Паррандалар гриппи Grippia avium - Qishloq va o'rmon xo'jaligi - Referatlar

Паррандалар гриппи Grippia avium

Yuklangan vaqt:

20.09.2019

Ko'chirishlar soni:

0

Hajmi:

61.5 KB

Ko'chirib olish

Паррандалар гриппи Grippia avium Режа: 1. Тарихий маълумот 2. Кечиши ва клиник белгилари 3. Дифференциал диагноз

Паррандалар грипп касаллиги вирус қўзғатадиган ўта контагиоз, ўткир кечадиган юқумли касаллик бўлиб, барча уй паррандалари ва ёввойи паррандалар ва сайроқи қушлар ҳам касалланади. Касаллик септицемия, марказий ва периферик нерв тизими, ошқозон-ичак, нафас аъзолари, кўз, бўғинлар, тож ва сирғалари яллиғланиши каби клиник белгилар кўринишида наоён бўлади. Тарихий маълумот. Касаллик қадимдан маълум, аммо эпизоотия, панзоотия, эпидемия, пандемия ҳолатида 2000-2007 йилларда учради. Фақатгина Туркия давлатида 2005 йилнинг 15 декабридан 2006 йил 31 январигача касаллик тарқалган худудларда 1608398 бош парранда ўлдирилган ва ёқиб йўқ қилинган. Юқори патоген парранда гриппи (ЮППГ) Осиёда 2003-2004 йиллар катта талофатлар келтирди, яъни 10 мамлакатда рўйхатга олинди. Бу мамлакатларда паррандалар гриппи касаллиги қўзғатувчиси юқори патогенли Хитойда H 5 N 1 , Кореяда H 5 N 1 , Японияда H 5 N 1 , Покистонда H 7 , Тайландда H 5 N 1 , Иорданияда H 5 N 1 , Комбодже H 5 N 1 , Ветнамда H 5 N 1 , Хиндистонда H 5 N 1 , вируслари аниқланди. H5N1 ЮППГ нинг тарихи ва эволюцияси, репроспектив ҳолатлар шуни кўрсатдики 2004 йилга келиб касалликнинг кенг тарқалишидан олдин z – генотипнинг хусусияти қуруқликда ва сувда яшовчи паррандалар организмида бир неча йиллар давомида шаклланди. H5N1 ЮППГ нинг тарихи ва эволюцияси ретроспектив ҳолатлар (инсонларда ва чўчқаларда). - Гонгконгда 2-ҳолат, инсонларда аниқланган, Фужан вилоятида, z- генотипи. - 2001-2003 йиллар Фужан вилоятида ЮППГ вируси чўчқалардан ажратиб олинган. - 2003 йил чўчқаларда серологик текширувлар ўтказилиб (Гуангдонг вилояти) ЮППГ – вируслари тасдиқланган. ЮППГ – эпидемиологияси

АҚШ – 2004 й товуқ ва куркаларда H 7 N 2 , H 2 N 2 , H 7 N 3 , H 3 N 2 , H 5 N 2 , аниқланган. АҚШ – 2005 йил ўрдакларда H 7 N 2 аниқланган. Канада – 2004 йил ўрдак ва товуқларда H 7 N 3 аниқланган. Мексика – 2005 йил товуқларда H 5 N 2 (LP) аниқланган. Жанубий Африка 2006 йил товуқларда H 5 N 2 аниқланган. Миср 2006 йил ёвоойи ўрдакларда H 10 N 7 аниқланган. Италия 2005 йил куркаларда H 5 N 2 аниқланган. Юқорида фактлар шундан далолат берадики кейинги йиллар ЮППГ касаллиги жаҳон ветеринарияси ва медицинаси олдига глобал масала қўйди, у ҳам бўлса бу касалликни йўқотишнинг ҳамда қарши курашнинг самарали усулларини ишлаб чиқиш. Ана шу глобал масала ечимига бағишланган МЭБ (ХЭБ) – международное эпизоотическое бюро (ҳалқаро эпизоотик бюро) нинг 74 – генерал сессияси 21 – 26 май 2006 йил Париж шаҳрида бўлиб ўтди. Бу халқаро анжуман сессиясида Ўзбекистондан профессор Пармонов М.П., ветеринария фанлари номзоди, ЎзВИТИ собиқ директори Бўтаев А.Қ., Ўзбекистон давлат ветеринария Бош Бошқармасининг собиқ бошлиғи Омаров Т.Б. лар қатнашди. Музокараларда профессор Пармонов М.П. нинг “Паррандалар ЮППГ касаллигига қарши курашиш мавзусида кардинал, глобал, назарий ва амалий тадбирлар” мавзусида доклади тингланди. Иқтисодий зарар. Касаллик ўта контагиоз ва тез тарқалади. Шиддатли кечади, 100 % гача нобуд бўлади. Хориж мамлакатларида ЮППГ касаллигида “Stemping aut” касаллик рўйхатга олинган фермада барча паррандалар ва паррандахоналар, асбоб –анжомлар тўласинча куйдириб йўқотиш услуби ҳам қўлланилади. Бу жуда катта иқтисодий инқироз, қолаверса инсонларга ҳам юқиш хавфи эса ҳаммасидан муҳими бўлиб сиёсий ва социологик муаммодир.

Қўзғатувчиси. Парамиксовирус, полиморф вирионлар – ипсимон, таёқчасимон, ракетка шаклидаги вируслар, барча фильтрлардан ўтаолади, вирус катталиги 60 – 80 нм. Кўпинча одамларда грипп касаллиги қўзғатувчи вирионларга шаклан қиёфадош. Вирионлар 9 – 12 кунлик товуқ эмбрионларида культура ҳосил қилаолади, 12 – 14 кунлик ўрдак эмбрионларида ҳам культура ҳосил қилади. Пассаж эмбрионларда бир нечабор такрорланиши вирионлар вирулентлик даражасининг ошишини таъминлайди. Вирионлар уй паррандалари эритроцитлари, маймунлар эритроцитлари, денгиз чўчқаси, йилқилар, қорамоллар эритроцитларини агглютинацияга учратади. Касалланиб соғайган паррандалар қон зардобида антителолар бўлиб, гемагглютинация реакциясини тормозлайди ва вирионларни нейтраллайди. Вирионлар паст ҳарорат таъсирига (музлатишга) анча чидамли, юқори хароратга эса чидамсиз +100 С 0 , ҳарорат 2 – 3 минутда ўлдиради. ЮППГ – касллиги кўпинча секундар инфекция тарзида ҳам учрайди. Эпизоотологияси. ЮППГ касаллиги билан барча турдаги уй паррандалари, ёввойи паррандалар, сайроқи қушлар касалланади, жаҳон медицинасида ва ветеринариясида чўчқаларда, одамларда ҳам рўйхатга олинганлиги қайд этилган. Йилнинг фаслллари, паррандалар ёши, жинси, зоти, конституцияси касаллик пайдо бўлишида роли деярлик аниқланмаган. Вирус организмга хар хил йўллар билан киради, асосийси респиратор ва алиментар йўллар ҳисобланади. Вирионлар организмга киргач қон ва лимфа тизими орқали бутун организмга тарқалади. Паррандачилик фермаларига касалликнинг кириш йўллари: - фермага бегона транспорт воситалари, одамларнинг кириши туфайли; - бегоналар кийиши учун махсус уст-бош ва пойафзал бўлмаслиги; - янги сотиб олинган, олиб келинган паррандаларни камида 2 хафта изоляторларда сақлаб, ветеринария назоратини, клиник-диагностик текширувлардан ўтказиш;

- касал парранда ўликларини тўғри келган жойга (ариқ, кўл, кўча, дала, дарё ва ҳ.к) ташланиши; - касал паррандалар ўликлари, маҳсулотлари, тухум, тухум пўчоқлари, инфекцияланган озиқалари куйдириб йўқ қилинмаслиги. Патогенези. Вирионлар организмга тушгач, септицемия пайдо қилади. Бутун организм аъзоларига тарқалиб, ривожланиш жараёнида экзо ва эндотоксинлар ажратади. Бу ўз навбатида қон томирлар интима қаватига таъсир этиб, яллиғланиш–некротик жараённи келтириб чиқаради. Қон томирлар деворидан сизилиб чиқа бошлайди, гиперемия ва қон қуйилишлар содир бўлади. Юрак ва тана мушаклари дистрофик – дегенератив ўзгаришга учраб, функционал фаолияти издан чиқади. Талоқ, жигар, буйрак, ўпка, ошқозон-ичак ва бош мия тўқималарида ҳам интоксикация натижасида дистрофик, дегенератив ўзгаришлар кузатилади. Кечиши ва клиник белгилари. Касалликнинг инкубацион даври 1- 3 кун, баъзан узоқроқ давом этади. Иммунитети йўқ паррандаларда касаллик оғир кечади, бу ҳолат ёш паррандаларда деярлик 100 % намоён бўлади. Нафас қийинлашади, тож ва сирғалари шишиб кўкаради, (веноз гиперемия), оёқ бўғимлари шишиб кетади, парранда оёғида тик тураолмайди. Касаллик 3- 4 кун ичида ўлим билан тугайди. Асабий тизим ўзгариши туфайли оёқ ва қанотлар, бўйин фалажланади. Тухумдан қолади, ҳолсизланади, кўзини юмиб, чўнқайиб қолади. Ринит, конъюнктивит, кератит пайдо бўлади, тумшуғидан ёпишқоқ шилимшиқ оқиб туради. Касаллик шиддатли, ўткир формада кечганда қалтираш ҳосил бўлиб, парранда 1-2 кунда ўлади. Патологоанатомик ўзгаришлар. Тожи, сирғалари кўкариб, шишиб кетади, тумшуғидан шилимшиқли суюқлик оқиб туради, бурситлар пайдо бўлиб, бўғимлар деформацияси ҳосил бўлади, шиллиқ пардаларда қон қуйилишлар кузатилади. Ринит, конъюнктивит, кератитга ҳос дистрофик ўзгаришлар пайдо бўлади. Шиллиқ пардаларда, тери ости клечаткасида, бўйин, кўкракларда шиш ва қон қуйилишлар бўлади. Жиғилдонда ҳаво тўпланиб, озиқа ҳазм бўлмагач, у эскириб, тўхтаб қолиш натижасида,

ёқимсиз қўланса ҳид чиқиб туради. Мускулли ва безли ошқозон чегарасида кучли қон қуйилиш кузатилади. Ичаклар лимфоид фолликулаларида, эпикард остида ҳам қон қуйилган бўлади. Талоқ бироз атрофияланади. Ўпкага қон тўлиб, сал шишади ва пневмония ўчоқлари пайдо бўлади. Мия қон томирлари шишиб, мияга қон қуйилиши кузатилади. Диагноз. Эпизоотологик маълумотлар, клиник белгилари, патанатомик ўзгаришлар, лаборатория диагностик текширувлари, вирусологик текширувлар, серологик текширувлар, барчасидан олинган маълумотлар тўлиқ ўрганилиб диагноз қўйилади, лозим топилса биосинов ўтказилади. Бунда 8-10 кунлик товуқ эмбриони хорион-аллантоис пардасига юқтирилади. РТГА, РА, РМА натижалари ҳам ҳисобга олинади. Дифференциал диагноз. ЮППГ касаллигини паротиф, вирусли гепатит, пастереллёз, аэроцистит касалликларидан фарқлай билиш шарт. - паратиф билан деярлик ёш паррандалар касалланиб, асосан ошқозон- ичак касалликларидир, асосий фарқ паратифда бактериологик текширув эндо ва бактоагар муҳитига экиш масалани очиқ – ойдин ечиб бера олади. - вирусли гепатит ҳам асосан ёш парандаларда учраб, деярлик барча патологоанатомик ўзгаришлар жигарда кузатилади. Лозим бўлса вирусологик текширув ўтказилади. - пастереллёзга ҳам асосан ёш паррандалар мойил бўлиб, бунда ҳам микробиологик текширув билан пастереллалар топилади. - аэроцистит – бу юқумсиз касаллик, микробиологик текширув натижаси, микро–макроклимат кўрсаткичлари, рацион ва парвариш шарт– шароитларда бу касалликни осонгина фарқлаб бера олади. Даволаш. Радикал даволаш, самарали эффект берувчи даволаш ишлаб чиқилмаган. Қолаверса масалага иқисодий нуқтаи – назардан ёндашилганда, инсониятга юқиш эҳтимоли бўлганлиги сабабли касал паррандалар ёқиб йўқ қилинади. Даволаш – И.К.Кравеца (1960) касалланган паррандаларга йодни 1:1000 нисбатдаги эритмасини ичиладиган сув сифатида қўллади,

биоветиннинг сувдаги эритмасини 1 бош жўжага 15–20 мг ҳисобда 1 кунда 2 марта берилади. Даволашка кунлик интервал билан такрорланади. Иммунитет ва иммунизация – ЮППГ касаллигига қарши тирик ва ўлик вакцина ишлаб чиқилган. Вакцинациядан бир ой ўтгач трансвариал иммунитет пайдо бўлиши ўрганилган. Қарши курашиш чоралари. - инкубация учун соғлом хўжаликлардан тухум олиниши шарт; - инкубаторлар албатта дезинфекция қилинади; - паррандачилик фермер хўжалиги атрофи ўралади, кириш–чиқиш назорат пункти ўрнатилади; - янги келтирилган паррандалар камида икки хафта изоляторда сақланади, шу даврда хар куни ветеринар врач текшируви ўтказилади; - паррандахоналарда зоогигиеник норматив талаблар, ёруғлик, мутлоқ ва нисбий намлик, ҳарорат, ҳавонинг алмашиниш тезлиги, NH 3 , CO 2 миқдори, тўшамалар, яйратиш майдончалари ва ҳоказолар стандарт талабларга мос келиши шарт; - товуқхона хизматчилари шахсий гигиенаси, махсус уст–бош, пойафзаллари доимо назоратда бўлади; - профилактик, режали дезинфекция, дератизация ўз вақтида сифатли ўтказилади; - озуқаларга антибиотиклар, витаминлар, макро–микроэлементлар, сульфамидлар қўшиб рацион тузилади ва амалда бажарилади; - паррандалар парваришига фақат тайинланган, махсус инструктаждан ўтган кишилар хизмат қилиши таъминланади; - ёш болалар, ҳомиладор аёллар, кекса кишилар паррандахонага киритилмайди; - паррандалар ўлаксалари махсус кишилар томонидан целофан қопчаларга солиниб, аълоҳида ажратилган жойда куйдириб йўқ қилинади; - хизматчилар бир ойда камида 2 марта тиббий кўрикдан ўтиб туриши таъминланади;

- туман, вилоят давлат ветеринария бўлимлари билан узлуксиз аълоқа таъминланади; - ветеринария қонунчилигида кўрсатилган барча талаблар малакали бажарилади; - ветеринария хужжатлари бекамикўст тўлдирилиб, маъсулиятли киши имзоси билан тасдиқланади; - ферма, маҳалла, худуд, туман эпизоотик харитаси бўлиши шарт.

Фойдаланилган адабиётлар: 1. Р.Ф. Сосов. Эпизоотология. М. “Колос” 1974. 2. А.А. Конопаткин . Эпизоотология. М. “Колос” 1984. 3. И.А. Бакулов., А.Д. Третьяков. Руководство по общей эпизоотологии. М. “Колос” 1979. 4. М.С. Ганнушкин. Общая эпизоотология. М. “Сельхозгиз” 1961. 5. М.П. Пармонов ва бошқалар. Эпизоотология. Т. 1996 6. М.П. Пармонов. “Ўта хавфли юқумли касалликлар” маърузалар матни. Сам. 2002 7. Ф.А. Ниёзов. “Паррандалар касалликлари”. Т. 1995 8. М.П. Пармонов., А.А. Қамбаров Эпизоотология. Т. 2006 9. М.П. Пармонов ва бошқалар. Эпизоотология фанидан амалий – лаборатория машғулотлари. Сам. 2007 й 10. А.А. Поляков. Ветеринарная дезинфекция. М. “Колос” 1975 11. В.П. Урбан. Практикум по эпизоотологии. Ленинград. 1987

O'xshashlar

Паррандалар чечаги Variola avium, epithelioma et diphtheria avium

Паррандалар касалликлари Пуллороз Pullorosis, Thyphus avium

Паррандалар селекцияси

Йилқилар гриппи Grippus equnus

Ньюкасл касаллиги Pseudo pestis avium