Ўғитлаш машиналари - Qishloq va o'rmon xo'jaligi - Referatlar

Ўғитлаш машиналари

Yuklangan vaqt:

20.09.2019

Ko'chirishlar soni:

0

Hajmi:

138 KB

Ko'chirib olish

Ўғитлаш машиналари Мўл ва сифатли ҳосил олиш учун боғларни органик ва минерал ўғитлар билан мунтазам равишда ўғитлаб туриш лозим. Органик ўғит сифатида чириган гўнг, сидерат ўсимликлар (яшил ўғит) ишлатилади. Минерал ўғит асосан сунъий усулда бир нечта кимёвий элементлар билан бойтилган маҳсулотдир. Минерал ўғит кукунсимон, доналанган ва суюқлик кўринишларда тайёрланади. Ўғитнинг ҳар бир турини ерга бир текис солиш учун турли принсипда ишлайдиган машиналардан фойдаланилади. Албатта, боғлардаги ерни ўғитлаш учун кенг тарқалган оддий машиналарни ишлатиш мумкин. 21-расмда органик ўғитни ўсимликлар илдизига яқин жойдаги тупроққа 20 см чуқурликка солиб, кўмиб кетадиган машина схемаси кўрсатилган. Машина бир ўққа ўрнатилган ярим прицеп бўлиб, унга кузов 12, майдаловчи барабан 10 ва 11 лар, кўндаланг транспортёр 4, тилгич 5, кўмгич 3, гидросилиндр 9 лар ўрнатилган. Кузов тагидаги занжирсимон бўйлама транспортёр у ердаги органик ўғитни олд томондаги майдаловчи барабанларга узлуксиз келтириб туради. Барабанлар ўғитни майдалаб, тўкилувчанлигини ошириб, ўнг ва чап томонларга ҳаракатланаётган кўндаланг транспортёрларга ташлайди. Кўндаланг транспортёрлар ўғитни прицепнинг ўнг ва чап томонларига ўрнатилган тупроқ тилгичларга ташлаб беради. Тилгич очган кенглиги 10 см, чуқурлиги 20 см бўлган ариқчага тушган ўғитни тупроқ билан кўмишни кураксимон кўмгичлар бажаради. Машина қисмларига ҳаракат тракторнинг қувват олиш валидан узатилади. Ўғит солиш миқдори бўйлама транспортёр ҳамда агрегат тезликларини ўзгартириш ҳисобига созланади.

расм. Органик ўғитни дарахт ва бутасимон ўсимликлар илдизи ёнига соладиган машина схемаси: 1 — ғилдирак; 2 — редуктор; 3 — кўмгич; 4 — кўндаланг транспортёр; 5 — тупроқ тилгич; 6 — рама; 7— тиргак; 8 — кардан вали; 9 — гидросилиндр; 10, 11 — майдаловчи барабанлар; 12 — кузов. Ҳозирги вақтда хорижий давлатларда суюқ минерал ўғитдан фойдаланиш кенг тарқалган, чунки, биринчидан, қуритишга сарфланадиган маблағ тежалиши сабабли, суюқ ўғит арзонроқ бўлади. Иккинчидан, суюқ ўғитни ўсимликлар тўлиқроқ ўзлаштиради. Учинчидан, қуритилган ўғит гигроскопик бўлиб, қотиб қолади, уни майдалашга қўшимча меҳнат сарфланади. Суюқ минерал ўғит солиш машиналари кўп нусхаларда ишлаб чиқарилади. Бундай машина (22-расм) катта ҳажмга эга бўлган систерна ўрнатилган ярим прицепга ўхшаган бўлади. Машина қисмлари ҳаракатни тракторнинг қувват олиш валидан олади. Вакуум насос 18 систернани тўлдириш, насос 12 эса ўғитни систернадан сочувчи учликларга юбориш учун хизмат қилади. Машина гектарига 10—40т суюқ ўғит сочиши мумкин. Ўғит сочиш миқдори сочувчи учликларни алмаштириш ва машина тезлигини ўзгартириш ҳисобига ўзгартирилади. Учлик 8 лардан отилиб чиқаётган суюқлик қайтарувчи тўсиққа тегиб, дала бўйлаб бир текис сочилади. Қамров кенглиги 8—10 м.

расм. Суюқ ўғит сепкич: 1 — систерна; 2 — люк; 3 — сақлагич клапани; 4 — штанга; 5, 6, 11 — эластик қувурлар; 7 — қайтарувчи тўсиқ; 8 — учлик; 9 — ёпқич; 10 — ричаг; 12 — насос; 13, 17 — тасма; 14 — тиркагич; 15 — кардан вал; 16 — ҳаракат юритмаси; 18— вакуум-насос; 19 — вакуумметр; 20— труба. Аммо, амалиётда асосан, кукунсимон ва доналанган минерал ўғитларни ерга солиш кенг тарқалган. Бундай ўғитдан тупроққа асосий ишлов беришдан олдин, ер юзасига ёппасига сочиш ёки култивациялаш вақтида маълум чуқурликка кўмиб кетиш усуллари билан фойдаланилади. Замонавий ўғит сочкичлар, асосан, айланувчан дисксимон ишчи қисмлар билан жиҳозланмоқда. Мисол сифатида 23-расмда кенг тарқалган осма ўғит сочкич схемаси келтирилган. Бундай машинанинг қамров кенглиги 6—12 м бўлгани (ўғит турига қараб) сабабли, инн боғлар шароитида ишлатиш қулайдир. Бу машина нафақат ўғит сочишда, ҳатто яшил ўғит (сидерат) сифатида ишлатиладиган ўсимлик уруғини сочишда ҳам ишлатилади. Бу ишни машинага шамолтўскич ўрнатиб бажариш маъқул бўлади. Бункер кесик конуссимон шаклга эга бўлиб, унинг ичига ўғитни тўзитиб турадиган чивиқлар жойлаштирилган. Бункердан ўғит чиқадиган тирқишни махсус ричаг 3 ни буриш ҳисобига ўзгартирилади. Бункер тубидаги планка 7 айланаётиб, ўғитни тирқишдан итариб чиқаради.

Машина қисмларига ҳаракат тракторнинг қувват олиш валидан келади. Бу ҳаракат бункердаги ўғит итарувчи планка ва тўзиткичларни ҳамда ўғит сочувчи дискларни ишлатади. расм. Осма минерал ўғит сочкичнинг технологик схемаси: 1 — шатун; 2 — обкаш; 3 — ўғит чиқариш тирқишини созловчи ричаг; 4 — бункер; 5 — тўзиткич; 6 — миқдорлагич (дозатор); 7 — планка; 8 — сочувчи диск; 9 — тиркагич; 10 — рама; 11 — ҳаракат юритмаси. Сочувчи дискларни ҳаракатлантирадиган занжирли узатмадаги юлдузчаларни алмаштириб, уларнинг айланиш тезлигини ўзгартириш мумкин. Сочувчи дисклар бир-бирига қарама-қарши йўналишда айлантирилади. Уларнинг устига тўкилган ўғит заррачалари марказдан қочирма куч таъсирида ён томонларга сочилади. Бир гектар майдонга сочиладиган ўғит миқдори ўғит чиқадиган тирқишни, итарувчи планканинг тебраниш амплитудасини ҳамда агрегат тезлигини ўзгартириш йўли билан созланади. Агрегат тезлиги 6— 12км/соат орасида қўйлади.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф.Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, 9. «Агропромиздат», 1991. 10. Илмий монографиялар, мақолалар, диссертациялар. 11. Қишлоқ хўжалиги машиналари. Дарслик. www.ДИТ сентр.уз. 12. Суғоришни механизациялаш. www.нетафим . ру . 13. Плодоводство и виноградарство. ҳттп:/www.бфпуис.ру.

O'xshashlar

Ўғитлаш машиналари

Токзорни ўғитлаш машиналари

Ғўзани ўғитлаш ва чеканка қилиш

Мелиорация машиналари

Кўчат экиш машиналари