Miya va psixika - Psixologiya - Referatlar

Miya va psixika

Yuklangan vaqt:

20.09.2019

Ko'chirishlar soni:

0

Hajmi:

60 KB

Ko'chirib olish

Miya va psixika Reja : 1. Psixika miyaning maxsuli sifatida 2. Neyron haqida tushuncha 3. Markaziy nerv tizimi 4. Pereferik nerv tizimi 5. Vegetativ nerv tizimi 6. Bosh miya yarim sharlarining assimetriyasi

Psixikaning reflektor tabiati, xususiyati to`g`risida mulohaza yuritilganda rus olimi I. M.Sechenov va uning shogirdlari tomoni-danto`plangan materiallar tasavvur etiladi. I.M.Sechenovning«Bosh miya reflekslari» nomli asarida qat`iy ravishda fikr bildirishi-cha, «ong va ongsiz hayotning barcha harakatlari ro`y berish usuliga ko`ra reflekslardan iboratdir». Psixik hodisa sifatida ongning harakati tanasiz ruhning xususiyatiga emas, balki tadqiqotchining mulohazasiga qaraganda, ro`y berish, vujudga kelish usuliga, tuzilishiga binoan refleksga o`xshash xislatga ega bo`lgan jarayondir. Shun-dan kelib chiqqan holda fikr yanada rivojlantirilsa, psixik (ru-hiy) hodisa insonning shaxsiy goyalarini, hissiy kechinmalarini, sezgi va idrok jarayonlarini o`zi kuzatish jarayonida aks etuvchi vo-qelikdangina iborat emas. Balki u refleks singari tashqi qo`zg`atuv- chilarningta`sirini va unga javoban bildiriladigan harakat reak-siyasini ham o`zida mujassamlashtiradi. Ma`lumki, I.M. Sechenov-gacha bo`lgan psixologik, fiziologik nazariyalarda insonning ongida obrazlar, tasavvurlar, mulohazalar, g`oyalar tarzida in`ikos (aks) et-tiriluvchi hodisalarni psixologiya fanining predmeti sifatidatan olinar edi. Lekin bu psixologik voqelik Sechenov tomonidan orga-nizmning muhit bilan o`zaro ta`sir harakatining alohida shaklidan iborat ekanligi, psixologik yaxlit jarayonning ayrim holatlari, uning lahzalari tariqasi gushuntirildi. Psixologiyada tan olib ke-linayotgan psixik jarayonlar ongning ichida tugiladi va uning ichida yakunlanadi, degan g`oya I. M. Sechenov tomonidan inkor qilinadi, asossiz da`vo ekanligi ta`kidlanadi. I.M. Sechenovningfikricha, psixik hodisa bus-butun (yaxlit) ref-lektor harakat tufayli yuzaga keluvchi va uning mahsuli bo`lishi bilan birga ham vujudga kelmagan, lekin ta`sir o`tkazish ehtimoli mavjud kutilmadan boxabar qiluvchi omil funksiyasini ham bajara-di, ya`ni ilgarilab ketuvchi bashorat vazifasini ijro etadi. Bunday dadil ilmiy mushohadalar psixik jarayonlar umuman qanday rol o`ynashi mumkinligi, ularning o`rni to`g`risida tasavvurga ega bo`lish uchun moddiy negizni vujudga keltiradi. Psixik jarayonlar orga-nizmda signal va boshqaruv

(regulyativ) funksiyasini ijro etib, o`zgaruvchan shart-sharoitlarga harakatni moslashtiradi, shuningdek, maz-kur daqiqada yuqori samaraga erishishni ta`minlaydi. Psixik ja-rayon miyaning bo`lmalari (tarkibiy qismlari) funksiyasi tariqasi-da tashqi olam (borliq) to`g`risidagi axborotning qabul qilinishi, saqlanishi, qayta ishlanishini o`zida mujassamlashtiruvchi javob faoliyatining idora qiluvchisi hisoblanadi. Shuning uchun odamlarning bilimlari borliqto`g`risidagi tasavvurlari, shaxsning shaxsiy tajribalarining yig`indisi (majmuasi) reflektor harakat tarkibiga kiradi. Shunday qilib, psixikhodisalardeganda miyaningtashqi (qurshab turgan olam) va ichki (fiziologik tizimdagi organizmning holati) ta`sirlarga javobini tushunmoq kerak. Boshqacha so`z bilan aytganda, psixik hodisalar: birinchidan, bu faoliyatning favqulod-data`sir etayotgan (sezgirlar, idrok), ikkinchidan, o`tmish tajribada (xotira) aks etgan qo`zg`atuvchiga javob tarzida ro`yobga chiqadigan, mazkur ta`sirni umumlashtiradigan, uchinchidan, pirovard natijalarni (tafakkur. xayol) oldindan payqashga yordam beradigan, to`rtinchidan, monoton ta`sirotlar oqibatida faoliyatni (his-tuyg`u, iroda) kuchay- tiradigan yoki susaytiradigan, beshinchidan, umuman faollashtirib yuboradigan, o`zgacha ta`sirotlar natijasida uni tormozlaydigan, oltinchidan, shaxs xulq- atvoridagi (temperament, xarakter va hoka-zolar) tafovutlarni aniklaydigan doimiy regulyatorlari (idora qiluvchilari)dir. Shuni ta`kidlab o`tish joizki, I. M. Sechenov psixikaning ref-lektorligi va faoliyatning psixik jihatdan boshqarilishi ta`li-motini xaspo`shlab berdi. Bu ilg`or g`oya, muhim ta`limot, nazariya rus olimi I.P.Pavlov (1849—1936) tomonidan eksperimental tasdiq-landi va xususiy holatlarda keng ko`lamda yaqqollashtirildi. I.P. Pavlov ham odamlarning, ham hayvonlarning tashqi muhit bilan o`zaro harakati miya bilan boshqarilishi qonuniyatini ochgan edi. Uning mazkur qonuniyatlarga taalluqli qarashlari yig`indisi bi-rinchi va ikkinchi signallar tizimi to`g`risidagi ta`limot tariqasi-da fan olamida arzigulik mavqe egalladi. Tevarak-atrof muhitidagi narsa va hodisalarning ko`rinishi, eshitilishi, hid tarqatishi, tovlanishi, yengil yoki og`irligi, qattiq yoki yumshoqligi kabilar

hayvonlar uchun shartsiz qo`zgatuvchi signal bo`lib xizmat qiladi, keyinchalik ular shartli refleksga aylanishi mumkin. Hayvonlar o`z xatti-harakatlarida, I.P. Pavlovta`biri bilan aytganda, birinchi signal sistemasining signallari («birinchi signallar»)ga rioya etadilar. Binobarin, ularning psixik faoliyati birinchi signallar sistemasi bosqichida amalga oshadi va unga uz-luksiz ravishda amal qiladi. Inson faoliyati va xulq-atvori uchun ham birinchi signal sistemasining signallari (yaqqol, tasavvurlar, timsollar, obrazlar) ularni boshqarishi, yo`naltirishi, harakatlan-tirishi faollashtirishda muhim ahamiyat kasb etadi. Masalan, yo`l (ko`cha) qoidalari, avtomobil, elektrovoz signallari, xavf-xatar belgilari shaxs uchun muhim rol o`ynaydi. Shuni unutmaslik kerak-ki, insonning xulq-atvorini signal qo`zg`atuvchilar mexanik ravish-da boshqarmaydi, balki mazkur qo`zg`atuvchilarning miyaga o`rnashib qolgan timsollari, ya`ni signallari boshqarib turadi. Muayyan timsolga ega bo`lgan timsollar narsa va hodisalar to`grisida signal jo`natadi, buning natijasida insonning xatti-harakatini boshqarib turadi. Odamlarda hayvonlardan farqli o`laroq, birinchi signallar sis-temasi bilan bir qatorda ikkinchi signallar sistemasi ham mavjud. dir. Ikkinchi signallar sistemasining signallari odamlar tomo-nidan talaffuz etilgan, kabul qilingan, eshitilgan, o`qilgan tu-shunchalar va so`zlardan («ikkinchi signallari»dan) tashkil topadi. Odatda, birinchi signallar sistemasiningsignallari timsoliy sig-nallar, o`z navbatida so`zlar bilan almashtiriladi, uzatiladi. So`z birinchi signallar sistemasi signallari o`rnini bosishi, umumlash-tirishi va ular vujudga keltiradigan jamiki xatti-harakatlarni amalga oshirishi mumkin. Signalning kuzatuvchilari bilan ularning miyada so`zlarning mazmuni, mohiyati, ma`nosi tarzida mujassamla- shuvini o`zaro tafovutlash maqsadga muvofiq. Mabodo, so`zning ma`-nosi shaxsga tanish bo`lsa, u holda uning xulq-atvorini boshqara ola-di, tabiiy yoki ijtimoiy muhitga moslashuvini ta`minlashga yordam ko`rsatadi. Agarda so`zning ma`nosi notanish bo`lsa, u odamga faqat birinchi signallar sistemasining signallari tarzida

ta`sir o`tka-zadi yoinki shaxs uchun mutlaqo qiymatsiz, ahamiyatsiz narsaga ayla- nib qoladi. Yuqoridagi mulohazalardan kelib chiqqan holda psixika obyektiv borliqning subyektiv obrazining voqelik tarzida miyada aks etishi deb baholash mumkin. Psixikani aks ettirish imkoniyatini to`g`ri, oqilonatalqin qilish uchun bilish nazariyasi, bilish manbalari, shakllari, uslublari, haqiqatni o`lchash mezonlari, vositalari, yo`llari kabilarga ilmiy yondashish lozim. Psixikani o`rganishda obyekt bilan subyektning ham-korlikdagi xatti-harakatini hisobga olish shaxsning borliq to`g`ri-sidagi bilimlarining chinligi (haqiqatligi), in`ikosning o`xshash-ligi muammolar yechimini topishga puxta negiz hozirlaydi. Psixologiya fani psixikani o`rganishningtadqiqot metodlariga, yaqqol vazifalariga, izlanishningrang-barang mavzulariga ega bo`lib, vaziyat va shart- sharoitdan kelib chiqqan holda ularga murojaat qiladi. Psixologiya fani ta`sir ko`rsatuvchi (o`tkazuvchi) obyektlari hisob-lanmish subyektning ichki psixik (ruhiy) holatiga, shuningdek, tashqi taassurotlar natijasida vujudga keladigan o`zgarishlar jarayon si-fatida qay yo`sinda kechishini tekshiradi. Psixologiya aks ettiri-luvchi narsa va hodisalarning in`ikos jarayoniga aylanish mexanizm-larini, subyektning o`z faoliyatini rejalashtirishni, nazorat qilish-ni, boshqarishni tadqiqot etadi. Psixika faollik xususiyatiga ega bo`lib, u mayllarda, maqbul yechim-ni qidirishda, xatti-harakat variantlari ehtimolligini xayoldan o`tkazishda, undashda, turtkilarda o`z ifodasini topadi. Xuddi shu bois psixik aks ettirish (in`ikos) sust narsa emas, balki u harakat, xatti-harakat, ta`sir, o`zaro ta`sir kabilarni tanlash, qiyoslash, izlash, ajratish bilan bevosita aloqador shaxs faoliyatining muhim jabhasi sanaladi. Hozirgi zamon psixologiyasida faoliyat, jarayon va xulq-atvor-ning faol boshqarilishi teskari aloqa apparatining ishlashini taqozo etadi (P.K.Anoxin, A.N.Bernshteyn va boshqalar). Teskari aloqa tushunchasi kibernetika, fiziologiya,

psixologiya fanlarida keng ko`lamda qo`llanilib kelinmokda. Teskari aloqa psixologiya bilan fiziologiya fanlarida har bir javob harakati hal qilinayotgan va- zifa (muammo) miyada baholanilishi tushuniladi. P.K.Anoxin nuq-tai nazaricha, organizmda muayyan sikl bilan ish bajaruvchi yaxlit sistema mavjud. Mazkur sistemada markazdan javob harakatiga buy-ruqberilishining birorta ham lahzasi teskari yo`nalishda (perife-riyadan markazga qarab) harakatning natijasi haqida zudlik bilan axborog (teskari aloqa) yuborilmaguncha tugallanmaydi. Teskari aloqa apparati (sistemasi) yordami bilan organizm o`z harakatining nati-jasini obraz (timsol) bilan taqqoslab ko`radi. A.N.Bernshteyn tal-qinicha, natijaga nisbatan obraz oldinroq paydo bo`ladi, voqelik-ning o`ziga xos modeli tarzida uning yuz berishi to`g`risida oldindan (ilgarilab ketib) axborot, xabar, ma`lumot beradi («bashorat ehti-molligi» nazariyasi). P.K.Anoxin va A.N.Bernshteyn nazariyalariga asoslangan holda psixikaning mavjudligi harakatning izchil dasturini (programma-sini) tuzish, oldiniga ichki rejada ish bajarish, xulq-atvordagi ehtimol ko`rinishlarini tanlash, bosqichlarini amalga oshirish tu-fayli harakat qilish imkoni tug`iladi. Tabiatshunos olimlarning mulohazalaricha, biologik evolyutsiya jarayonida shaxs psixikasi xulq-atvorni boshqarishning alohida ap-parati tarzida paydo bo`ladi, sifat jihatidan o`zgarib boradi. Ij-timoiy muhit, shaxslararo munosabat, jamoaviy, oilaviy turmush (hayot) krnunlari, qonuniyatlari ta`siri ostida odamlar shaxsga ay-lana boshlaydi (ijtimoiylashuv natijasida), ularning har birida mikromuhitning, kamol topgan tarixiy sharoitning izlari o`z aksi-ni qoldiradi. Umumiylik (etnik) bilan xususiylik (shaxslilik) o`rtasida o`zaro uyg`unlik hukm sursa-da, lekin alohida olingan insonningxulq-atvori, xatti-harakatlari shaxsiy xususiyat kasb etadi. Yuqorida yuritilgan mulohazalardan kelib chiqqan holda psixo-logiya faniga ta`rif berish mumkin. Psixologiya — voqelikning miyada obraz tarzida yuzaga keltiruvchi psixik omillar, jarayonlar, holatlar, qonuniyatlar, xossalar, vaziyatlar, xislatlar, fazilatlar, mexanizmlar to`g`risidagi fandir. Insonning shaxsiy

xususiyatga ega bo`lgan xulq-atvori va faoliyati voqelikning miyadagi obrazlar yordami bilan boshqarilib turadi. Psixikaninng moddiy asoslari to`grisida fikr yuritilganda, eng avvalo, u miyaning xususiyati ekanligini ta`kid etish joiz. Bilish jarayonlari to`grisida gap ketganida, albatta sezgi, fikr, ong kabilar maxsus ravishda tashkil topgan materiyaning oliy mahsuli ekanligi-ni uqtirish maqsadga muvofiqdir. Organizmning psixik faoliyati tananing ko`p miqdordagi a`zolarining yordami bilan ishga tushadi. A`zolarning ba`zi birlari ta`sirotlarni qabul qilsa, boshqalari ularni signallarga aylantiradi, xatti-harakatlarning rejasini tu-zadi hamda uning amalga oshishini nazorat qiladi. Shuningdek, ularningbir guruhi xatti-harakatga kuch-quvvat, gayrat, shijoat baxsh eta-di, yana bir turi esa mushaklarni, paylarni harakatlantiradi. Mana shunday murakkab funkpiyaning yigindisi (majmuasi) organizmning tashqi muhitga moslashuvini, unga muvofiqlashuvini, hayotiy vazifa-lar ijro etilishini, bajarilishini ta`minlaydi. Organik olamning mikroorganizmdan to insonga qadar bir necha o`n million yil davom etgan evolyutsiyasi davomida xaggi-harakat-larning, xulq-atvorning fiziologik mexanizmlari uzluksiz ravish-da murakkablashib, tabaqalanib, buning oqibatida organizm muhit-ningo`zgarishlarigatez reaksiya qiluvchan, moslashuvchan xususiyat kasb etib borgan. Jumladan, bir hujayrali amyobaning hayot kechirishi uning ozuqa qidirish imkoniyati, o`z hayotini muhofaza qilish qobiliyati muayyan darajada cheklangandir. Undagi yolg`iz hujayraning o`zi ham sezuvchi, ham harakatlanuvchi, ham ovqat hazm qiluvchi vazifalarni ijro eta-di. Murakkab tuzilishga ega bo`lgan hayvonlarda a`zolarning ixti-soslashuvi ozuqani ko`rish, uni farqlash, xavf-xatarni tez sezish, aniq mo`ljal olish imkoniyatini beradi. Ixtisoslashuvning asosiy funksiyasi signallarni idrok qilishdan iborat hujayralarning vujudga kelishida o`z aksini topadi. Mazkur hujapralar retseptor deb nomlanmish hujayralar turkumini yuzaga keltiradi. Hujamra-larning boshqalari mushak to`qimalari ishini, bezlarning shira aj-ratishini nazorat qiladi. Bunday

hujayralar effektorlar deyila-di. Ixtisoslashuv a`zolarni hamda funksiyalarni bir- biridan aj-ratadi. Organizmning asosiy boshqaruv imkoniyati yaxlit narsa si-fatida harakat qiladigan markaziy nerv sistemasi vositasi bilan erishiladi. Nerv sistemasining asosiy unsurlari nerv hujayralari (ney-ronlar) hisoblanib, ularning funksiyasi qo`zgatishdir. Neyron hujayra tanachasidan, dendritdan, aksondan tashkil topadi. Marka-ziy nerv sistemasi bosh miya va orqa miyadan iborat. Hozirgi zamon fanining ko`rsatishicha, orqa miya va miya naychasi reflektor faoliyatining tugma (shartsiz reflekslar) qisoblangan shakllarni amalga oshiradi, katta yarim sharlarning qobig`i esa hayot-da orttirilgan, psixika yordami bilan boshqariladigan xulq-atvor shakllarining organi sanalanadi. Miya katta yarim sharlari faoliyatining umumiy qonunlari I.P.Pavlov tomonidan kashf etilgan. Hozirgi zamon fiziologiyasi ma`lumotiga qaraganda, miyada hosil bo`ladigan to`lqinlar turli chas-totadagi elektromagnittebranishlariga o`xshab ketadi. Miyada elekt-roensefalogramma ko`rinishdagi kuchaytirgich yordamida yozib olish mumkin bo`lgan elektr toklari paydo bo`lishining kashf etilishi muhim ahamiyatga ega. Chunki kosmonavt miyasining biotoklari yozuvi uning markaziy nerv sistemasida yuz beradigan o`zgarishlar ko`rsat-kichi bo`lib xizmat qiladi. Odamning psixik hayotida katta yarim sharlar qobigi sirtining peshana qismlari alohida rol o`ynaydi. Psixik funksiyalar muay-yan tarzda chap va o`ng yarim sharlar o`rtasida taqsimlanishi chuqur o`rganilgan. Ma`lumki, psixikaning mazmuni tirik mavjudot o`zaro mu-nosabatda bo`ladigan tashqi olam bilan belgilanadi. Shuning uchun tashqi olam inson miyasi uchun shunchaki oddiy biologik muhit emas, balki odamlar tomonidan ularning ijtimopy-tarixiy taraqqpyot davomida yaratilgan hodisalar olami hamdir. Psixik va nerv-fiziologik jarayonlarning o`zaro munosabati ma-salasi murakkab muammolardan hisoblanadi. Psixikaning o`ziga xos xususiyatlari nerv-

fiziologik xususiyatlaridan qanday muhim bel-gilari bilan farqlanishini aniqlash katta ahamiyatga ega. Agarda mazkur o`ziga xoslik mavjud bo`lmaganida edi, u holda psixologiya mustaqil bilim sohasi sifatida tadqiq etilishi ham mumkin emas edi. Psixik jarayonlar o`zida ichki, fiziologik jarayonlarning emas. balki tashqi obyektlarning tavsifini mujassamlashtiradi. Psixika — bu yuksak darajada tashkil topgan materiyaning siste-mali xossasi (xususiyati), subyekttomonidan obyektivborliqni faol aks ettirish, mazkur borliq manzaralarpni subyekt o`zidan uzoqpash-tirmay ifodalashi, xuddi shu asnoda o`z xulqini va faoliyatini shaxsan boshqarishdir. Psixikada o`tmishning, hozirgi davr va kelasi zamonning hodisalari ifodalangan, tartibga solingandir. O`tmish hodisalari inson xotirasida mujassamlashib, shaxsiy tajribalarda namoyon bo`ladi. Hozirgi zamon akliy jarayonlar, hissiy kechinma-lar, obrazlar va tasavvurlar majmuasida ifodalanadi. Kelajak esa turtkilarda, maqsad, ezgu niyatlarda, shuningdek, fantaziya, vijdon azobi, armon va tushlarda aks etadi. Inson psixikasi ham anglanil-magan, ham anglanilgan xususiyatga ega bo`lib, anglanilmagan psixika o`z navbatida hayvon psixikasidan sifat jihatidan keskin tafovut-ga va ustuvorlikka ega. Tashqi obyektlarning psixika shaklida maxsus tana a`zolari qurilmasining faol va ilgarilab in`ikos etishi sharofati bilan mazkur obyektlarning xususiyatiga mutlaqo mutanosib harakatlarni amalga oshirish imkoniyati yuzaga keladi. Shu bilan birga psixika-ning vaziyat ustuvorligi va qidiruv faolligi tufayli organizm- ning tarkiblari o`rtasida yashash uchun kurash ro`yobga chiqadi. Xuddi shu boisdan psixikani aniklovchi asosiy belgilari mav-juddir: predmet muhiti obrazini aks ettirish, tirik tana a`zola-rini harakat qilish, ularning mazkur muhitda oriyentatsiyasi, u bilan aloqaga kirishish ehtiyojidan qoniqish, to`g`ri aloqalar geskari aloqa qilish prinsipi bo`yicha aks ettirish to`g`riligini nazorat qilish kabilar. Insonning nazorat instansiyasi sifatida ijtimo-iy amaliyot xizmat qiladi. Teskari aloqa sharofati tufayli obraz bilan harakat natijasini taqqoslash amalga oshiriladi, paydo bo`luv-chi holat bu natijasidan oldinroq sodir bo`ladi,

chunki u borliq-ning o`ziga xos modeli sifatida yuzaga kelish imkoniyatiga ega. Gene-tik kelib chiqishiga binoan, psixika o`zining reflektor tipiga va tarixiga ega bo`lgan alohida siklli tizim sifatida ro`yobga chiqqan. Refleyuorlik organizm hayotining obyektiv sharoitlari birlamchi-ligini bildiradi. Idrok qilinuvchi mazkur tizimning tarkibiy qismlari ijro etuvchanligi, harakatlarning maqsadga yo`nalganli- giga, obraz ta`siriga «teskari» qonuniy o`tish jarayoni hisoblanadi. Psixikaning reflektor tabiatining birinchi shunday ilmiy talqi-ni rus fiziologi I.M.Sechenovtomonidan amalga oshirilgan bo`lib, bir qancha asrlar davomida psixika alohida tanasiz narsa, uni hara-katga keltiruvchi, uni nerv jarayoni bilan almashtiruvchi, unga teng-lashtiruvchi mexanik materialistik yo`nalishga kuchli zarba edi. Psixikaning faolligi reallik bilan bevosita muloqotga kiri-shish jarayonida namoyon bo`ladi, chunki nerv apparatlarida harakat-lanuvchi fizikaviy, kimyoviy qo`zg`atuvchilarni qayta qurish ko`zda tutildi. Qo`zg`ovchilarda, ularningdoirasidagi xatti-harakatlarga kuch-quvvat beruvchi, uzluksiz ravishda intiluvchi, xulq-atvor dasturi ba-jarilishini ta`minlovchi, unga qidiruv jarayoni va variantlar tan-lashni o`zida qamrab oluvchi faollikning xususiyatlaridir. Psixika biologik evolyutsiyaning ma`lum bir bosqichida vujudga kelgan bo`lib, uning o`zi omillarning biri sifatida organizmni ularning yashash sharoitiga tobora kuchayib boruvchi moslashuvni ta`minlab turadi. Psixikaning insonda paydo bo`lishi sifat jihatdan mutlaqo yangi tuzilishga ega, chunki u ijtimoiy-tarixiy taraqqiyotning qonuniyat-lari bilan shartlangandir. Faoliyat regulyatsiyasining yuksak dara-jasi sifatida ong vujudga keladi, psixika faolligining yuksak ko`rinishi manbai tariqasida esa shaxs shakllanadi. Bizningcha, metodologik nuqtai nazardan psixika tahlil qilin-ganda, albatta biosferik va neosferik aloqalar natijalari, ularning ta`sirchanlik kuchi, vaziyat, muhit hamda holatlar (hodisalar) fazoviy joylashuvi, «sun`iy miya»ning vujudga kelishi imkoniya-ti yuzasidan fikr bildirish bugungi kunda muhim ahamiyatga ega. Chunki inson aql-zakovatining quvvati yetmaydigan, payqash imko-niyatiga ega

bo`lmagan borliqning mo`jizalari, sirlari mavjud-dir, uni hisobga olmasdan ilojimiz yo`q. Shuningdek, qarama-qar-shilik mavjud ekanligini tan olish bilan birga, murosa-yu mado-ra, xaotik (betartib) harakatlar hukm surishini unutmaslik lozim. Aks ettirish materiyaning umumiy xususiyatidan iborat bo`lib, obyektlarning belgilari va alomatlarini turli darajada adekvat (to`g`ri) idrok qilishga qobiliyatliligi, boshqa obyektlarning muno-sabatlari vatuzilishiningtavsiflarini ifodalaydi. In`ikosning xususiyati materiyaning tashkil topganlik darajasiga bog`liq, chunki u organik va noorganik tabiatda, hayvonot olamida, ijtimoiy hayot- da o`ta sodda va yuksak tashkil topgan tizimda sifat jihatdan xilma-xildir. Organizmda dastlabki aks ettirishning vujudga kelishi tirik tananing ichki va tashqi stimullarining javob reaksiyasiga tanlab munosabatda bo`lish manbaidan kelib chiquvchi seskanuvchanlikdan boshlanadi. Bu psixikani aks ettirishning sodda ko`rinishi bo`lib, u organik dunyoni rivojlanish jarayonida sezuvchanlik qobiliyatiga ega bo`lgani tufayli sezgi vazifasini bajaruvchi birlamchi psixolo-gik obrazlar paydo bo`la boshlaydi, ular organizm harakati ehtiyoji-ni, fazoviy chamalash (mo`ljallash) maqsadini amalga oshirish uchun xizmat qiladi. Huddi ana shu davrdan boshlab muhitga, ekologiyaga to`g`ri mosla shish va harakatni idora qilish funksiyalari yuzaga keladi. Aks ettirishning sodda shakllari murakkabroq shakllarining rivojlanish i uchun zarur shart-sharoitlar sifatida xizmat qiladi. Organik dunyoning keyingi evolyutsion taraqqiyot davrida voqelikning ham sensor, ham aqliy obrazlarini qamrab oluvchi sodda sababiy aloqa-lar va vaqtni idrok qilish yuzaga keladi, buning natijasida xatti-harakatni to`g`ri ifodalash imkoni va faollik xususiyati tug`iladi. Bevosita harakat qiluvchi qo`zg`atuvchi organizmningto`g`ridan-to`g`ri reaksiyasiga javobi oldindan, ilgarilab aks ettirishni keltirib chiqaradi. Inson faoliyatining ijtimoiy shartlanganligi tufayli in`ikos faolligi oshibgina qolmay, balki u sifat jihatidan mut-laqo boshqa xususiyat kasb eta boshlaydi. Aks

ettirishning tanlov-chanlik va maqsadga yo`nalganlik xususiyatlari hamkorlik faoliyati jarayonida mehnat quroli orqali tabiatni o`zgartirish ehtiyoji darajasi ko`rsatkichi aniqlanadi. Mazkur jarayonlarda psixik aks et-tirish nafaqat hissiy obrazlarni, balki mantiqiy tafakkur, mada-niyat mahsulini o`zida ifodalovchi ijodiy fantaziya, o`z navbatida til tarkibiga kiruvchi belgilar, alomatlar tizimining mohiyatiga qorishib, yaratuvchi sifatida aks ettirishning gubdan, radikal o`zga- rishga olib keladi. Bunday toifadagi in`ikosningoqibatida ideal obrazning paydo bo`lishiga puxta zamin hozirlaydi, imkoniyatlar-ning ro`yobga chiqishi uchun barcha shart-sharoitlar yaratadi. Aks etti-rishning to`g`riligi, adekvatligi o`zini kelib chiqish manbaga ko`ra, mazkur manbaning moddiy tavsifi bilan miyada nerv impulslari-ni qayta ishlash o`rtasidagi qiyosiy jarayonni mujassamlashtiradi va subyektning psixologik jihatidan namoyon bo`lishi, rivojlani-shi, o`zgarishi, takomillashishi kabi holatlarni ham bevosita, ham bilvosita usullar yordami bilan turlicha shaklda, tarzda, ko`rinishda ifodalaydi. Psixologiya fanida aks ettirishning quyidagi ko`rinishlari tan olinadi: fizik, fiziologik, psixik, ong, o`zini o`zi anglash.

O`quv uslubiy adabiyotlar ro`yxati: 1. G`oziyev E.G`. Umumiy psixologiya. 1-kitob. Psixologiya bo`limi talabalari uchun o`quv qo`lanma. T. O`zMU. 2003 y. 1. G`oziyev E.G`. Psixologiya. –T., O`zMU «Universitet», 2003. 2. G`oziyev E.G`. Tafakkur psixologiyasi. Toshkent: Universitet ,1990. 3. G`oziyev E.G`. Xotira psixologiyasi. –ToshDu , 1994. 4. Bernshteyn N.A. Fiziologiya dvijeniy i aktivnost. M., 1990. 5. Vasilyuk F. YE. Psixologiya perejivaniya. M., 1984. 6. Vvedeniye v psixologiyu/ Pod obshey red. A. V. Petrovskogo. M., 1997. 7. Vilyunas V. K. Psixologicheskiye mexanizmi motivatsii cheloveka. M., 1990. 8. Vigotskiy S.L. Sobraniye sochineniy v 6-ti tomax. M. 1984. 9. Galperin P.Y. Vvedeniye v psixologiyu. M., 1976. 10. Gippenreyter Y.B. Vvedeniye v psixologiyu. M., 1988. 11. Dormashev Y. B., Romanov V. Y. Psixologiya vnimaniya. – M., 1995. Internet manbalari : 1. http : www.Iib.psixology.msu.ru 2. http : www . Iib . psixology . ru 3. http : www . Iib . psixology . rin . ru 4. http : www . Iib . psixology . narod . ru 5. http : www . Iib . psixology . narod . ru 6. http : www . Iib . psixology . ru

O'xshashlar

Psixika va kasalliklar

Psixika va ong taraqqiyoti

Psixika va ongning filogenetik taraqqiyoti

Psixika va ongning evolyutsion taraqqiyoti

Psixika va ongning filogenetik taraqqiyoti