamik nyuanslar xaqida ham to`xtalib o`tadi. O`rganilayotgan har bir asarni har bir elementlarini esdan chiqarmagan xolda taxlil qilib berilsa, ijrochilikda asar xaqida olgan taassurotlari tufayli ijrochilar yaxshi kuylaydilar. Bunda asarni o`rganishga katta zamin yaratiladi. Har bir asarni jo`rnavoz yordamida chalib eshittiriladi. Nyuanslar bilan ijro etilgan asarni tinglagan kuylovchilarda asar xaqida tushuncha yanada rivojlanadi. Asarni o`rgatilish davrida har bir partiya dastlab kuylab ko`rsatiladi bu xor asarini ijrosida yaxshi samara beradi va asar ijrosini yaxshi ijro etilishiga olib keladi.

Dirijyor asar partiyalarini aniq, ravon kuylab ijro etib berishi asarni tez, sifatli o`rganilishiga yordam beradi. Xor tomonidan har bir ovozlarni ravon, hamjixatlikda kuylanishi, dinamikalarga va raxbar ishoralariga amal qilib aniq kuylashi asarni qanday natijaga erishganligini belgilab beradi. Xor raxbari asarni jamoaga o`rgatishadgi uni bilim va ko`nikmalari, ijro va tushuntirishlari uni ijrosi jarayonida o`z aksini topadi.

Foydalanilgan adabiyotlar: 1. Gudkova P. G, Vasil’eva A.B «Ashula darsligi metodikasi» , 1973. 2. Ro`ziev SH «Xorshunoslik». T. 1987. 3. Qodirov R. G`. «Boshlagg`ich sinfda ko`p ovozli kuylash». T 1997.

O'xshashlar

Vokal-xor malakalari va ularning ahamiyati

Rossiyada xor madaniyatining rivojlanishi

O`zbekistonda xor madaniyati

Vokal-xor texnikasi elementlari

Yettinchi sinfda musiqa o’qitish metodikasi va uning mazmuni