Кадрлар тайёрлаш миллий дастурининг мазмунини мақсади ва асосий босқилари - San'at - Referatlar

Кадрлар тайёрлаш миллий дастурининг мазмунини мақсади ва асосий босқилари

Yuklangan vaqt:

20.09.2019

Ko'chirishlar soni:

0

Hajmi:

53.5 KB

Ko'chirib olish

Кадрлар тайёрлаш миллий дастурининг мазмунини мақсади ва асосий босқилари Режа: 1. «Кадрлар тайёрлаш миллий дастурини мазмуни ва омиллари». 2. «Кадрлар тайёрлаш миллий дастури»ни асосий мақсади ва вазифалари. 3. Давлат Таълим Стандартлари дастурини жорий этилиши. 4. Бошланғич синф мусиқа ўқитувчиси ва унга қўйилган замонавий талаблар.

Ўзбекистон таълим тарбия соҳаси ва ислоҳ қилишнинг асосий омилларидан бири «шахс манфаати ва таълим устиворлигидир». Бу омил давлатимизни ижтимоий сиёсатини белгилаб берадиган муҳим жараён бўлганлиги учун 1997 йил 29 август Ўзбекистон Республикаси Олий Мажлисининг IX сессиясида «Таълим тўғрисида» ги Қонун ва «Кадрлар тайёрлаш миллий дастури»ишлаб чиқилди. Бу борада Президентимиз И.А.Каримов «Тарбиячи – устоз, ёш авлодни ақл-идрокини ўстириш, баркамол етук инсон этиб етиштириш учун энг аввало, ўзи шу талабларга жавоб бериши ва шундай фазилатларга эга бўлиши керак» - деган эди. Дарҳақиқат ўқитувчилик касбида билимдонлик, зукколик, ўз касб маҳоратини мунтазам такомиллаштириб бориш талаб этилади. Шунинг учун ҳам, барча касблар ичида ўқитувчилик касби шарафли ва масъулиятли ҳисобланади. Жамиятимизни маънавий янгиланишида демократик, ҳуқуқий, давлат қуриш кадрлар тайёрлаш миллий дастурида асосий масала бўлиб ҳисобланади. «Кадрлар тайёрлаш миллий дастури»ни асосий омилларидан бири, халқнинг бой интеллектуал мероси ва умуминсоний қадриятлар асосида замонавий маданият, иқтисодиёт, фан, техника ва технологиянинг янги ютуқлари асосида кадрларни тайёрлаш ва янги тизимини шакллантириш. «Кадрлар тайёрлаш миллий дастури»ни асосий мақсади, бугунги мустақиллик шароитида давлат, жамият ва оила олдида жавобгарликни ҳис эта оладиган етук, комил инсонни тарбиялаш, таълим соҳасини тубдан ислоҳ қилиш, ўни ўтмишдан қолган мафкуравий қарашлар ва сарқитлардан тўла халос этиш, ривожланган демократик давлат даражасида, юксак маънавий ва аҳлоқий талабларга жавоб берувчи кадрлар тайёрлаш миллий тизимини яратиш. «Кадрлар тайёрлаш миллий дастури»да белгиланган барча вазифалар уч босқичда амалга оширилиши кўрсатиб берилган. 1-босқичда (1997-2001 йиллар) педагогик ва илмий педагог кадрларни тайёрлаш ҳамда уларни малакасини оширишни замон талабларига жавоб берадиган даражада ташкил этиш ҳамда таълим олувчиларнинг юксак

тайёргарлик даражаси ва маънавий-ахлоқий савиясининг сифатига нисбатан қўйиладиган зарур талабларни белгилаб берувчи, давлат таълим стандартларини яратиш ва жорий этиш асосида миллий дастурни рўёбга чиқариш ва йўналишларига аниқликлар киритиш. 2-босқичда (2001-2005 йиллар) мажбурий умумий ўрта махсус, касб- ҳунар таълимига, шунингдек ўқувчиларнинг қобилиятлари ва имкониятларига қараб, табақалаштирилган таълимига ўтиш, сифат босқичини шакллантириш. 3-босқичида (2005 ва ундан кейинги йиллар) – тўпланган тажрибаларни умумлаштириш асосида, янада ривожлантириш. Таълим жараёнини ахборотлаштириш, узлуксиз таълим тизимини жаҳон ахборот тармоғига, компьютер ахборот тармоғи орқали улаш. Масофада ўқитишни жорий этиш. Мусиқа санъати, янги авлодни тарбиялашда ўзига хос манба бўлиб хизмат қилади. Азалдан, ўзбек мусиқа таълим-тарбия педагогикаси ва унинг мукаммал услублари устоз ва шогирд анъаналари мисолида такомиллашиб борган. Шу боис барча ўқув предметлари қатори мусиқа фанидан ҳам 1998 йил 10 май Вазирлар Маҳкамасининг 203-сон қарори билан Давлат Таълим Стандартлари ишлаб чиқилди. Давлат Таълим Стандартлари жорий этилиши миллий мусиқий меросдан тўлақонли фойдаланиш имконини беради. Булар оммавий халқ куй ва қўшиқларида, хонанда ва созандаларнинг ижодий фаолиятлари мақом, ё шашмақом, достонлар ва бугунги замонавий мусиқий фаолиятида ўз аксини топган. Янги таълим мазмуни, ўқувчиларнинг билим ва малакаларини оширади, хотираларини мустаҳкамлайди, образли тасаввур қилиш, мусиқий дид каби ҳислатларни ривожлантиради. Узлуксиз таълим тизимининг фаолият олиб бориши Давлат Таълим Стандартлари асосида, турли даражаларидаги таълим дастурларининг изчиллиги асосида таъминланади ва қуйидаги таълим турларини ўз ичига олади: - мактабгача таълим;

- умумий ўрта таълим; - ўрта махсус, касб-ҳунар таълими; - олий таълим; - олий ўқув юртидан кейинги таълим; - кадрлар малакасини ошириш ва уларни қайта тайёрлаш; - мактабдан ташқари таълим. «Умумий таълим дастурлари»: мактабгача таълим, бошланғич таълим (1- 4 синфлар), умумий ўрта таълим (5-6 синфлар), ўрта махсус, касб-ҳунар таълимини ўз ичига қамраб олади. Таълимнинг асосий принциплари қуйидагиларга асосланади: 1. Таълим-тарбиянинг демократик характерда эканлиги. 2. Таълимнинг узлуксизлиги ва изчиллиги. 3. Умумий, ўрта ва ўрта махсус таълимнинг мажбурийлиги. 4. Лицей ёки касб-ҳунар коллежида ўқиш танлашнинг ихтиёрийлиги. 5. Таълим тизимининг дунёвий характерга эга бўлиши. 6. Давлат Таълим Стандартлари доирасида таълим олишнинг ҳамма учун очиқлиги. 7. Таълим дастурларини танлашга ягона ва табақалаштирилган ёндашув. 8. Таълим тизимида давлат ва нодавлат бошқарувни бўлиши. 9. Таълим тизимида Халқ таълим вазирлиги давлат бошқаруви органи ҳисобланади. 10. Билимли бўлишни ва истеъдодни рағбатлантириш. Давлат Таълим Стандартлари мазмунида ўқувчиларни мусиқий иқтидорини ривожлантириш, мусиқа санъатига меҳр ва иштиёқини ошириш, мусиқа санъатига қизиқувчи ўқувчиларга шарт-шароит яратиб бериш, уларни бадиий эҳтиёжини қондириш, мусиқа таълим-тарбиясини асосий вазифасини ташкил этади. Ўқувчиларни мусиқа санъатини бутун нафосати билан ўрганишлари, мусиқани бадиий идрок этиш, якка ва жамоа бўлиб қўшиқ куйлаш, рақсга тушиш ва ижодкорлик малакаларини шакллантириш Давлат Таълим

Стандартларини асосий мақсади бўлиб ҳисобланади. Шунингдек, умумий таълим доирасида ўқувчилар ўзлаштириши лозим бўлган минимал билим ва малакалар баён этилган. Давлат Таълим Стандартлари мусиқа дастурида мусиқани ўргатиш методикаси, дарсларининг таҳминий режаси, йил, чорак, мавзулар, ўзбек халқ мусиқаси намуналари, ҳамда композиторларнинг янги замонавий асарлари киритилган. Кадрлар тайёрлаш миллий дастурида кўтарилган барча масалалар, Республикамизнинг ақлий салоҳиятини оширишга қаратилган экан, бу энг аввало ўқитувчи касбига бўлган муносабатни ошириш лозимлигини тақозо этади. Бугунги мустақиллик шароитида таълим муаммоларини ҳал қилишда, бошланғич синф мусиқа ўқитувчиси замон билан ҳамнафас қадам ташлаб, ахборот технологияси ва илғор педагогик технология малакаларини тўлиқ ўзлаштириш ва шулар асосида таълим-тарбия жараёнини ташкил этмоғи лозим. Синфдан ташқари мусиқа тарбиясини тўгарак шаклида рақс дастури, фолклор, доирачилар ансамблли, хор тўгараклари, вокал ансамбли мусиқа ўқитувчисини зиммасидир. Ўқитувчи бир соатлик мусиқа дарсида ҳам чолғу, ҳам хонанда, ҳам дирижёр, ҳам сценарий муаллифи, ҳам артист бўлиши лозим. Шу боис, мусиқа дарси санъат дарси дейилади. Бунинг учун мусиқа ўқитувчиси ўз касбига ва болаларга меҳр қўйган юксак маданиятли кенг дунёқарашга эга бўлган шахс бўлмоғи лозим. У педагогика, психология, болалар физиологияси, этика ва эстетика назариясининг амалий соҳаларидан етарли даражада билим, кўникма ва тажрибага эга бўлиши лозим. Чунки бошланғич синф мусиқа ўқитувчисининг мактаб ҳаётида фаолият миқёси кенгдир.

Адабиётлар: 1. И.А.Каримов. «Баркамол авлод орзуси». Т. Ўзбекистон 1998 йил 2. М.О. Иномова. «Педагогика маърузалар матни» Т. 2000 3. Д.Ф.Омонуллаев ва бошқалар «Бошланғич таълим» Давлат Таълими Стандартлари дастури. Т. 1992 4. О. Шайхова. Инсон ва унинг маънавий дунёси Т. 1993 5. Д.Ф. Омонуллаев «Мактабда мусиқа тарбияси методикаси» лекциялари курс . Т.1990 йил. 6. М.О. Иномова. «Педагогика» маърузалар матни Т. 2000 йил О.Апраксина. «Методика музўкального воспитания в школе» Т.1992.

O'xshashlar

Режисёр режаси ва персонажлар мақсади

Композиция ўқув предметининг мақсади ва вазифалари

Умумий таълим мактабларида мусиқа дарсларини режалаштириш

Халк театри ва миллий ракслар

Грунтлар ва бўёқ қатламларининг микрошлифларини тайёрлаш