Экинга ишлов бериш машиналари - Qishloq va o'rmon xo'jaligi - Referatlar

Экинга ишлов бериш машиналари

Yuklangan vaqt:

20.09.2019

Ko'chirishlar soni:

0

Hajmi:

593.5 KB

Ko'chirib olish

Экинга ишлов бериш машиналари Режа: 1. Экинга ишлов бериш машиналари 2. Ўғит сепиш аппарати

1. ЭКИНГА ИШЛОВ БЕРИШ МАШИНАЛАРИ Чопиқ талаб экинларнинг қатор ораларига универсал култиваторлар ёки озиқлантиргич билан ишлов берилади. Экинларни донадор ва кукунсимон ўғитлар билан озиқлантиришда озиқлантиргич-култиваторлар, суюқ ўғитлар беришда гербицидаммиакли машиналар ишлатилади. Қатор ораларига ишлов берилаётганда экинларга шикаст етказмаслик учун ҳимоя зонаси қолдирилади. Ўсимлик қаторининг ўртасидан иш органининг қиррасигача бўлган масофа ҳимоя зонаси дейилади. Ҳимоя зонасининг кенглиги экин турига, култивация тартибига, экиш сифати ва бошқа фактларга қараб белгиланади. Масалан, маккажўхорини дастлабки култивация қилишда ҳимоя зонаси 10 см, иккинчисида 12 ва учинчисида 15 см кенгликда қолдирилади. КРХ-4 КУЛТИВАТОРИ УМУМИЙ КЎРИНИШИ. 1,10-ғилдирак суйрилари; 2-олд секция (бўлинма); 3-вал; 4-даста; 5- орқа секция (бўлинма); 6- тарангловчи қурилма; 7-ўғит аппарати; 8-ўғит сошниги; 9-туткич; 11- тортқи; 12-оёқ таглиги; 13-кронш-тейн;14-тўрт звенолик қисми. Чопиқ талаб экинларга ишлов беришда култиваторларга қуйидаги агротехник талаблар қўйилади: культиватор иш органлари нормал кенгликда сифатли ишлай олиши, экинларга зарар етказмаслиги, иш органлари тупроққа белгиланган чуқурликка кириши, тупроқни бир меъёрда текис майдалаши, иш органлари тупроқнинг нам қисмини юқорига олиб чиқмай юмшатиши, бегона ўтларни тўлиқ кесиши, экинларнинг шикастланмаслиги ва уларни тупроққа кўмиб кетмаслиги керак.

Култиваторларнинг иш органлари параллелограммли секцияларга ўрнатилади. Бу ўрнатма секциялар дала рельефига яхши мослаша олади. Ғўза қатор ораларига ишлов беришда култиваторнинг иш органлари тракторнинг олди қисмида (фронтал), ўрта қисмининг олдинги ва кетинги ғилдираклари орасида жойлаштирилади. Баъзи агрегатларда иш органлари ҳам олдинга, ҳам орқага жойлаштирилади. Иш органларини бундай жойлаштириш жуда кенг тарқалган. Бунда ўсимлик кам зарарланади, агрегат қатор ораларига яхши мосланиб ҳаракатланади, култиваторнинг оғирлиги тракторнинг ғилдиракларига тенг тақсимланади. КРХ-4 култиватор тор қаторларни ишлашга, КРХ-3,6, КРТ-4 ва КХУ-4 универсал култиваторлар кенг қаторларни ишлашга мўлжалланган. Пахтачиликда ишлатиладиган қултиваторлар ғўзаларни чеканка қилиш учун мўлжалланган мосламалар билан ҳам жиҳозланган. 60 см қилиб экилган ғўза қатор оралари КРХ-4 ва КХУ-4 озиқлантиргич-култиваторлар билан ишланади. Бу агрегатлар билан ерга қуруқ минерал ва органик- минерал ўғитлар солиш мумкин. ЧВХ-4 мосламаси ўрнатилган озиқлантиргич-култиватор ғўза қатор ораларига ишлов бериш, эгат очиш ёки ўғитлаш билан бирга ғўза шохларини чилпийди. Бу культиватор Т-28Х4М типдаги барча тракторларга ўрнатиб ишлатилади. КУЛТИВАТОР СХЕМАСИ. 1 - тутқич ишчи орган билан; 2 - босим пружиналари; 3 - осиш қурилмаси; 4 - ғилдиракни рамага нисбатан силжитиш винти; 5 - ғилдирак. Култиватор комплектида еттита грядил бўлади. Тўрт қатор ғўза ораларига ишлов бериш учун грядилларнинг бештаси осилади. Олти қаторга ишлов бериш учун култиваторга яна иккита грядил осилади.

Култиваторларнинг ҳар бир грядили пасайтиргич, кронштейн ва юқориги ҳамда пастки звеноларидан йиғилган тўрт звеноли (параллелограммли) механизмдан иборат. Кронштейнга грядил штангаси, поводок ва таянч ғилдирак вилкаси маҳкамланади. Поводокка пружина ва стопорлаш ҳалқалари кийгизилади. Юқориги стопорлаш ҳалқасини поводок бўйича суриб грядилнинг кўтарилиш баландлиги ростланади, пастки стопорлаш ҳалқасини суриб, иш органларига таъсир этувчи босим кучи ўзгартирилади. КРХ-4 озқлантиригич –култиваторда бешта ўғит сепувчи аппарат бор: улар қирғичларининг жойлашишига қараб чап ва ўнг аппаратларга бўлинади. Битта ўнг ва иккита чап аппрат кетинги рамага ўрнатилган. Битта ўнг (тракторнинг чап томонида) ва битта чап (ўнг томонида) аппарат трактор етакчи ғилдиракларининг олдида лонжеронларга маҳкамланган махсус кронштейнларга ўрнатилади. Грядиллар транспорт ҳолатга ўтказилганда ўғитловчи аппаратларнинг юритиш муфтаси ва дастаги автоматик тарзда узилади. Култиваторни бир йўла олтита ғўза қаторларига ишлов бериши учун мослашда кетинги рамадаги иккита четки аппарат тракторнинг бўйлама ўқига яқинроқ янги тешикларга ўтказилади КРТ-4 озиқлантиргич-култиватор тўрт қаторлаб экилган 90 см ли қатор ораларини ишлашга мўлжалланган. Култиватор «Беларус» (МТЗ-80Х) тракторига ўрнатилади. Култиватор ўғит сепишда, ЧХТ-4Б мосламаси билан чеканка қилишда ҳам ишлатилади. Култиватор асосий узеллари, иш органларининг типи ва ишлаш принципи КРХ-4 ва КРХ-3,6 дан фарқ қилмайди. Фақат у конструктив жиҳатдан КРТ-4 култиватори ўрнатиш ва олдинги секциясини кронштейнга бирлаштириш узеллари билан фарқ қилади. Култиваторнинг кетинги секцияси учта кесик квадрат кесимли бруслардан йиғилган бўлиб, уларга грядиллар, марказий тебрангичларнинг кронштейнлари маҳкамланади. Кетинги секция кашаклар

ва тортқилар воситасида бортавий узатмаларнинг қопламасига ва ярим ўқларнинг қопламаларига маҳкамланади. КХУ-4 универсал култиватор-ўғитлагич. Ғўза ва бошқа экинларни 60 ва 90 см ли қатор ораларига экиш, янги ерларни ўзлаштириш ҳамда экинларга турли ишлов бериш мақсадлари учун ҳар хил маркали пахта териш машиналари ва бошқа култиваторлар сотиб олинади. Бу ишлаб чиқаришни ва хўжаликларни култиватор ҳамда эҳтиёт қисмлар билан таъминлашни, уларнинг ремонтини ва ишлатишни қийинлаштиради. Шу туфайли универсал КРХ-4, КРХ-3,6 ва КРТ-4 култиватор асосида КХУ-4 маркали универсал култиватор- ўғитлагич яратилди. ЎҒИТ СЕПИШ АППАРАТИ минерал ўғитлар ёки уларнинг аралашмаларини ерга солишда ишлатилади. Аппарат асосан ўғит бункери 1, бункерни агрегат рамасига маҳкамловчи мослама 2, ўғитлаш аппарати 3, ростлагич 4, ўғитлаш механизмини ҳаракатга келтирувчи тишли узатма 5, воронка 6, ўғитўтказгич 7 лардан ташкил топган. Ўғит сепиш аппарати ҳаракатни тракторнинг ён қувват олиш валидан олади. Янги култиватор ҳам 60 см ли, ҳам 90 см ли қатор ораларида ишлайди, шунингдек у Т-28Х4М, МТЗ-80Х, МТЗ-80Х2 трактори билан ҳам агрегатланади. Бундан ташқари, унга гербицид соладиган ва чеканка қиладиган мосламаларни қўшиб ишлатиш ҳам мумкин. Култиватор рамалари трактор етакчи ғилдиракларининг олд ва орқа томонига бикр қилиб ўрнатилган олд ва орқа секциялардан; тўрттаси олд секция рамаларига, учтаси орқа секция рамасига маҳкамланган грядилларидан; грядилларни кўтариш ва тушириш механизмидан; ўз ичига тўртта ўғит сочувчи аппаратни, юритгич, ўғит сошниклари ва трубаларни олган озиқлантиргичдан иборат. Култивация вақтида ўғит сочувчи аппаратлар орқа секцияга ўрнатилади, бу

заправка қилиш шароитини яхшилайди ва хайдов зонасида чанг миқдорини камайтиради. Кўтариш механизми трактор комплектидаги иккита гидроцилиндр ёрдамида ишга туширилади. Истеъмолчининг қўшимча буюртмаси бўйича култиваторга қатқалоқни юмшатиш, тупроқ намлигини сақлаб қолиш мақсадида тупроқ устки қатламини бироз шиббалаш учун айланма юлдузчалар комплекти қўшиб берилади. Ўғит солиш аппарати юритигичи конструкциясида универсал муфта қўлланилади, у аппаратларни шлицали ён қувват олиш вали (Т28Х4) дан ҳам, шпонкали қувват олиш вали (Т28Х4) дан ҳам юришга имкон беради. Кўтариш-тушириш механизми конструкциясида транспорт ҳолатда иш органларининг ерга тушиб кетишини истисно этадиган ва грядил тортқиларидаги кучлироқ чуқурлатиш пружиналари билан бирга гидротақсимлагич золотниги нейтрал ҳолатда бўлганда култиватор ишини таъминловчи механик ишлайдиган автоматик фиксаторнинг қўлланилиши иш органларининг чуқур кесиш турғунлигини таъминлайди. Ўғит сепиш аппаратларида сочилаётган ўғит сатхи телескопик даража кўрсаткичлари бункерларидаги ўғит миқдорини кузатиб туришни осонлаштирилади. Култиваторда осма ва туткич кўзда тутилган. Сериялаб ишлаб чиқариладиган култиватордан фарқли ўлароқ, универсал-култиватор грядилларида штангаларнинг стойкаларига нисбатан бурилиши ҳисобига уларни вертикал текисликда болтлар воситасида созлаш мумкин. Култиваторларни 60 ёки 90 см ли қатор ораларида ишлатиш учун грядилларнинг тўрт бўғинли механизмини олд ва орт секция тўсинлари бўйича жилжитиб сақланади. Қатор оралари 60 см қилиб экилган ғўза қатор ораларига ишлов беришда хар бир асосий қатор оралиғига иккитадан (чап ва ўнг) тиғ ҳамда стрелкасимон панжалар ўрнатилади, ендош қаторларга биттадан пичоқ ва

стрелкасимон панжа жойланади. Тўғри ўрнатилган пичоқнинг горизонтал тиғи эгат тубига 12 – 18 0 қия бўлиши керак. КХУ-4 УНИВЕРСАЛ КУЛТИВАТОРНИНГ АСОСИЙ ИШ ОРГАНЛАРИ: ўтоқбоп ёки текис кесувчи панжалар шакли ва ўлчамлари бўйича бир-биридан фарқ қилади. Бир томонлама ётиқ кесувчи устараларнинг асосий вазифаси бегона ўтларнинг илдизини кесиш бўлиб, улар тупроқни 6...8 см чуқурликда юмшатиш учун ҳам ишлатилади. Панжа горизонтал тиғ ва вертикал жағдан иборат. Панжа тиғи бегона ўт илдизини қирқади ва тупроқни юмшатади, вертикал жағ эса ниҳолларни тупроқ остида қолишдан сақлайди. Шунинг учун бу панжаларни ғўза ниҳолларига яқинроқ, яъни ҳимоя зонасини кам қолдириб жойлаштириш мумкин. Панжалар ҳар қаторнинг икки томонига ўрнатилиши туфайли чап ва ўнг қилиб ясалади. ўқёйсимон панжалар чопиқ, сидирға ва бошқа култиваторларда ўрнатилади. Улар фақат қамраш кенглига билан эмас, балки қанотларининг очилиш бурчаги 2 γ ва увалаш бурчаги α (панжа қанотларини эгат тубига нисбатан ўрнатиш бурчаги) билан ҳам фарқ қилади. универсал панжалар катта увалаш бурчагига эга, шу туфайли улар фақатгана тига билан бегона ўтларни кесибгана қолмай тупроқни увалайди ҳам. Қамраш кенглиги В= 220 , 270, 330 ва 385 мм. Қанотларининг очилиш бурчаги: қумли тупроқларда ишлаш учун 75...80°, ёпишқоқ ва соз тупроқларда 55.. .60°.

исканасимон панжа тутқич билан бир бутун қилинган панжа аталади. Исканасимон панжанииг қамраш кенглиги 20 мм бўлиб, у асосан қатор оралиғини 15 см гача юмшатиш учуи ишлатилади. айланма панжалар кўзғалмас ва пружинасимон тутқичларга ўрнатилиши мумкнн. Айланма панжалар икки томо н лама чархланган ва тутқичга беркитилган п ластинка кўринишида бўлади. Чархлаш орасидаги хизмат муддатини узайтириш учун бир учи ёйилганда панжа бошқа учи билан айлантириб қўйилади. найзас и мон панжалар исканалар билан бир хил, аммо улар бегона ўтларни тараб яхши ажратади. Улар сидирға ишлов берадиган культиваторларда ўрнатилиб, енгил тупроқпи ерларда кўп йиллик илдизпояли ўтларни тараб йўқотиш учун ишлатилади. Қатқалоқни юмшатиш учун тиғлар ва стрелкасимон панжалар билан бирга ротацион иш органлари ҳам ишлатилади. шунда ташқи ротацион дискнинг игнасимон тишлари нихолларнинг қатор чизиғидан 3 – 5 см масофда ва биринчи култиватор ерга 3 – 5 см, кейинги култиватцияларга 6 – 8 см га ботадиган қилиб ўрнатилади. Ротацион иш органлари қатқалоқ юмшатиш учун ишлатилади. у тупроқнинг хали юмшатилмаган устки қатламини игнасимон диск тишларининг олдида сурмаслиги керак. Шунда юмшатилаётган тупроқ экинларни шикастламайди. Шунинг учун иш органларининг ишқаланувчи сиртларини мойлаб туриш ва игнали дискларнинг ўз ўқида эркин айланишини кузатиб бориш лозим. Пичоқлар игнали дискнинг кетидан 6 – 8 см чуқурликка ботадиган қилиб ва 10 см ли химоя зона қолдириб ўрнатилади. Стрелкасимон панжалар қаторлар ўртасидаги тупроқни 10 – 12 см чуқурликда юмшатилади.

Стрелкасимон панжаралар билан тупроқни юмшатиш сифати улдарнинг тупроққа ботиш бурчагига боғлиқ. Панжа тўри ўрнатилганда унинг тушуғи тупроқ юзасига 12 – 18 0 қия жойлашиши керак. Бу холда пичоқнинг кетингги қисми горизонтал текисликдан 10 – 12 мм кўтарилиб туриши керак. Ботиш бурчаги жуда кичик бўлганида панжа тупроққа яхши ботмайди, катта бўлганида эса катта кесак кўчади ва қўшимча эгатчалар хосил бўлади. Агар ер қатқолоқ бўлмаса ёнидаги бегона ўтларни йўқотиши учун ротацион иш органларининг ўрнига ҳимоя зонасини 7 см қилиб дискли иш органларини ишлатиш мумкин. Ўғитларни кўмувчи иш органларининг тури ва уларнинг жойлаштириш схемаси ғўзаларнинг ривожланиш даражасига қараб танланади. Ўғитларни пушталарнинг ён тамонига солиш ишлари, одатда, дастлабки икки озиқлантиришда эгатлар очиш билан бир йўла бажарилади, кейинги озиқлантиришда ўгитлар қатор орасининг ўртасига комбинацияланган иш органлари ёрдамида суғориш эгатларини очиш билан бир вақтда солинади. Дастлабки икки ўғитлашда ўғит 15 – 16 см чуқурликда, ғўза қаторидан 15–18 см (биринчи озиқлантиришда) ва 20–22 см (озиқлантиришда) оралиқда солинади. Ғўзанинг ривожланиш фазасига қараб суғориш эгатлари хар хил чуқурликда олинади. Биринчи суғоришда 60 см ли қатор ораларида эгатлар 10 – 12 см (пуштадан эгат тубигача), шоналаш пайтида – ғўзанинг бўйи 30 – 40 см га етганда 14–15 см чуқурликда олинади. Ғўзанинг гуллаш даврида эгат чуқурлиги яна 2 – 3 см га оширилади. Ғўзаси биланд ўсган участкаларда иш органлари ғилофлар билан беркитилади, грядиллар ва трактор ғилдиракларига тўсгич (шиток) қўйилади. 90 смли ғўза қатор ораларини култивация қилишда иш органлари 60 см ли қатор ораларига ишлов берилганидек ўрнатилади. Бунда иш ўрганларининг ўлчамлари каттароқ бўлиб, грядилларга бошқачароқ маҳкамланади.

Ғўза қатор ораларига биринчи ишлов беришда қатор орасида грядилларга кенглиги 250 мм ли иккитадан ўнг ва чап пичоқ, ишлаш кенглиги 260 мм ли стрелкасимон панжа ва икки комплект ротацион иш органлари ўрнатилади. КХУ-4 КУЛТИВАТОР-ОЗИҚЛАНТИРГИЧНИНГ ИШЧИ ОРГАНЛАРИ пичоқ ишчи органлардан бири бўлиб, у ўнг ва чап пичоқларга бўлинади. Ўнг пичоқ бир томони чархланган панжа 1, болт 2, парчин бирикма 3, кронштейн 4, болт 5 лардан тузилган. Пичоқ бегона ўтларни қирқиш учун хизмат қилади. Пичоқ устунга болтлар 2 ва 5 ёрдамида қотирилади ҳамда уни устунга нисбатан қиялик бурчагини ўзгартириш мумкин. Чап пичоқнинг тузилиши ҳам ўнг пичоққа ўхшаш. Фақат уларда пичоқ ўнг томонга қайрилган. дисксимон юмшаткич ишлов берилаётган маданий ўсимликни ҳимоя зонаси яқинидаги беогона ўтларни қирқиш ва тупроққа ишлов бериш учун хизмат қилади. У ўқ 2 атрофида эркин айланадиган гупчакли сферик диск 1, парчин бирикма 3 лардан иборат. Дискнинг қирралари чархланган. Гупчак 6 га втулка 5 киритилган ва зичлагич 4 ўрнатилган бўлиб, у ҳалқа билан қисиб қўйилган. Дискларни тўғри ўрнатишда уларнинг қавариқ томонлари қатор томонга қараган бўлиб, уларнинг олд томони орқа томонига қараганда эгат қаторига яқин бўлиши керак. ўғитсошник маданий ўсимликлар қаторини ён томонидан ўғит бериб, кўмиб кетиш учун хизмат қилади. Сошник ўзаро парчин бирикма ёрдамида бириктирилган ўнг 4 ва чап 1 ёноқ (ёнлама) лардан, уларда парчинрли

бирикма 2 ёрдамида қотирилган сошник-нинг учи 3 лардан иборат. Ёноқлар (ёрдамида) орасига воронка 7 ўрнатилган бўлиб, унга ўғит ўтказгич уланади. Воронка ёноқларга қисгич билан қотирилади. Сошник устунга гайкали болт 5 ва шплинт 6 ёрдамида ўрнатилади. Сошник учи 3 узоқ муддат ишлашини таъминлаш учун у қаттиқ қотишма билан қопланган. юмшатгич қатор ораси тупроғини юмшатиш учун хизмат қилади. Юмшатгич сошник 3, унга болт 2 ёрдамида қотирилган тумшуқ 1 лардан иборат. Юмшатгич устунга гайка ва шабали болт 5 ва шплинт 4 ёрдамида қотирилади. Юмшатгични тупроққа ботиш бурчаги шплинт 4 ни сошник 3 даги ўрнатилиш тешиклари ўрнини алмаштириш орқали ростланади. Тумшуқ 1 нинг бир томони ейилса, у болт 2 атрофида 180 0 га айлантириб, қотирилади. Юқорида айтиб ўтилган юмшатгичдан бошқа юмшатгичнинг фарқи шундаки, тумшуқ 2 остига қўшимча равишда панжа 1 шайба ва гакали болт 3 ёрдамида ўрнатилган. Бу юмшатгич қатор ораси ўртасида бегона ўтларни қирқиш ва тупроқни юм-шатиш учун қўлланилади. ротацион мотига экин қаторлари устидаги тупроқ қатламини, қаторга яқин жойларни юмшатиш, ҳали кучли илдиз отиб улгурмаган бегона ўтларни йўқотиш учун биринчи ишлов беришларда қўлланилади. Ротацион мотига умумий ўқ 3 да эркин айланадиган иккита тишли игнасимон дисклар 1 дан иборат. Улар гупчак 4 да ўрнатилган. Гупчакка иккита втулка ва тўртта тишли сектор парчинлаб ўрнатилган. Втулкаларни мойлаш учун гупчакка мойдон 2 ўрнатилган. жўяк олгич суғориш эгатларини олиш учун хизмат қилади. Жўяк олгич қатор оралиғи 60 см бўлган қаторлар учун

комбинациялашган ишчи орган 2 дан иборот бўлиб, унга жўяк олгич тумшуғи 1, воронка 3, ўнг ва чап ағдаргич қанотлари 4,5 қотирилган. Бу ишчи орган устунга болт ва шплинт ёрдамида қотирилади. Қатор оралиғи 90 см бўлган қатор учун мўлжалланган жўяк олгичнинг юқоридагидан фарқи, узайтирилган қанотлар ўрнатилган. Мустаҳкамликни ошириш учун қанотлар орасига тиргак ўрнатилади. Воронка ўрнига тўсиқ ўрнатилган бўлиб, у чуқур жўяк олинаётган тупроқни жўяк олгич устидан ўтиб тўкилишини бартараф қилади. Тажрибаларнинг кўрсатишича кенг қатор ораларининг биринчи култивациялашда грядилларга қамраш кенглиги 165 мм ли тўртта пичоқ ва кенглиги 150 мм ли битта стрелкасимон панжа ўрнатиш яхши самара беради. Чунки бундай ишлов беришда бегона ўтлар яхши кесилади, иш органларининг тортиш қаршилиги камаяди. Суғоришдан кейин ўтказиладиган култивацияда ҳам иш органлари худди шундай жойлаштирилади. Ўғит одатда чопиқ қилиш ёки суғориш эгатларини очиш билан бирга солинади. Чеканка қилиш (чилпиш) машиналари. Ғўзанинг ўсиш нуқтаси ва ён шохларнинг учи чеканка қилинса ўсимликнинг ривожи маълум вақтгача тўхтайди. Бунда озиқ моддалар мавсум охиригача пишиб улгурмайдиган янги ўсув органлари ҳосил қилишга эмас, балки шаклланган кўсакларнинг озиқланиши учун сарфланади. Чеканка ўз вақтида ўтказилганда кўсак вазни ортади ва пишиши тезлашади. Чеканка қилиш муддати пахта навларига ва ҳар бир даладаги ғўзанинг ҳолатига қараб белгиланади. Бу тадбир одатда июл охири август ойи бошида ўтказилади. Республикамиз хўжаликларида ЧВХ-4 мосламаси ғўзанинг фақат тепа шохларини қирқади. Чеканкани, ғўзани култивация қилиш ёки суғориш эгатларини олиш билан бир йўла ўтказилади. ЧВХ-4, Т-28Х тракторининг барча модификацияларига ўрнатилади, лекин тракторнинг олди рамаси олиб қўйилади. Мосламанинг асосий узел ва механизмлари: рама, аппаратлар

осмаси, иш органлари осилган олд бруси, пичоқларнинг ҳаракатга келтирувчи юритма ва тўп йўналтиргичлардан иборат. Мосламанинг иш органи қирқувчи тиғлар, радиал йўналган горизонтал икки тиғли пичоқдан ташкил топган. Мосламада иккита ўрта ва иккита чекка пичоқлар бор. Пичоқлар 25 м/сек тезлик билан айланади. Кесик баландлиги гидроцилиндр ёрдамида олдинги брусни ердан 50-110 см кўтариб ростланади. Ғўза учларини ердан 50-65 см баландликда чеканка қилиш учун раманинг юқориги таянч шарнири олдинга қаратиб 180 0 га бурилади. Пичоқлар тиғининг горизонтал ҳолати тортқиларнинг узунлигини ўзгартириб ростланади. Мосламанинг иш органларига айланма ҳаракат тракторнинг қувват олиш валидан кардан валлар, конуссимон редуктор ва бириктириш редуктори орқали олинади. Бирлаштириш редуктори тезликлар қутисининг корпусига пастки қопқоғи ўрнига маҳкамланади. Иш органларини ҳаракатга келтириш учун тракторчи тракторнинг қувват олиш валини даста ёрдамида бошқаради. Агрегат ишга тушганда ғўза шохлари учини чеканка қила бошлайди.

O'xshashlar

Донга ишлов бериш машиналари

Тупрокка юза ишлов бериш машиналари

Тупрокка асосий ишлов бериш машиналари

Экиш олдидан ерга ишлов бериш машиналари

Ерга асосий ва экиш олдидан ишлов бериш машиналари