Каноп экини - Qishloq va o'rmon xo'jaligi - Referatlar

Каноп экини

Yuklangan vaqt:

20.09.2019

Ko'chirishlar soni:

0

Hajmi:

37.5 KB

Ko'chirib olish

Каноп экини Режа: 1.Канопни халқ хўжалигидаги ахамияти, келиб чиқиши ва тарқалиши,хосилдорлиги. 2.Систематикаси, биологик хусусияти ва навлари 3.Канопни уруғ ва тола учун етиштириш технологияси.

1. Каноп қимматли луб толали ўсимликлар гурухига киради. Каноп тўқимачилик саноатида кенг ишлатилади, унинг поясини қайта ишлаб олинади. Канопнинг поясида 24% тола бор. Унинг толасидан брезент, қоп- қанор, айрим буюмлари, линолиумнинг таг асоси, мебеллар учун қоплама сифатида ишлатиладиган газлама тайёрланади. Шунингдек, арқон, каноп ва бошқа турдаги махсулотлар хам ишлаб чиқарилади. Толаси етарли даражада мустахкам, эгилувчан, юксак гигроскопик хусусиятига эга. Ўзаги ва поясининг қолдигидан картон, қурилиш плитаси тайёрлаш учун фойдаланилади. Уруғи таркибида 18-20%гача ёғ мавжуд. Каноп ёғидан техник мақсадларда тери ошлашда, совун тайёрлашда ва лак ишлаб чиқаришда фойдаланилади. Кунжараси эса чарво моллари учун озуқа ва оралиқ ўғит сифатида ишлатилади. Каноп поясини ўзагини кимёвий қайта ишлаганда 1 тоннасидан 80 кг фурфурол ва 90 кг қуруқ озуқа хамиртуруши ишлаб чиқарилади. Канопни ёввойи холдаги турлари Жанубий Африка ва Марказий Хиндистонда учрайди. Каноп ўсимлиги биринчи марта Хиндистонда, 1Х асрдан кейин эса Хинди-Хитой, Хитой, Эрон, Жанубий Африка, Мексика, Америка қўшма Штатлари, Жанубий Европа мамлакатларига тарқалган. Каноп ўсимлигини толасидан энг кўп Хиндистонда фойдаланилади. Каноп асосан Бразилия, Въетнам, Италия ва Америка қўшма Штатларида экилади. 19 асрдан кейин каноп ўсимлиги хозирги мустақил хамдўстлик мамлакатларида, Кавказ ортида, Краснодар ўлкасида, республикамизни Тошкент вилоятида экилади. Фарғона вилоятида хам илгари экилган.. Каноп Республикамизни асосан Тошкент вилоятини юқори, Ўрта ва қуйи Чирчиқ, Янгийўл ва Бўстонлиқ туманида 10 миг/га ерга экилмоқда. Канопни хар гектар ердан олинадиган қуруқ поя хосили 40-60 ц/га дан 100 ц/га ча беради. Канопни уруғидан 3-4 ц/га, айрим хўжаликларда 10 ц/га ча хосил олиш мумкин. Тола хисобида эса хосилдорлик хар гектар ерга 5-10 ц/га тўғри келади. Республикамизда гектаридан ўрта хисобда 180 центнердан

кўк поя олинади. Илғор хўжаликларда кўк поя хосилдорлиги 200-250 центнерга етади. Пояси ва толаси хўжаликларда дастлаб қайта ишланади. Канопдан 1927 йили 30 ц/га, 1953 йили 20,8 ц/га, 1967 йили 158 ц/га, 1980 йили 188,5 ц/га кўк масса хосили олинган. 2. Канопни биологияси ва навлари. Каноп иссиқсевар ўсимлик, уруғи 10-12°С уна бошлайди. 20-22°С да майса хосил қилади, 25°С яхши ўсади. 1- 1,5°С совуқда ўсимлик нобуд бўлади. Тупроқ намлиги тўла нам сиғимига нисбатан 70-80% бўлиши лозим. Ўтлоқи тупроқларда яхши ривожланади. Каноп қисқа кунлик ўсимлик. Ўсув даври 120-160 кун. Навлар: Узбекский- 1972, Узбекский-2142. 4 Каноп ғўзадан, дон-дуккакли, ем-хашак, донли экинлардан бўшаган ерларга экилади. Каноп ўсимлигида кўзлаган хосилни олиш учун гектарига 160-200 кг азот, 150-170 кг фосфор ва 90-100 кг калий ўғити солинади. Кузда каноп экинларини майдонлари 28-30 см. чуқурликда шудгор қилинади. Шудгор олдидан гектарига 20-25 т. махаллий ўғит солиш тавсия этилади. Эрта бахорда борона ва мола босилади. Каноп қатор оралари 60 см. қилиб экилади. Бир гектар ерга 30-40 кг уруғ сарфланади. Уруғлик учун гектарига 18-20 кг уруғ сарфланади. Каноп уруғлари апрель ойининг биринчи ўн кунларида экилади. Уруғни экиш чуқурлиги 3-4 см. Уруғни униб чикишига қадар тупроқ қатқалогига қарши борона қилинади. Ўсув даври давомида экин 5-6 марта культивация қилинади ва 5-6 марта суғорилади. Тола учун экилган канопни 50% гуллаганда ўрилади. Луб тола ажратувчи ЛС-1 русумли машинада канопни поясини кўк пўстлоғидан ажратиб олинади. Толаси даланинг ўзида қуритилади ва 10-12 кг.дан қилиб боглаб луб заводларига жўнатилади. Уруғлик каноп 50% ўсимлик сарғайганда 1-10 сентябргача ўрилади. Ўрилган поялар 1-4 кун давомида сўлитилади, кейин боғлаб, тахлаб қўйилади. қуриган поялар махсус ўзиюрар комбайнларда янчиб олинади.

Адабиётлар: 1. П.П.Вавилов -Растениеводство М.,Колос.1986. 2. В.Н.Чирков-Ўсимликшунослик/практикум Т.,Ўқитувчи.1978. 3. Б.Виноградов,Х.Атабаева,А.Дементьева-РастениеводствоТ., Мехнат.1987. 4. В.Н.Чирков-Дон экинлари Т., Ўқитувчи-1975. 5. Технические культурў М., ВО Агропромиздат, 1986. 6. К.Н.Кеферов Биологические основў растениводста. М., Вўсхая школа, 1975. 7. Д.Зауров, М.Сборшикова, Рисоводство, Т., Мехнат, 1989. 8. Д.Т.Абдукаримов, С.Х. Хушвақтов, Э.У.Умурзоқов, Тамакичилик, Т., Мехнат, 1985.

O'xshashlar

Жўхори экини

Арпа экини

Шоли экини

Тамаки экини

Соя экини