Агрономик токсикологик асослари - Qishloq va o'rmon xo'jaligi - Referatlar

Агрономик токсикологик асослари

Yuklangan vaqt:

20.09.2019

Ko'chirishlar soni:

0

Hajmi:

49 KB

Ko'chirib olish

Агрономик токсикологик асослари Токсикология нима? - кенг маънода зарарли моддалар ва уларни тирик организмга кўрсатган таъсирини ўрганувчи фан (юнонча Toxicon - заҳар ва kolog - таълимот, ўрганиш демакдир). Унинг асосий мазмуни заҳарли моддалар туфайли организмда руй берадиган потологик жараённинг (заҳарланиш ходисаси) моҳиятини ўрганишдан иборат. Агрономик токсикология - токсикологиянинг бир бўлими бўлиб, қишлоқ хўжалигида ўрганиладиган, қўлланиладиган кимёвий моддаларни (пестицидларни) ўрганади. Агрономик токсикологиянинг асосий вазифаси пестицидлар синтезининг илмий асосларини яратиш, уларнинг инсон ва иссиқонли ҳайвонларга салбий таъсири бўлмайдиган юқори самарали усулларини қўллашни ишлаб чиқишдан иборат. 1. Заҳар деб бирон йўл билан жуда оз миқдорда организмга тушганда, уни заҳарланишига ёки ўлимга олиб келувчи моддаларга айтилади. «Заҳар» - шартли тушунча бўлиб хисобланади, чунки бир модданинг ўзи қўллаш усули ва шароитга караб, кўра бирон зарарли организмга нисбатан заҳарли ёки заҳарсиз бўла олади. Қишлоқ хўжалигида ишлатиладиган барча пестицидлар заҳар хисобланади, чунки улар фақат зарарли организмларнигина эмас, балки иссиқонли ҳайвонлар ва инсонларни ҳам заҳарлайди. Заҳарланиш - организмга заҳарли модда таъсир этганда организмнинг нормал ҳаёт фаолияти бузилишидир. Пестицидларнинг заҳарлиги (токсиклиги) ҳам турличадир. Токсиклик деб пестицидларнингорганизм ҳаёт фаолиятини канчалик издан чиқариб, заҳарлай олишга айтилади. Заҳарларнинг токсиклик таъсирини белгилаб берадиган асосий моддалардан бири дозадир.

Доза ёки дозировка деб организмга маълум бир таъсир, яъни маълум бир самара кўрсата оладиган пестицид миқдорига айтилади. Буларнинг масса бирликлари (грамм, милли грамм,кг). улчанади. Дозалар летал, сублетал ва бусага (порог) дозаларга булинади. Летал ёки ўлдирадиган доза бу организмни ўлимга олиб келадиган доза. Бу организмга таъсир этиб, унда қайта тиклаб бўлмайдиган ўзгаришлар ҳосил қилиши натижасида ўлимга олиб келадиган дозадир. Сублетал ёки заҳарли доза бу ҳам пестициднинг маълум бир кам миқдори бўлиб, унинг таъсирида организм заҳарланади, лекин бу заҳарланиш ўлим билан тугамайди. Порог ёки бусага дозаси деб, пестициднинг организм физиологик ҳолатларида жуда сезгир усуллардан фойдаланилганда қайд қилинадиган маълум ўзгаришларни келтириб чиқарувчи энг кам миқдорга айтилади. Порог доза таъсирида издан чиққан физиологик функциялар тез орада тикланиб, асл ҳолига қайтади. Турли пестцидларнинг бусага (порог) летел ёки сублетал дозаларни бири-бирига солиштириб кўриб, уша моддаларнинг канчалик заҳарлилигини белгиланади. Пестицидларнинг токсиклиги(заҳарлилиги), одатда ҳарфлар символи билан белгиланади: УД (ўлдирувчи доза), ЛД (летал доза), УК (ўлдирувчи концентрация) ва СД (самарали доза). Агар пестициднинг токсиклиги улган зарарли организмлар сонига кўра хисобланадиган бўлса, УД, УК, ЛД кўрсаткичларидан фойдаланилади. Масалан, УД 50 - бу тажриба учун олинганор организмларнинг 50% ини ўлдирадиган дозадир, УК 20 - тажриба учун олинган организмларнинг 20%ини оладиган пестицидлар концентрациясидир. Агар пестициднинг токсиклиги зарарли организмлар ҳаёт фаолияти алоҳида жараёнларининг ўзгариш даражасига (ўсишнинг тўхташи, баъзи реакцияларнинг пайдо бўлиши ва хакозо) кўра ифодаланса, унда СД кўрсаткич билан белгиланади. Алохида олингач бирон-бир ҳайвон, ҳарорат ёки ўсимлик учун пестициднинг самарали дозасини аниқлаш кийин, чунки ҳар бир организм

пестицидларга нисбатан (индивидуал) ўзига хос сезгирликка эга, шу сабабли пестицидларнинг токсиклиги уларнинг 50% самара бера оладиган дозаси билан белгиланади. Ўсимликлар ҳимоя қилиш амалиётида кўпинча пестицидлар дозасини «концентрация» ёки «сарфлаш» меъёрлари» терминлари билан чалкаштириб юборадилар, бу эса, албатта, нотўғридир. Зарарли организмларни йўқотишда қўлланиладиган ишчи таркибидаги (суспензиялар, эмульсиялар, дустлар, заҳарли емлар ва бошқалар) пестицид миқдори концентрация деб аталади. «Концентрация» атамаси, шунингдек хаводаги газсимон ёки буг шаклдаги пестицидларнинг миқдорини белгилашда кам ишлатилади. Концентрация фоиз, масса ёки хажм бирликларида ифодаланади/мг ёки г пестицид, 1л ёки 100 л эмульсия, суспензия ёки эритмада, мг ёки г пестицид 1кг ёки 100 кг дустда ёки заҳарли емда). Тажриба йўли билан аниқланган, илмий жиҳатдан асосланган пестицид ёки ишчи аралашманинг ишлаб чиқариш шароитида ўсимликларни ҳимоя қилиш учун тавсия этилган миқдори пестицидларнинг сарфлаш меъёри деб аталади. Сарфлаш меъёри г, кг ёки л ларда олинган пестицид ёки ишчи аралашмасининг қўлланиш учун мулжалланган юза (м 2 ,га) ёки қўллаш учун мулжалланган объектнинг хажм ёки масса (ц,т,м 3 ) бирликларига нисбати билан ифоланади. Пестицидларнинг заҳарлилиги зарарли организмларнинг морфологик тўзилиши, биологик хусусиятларига ва яна бошқа бир канча омилларга боғлиқдир. Кутикула ва унинг эпикутикула кавати мойларда эримайдиган моддаларнинг организмга киришига катта тусик бўлиб хизмат килади. Шунинг учун мойларда эримайдиган моддалар контакт таъсирига эга бўлмайди.

Мойлар (липоидларда) осон эрийдиган моддалар кутикуладан енгил ўта олади. Улар ҳашаротларнинг мой тукималарига сингиб, гемолимфа орқали бутун организм буйлаб таркалади. Хашоротлар организмга фумигантлар, асосан нафас олиш жараёнида трахеялар тизими орқали киради. Бунда ҳам ҳашаротлар ўзига хос ҳимоя реакциясини қайтаради, улар нафас олаётган хавода фумигант борлигини сезса, маълум вақтгача нафас олиш тешикчаларини беркитиб олади. Бу даврда траея тизимидаги захира кислород хисобига ҳаёт кечиради. Факат кислород захираси тугагач ва трахея тизими карбонат ангидридга тўйингунча, ҳашарот ўз нафас олиш тешикчаларини мажбуран очиб, хаводаги фумигантнинг организмга киришига йўл беради. Трахея тизими орқали заҳар гемолимфага ўтади ва бутун организмга таркалади. Пестицидларнинг токсиклиги (заҳарлиги) уларнинг кимёвий тузилиш хусусиятларига боғлиқдир. Пестицид молекуласидаги жуда кичик бир ўзгариш ҳам заҳарлиликни кескин ўзгаришига сабаб бўлади. Буни кўпгина мисолларда кўриш мумкин. Гексохлорциклогексаннинг техник препаратида II стереозимери бор бўлиб, улардан фақат гама изомери кучли инсектицидлик хоссасига эга. Пестицидларнинг заҳарлилигини асосий белгиловчи омиллар бу зараркунандаларнинг морфологик тузилиши, биологик хусусиятлари.

АДАБИЁТЛАР: 1. Ўзбекистон Республикаси 1998-2000 йиллардаги даврида қишлоқ хўжалиги иктисодий ислоҳотларни чукурлаштириш дастури, 1998. 2. А. В. Бондаренко - «Биологическая заҳита растений», Л. : «Колос». 1984. 3. В, В, Гулий в бошқалар - «Микробологичсекий метод борьбў с вреднўми насекомўми» 4. А. В. Бондаренко - «Практикум по биологический заҳите растений». Л. : 1978. 5. С. Н. Алимухамедов - «Гўза зараркунандалари ва уларга қарши кураш». - Т. : «Мехнат»1991. 6. С. Н. Алимухамедов - «Гўзани биологик усулда ҳимоя қилиш». - Т. «Мехнат»1996. 7. Н. В. Кандўбин - «Бактериальнўе средства борьбў с вреднўми насекомўми и грўзунами», 1989. 8. Ла Брег Смитт - «Генетическая метод борьбў с вреднўми насекомўмў»- М. »Колос». 1971. 9. Зашита растений ежемесячнўй теоретический и научно- производственнўй журнал» - М. »Агропромиздат», 1985-1999. 10. С, И. Алимухамедов, Б. П. Адашкевич ва бошқалар. «Биологическая заҳита хлопчатника» Изд. 2-е дополнение - Т, «Мехнат»1989. 11. А. А. Кравцов, Н. В. Голўшин - Справочник химических и биологических средств заҳитў растений». Агропромиздат», 1989. 12. Х.Ч. Бўриев, Ҳ.Ҳ.Кимсанбоев, Б.А.Сулаймонов «Энтомофагларни биолабораторияда кўпайтириш» Т.: «Ўқитувчи» 2000. 13. Список химических и биологических средств борьбў с вредителями, болезнями растений и сорняками разрешеннўх для применения в сельском хозяйстве Республики Узбекистан на 1998-2001. A

O'xshashlar

Зоогигиена асослари

Сабзавотчиликнинг биологик асослари

Уругчиликнинг назарий асослари

АЛТнинг принципал асослари

Ҳайвонлар селекциясининг назарий асослари