Замбурғларнинг кўпайиши. - Qishloq va o'rmon xo'jaligi - Referatlar

Замбурғларнинг кўпайиши.

Yuklangan vaqt:

20.09.2019

Ko'chirishlar soni:

0

Hajmi:

34.5 KB

Ko'chirib olish

Замбурғларнинг кўпайиши. Иш режаси: I. Вегетатив кўпайиш: 1. Мицелийни бўлакларга бўлиниши билан; 2. Мицелийни шакл ўзгаришлари билан; II. Жинссиз кўпайиш: 1. Экзоген споралар билан; 2. Эндоген споралар билан; III. Жинсий кўпайиш: 1. Планогамия йўли билан; 2. Оогамия йўли билан; 3. Зигогамия йўли билан; 4. Халтачали замбурғларни кўпайиши; 5. Базидияли замбурғларни кўпайиши; Зарурий жиҳозлар: Рангли жадваллар. Доимий препаратлар. Mucor замбуруғини соф культураси. Микроскоп, сиртмоқ, буюм ва қоплоғич ойначалар, спирт лампаси. Топшириқ: 1. Вегетатив, жинссиз ва жинсий кўпайиш (зооспорангий, спорангий, конидия) билан танишиш.

Вегетатив кўпайиши - 1) Бу кўпайишда замбуруғларнинг мицелиялари бўлакларга бўлинадилар. Мицелиянинг булаклари ўсиб мустақил индивидларга айланади. 2) Замбуруғларнинг мицелияси ноқулай шароитда ўзининг танасини ўзгартириши мумкин. Шунинг учун замбуруғларнинг вегетатив кўпайиши шакли ўзгарган мицелиялар ёрдамида ҳам ўтиши мумкин (хламидоспоралар, оидиялар, склероциялар ва ризоморфлар). Жинссиз кўпайиш – 1) Экзоген ёки ташқи споралар ёрдамида ўтади. Экзоген спораларга конидия ва канидия бандлари киради. Канидияларнинг ранги ва шакли ҳар хил бўлиши мумкин (шарсимон, таёқчасимон). Конидия банднинг ичидаги ҳужайра думолоқланиб нозик тизимчага ўхшаш занжирча ҳосил қилади. У етилгандан кейин тизимчалар бир биридан узилиб тарқалиб кетади. Уларнинг кўпайиши конидиянинг шохланиши ҳисобига бўлади. 2) Эндоген ички споралар буларга зооспорангий ва спорангийлар киради. Спорангий – бу шарсимон бўлиб унинг ичида ҳаракатсиз споралар тўпланган бўлади. Агар споралар вояга етган бўлса (пишган) шу вақтда улар бўшлиқдан ташқарига чиқиб тарқалади (Mucor). Зооспорангий – бу колбасимон бўлиб унинг ичида ҳаракатли споралар (зооспоралар – бир ёки икки хивчинли) тўпланган бўлади. Агар муҳит қулай бўлса зооспорангийдан ташқарига зооспоралар чиқади ва ўсимликларни зарарлаши мумкин. Жинсий кўпайиши - бу кўпайишда иккита хўжайра қўшилади ва споралар ҳосил бўлади. 1. Планогамия – иккита бир хил гамета қўшилади натижада ҳаракатланувчи хивчинли планозигота ёки циста ҳосил бўлади. Бу йўл билан хитридиомицетлар синфига оид замбуру ғ лар кўпаяди. 2. Оогамия – бу кўпайишда ҳужайра қўшилади (оталик-антеридий ҳужайра ва урғочи ооганий ҳужайра). Буларни қўшилиши натижасида ооспора ҳосил бўлади. Шунинг учун бу процесс оогамия дейилади. Ооспоралар тупроқда ва ўсимлик қолдигига 5 йилгача сақланиши мумкин. 3. Зигогамия – бу кўпайиша морфологик бир хил иккита мицелия қўшилади натижада зигоспора ҳосил бўлади. 4. Аскомицетларни кўпайиши - бунда иккита ҳужайралар қўшилади.

Битта ҳужайра-оталик ҳужайра- антеридий дейилади. Иккинчи ҳужайра-оналик ҳужайра- архикарп дейилади. Архикарп учта қисмдан – аскоген, трихогена ва аскоганий асосидан иборат . Жинсий кўпайишда яъни процессда антеридий аскогенга яқинлашиб трихогенага ёпишади ва қушилиш натижасида антредийнинг ичидаги суюқлик аскогенга ўтади. Ядролар яқинлашади ва қўшилади натижада аскогендан гифалар ўсиб чиқади. Уларни ичида спорали халтачалар ҳосил (аскоспоралар). 5. Базидиомицетларни кўпайиши – бунда икки хил мицелий (бирламчи гаплоид) қўшилади ва диплоид мицелий ҳосил бўлади, диплоид мицелийдан ўсимта ҳосил бўлади яъни (базидиялар) бўлади. Бу ўсимта иккита ядроли бўлади. Базидия устида туртта бир хил ўсимта ҳосил бўлади. Бўлинган ядролар биттадан ўсимталарга ўтади ва базидияспоралар ҳосил бўлади. Бу споралар етилиб узилади ва атрофга тарқалади.

O'xshashlar

Замбурғларнинг мева таначалари.

Экин зараркунандаларини кўпайиши ва тарқалишини башорат қилишнинг назарий асослари

Оомицетлар синфининг систематикаси ва уларнинг вакиллари.

Зигомицетлар синфининг систематикаси ва уларнинг вакиллари.

O‘zgarmas tok kuchaytirgichi