Психология фани, унинг предмети ва амалий соҳалари - Psixologiya - Referatlar

Психология фани, унинг предмети ва амалий соҳалари

Yuklangan vaqt:

20.09.2019

Ko'chirishlar soni:

0

Hajmi:

66 KB

Ko'chirib olish

Психология фани, унинг предмети ва амалий соҳалари Режа : 1. Психология тўғрисида умумий тушунча. 2. Психология фанининг предмети. 3. Психология фанининг тадқиқот методлари. 4. Психология фанининг асосий сохалари.

Инсон ташқи оламни билибгина қолмай унга нисбатан ўз ҳиссиётларини намоён эта олади, воқеликда ўзи ҳам иштирок этиб фаолият кўрсатади. Шу билан биргаликда ҳар бир инсон бир–биридан нима биландир ажралиб туради. Инсонга хос сезги, идрок, диққат, хотира, тафаккур, нутқ, тасаввур, ҳиссиёт, ирода–психик процессрлар ҳисобланиб, қизиқиш, қобилият, темперамент, ҳарактер шахснинг психик ҳусусиятлари дейилади. Маълум вақт давомида инсоннинг ғамгин ё қувноқ бўлиши психик ҳолат деб юритилади. Барча бу айтилган процесслар, шахс ҳусусиятлари ҳамда психик ҳолатлар бирлашиб инсоннинг ички дунёси, руҳий ҳолати–психикани ташкил этади. Инсонни руҳий ҳолатини ўрганадиган фан эса психология деб аталади. Психология юнонча сўз бўлиб, руҳга оид билим маъносини англатади. Психология фанининг вазифаси инсонни теварак–атрофдаги нарсаларни идрок қилиш процессини ўзига хос қонуниятларини ўрганиш билан бир қаторда психик фаолиятнинг механизмларини аниқлашдан иборатдир. Демак, психология фан сифатида психиканинг фактларини, қонуниятларини ва механизмларини ўрганади. Психология фанининг асосий предмети бу шахс, унинг ўзига хос хулқ-атвори ва фаолияти ҳисобланади. Психология шахс психикасида юзага келадиган ва намоён бўладиган психик жараёнларни, психик холатларни ва индивидуал психологик ҳусусиятларни ўрганувчи фандир. Психик процесс-жараёнлар сезги, идрок, хотира, тафаккур, нутқ, психик холатлар–ҳиссиёт, ирода, диққат, индивидуал– психологик ҳусусиятлар темперамент, ҳарактер, қобилиятлар ҳисобланади. Психология фанинг кенг қўлланиладиган методларидан бири кузатиш методи бўлиб, кишиларнинг ҳис–туйғулари, нерв системасининг ташқи ифодалари, индивидуал–психологик ҳусусиятлари ўрганилади. Кузатиш объектив(ташқи) ва субъектив (ўз–ўзини) турларига бўлинади. Инсон психикасидаги ўзгаришларни кузатиш учун қуйидагилар амалга оширилади: 1) кузатишнинг мақсади, вазифалари белгиланади;

2) кузатиш объекти танланади; 3) синалувчининг ёши, жинси аниқланади; 4) тадқиқот ўтказиш вақти режалаштирилади; 5) кузатиш қанча давом этиши қатъийлаштирилади; 6) кузатишнинг шакли (якка, гуруҳ) тайинланади; 7) кузатиш қайси фаолиятда амалга оширилиши (ўйин, ўқиш, меҳнат ёки спортда) тайинланади; 8) кузатишнинг қайд этиш воситалари (кундалик, магнитофон, суҳбат дафтари) танланади. Кузатувчи тадқиқот давомида тутган мавқеига кўра кузатиш биргаликдаги кузатув ва четдан кузатув турларига бўлинади. Психология фанида ўз–ўзини кузатиш (интроспекция)дан фойдаланилади. Кўпинча тажрибали психолог ёки ўқитувчи кузатиш орқали илмий хулоса чиқара билади. Лекин инсон турли вазиятда ўзини бир хил бошқара олмайди ва шунинг учун бу илмий аҳамияти катта эмас. Шу маънода кузатиш методининг қулай ва самарали жиҳатлари билан бирга заиф томонлари ҳам мавжуд. Инсоннинг мураккаб психикаси ўрганишда бошқа методлардан ҳам фойдаланамиз. Суҳбат методи. Инсон психикасини ўрганишда суҳбатнинг мақсади, вазифаси белгиланади. Ўрганилаётган мавзу, нарсага доир савол–жавоб тартиби тайёрланади. Суҳбат орқали турли ёшдаги одамларнинг ақли, қизиқиши, ҳулқ–атвори, дунёқараши, билими тўғрисидаги маълумотлар олинади, суҳбат давомида фикрлар мантиқий изчилликка эга бўлиши керак. Инсон шахсида юзага келадиган ва акс этадиган психик жараёнлар, психик холатлар ва индивидуал–психологик ҳусусиятларни ўрганиш ўзига хос мураккабликка эга эканлиги билан ажралиб туради. Психология фанининг тарихига назар ташласак, инсоният жамияти юзага келибдики, инсон шахси, унинг руҳи, қалби, ундаги жараёнлар, холатлар сингари масалалар қадимдан барча давр файласуфлари, донишмандлари, мутафаккирлари, олимларининг диққат марказида ўрганиш,

кузатиш ва фикр билдириш объекти бўлиб келган. Шунинг учун жуда кўп мутафаккирлар ишларида психологияга оид қарашларни кузатамиз. Ҳар қандай фан илмий фан сифатида тан олинишида эксперимент–тажриба муҳимдир. Бу жиҳатдан қараганда 1879 йили Лейпциг Университетида немис файласуфи, психологи Вильгельм Вундт томонидан очилган психологик лаборатория илмий психологиянинг асос солинишига негиз бўлди. Ҳар қандай фанда бўлгани каби психология фанида ҳам турли оқим, қараш ва ёндашишларни кузатамиз. Биологизаторлик назария тарафдорлари (Р.Адлер, К.Юнг) шахс ривожланишининг асосий омиллари сифатида ирсият, насл– насаб, туғмалилик, ген каби манбаларни олсалар, социалогизаторлик назарияси намоёндалари (Э.Фромм, А.Леонтьев) эса шахс ривожланишида ижтимоий омилларни: таълим, тарбия, муҳит кабиларни аҳамиятлилик даражасини биринчи ўринга қўядилар. Фрейдизм, неофрейдизм йўналишлари онг остини ўрганса, бихеиоризм (Б.Уотсон, Торндайк) инсон ҳулқини олдинга қўяди. Шунингдек психологияда гештальд, ассоционизм, психоанализ, когнитивизм каби оқимлар мавжудки, ҳар бири шахс фаоллиги, ривожланишида нимадир илгари суради. Ҳар қандай фан бошқа фанлардан фақатгина предмети, пайдо бўлиш тарихи билангина эмас, балки маълумотларни жамлаш, у ёки бу ғояни исботлаш учун қўлланиладиган услублари билан ажралиб туради. Услублар мукаммаллиги аслида назарий тараққиётни, фан тараққиётини белгиловчи асосий омилдир. Тест методи. Тест инглизча сўз бўлиб, синаш, текшириш демакдир. Тест қисқача синов усули бўлиб, тестларни қўллашнинг қулайлик томони тест ёрдамида бир объектнинг у ёки бу ҳусусиятларини бир неча марта, такрор синаб мумкин. Шуни қайд этиш лозимки, ҳар бир тестнинг ўз калити бўлади. Анкета методи ҳаммага таниш метод бўлиб, унга киритилган саволларга кўра анкета очиқ ва ёпиқ турларга бўлинади. Очиқ анкета синалувчи ўз фикрини билганча баён этишини талаб этади. Ёпиқ анкета саволларига синалувчи ўзига маъқул жавобини белгилаши мумкин. Анкета уч қисмдан

иборат бўлади: кириш қисми–бунда йўриқнома берилган бўлади; асосий қисм–бунда оддийдан мураккабга қараб саволлар келтирилган бўлади; якуний қисм–бунда синалувчи тўғрисидаги маълумот учун “паспортичка” белгиланади. Тажриба методи. Тажриба методи икки турли: табиий ва лаборатория турларига бўлинади. Табиий шароитда инсон психикасини ўрганишда синалувчи тадқиқотдан бехабар бўлиши керак. Лаборатория методи кўпинча индивидуал шаклда синалувчилардан яширмай, маҳсус психологик асбоблар, тавсиялар, иловалардан фойдаланиб олиб борилади. Тажриба аниқловчи, таркиб топтирувчи, текшириш қисмларига бўлинади. Аниқловчи тажрибада психик ҳусусият, жараён, холат, ўйин, меҳнат, ўқиш каби фаолиятда тадқиқ этилади. Таркиб топтирувчи тажрибада синалувчиларда бирор фазилатни шакллантириш режалаштирилади. Текшириш тажрибасида шакллантирилган фазилат ўлчанади. Психология фанида шунингдек биография (таржимаи ҳол), ҳужжатларни ўрганиш, контент–анализ, сўроқ, интервью, социометрия методларидан ҳам кенг фойдаланилади. Ҳозирги даврга келиб психологияни инсон шахси ҳақидаги энг муҳим фанлардан бири сифатидаги аҳамиятини ҳамма тан олмоқда. Инсон шахсининг эса бевосита кириб бормаган соҳасини топиш қийин. Психология иқтисод, педагогика, фалсафа, мантиқ социология ва бошқа ижтимоий– гуманитар фанлар билан алоқадор ҳисобланади. Чунки ҳамма соҳада инсон шахси фаолият кўрсатар экан, ҳар соҳада ишни самарали ташкил этиш, олиб бориш учун кишилар психологиясини, шахслараро муносабатлар психологиясини, одамлардан турли вазиятлардаги ҳулқ–атвор нормаларини билиш ва шунга кўра иш олиб бориш муҳимдир. Шунинг учун иқтисод, педагогика фанлари соҳалари мутаҳассислари психологик билимлардан бохабар бўлишлари лозимдир.

Психологиянинг 300 дан ортиқ тармоқлари фан сифатида ривожланаётганлиги ҳозирги кунда психологиянинг фанлар тизимида ўрни янада мустаҳкамлашаётганлигидан далолат беради: -умумий психология–психологиянинг барча масалаларининг ўзига ҳос жиҳатларини ўрганадиган маҳсус соҳаси; -педагогик психология–кишини таълим ва тарбия беришни психологик қонуниятларини ўрганишни ўз предмети деб билади; -ёш даври психология–турли ёшдаги одамларнинг туғилганидан умрининг охиригача психик ривожланиш жараёнини, шахснинг шаклланиши ва ўзаро муносабатлари қонуниятларини ўрганади; -ижтимоий психология–одамларнинг жамиятдаги биргаликдаги иш фаолиятлари натижасида уларда ҳосил бўладиган тасаввурлар, фикрлар, эътиқодлар, ҳиссий кечинмалар ва ҳулқ–атворларини ўрганади; -меҳнат психологияси–киши меҳнат фаолияти психологик ҳусусиятларини, меҳнат илмий асосда ташкил этишнинг психологик жиҳатларини ўрганади; -инженерлик психологияси–автоматлаштирилган бошқарув системалари операторнинг фаолиятини, одам–техника ўртасида функцияларни тақсимлаш ва мувофиқлаштиришнинг ҳусусиятларини ўрганади; -юридик психология–хуқуқ системасининг амал қилиши билан боғлиқ масалаларнинг психологик асосларини ўрганади; -ҳарбий психология–кишининг ҳарбий ҳаракатлар шароитида намоён бўладиган ҳулқ–атворини, бошлиқлар билан ижро этувчилар ўртасидаги муносабатларнинг психологик жиҳатларини ўрганади; -савдо психологияси–жамиятда тижоратнинг психологик шароитлари, эҳтиёжнинг индивидуал, ёшга оид, жинсга оид ҳусусиятларини, харидорга хизмат кўрсатишнинг психологик омилларини аниқлайди, модалар психологияси каби масалаларни кўради; -тиббиёт психологияси–шифокор фаолияти психологиясини, бемор ҳулқ–атворининг психологик жиҳатларини ўрганади.

Шунингдек психологияда этнопсихология, оилавий ҳаёт психологияси, бошқарув психологияси, ташкилий ҳулқ психологияси, шахс психологияси, раҳбар психологияси, психодиагностика ва бошқа кўплаб соҳалари мавжуд. Психологиянинг тадбиқий ва амалий соҳалари ҳақида тўхталсак, қўйидаги йирик соҳаларга ажратиш мумкин: -саноат ва бошқарув соҳалари психологияси; -шахсни ижтимоий гуруҳлардаги муносабатларининг психологияси; -оила ва никоҳ борасидаги тадбиқий ишлар; -мактаб ва ижтимоий соҳага психологик ёрдам ишлари;

Адабиётлар 1. Умумий психология. Т.: Ўқитувчи, 1992. – 512 с. 2. Немов Р.С. Психология Кн. М.: Просве щ ение – 1994. – 576 с. 3. Ғозиев Э. Психология. Т.: Ўқитувчи, 1994 – 300 б. 4. Климов Е.А. Основ ы психологии. Учеб. М.: ЮНИТИ, 1997. – 295 с. 5. Годфруа Ж. Что такое психология. Т. М.: Мир. 1992 – 496 с. 6. Каримова В.М. “Ижтимоий психология асослари” Т. 2004й. 7. Ғозиев Э. “Шахс психологияси” Т. 2004й. 8. www.ziyonet.uz

O'xshashlar

Махсус психология фани ва унинг вазифалари

Махсус психология фани ва унинг вазифалари

Экспериментал психология предмети

Психология предмети, максади ва вазифаси

Ижтимоий психология предмети ва тадқиқот методлари