Қорамолларнинг гўшт махсулдорлиги - Qishloq va o'rmon xo'jaligi - Referatlar

Қорамолларнинг гўшт махсулдорлиги

Yuklangan vaqt:

20.09.2019

Ko'chirishlar soni:

0

Hajmi:

79 KB

Ko'chirib olish

Қ орамолларнинг гўшт махсулдорлиги Режа: 1. Қорамолларининг гўшт махсулдорлиги. 2. Молларни бўрдоқига боқиш. 3. Гўшт махсулдорлигига таoсир этувчи факторлар. 4. Чорва молларини боқиш ва семиртириш усуллари.

Таянч сўз ва иборалар: Гўшт, махсулдорлиги, калория, сўйин вазни, сўйин чиқими, комплекс базалар, яйловлар, витаминлар, оқсиллар, микроэлементлар, бўрдоқичилик базалари. Қорамолларининг гўшт махсулдорлиги Мол гўшти қимматли ва мазали бўлиши биланбирга истеoмол қилинадиган махсулотлар ичида салмоқли ўрин тутади. Гўштнинг тўйимлилиги унинг таркибидаги оқсил ва ёғнинг миқдори ва калориясига боғлиқ. Молнинг нимталанган гўшти таркибида тўйимлиги жихатидан унча юқори бўлмаган пай, тоғай ва суяк тўқималари хам бўлади. Демак, семизлигига кўра мол нимтасининг салмоғи тирик вазнининг 51-63% ни, ёғ 2-14% ни ташкил этса, суяклар 20%атрофида бўлади. Мол гўштининг умумий калорияси молнинг ориқ-семизлигига,ёшига, жинсига, физиологик холатига, боқиш усулига ва хоказоларга боғлиқ бўлгани холда 1 кг да ўртача 1800-2200 килокалория бўлиши мумкин. Хар хил семизликдаги мол гўштининг таркиби ва калорияси (Гўшт саноати илмий-текшириш институти маoлумоти, 1978) Таркиби ва калорияси Молларнинг семилик даражаси ориқ ўртача семиз жуда семиз Морфологик Лахм гўшти 60,8 59,9 56,5 52,1 таркиби (%) Ёғи 3,30 10,3 16,1 23,1 Суяги 21,90 17,5 15,7 16,2 Пайлари 14,0 12,3 11,7 9,6 Химиявий Сув 74,4 67,3 61,6 58,5 таркиби (%) Оқсил 21,0 21,0 19,2 17,6 Ёғ 3,5 10,7 18,3 23,0 Минерал моддалар (кул) 1,1 1,0 0,8 0,9 Калорияси (килокалория) 1210 1810 2490 2850

Ориқ молларнинг гўштига ёғ миқдори ўртача 3,5% бўлса, юқори семизлик даражасига етказилгач, у 23% гача кўпаяр экан. Буни жадвалдан аниқ кўриш мумкин. Пайлар ориқ молларда14,0% бўлса, юқори даражадаги семиз молларда атиги 9,6% ни ташкил этади. Химиявий моддалар лахм мол гўштида турли миқдорда учраши аниқланган. Масалан, мол қанча семиз бўлса, унинг гўштида сув (58,5) ва оқсил (17,6%) камайиши билан ёғ миқдори (23,0%) ва калорияси (2850 ккал) шунча кўпаяр экан. Асосан барча гўштдор зотлардан (қозоқи, оқбош, санта-гертруда, абердин-ангус, герефорд, қалмоқ, шароледан сифатли гўшт махсулотлари етиштирилади. Етиштириладиган гўштнинг сифатини моллар тирик вақтида хам чамалаш йўли билан аниқлаш мумкин. Бунда уларнинг семизлиги, сон қисмларининг гўштдорлиги, елка йўналишининг текис ва кенглиги хамда танасининг умумий кўринишига эoтибор берилади. Бундан ташқари, молнинг гўштдорлик хусусиятини ифодалаш учун сўйилгач, тортиш ва хисоблаш усулида фойдаланилади. Бунинг учун уларнинг иккита кўсаткичи, яoни сўйим вазни ва сўйим чиқими хисобга олинади. Сўйим вазни сўйилган молнинг боши, териси, ичак-чавоқлари ва бақайларидан (олдинги оёқлари кафт усти бўғимидан, кейинги оёқлари эса сакраш бўғимидан олиб ташланганидан сўнг) ташқари, қолган нимтасининг вазнидир. Сўйим вазни килограмм хисобида ифодаланади. Сўйим вазни килограмм хисобида ифодаланади. Сўйим чиқими гўшт нимталари билан ички ёғ миқдори қўшилмасининг молни сўйишдан олдинги тирик вазнига бўлган нисбатидир. Сўйим чиқими процент билан ифодаланади. Сўйим чиқимини тўғри аниқлаш учун қуйидаги форуладан фойдаланиш мумкин:C E T H O B   100

Бунда: С ч - сўйим чиқими; Г н - гўшт нимтасининг вазни; Ё о - ички ёғнинг вазни; Т в - сўйишдан олдин тирик вазни. Мол гўшти нимтадаги бошқа тўқималардан ажратиш усулига ва даражасига кўра бир неча группага бўлинади, яoни суякли гўшт ёки гўшт нимталари; лахм гўшт ёки суякдан ажратиш олинган гўшт; қора гўшт ёки ёғ, пай, тоғай ва лимфа томирларидан тозаланган гўшт, шулар жумласидандир. Гўштнинг асосий қисми мускул тўқималаридан иборат бўлгани холда, у ёш молларда анча нозик, тез пишадиган ва яхши хазм бўлиш хусусиятига эга. қари молларнинг гўшти анча қаттиқ, дағаллашган, узоқ вақт пишириш талаб этиладиган хамда қийин хазмланадиган бўлади. Шунинг учун хам айрим чет мамлакатларда бузоқ гўшти йирик мол гўштига нисбатан бир неча марта қиммат сотилади. Семиз молларнинг гўшти кўп, ориқларники оз, ёш молларники хам оз, катта ёшдаги вакиллариники кўп хамда эркаклариники, урғочилариникига қараганда кўп бўлади. Ёғ тўқимаси асосан тери остида, буйрак ва қовуқ атрофида, ошқозон ва ичак атрофида кўпроқ учрайди. Бундай хусусият кўпроқ йирик молларда яхши ифодаланган. Молларни бўрдоқига боқиш қорамолларнинг гўшт махсулдорлигини кескин оширишда уларни бўрдоқига боқишни тўғри уюштириш мухим ахамиятга эга. Бунинг учун моллар икки хил усулда, яoни қўлда (бўрдоқичилик базаларида ва комплексларида) ва яйловда боқиб семиртирилади. Ўзбекистонда табиий ўтзорлар ва яйловлар жуда оз бўлиб, улар асосан чўл ва чала чўл хамда тоғ ва тоғ этакларига жойлашган бўлганлиги учун кўплаб хўжаликларда моллларни қўлда бўрдоқига боқиш усулидан фойдаланилади. Лекин, Самарқанд, Жиззах, Сирдарё, Сухондарё, қашқадарё ва Тошкент областларининг турли районларидаги хўжаликларида хам қорақалпоғистон автоном республикасининг чўл зонасидаги колхоз ва совхозларда мавжуд молларни яйловлард боқиш ишлари уюштирилган.

Аниқроғи, Тошкент областининг Охангарон, Бўстонлиқ, Жиззах областининг Зомин, Сурхандарё областининг Бойсун, қорақалпоғистон автоном республикасининг Амударё ёқасига жойлашган қамишзорлари серўт районларида моллар асосан табиий яйловларда боқилади. Хозирги вақтда республикамиз бўйича табиий яйловларнинг (адирлар, тоғлар ва тоғ этакларини хам хисобга олганда) ўзлаштирилиши, пахта, шоли ва бошқа экин майдонларининг тобора кенгайтирилиши натижасида улар майдони йилдан-йилга камайиб бормоқда. Шунга қарамасдан мавжуд яйловлардан унумли фойдаланиш, улардаги ўт ва ўсимликлар хосилдорлигини ошириш замон талаби хисобланади. Масалан, сув чиқмайдиган баланд майдонларда ўсадиган ғалласимон бошоқдош ўтлар, протеинга бой дуккакдош ўсимликлар, шунингдек, шўрланганяйловлардаги шўрхок ва хар хил майда, йирик ўсимликлар қорамоллар учун яхши ва арзон хисобланади. Бинобарин, табиий яйлов ўсимликлари хосилдорлигини оширишда барча мавжуд резервлардан фойдланиш, агротехника ва янги технология усулларини қўллаш, ем-хашак миқдорини ошириш, сифатини яхшилаш гўшт етиштиришда мухим факторлардан хисобланади. Гўшт махсулдорлигига таoсир этувчи факторлар қорамолларнинг гўшт махсулдорлиги юқори бўлиши бир қанча факторларга боғлиқ. Масалан, уларнинг зоти, ёши, семизлиги, жинси, боқиш ва асраш усули, шунингдек, физиологик холати хамда ташқи мухит таoсири шулар жумласидандир. Олиб борилган кузатишлардан маoлум бўлишича, гўшт учун боқувга қўйилган гўштдор зот қорамол қанча яхши боқилса ва парвариш қилинса, сўйилганда шунча кўп ва сифатли гўшт чиқади. қорамол гўшти таркибидаги инсон организми учун зарур бўлган моддалар - оқсил, ёғ, минерал тузлар, витаминлар аминокислоталар, микроэлементлар миқдорига кўра бир қанча афзалликларга эга. қорамолнинг гўшт махсулодорлиги даражаси яна бир қанча факторларга боғлиқ бўлади. Масалан, молларнинг тирик вазни,

нимталанмаган гўштининг вазни, унинг таркибидаги лахм гўшт, ёғ, суяк, тоғай ва пайларнинг миқдори хамда гўштига нисбати, шунингдек, гўшт нимталаридаги бўлак сортларининг вазни, миқдори ва нисбати, уларнинг тўйимлилиги ва химиявий таркиби ва нихоят калорияси шулар жумласидандир. Моллар ёшининг семиртиришга таoсири. Ёш ва йирик молларни гўштга семиртиришда бар қанча талабларга эoтибор бериш лозим. Масалан, ёш молларни семиртиришда мумкин қадар уларнинг рационида гўшт махсулотини оширишга имкон бердиган биологик жихатдан тўла қимматли протеин, витамин ва минерал элементларга бой бўлган озиқ турларини кўпайтириш, шунингдек, улар хаддан ташқари семириб кетмаслиги тадбирлари қўлланиши лозим. Умуман, ёш моллар жадал усулда семиртирилса, улар организмида гўшт ва ёғ тўқималари тез тўпланади ва ривожланади, бинобарин, гўштдорлик даражаси юқори бўлади. қормолни семиртириш учун ёшига қараб бирлиги сарфланади. Масалан, 10-12 ойлик нввосларни1 кг семиртириш учун ўртача 7-8 озиқ бирлиги сарфланса, катта ёшдаги моллар учун 8,5-10 озиқ бирлиги талаб этилади. Бузоқлар, асосан лахм гўшт етиштириш мақсадида семиртирилади. Шунинг учун уларни 6 ойлигидан ортиб планлаштирилган давргача гўштга семиртириш мумкин. Лекин катта ёшдаги молларни 6-90 кун мобайнида бўрдоқига боқиш мумкин. Чунки боқиш муддати чўзиб юборилса, уларнинг танасини ёғ босиб кетади ва гўштининг сифатига салpбий таoсир кўрсатади. Моллар зотининг таoсири. Гўштининг хусусиятига кўра, сут учун боқиладиган ва қўш махсулдор зотлар гўштга боқилганда зот асосан ички органларида тўпланади, нимталарида эса камроқ бўлиши аниқланган. Шунингдек, уларнинг нимтасидаги лахм гўшт миқдори гўшт учун боқиладиган молларникига нисбатан камроқ бўлади. Бундай моллар жадал усулда гўштга семиртирилган гўшт чиқими 50-56% ни ташкил этади.

Молларнинг гўшт махсулдорлигини ортишига, сифати ва тўйимлилиги яхшиланишига уларнинг зоти ва зотдорлиги салмоқли таoсир кўрсатади. Бунга асосан сабаб гўштдор зотларнинг тез етилувчанлиги, қисқа вақт ичида яхши семириши, семириши учун сут учун боқиладиган молларга қараганда камроқ ем-хашак сарфлаш, гўштининг мармарсимон ва мазали бўлишидир. Бинобарин, гўштдор зотларнинг бузоқ ва новвослари 15-18 ойлигигача боқилиши етарли хисобланади. Бунда уларнинг тирик вазни 400-450 кг ге етиши мумкин. Хозирги вақтда гўштдор буқаларни сут учун боқилдиган ва қўш махсулдор зотлар сигири билан чатиштириш натижасида олинган бузоқларни жадал усулда гўштга семиртириш ишлари кенг тус олган. Чорва молларини боқиш ва семиртириш усуллари Молларни асосан беш мақсадда гўштга семиртириш усули қўлланилади, улар қуйидагилар: 1. Оқиш ёки оч пушти (белая телятина) рангли бузоқ гўшти етиршитирш учун боқиш. Бунда 1-2 хафталик эркак бузоқлар 3-4 ой мобайнида фақат сут билан боқилади. Хар бир бузоққа кунига 12-16 кг дан сут ичирилади ва уларнинг суткалик семириши ўртача 1 кг атрофида бўлади. 2. Оддий бузоқ гўшти етиштириш учун боқиш. Бунда олинадиган махсулот таннархини арзонлаштириш мақсадида бузоқлар 3-4 ойлигигача сутдан ташқари, серсув, дағал озиқлар ва ем бериб боқилади ва улар суткасига 400 г дан семиришига эришиш планлаштирилади. 3. “Беби-биф” деб аталадиган ёш бузоқ гўшти етиштириш учун боқиш. Бунинг учун бузоқлар бир ёш бўлгунча сифатли хар хил ем-хашак билан боқилади ва вазни 350-400 кг га етказилади. Рацион таркибидаги емни 30%-80%, айрим холларда 90% гача ошириш талаб этилади. 4. Бузоқларни йирик (оғир) нимта олиш мақсадида боқиш. Бу усулда бузоқлар 18-24 ойлик бўлгунича ёки вазни 400-600 кг га етгунча боқилади. Бинобарин, бунда катта иқтисодий самарадорликка эришилади. Чунки, 1,5-2 йил давомида молларга арзон бўлган кўплаб ўт (яйловда) ва пичан (қўлда)

берилади. Ем рационининг 25-35% ни ташкил этиши мумкин. Айрим холлардагина ем 40% га етказилади. 5. Катта ёшдаги молларни боқиш. Бунда гўшт етиштиришга мўлжалланган брак сигирлар ва буқалар 60-90 кун боқилади. Улар умумий поданинг 25-30% ни ташкил этиши мумкин. Семиртирилган моллардан кўп миқдорда гўшт олинади. Лекин гўшти дағал бўлганлиги учун ундан суюқ таомлар, сосиска, консерва ва колбаса тайёрлаш учун фойдаланилади. Молларни гўштга боқишда барда шарт-шароит (географик, зонал, иқтисодий, ишлаб чиқариш) хисобга олингани холда уларга хилма-хил ем- хашак берилади. Бунда ем-хашакнинг қайси бир турининг салмоғи катта ва юксак даражада бўлса, бўрдоқичилик усули ўша озиқ номи билан юритилади. Кўк ўт билан боқиш. Кўк ўт барча хўжаликлар учун анчагина арзон бўлиши билан бирга тез хазм бўладиган ва организмга тез сингиб кетадиган озиқ хисобланади. Шунинг учун хам у барча турдаги қорамоллар учун қимматли озиқ сифатида ишлатилади. Ўт бериш миқдори молларнинг ёшига ва ориқ-семизлигига қараб планлаштирилади. Масалан, ёш молларга бир кунда 30-50 кг, катта ёшдагиларга эса 40-70 кг атрофида бериш мумкин. Бундан ташқари, 30% атрофида ем хам бериш тавсия этилади. Озиқнинг тўйимлилигига кўра таркиби (%) Рацион таркиби Катта ёшдаги Бузоқ (новвослар) учун (кг) моллар учун (кг) Боқувнинг дастлабки вақтида Боқувнинг сўнги даврида Кўк ўт 70 75 60-55 Ем (концентрат) 30 25 35-40 Арим вақтларда кўк ўт бериб боқишда молларни семиртириш даражаси юқори бўлмаса, уларнинг рационига йўшимча равишда лавлаги, хашаки полиз экинлари киритиш тавсия этилади. Силос билан боқиш. Ўз экин майдонига эга бўлган хўжаликларда етарли миқдорда маккажўхори, оқжўхори ва кунгабоқардан силос

бостирилиши ва куз-қишки ойлари мобайнида уларни молларга бериш тавсия этилади. Моллар рационида силос 50-60% ни ташкил этиши мумкин. Ем 24- 25%, пичан 7-8%, илдизмевалар 5-6% бўлиши ва қолган қисми минерал моддалар хисобига тўлдирилиши мумкин. Сенаж билан боқиш. Сенаж асосида дуккакдош ва бошоқдош ўтлардан тайёрланади. Улар таркибида 50% сув, 8-10% протеин, 1,2-2% ёғ, 21-23% БЭВ (азотсиз экстрактив моддалар), 14-15% клетчатка, 4-4,5% кул бўлгани холда 1 кг сенажнинг тўйимлилиги 0,35% озиқ бирлигига тенгдир. Шунингдек, 1 кг сифатли енажда 55 г хазм бўладиган протеин, 40 мг каротин, 6-7 г калpций, 1-1,5 г фосфор бўлиши аниқланган. Молларнинг ёшига ва физиологик холатига қараб қуйидаги миқдорда сенаж бериш мумкин. Масалан, 3-6 ойлик бузоқларга 5-8 кг, 6-8 ойлик бўлганларига 10-15 кг, 1 ёшдан катталарига 15-20 кг сенаж бериш нормал хисобланади. Рационнинг қолган қисмини бошқа дағал озиқлар хисобига тўлдириш мумкин. Шуни айтиш керакки, агар рационнинг 70% сенаждан ташкил топган бўлса, у хайвонларнинг овқат хазм қилишини сусайтириб юборади ва салбий натижа бериши мумкин.

Адабиётлар : 1. Г.Г.Иванович; Б.П.Дмитриевич и др. Животноводство М. “Колос”, 1978. 2. С.Н.Вқшелескин; С.Н.Муровцев; Н.В.Лихачев и др. Частная Эпизоотология М. Селғхозгиз, 1978. 3. В.К.Игнатов. Практическое руководство по методике санитарино- гигиенических исследований Биомедгиз. М. 1975. 4. Э.Х.Эргашев; Ж.Ш.Ўопулатов. Паразитология “Укитувчи” Т. 1981. 5. Т.Х.Икромов. Чорвачилик. Т. “Мехнат” 1985. 6. Г.С.Нога. Шелководство. Т. “Укитувчи” 1986. 7. П.А.Коволев; А.А.Шевелева. Тут ипак курти уругчилиги ва селекцияси. УзССР. “Урта ва Олий мактаб” Давлат наришриёти. Т-1982. 8. А.Г.Авизов; Р.Х.Хамрокулов. Чорвачиликдан амалий машгулотлар. Тошкент- “Укитувчи” - 1980.

O'xshashlar

Қорамолларнинг юқумли ринотрахеити Rinotrach

Чорва молларининг сут махсулдорлиги

Кишлок хужалик хайвонларининг махсулдорлиги

Чорвачиликнинг асосий тармоқлари

Қуёнларнинг гўшт маҳсулдорлиги