Акли заиф болалар шахси, унинг шаклланиш хусусиятлари - Psixologiya - Referatlar

Акли заиф болалар шахси, унинг шаклланиш хусусиятлари

Yuklangan vaqt:

20.09.2019

Ko'chirishlar soni:

0

Hajmi:

74.5 KB

Ko'chirib olish

Акли заиф болалар шахси, унинг шаклланиш хусусиятлари Р е ж а: 1. Шахс хакида умумий маълумотлар 2. Шахс, инсон, одам, индивид, киши тушунчалари 3. Акли заиф болалар шахсининг хусусиятлари 4. Коррекциялаш масалалари

Ривожланган инсон шахси деганда, асосан маълум дунёкарашга эга булган, жамиятда уз урнини фахмлаб етадиган, маълум максадга эга булган, максадлар йулида мустакил харакат кила оладиган маълум бир кишини тушунамиз. Шу сабабли, дунёкараш, онг, мустакиллик шахсни тарбиялашда катта ахамиятга эга. Акли заиф болалар шахси масаласи олигофренопсихологияда нисбатан кам урганилган, текширилган масалалардан биридир. Шахс ижтимоий муносабатлар, ижтимоий мухит таъсирида шаклланиб боради. Олимлардан Л.И.Божович бу масалада катор ишларни амалга оширган. Ижтимоий холатлар таъсирида болаларда маълум тизимдаги интилиш ва талаблар ривожланади. Бу гояга кура, тугма биологик хусусиятларнинг шахсга таъсири кам берилган. Аммо, биологик хусусиятлар маълум шахснинг шаклланишига таъсир этади, лекин белгиловчи рол уйнамайди. Машхур психолог С.Л.Рубинштейн уз гоясини тушунтириб шундай дейди: “Хар кандай ташки таъсиротлар кишига бевосита организмнинг ички шароити оркали таъсир этади. Бу ички шароитнинг асосий физиологик кисмини асаб тизимининг хусусиятлари ташкил этади”. Аммо, буни шахснинг шаклланишидаги етакчи омил дея олмаймиз. Шахснинг ривожланишини ижтимоий шароит, тарбия, конкрет тарихий мухит белгилайди. Шуни эътироф этиш уринлики, баъзи бир мутахассислар бу гояларга кушилмайдилар. Уларнинг фикрича, шахс тугридан-тугри ирсий йул билан бериладиган мойилликлар асосида шаклланиб боради. Акли заиф бола тафаккурининг ривожланмаганлигини, умумий тушунчаларни фарклай олмаслиги, ахлок, одоб тушунчаларини яхши тушуниб етмасликлари, улар шахсининг шаклланишига бирмунча салбий таъсир этади. Бошлангич синфлардаги акли заиф болаларнинг тушунчалари бирмунча юзакилиги окибатида, шахсий сифатлар хам шунга мос тарзда шаклланиб боради. Акли заиф болалар ахлок, одоб тушунчаларини ота- оналаридан, укитувчилардан, китоблардан билиб оладилар. Аммо, бу билимларини хаётга тадбик этишда кийналадилар ёки нотугри тадбик этадилар. Шулар окибатида, акли заиф болалар тез-тез антиижтимоий,

ахмокона салбий таъсирларга тушиб коладилар. Катор мамлакатларда акли заиф болаларнинг таълим-тарбияси мажбурий эмас. Айрим мамлакатларда моддий таъминланган оила фарзандларигина махсус таълимга жалб этилган. Бундай шароитларда аклий нуксонли болалар мехнат тайёргарлигидан четда колиб, турли кунгилсиз окибатларнинг келиб чикишига сабабчи буладилар. Бу жойларда жиноий элементлар акли заиф болаларнинг нуксонларидан фойдаланиб, улардан узларининг максадлари йулида фойдаланадилар. Бундай кунгилсиз вокеалар хакида Ч.Диккенс ва Б.Брехт кенг маълумотлар берадилар. Акли заиф болаларнинг жиноий ишларга кириб колганлигини катор матбуот маълумотларидан хам билса булади. Катор мутахассислар бу каби маълумотлардан нотугри хулоса чикармокдалар. Акли заиф болалар “ахлокий нуксонлилар” деган фикрга келмокдалар. Бу албатта умуман нотугри тасаввурдир. Хеч кандай бош мия зарарлари антиижтимоий, антиахлокий мойилликларнинг келиб чикишига замин ярата олмайди. Огир касаллиги окибатида жамоат тартибини бузган бола, тартибни тушунмаслик, ёки уз харакатларига рахбарлик кила олмаслик окибатида килган булиши мумкин. Касаллик бу каби иллатларга асос булмасдан, балки бола яшаётган мухит, ривожланаётган атроф-мухит сабабчидир. Республикамизда умумий таълим турли нуксонлиларга хам тегишлидир. Шулар окибатида, купчилик акли заиф болалар хаётда уз уринларини топиб кетганлигини курсатиш мумкин. Рухшунос Т.И.Голдовская маълумотларига караганда тадкикот утказилган туманлардан бирида, бундан 20 йил олдин укишга юборилган акли заиф болаларнинг мактабни тугатганларидан кейинги хаётлари текширилган. Маълум булишича, ёрдамчи мактабда укиган барча акли заиф болалар ишга жойлашганлар, оилаларини яхши таъминлайдиган, нормал хаёт кечираётган эканлар. Ёрдамчи мактаблардаги коррекцион таълим- тарбиянинг тугри йулга куйилиши асосида акли заиф болалар хаётга тугри мослашганлар. Шахснинг тугри шаклланиши, ривожланиб бориши Л.С.Виготскийнинг курсатишича, иккиламчи нуксон сифатида намоён булиши шарт эмас. Хар доим хам намоён булмайди. Бунинг учун албатта,

тинимсиз, малакали мехнат талаб килинади. Ёрдамчи мактаблардаги укитувчи ва тарбиячилар акли заиф бола шахсига салбий таъсир этувчи сабабларни яхши билишлари даркор. Ёрдамчи мактаб укувчиларида ижобий хулк тарбиялаш энг мураккаб масалалардан биридир. Нормал болаларда шахсий сифатларнинг шаклланиш хусусиятлари хакида Л.И.Божович батафсил баён килган. Олигофренопедагогиканинг асосчиларидан бири Э.Сеген таъкидлаб утган акли заиф болалардаги ”хохишнинг йуклиги” шахс шаклланишида катор кийинчиликлар келтириб чикаради. Л.В.Занков хам акли заиф болалар шахсидаги катор камчиликлар хакида батафсил маълумотлар беради. Акли заиф болалар шахсидаги дисгармония, номутаносиблик улар шахсининг ривожланишидаги етакчи камчиликлардандир. Олигофренопсихоло- гияда шахс масаласи нормал бола шахси масаласи билан узвий равишда бирга олиб борилади. Чунки, уларнинг ривожланиш, шаклланиш конуниятлари бир-бирига жуда мосдир. Акли заиф бола бирор ишни нормал болалардек олдин уйлаб, кейин килмасдан, балки ишни олдин килиб куйиб кейин уйлайдилар. Акли заиф бола шахсининг шаклланишига ирсий, ижтимоий омиллар билан бирга, нуксон омили хам маълум даражада рол уйнайди. Асосий ролни ижтимоий мухит уйнайди. Умуман шахс тушунчаси турли адабиётларда амалда ягона бир маънода кулланилмайди. “Инсон”, “Шахс”, “Киши”, “Индивид” каби жумлалар куп холларда бир-бирларига ухшатилади ёки бир-бирларига карши куйилади. Аммо, бундай муносабатлар тугри эмас. “Инсон” аслида тур маъносида кулланилади. Бошка турлардан онглилиги билан ажралиб туради. Шу билан бирга инсон ижтимоий мавжудотдир. Бу белги унинг асосий белгисидир. Инсон онгининг олий даражаси, чегараси уз-узини англашидир. “Инсон” сузи куп киррали булганлиги сабабли, табиий ва ижтимоий фанларнинг урганиш манбаи булиб хизмат килади. “Шахс” тушунчаси “Инсон” тушунчасидан бирмунча тор тушунчадир.

Шахс ижтимоий-тарихий категориядир. Унинг ижтимоий мохияти ва ижтимоий вазифаси шахснинг таснифномасини белгилайди. Шахс-ижтимоий фанлар: тарих, философия, социология, этика, эстетика, психология, педагогиканинг урганиш манбаидир. Шахс-ижтимоий тараккиёт вакили, онгли индивид булиб, жамиятда маълум урин эгаллайди ва маълум рол бажаради. Рол – бу шахснинг ижтимоий функциясидир. Масалан, ота-онанинг вазифаси болаларни тарбиялашдир. Мактаб директорининг роли укитувчиларнинг таълим жараёнини ташкил этишидир. Шахс позицияси унинг тутган урни – бу унинг алокалар тизимидир. Физиолог инсонни “организм” сифатида текширади, социолог ва психолог эса шахс сифатида текширади, урганади. Демак, шахснинг мохиятини, унинг ташки киёфаси эмас, балки унинг ижтимоий сифатлари белгилайди. Шахс-онгли индивиддир. Индивидуаллик – бу шахснинг “узига хос” намоён булишидир. Индивидуаллик деганда шахснинг узига хос сифатлари хакида гап боради. Индивидуаллик деганда шахсдаги етакчилик килаётган хусусиятлар хакида гап юритилади. Индивид - хар бир конкрет инсоннинг узига хос хусусиятлари билан бирга тушунилади. Айрим, ноилмий психологияда биологик, биосоциал, социал шахс окимлари мавжуд. Биологизм гояси айникса Э.Фрейд ишларида очиб берилади. Унинг фикрича, барча шахсий сифатлар биологик мерос булиб хисобланади. Биосоциал оким тарафдорлари эса, шахсни узларича иккига буладилар. Инсоннинг рухий жараёнлари биологик мохиятга эга булиб, шахснинг йуналганлиги эса, ижтимоий холатлар билан белгиланади. Реакцион психологияда купрок ижтимоий гоя кенг таркалган. Бунга яккол мисол килиб, Дюркгейм ишларини курсатиш мумкин. Сунгги йилларда АКШда сокиализация назарияси ривожлантирилмокда. Бу назарияга кура, инсон биологик “жонзот” булиб тугилиб, хаётнинг турли шароитлари таъсирида шахс булиб етилади. Асосий эътибор алока, психологик бир-бирларини тушунишга берилади. Ижтимоий- психологик гоялардан яна бири “урганиш” назариясидир. Шунга биноан,

шахснинг хаёти унинг алокалари-урганиш, билимлар йигиндисини узлаштиришдан иборатдир (Э.Торндайк). Шахс назарияси А.Ф.Лазурский, В.Н.Мясишев ишларида узига хос тарзда очиб берилган. Рухий хусусиятларга асосланиб шахснинг типик тузилишини аниклаш мумкин. Шахснинг дастлабки таркибий кисми, унинг йуналганлигидир . Шахснинг кейинги таркибий кисмига эса, унинг имкониятлари билан кобилиятлари тизими киради . Масалан, Алишер Навоийда шоирлик кобилиятлари етакчилик килган, аммо шу билан бирга унда мусаввирлик, таълим-тарбияга оид, тарихга оид хам кобилиятлар булган. Ал-Хоразмий, Абу Наср ал-Форобий, Абу Райхон Беруний ва бошка алломаларда узига хос маълум кобилиятлар устун турган. Шахснинг учинчи таркибий кисмига характер, одоб-ахлок, эътиборлилик, курслик каби хислатлар киради. Шахснинг туртинчи таркибий кисми юкоридагиларнинг устига курилиб, бошкариш тизими ёки одатда “мен” тушунчаси билан белгиланади. И.П.Павловнинг таъкидлашича, “Инсон уз-узини бошкарадиган, тугрилаб борадиган, хатто такомиллаштирадиган мураккаб тизимдир”. Энг юкори уз- узини бошкариш кишининг етилган ёшига тугри келади. Уз-узини бошкаришнинг узига хос турлари мавжуд. Шахсий сифатларга максадга йуналганлик, ахлокий тарбияланганлик, шахснинг маънавий бойлиги, шахс максадининг бирлиги, шахснинг фаоллиги, шахснинг узига хослиги ва бошка сифатлар киради. Шахснинг йуналганлиги деганда инсоннинг маълум бир фаолиятда фаоллик тизимидир. Шахснинг фаоллик сабабларини жуда кадимдан бошлаб кидирганлар. Масалан, бировлар рохатланиш учун интилганлар, бошкалар эса вазифани бажариш учун интилганлар, бошка бировлар биологик интилиш, яна бировлар ижтимоий рахбар булиш учун харакат киладилар. Лотин хикматли сузларида таъкидланишича, “Мен инсонман, шу сабабли инсонга хос булган нарсалар мен учун хам бегона эмас”. Бизнингча, жуда уринли ишлатилган жумла булса керак. Хар бир конкрет шахс хаёт мохиятини, унинг кимматини узича талкин этади. Бировлар илм-фан билан, бировлар санъат билан, яна бировлар хаётнинг

бошка бир сохасидан лаззат оладилар. Кизикиш – шахснинг маълум манбаларга нисбатан хаётда тутган урнига караб нисбий муносабатидир. Кизикишнинг турларига: моддий, маънавий ва ижтимоий кизикишлар киради. Кизикиш даражаларига кура пассив ва фаол булиши мумкин. Болалар кизикиш хажмига кура хам турларга булинади. Юкорида катор шахсга оид маълумотлар баён этдик, аммо бу каби хислатлар аклий нуксонли болаларда кандай кечиши хакида кам тухталдик. Акли заиф болалардаги шахсий сифатлар узининг катор хусусиятлари билан нормал болалар хусусиятларидан фарк килади. Бу хусусиятлар улардаги бош мия нуксонларининг мазмуни билан белгиланади. Шуни айтиш уринлики, бош миянинг хар бир касали мумкин кадар узига хос шахсий сифатлар келтириб чикарар экан. Масалан, шизофрения, бош мия захми, турли даражадаги жарохатлар, турли юкумли касалликлар, энцефалитлар, наслий касалликлар ва бошкалар узларининг махсус асоратларидан ташкари, яна умумий шахсий нуксонлар хам келтириб чикарар экан. Бу хакда кисман 3 булимда маълумотлар берилган. Шунга карамай, айрим фикрларни айтиб утиш мумкин. Шуниси диккатга сазоворки, акли заиф болаларда салбий шахсий сифатлар нормал болалардан бирмунча осон шаклланар экан. Бунинг боиси, улардаги иродавий хислатларнинг, бушлиги, хохишларнинг етишмаслигидир. Шу сабабли акли заиф болалар билан таълим-тарбия жараёнларида, уларда ижобий шахсий сифатлар шакллантириш вактларида ушбу омилларни эътиборда тутмок даркор. Дунёкараш нима? Унинг акли заиф болаларда шаклланиши кандай кечади? Дунёкараш – табиат, жамият, кишилик тафаккурига булган муносабатлар тизимидир. Дунёкарашнинг узига хос сифатлари мавжуд. Буларга: илмийлик, изчиллик ва максад бирлиги, мантикий богликлик, конкретлик, фаолият ва хулкнинг бирлиги, богликлиги киради. Шахснинг рахбарлик лавозимларида 3 та тоифа кишилар кузга ташланар экан. 1. Авторитар тип. Бундай типдаги рахбар буйрукбозлик усулидан фойдаланиб, бошкалар фикрини эшитгиси келмайди. 2. Демократик тип.

Бундай типдаги рахбар асосан жамоа фикри оркали иш юритади, барчанинг таклифларини инобатга олади. 3. Уз холига ташлаб куйилган рахбарлик. Номидан куриниб турибдики, бундай рахбарлар ишни уз холатига ташлаб куядилар. Бундай жойларда рахбарнинг бор-йуклиги сезилмайди. Шахсни шакллантирадиган омиллардан бири мехнат, алока ва билим эгаллаш жараёнларидир. Бола, кишилар орасидаги муомала, алока воситаларига тил, ишоралар, мимик холатлар киради. Болалар орасидаги муомала турларига: шахслараро, шахс ва гурухлар орасида хамда гурух-гурухлар тури киради. Болалар орасидаги муомала киска ва узок муддатли булиши мумкин. Бирор маъруза юзасидан маълум вактдан бир неча соатгача давом этадиган муомалани киска муддатлига киритамиз. Узок муддатли эса, вакт жихатидан киска муддатлидан узок давом этади. Тугалланган ва тугалланмаган алокалар булиши мумкин. Бола шахсининг шаклланишида етакчи омиллардан яна бири уз-узига хакконий бахо беришдир. Махсус текширишларнинг курсатишича, акли заиф болаларнинг узларини бахолашлари бирмунча юкори экан. Шахснинг рухий тузилишида ирода хам маълум уринга эга. Ирода асосан онгли, максадга мувофик харакатларда намоён булади. Ирода маълум конкрет шароитларда, турли фаолиятларда шаклланиб боради. Илм- фан ютукларига асосланиб, ёрдамчи мактаб ходимлари акли заиф болаларда таълим-тарбия жараёнларида шахсий сифатлар тарбиялайдилар. Катор муаллифларнинг курсатишларича, акли заиф болалар ташаббус курсата олмайдилар. Уз харакатларини хам тартибга сола олмайдилар. Л.С.Виготский Э.Сеген фикрларига кушилиб, акли заиф болаларда интилишларнинг заифлигини курсатади. “Акли заиф болалардаги бевосита шахсий ахлокий нуксон , етакчи, асосий нуксондир”, - деб курсатади Л.С.Виготский. Н.Л.Коломинский томонидан акли заиф болаларнинг шахсий сифатларининг шаклланиши ёрдамчи мактабларда кандай кечишини катор тажриба ишлари билан текширади. Бунда, акли заиф болаларга синф жамоасининг таъсири масалалари очиб берилади.

Шундай килиб, ёрдамчи мактаб укувчиларининг шахсий сифатларининг шаклланиши, нормал болалардагидек, бола тараккиётида, онтогенезда юз берар экан. Аммо, бу жараёнда оила, мактаб ва мехнат жамоасининг урни алохида ахамиятга эга.

А Д А Б И Ё Т Л А Р 1. Мамедов К., Шоумаров Г. Акли заиф болалар психологияси. Тошкент. 1994, 87-93-бетлар. 2. Рубинштейн С.Я. Психология умственно отсталого школьника. М., 1986, 150-159-бетлар. 3. Виноградова А.Д. Практикум по психологии умственно отсталого ребенка. 1985, 34-41-бетлар. 4. Зейгарник Б.В. Патопсихология. М., 1976, 179-211-бетлар. 5. Вохидов М. Болалар психологияси. Тошкент, 1982, 69-90-бетлар. 6. Крутецкий В.А. Психология. М., 1980, 57-58-бетлар. 7. www.ziyonet.uz

O'xshashlar

Акли заиф болалар олий асаб фаолиятининг хусусиятлари

Акли заифлик муаммоси ва акли заиф болалар рухиятининг ривожланиш хусусиятлари

Акли заиф болаларнинг фаолият хусусиятлари

Акли заиф болаларнинг уз-узларига бахо бериш хусусиятлари

Оилада болалар тарбиясининг педагогик психологик хусусиятлари