Ветеринарияда ҳисобга олиш, ҳисобот ва иш юритиш - Qishloq va o'rmon xo'jaligi - Referatlar

Ветеринарияда ҳисобга олиш, ҳисобот ва иш юритиш

Yuklangan vaqt:

20.09.2019

Ko'chirishlar soni:

0

Hajmi:

54 KB

Ko'chirib olish

Ветеринарияда ҳисобга олиш, ҳисобот ва иш юритиш Ветеринарияда ҳисобга олиш - иш жараёнида ветеринария мутахассислари томонидан бажариладиган барча турдаги ишларни қайд қилинишига ёки ҳужжат тўлдиришига айтилади . Бу ветеринария статистикасининг асосий талабларидан бири ҳисобланади. Шунинг учун хам махсус-ягона, яъни барча ветеринария мутахассислари учун бир хил бўлган ҳисобга олиш (қайд қилиш) китоблари мавжуддир. Бу ҳужжатларни фақат ветеринария мутахассислари тўлдириб, унинг тўғри тўлдирилишига ҳамда сақланишига жавоб берадилар. Бу ҳужжатлар камида 3 йил архивда сақланишлари шарт. Бу ҳужжатларга асосан ойлик, квартал, ярим йиллик ва 1 йиллик ветеринария ҳисоботлари тўлдирилади. Бундан ташқари мазкур ҳужжатларга асосан дори- дармонларнинг ва бошқа ветеринария товарларининг қандай сарфланганлиги аниқланади, ҳамда улар ҳисобдан чиқарилади. Бу ҳужжатларга асосан ёш ветеринария мутахассислари хўжаликда ёки туманда қайси юқумли ҳамда юқумсиз касалликларининг тарқалганлигини ўрганади. Эпизоотик ҳолат тўғрисида маълумот олади ва келажакдаги ўз ишини режалаштиради. Барча ветеринария тадбирларга далолатномалар тўлдириб, чиқимлар, гувоҳлар иштирокида имзоланади ва ушбу ҳужжатнинг 1 нусхаси ветеринария муассасасида, 1 нусхаси ветеринария врачнинг ўзида сақланиши лозим. Барча ветеринария ташкилот ва муассасаларда амалга ошириладиган даволаш, эмлаш учун дори ва анжомлар сарфи тегишли бирламчи ҳужжатларда қайд этилади. Ҳисоб-китоб ҳужжатларининг аҳамияти: бирламчи маълумотлар тўплами, далолатнома асосида чиқим, ҳисобот тайёрлаш, эпизоотик ҳолатни таҳлил қилиш. Ҳисоб-китоб ҳужжатларидан энг асосийси ва кўп қўлланиладигани 1- ветеринария шаклидаги (1-вет) журналдир (касал молларни қайд этиш журнали).

2-ветеринария шакли (2-вет) эпизоотияга қарши ўтказилган тадбирларни қайд қилиш журнали. Бу иккала журнал барча хўжаликларда, ветеринария пункти, ветеринария участкаларда, туман ветеринария станцияси ва ветеринария шифохоналарида юритилади. 3-ветеринария журнали (3-вет) туман ва шаҳар эпизоотик ҳолатини қайд этиш журнали. 2. ВЕТЕРИНАРИЯ ҲИСОБОТИ .Ветеринария ҳисоботи статистик ва бошқарма томонидан тасдиқланган ҳужжатлар асосида бажарилиб, давлатимиздаги ветеринария - эпизоотик ҳолатни акс эттиради. Барча ҳисоботлар бирламчи ҳисобга олиш (қайд қилиш ҳужжатлари) асосида тузилади. Ветеринарияда 14 хил ҳисобот шакллари мавжуд бўлиб, улар хўжалик, туман, шаҳар, вилоят ветеринария раҳбарияти томонидан бажарилади ҳамда Қишлоқ ва сув хўжалиги Вазирлиги ҳузуридаги Республика Бош ветеринария бошқармасига тақдим этилади. Улар эса ойлик, чораклик, ярим йиллик ва 1 йиллик бўлади. Ҳар ойда бериб туриладиган ҳисобот шакли - бу N1 -ветеринария, N1.А.- ветеринария ҳисоботи ва N2-ветеринария ҳисоботи - юқумсиз касалликлар ҳақида ҳисобот - ярим ўта юқумли касалликларга қарши курашиш учун махсус ветеринария эпизоотик отрядлари мавжуд бўлиб, барча сарф харажатлар Давлат бюджети ҳисобидан қопланади. Мудофаа ва ички ишлар Вазирликлари ветеринария хизмати ҳам тегишли масалалар бўйича ветеринария хиоботларини беришади. Ҳисоботларни топшириш муддати: жамоа ва ширкат хўжалиги ветеринария участкаси ойлик ҳисоботларни туман ветеринария бўлимига янги ойнинг 1 кунигача топширишлари шарт. Ветеринария бўлимлари янги ойнинг 5 кунига қадар вилоят ветеринария бошқармаларига ҳисобот топширадилар. Вилоят ветеринария бошқармаси эса янги ойнинг 10-кунига қадар Республика ветеринария Бош бошқармасига ҳисобот топшириши лозим.

Ҳисобот тўлиқ, аниқ бўлиб, раҳбарият томонидан тасдиқланиши шарт. ВЕТЕРИНАРИЯДА ИШ ЮРИТИШ . Республикамизда ветеринарияда иш юритиш давлат тили - ўзбек тилида амалга оширилади. Иш юритиш деганда - ветеринария соҳасида тўлдирилиши ва бажарилиши керак бўлган барча ҳужжатларни тўғри ва аниқ тўлдириб бориш, ветеринария соҳасидаги қарорларни, бўйруқларни, кўрсатмаларни жойлардаги мутахассисларга ўз вақтида етказиш ва унинг бажарилишини таъминлаш тушунилади. Иш юритишда асосан қўйидаги ҳужжатлардан фойдаланилади: қайд қилиш журналлари, бажарилган тадбирларга далолатнома ёзиш, чорва молларини сотишда ва бошқа вилоятларга ўтказишда 1-шаклдаги ветеринария гувоҳнома, чорва маҳсулоти ва хом ашёларини сотишда ва ташишда 2 ва 3 шакл ветеринар гувоҳнома - мол ва унинг маҳсулотларини олиб бориш, қарор ва бўйруқларнинг бажарилишини таъминлаш кабилар. Бу ишларни хўжаликларда хўжаликнинг Бош ветеринария врачи томонидан тайинланган ветеринария мутахассислари, туманларда эса туман бош врачи томонидан тайинланган ветеринария мутахассис (буйруқ) бажаради ва жавобгар ҳисобланади. ВЕТЕРИНАРИЯ ҲИСОБОТИ БЎЙИЧА ЙЎРИҚНОМА. Ветеринария ҳисоботи ва статистика ҳайвонларнинг касалланиши, касаллик оқибатида нобуд бўлиши ва ветеринарияга оид бошқа масалалар бўйича маълумотларни акс эттиришдан иборат. Барча қайд қилиш журналларидаги дастлабки маълумотлар асосида тузилиб, Давлат ветеринария хизматининг ташкилот ва муассасалари, идоравий ва хусусий ветеринария хизмати мутахассисларининг иш фаолияти натижалари батафсил ёритилади. Ветеринария амалиётида ветеринария қонунчилигида тасдиқланган 13-та ҳисобот шакли мавжуд. Чорва моллари орасида ўта хавфли юқумли касалликлар аниқланган ҳолларда эса тегишли Давлат ветеринария ташкилотларига юқумли касаллик

чиққанлиги ҳамда шошилинч (оператив) хабар берилади. Бу гуруҳ касалликларига қуйидагилар киради: куйдирги, оқсил, ўлат, бруцеллез, туберкулез, чечак, қорасон ва бошқалар. Барча турдаги ҳисоботлар одатда куйидаги 3-та асосий қисмдан иборат бўлади: сарлавҳаси, мазмуни (жадвал маълумоти) ва расмийлаштириш қисмлари. а) Сарлавҳаси - код белгилари, ҳисоботни тузувчи ташкилот, Вазирлик, Республика, вилоят, туман, индекс, манзил ҳамда ҳисоботни қабул килувчининг маълумотлари кўрсатилади; б)Мазмуни - бу қисмида берилган катор ва устунлар бўйича жадвал ҳолида ҳисобот кўрсаткичлари берилади; в)Расмийлаштириш - қисмида ҳисобот тузувчининг исми, насаби, лавозими, имзоси, сана ва бошқалар кўрсатилади. Ҳисобот ёзишда фойдаланиладиган барча шаклдаги ҳисобот варақалари (бланкалари) босмахона усулида кўпайтирилади. Ҳисобот Давлат ветеринария ташкилоти ва муассасаларида унинг раҳбарлари чорва хўжалиги, чорвачилик ва паррандачилик ҳиссадорлик жамиятлари бош ёки катта ветеринария врачлар томонидан тузилади. Ҳисоботлар 2 нусхада тузилиб, 1 нусхаси ва юқори ташкилотларга топширилса, 2 нусхаси ўз идорасида сақланилади. ВЕТЕРИНАРИЯ ҲИСОБ-КИТОБИ ВА ҲИСОБОТИ БЎЙИЧА ЙЎРИҚНОМА I. Умумий қоидалар. 1 Ветеринария ишида ҳисоб-китоб ва ҳисобот ҳайвонларнинг (парранда, мўйнабоп ҳайвонлар, балиқ, асалари ва бошқалар билан биргаликда) касалланиши ва ўлими, Давлат ветеринария муассасалари, хўжаликлари ва комплексдаги ветеринария мутахассислари ҳамда транспорт ва Давлат чегараларидаги ветеринария ходимлари томонидан амалга ошириладиган диагностик текширув касалликларнинг олдини олиш ва даволаш ҳамда

ветеринария-санитария тадбирларни бирламчи қайд этувчи ва жамловчи маълумотлар мажмуидан иборатдир. Ветеринария ҳисоб-китоби ва ҳисоботи чорвачиликнинг ветеринар- санитария ҳолати ҳайвон ва паррандаларнинг бош сонини сақлаш борасида ўтказилган тадбирларнинг ҳажми ва самарадорлиги чорвачилик маҳсулотларини сифати, чорва моллари маҳсулотлари ва хом ашёларини ташиш устидан ветеринария назоратининг натижалари бўйича тўғри ва аниқ маълумотлар бериши зарур. 2 Ветеринария ҳисоб-китоби ва ҳисоботи ҳужжатларига тўғри, тўлиқ, аниқ ва ишончли даллилар киритилиши учун ветеринария муассасалари хўжаликлар, ташкилотлар ва корхоналарнинг раҳбарлари ва масъул шахслари жавобгар ҳисобланиб тегишли шаклдаги ҳисоб-китоб ва ҳисобот ҳужжатларини юритиш уларнинг бурчидир. 3 Ҳайвонларнинг касалланиши ва ўлими бирламчи қайд этиш диагностик текширувлар касалликларнинг олдини олиш, даволаш, ветеринар-санитар тадбирлар, ветеринария-санитария экспертизаси кабилар ветеринария хизматининг мансабдор (лавозими) шахслари томонидан амалга оширилиб, Ўзбекистон Республикаси Давлат ветеринария Бош бошқармасида тасдиқланган махсус журнал, китоб ва ягона шаклдаги варака (карточка, бланка)лардан фойдаланилади. Қайд этиладиган ёзув ва белгилар бевосита муолажалар жараёнида ёки тадбир якунида бажарилади. 4 Барча шаклдаги китоб ва журналлар муқоваланиши ҳамда саҳифалари рақамланиши зарур. Журналнинг биринчи муқовасида унинг номи (шакл N_), хўжалик ёки ташкилот, ҳамда ёзувнинг бошланиш ва тамомланиш саналари кўрсатилади (1 - илова). 5 Ветеринария ҳисоб-китобида фойдаланиладиган журналлар ундаги сўнги ёзувлар тугагач 3 йилгача сақланилиши лозим (доимий сақланиши шарт бўлган туман-шаҳар эпизоотик ҳолатини ёзиш журнали бундан мустасно).

6 Ҳисоб-китоб журналларининг ўлчами 20х30 см бўлиб, улардаги варақлар сони 100-200-тагача. 7 Ветеринария ҳисоботлари марказий статистик бошқарма (МСБ) томонидан тасдиқланган ягона шаклда ва тегишли муддатларда тақдим этилади.

O'xshashlar

Зараркунандаларни аниқлаш ва ҳисобга олиш усуллари

Мева дарахтларини касалликларини ҳисобга олиш

Сабзавот ўсимликларини касалликларини ҳисобга олиш

Ўсимлик касалликларини ҳисобга олиш усуллари

Токзорларни касалликларини ҳисобга олиш ва кўпайишини олдиндан аниқлаш