Хамидулла Шамсутдинов - San'at - Referatlar

Хамидулла Шамсутдинов

Yuklangan vaqt:

20.09.2019

Ko'chirishlar soni:

0

Hajmi:

30 KB

Ko'chirib olish

Хамидулла Шамсутдинов Ўзбекистон хақ артисти Хамидулла Шамсутдинов 1940йил 27 октябрда Тошкент шахрида ишчи оиласида таваллуд топди. 1953 йили у Р. Глиэр номидаги ўрта махсус мусиқа мактабига ўқишга кириб, 1957 йили қашқар рубоби синфи бўйича битиради ва шу йили у Тошкент Давлат консерваториясининг «Халқ чолғу факультетига ўқишга киради. Консерваторияни тугатиб, меҳнат фаолиятини Ўзбек Давлат филармонияси қошидаги халқ чолғулари оркестрида рубобчи сифатида бошлайди. Шу билан бирга у педагог-ўқитувчи сифатида аввал Р. Глиэр номидаги махсус мусиқа мактабида, сўнг консерватория, ҳамда театр ва рассомчилик институтида дарс берабошлайди. Бироқ у дирижёрлик касбига жуда қизиқиб, дирижёр бўлиш орзусида 1963 йили иккинчи марта консерваториянинг опера-симфоник дирижёрлиги бўлимига ўқишга киради. Бу ерда у ажойиб инсон, машхур дирижёр М. Ашрафий раҳбарлигида дирижёрлик касбини пухта эгаллайди. Х. Шамсутдиннов консерваторияни 1968 йили муваффақиятли тугатиб, А. Навоий номидаги Академик Катта опера ва балет театрига йўлланма олади. Кўп йиллик иш даврида дирижёр сифатида қатор опера ва балет асарларига дирижёрлик қилди. Унинг репертуарида П. Чайковскийнинг «Евгений Онегин » , И. Хамроевнинг «Ойжамол » , Б. Зейдманнинг «Ўн иккинчи кеча » опералари, А. Морозовнинг «Доктор Айболит » , П. Чайковскийнинг «Оққуш кўли » , М. Ашрафийнинг «Севги тумори » , Делибнинг «Коппелия » , М. Левиевнинг «Суҳайл ва Мехри » , А. Лядов ва В. Дешевовнинг «Жонсиз Малика ва етти баҳодир хақида эртак » , О. Меликовнинг «Муҳаббат хақида афсона » , А. Минкуснинг «Дон Кихот » , С. Юдаковнинг «Тирик аланга » , А. Берлиннинг «Фарҳоднинг жасорати » , В. Хаэтнинг «Этик кийган мушук » В. Асафьевнинг «Боқчасарой фонтани » , Аданнинг «Жизель » , Б. Бровциннинг «Семурғ » балетлари жой олган. Ҳ. Шамсутдинов 1990–2002 йиларда А. Навоий номидаги театрда бош дирижёр лавозимида фаолият юритиб келди. Шуни таъкидлаш лозимки

театрнинг оркестр жамоаси асосан опера ва балет спектаклларига жўр бўлиши билан ажралиб туради. Бироқ, Ҳ. Шамсутдинов раҳбарлигида оркестр ўзининг асосий ишидан ташқари мустақил симфоник концерт асарларидан концертлар беришни ҳам йўлга қўйди. М.: А. Дворжакнинг 9– симфонияси, П. Чайковскийнинг 4–симфонияси ва «Ромео ва Джулетта » увертюра-фантазияси, Р. Шедриннинг «Озорние частушки » , Скрябиннинг «Поэма Экстаза » асари, ички ишлар мудофаа вазирлиги оркестрлари билан биргаликда П. Чайковскийнинг «Тантанали увертюра 1812 йил » асари кабилар ижро этилди. Бундан ташқари у хореография билим юрти талабаларининг (ҳисобот концертлари) — «Баядера » , «Пахита » , «Шопениана » ва Д. Кабалевскийнинг «Блестяший дивертисмент » балет асарларига дирижёрлик қилди. Ўтган 34 йил ичида Ҳ. Шамсутдинов театр жамоаси билан Москвадаги Катта театрда, Кремль театрида, Хамдўстлик мамлакатларида, Хитой, Таиланд, Малайзия, Гонконг сафарларида қатнашди. Малайзиянинг Куала-Лумпур шахрида катта концерт дастурини компакт дискка ёзишга эришди. Ҳамидулла Шамсутдиновнинг Ўзбекистоннинг опера ва балет санъати ривожига қўшган хизматлари учун 1983 йили «Ўзбекистонда хизмат кўрсатган артист » , 1988 йили «Ўзбекистон халқ артисти » фахрий унвонларига, ҳамда 2003 йили «Дўстлик » орденига сазовор бўлди. У 2002 йили соғлиги туфайли театрдан нафақага чиққан бўлса-да, ҳозирги кунда Р. Глиэр номидаги махсус мусиқа мактаб лицейида ёшларга таълим-тарбия бериш билан шуғулланиб келмоқда.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981.

O'xshashlar

Фазлиддин Шамсутдинов (1916–1980)

Алексей Федорович Козловский (1905–1977)

Узбеклар шажараси ва авлод-аждодлар муаммоси

Мухтор Ашрафий (1912–1975)

Mа’nаviy hаyotning ijtimоiy-estеtik аsоslаri