Guruh va jamoa psixologiyasi 2 - Psixologiya - Referatlar

Guruh va jamoa psixologiyasi 2

Yuklangan vaqt:

20.09.2019

Ko'chirishlar soni:

0

Hajmi:

68 KB

Ko'chirib olish

www.arxiv.uz Reja: 1. Guruh haqida tushuncha. 2. Guruhlardagi ijtimoiy psixologik hodisalar. 3. Guruhning ichki tuzilishini o`rganish.

www.arxiv.uz Tayanch iboralar: Guruhlar haqida tushuncha. Guruhlarning turlari: shartli va real, katta va kichik, rasmiy va norasmiy guruhlar. Rivojlanganlik darajasiga ko`ra guruhlarning turlari. Jamoa haqida tushuncha. Guruhlarning shakllanishining psixologik xususiyatlari va guruhiy munosabatlarini boshqarish. Shaxslararo munosabat to`grisida. Guruhda shaxslararo munosabat: simpatiya /mehr-muhabbat/, antipatiya, uyushganlilik. O`zaro kelishuv, guruh a`zolari orasida izzat-hurmat. Rasmiy va norasmiy liderlik. Liderlik nazariyalari. Guruhning va uning ichki tuzilishi ni o`rganish metodlari: sotsiometriya, refrentometriya metodlari. Ta`lim-tarbiya jarayonida shaxslararo mos kelishlikni, munosabatlarini hisobga olish. Guruh va jamoada ijtimoiy-psixologik iqlim. GURUH HAQIDA TUSHUNCHA Guruh - bu muayyan belgiga, masalan,sinfiy mansublikka, birgalikda faoliyat ko`rsatishning mumkinligiga va uning xarakteriga, tashqil topish xususiyatlari va shu kabilar asosida ajralib turadigan umumiylikdir. Guruhlarning klassifikatsiyasi ham shunga muvofiq tarzda bo`lib, kichik va katta guruhlarga bulinadi - o`z navbatida ular ham real (bog`langanlik), shartli formal (rasmiy) hamda noformal (norasmiy) guruhlarga, rivojlanish darajasi turlicha bo`lgan, ya`ni rivojlangan (jamoalar) va etarli darajada rivojlanmagan yoki kam rivojlangan guruhlarga (uyushmalarga, birlashmalarga, aralash guruhlarga) bulinadi. Katta guruhlar umumiy makon va zamonda hayot kechirayotgan anchagina odamlarni o`z tarkibiga olgan sosial umumiylikni tashqil qiladigan real (bog`langan) guruhlar shaklida bo`lishi mumkin. Bu xildagi katta guruhlarga korxonaning mehnat jamoasi yoki ko`pgina o`qituvchilar bir - birlari bilan bevosita o`zaro aloqada bo`lmasalar ham, lekin ayni chog`da yagona bitta rahbarga (direktorga, ilmiy mudirga) buysinadigan, bitta partiya va kasaba soyuz tashkilotiga kiradigan, maktab hayotiga oid hamma uchun umumiy hisoblangan ichki tartibning barcha qoidalariga amal qilinadigan kattagina bir maktabning pedagoglar jamoasi kiritilgan bo`lishi mumkin. Katta guruhlar ba`zan bir belgilari (sinfiy, jinsiy, milliy, esh va boshqa belgilari) ga binoan ajratiladigan va birlashtiradigan shartli guruhlar shaklida bo`lishi ham mumkin. Katta shartli guruhga kiritilgan kishilar hech qachon bir - birlari bilan uyushmagan bo`lmasa ham, lekin bu

www.arxiv.uz xildagi guruhga ajratilgani uchun asos bo`lgan belgilariga ko`ra umumiy sosial va psixologik ta`rifga ega bo`lishlari mumkin. Kichik guruhlar - hamisha bog`langan umumiylik bo`lib, unga kiruvchi shaxslarning o`zaro birgalikdagi real harakati va ular o`rtasidagi real harakati va ular o`rtasidagi real o`zaro munosabatlar bilan bog`langandir. Bu guruhlar rasmiy (formal) bo`lishi, ya`ni yuridik jihatdan qayd etilgan huquq va burchlarga, normativ asosida o`rnatilgan strukturaga, tayinlab yoki saylab qo`yilgan rahbarlikka ega bo`lishi mumkin. Shuningdek, yuridik jihatdan qayd etilgan statusga ega bo`lmagan, ammo tarkib topgan shaxslararo munosabatlar (dustlik, xayrixoxlik, xamjihatlik, ishonch va shu kabilar) tizimi bilan ifodalanadigan NORASMIY (ko`pincha ularni noformal deb ham atashadi) guruhlar ham alohida ajralib turadi. Ular alohida ajralib turadigan umumiylik (masalan, turli maktablar va xunar - texnika bilim yurtlarining mototsikl sportiga qiziqishi umumiyligi negizida birlashgan bir qancha o`quvchisi) sifatida yuzaga chiqishi va rasmiy guruhlar ichida etarli darajada barqaror tus kasb etishi (sinfdagi do`stona ulfat tarzida kirishi) mumkin. Rasmiy va norasmiy guruhlar o`rtasidagi chegaralar shartli va nisbiydir. O`quvchilarning bu xildagi norasmiy guruhlarini shakllantirish o`qituvchi olib borishi lozim bo`lgan tarbiyaviy ishning muhim vazifasi hisoblanadi. Guruhlar rivojlanishining darajasi yoki saviyasi ularning klassifikatsiyasining eng muhim negizi hisoblanadi. Guruhiy rivojlanish darajasi - shaxslararo munosabatlarning shakllanganligining belgisi, guruhlar shakllanishi jarayoninig natijasidir. Rivojlanish darajasiga ko`ra farqlanadigan guruhlarning - diffuz guruhlar, sosial yo`nalishdagi uyushmalar, sosial yo`nalishga zid uyushmalar va birlashmalar, kollektivlarning psixologik toifasi shu asnoda tarkib topadi. Guruhiy rivojlanishning tegishli ravishda ancha ifodalangan darajalarini ko`rsatadigan (har bir konkret guruh boshidan kechirishi mumkin bo`lgan son sanoqsiz oraliq holatlari bilan birga) qat`iyan beshta pozitsiya alohida ajralib turadi: 1) bilvositalikning mumkin qadar yuksak darajasi va faoliyatning shaxslararo munosabatlari bilvosita ifoda etuvchi omillarning eng yuksak sosial qimmati yuqori guruhlar. Bu jamoadir.

www.arxiv.uz 2) agar guruhda tegishli tarzda birgalikdagi faoliyat mavjud bo`lsa, shaxslararo munosabatlarni bilvosita ifoda eta oladigan eng yuksak darajadagi sosial yo`nalishga ega omillar mavjud bo`lgan taqdirda bilvositalikning eng past darajasi. Bu sosial yo`nalishdagi uyushma (misol uchun talabalarning guruhi) dir. 3) birgalikdagi faoliyatning yo`qligi bilan bog`liq bilvositalikning mavjud emasligi,. Bu diffuz guruh (misol uchun avtobusdagi yo`lovchilar yoki umumiy palatadagi bemorlardir) 4) shaxslararo munosabatlarning eng yuksak darajada nososial yo`nalishga ega bo`lgan bilvosita omillar mavjud sharoitlardagi qandaydir birgalikdagi faoliyat ining past darajada bil vositasi ifoda etilishi (misol uchun bezorilik qiluvchi o`spirinlar guruhi). Bu - antisosial uyushmadir. 5) faoliyat vositasida ifoda etishning eng yuksak darajasi va bilvosita ifoda etuvchi omillarning eng yuksak darajada aksil ijtimoiy, reaktsion xarakterga egaligi. Bu – antisosial birlashma ( misol uchun mafiya) dir. Jamoaning yuksak darajada rivojlangan guruh sifatida boshqa barcha guruhlarga nisbatan printsipial jihatdan farqlari tajriba yo`li bilan qayd etildi. Jamoada faoliyatning samaradorligi bilan o`zaro his - xayajonli psixologik munosibatlarning maqbul xarakteri o`rtasidagi nisbat ijobiy, sust rivojlangan guruhlarda esa salbiy bo`ladi. Past darajada rivojlangan guruhlarda guruhning mikyosi bilan uning a`zolaridan umumiy ishga eng ko`p hissa kushish istagi o`rtasidagi teskari bog`lanish mavjudligi aniqlandi, guruhning miqyosi yiriklasha borishi bilan jamoadan birgalikdagi faoliyat ishtirokchilarning motivlari susaymaydi. Tasodifiy guruhda yordamga muhtoj kishiga yordam ko`rsatilishi ehtimoli guruhning miqyosi kengayishi bilan susaya boradi, jamoada esa bunday qonuniyat nomoyon bo`lmaydi va hokozo. Shunday qilib, birgalikdagi sosial qimmatga ega va shaxs uchun ahamiyatga molik faoliyat ning amalga oshirilishi o`zaro jamoatchilik munosabatlari urnatilishini, individual munosabat bilan jamoa munosabatlari o`rtasidagi ziddiyatlar barham topishini ta`minlaydi. Bunday faoliyat jarayonida shaxslararo munosabatlarda boshqa sharoitlarda qayd etilishi mumkin bo`lmagan alohida hodisalar yuz beradiki, guruh rivojlanishining alohida belgisi sifatidagi jamoatchilik hosil bo`ladi. Aynan jamoa shaxsning jamiyatga bog`liqligini ifoda etadi. Shaxs ana shu bog`liqlik orqali erkinlikka muvaffaq bo`ladi. GURUHLARDAGI IJTIMOIY PSIXOLOGIK HODISALAR

www.arxiv.uz Guruhda quyidagi ijtimoiy psixologik hodisalar mavjud:ijtimoiy fikr, taqlid, ta`siriga berilish, konformizm. Ijtimoiy - psixologik muhit ko`p jihatdan jamoa a`zolarining sig`ishuvchanligiga bog`liqdir. Guruhiy MOS KELISh (sig`ishuvchanlik) fiziologik va psixologik bo`lishi mumkin. Bir kishining mehnat unumdorligini keskin tushiruvchi va bu bilan ikkinchisida toliqishning oshuviga olib keluvchi fiziologik mos kelishning buzilishiga o`tinni qo`lda arralash uchun bir juft ishchi sifatida baquvvat kishi bilan dardchil yigitchani yuborishgani misol bo`la oladi. Guruhiy psixologik mos kelish psixomotor, emosional - irodaviy xususiyatlariga diqqat va tafakkurdagi farqlariga bog`liqdir. Lekin hammadan ko`ra ko`proq guruh tarkibiga kiruvchi har bir kishining shaxsiy xarakteri xususiyatiga bog`liq bo`lmasligi, ammo, albatta, sig`ishuvchan bo`lishi kerak. Psixologik muhit vujudga keltirishda aksari guruhga mos kelishga bog`liq bo`lgan ijtimoiy kayfiyat katta ahamiyatga ega. U guruhda bevosita ijobiy yoki salbiy psixologik muhit vujudga keltiradi. GURUHNING ICHKI TUZILISHI Har qanday guruh tuzilishiga ko`ra guruh a`zolari nufuzi va statusining o`ziga xos darajasini aks ettiradi. Uning yuqorisida referentometrik va sotsiometrik tarzda tanlanadigan shaxslar o`rin oladi, eng orqada esa noreferent va sotsiometrik jihatdan siqib chiqarilgan individlar turishadi. Mazkur ierarxiya zinapoyasining eng yuqori bosqichida guruhning lideri joylashadi. Lider - bu shunday shaxsdirki, guruhning qolgan barcha a`zolari uchun o`zlarining manfaatlariga daxldor bo`lgan hamda butun guruh faoliyatining yo`llanishini va xarakterini belgilab beradigan eng ma`suliyatli echimlarni qabul qilishga haqli deb hisoblaydilar. Lider rasman guruhning rahbari bo`lishi ham va, aksincha, bo`lmasligi ham mumkin. Lider bilan rahbarlikning yagona bitta shaxsga kelishi makbul hodisa hisoblanadi. Bordi-yu, agar bunday muvofiqlik bo`lmasa, u holda guruh faoliyatining samaradorligi rasmiy rahbar (masalan, sinf boshi) bilan norasmiy lider yoki liderlar o`rtasidagi munosabatlar qay tarzda yuz berishiga bog`liq bo`ladi. LIDER TIPLARI. Guruh jamoasining rasmiy rahbarlik tizimi (guruhboshi, yoshlar tashkilotchisi va jamoatchilik ishlarning ayrim sohalari uchun mas`ul kishilar) unda norasmiy nufuzning

www.arxiv.uz taqsimlanishi va norasmiy peshqadam sifatida tanilish bilan to`g`ri kelishi ham, to`g`ri kelmasligi ham mumkin. Agar pirovad natijada shaxslararo munosabatlarda umumiy maqsadlarning mavjudligi jamoaga xalaqit qilmaydigan emas, balki hatto yordam berishi ham mumkin. Chunonchi, 30-40 o`quvchidan iborat guruh hisoblanadigan guruhda guruhboshi va yoshlar tashkilotchisiga tashqari odatga bir necha peshqadamlar mavjud bo`lib, ular tevaragida bir nechta norasmiy guruhlar uyushadi. Liderlarning quyidagi tiplari farqlanadi: 1. Faoliyatining mazmuniga qarab: a) Ilhomlantiruvchi, harakat yoki axloq dasturini taklif qiluvchi lider; b) Bajaruvchi - berilgan dasturni bajarish tashkilotchisi; v) Bir vaqtda o`zida ham ilxomlantiruvchi, ham bajaruvchi. 2. Boshqarish usuliga ko`ra: a) Avtoritar b) Demokratik v) YUqoridagi ikki uslubni o`zida mujassamlashtirgan. 3. Faoliyati xarakteriga qarab. a) Universal - o`zida liderlik xususiyatlarni doim ko`rsatib turadigan; b) Situativ (vaziyatga bog`liq) - o`zida liderlik xususiyatlarini ma`lum o`ziga xos vaziyatlarni ko`rsatib turadigan. GURUHNING ICHKI TUZILISHINI O`RGANISH Psixologiyada guruhdagi tabaqalanishini (uning ichki tuzilishini) o`rganish uchun ko`plab metodlar qo`llaniladi. Ulardan ikkita asosiylari - sotsiometriya (sotsiometrik so`rov) va referentometriya metodidir. Amerikalik psixolog, mikrosotsiolog J.Moreno guruhlarda shaxslararo munosabatlarni o`rganish uchun shaxslarning bir birini saylashini ( tanlashi, afzal qurishlarni) aniqlash usulini va hissiy afzal qurishlarni qayd qilish texnikasini taklif etdi. Buni u sotsiometriya deb ataldi. Sotsiometriya metodi kichik guruhlarga taalluqli bo`lgan shaxslararo munosabatlarni o`rganish va o`lchashning metodi sifatida taklif qilingan. Sotsiometriya yordamida shaxslararo birgalikdagi harakat jarayonida guruh a`zolarida nomoyon bo`ladigan afzal ko`rinishni, befarqlik yoki xush ko`rmaslikni miqdoriy m`yorini aniqlash

www.arxiv.uz mumkin. Sotsiometriya guruh a`zolarining bir - birlarini xush qurishi yoki xush ko`rmasligini aniqlashda keng qo`llanadi. Guruh a`zolarining o`zlari bunday munosabatlarni anglab ola olmasliklari va ularning mavjudligi yoki mavjud emasligi haqida o`zlariga hisob bermasliklari mumkin. Sotsiometriya metodi juda ham tezkor bo`lib, uning natijalari matematik usul bilan qayta ishlanishi va yozma shaklda ifoda etilishi mumkin. Sotsiometrik usulining negizida "Sen kim bilan birga bo`lishni hohlarding?" degan to`g`ridan - to`g`ri savol turadi. U kishilar o`rtasidagi o`zaro munosabatlarni hohlagan jabhasida tatbiq qilinishi mumkin: sen kim bilan birga bitta partada o`tirishni, dam olishni, vaqtichog`lik qilishni, ishlashni hohlarding va hokozo. Qoida tariqasida tanlashning ikki yo`nalishi - birgalikda mehnat qilish sohasidagi va vaqtichoglik qilish sohasidagi yo`nalishlari tavsiya qilinadi. Bu o`rinda tanlashning maqbulligi darajasida (benihoya istak borligi, bajonudilligi, befarqligi, unchalik istalmayotganligi, sira ham istak yo`qligi) aniqlik kiritilishi va tanlash uchun tavsiya qilinadigan shaxslar soni cheklangan bo`lishi ham mumkin. Tanlashlarni sotsiometriya matritsasiga tushirish chog`ida bular hisobga olinadi. Natijalarni tahlil etish o`zaro xush ko`rish va xush ko`rmasliklarning murakkab tarzda chatishib ketganligini, sotsiometrik "yulduzlar" (ularni ko`pchilik tanlaydi), "autsayder" larning (ulardan hamma o`zini chetga tortadi) mavjudligini va butun ierarxiyasi ko`rsatib beradi. Sotsiometriya metodini juda ham tezkor ekanligiga shubha yo`q va uning yordami bilan guruh ichidagi hissiy intilishlar manzarasi etarli darajada aniq - ravshan ko`rsatilgan bo`lishi mumkin. Bu natijalarni kuzatishlar yo`li bilan aniqlash uchun uzoq vaqt sarflashga to`g`ri kelgan bo`lardi. Har qanday guruhni hosil bo`ladigan kommunikativ shaxobcha sifatida talqin qilish mumkin. Lekin sotsiometrik tahlil guruhdagi shaxslararo kommunikativ shaxobchaga juda ham umumiy tarzda ta`rif berishi mumkin. U nima uchun individ bir xil birliklarda guruhga qarama - qarshi qo`yilganligi, boshqalarida esa kommunikativ shaxobchadagi bunday uzilish boligini payqamasligini tushunib etishga olib bormaydi. Sotsiometrik texnika yordamida qayd etiladigan bog`lanishlar tizimini muqarar deb hisoblab bo`lmaydi. Bugungi "yulduz" ertaga yakkalanib qolishi mumkin. Sotsiometriya natijalari bizga bunday o`zgarishlarning sabablari haqida ma`lumot bera olmaydi. Shuningdek, guruh a`zolari birovlarni rad etib, boshqalarni tanlaganlarida nimalarga asoslanganliklari,

www.arxiv.uz guruhning har xil a`zolariga xos xush ko`rish va xush ko`rmasliklar zamirida qanday ma`no borligi mavhumligicha qoladi.

www.arxiv.uz Adabiyotlar ro`yxati 1. Andreeva G. M. Sosialnaya psixologiya. Uchebnik - M., 1998 2. CHaldini R. Psixologiya vliyaniya. - M., 1999 3. Dyui D. Psixologiya i pedagogika mishleniya. - M., 1998 4. G`oziev E. Oliy maktab psixologiyasi. T. 1997 5. Gamezo M. V., Domashenko I. A. Atlas po psixologii. - M.,1986 6. Granovskaya R. M. Elementi prakticheskoy psixologii. SPb, 1997 7. Karimova V. M. "Ijtimoiy psixologiya asoslari". - T., 1994 8. Karimova V. M. Psixologiya. - T., 2002 9. Karimova V. M., Akramova F. Psixologiya. Ma`ruzalar matni - T., 2000 10. Kovalev V. I. Motivi povedeniya i deyatelnosti. - M., 1988 11. Mayers D. Sosialnaya psixologiya. - SPb., 1997 12. Morgunov E. B. Lichnost i organizatsiya. - M., 1996 13. Muzdibaev K. Psixologiya otvetstvennosti. - M., 1983 14. Olshanskiy B. B. Prakticheskaya psixologiya dlya uchiteley. M. 1994. 15. Prikladnaya sosialnaya psixologiya. Uchebnoe posobie. - M.,1998 16. Umumiy psixologiya. A. V. Petrovskiy ta ћ riri ostida. T.1992. 17. Yadov V. A. Sosialnaya identichnost lichnosti. - M., 1994 18. www.ziyonet.uz

O'xshashlar

Guruh va jamoa psixologiyasi 1

Shaxs. Muloqot. Guruh. Jamoa

Shaxs psixologiyasi 2

Jamoa psixologiyasi. Guruxlar va uning tasnifi. Guruxlarning ijtimoiy faoliyatlarini tashkil e`tish

Sotsial psixologiyada guruhlar va jamoa muammosi