Идрок - Psixologiya - Referatlar

Идрок

Yuklangan vaqt:

20.09.2019

Ko'chirishlar soni:

0

Hajmi:

87 KB

Ko'chirib olish

Идрок Режа: 1 Идрок хакида тушунча 2. Идрокнинг предметлиги, яхлитлиги ва структуралиги 3. Идрокнинг физиологик асослари 4. Идрокнинг турлари

Идрок. Идрокнинг таърифи ва унинг хусусиятлари. Сезги аъзоларига бевосита таъсир этиб турган нарса ва ходисаларнинг киши онгида бутунлигича акс этиши идрок дейилади. Идрокнинг сезгидан фарки, нарсаларни умумлашган холда, унинг хамма хусусиятлари билан биргаликда акс эттирилишидир. Идрокнинг мухим хусусиятлари унинг предметлилиги, яхлитлиги, структуралилиги, доимийлиги (константлиги) ва англашилганлигидир. Идрокнинг предметлилиги объективлаштириш ходисаси деб аталган ходисада, яъни ташки оламдан олинадиган ахборотларнинг уша нарсага мансублигида ифода килинади. Предметлилик идрокнинг белгиси сифатида хатти-харакатни бошкаришда алохида рол уйнайди. Биз нарсаларга уларнинг куринишига караб эмас балки уларни амалиётда кай тарзда ишлатишимизга мувофик холда, ёки уларнинг асосий хусусиятларига караб хам бахолаймиз. Предметлилик перцевтив жараёнларнинг узини яъни идрок жараёнларнинг бундан кейинги шаклланишида хам рол уйнайди. Идрокнинг яна бир хусусияти унинг яхлитлилигидадир. Сезги аъзоларига таъсир киладиган нарсанинг айрим хусусиятларини акс эттирадиган сезгилардан фаркли уларок, идрок нарсанинг яхлит образи хисобланади. Яхлит образ нарсанинг айрим хусусиятлари ва белгилари хакида турли хил сезгилар тарзида олинадиган билимларни умумлаштириш негизида таркиб топади. Идрокнинг яхлитлиги унинг структуралиги билан боглан–гандир. Идрок маълум даражада бизнинг бир лахзалик сезгиларимизга жавоб бермайди ва уларнинг шунчаки оддий йигиндиси хам эмас. Биз ана шу сезгилардан амалда мавхумлашган ва бир мунча вакт давомида шаклланадиган умумлашган структурани идрок этамиз. Агар киши бирор куйни тинглаётган булса, олдинрок эшитган оханги янгиси эшиттирила бошлагандан кейин хам унинг кулогига чалинаётгандай туюлаверади.

Идрокнинг яхлитлиги ва структуралилиги манбалари, бир томондан, акс эттириладиган объектларнинг узига хос хусусият–ларидир, ва иккинчи томондан инсоннинг конкрет фаолиятида гавдаланади, яъни анализаторларнинг рефлектор фаолияти натижасидир. Идрокнниг доимийлиги, константлиги нарсани идрок килиш шароитлари узгаришига карамай, нарсага хос булган катталик, шакл, ранг ва бошка хусусиятларнинг идрокимизга нисбатан бир хилда акс этишидир. Масалан, ёритиш даражси узгаришига карамай, биз корни ок, кумирни кора нарса сифатида идрок килаверамиз. Кизил чирок остида китоб сахифаси кизил булиб куринса хам уни ок деб, самолётдан караганда ердаги одамлар ва нарсалар кичкина булиб куринса хам уларни одатдагидай катталикда деб идрок килаверамиз. Китоб кандай куринса хам уни туртбурчак деб, стакандаги кошик синик куринса хам уни бутун деб идрок киламиз. Нарсаларнинг шакли, катта кичиклиги, рангини доимо бир хилда идрок килиш амалий жихатдан нихоятда катта ахамиятга эгадир. Идрокнинг константлилигина теварак атрофдаги нарсаларни аслида кандай булса шундайлигича объектив равишда билишга имкон беради. Перцевтив системанинг фаол таъсир курсатиши идрок константлилигининг хакикий манбаидир. Бир нарсанинг бир неча куринишда булиши унинг инварианлилиги деб, яъни образ инварианлилиги, хилма хиллиги деб айтилади. Идрок яхлитлиги ва константлиги кишининг утмиш тажрибасига боглик булиб, бу хусусият апперцепция дейилади. Демак, идрок факат нарса эмас, идрок этаётган субъектнинг узига хам богликдир. Идрокда хамиша идрок этувчи киши шахсининг хислатлари, унинг идрок этилаётган нарсаларга муносабати, кишининг эхтиёжлари, кизикишлари, интилишлари, истаклари ва хис-туйгулари у ёки бу тарзда акс этади. (Кандайдир шаклларни «учбурчак», «айлана», «кружка» деб идрок килиш).

Шундай килиб, идрокнинг яхлитлиги ва константлиги унинг тескари алока механизми мавжуд булган ва идрок этилаётган объектнинг хусусиятларига хамда унинг хаёт шароитларига мослашадиган, узини-узи тартибга солувчи узига хос ходиса эканлиги билан хам изохланади. Идрокнинг англанган булиши . Гарчанд идрок кузгатув–чисининг рецепторларга бевосита таъсири натижасида хосил булса хам, перцептив образлар хамиша муайян маъноли ахамиятга эга булади. Кишининг идроки унинг тафаккури билан, нарсанинг мохиятини тушуниб етиши билан, унинг куплаб хоссаларини билиш билан хам богликдир. Нарсани англаб идрок этиш - унга фикран ном бериш, яъни идрок этилган нарсани нарсаларнинг муайян гурухига, синфига киритиш, уни суз воситасида умумлаштириш демакдир. Шу нуктаи назаридан олганда гох шакл, гох фон навбатма навбат идрок этиш, «Икки мазмунли» деб аталадиган расмлар диккатга сазовордир. (Кубиклар нечта?, ваза ёки бир бирига караб турган одамларми? ва хоказо расмлар.) Шундай килиб, идрок субъектнинг бундан олдинги тажрибасига боглик булади. Кишининг тажрибаси канчалик бой булса, унинг билимлари канчалик бой булса, унинг идроки шунчалик тулик булади, буюмда у шунчалик куп нарсаларни кура олади. Идрокнинг мазмуни киши олдига куйилган вазифа билан хам унинг фаолияти сабаблари билан хам белгиланади. Субъектнинг установкаси (йул–йуриги) хам, хис – хаяжонлари хам идрок мазмунига таъсир этади. Идрок хам сезги каби рефлектор жараёндир. Шартли рефлекслар, мия пустлогидаги муваккат богланишлар идрокнинг физиологик асосини ташкил этади. Бош мия пустида энг кучли, доминант кузгалиш участкаларининг юзага келиши шахснинг хусусиятлари ёки холати билан боглик булган идрок йуналишининг физиологик асосини ташкил этади. Идрокнинг физиологик асоси нерв богланишларининг иккита туридан - битта анализатор доирасида хосил буладиган богланиш–лардан ва

анализаторлар аро богланишлардан таркиб топади. (Битта рецептор ва бир неча рецептор билан идрок килиш). Идрокни классификация килинишида хам сезгилардаги каби идрок этишда иштирок этувчи анализаторлардаги мавжуд фаркларга асосланади. Идрок этишда кайси анализатор устунрок келганига мувофик куриш- эшитиш, пайпаслаб куриш, кинестезик, хидлаш ва таъм билиш йули билан идрок килиниши фаркланади. Идрок килиш жараёни одатда узаро биргаликда бир канча анализаторлар воситасида содир булади. Харакат сезгилари у ёки бу даражада идрокнинг барча турларида иштирок этади. Материянинг мавжуд булиш шакллари - фазо, вакт ва харакат идрокни таснифлашга (классификациялашга) биноан фазони идрок этиш, вактни идрок килиш ва харакатни идрок этиш каби алохида турлари ажратиб курсатилади. Идрок - прецептив харакатлар системаси булиб уни эгаллаш махсус ургатишни ва тажрибани талаб килади. Ихтиёрий идрок этишнинг мухим шакли кузатиш булиб, у нарсаларни ёки теварак атрофдаги ходисаларни кура билиш, била олиш ва режали идрок этишдир. Кузатишнинг муваффаккияти куп жихатдан вазифанинг аниклигига, кузатувчининг тажрибасига ва билимига богликдир. Фазони идрок килиш . Фазони идрок килиниши кишининг узини куршаб турган мухитни чамалашининг мукаррар шартларидан булиб, унинг ушбу мухит билан узаро биргаликдаги харакатида катта роль уйнайди. Фазони идрок килиш объектларнинг шакли, хажми ва узаро биргаликда жойлашуви, уларнинг сатхи, олислиги ва йуналишларининг идрок этилишини уз ичига олади. Фазони чамалашда харакат анализатори алохида роль уйнайди. Фазони чамалашнинг махсус куроллари каторига анализаторлар фаолиятида хар иккала ярим шарлар уртасидаги нерв богланиш–ларини: бинокуляр куришни,

биноураль эшитишни, терининг бимануаль туйишини, дириник хид билишни ва шу кабиларни киритиш лозим. Кузларнинг турли олисликдаги нарсаларини аник равшан куришга мослашуви 2 та механизм - аккомодация ва конвергенция ёрдамида юз беради. Аккомидация - куз гавхарининг эгрилигини узгартириш йули билан унинг аксини синдириб кайтариш кобилиятини узгартириш демакдир. Аккомодация, одатда конвергенция билан яъни куриш укларини кайд килинаётган нарсага йуналтирилиши билан богликдир. Конвергенция бурчаги бевосита масофа индикатори яъни узига хос масофа улчагич (дальномер) сифатида фойдаланилади. Иккита кузгатувчи - нарсанинг куз турпардасидаги тасвири аккомодация хамда конвергенция натижасида куздаги мушакларнинг зурикиши улчамлари бир бирига мосланган холда бирга кушилиши идрок этилаётган нарсанинг хажми хакидаги шартли рефлекс тарзидаги сигнал хисобланади. (Узокликни ва чукурликни идрок килиш, эмаклайдиган боланинг ойна куприк остидаги харакати, зиналар нечта, кубиклар нечта? Ва бошка мисоллар). Куриш иллюзиялари: 1) камон уки илюзияси; 2) темир йул юзлари куриниши; 3) тик чизикларнинг бошкача куриниши илюзияси. (Цилиндр калпок); 4) елпигич илюзияси; 5) кесишиш илюзияси; 6) умумий марказли доиралар илюзияси в.б. Ола-була юзага чизилган кетма-кет доиралар гуё бурама (спираллар) чизиклар сингари идрок килинади. (Умумий психология китобнинг 311 бетидаги 24 расм). Иллюзия хайвонларда хам кузатилади, баъзи хайвонлар уз тусини узгартириб, узини мухофаза килади. Узини яширишнинг самарали усули мимикриядир. Хайвонларда рангини, киёфасини узгартиришдир. (Хайвонларнинг йил фаслларига, яшаш жойига караб рангини узгартириши).

Одамлар иллюзиядан махсус максадга мувофик фойдаланишларининг энг куп таркалган тури маскировка килишдир. Огирликни идрок килишда хам илюзия ходисаси булиши мумкин. Бунда хиссиёт ва хаёл таъсир этган булиши мумкин. Вакт ва харакатни идрок килиш . Вактнинг идрок килиниши вокелик ходисаларнинг объектив равишда доимийлигини, тезлиги ва изчиллигини акс эттириш демакдир. Вактни идрок килиш кишига мухитдан мулжал олиш имконини беради. Одамда вакт чамалаш мия кобиги булмаларида руй беради. Мия кобигининг маълум бир жойида вакт чамалаш руй беради, вактни сархисоб килишнинг махсус маркази мавжуд деган тахмин асоссиздир. Вактни идрок этилиши негизини кузгалиш ва тормозланишнинг ритмик тарзда алмашинуви, марказий нерв системасида, бош мия яримшарларида кузгалиш ва тормозланиш жараёнлариниг сусайиши окибатидир. Вактни идрок килишда турли анализаторлар айникса эшитиш ва кинестезик сезгилар иштирок этади. Макон ва вакт ораликлари вактни идрок этишда жуда мухимдир. (Куёш холати ва вакт, турли товушлар: хурознинг кичкириши, азон товуши, бир хил вактда чалинадиган гудок, маълум жадвал буйича катнайдиган поезднинг утиши ёки кечкурун айрим кушларнинг тупланиб утиши, сайраши ва бошкалар эшитиш сезгилари таъсир килаётган кузгатувчининг вактга оид хусусиятларини: унинг давомийлигини, ритмик хусусиятларини ва шу кабиларни акс эттиради.) Вакт доимийлигини идрок этиш куп жихатдан ички кечинмаларга, хиссиётга хам боглик. Кизикарли ва чукур асосланган фаолият билан банд булишдаги вакт жуда киска, зерикарли ва мазмунсиз фаолиятда вакт утиши кийин, узок деб идрок килиниши мумкин. Харакатни идрок килиниши – объектларниг фазода эгаллаган холати узгаришининг акс эттирилишдир. Харакатнинг идрок этилиши хаётий мухим ахамиятга эга.

Хайвонлар учун харакат килувчи объектлар хавф хатар ёки озикланиш имконияти пайдо булиши хакида сигнал вазифасини утайди ва шунга жавоб беришга ундайди. (Масалан, бака факат харакатланадиган хашоротларнигина ейди, бази баликлар маълум харакатлардан– тулкиндан кочади, хуркийди ва хоказо.).Харакатни идрок этишда куриш ва эшитиш, кинестезик анализаторлар асосий роль уйнайди. Тезлик, тезланиш, харакат йуналиши харакатдаги объектнинг периметри хисобланади. Киши объектнинг фазода у ёкдан бу ёкка кучишига оид маълумотларни 2 та хар хил йул билан, яъни кучиш ходисасининг узини бевосита идрок этиш ва бир мунча вакт мобайнида бошка жойда турган объектнинг харакати хакида хулоса чикариш асосида олиш мумкин. Харакатланаётган объектнинг харакатсизлиги, агар у муайян вакт вазият бирлигини куз билан идрок килиш мумкин булмаса, харакатни утган вакт бирлигида идрок киламиз лекин бу харакат натижасини идрок этиш булади. (Соат миллари силжишини бевосита кузатиб идрок кила олмасак хам бир неча вактдан кейин унинг силжиганлигини вакт бирлигида идрок киламиз.) Куриш оркали объектлар харакати хакидаги ахборотни 2 йул билан: кайд этилган нигох ва кузларнинг кузатувчи харакати билан олишимиз мумкин. Кузни узмай кузатиш, кузни, гавдани буриб кузатиш. Масалан, биз утирган вагон харакатланмасада, ёнимизда турган вагонга караб бизнинг вагон юра бошлади деб идрок киламиз ёки аксинча, биз урнимизда турибмизу, темир йул четидаги столбалар, дарахтлар юрмокда деб идрок килишимиз мумкин. Хиссий туйиш – стробоскопик туйиш харакатни идрок килишга хам таалуклидир. Стробоскопик харакат туюлма харакатга мисол булади. Кинемотограф ана шундай туюшга асосланади. Куриш сезгиси кузгатгич тасир кила бошлаши билан дархол хосил булмайди ва кузгатгич таъсири тухтагандан кейин бирмунча вакт утгач йуколади. Кинода секундига 24 кадр олмошгани холда биз лип-лип утиб турган манзаралар туркумини эмас,

балки маълум даражада баркарор булган таъсирни – тасвирни курамиз. Кетма–кет ёнадиган лампочкалар харакатдаги нурни тасаввур килишга олиб келади. Бу ходиса «Ф-феномен» яъни гайритабиий, факат харакатни идрок килишда куринадиган ходиса деб номланган. Харакат эшитиш анализаторлари ёрдамида хам идрок этилиши мумкин. Поезднинг якинлашиб келаётганлигини ёки узоклаша–ётганлигини, одам товушининг пастлашиб ёки баландлашиб бораётганига караб, унинг харакат йуналишини идрок килиш мумкин. Харакатни идрок килишда харакат тасаввурларини вужудга келтирувчи ёрдамчи белгилар, масалан, гавданинг тегишли холатлари – оёк кутарилиши, кулоч ёйилиши, гавданинг бирор ёкка бир мунча эгилган холатда булиши ва хоказолар катта рол уйнайди. Таълим жараёнида укувчилар идрок «техникасини» эгаллайдилар: нарсани синчиклаб куздан кечиришга, тинглашга, нарсанинг асосий ва мухим хусусиятларини ажрата олишга урганадилар, идрок максадга йуналган, бошкариладиган, онгли жараёнга айлана боради. Укувчининг ёши улгайган сари, унинг идроки янада мазмунли булиб боради. Укувчи идрокининг кулами кенгаяди, укувчи нарсаларни режали, изчил, ихтиёрий равишда ва хар томонлама идрок килишга урганиб боради. Усмирлар узларига ёкадиган нарсаларни кунт ва сабот билан идрок киладилар. Усмирлар бир нарсанинг узини куп марта идрок килишни унча ёктирмайдилар - бу хол хам усмирлар идрокига хос булган хусусиятлардан хисобланади. Аммо мактабгача ёшдаги ва кичик мактаб ёшидаги болалар ёктирган нарсаларини кайта–кайта эшитиб ёки куриб рохатланаверадилар. Усмирга нарса ва ходисаларнинг янги томонларини мустакил очиш жуда ёкиб тушади. Усмирлар хамиша нарса ва ходисларнинг акл ва хаёлни мафтун этувчи кандайдир янги, галати томонларини излайдилар. Бу ёшдаги болаларни кахрамонлар жасорати, буюк вокеалар, улкан кашфитёлар хакидаги ва шу каби хикояларни зур эътибор билан тигнлашларига

кахрамонона ишлар, саргузаштлар хакидаги хамда илмий – фантастик адабиётларни севиб укишларига сабаб хам шундадир. Усмирлар амалда ишлатиб куриш мумкин булган нарсаларни зур кизикиш билан идрок киладилар. Шу сабабли улар тажрибалар курсатилишини жуда ёктирадилар. Юкори синф укувчиларининг идроки максадга купрок йуналган булади ва улар идрокларини узлари идора кила биладилар. Укитувчи томонидан укувчилар фаолиятига максад кузлаган холда рахбарлик килиш жараёнида укувчиларнинг идроки ривожланади. Шунинг учун дарсда, экскурсияда идрок ва кузатишнинг тугри уюштирилиши катта ахамиятга эга. Таълим жараёнида кузатишларни активлаштириш учун укувчининг кузатилган ва идрок килинган нарсаларни кейин гапириб бериши лозимлиги тугрисида огохлантиришнинг ахамияти каттадир. Агар укувчи нимани кузатганлиги ва идрок килганлиги хакида кейинчалик хисоб бериши лозимлигини олдиндан билса, у кузатиш ва идрок килиш жараёнида анча фаол булади. Дарсда укувчилар билимларини аввало укитувчининг огзаки тушунтиришларини идрок килиш оркали узлаштирадилар. Сузлар ёрдамида тушунтирилган материалнинг идрок килиниши куп жихатдан укитувчи нуткининг хусусиятларига боглик. Материални муваффкиятли идрок килишининг яна бир мухим шарти кургазмали куроллардан фойдаланишдир. Материал сузлар ёрдамида хар канча яхши тасвир этиб берилмасин, у бевосита кузатишлар урнини боса олмайди.

Adabiyotlar 1. A . V . Petrovskiy « Umumiy psixologiya » Toshkent -« O ` qituvchi »-1992 y 2. M . G . Davletshin « Umumiy psixologiya » Toshkent 2002 y 3. E.Goziev «Umumiy psixologiya» 1 kitob Toshkent-2002 y 4. E.Goziev «Umumiy psixologiya 2 kitob Toshkent-2002 y 5.Gippenreyter Yu.B «Vedenie v obshuyu psixologiyu»Kurs lektsiy Moskva- 1996 6. Golfrua J «Chto takoe psixologiya T-1 M-1992. 7. Klimov.Ye.A «Osnov psixologii» Uchebnik Moskva-1997y 8. Psixologiya Pod Red A.N.Krlova 9. Nemov.R.S. «Psixologiya» KN-1 Moskva-1998 y 10 .A.I.SHcherbakov. «Umumiy psixologiyadan amaliy mashgulotlar Toshkent «O`qituvchi» 1984 y 11. Andreeva.G.M. «Sotsialnaya psixologiya» Uchebnik M-1998 y 12. Rubinshteyn.S.L. «Osnov obshey psixologii» M-1998 y. www.ziyonet.uz

O'xshashlar

Идрок

Идрок

Идрок ҳақида тушунча

Сезги ва идрок

Сезги ва идрок