Таълим усуллари - Pedagogika - Referatlar

Таълим усуллари

Yuklangan vaqt:

20.09.2019

Ko'chirishlar soni:

0

Hajmi:

144 KB

Ko'chirib olish

Таълим усуллари Режа: 1. Таълим усулларининг классификацияси 2. Ўкув материалини огзаки баён этиш 3. Ўрганилаётган материални курсатиш ва кузатиш

Таълим усулларининг классификацияси Т аълим усулларини д идактик тамойиллар белгилайди. Таълим усулларини танлаш ва улар самарадорлигининг исботи мазкур усулларга асос килиб олинган дидактик тамойилларга богликдир. Усул тушунчаси (максадга элтувчи йўл маъносида) максадга эришиш усулини, муайян тартибда ташкил этилган фаолиятни англатади. Таълим усули дейилганда, таълим олувчилар ва ўкитувчининг таълим, тарбия ва ўкитиш жараёнида шахсни ривожлантириш масалаларини хал килишга каратилган фаолияти тушунилади. Таълим усуллари ўкув жараёнининг мухим таркибий кисми саналади. Мос равишда танлаб олинадиган усулларсиз ўкитиш жараёни максад ва вазифаларини хал этишга ёки ўкувчилар томонидан ўкув материалини ўзлаштирилишига эришиб бўлмайди. Умумий ўрта мактабларда фойдаланиладиган умумий ўкитиш усуллари асосан уч гурухга бўлинади: 1. Ў кув материалини огзаки баён килиш — бунга тушунтириш, хикоя, сухбат, дарслик ва китоб устида ишлаш киради. 2. Ўрганиладиган нарсаларни, ходисаларни кўрсатиш ва кузатиш — буларга демонстрация, иллюстрация, экскурсия ва хар хил кузатишлар киради. 3. Амалий ишлар ва машклар — бунга эса ўкувчиларнинг мактаб кабинетлари ва лабораторияларида, тажриба-ер участкасида амалий машгулотлар ўтказиш, оддий тажрибалар уюштириш, хар хил ёзув ишлари, математик масалалар ечиш ва шу кабилар киради. Бу ўкитиш усулларининг хар бири ўзига хос хусусиятга эга бўлса хам улардан доим бир-бирига боглик холда фойдаланилади. хар бир ўкитувчи кайси фандан дарс беришидан катъи назар, дидактик тамойилларга мувофик холда ўкитиш усулларининг хилма-хил турларини бир дарснинг ўзида хам кўллаши мумкин

Ўкув материалини огзаки баён этиш . Ўкув материалини огзаки баён килиш — асосий ўкитиш усулларидан бири бўлиб, барча фанларни ўкитишда татбик килинади. Ўкитувчи огзаки сўз, нутк ёрдамида янги билимларии баён килишга, ўтилган мавзуларни такрорлашга, мустахкамлашга ва ўкувчиларнинг билимини текширишга, ўзлаштириш даражасини аниклашга муваффак бўлади. Ўкитувчининг нуткини эшитиш — ўкувчиларнинг янги тушунчаларни эгаллашларига, сўз билан ўз фикрларини ифода килишга, мустакил фикр юритишга, нуткларини юксалтиришга ёрдам берадиган фаол ва мураккаб йўллардан биридир. Ўкитувчининг жонли сўзи, нутки ўкувчиларнинг кизикишларини уйготишда, диккатларини тўплашда хам катта роль ўйнайди. Шунингдек, бу усул ўкитувчининг ўкувчиларга гоявий-тарбиявий таъсир кўрсатишига имконият тугдиради. Ўкитувчининг хикояси, тушунтириши, сухбати, мактаб маърузаси ўкув материалини огзаки баён килишнинг асосий турларидан хисобланади. Ўкитувчининг хикояси бирор ходисани, вокеани жонли, образли, таъсирли килиб баён килишдир. Хикоя — ўкувчилар яшаб турган замон ва жойдан узок бўлган, бевосита кузатиш мумкин бўлмаган нарса, ходиса ва вокеалар тўгрисида билим беришнинг асосий усулларидан биридир. Шунинг учун бу усул тарих ўкитиш, адабиётни ўрганиш каби дарсларда кўпрок кўлланилади. Хикоя асосан илмий-оммабоп шаклда ва бадиий шаклда бўлади. Хикоя килиш вактида мавзунинг мазмунига доир кўрсатмали куроллардан (расм, диаграмма, карта ва шунга ўхшашлардан) фойдаланиш зарур. Шунинг каби хикоя жараёнида адабий асарлардан кичик бир парчани, шеърни ўкиб бериш ёки ёддан айтиб бериш хам мумкин. хикоянинг шу асосда уюштирилиши, кўрсатмали куроллар оркали аник, эркин ва ишонч билан баён килиниши, ўкувчиларда аник тасаввурлар ва тўгри

тушунчаларнинг хосил бўлишига, уларнинг кизикишини, фаоллигини оширишга ёрдам беради. Ўкитувчи хикоядан сўнг шу мавзунинг мазмунини кенгайтириш, мустахкамлаш, ўкувчиларнинг мавзуга бўлган кизикишларини ўстириш максадида сухбат ўтказади. Хикоянинг муваффакиятли ўтказилиши учун маълум талабларга риоя килиш лозим: 1) Ўкитувчи дарсга тайёрланишда аввало хикоянинг максадини, мазмунини аник белгилаш; 2) Дастурга доир амалиётдан олинган фактик материални тўгри танлаш ; 3) Шу материални изчил содда, аник равишда, болалар осон тушуна оладиган формада равон баён килиш ; 4) Ўкув материалини ўкувчиларнинг яхши аник тушунишлари учун уни исбот эта билиш, ундаги асосий жойларни ажратиб, фактлардан хулосалар чикара билиш ; 5) Хикоя таъсирчан бўлиши, яъни ўкувчиларнинг хис-туйгуларига таъсир эта олиши керак (лозим бўлса ўкувчиларнинг газабини кўзгата олсин, ёки кувонч-шодликларини ўйготсин); 6) Ўкув материалининг мазмунига кўра кўрсатмали куроллар асосида хикоя килиш катта ахамиятга эгадир. 7) Хикоя килишнинг таъсирчан, тизимли, аник бўлишида ўкитувчининг нутки катта роль ўйнайди. Ўкитувчипинг нутк интонацияси, мимикаси (кўл, юз, кўз ва бошка харакатлари)нинг ўринли бўлиши ўкувчиларнинг диккатини тўплайди, уларни жонлантиради. Ўкувчиларнинг хикоя мазмунини, ундаги асосий фикрларни осон тушуниб олишлари учун, уларнинг кизикишларини ошириш учун хикоя килинадиган вокеанинг иштирокчиси сифатида ёки автор, шу вокеаларда катнашганлар тилидан, диалог усулида баён килиш каби йўллар билан амалга оширилади. хикоя усули оркали ўкитувчи болаларни тинглашга, хикоядаи

сўнг саволлар беришга ўргатгани каби, уларнинг хикояни канчалик тушунганликларини текшириб кўриш, мухим кисмини. такрорлаб бериш оркали хам уларнинг диккатини фактларни якунлашга жалб этади. Шундай килиб, ўкитувчининг хикояси асосан куйидаги даврларга бўлинади: а)ўкувчилар диккатини бир жойга тўплаш — ўтилган материални янги хикоя мавзусига боглаш максадида сухбат ўтказилади, сўнгра янги мавзу айтилади. Ўкувчилар диккати жалб этилади; б)хикоя (баён) килинади. Хикоя давомида, хикоянинг мазмунига караб ўкувчиларга саволлар хам берилади; в)сўнгра ўкувчиларнинг саволларига жавоблар кайтарилади; г)ўкувчиларнинг хикоя материалини канчалик тушунганл и кларини билиш максадида сухбат ўтказилади. Тушунтириш — ўкитувчининг масала, конун-коидаларни доскага ёзишдан, тажриба кўрсатишдан кенг фойдаланган холда изчиллик билан баён килишидир. Тушунтиришда асосий ўринни исботлаш, мулохаза килиш эгаллайди. Бу эса ўкувчиларнинг ўкув материалини осонлик билан ўзлаштириб олишларига, мустакил фикр юритишларига замин тайёрлайди. Ўкитувчи ўкув материалини тушунтириб берганидан сўнг уни кайтариш, янги ўтилган материалдан мисол ва масалалар ечиш максадида бир неча ўкувчини доскага чакиради. Шунингдек, ўкитувчи ўкувчиларга тушунтирилган материал юзасидан ўзлари хам мисоллар келтиришларини таклиф килади ва бу билан уларнинг материални канчалик ўзлаштирганларини билиб олади. Сухбат — огзаки баён килишнинг мухим усулларидан бири бўлиб, савол-жавоб тарикасида ўкитиш демакдир. Тўгри уюштирилган сухбат ўкитувчининг ўз ўкувчилари билан якиндан алокада бўлишига, уларнинг буюмлар, ходисалар тўгрисидаги тушунчага эга бўлишларини, тушунтирилаётган материални канчалик ўзлаштираётганларини билиб олишига имкон беради. Шунингдек, сухбат

ўкувчиларнинг доимий фаоллигини оширишга, диккатини, фикрлашини, нуткини ўстиришга, мустакил равишда мулохаза килишга ёрдам беради. Сухбат дарснинг олдига кўйилган аник максад, вазифа хамда ўкув материалининг мазмунига боглик холда ўкитишнинг хар хил даврларида ўтказилади. Масалан, янги мавзу сухбати, ўкувчиларнинг олган билимларини кайтариш, мустахкамлаш сухбати ва шу билимларнинг канчалик ўзлаштирилганини, турмушда кандай татбик килаётганини текшириш сухбатидир. Янги мавзуни ўтиш сухбатида ўкувчилар аввал ўтилган дарсларга асосланган холда нарса ва ходисаларни кузатиш, анализ килиш оркали мустакил равишда натижа ва хулосалар чикара билишга ўргатилади. Бу турдаги сухбат — эвристик сухбат деб аталади (эврика юнон сўзи бўлиб — топдим деган тушунчани англатади). Эвристик сухбатни кадимги Юнонистон файласуфи Сукрот топган. Шунинг учун хам бу усулни Сукрот усули деб хам юритадилар. Ўкитувчи бундай сухбат оркали ўкувчиларга фактларни эсига туширадиган, буюм ва ходисаларни таккослашни, мухокама килишни талаб этадиган тахминий саволлар бериб, уларнинг ўзларини жавоб беришга мажбур килади. Шунинг каби бу хилдаги сухбат ўкувчиларни маълумдан номаълумга, якиндан узокка, билмасликдан билишликка олиб келишга имконият тугдиради. Ўкувчиларнинг олган билимларини кайтариш, мустахкамлаш сухбати уларнинг янги материални тушунишларини ва ўзлаштиришларини таъминлашда, ўтилган материални тизимлаштиришда, чукурлаштиришда асос бўлиб хисобланади, ўкув дастурининг маълум кисми ўрганилгандан сўнг кундалик, якунловчи каби такрорлаш турлари уюштирилади. Шунинг учун бу сухбатда кўйилган саволлар дастур материалининг маълум бўлимини умумлаштиришни талаб киладиган бўлиши лозим. Ўрганилган материални такрорлаш сухбати иш натижаларини кўришга, ўкувчиларнинг канчалик ўзлаштирганликларини, билимларини амалиётда татбик кила билишини

аниклашга ёрдам бергани каби уларнинг билимидаги камчиликларни пайкаб олишга ва ўз вактида шунга чора кўришга хам ёрдам беради. Хар кандай сухбатнинг хам муваффакиятли ўтиши унинг кандай тайёрланганлигига богликдир. Ўкитувчи сухбатга тайёрланишда ва уни ўтказишда тубандаги умумий талабларга риоя килиши зарур: 1) Мавзуни изчиллик билан ўтишга ёрдам берувчи сухбатнинг аник мавзуини тузиши ва саволларни тўгри кўя билиши керак. 2) Саволлар эса ўз навбатида мазмуни жихатидан аник, киска, содда, тушунарли бўлиши лозим. Шунингдек, ўкувчиларга берилган саволлар уларнинг фикрларини фаоллаштирадиган, асосий масалани ажрата биладиган, ўрганилаётган ходиса ва буюмларнинг ўзгариш сабабларини, уларнинг бир-бирига боглик бўлишини ўйлаб, асослаб олишга мажбур киладиган бўлиши керак. 3) Ўкувчиларга бериладиган саволлар хар хил бўлиши мумкин. 4) Саволлар ўзидан жавоб чикадиган, бир сўз билан жавоб бериладиган ва бир саволга икки хил жавоб бериладиган шаклда бўлмаслиги керак. 5) Бериладиган саволлар синфдаги болаларнинг барчасига эшитиларли килиб берилиши, сўнгра бир боладан сўралиши керак. Маъруза. Огзаки таълим методларидан бири сифатида маъруза хикоядан кура каттарок хажмли, мантикан мураккаб тузилиш, образ, исбот ва умумлашмаларга эга укув материалини баён килишни кузда тутади. Хикоядан фаркли равишда маъруза, одатда машгулотнинг барча вактини камраб олади. Маъруза давомида билимларни огзаки баён килиш, узок вакт мобайнида тингловчилар диккатини жалб кила олиш, фаоллигини таъминлаш, мантикан эсда саклаб колиш, ишонтириш, асослаш, исботлаш, таснифлаш, тизимлаш ва умумлаштириш каби усуллар кулланалади. Маъруза машгулотларини самарали ташкил килиш учун маъруза режаси пухта ишлаб чикилиши, режада кузда тутилган хар бандни тегишли

мазмун ва хулосалар билан баён килиш, биридан иккинчисига утишдаги узвий богликлик ва мантикийликни таъминлашнинг аник тизими белгиланган булиши керак. Шунингдек баён килишдаги тушунарлилик, аниклик, атамалар, мисоллар ва кургазма воситаларни тугри танлаш хам мухим ахамият касб этади. Маърузани укиш мароми ва суратини белгилашда тингловчилар томонидан баъзи уринларнинг ёзиб олиниши эътиборга олиниши лозим. Бу вазифани осонлаштириш учун маърузачи алохида мухим уринларни ажратиб курсатиши, зарур тушунчаларни такрорлаб баён килиши уринли булади. Бу методни куллашда аудио ва видеотехника, телевизион ёзувларни куллаш ёки таркатма материал сифатида конспект, кулланма ёки компьютерда фойдаланиш пакетини тавсия килиш мумкин. Умуман олганда, огзаки баён килиш усулининг барча турлари хам муваффакиятли бўлиши учун юкорида айтганлардан ташкари, ўкитувчи нутк маданиятига эга бўлиши, унинг тили содда бўлиши, тўгри, ифодали сўзлай билиши, ортикча сўзларини ишлатмаслиги лозим. Дарслик ва китоб уст и да ишлаш . Бу турдаги ўкитиш усули хар бир предметни ўтишда фойдаланилади. Ўкитувчи бу усул оркали ўкувчиларни дарслик ва бошка китоблардаги матнларни ўкишга, ўкиганини анализ килишга, зарур жойларини аниклаб, ажратиб олишга, ўкиганини гапириб беришга ўргатади ва шу асосда мустахкам ўзлаштиришнн таъминлайди. Бу усулнинг турларидан бири изохли ўкишдир. Бу усул айникса бошлангич синфларда болэларни ўкишга ўргатишда асосий усуллардан бири хисобланади. Ўрганилаётган материални курсатиш ва кузатиш. Бу турдаги усулларга демонстрация, иллюстрация, экскурсиялар киради. Бу усул турлари аник нарса ва ходисаларни бевосита кўриш, кузатиш оркали а н ик образлар ва тушунчалар хосил килишга, мустакил фикр юритишга, уларни таккослашга, тегишли натижа ва хулосалар чикаришга ёрдам беради, шу билан бирга ўкувчиларнинг ўкув материали мохиятини

осон тушуниб олишларини, онгли ва мустахкам ўзлаштиришларини таъминлайди. Энди, ўрганиладиган материални бевосита идрок этиш шаклларининг хар бирига алохида тўхталиб ўт амиз . Кўрсатиш. Ўрганилаётган ўкув материалини турли ўкув куроллари, тажрибалар ёрдамида баён килиш, тушунтириш — кўрсатиш —демонстрация деб аталади. (Демонстрация лотинча сўз бўлиб, кўрсатиш деган маънони билдиради.) Ўрганилаётган ўкув материалларннинг схема, жадваллар, диаграммалар шаклида кўрсатилишига иллюстрация дейилади. Умумий ўрта мактабларда кўлланиладиган кўрсатма куроллар хар хилдир: 1. Табиий кўрсатма куроллар. Бу ўрганиладиган буюмларнинг табиий холатини, ўзини, масалан, хар хил ўсимликларнинг барглари, гуллари, уруглари, илдизлари, гербарийлар, фойдали казилмалар ва уларнинг коллекциялари ва бошкаларни кўрсатишдир. Ўрганилаётган ўкув материалини тасвирлайдиган суратларни, расмларни, модель ва макетларни кўрсатиш ва шу максадда проекцион фонарь ёрдамида диапозитивлардан, диафильм ва ўкув кинофильмларидан фойдаланиш. Булар хам ўз навбатида асосий илм манбаларидан бири бўлиб, ўрганиладиган ходиса, вокеаларни бевосита кузатиш мумкин бўлмаган холларда кўлланилади. Шунингдек, ўкиш талабларига жавоб берадиган кинокартиналардан, диапозитивлардан фойдаланиш ўрганилаётган ходисаларнинг харакати, ўзгаришини яккол кўриб олишда, ўкувчиларнинг унга кизикишини ўстиришда, уларда ахлок нормаларини тарбиялашда мухим воситалардан бири бўлиб хисобланади. Кинофильмлар — янги материални баён килишдан олдин, баён килинаётганда, баён килингандан кейин хам кўрсатилиши мумкин. Бундан ташкари, ўкитувчи синф доскасига расм чизиб, ўкув материалини баён килиши яхши натижа беради. Масалан, IV синф-да

табиатни ўрганиш дарсида «Одам танаси ва уни парвариш килиш» деган мавзуни ўтишда одам гавдасининг тузилиши ёки унинг органларидан бири бўлган юракнинг расмини доскага чизиб, унинг туриш холати, тузилиши, бўлакларининг навбатма-навбат кискаришини тушунтириш ўкув материалини онгли, мустахкам ўзлаштиришга ёрдам беради. Бундай расм таълим-тарбия жихатидан катта ахамиятга эга бўлиб, ўкувчилар диккатини ўрганиладиган материалнинг асосий кисмига жалб килади. 3. Ўрганиладиган нарсаларни, вокеа-ходисаларни шартли белгилар билан тасвирлайдиган ўкув куролларидан фойдаланиш. Бунга жўгрофик, тарих хариталари, глобус, турли схема-жадваллар, диаграмма (нашр килинган ёки ўкитувчининг ўзи томонидак тайёрланган) чизмаларни кўрсатиш киради. Бу турдаги кўрсатма материаллардан фойдаланиш хам ўрганилаётган материални тушунтириш ва ўкувчиларнинг эсларида яхши колдиришни осонлаштиради. Дарсда кўрсатмали материаллардан фойдаланиш коидаларини куйидагича ифодалаш мумкин: 1. Ў рганиладиган предмет ёки ходисани хар томонлама билиш учун уни хар хил сезги органлари ёрдами билан билиб оладиган тарзда кўрсатиш. 2. Кўрсатмали куролларни ўрганилаётган материални бевосита баён килишда, хикоя-сухбат ўтказишда кўрсатиш керак. 3. Тўгри кўйилган саволлар ва тегишли хулосалар оркали ўкувчилар диккатини биринчи галда кўрсатиладиган нарсанинг энг мухим белгиларига, асосий жараён даврига жалб килиш, тегишли тасаввур ва тушунчалар хосил килиш ўкув материалини пухта ўзлаштиришда катта ахамиятга эга. 4. Ўрганиладиган нарсаларнинг доим харакатда эканини, ўзгарувчанлигини, ривожланишини кўрсатувчи ўкув асбоблари ва куролларидан фойдаланиш, масалан, харорат ўзгариши билан жисмларнинг кенгайиши ва торайишини кўрсатиш учун бир бўлак гранит каттик киздирилиб бирдан совутилганда унинг

емирилишини кўрсатиш. 5. Кўрсатмали материалдан фойдаланганда уни синфдаги бо- лаларнинг хаммаси яхши кўра олишини таъминлаш зарур. Нихоят, шуни хам унутмаслик керакки, ўкувчиларнинг ўзлари ишлаган кўрсатмали куроллардан фойдаланиш кўрсатмали ўкитишнинг ахамиятини янада оширади. Чунки, ўкувчиларнинг ўзлари ясаган кўрсатмали куроллар (коллекциялар, гербарийлар, макет, модель ва бошкалар) ижтимоий фойдали ишларнинг бир тури бўлиб, уларнинг политехника таълимининг элементлари билан танишишларига ва болаларда мехнат кўникмаларини хосил килишга ёрдам беради. Ўкув машгулотлари жараёнида буюмларни асл холича кўрсатиш имконияти бўлса, унинг суратини кўрсатиш шарт эмас, албатта. Борди-ю, унинг суратини кўрсатиш керак бўлиб колса, ўрганиладиган нарсанинг ўзи кўрсатилгандан сўнггина расмлари кўшимча равишда кўрсатилиши мумкин. Баъзи вактларда эса мураккаб нарсаларнинг ўзини кўрсатишдан илгари, улариинг расмини кўрсатиш яхши натижа беради. Экскурсия ўк и тишнинг асосий усулларидан бири хисобланади. Ўрганилаётган буюм ва ходисаларни уларнинг мавжуд жойига бориб табиий холатида ёки сунъий махсус шароитда (музей ва хоказоларда) бевосита идрок этишга, кузатишга экскурсия деб аталади. Экскурсия ўкувчиларнинг фанга бўлган кизикишларини ўстиришга, уларнинг ходиса ва фактларни онгли равишда аник тушуниб, яхши ўзлаштириб олишларига, кузатувчанликларининг ортишига ёрдам беради. Ўкитувчи тўгри уюштирилган экскурсия оркали ўкувчиларни мустакил равишда кузатишга, зарур бўлган дастлабки таассуротларни хосил килиб, расмини чиза билишга, ёзиб олишга ўргатиш билан кузатган нарсаларидан аник хулосага келишга одатлантиради, болаларнинг зехни, идрокини юксалтиради. Ўкув предметларининг характерига, мазмунига караб ўкувчилар билан табиатга, ишлаб чикаришга хамда музейларга экскурсия килинади. Масалан,

табиатни ўрганишда ўкувчиларни тупрок ва тупрок ости катламлари, уларнинг ранги ва калинлиги, уларда ўсадиган ўсимликлар билан таништириш максадида емирилган (дарё, канал, сойларнинг тик киргоклари каби) тупрокли жойларга, табиатга экскурсия уюштирилади. Шунинг каби фойдали казилмаларнинг ер остида кандай ётишини ва уларнинг ишланишини ўкувчиларга кўрсатиш учун махаллий фойдали казилмалар (кум, гил, охактош ва бошкалар) чикарилаётган жойга ёки гишт тайёрлаш жараёнини кўрсатиш учун гишт заводига, металларни совук ва иссик усулларда ишлаш билан таништириш учун чилангарлик ёки темирчилик устахоналарига экскурсия килинади. Тарих дастуридан тарихий ёдгорликларга, ўлкани ўрганиш, тарих музейига экскурсия уюштирилади, Бу экскурсиядан ўкувчилар тарихий ёдгорликларнинг кайси даврга мансублиги ва кандай вокеа муносабати билан курилганлигини, ўзи яшаб турган шахарнинг, туманнинг ўтмишини билиб олади. Экскурсиялар бирор мавзуни ўтишдан олдин, ўтилаётганда ёки ўтиб бўлгандан кейин ўтилган материални якунлаш, мустахкамлаш вактида уюштирилиши мумкин. Дастур материалини ўрганишдан олдин ўтказилган экскурсиянинг вазифаси ўкувчиларда ўрганиладиган мавзуга доир бошлангич тасаввур хосил килиш, уларда шунга кизикиш тугдириш, уларнинг бажаришлари лозим бўлган ишларига тегишли материални кузатиш ва тўплашдир. Мавзу ўтилаётган вактдаги экскурсия эса, шу мавзу юзасидан ўкувчиларга янги фактларни кузатиш, мустакил фикр юритиш, онгли ўзлаштириш учун ёрдам беради. Экскурсия усули оркали ўкувчиларга янги билимларни бериш максади кўйилган бўлса, экскурсиягача уларга ўрганиладиган мавзу олдиндан тушунтирилмайди, балки экскурсия ўтказилаётганда табиат ходисалари кўрсатиб тушунтирилади. Масалан, III синфда кўп йиллик ва бир йиллик

дарахтлар, бўталар ва ўсимликлар мавзусини ўтишда экскурсиядан фойдаланиш мумкин. Ўкувчиларнинг маълум мавзу юзасидан синфда олган билимларини якунлаш максадида олиб борилган экскурсиялар эса болаларнинг олган билимларини хар хил коикрет материаллар билан тизимлаштиришга, мустахкамлашга, тўлдиришга, уларни турмушда татбик этишга ёрдам беради. Экскурсияларнинг кайси вактларда ўтказилишидан катъий назар, уларнинг муваффакиятли ўтиши ўкитувчидан пухта тайёрланишни талаб килади. Ўкитувчи аввало дастур талабларига асосланган холда экскурсиянинг максадини, жойини белгилаб, олиб бориладиган жой объекти билан танишиши, шу тўгрида ёзилган кўлланмаларни ўкиши, кузатиладиган нарсаларни олдин танлаши лозим. Шунингдек, экскурсиянинг максадига караб экскурсияга борганда кандай асбоб-ускуналар кераклиги, экскурсиянинг ким томонидан ўтказилиши олдиндан белгиланиши зарур. Экскурсияни ўкитувчининг ўзи ўтказса, яхширок натижа беради, чунки ўкитувчи ўз ўкувчиларининг билим хажмларини, ёш хусусиятларини хамда ўкув дастурининг талабларини аник билади. Агарда экскурсияни ўрганиладиган жойнинг (объектнинг) ходими бошкарадиган бўлса, ўкувчиларга бериладиган изохнинг мазмуни, усуллари хакида ўкитувчи уларни олдиндан огохлантириб кўйиши керак. Ўкитувчининг экскурсияга тайёрланиши экскурсиянинг аник мавзуи ва маршрутини тузиш (экскурсияга пиёда борилиши ёки транспортда борилиши) билан тугалланади. Экскурсия мавзуи асосан куйидагича тузилади: а) экскурсия мавзуси; б) ўкувчиларга бериладиган билим л арнинг кискача мазмуни; в) экскурсияни ўтказиш тартиби, ўкувчиларга бериладиган асосий савол ва топшириклар; г) эк с курсияга олиб бориладиган асбоблар; д) якунловчи сухбат.

Экскурсияни якунлашда — ўкувчиларнинг экскурсиядан олган таассуротларини, канчалик тушунганликларини, кандай ифодалай олишларини аниклаш максадида уларнинг шу матер и ал юзасидан «Экскурсияда кўрганларим» каби мавзуларда баён, иншо ёзишлари хам маъкулдир. Кузатиш. Буюм ва ходисаларни табиий шароитда бевосита ўрганиш кузатиш деб аталади. Ўкувчилар кузатиш йўли билан ўкитувчи тушунтирган, баён килган билимларни, табиатдаги баъзи бир ходисаларни (масалан, сувнинг уч холатидаги хоссаларини, одам сув буги ва шалола сувидан кандай фойдаланаетганини) аник, ёркин фактлар ёрдамида билишга, мустакил хулосага келишга муваффак бўладилар. Кузатишлар киска вакт ичида (бир дарс давомида) ёки узок вакт давомида ўтказилади. Киска вакт ичида кузатишларга мисол килиб, сув ўсимлиги ва сув хайвонларининг яшаш шароитларига мослашишларини (аквариумлар ичида) кузатишни олсак бўлади. Табиатдаги ходисалар ва объектларнинг, ўсимлик ва хайвонларнинг ривожланишини, ўзгаришларини кузатиш эса, узок муддатни талаб килади. Бундай кузатишга мисол килиб кўртакдан новданинг ўсиб чикиши, ипак куртининг тухумдан чикиши, бокилиши, об-хаво устидан кузатиш олиб бориш кабилар киради. Мана шундай кузатишлар учун бир неча кун еки кўп вакт талаб килинади. Киска муддатли ва узок вакт давом этадиган кузатишлар, тажриба ишлари ўкитувчиларнинг бевосита рахбарлигида олдиндан белгиланган мавзу бўйича олиб борилиши лозим. Кандай кузатиш бўлишидан катъий назар, берилган топширикларни бажаришлари учун ўкувчиларга олдин аник саволлар берилади. Ўкувчилар кузатишлардан жавоб топишга, мухим белгиларни билиб олишга, ўзларича мустакил хулоса чикаришга, ўйлашга ўргатилади. Ўкувчилар шу хулосаларини дафтарларига кискача ёзиб олишлари керак. Сўнгра шу асосда ўкитувчи сухбат ўтказиб, кузатишдан чикарилган хулосаларни якунлайди. Таълимнинг амалий методлари. Амалий таълим методлари таълим олувчилар фаолиятининг жуда кенг жабхаларини камраб олади. Амалий

таълим методларидан фойдаланишда куйидаги усуллар кенг кулланилади: масаланинг куйилиши, унинг бажарилишини режалаштириш, тезкор рагбатлантириш, йулланма бериш ва назорат килиш, йул куйилган камчиликлар сабабларини аниклаш, таълим максадига тула эришишни таъминлаш учун тегишли тузатишлар киритиб бориш. Бундай методлар каторига укувчилар узлаштирган билимларини амалда куллашлари талаб килинадиган ёзма машкларни киритиш мумкин. Амалий методларга шунингдек таълим олувчиларнинг товуш ёзувчи, ижро этувчи ускуналар, жумладан компьютерлар ёрдамида бажариладиган машклар хам киради. Амалий таълим методлари огзаки хамда кургазмали методлар билан биргаликда кулланилади, чунки хар кандай машгулотлар аввалида албатта йурикнома берилиши шарт. Огзаки тушунтириш ва намуналарни намойиш килиш, шунингдек бажарилган иш тахлили бутун машгулот давомида хам давом эттирилади. Индуктив ва дедуктив таълим методлари. Индуктив ва дедуктик таълим методлари мухим масала таълим мазмунининг илгарилаб боришини узида намоён килади. Индуктив ва дедуктив методлар урганилаётган материални хусусийдан умумийга ёки умумий хусусийга утиб борувчи мантикий кетма-кетликда баён килинишини англатади. Индуктив метод . Таълимни индуктив метод асосида ташкил килишда укитувчи ва таълим олувчи фаолияти куйидагича ташкил килинади: Укитувчи Таълим олувчи 1-вариант Дастлаб маълумотларни баён этади, тажрибаларни намойиш килади, машкларни бажаришни ташкиллаштиради ва таълим олувчини умумлашмаларга, тушунчани аниклашга, конуниятларни келтириб Дастлаб алохида маълумотларни узлаштиради, сунгра уларни умумлаштиради ва хусусий характердаги хулосалар чикаради

чикаришга олиб келади 2-вариант Таълим олувчиларни хусусийдан умумийга утиб борувчи мустакил фикрлашга ундовчи муаммоли вазифаларни бажаришни топширади Маълумотлар устида мустакил фикр юритадилар ва узлари тегишли умумлашма ва хулосага келадилар Мавзуни урганишнинг индуктив усули материал купрок ракам ва далилларга асосланган ёки мохияти индуктив фикрлаш натижасида англанадиган булган холда калланилади. Индуктив методларни техник курилмаларни урганиш хамда амалий машгулотларни бажаришда кенг кулланилиши мумкин. Индуктив метод аник фактларга, тажриба-синов ишларига хамда бошка маълумотларга асосланганлиги сабабли, янги материални урганишда дедуктив методга нисбатан купрок вакт сарфланиши, абстракт фикрлашни ривожлантиришга камрок хизмат килишини унинг камчиликлари сифатида кайд этиш мумкин. Дедуктив метод. Дедуктив методни куллашдаукитувчи ва таълим олувчи фаолияти куйидагича йулга куйилади: Укитувчи Таълим олувчи Дастлаб умумий маълумотлар, формула ва конуниятларни баён килиб, ундан хусусий холатларни, аник вазифаларни келтириб чикаради Дастлаб умумий маълумотлар, формулалар, конуниятларни узлаштиради, сунгра ундан келиб чикадиган хусусий холатларни урганишга киришади Дедуктив метод укув материалининг тезрок узатилишига, абстракт фикрлашни ривожлантиришга ёрдам беради. Бу метод назарий

материалларни узлаштириш, умумий холатлардан келиб чикувчи натижаларни урганишга оид масалалар ечишда купрок самара беради. Индуктив ёки дедуктив методларни куллаш жараёнида укитувчи ва таълим олувчи фаолиятининг тахлили шуни курсатадики, бу уринда хам огзаки, кургазмали хамда амалий таълим методлари кулланилади. Бирок укув материали мазмуни муайян мантикий кетма-кетликда - индуктив ёки дедуктив тартибда баён этилади. Шу сабабли индуктив ёки дедуктив тартибда ташкил этилган сухбат, репродуктив ёки тадкикотчилик асосига курилган амалий иш тугрисида суз юритиш мумкин. Таълим методлари куп омилли тушунча хисобланади. Юкорида келтирилган методлар тизимида методларнинг бир нечта шартли таснифи уйгунлашиб кетган. Кайд этиш жоизки, келтирилган таснифда мантикий методлар индуктив ва дедуктив таълим методлари билан чегараланган. Шу уринда келтирилган методлар гурухини укув материалини тахлил килиш, натижалар синтези, таълим аналогияси, сабаб-окибат богликлигини аниклаш каби методлар билан тулдириш мумкин. Машкларнинг муваффакиятли ўтказилиши куйидагиларга богликдир: 1. Ўкувчиларнинг машклар нима максадда ўтказилаётганипи тушуниши. Машкларнинг онгли равишда олиб борилиши, ўкувчиларнинг коидани мисолларда татбик кила олиши, уни ўз мисоллари билан исбот килиб бера билишидир. Агар ўкувчи коидани тушунмасдан машк килса, нима учун шундай килаётганини исботлаб бера олмаса, унда шу фандан юзаки кўникма хосил бўлади. Бундай кўникма унутилади, ўкувчи янги материални ўрганаётганида ундан фойдалана олмайди, уни мустакил ишлолмайди. 2. Машкларнинг изчил, тизимли бўлиши. хар бир янги кўникма илгари тўпланган билим, кўникма ва малакаларга янги таркибий кисм бўлиб кўшилади. Ўкувчилар хар бир янги иши аввалги ишга асосланган холда бажариши лозим. Машклар изчиллик билан олиб борилса, ўкувчиларнинг мустакил ишлаш даражаси хам ошиб боради.

Масалан, ўкувчилар дастлаб муайян типдаги масалани ўкитувчи билан биргаликда ечадилар (масалани бир бола доскада, бошкалар эса дафтарда ечишади), кейин синфдаги ўкувчиларнинг барчаси ўкитувчи билан биргаликда масала мавзуини тузадилар ва дафтарларига ёзадилар.Нихоят, ўкувчилар мураккаброк масалаларни хам мустакил еча оладиган бўладилар. 3. Машклар турли-туман бўлса, ўкувчилар мустакил ишлашга ўрганадилар, такрор килишга диккатларини бир жойга тўплайдиган бўладилар, дарсга кизикишлари орта боради. Турли-туман машклар ўкувчиларнинг ўзлаштирган коидаларини турли материалга татбик кила олишларини, хар кандай вазиятда хам эсанкирамай масалани хар хил усуллар билан ечиш йўлларини топа олишларига ўргатади. Аммо бир дарсиинг ўзидаёк турли машк шаклларини татбик килишга ортик даражада берилиб кетмаслик керак. 4. Машкларнинг доимий такрорланиб туриши. Хосил бўлган кўникмаларни эсдан чикармаслик учун, аввал ўтилганларни дарсларда такрорлаб туриш керак. 5. Машкларнинг муваффакиятли ўтиши машкларга берилган вактда хам боглик (жуда киска ёки узок). Янги коидаларни эсда колдириш ва мустахкамлаш учун татбик килинадиган машклар киска бўлиши, лекин тез-тез ўтказилиб туриши керак. 6. Машкларни ўтказишда, албатта, ўкувчиларнинг еш хусусиятларини, билим даражаларини, мустакил ишлаш савияларини хисобга олиш талаб килинади. 7. Ўкувчиларнинг ўз билимларидан амалий топширикларда онгли равишда фойдаланишларини таъминлаш. Ўкувчиларни кўл мехнати дарсига доир оддий топширикларни бажаришга (оддий ўкув куроллари, моделлар, ўйинчоклар ясаш, мактаб ер участкаларида, жонли бурчакларда ишлаш), ўз-ўзига хизмат кўрсатишга, уй-рўзгор ишларига катнашишга ўргатиш керак.

Мехнат машкларининг ўтказилиши болаларда мехнатдан кўникма ва малакалар хосил килиш, уларни ёшлигиданок ижтимоий фойдали мехнатга катнашиши учун тайёрлашда жуда мухимдир. Ўкувчиларнинг мустакиллигини орттиришга каратилган машклар уларда хосил бўлган кўникма, малакаларидан мустакил, ижодий тусдаги ишларида тўгри фойдалана билишга ўргатиши керак. (Масалан, иншо ёзиш, мураккаб масала ва мисоллар ечиш, моделлар, ўкув куроллари ясаш ва бошкалар.) Бундай ижодий тусдаги ишларда болаларнинг фаолиятлари анча катта ўрин тутади. Ижодий характердаги ишларнинг бажарилиш сифати хам ўкувчилардаги билимларнинг хотирада накадар мустахкам сакланиб колишига, кўникма ва малакаларни онгли эгаллашга, бу билимларни зарур вактда ишлата билишига богликдир. Юкорида кўрсатилган таълим усуллари ва усуллари бир-бирларидан ажратилган холда татбик килинмайди. Ўкитувчи улардан биргаликда фойдаланади. Масалан, дарс материалини огзаки баён килганда ўкитувчи ўкувчиларга шу материалнинг мазмунига мувофик нарсаларни кўрсатса, экскурсия жараёнида кўрсатилаётган нарсаларга эса изох беради ва хикоя килади, яъни огзаки усуллардан хам фойдаланади. Таълим усули накадар яхши бўлмасин, унинг муваффакиятли натижа бериши ўкитувчининг ўзига богликдир: педагогикада услубий билим ва тажрибаси етарли бўлмаган ўкитувчи яхши услубга эга бўлса хам кутилган натижа бермаслиги мумкин. Ўкитувчи ўзининг малакасини доимо ошириб бориш учун интилиши керак. Таълим усулларини танлаш мезонлари ўкитиш усуллари, юкорида айтилганидек, мактаб олдидаги максад ва вазифаларга бўйсундирилган холда белгиланади. Ўкитиш усулларини танлаш биринчи галда ёш авлодни хаётга, ижтимоий фойдали мехнатга психологик ва амалий жихатдан тайёрлашни, ўкувчиларни фан асосларини яхши билувчи, демократик жамият тамойилларини хурмат килувчи, бундай жамият куриш амалиётида фаол катнашувчилар сифатида тарбиялашни асосий максад килиб олади.

У китиш усуллари: 1) Ўкувчиларнинг тўгри, фаол идрок килишини, кузатувчанлигини ўстиришга ёрдам беришини хисобга олган холда танланади. Ўкувчиларнинг мустакиллигини, кузатувчанлигини ўстириш учун ўкитувчи кўрсатмали, аник материаллардан кенг фойдаланишни таъминловчи усуллардан фойдаланиши мухимдир. Ўкувчилар канча ёш бўлса, ўкитиш жараёни шу кадар кўрсатмали ва аник бўлиши хамда шу кадар болаларнинг турмуш тажрибасидан кенг фойдаланишни таъминловчи усуллар бўлиши лозим. 2) Ўкитиш услубларини танлашда ўкув материалининг мазмуни, хар бир ўкув предметининг ўзига хос бўлган хусусиятлари албатта хисобга олинади. (Табиатни ўрганиш дарсларида, масалан, лаборатория, тажриба машгулотларини уюштириш асосий ўрин эгалласа, тарих дарсларида эса у ишларни уюштиришнинг кераги йўк.) 3) Ўкитиш усулларини танлашда ўкув ишларининг аник максади хисобга олинади. Янги материални баён килишда кўпинча ўкитувчининг хикояси татбик килинади, материални такрорлашда сухбат ва изохли ўкишдан фойдаланилади, олган билимларни турмушга татбик килишга ўргатишда амалий машклар ўтказиш каби катор усуллар кўлланилади. Ўкувчилар билим, кўникма ва малакаларини назорат килиш ва бахолаш Касб-хунар таълими бўйича ўзлаштиришни хисобга олиши ўкувчиларнинг мехнат фаолияти жараёнида уларнинг илмий-техникавий билимлари ва мехнат кўникмалари хамда малакаларини даражасини текшириш ва бахолашдан иборатдир. Мехнат ва хунар таълимининг хамма боскичларида ўкувчиларнинг ўзлаштиришини аниклаш, янги материални мустахкамлаш вактида касб-хунар таълими усулларини эгаллаш хамда мустахкам мехнат топширикларини, график ишларини ва уй вазифаларини бажариш вактида ўкувчиларнинг касб-хунар таълимига оид билимлари хамда мехнат кўникма, малакалари текширилади ва уларга бахо кўйилади.

Ўкувчиларнинг ўкув-мехнат фаолиятини мунтазам текшириб бориш ва унга бахо кўйиш уларнинг берилган топширикларини ўз вактида пухта бажаришларини таъминлайди, илмий-техникавий билимларни, мехнат кўникмалари ва малакаларини астойдил эгаллашга ундайди. Ўкув-мехнат фаолиятини текшириш ва унга бахо кўйиш жараёнида мехнат ўкитувчиси, уста ўкувчиларнинг билимлари, кўникма ва малакаларида мавжуд бўлган камчиликларнинг сабабларини аниклайди ва уларни тузатиш тадбирларини белгилайди. Ўкувчиларнинг ўзлаштиришини текшириш ўкитувчи, устага ўзининг педагогик фаолияти натижаларини хам бахолашга, яъни у ўкув материалини кўрсатиши, мехнат ва хунар таълимининг ташкилий шакллари, усулларидан хам кўрсатмали кўлланмалардан самарали фойдаланишга, мустакил ишларни ташкил этиш, уларнинг бажарилишига рахбарлик кила олишига бахо бериш имконини яратади. Шундай килиб, ўзлаштириш тўгрисида олинган маълумот ўкитувчига, устага ўкувчиларнинг билим ва амалий фаолиятига самарали рахбарлик килиш имконини тугридиради. Ўкувчиларнинг илмий-техникавий билимларини мехнат кўникмаларини ва малакаларини хар кандай текшириш асосида бахо кўйиш ётади. Бахо кўйишда окилона йўл тутилиб, услубий жихатдан тўгри ёндошилганда у ўкувчининг кизикиши хамда ўкишга бўлган хохишини рагбатлантириш ва аксинча нотўгри кўйилган бахо унинг ўкишига салбий таъсир этиши мумкин. Бахо тарбиявий воситалардан бири бўлмоги даркор. Шунинг учун хам бахо кўйишда уста ва ўкитувчининг нихоятда объектив бўлиши талаб килиниди. Бахо сира хам ошириб юборилмаслиги керак. Чунки, бу ўкувчини ва унинг ота-онасини нотўгри фикрга олиб боради. Шунингдек, бахоларни пасайтириб юбориш хам зарарлидир, чунки у ўкувчини камситади, ўз кучига бўлган ишончни йўкотади, ўкишга кизикишни пасайтиради. Кўпинча уста ва ўкитувчилар ўкувчиларнинг интизомига оид бирорта камчилиги учун бахони пасайтириш каби хатоларга йўл кўядилар. Бу ўринда

уста ва ўкитувчи тарбиявий таъсир курсатишининг бошка воситаларидан фойдаланиши лозим. Касб-хунар таьлимида ўзлаштиришни хисобга олиш бу ўкувчиларнинг билимлари, кўникма ва малакалари даражасини текшириш ва бахолашдан иборатдир. Ўкувчиларнинг ўзлаштиришини хисобга олиш яьни аниклаш, янги материални мустахкамлаш вактида, ўтилган ўкув материалларини ўзлаштириш, мехнат усулларини эгаллаш ва мустакил мехнат топширикларини, график ишларини ва уй топширикларини бажаришлари хамда ўкувчиларнинг билимлари текширилади ва унга бахо кўйилади. Ўкувчиларнинг ўкув-мехнат фаолиятини мунтазам текшириб бориш ва унга бахо кўйиш уларнинг берилган топширикларни ўз вактида ва пухта, мустакил бажаришларини таьминлайди, илмий-техникавий билимларни, мехнат кўникмалари ва малакаларни астойдил эгаллашга ундайди. Шу билан бирга ўкитувчи ва ишлаб-чикариш таьлими ўкитувчиларининг ўкувчиларда мавжуд бўлган камчиликларини аниклаш билан бирга уни тузатиш чораларини излашга ундайди. Бундан ташкари ўкувчиларнинг ўзлаштиришини текшириш ўкитувчиларнинг фаолиятига бахо беришга хам асос бўлади. Яьни, у ўкув материалини канчалик тушунарли килиб баён кила олиши ва мехнат усулларини кўрсатиши, мехнат ва хунар таьлимининг ташкилий шакллари, усулларидан хам кўрсатмали кўлланмалардан самарали фойдаланишига, мустакил ишларни ташкил этиш, уларнинг бажарилишга рахбарлик кила олишига бахо бериш имконини беради. Касб-хунар таьлими бўйича ўзлаштиришни бахолаш мезонлари. Ўкувчиларнинг билим, кўникма ва малакаларига ўкитувчи, уста беш балли тизим бўйича бахо кўяди. Бахо кўйишнинг беш балли тизимини амалда татбик этишда сўзлар билан ифодаланадиган «аьло», «яхши», «коникарли», «ёмон», «жуда ёмон» деган бахоларни «5», «4», «3», «2», «1» ракамлари билан алмаштириш максадга мувофик деб топилган. Ракамли

бахолар кўпрок аниклиги, пухталиги ва фойдаланиш учун кулайлиги билан фарк килади. Кўпинча уста ва ўкитувчилар ўкувчиларнинг интизомига оид бирорта камчилиги (кечикиб келиши, машгулотларга келмай колиши, дарс вактида гаплашиб ўтириши ва хоказолар) учун бахони камайтириш каби хатога йўл кўядилар. Бу ўринда уста ва ўкитувчи тарбиявий таьсир кўрсатишнинг бошка воситаларидан фойдаланиши лозим. Куйидаги бахо мезонлари белгилаб чикилган. Ўкув материалини бутун тафсилотлари билан билиш ва тушуниш, материални изчил, мантикан богланган холда хатосиз баён этиш, хисоб-китоб ва графика ишларини намунали бажариш, мехнат топширикларини бажариш вактда олинган илмий-техникавий билимларни мустакил, дадил ва тўгри татбик этиш, мехнат усулларини тўгри бажариш (мехнат ва хунар таьлими дастурининг талаблари доирасида), техникавий талаблар доирасида сифат кўрсаткичларига риоя килиш, ишни вакт нормаси доирасида бажариш «5» бахо билан бахоланади. «4» бахо бутун ўкув материалларини билиши ва тушуниши, уни огзаки ва ёзма равишда тўгри баён этиши, хисоб-китоб ва графика ишларини тўгри ва пухта бажариши, олинган билимлардан ўкув-мехнат топширикларини, берилган ишни белгиланган вакт нормасига мувофик вактида бажарганлиги учун кўйилади. «3» бахо дастурдаги асосий материални бундан кейинги ўкув-мехнат вазифаларини бажаришга имкон берадиган хажмда билиши ва тушуниши, ўкув материалини бирмунча хато ва камчиликлар билан, ўкитувчининг озгина ёрдами оркали содда килиб баён этиши, мехнатни ташкил этишда бир оз камчилик бўлган холда белгиланган вакт нормасини 75% бажаргани учун кўйилади. «2» балли бахо дастур материалининг кўп кисмини яхши тушунмаслик, уни кўпол хатолар билан баён килиш, хсиоб-китоб ва графика ишларини етарли даражада бажармаслик, олинган билимларни хатоларга йўл кўйиб

татбик этиш, мехнат операцияларини кўп хатолар билан бажариш, мехнатда белгиланган сифат кўрсаткичларини таьминлай олмаслик учун кўйилади. Бутун дастур материалини билмаслик ва тушунмаслик, ўтилган материални баён килиб бера олмаслик, олинган билимлардан амалда фойдалана билмаслик, мехнат усулларини кўллана олмаслик, бракка йўл кўйиш учун «1» бахо кўйилади. Бахоларни тарбиявий ролини ошириш масаласи диккатга сазовордир. Шу муносабат билан уста, ўкитувчилар кўйган бахоларини изохлаб бериши мухимдир. Бу хол ўкувчиларга ўз билимларидаги камчиликларини, амалий ишларидаги наксонларни билиб олишларига ёрдам беради. Бахоларни мунтазам изохлаб бориш уларнинг таьлимий ролини оширади. Дастурий материаллар ўкувчилар томонидан кандай ўзлаштирилаётганлиги тест усулида аникланади. Ўкув предметлараро ва айни ўкув предметини ўкув юртлариаро ўзлаштириш даражаси сифатини аниклаш бўйича киёсий тахлил килишни таьминлаш учун тест услидан фойдаланиш максадга мувофикдир. Тест топширикларини тузиш, уни ўтказиш ва бахолаш ягона ёндашув асосида амалга оширилади. Тест топшириклари куйидаги ўзлаштириш даражаларида тузилади: I ўзлаштириш даражаси - таниш, яьни билиб олиш даражаси. Топширик характери: аввал ўрганилган обьектлар, хусусиятлар, жараёнларни таниш, таклиф килинаётган жавоблар орасидан тўгрисини танлаш. II ўзлаштириш даражаси - тушиниш, яьни репродуктив даража. Топширик характери: намунавий амалларни мустакил равишда ёддан бажара олиш, берилган алгоритм бўйича топширикларни бажариб тўгри жавобни топиш. III ўзлаштириш даражаси - кўллаш, яьни билим ва кўникмаларни эвристик кўллаш даражаси. Топширик характери: аввалдан ўрганилган намунавий амаллар асосида бажарилиши лозим бўлган янги фаолият

алгоритмини ярата олиш, махсулий фаолият кўрсатиш, яьни янги алгоритм тузиш натижасида тўгри жавобни топиш. Хар бир даражадаги тест топшириклари топширилганидан сўнг навбатдаги даражадаги тестларни ишлашга рухсат берилади. Умумтаьлим фанлари ўкитувчилари ўз фанидан ўкувчиларнинг бошлангич билим даражаларини аниклаш учун ўкув йили бошида умумий ўрта мактаб хажмида дастлабки тест назоратини ўтказадилар. Тажриба-синов майдончаларидаги тажриба гурухларининг барча ўкув предметлари ўкитувчилари ўз фанидан ўкув дастури хажмида тест топшириклари тузиб, хар бир бўлим тугаганидан сўнг, шу бўлим бўйича тест назорати ишлари ўтказиб боради. хар бир ўтказиладиган тест назоратидаги тест топширикларининг умумий сони 30 тани ташкил этиб, хар бир даражадаги тест топшириклари сони 10 тадан иборат. хар бир тўгри жавоб учун 1 балл, нотўгри жавоб учун 0 балл берилади. Ўзлаштириш даражасини ми к дор ва сифат жихатдан тахлил килиш учун ўкувчиларнинг умумий ва хар бир тест даражаси бўйича алохида ўзлаштириш коэффициентлари хисобланади. Ўкитувчилар ўтказган тест назорати билан солиштириш ва унинг холисона бахоланганлигини текшириш учун илмий-услубий Кенгаш томонидан хам тест назорати ишларини ўтказилади ва олинган натижалар тахлил килиш учун белгиланган тартибда кайд килинади.

O'xshashlar

Таълим усуллари методлари ва воситалари

Боланинг мактабда таълим олишга тайёрлигини ташхислаш усуллари

Узлуксиз таълим. Таълим мазмунини шакллантириш

Назарий таълим

Таълим психологияси