Чорва молларида учрайдиган асосий касалликлар - Qishloq va o'rmon xo'jaligi - Referatlar

Чорва молларида учрайдиган асосий касалликлар

Yuklangan vaqt:

20.09.2019

Ko'chirishlar soni:

0

Hajmi:

70 KB

Ko'chirib olish

Ч орва молларида учрайдиган асосий касалликлар Режа: 1. Чорва молларининг асосий касалликлари. 2. Касалликларнинг олдини олиш тадбирлари. 3. Хайвон касалликларининг асосий белгилари. 4. Юқумсиз касалликлар. 5. Юқумли касалликлар. 6. Касалликларга қарши кураш чоралари.

Таянч сўз ва иборалар: Ветеринария асослари, зоотехника, анатология, эпизотология, патология, паразитология, микроиқлим, юқумли касалликлар, нафас олиш тезлиги, озиқ рациони. Чорва молларининг асосий касалликлари Ветеринария асослари соғлом ва касал хайвонлар организмида юз берадиган ўзгаришлар, касалликларнинг сабаби, холати, уларни аниқлаш усуллари, олдини олиш, даволаш ва соғломлаштириб юбориш қонуниятларини ўрганувчи фандир. Ветеринария асосларига бир неча фанлар комплекси; хацвонлар анатомияси, гистологияси ва эмбриологияси, патологик физиология, терапия, фармакология, хирургия, зоогигиена, микробиология, эпизоотология, паразитология, ветеринария қонуниятлари ва бошқа фанлар киради. Шунингдек ветенаринария фани бир қанча биологик ва зоотехния фанлари билан хам чамбарчас боғлиқдир. Масалан, биология, биохимия, хайвонларни озиқлаштириш, урчитиш, кўпайтириш, умумий ва хусусий чорвачилик фанлари шулар жумласидандир. Ветенария фанини камолот топишида йирик олимлардан И.И.Мечников, Н.Ф.Гамалей, Л.С.Ценковский, И.М.Садовский ва бошқаларнинг роли нихоятда каттадир. Улар томонидан яратилган вакциналар турли хил юқумли касалликларга қарши курашда катта ахамият касб этади. Касалликларнинг олдини олиш тадбирлари Чорва моллари ва паррандалар касалликларини олдини олиш, уларни хамма вақт соғлом сақлаш ва асраш масаласи бир қанча вазифаларни ўз ичига олади. Айниқса санитария ва гигиена талабларига риоя қилиш, барча ветеринария тадбирлари (хайвонларни турли хилдаги касалликларига қарши эмлаш, дорилаш, хоналарни дезинфекция қилиш, иштахаси йўқолган ёки сусайган, физиологик холати оғирлашганларини тезда текшириб кўриш ва бошқалар) ни ўз вақтида ўтказиш мухим ахамиятга эгадир. Бундан ташқари,

хамма организмлар хам ўзларининг чидамлилиги, бақувватлиги, чиниққанлиги ва биологик хусусиятларига кўра касалликларга хар хил даражада берилувчан бўлади. Бақувват ва чиниққан организмлар турли микробларга нисбатан қаршилик кўрсатиш хусусияти жихатидан юқори даражада бўлади ва бу борада уларни тўғри сақлаш, асраш, парваришлаш ва озиқлантириш каби тадбирлар мухим ахамиятга эгадир. Шунга кўра, кўпроқ ориқ, нимжон ва тўйдириб боқилмайдиган хайвонлар хар хил касалликларга берилувчан ва тезроқ чалинадиган бўлади. Умуман, хайвон касалликларини олдини олиш, касалланганларини тезда даволаш ва соғломларидан ажратиш, шунингдек касаллик сабабларини аниқлаш ва билиш мухим ахамиятга эга. Хайвон касалликларини олдини олиш, соғлиғини мухофаза қилиш, махсулдорлигини ошириш ва махсулот сифатини яхшилаш чорвачилик билан банд бўлган барча ходимларнинг масoулиятига, қанчалик жонкуярлигига хам боғлиқ бўлади. Чунки хар бир ходим махсус халат ва фартуклар билан таoминланган холда иш тутишлари ва молхоналарга ўзлари билан ташқаридан инфекция олиб кирмаслик учун барча чора-тадбирларни кўришлари зарур. Чорва молларининг ва паррандаларнинг касалликларига чалинмаслиги учун хоналарнинг микроиқлимига алохида эoтибор бериш керак. Хоналарнинг тоза бўлиши, захарли газларнинг тўпланиб қолмаслиги, хонанинг санитарилик холатини яхши бўлиши ва барча гигиена қоидаларига тўла риоя қилиш энг мухим омиллардан хисобланади. Молхоналарда микроиқлимнинг талаб этилган даражада бўлиши билан бирга, атроф ва ўлка релpефи, сув манбалари, кўкаламзорлаштириш, хайвонлар учун моционни тўғри уюштириш хам мухим ахамиятга эга. Шунингдек ёз ойларида хайвонларни қуёш радиациясидан сақлаш, иссиқлик даражасини кўтарилиб кетишига қўл қўймаслик, хайвонларни зичлиги ва етарли даражада жой билан таoминланганлигининг хам роли катта. қиш

кунлари хоналарни совиб кетишдан сақлаш, хона иситкичларидан тўғри фойдаланиш, хаво намлигининг ошиб кетмаслигини назорат қилиб туриш ва захарли газларни вентеляциялар ёрдамида ташқарига чиқариб ташлаш ишлари, шунингдек етарли даражада ёруғлик билан таoминлаш хам мухим тадбирлардан хисобланади. Хайвон касалликларининг асосий белгилари Касалликка чалинган хайвонларни аниқлаш унчалик қийин бўлмасдан, биринчи галда уларнинг ташқи қиёфасидан билиш мумкин. Аввало, касал хайвоннинг иштахаси йўқолади, харакатчанлиги сусаяди, танасининг харорати кўтарилади, айрим вақтларда у қалтирайди, кўзидан ёш оқади, юрак уриши тезлашади. Айрим вақтларда ковш қайтарувчи хайвонлар ковш қайтармай қўяди. Баoзан улар нотинчланади, типирчилайди, қорни шишади, ичи суюқ кетади ёки аксинча ичи тўхтаб қолади. Йўтал хацвонни қийнайди ва қисқа вақт ичида у ориқлаб кетади. Сигирларнинг сути эса камаяди, сифати бузилади. Баoзан елинидан йиринг аралаш модда чиқади. Оёқ бўғинлари шишиб кетиши мумкин. Баoзан касалланган бўғоз хайвонларда бола ташлаш каби кўнгилсиз ходисалар содир бўлади. Баoзи бир касалликлар оқибатида хайвоннинг тана харорати пасаяди, юрак уриши сусаяди. Шунинг учун хам соғувчилар соғлом сигирларда тана харорати, юрак уриш тезлиги, нафас олиш нормаларини билиб олиш фойдалидир. Тананинг харорати ветеринар термометр ёрдамида ўлчанади. Хароратни ўлчашдан аввал термометр силкитилиб, вазилин суркалади ва хайвоннинг тўғри ичак тешигига тиқиб, унинг учини хайвон думига каноп билан боғлаб қўйилади. Орадан беш минут ўткач термометр олинади, артилади ва харорат даражаси аниқланилади. Фойдаланилган темометрлар тозалаб юқилади, артилади ва эхтиёжлик билан сақлаб қўйилади. Агар сигирларда тана харорати 37,5 дан 38,6 0 гача бўлса, уни нормал хисоблаш мумкин. Шунингдек, отларда 37,5-38,5 0 , туяларда 36-38,6 0 , қўй ва

эчкиларда 38,5-40 0 , чўчқаларда 38-40 0 , қуёнларда 38,5-39,7 0 , паррандаларда 40-43 0 бўлиши нормал хисобланади. Нафас олиш тезлиги хайвонларнинг бурун тешигига бармоқ учларини очиқ холда қўйиб, иккинчи қўлга секундомер ёки соатни олган холда хисобланади. Нафас олиш тезлиги минутига қорамолларда 10-30, отларда 8- 16, қўй-эчкиларда 16-30, чўчқаларда 15-20, товуқларда 15-30 марта бўлса, уни нормал хисоблаш мумкин. Бу хусусият айрим вақтларда хайвонларни ориқ-семизлигига ва тўқ ёки оч қолганлигига, шунингдек физиологик холатига боғлиқ бўлади. Юрак уриш тезлигини аниқлаш хайвонни қуйидаги нуқталаридан бирига бармоқ учини тегизган холда ўлчанади. Масалан, остки жағ артерия қон томиридан, думининг танага туташган қисмидан, яoни дус ости артериал ва веноз қон томирларидан, шунингдек олдинги оёқнинг туёққа яқин орқа томонидан юрак уриш тезлигини аниқлаш мумкин. Бунда сигирларда юрак уриш тезлиги минутига ўртача 40-80 та бўлса, уни нормал хисоблаш мумкин. Юқумсиз касалликлар Чорва хайвонларининг юқумсиз касалликлари асосан икки хил - ташқи ва ички бўлиши мумкин. Бу касалликлар кўпроқ чорвачилик ходимларининг эoтиборсизлиги, шунингдек хайвонларни озиқлантириш, сақлаш, асраш, парваришлаш, улардан тўғри фойдаланиш хамда зоогигиена қоидаларига риоя қилмаслик оқибатидан вужудга келади. Юқумсиз касалликларни шартли равишда икки турга бўлингани билан унинг давом этиши хайвон организмини жарохатлантиради, қийнайди, оздириб махсулдорлигини пасайтириб юборади. Чунки организм бир бутун бўлгани холда, унинг қайси бир органи жарохатланмасин уни таoсири сўзсиз организм бўйлаб тарқалади ва хайвонни умумий касалликка, организмнинг нормал функциясини ўзгаришга олиб келади. Юқумсиз касалликларни шартли равишда икки турга бўлингани билан унинг давом этиши хайвон организмини жарохатлантиради, қийнайди,

оздириб махсулдорлигини пасайтириб юборади. Чунки организм бир бутун бўлгани холда, унинг қайси бир органи жарохатланмасин уни таoсири сўзсиз организм бўйлаб тарқалади ва хайвонни умумий касалликка, организмнинг нормал функциясини ўзгаришга олиб келади. Ташқи касалликларга асосан, яралар, танани айрим ерларини қирилиб кетиши, юқумсиз тери касалликлари, кўз, оғиз, оёқ ва туёқ каби аoзоларни оғриғи киради. Чорвачилик фермаларидаги хар бир чорвадор бундай касалликларни олдини олиш ва уларга қарши кураш чораларини хамда барча тадбирларни ўз вақтида қўллай билиши мухим ахамиятга эга. Яралар, жарохатланиш натижасида теридан қон оқиши ва уни олдини олиш. Бунинг учун биринчи галда қон оқишини тўхтатиш керак. қиш вақтида муз ёки қорни тоза дока ёки рўмолга ўраб қон чиқаётган ерга тегизиб турилади. Бошқа пайтда докани муздек сувга ботириб, сувни сиқиб ташлаган холда ярага тегизилади. Агар қон оқиши кучли бўлса, у ер боғлаб қўйилади. Яраларни даволаш учун биринчи галда ветфелpдшерлар ва ветеринария враялари барча чораларни қўллашлари керак. Йилнинг иссиқ кунларида яраларга турли пашша ёки бошқа хашаротлар тухум қўймасликлари учун унга креолин, нафталин, иодоформен дориворлари суркаб қўйилади. Молларни майиб бўлиши. Моллар баoзан бир-бирини тепиб ёки сузиб майиб қилиб қўйишади. Жарохатланган ер ўз хусусиятига кўра даволанади. Бунда йод ёки айрим дезинфекцияловчи дорилардан фойдаланилади. Айрим вақтларда керак бўлса, иситкич компресслар - скипидир ва камфара мойларини қўллаш мумкин. Агар хайвон оёғи синса, у холда тезда ветеринария ёрдамини кўрсатиш талаб этилади. Бунда молни даволаш ва тузатиб юбориш иқтисодий жихатдан фойда бермайдиган бўлса, у холда мол сўйилади.

Юқумли касалликлар Касалликларга қарши кураш чоралари Юқумли касалликлар ўзларининг хусусиятига кўра инфекцион ва инвазион касалликларга бўлинади. Инвекцион касалликлар турли хил микроблар, замбуруғлар, вируслар ёрдамида тарқалади ва улар озиқ, хаво, яра ёки қирилган ердан организмга ўтиши мумкин. Инфекцион касалликларни тарқатувчи майда организмлар хайвон танасини тезда жарохатлайди ва нобуд бўлишига (агар унинг олди олинмаса) олиб келади. Айрим юқумли касалликлар тез тарқалиши ва қисқа вақт ичида бутун подадаги, хўжалик, район ва област миқёсидаги молларни нобуд қилишга олиб келиши билан жуда хавфли хисобланади. Шу сабабли бирорта хайвон касалланса, уни касаллик хусусиятига кўра соғлом моллар подасидан ажратиб олиш ва тезда даволаш тадбирларини амалга ошириш керак бўлади. Куйдирги. Бу касаллик тез тарқалиши ва одамга хам ўтиши мумкин. У тупроқ таркибида бир неча йиллар мобайнида ўз фаолиятини сақлаб қолади ва спораларни вужудга келтирувқчи микробларнинг организмга тушиши натижасида юз беради. Бу касаллик жуда тез пайдо бўлиши ва бир неча соат мобайнида хамма соғлом молларга юқиши билан характерли хисобланади. У турли усулда - озиқлар билан, қон сўрувчи хашоратлар ва сув орқали тарқалиши мумкин. Касалликнинг асосий белгилари қуйидагилардан иборат. Тананинг харорати кўтарилади, иштаха бўғилади, нафас олиш қийинлашади, букчайиб қолади ва хайвонда титроқ пайдо бўлади. Хайвоннинг танаси шишиб кетади ва нобуд бўлади. Бу касалликдан нобуд бўлган хайвон териси шилинмайди, чуқур ўртага кўмиб юборилади. Ўлмай қолган мол касалликка қарши эмланади ва барча эхтиёткорлик чоралари кўрилади. қорасон. Бу касаллик билан оғриган сигирнинг харорати кўтарилади, ўзи бўшашади, букчайиб қолади. Сон ва бошқа сергўшт ерлари шишиб кетади. Бу шишлар пайпаслаб кўрилса, ундан ғижиллаган овоз эшитилади.

Орадан ярим сутка ўтгач, шиш совийди, тери қаваради, лекин ўша ери оғримайди. Бу касалликдан кўплаб сигирлар нобуд бўлади. Ўлик хайвоннинг териси шилинмай чўқур кўмиб юборилади. Соғломлари эса касалликка қарши эмланади. Оқсим касаллиги. Бу тез тарқалувчи касаллик хисобланиб, одам организмини хам жарохатлаши мумкин. Оқсим касаллиги филpтрланувчи вируслар таoсиридан вужудга келади. Касалланган хайвоннинг харорати кўтарилади, оғзидан сўлай оқади, иштахаси йўқолади, тилида, милкида, елинида, оёқ терисини юза қисмларида ичи суюқлик билан тўлган пуфаклар пайдо бўлади. Баoзан оёқнинг туёққа туташган ерида хам жарохатланиш излари пайдо бўлиб, у хайвоннинг оқсоқ бўлишига олиб келади. Касал хайвон соғломларидан ажратиб қўйилади, карантин қилинади. Молхоналар формалин ва ўювчи натрий эритмаси билан дезинфекцияланади. Соғлом моллар касаликка қарши вакцина билан эмланади. қутириш. Хайвоннинг қутириш касаллиги одам учун хам жуда хавфли хисобланади. Уни филpтрланувчи виручлар келтириб чиқарадива касаллик хавон сўлаги орқали тарқалади. қутирган мол нобуд бўлади. Соғлом хайвонлар бу касалликка қарши эмланади. Касалликни олдини олиш учун дайди ит, мушук, сичқон каламушлар йўқотилади. Сил (туберкулёз). Бу касаллик микроби хайвондан одамга хам ўтиши мумкин. Касалликни тарқатувчи микроб “Кох таёқчаси” деб талади. Бу микроб организмдан ташқарида узоқ вақтгача хаётчанлигини йўқотмайди. Сил касаллигига чалинган сигирлар ориғлаб кетади, махсулоти пасаяди, нимжон бўлиб қолади. Касалланган сигирларнинг киприк ости қизаради, кўзида йиринг аралаш ёш оқиб туради. Касал сигирнинг сутидан қайнатилган ёки пастеризация қилинган холда фойдаланиш мумкин. Касалликни олдини олиш учун сигирлар тоза хавода кўпроқ яйратиб боқилади ва барча зоогигиеник тадбирларга риоя қилинади.

Инвазион касалликлар. Инвазион касалликларни қўзғатувчи организмлар турли хил паразитлар бўлиб, улар мураккаб биологик циклда ривожланиш хусусиятига эга. Инвазион касалликлар турига ва хусусиятларига кўра бир неча группага бўлинади. Масалан, қон паразити касалликлари (гемоспоридиозлар), гижжа касалликлари (гелpминтозлар) хамда қанотли хашаротлар (бўка) томонидан вужудга келтириладиган касалликлар шулар жумласидандир.

Адабиётлар : 1. Г.Г.Иванович; Б.П.Дмитриевич и др. Животноводство М. “Колос”, 1978. 2. С.Н.Вқшелескин; С.Н.Муровцев; Н.В.Лихачев и др. Частная Эпизоотология М. Селғхозгиз, 1978. 3. В.К.Игнатов. Практическое руководство по методике санитарино- гигиенических исследований Биомедгиз. М. 1975. 4. Э.Х.Эргашев; Ж.Ш.Ўопулатов. Паразитология “Укитувчи” Т. 1981. 5. Т.Х.Икромов. Чорвачилик. Т. “Мехнат” 1985. 6. Г.С.Нога. Шелководство. Т. “Укитувчи” 1986. 7. П.А.Коволев; А.А.Шевелева. Тут ипак курти уругчилиги ва селекцияси. УзССР. “Урта ва Олий мактаб” Давлат наришриёти. Т-1982. 8. А.Г.Авизов; Р.Х.Хамрокулов. Чорвачиликдан амалий машгулотлар. Тошкент- “Укитувчи” - 1980.

O'xshashlar

Чорва молларининг сут махсулдорлиги

Чорва молларини боқиш ва озиқлантириш

Чорва молларини боқиш ва озиқлантириш

Қишлоқ хўжалик хайвонларининг биологик хусусиятлари

Ҳайвонлар касаллигига мустахкамлик буйича селекция олиб бориш