Ota-onalari nazoratisiz qolgan bolalar va oilalar bilan ijtimoiy-pedagogik faoliyat - Pedagogika - Referatlar

Ota-onalari nazoratisiz qolgan bolalar va oilalar bilan ijtimoiy-pedagogik faoliyat

Yuklangan vaqt:

20.09.2019

Ko'chirishlar soni:

0

Hajmi:

105 KB

Ko'chirib olish

Ota-onalari nazoratisiz qolgan bolalar va oilalar bilan ijtimoiy-pedagogik faoliyat Reja: 1 . Oila va uning asosiy vazifalari. 2. Oilaning ijtimoiy mavqei va uning turlari 3. Oilaga ijtimoiy-pedagogik yordam shakllari. 4. “Vasiylik qilish” va “g‘amxo‘rlik qilish” tushunchalari mohiyati. o‘amxo‘rlik qilish va vasiylik qilishga muhtoj toifali bolalar. 5. Asrab olgan oila bilan ijtimoiy-pedagogik faoliyat. 6. Davlat vasiylik tashkilotlarida ijtimoiy-pedagogik faoliyat.

1. Oila va uning asosiy vazifalari Jamiyatda oilaning roli o‘zining kuchi bo‘yicha boshqa hech bir institutlar bilan tenglashtirib bo‘lmaydi. Aynan oilada insonning shaxsi shakllanadi va rivojlanadi bola jamiyatda qiyinchiliklarsiz moslashib ketishi uchun u ijtimoiy vazifalarini egallaydi. Oila birinchi tarbiyaviy institut sifatida ishtirok etadi, u bilan bog‘liqlikni inson o‘zining butun hayoti davomida xis etadi. Oilada insonning ma’naviyligiga asos solinadi xulqi qoidalari yuzaga keltiriladi shaxsning ichki dunyosi va individual sifatlari ochib beriladi. Statistika ko‘rsatishicha, xo‘jalik yuritish bozor siyosatiga o‘tish ijtimoiy institut sifatida oila holatiga ancha yomon og‘ir ta’sir ko‘rsatdi. Demograflar tug‘ilish kamayganini qayd etadilar sotsiologlar asotsial oilalar sonini o‘sib borishini qayd etadilar va turmush darajasining pasayishini taxmin qiladilar. Hamma davrlarda ham oila o‘zining farzandlarini tarbiyalashda yordam olishga talabni xis etgan. Tarix ko‘rsatishicha, odamlar katta oilalar bilan yashaganlarida oilaviy hayotning zarur bo‘lgan bilim va ko‘nikmalari avloddan avlodga tabiiy ravishda va oddiy kundalik o‘tib kelgan. Zamonaviy industrial jamiyatda avlodlar o‘rtasidagi oilaviy aloqalar buzilmoqda. Shuning uchun, jamiyat oila tashkil etish va bolalarni tarbiyalash haqidagi zarur bilimlarni yetkazish bo‘yicha ishlarni o‘z zimmasiga oladi. Hozirgi paytda ota-onalarga mutaxassis psixologlar ijtimoiy ishlar xodimlari ijtimoiy pedagoglar va bolalarni tarbiyalash bo‘yicha boshqa mutaxassislarning yordamlari zarur. Ana shu mutaxassislarning yordamiga faqatgina notinch, yomon oilalar emas, bugungi kunda tinch yaxshi oilalar ham muhtojlar. Oila haqida bir necha xil tushunchalar mavjud: birinchidan, oila – bu nikoh va (yoki) qon-qarindoshchilikka asoslangan kichik ijtimoyi gurux, uning a’zolari birgalikda yashaydilar va uy ishlarini bajaradilar, bir-biriga nisbatan o‘zaro majburiyatlar bilan birlashganlar. Ikkinchidan, oila – bu ijtimoiy institut bo‘lib, unda odamlar o‘rtasida o‘zaro munosabatlar barqaror mustahkam shaklda bo‘ladi. Ana shu o‘zaro munosabatlar doirasida odamlarning kundalik hayoti asosiy qismi

amalga oshiriladi: jinsiy munosabatlari, farzand ko‘rish, bolalaning boshlang‘ich ijtimoiylashishi, tarbiyalash, ta’lim berish, tibbiy xizmat ko‘rsatish va boshqalar. Oila-nikoh munosabatlari insoniyatga qadim davrlardan ma’lum. Neolit davridayoq (15-20 ming yil ilgari) ongli inson paydo bo‘lganda, odamlar jamoasi mavjud bo‘lgandayoq ularning birgalikda xo‘jalik yuritishdagi va bola tarbiyalashdagi vazifalari tabiiy jinsiyligi, yoshiga qarab (erkak, ayol) ajratilishiga asoslangan. Tarixda qayd etilgan oilaviy munosabatlarda farqlar bo‘lishiga qaramay, hamma oilalarni birlashtiradigan qandaydir umumiylik bor. Bu oilaviy tarzda hayot kechirishdir, bunda insoniyat yashashning yagona imkoniyatini topgan. Olimlar oilaning turli vazifalarini ko‘rsatadilar. Biz birinchi navbatda, bolani tarbiyalash va rivojlantirishga taalluqlilarinigagina to‘xtalib o‘tamiz. Reproduktiv vazifasi (productio lot, so‘zidan - o‘zini qayta ishlab chiqish, ko‘payish, avlod ishlab chiqarish) inson zotini davom ettirish zaruriyatini sababini asoslaydi. Oxirgi paytlarda 2-3 odamdan tashkil topgan oilalar soni ortib bormoqda. Bunday oilalarning aytishlaricha bolalar ota-onalarning erkinliklarini cheklaydi: ta’lim olishda, ishda, malakasini oshirishda, o‘zining qobiliyatlarini amalga oshirishda. Bola ko‘rmaslik afsuski faqatgina mavjud bo‘lmay, ular bolaga ega bo‘lish yoshidagi er-xotinlar orasida keng tarqalmoqda, bu yevropa davlatlari uchun xosdir. Oila kattaligini qisqarishi quyidagi omillar sababli sodir bo‘lmoqda: tug‘ilishning kamayishi, yosh oilalarning ota-onalaridan ajralib chiqishlari, ajralishlarning o‘sib borishi natijasida bir ota yoki onalik oilalar soni ortib bormoqda. Aholining sog‘lig‘i sifati va mamlakatda sog‘liqni saqlash rivojlanish darajasi. Ekspertlarning baholashlari bo‘yicha yomon ekologik sharoit, axloqsiz hayot kechirishi, kasalligi yomon ovqatlanish va boshqalar sababli yoshi katta aholining 10-15% sog‘lig‘i holati sababli bolaga ega bo‘lishi mumkin emas. Iqtisodiy va xo‘jalik-turmush vazifalari Azaldan oilasi har doim jamiyatning xo‘jalik boshlang‘ich tashkiloti bo‘lib kelgan. Ov qilish va don yetishtirish, hunarmandchilik va savdo oilada har doim

vazifalar taqsimlangan bo‘lgani uchun mavjud bo‘la olgan. Azaldan ayollar butun uy ishlari bilan mashg‘ul bo‘lganlar, erkaklar kasb-hunar bilan shug‘ullanganlar. Ilmiy texnik revolyutsiya asriga kelib odamlar hayoti yumushlarining ko‘plari (ovqat tayyorlashq Kir yuvish, uy tozalash, kiyim tikish va boshqalar) qisman maishiy xizmat sohasiga yuklatildi. Iqtisodiy vazifasi oila a’zolari uchun boylik to‘plash bilan bog‘liq bo‘lgan: kelin uchun sovg‘alar, kuyov uchun qalin, avlodlarga qoldiriladigan buyumlar, to‘yga, voyaga yetish yoshiga sug‘urta qilish, pul mablag‘lari to‘plash. Bizning jamiyatimizda sodir bo‘layotgan ijtimoiy- iqtisodiy o‘zgarishlar oilaning mol-mulk to‘plash, xususiy mulkka ega bo‘lish, turar joyini xususiylashtirish, meros qilib qoldirish va shu kabi masalalardagi iqtisodiy vazifasi yana faollashib bormoqda. Boshlang‘ich ijtimoiylashtirish vazifasi Oila bolaning shaxsi shakllanishiga faol ta’sir ko‘rsatadigan birinchi va asosiy ijtimoiy guruxdir. Oila ijtimoy mikromuhitdir. Ijtimoiy ta’sir ko‘rsatish omillaridan biridir. U bolaning jismoiny, psixik va ijtimoiy rivojlanishiga ta’sir ko‘rsatadi. Oilaning vazifasi bolani u dunyoga kelgan mamlakat madaniyatiga va bola tabiatiga mos ravishda rivojlanib borishi uchun uni asta-sekin jamiyatga kiritib borishdan iboratdir. Insoniyat to‘plagan ijtimoiy tajribalariga, u tug‘ilib o‘sayotgan mamalakat madaniyatiga, uning ma’naviy-axloq qoidalariga, xalq an’analariga bolani o‘rgatish – ota-onalarning majburiy vazifasidir. Tarbiyaviy vazifasi Boshlang‘ich ijtimoiylashish jarayonida bolani oilada tarbiyalash muhim ahamiyatga ega bo‘ladi. Ota-onalar bolaning birinchi tarbiyachilari bo‘lganlar va shunday bo‘lib qoladilar. Bolani oilada tarbiyalash murakkab ijtimoiy-pedagogik jarayondir. Oiladagi muhit va sharoit bolaning shaxsi shakllanishiga ta’sir ko‘rsatadi. Ota va ona o‘z bolasini ardoqlaydi, erkalaydi, tashvishini qiladi, hayot tashvish va qiyinchiliklaridan asraydi. Ota-onalarning shaxsiy ibratlari – bolaning tarbiyasiga ta’sir ko‘rsatish muhim vositasidir. Uning tarbiyaviy ahamiyati bolaning taqlid etishga qiziqishi, havas qilishiga asoslangan. Bilim va tajribalarga

ega bo‘lmay bola kattalar qilganini takrorlaydi, ularning harakatlariga taqlid qiladi. Ba’zan bolaning oilada olgan tajribasi bolaning atrof dunyoga, odamlarga nisbatan yagona o‘lchov belgisi bo‘lib qoladi. To‘g‘ri ba’zi oilalarda ota-onalari bemor bo‘lganida, buzuq axloqli hayot kechirganlarida, pedagogik madaniyatga ega bo‘lmaganlarida va shu kabilarda tarbiya buzilishi mumkin. Albatta, bola shaxsi tarbiyasiga shunchaki o‘zining borligi bilan ta’sir ko‘rsatmaydi, balki qulay ma’naviy-psixologik muhiti, uning a’zolari o‘rtasidagi sog‘lom munosabatlar bilan ta’sir ko‘rsatadi. Rekeatsion (qayta tiklash) va psixoterapevtik vazifalari Buning mazmuni oila inson o‘zini to‘la himoyalangan deb xis etadigan, to‘la qabul qilingan, uning mavqei, tashqi ko‘rinishi, hayotdagi muvaffaqiyatlaridan moddiy ahvolidan qat’iy nazar, oila uni qabul qiladigan boshpana bo‘lishidan iboratdir. “Mening uyim – mening qasrim” iborasi sog‘lom, tinch oila – dunyodagi hamma notinchliklardan vaqtinchalik bo‘lsa ham yashirinishga, dam olib o‘z kuchlarini to‘plab olishga eng ishonchli va eng yaxshi boshpana degan ma’noni yaxshi ifoda etib beradi. Rafiqasi o‘z uyida o‘zining hokimining hamma kamsitishlari va jahllariga indamay chidab kelgan an’anaviy modeli endi o‘tmishda qolib ketmoqda. Ko‘pchilik ayollar ham endi ishga boradilar va uyga charchab, toliqib qaytadilar. Oilaviy sharoitda, yaqinlari bilan munosabatlarda, bolalari bilan bo‘lganida kuchlari ancha yaxshi tiklanadi. 2. Oilaning ijtimoiy mavqei va uning turlari Oila yaxlit sistemali tashkilotdir. Hozirgi zamonda oila oldida turgan muammolardan biri – bu oilaning jamiyatda moslashishidir (lotincha adapto - moslashtiraman), ya’ni oilaning zamonaviy muhitda (jamiyatda) hayot sharoitlariga moslashishi hisoblanadi. Moslashish jarayonining asosiy xarakteristikasi bo‘lib, ijtimoiy mavqei ishtirok etadi, ya’ni oilaning jamiyatda moslashish jarayonidagi holati.

Oilaning ijtimoiy mavqeini aniqlash uchun uning bir qator tuzilish – funksional xarakteristikalarini hamda oila a’zolarining individual xususiyatlarini bilish kerak. Oilaning tuzilish xarakteristikalari 1. Nikohli sheriklarning mavjudligi (to‘la, rasman to‘la, to‘la emas). 2. Oilaning hayotiy sikli bosqichi (yosh, yetuk, qari). 3. Nikoh tuzish tartibi (birinchi, takroriy). 4. Oiladagi avlodlar soni (bitta yoki bir necha avlodlar). 5. Bolalar soni (ko‘p bolalik, kam bolalik). Oila a’zolarining individual xususiyatlari Ularga ijtimoiy-demografik, fiziologik, psixologik, oila katta a’zolarining patologik odatlari kiradi va bolaning xarakteristikalari kiradi: yoshi, bola yoshiga munosib nutqi rivojlanganligi, jismoniy, psixologik rivojlanish darajasi; uning qiziqishlari va qobiliyatlari; u boradigan ta’lim tashkilotlari, munosabat va o‘qitish muvaffaqiyatlari; o‘zini tutishda chetlanishlar, patologik odatlari, nutqiy va psixik buzilishlar mavjudligi. Oila a’zolarining individual xususiyatlari uning tuzilish va funksional ko‘rsatkichlari bilan birgalikda kompleks xarakteristikalarni tashkil etadi – oila mavqeini (lotincha status-holati, vaziyati). Oilaning ijtimoiy moslashishi tuzilishi Ijtimoiy moslashish ijtimoiy - i q tisodiy moslashish ijtimoiy –psixologik moslashish Ijtimoiy-madaniy moslashish Oilaning moddiy ah voli Oilaning psixologik muhiti oilaning umumiy madaniyati Ijtimoiy rolli moslashish

Oilaning ijtimoiy moslashishi birinchi tashkil etuvchisi – oilaning moddiy ahvoli Oilaning moddiy farovonligi, uning ta’minlanganligi bir necha miqdorni va sifatli ko‘rsatkichlar bilan baholanadi. Bular oilaning daromad darajasi, uning hayotiy sharoitlari, buyumlari mavjudligi (ya’ni oila ega bo‘lgan bumlar) hamda uning a’zolarining ijtimoiy-demografik xususiyatlaridan iborat, bu oilaning ijtimoiy-iqtisodiy mavqeini tashkil etadi. Oilaning daromadlari darajasi, hamda turar joyi sharoitlari belgilangan normadan past bo‘lsa (tirikchilik minimum iva boshqalar) buning oqibatida oila eng kerakli hisoblangan oziq-ovqat, kiyim, turar joyi uchun haq to‘lash talablarini qondira olmaydi, bunda oila kambag‘al hisoblanadi va uning ijtimoiy-iqtisodiy mavqei – past hisoblanadi. Agarda oilaning moddiy ta’minlanishi ijtimoiy me’yorlar minimumiga mos kelsa, ya’ni agarda oila hayot kechirish uchun asosiy talablarni qondira olsa, lekin moddiy mablag‘i dam olish, ta’lim va boshqa talablarini qondirishga yetmasa unda bunday oila kam ta’minlangan hisoblanadi, uning ijtimoiy-iqtisodiy mavqei - o‘rtacha hisoblanadi. Daromadi darajasi va yashash sharoiti yuqori bo‘lib (ijtimoiy me’yordan ikki barobar ko‘p va undan ortiq) faqatgina yashash asosiy talablarini qondirib qolmay, yana turli xil xizmatlardan foydalanish imkoni ham bo‘lsa bu oila moddiy ta’minlangan hisoblanadi, yuqori ijtimoiy-iqtisodiy mavqega ega bo‘ladi. Oilaning ijtimoiy moslashishi ikkinchi tashkil etuvchisi – uning psixologik muhiti – oila a’zolari kayfiyati, ularning hayotiy kechinmalari, bir-biriga munosabati, boshqa odamlarga, ishga, atrofdagi hodisalarga qarashlari natijasi sifatida yuzaga keladigan barqaror mustahkam emotsional kayfiyatdir. Oilaning psixologik kayfiyati holatini baholash uchun er-xotinlar o‘rtasidagi, bolalar va ota-onalar va yaqin qarindoshlari o‘rtasidagi o‘zaro munosabatlarini hisobga olish kerak bo‘ladi. Oilaning psixologik kayfiyati holati ko‘rsatkichlari quyidagilar hisoblanadi: emotsional erkinligi darajasi, xavotirlanish darajasi, bir-birini tushunish, hurmat qilish, qo‘llash, yordam ko‘rsatish, hamdardligi, bir-biriga ta’siri darajasi; dam olish joyi (oilada yoki undan tashqarida), oilaning yaqin atrofdagilar bilan munosabatlari ochiqligi.

Teng huquqlilik va hamkorlik prinsiplarida qurilgan munosabatlar ma’qul hisoblanadi. Oilada bir-birlarining huquqlarini hurmat qilishadi, bir-biriga bog‘langanlik mavjud, emotsional yaqinlik xis etiladi. Oilaning har bir a’zosi o‘zaro munosabatlar sifatidan xursand. Bularning hammasi bo‘lgan holatda – oilaning ijtimoiy-psixologik mavqei yuqori deb baholanadi. Oilada nosog‘lom psixologik muhit er-xotinlar yoki ota-onalar va bolalar o‘rtasida doimiy qiyinchiliklar va janjallar bo‘lgan hollarda yuzaga keladi, oila a’zolari doim xavotirda bo‘ladilar, o‘zlarini erkin xis eta olmaydilar: oila a’zolari o‘rtasida begonalik xissi hukmron bo‘ladi. Bularning hammasi oilaning asosiy vazifalaridan biri bo‘lgan –psixoterapevtik, ya’ni stressni va charchoqni yo‘qotish, jismoniy va ma’naviy kuchlarini tiklab olishi kabi vazifasini bajarishga har bir oila a’zosiga halaqit qiladi. Bunday holatda ijtimoiy psixologik muhiti – past darajali bo‘ladi. Shu bilan birga yomon munosabatlari inqirozli, butunlay bir-birini tushunmaslik, bir-biriga dushmanlik, jahl bilan kuch ishlatish (psixik, jismoniy, jinsiy), ajrashish istagi paydo bo‘lishi bilan ifodalanuvchi holatlarga aylanishi mumkin. Inqirozli munosabatlarga misollar: ajralish, bolaning uydan qochib ketishi, qarindoshlari bilan munosabatlari, aloqalarining to‘xtalishi. Yomon munosabatlari bo‘sh ifoda etilganda doimiy bo‘lmaganda oilaning oraliq holatida bo‘lganda oilaning ijtimoiy-psixologik mavqei o‘rtacha hisoblanadi. Ijtimoiy moslashish tuzilishi uchinchi tashkil etuvchisi – ijtimoiy-madaniy moslashish. Oilaning umumiy madaniyatliligini aniqlashda uning katta yoshdagi a’zolari bilim darajalarini hisobga olish zarur. Kattalarning bilim darajalari bolalarni tarbiyalashda muhim omillardan biri hisoblanadi. Bundan tashqari oila a’zolarining turmush va o‘zini tutish madaniyatlarini ham hisobga olish kerak. Agarda oila odatlar va an’analarni davom ettiruvchisi, saqlovchisi rolini bajara olsa (oilaviy bayramlar saqlanib qolinsa, xalq og‘zaki ijodi saqlansa) oilaning madaniy darajasi yuqori hisoblanadi; qiziqishlari doirasi keng bo‘ladi; ma’naviy talablari rivojlangan bo‘lsa: oilada turmush to‘g‘ri tashkil etilgan, dam olish turli xillarda bo‘ladi, shu bilan birga dam olish va turmush faoliyati birgalikda olib boriladi; oila bolani har

tomonlama (estetik, jismoniy, emotsional, mehnat) tarbiyalash bilan mashg‘ul bo‘ladi va sog‘lom turmush tarzini ta’minlaydi. Agarda oilaning ma’naviy talablari rivojlanmagan, qiziqishlari doirasi tor bo‘lsa, turmushi tashkil etilmagan, uyushmagan, oilani birlashtiruvchi birgalikda madaniy xordiq chiqarish va mehnat faoliyati bo‘lmasa, oila a’zolarining odobini boshqarish bo‘sh bo‘lsa (xulqini boshqarishda majburlash metodlari ustun bo‘ladi); oila nosog‘lom turmush tarzi olib borsa (nosog‘lom, xulqi buzuq) unda uning madaniyati darajasi – past bo‘ladi. Agarda oila madaniyati yuqori darajaliligining to‘la to‘plamga ega bo‘lmasa, lekin o‘izining madaniy darajasi muammolarini tushunib yetsa va uni oshirish yo‘nalishida faollik ko‘rsatsa unda oilaning ijtimoiy-madaniy mavqei o‘rtachaligi haqida gapirish mumkin bo‘ladi. To‘rtinchi ko‘rsatkichi-vaziyatli-rolli moslashishi Bu moslashish oilada bolaga munosabat bilan bog‘liq bo‘ladi. Bolaga oqilona ijobiy munosabatda bo‘lganda, bolaning muammosini hal qilishda oilaning yuksak madaniyatliligi va faolligi bo‘lgan holda uning vaziyatli-rolli mavqei yuqori bo‘ladi: agarda bolaga haddan tashqari e’tiborlilik, uning muammolariga aralashish ko‘p bo‘lsa, unda 0 o‘rtacha bo‘ladi. Agarda bolaning muammolariga e’tibor berilmasa va undan ham yomoni bolaga yomon munosabatlar bo‘lsa, bu oilaning past madaniyati va faolligi bilan birga vaziyatli-rolli mavqei – past bo‘ladi. Oilaning tipologiyasi Oilaning ko‘plab tipologiyalari mavjud bo‘ladi: psixologik, pedagogik, sotsiologik. Ijtimoiy pedagogning faoliyati vazifalariga kompleks tipologiyasi javob beradi, u jamiyatda ijtimoiy moslashuvi darajasi bo‘yicha farq qiladigan oilaning to‘rt kategoriyadagi tiplarini ajratishni ko‘zda tutadi. 1. Yuqori darajasi - mustahkam oilalar. 2. O‘rtacha – xavfi bor oilalar guruxi. 3. Past darajali – notinch (baxtsiz) oila. 4. Juda past – asotsional oilalar.

Tinch, baxtli oilalar o‘z vazifalarini bajara oladilar. Ijtimoiy pedagog yordamiga deyarli muhtoj emaslar. Bunday oilalar moslashish qobiliyatlari hisobiga, ya’ni moddiy, psixologik va boshqa ichki imkoniyatlariga asoslangan qobiliyati hisobiga o‘z bolasining talab-ehtiyojlariga tezlikda moslashib oladi va uni tarbiyalash va rivojlantirish masalarini muvaffaqiyatli hal etadi. Muammolar paydo bo‘lgan hollarda ularga ijtimoiy pedagogning bir martalik yordami (maslahati) yetarli bo‘ladi. Xavfi bor gurux oilalari qoidalardan bir qancha chetlanishi bilan ifodalanadi (to‘la bo‘lmagan oila, kam ta’minlangan oila va shu kabilar). Bular oilaning moslashish qobiliyatini pasaytiradi. Ular bolani tarbiyalash vazifalarini o‘zlarining ko‘p kuchlarini ishlatib bajaradilar, shuning uchun ijtimoiy pedagog oila holatini kuzatib borishi kerak va kerak bo‘lganida o‘z vaqtida yordamini taklif etishi zarur. Notinch oilalar, bu hayot faoliyati biror-bir sohasida yoki bir vaqtda bir nechtasidan past ijtimoiy mavqega ega bo‘lgan oilalar. Masalan, oila daromadi past darajada, yomon psixologik muhit, oilada madaniyat darajasi past. Bunday oilalar ularga yuklatilgan vazifalarni bajara olmaydilar, ularning moslashish qobiliyatlari past, bolani oilaviy tarbiyalash jarayoni qayta qiyinchiliklar bilan o‘tadi, natijasi kam bo‘ladi. Bunday turdagi oila uchun ijtimoiy pedagog tomonidan faol va davomiyli yordam kerak bo‘ladi. Assotsional oilalar – bu ota-onalari xulqi buzuq, qonunga xilof ravishda hayot kechirayotgan oilalar va bu oilalarda yashash – turmush sharoitlari eng oddiy sanitar-gigiyenik talablarga javob bermaydi. Bunday oilalarda odatda bolalar tarbiyasi bilan hech kim shug‘ullanmaydi, bolalar qarovsiz qoladilar, yarim och, yarim yalang‘och bo‘lib rivojlanishdan ortda qoladilar. Ota-onalari tomonidan boshqalar tomonidan am jabrlanadilar, ijtimoiy pedagogning bunday oilalar bilan ishlari huquqni himoya qilish organlari bilan birgalikda, hamda vasiylik qilish organlari bilan hamkorlikda olib borilishi kerak.

3. Oilaga ijtimoiy-pedagogik yordam shakllari Chet el amaliyotida muhtojlarga uzoq vaqtli va qisqa vaqtli ishlar shakllaridan foydalanib ijtimoiy-pedagogik yordam ko‘rsatish boy tajribalari to‘plangan. Oz vaqtli shakllari orasida olimlar inqirozintervent va muammoli-yo‘naltirilgan modelni o‘zaro aloqlarini ko‘rsatadilar. Inqirozintervent modelli oila bilan ishlashda bevosita inqirozli vaziyatlarda yordam ko‘rsatishni ko‘zda tutadi. Bunday vaziyatlar oilaning kundalik hayoti davomida yuzaga kelishi mumkin yoki tasodifiy zarar yetkazuvchi holat bo‘lishi mumkin. Bunday noqulay davrlar bolaning yoshi inqirozi bilan bog‘liq, bunda oilada psixologik-pedagogik muammolar kuchayadi. Uch yosh inqirozi shaxsning asosiy individual-psixologik sifatlari shakllanishi jarayoni bilan va ijtimoiy-ma’naviy sifatlarining rivojlanishi uchun shart-sharoitlar yaratish bilan bog‘liq bo‘ladi . 7-8 yosh inqirozi maktab o‘quvchisi yangi ijtimoiy mavqega moslashishi, hayotning yangi rejimini o‘zlashtirishi, o‘qituvchi bilan, bolalar jamoasi bilan munosabatlar o‘rnatilishi bilan bog‘liqdir . 12-17 yosh inqirozi o‘zini tashkil toptirish, oila a’zolari, ota-onalari bilan, umuman kattalar bilan munosabatlarini o‘zgartirish davri . 18-21 – ijtimoiy o‘zini aniqlash davri. Oilaga inqiroz paytida faqatgina ijtimoiy pedagog emas, balki professional psixolog, yordam ko‘rsatish norasmiy guruxlari, maxsus tashkilotlar (ijtimoiy himoya, reabilitatsiya markazi va boshqalar) yordam ko‘rsatadilar. O‘zaro aloqalar muammoli- yo‘naltirilgan modeli (shakli) qisqa vaqtli ishlar strategiyasiga kiradi, uning davomiyligi 4 oydan oshmaydi. Muammoli- yo‘naltirilgan modeli oila murojaat etgan aniq amaliy masalalarni hal etishga qaratilgan bo‘ladi . Bu model diqqat markazida muammo va yordam ko‘rsatuvchi mutaxassislar bo‘ladilar, oilaga yordam ko‘rsatuvchilar o‘z kuchlarini oila anglab yetgan va ular buning ustida ishlashga tayyor bo‘lgan muammoni hal etishga qaratishlari kerak. Bunday muammolar bolaga destruktiv munosabatlar (lotincha destructio-buzish,

barbod etish, biror narsaning normal tuzilishini parchalash), tarbiyalash noto‘g‘ri usuli, oiladagi yomon, ko‘ngilsiz psixologik muhit bo‘lishi mumkin. Chet el davlatlari ish tajribalarida asosan ustun bo‘lgan ishlar olib borish uzoq vaqtli shakllari mijoz bilan uzoq vaqt munosabatda bo‘lishni (4 oy va undan ko‘p) talab etadi va odatda psixologik yondoshishga asoslanadi. Oilalar ijtimoiy-pedagog va psixologik yordam so‘rab murojaat etmasa (ular bunga muhtojlar aslida) unda ularga nisbatan patronaj kabi ish usuli qo‘llaniladi. Patronaj ijtimoiy pedagogning ish usullaridan bir shaklidir, bu usulda ijtimoiy- pedagog diagnostik, tekshirish, nazorat, moslashish-reabilitatsion maqsadlarda oilalarni uyiga kelib ishlashidan iborat bo‘ladi. O‘zbekiston respublikasida patronaj ish usuli mavjud bo‘lib va pediatrik xizmatlar, nogironlar va nafaqaxo‘rlarga ijtimoiy xizmat ko‘rsatish markazlari tomonidan amalga oshiriladi. Lekin tibbiy va xo‘jalik-turmush xizmatlari patronaj imkoniyatlarini chegaralamaydi, uning doirasida turli xil ta’lim, psixologik yordamlari amalga oshirishi mumkin, shuning uchun ijtimoiy pedagogning oilaga kelib ishlash shakli uning ajralmas qismi bo‘lishi kerak. Patronaj bilan bir qatordaoila bilan ishlash shaklidan biri sifatida konsultatsion suhbatlarni ko‘rsatish mumkin. Individual konsultativ suhbatlar bilan bir qatorda oila bilan ishlash guruxli ishlash metodi –trening qo‘llanishi mumkin. 4. “Vasiylik” va “qaramog‘iga olish” tushunchalarining mohiyati. Vasiylik va g‘amxo‘rlikka muhtoj bolalar kategoriyalari Vasiylik – bu “balog‘atga yetmagan shaxslar shaxsi va mol-mulki huquqlarini himoya qilish shaklidir (ota-onasiz olgan bolalar, ruhiy kasallar)”. vasiylik deyilganda bunday kuzatishlar vazifasi yuklatilgan shaxslar yoki tashkilotlar ham tushuniladi. Vasiylik qilish topshirilgan shaxs vasiy deb ataladi, uning majburiyati esa vasiylik. Q aramog‘iga olish - o‘z mazmuni bqyicha vasiylikka yaqin tushunchadir, qaramog‘iga olish – bu balog‘atga yetmagan bolalar shaxsiy va mol-mulkka himoya qilish shakli (va boshqa kategoriyali odamlarning ham), ya’ni qaramog‘iga olish deganda vasiylikdan farqli ravishda unga ancha keng kategoriyadagi bolalar

kiradi. Hozirgi kunda kundalik nutqda va nazariy tadqiqotlarda ikki tushuncha keng qo‘llaniladi: yetim (hech kimi yo‘qlik) va ijtimoiy yetim (ijtimoiy hech kimi yo‘qlik). Yetim bolalar – bu 18 yoshgacha bqlgan ikkala ota-onalari yoki birortasi vafot etgan shaxslardir. Ijtimoiy yetim – bu biologi kota-onalari bor bola, lekin ular qandaydir sabablarga ko‘ra bola tarbiyasi bilan shug‘ullanmaydilar va unga g‘amxo‘rlik ko‘rsatmaydilar. Bunday hollarda bolalarga g‘amxo‘rlik qilish vazifasini jamiyat va davlat o‘z zimmasiga oladi. Shunday qilib, ota-onalari qarovisiz qolgan bolalar kategoriyalariga quyidagilari kiradilar:  ota-onalari vafot etgan.  Ota-onalik huquqidan mahrum etilgan.  Ota-onalik huquqlari cheklangan;  Noma’lum, daraksiz, yo‘q hisoblangan.  Ishga yaroqsiz (nosog‘lom, ish qobiliyati cheklangan);  Jazoni ijro etish kolonniyalarida jazo olayotgan.  Jinoyat qilganlikda ayblanadi va qamoqqa olingan.  Bolalarni tarbiyalashdan bosh tortadi.  Bola vaqtincha joylashtirilgan davolash, ijtimoiy tashkilotlardan bolani olib ketishdan bosh tortadilar . Vasiylik va qaramog‘iga olish – yetim-bolalarni va ota-onasi qarovisiz qolgan bolalarni boqish, tarbiyalash, ta’lim berish va ularning huquq va qiziqishlarini himoya qilish uchun joylashtirish shaklidir. Vasiylik 14 yoshga yetmagan bolalar ustidan o‘rnatiladi, qaramog‘iga olish 14 yoshdan 18 yoshgacha bolalar ustidan o‘rnatiladi. Yetimlik – jamiyat oldida turgan juda jiddiy muammolardan biridir. Ota-onasini yo‘qotgan bola – bu alohida juda ham fojeali dunyodir. Ota va onali bo‘lish talabi ehtiyoji bolaning eng kuchli talablaridan biridir. Ijtimoiy yetimlik bugungi kunda ko‘plab rivojlangan va rivojlanayotgan davlatlar uchun xosdir. Masalan, amerikalik tadqiqotchilari butun dunyo bo‘yicha

kasalxonalar, tug‘ruqxonalar, ijtimoiy muassasalar tashlab ketilgan chaqaloqlar bilan to‘lib ketganligini aytadilar. Ularni turlicha “voz kechilgan bolalar”, “davlat bolalari”, “tashlab ketish uchun tug‘ilganlar” ham deb ataydilar. Urush boshlanganda Shoahmad Shomahmudov va uning xotini Bahri Akramova artelda temirchi bo‘lib ishlaganlar. Tokent ayollarining O‘zbekiston barcha ayollariga murojaat etib (1942 yanvar) ularni evakuatsiya qilib kelingan bolalarga nisbatan onalik g‘amxo‘rligini ko‘rsatishga chaqirganlaridan keyin ular turli millatlardan yetim-bolalarni tarbiyalariga olishgan. Ular orasida rus, belorus, moldavan, ukrain, latish, qozoq, tatar va boshqa millat bolalari bor edi. Shomahmudovlar boshpanasiz qolgan bolalarga g‘amxo‘rlik ko‘rsatadilar, ularni o‘qitib tarbiyalab bizning mamalakatimizga munosib kishilari qilib o‘stirdilar. 1966 yilda zilziladan so‘ng Shomahmudovlar boshpanasiz qolgan bolalarni oilaga qabul qildilar. Shomahmudovlar “Hurmat belgisi” ordeni bilan B,Akramova “qahramon ona” ordeni bilan ham mukofotlanganlar. Ular Raxmat Fayzining “Ulug‘ inson” romanining, “Sen yetim emassan” badiiy filmining asosiy qahramonlari timsoli qilib olinganlar. Toshkentning ko‘chalaridan biri Shomahmudovlar nomi bilan ataladi, Xalqlar Do‘stligi maydonida “Do‘stlik” monumenti o‘rnatilgan. Ulardan tashqari yana minglab o‘zbek oilalari urush yillarida evakuatsiya qilingan bolalarni asrab olganlar. Ikkinchi jahon urushi yillarida xalq shoiri Gofur Gulom o‘zining “Sen yetim emassan” she’rida o‘z ota- onalarini va uylarini yo‘qotgan bolalarga qaratilgan qalb so‘zlarini yozgan: Sen yetim emassan, tinchlan jigarim! Quyoshdek mehribon vataning onang, Zamindek vazminu mehnatkash, mushfiq Xalq bor, otang bor cho‘chima jigarim, O‘z uyingdasan, uxla jigarim Yetimlikning hamma sabablarini aytib o‘tish qiyin, chunki bu turli fan sohalari olimlari (shifokorlar, psixologlar, sotsiologlar, pedagoglar va ko‘plab boshqalar) shug‘ullanadigan ko‘p qirrali muammo va u ham oxirigacha o‘rganib bo‘linmagan. Ammo hech bo‘lmaganda yetimlikning uchta sabablarini aytish mumkin:

1. Ota-onalar (ko‘pincha onalar) o‘zining balog‘atga yetmagan bolasidan o‘z ixtiyori bilan voz kechadi, shu bilan birga bu ko‘pincha chaqaloqlik yoshida kuzatiladi: voz kechish, tashlab ketilgan chaqaloqlar. 2. Bolaning qiziqshlarini himoya qilish maqsadida ota-onalik huquqidan mahrum etilganda bolani oiladan majburlab tortib olish. Bu holat asosan ichkilikbozlikka berilgan, jamoatchilik, jamiyat qoidalariga zid ravishda hayot kechirayotgan, nosog‘lom ota-onalari bo‘lgan, notinch oilalarda yuz beradi. 3. киритиш Ota-onalari vafot etganda. Bunga aholini shoshilinch ko‘chishga majbur etuvchi qandaydir tabiiy yoki ijtimoiy kataklizmlar (urush, yer qimirlashi va shu kabilar) oqibatida yo‘qolib qolgan bolalarni ham mumkin. Har qanday jamiyat va davlatning asosiy vazifasi – bolaning oilada tarbiyalanish huquqini amalga oshirishdir. Bolaning bu huquqlari xalqaro hujjatlarda qayd etilgani kabi (BMTning bolaning huquqi haqidagi konvensiya va boshqalar), O‘zbekiston Respublikasi qonun hujjatlarda qayd etilgan. Masalan, O‘zbekiston Respublikasi oila kodeksida eng ustun va mustaqil sifatida quyidagi bolaning huquqlari ko‘rsatiladi: oilada yashash va tarbiyalanish huquqi, ota-onalari va boshqa qarindoshlari bilan aloqa qilish huquqi, o‘zini himoya qilish huquqi, ismi, familiyasi, otasining ismiga huquqi. davlat birinchi navbatda bolani oilada saqlab qolishga va uni davlat muassasalariga tarbiyalashga berishni oldini olishga bor kuchi bilan intiladi. Agarda bolani oilada saqlab qolish mumkin bo‘lmasa uning uchun yangi oila izlash afzal deb hisoblanadi. O‘zbekistonda ota-onalarisiz qolgan yetim-bolalarga yordam ko‘rsatish uchun “Sen yolg‘iz emassan” Respublika ijtimoiy fondi tashkil etilgan. Har bir mamlakatlarda bola tarbiyasi va rivojlanishiga tegishli ijtimoiy alternativ masalalar tizimi yaratilmoqda, rivojlantirilmoqda va mustahkamlanmoqda. Ularga quyidagi mumkin bo‘lgan usullarni kiritish mumkin:  Oilaga qaytarish.  Mamlakat ichida asrab olish.  Tarbiyalash uchun oilaga berish;

 Maxsus tarbiya muassasalariga berish. Yetim-bolalarga vasiylik qilish ikki yo‘l bilan amalga oshirilishi mumkin – asrab olish yoki davlat qaramog‘iga olish bilan. Asrab olish quyidagi yo‘llar bilan amalga oshiriladi: asrab olgan oila, vasiylik qiluvchi oila, bolalikka olgan oila. Farzand qilib olish – bu bolani himoya qilish maxsus chorasi, bunda bola va uning haqiqiy ota-onasi bo‘lmagan odam yoki er-xotin o‘rtasida qarindoshlik aloqalari yuridik o‘rnatiladi . Bolaning tarbiyalanishi va rivojlanishi uchun bolani farzand qilib olganida u aynan oilaga ega bo‘lishi, unga biror-bir o‘rnini bosuvchi emas, oilaga ega bo‘lishi muhim holat hisoblanadi. Bizning davrimizda ko‘plab hamyurtlarimiz mehribonlik ko‘rsatib ota-onasiz qolgan bolalarni oilalariga oladilar. Masalan, Nizomiy nomidagi TDPU padgogika kafedrasi katta o‘qituvchisi Ishmuxamedov Ravshan Djurayevich yetim qolgan bola – koreys bolani asrab oldi (2003). Ishmuxamedovlar oilasida o‘zlarining to‘rtta farzandlari bor. Bunday harakat haqiqiy insonparvarlik va begonalar baxtsizligiga g‘amxo‘rlik munosabatini bildiradi. Davlat vasiyligi – asrab olingan bolaga (yetim bolaga) uning tarbiyasi va rivojlanishi uchun zarur sharoitlar yaratib, uni bu maqsadda maxsus tashkil etilgan tashkilotga joylashtirish yo‘li bilan amalga oshiriladi. Bola bolalar uyiga (maloletka), vaqtinchalik asrab olinadigan oilaga, mehribonlik uyiga (bolalar uyi) maktab-internatga joylashtirilishi mumkin. 5-§. Asrab olgan oila bilan ijtimoiy-pedagogik faoliyat Asrab olingan bola har xil turdagi qabul qiluvchi oilaga tushishi mumkin: bu vasiylik qiladigan oila yoki bola qilib oldigan oila bo‘lishi mumkin. Булар orasida farq birinchi holatda bola uchun unga qarindosh bo‘lgan odamlar topiladi, ikkinchi holatda – bola bilan qarindoshlik aloqasi bo‘lmagan odamlar oila vazifasini bajarishlaridan iborat bo‘ladi. Vasiyning vazifasi bolani tarbiyalash va rivojlantirish, uning huquqlarini himoya qilish hisoblanadi. Vasiy voyaga yetmagan bolada mavjud bo‘lgan mol-mulki va ko‘chmas mulkini saqlash va

foydalanishini nazorat qilishni amalga oshiradi, lekin o‘zi bu mulkdan foydalanish huquqiga ega emas. Bola qilib olgan oila umuman olganda bolaning yangi yuridik va haqiqiy oilasi hisoblanadi, bu yerda u o‘z bolasi huquqiga ega bo‘ladi. Bola uni oilasiga olgan ota-onalarining familiyasini olishi mumkin, hatto yangi ism ham. Farzand qilib olingan bolaning hamma huquq va majburiyatlari haqiqiy o‘z bolalari huquq va majburiyatlariga tenglashtiriladi. Asrab oluvchi oilaning yana bir turi - vaqtinchalik asrab olish oilasi. Vaqtinchalik asrab oladigan oila bolalikni himoya qilish usuli sifatida bir qator rivojlangan mamlakatlarda juda ham keng tarqalgan hisoblanadi. O‘zbekistonda asrab oladigan oilalar hozircha keng tadbiq etish va tarqalishga ega emas. Vaqtinchalik asrab olish oilasini vasiylik oilasi yoki bola qilib oluvchi oiladan farqi birinchi navbatda bu professional mutaxassislar oilasi bo‘ladi. Agarda chet eltajribalariga murojaat etsak unda vaqtinchalik asrab oluvchi oilaning bir necha belgilarini ko‘rsatish mumkin: 1. Ota-onalarda ma’lum professional malakalari bo‘lishi kerak; 2. Oila kerakli professional-pedagogik tayyorgarlikka ega bo‘lishi kerak. 3. Bunday oilaning xizmatlariga xizmat haqqi to‘lanadi. 4. Bolaning oilada bo‘lishlari asrab olgan ota-onalarning ish staji sifatida hisobga olinadi. Asrab olgan ota-onalarning ish vaqtlari o‘z shaxsiy uylarida o‘tadi. Vaqtinchalik asrab olish oilasining faoliyati bolaning keyingi taqdiri hal etilgunga qadar bolaning oilada bo‘lishini ko‘zda tutadi: o‘z oilasiga qaytishi; bolalar uyiga jo‘natilishi, internat yoki boshqa muassasalarga yuborilishi. Asrab olgan oila bilan ijtmoiy-pedagogik faoliyat Ijtimoiy-pedagogik faoliyat bosqichlari Ijtimoiy pedagogning faoliyat vazifalari Ijtimoiy-pedagogik faoliyati metodlari

1. Asrab oladigan oilani izlash Axborot-ma’lumotlar Anketa tuzish, suhbat, intervyu, ma’lumotlarni o‘rganish 2. Bo‘lajak asrab oladigan ota-onalarni o‘rganish Diagnostik (boshlang‘ich diagnostika) Anketa tuzish, suhbat 3. Bola joylashtirilgan muassasalar va oialalarni 4. Воситачилик borib ko‘rish (inqiroz oila, bolalar uyi va boshqalar) Vositachilik Kuzatish, suhbat 5. Bo‘lajak oilani va uning yaqinlarini o‘rganish Diagnostik (chuqur diagnostika) Anketa tuzish, test sinovlari, suhbat, ishontirish, hujjatlarni o‘rganib chiqish 5. Kiritish o‘qitishi, leksiya, hikoya, suhbat, videofilmlar O‘qitish (boshlang‘ich, dastlabki o‘qitish) Leksiya, suhbat, kuzatish, ishonish, mashq qilish 6. Bolani asrab oluvchi oilaga joylashtirish, asrab oluvchi ota-onalarni chuqur o‘qitish kursi Patronaj qiluvchi. 1 6. Davlat vasiylik tashkilotlarida ijtimoiy-pedagogik faoliyat Agarda bola asrab olinmasa va bola qilib oladigan oilaga tushmasa unda bu bolaning tarbiyasi, ta’lim va rivojlanishi bilan davlat tashkiloti shug‘ullanadi. Hozirgi kunda O‘zbekistonda bolalar uylari (malyutka) invalidlar uchun maktab- internatlari reabilitatsion markazlari va 28 ta mehribonlik uylari (bolalar uylari) 1 Patronaj (lot.patronatus - homiylik і ilish) ota-onalarisiz qolgan bolalarni davlat organlari va patronaj qiluvchi bolani qabul qilib oluvchi shaxslar o‘rtasidagi shartnoma bo‘yicha bolani tarbiyalashga berish .

mavjud. Mehribonlik uylarida 3400 ga yaqin bolalar yashaydilar. Ota-onalari qarovisiz qolgan bolalar tarbiyalanadigan davlat tashkilotlari faoliyatlarining asosiy maqsadlari: bu tashkilotlardagi bolalarni ijtimoiy himoya qilish; reabilitatsion, tibbiy va ijtimoiy xususiyatdagi tadbirlarni amalga oshirish; bolalar umumiy ta’lim olishlarini tashkil etish. Bolalar mehribonlik uylarining asosiy vazifalari quyidagilardan iborat: 1. Bolaning rivojlanishiga yordam beruvchi uy vaziyatiga yaqinlashtirilgan qulay, maishiy sharoitlarni yaratish. 2. Bolalar sog‘lig‘ini saqlashni ta’minlash. 3. Bolalaning ijtimoiy himoyasini, uning tibbiy-pedagogik va ijtimoiy moslashishini ta’minlash. 4. Tarbiyalanuvchilar huquqlari va manfaatlarini himoya qilish. 5. Bolalar ta’lim dasturlarini olishlari, shaxs, jamiyat va davlat manfaatlarida munosib ta’lim olishlari. 6. Trabiyalanuvchilar umumiy madaniyatini, ularning hayotga moslashishlarini shakllantirish. 7. Tarbiyalanuvchilarda o‘zini rivojlantirishga va o‘zini anglashga talablarini yuzaga keltirish. 8. Kasb-hunar ta’lim dasturlarini tushunib ongli ravishda tanlashi va keyinchalik o‘zlashtirishi uchun sharoitlar yaratish. Ijtimoiy pedagogning bolalar mehribonlik uyidagi ijtimoiy-pedagogik faoliyatini chuqurroq ko‘rib chiqamiz. Ijtimoiy-pedagogik faoliyatning maqsadi – bolalar uyi tarbiyalanuvchilarini ijtimoiylashtirish (bolaning jamiyatga “kirish” jarayoni). Bu maqsad turli masalalarni bajarish bilan amalga oshirilishi mumkin. Jadvalga qarang, unda ijtimoiy pedagogik faoliyat masalalari, vazifalari, faoliyatini tashkil etish metodlari va shakllari ko‘rsatilgan. Bolalar mehribonlik uylarida ijtimoiy-pedagogik faoliyati Ijtimoiy pedagog masalasi Ijtimoiy pedagogik faoliyat vazifalari Faoliyatni tashkil etish metodlari va shakllari

1. Bolaning mavqeini aniqlash Diagnostik Suhbatlar, anketa, test sinovlari, intervyu, bola hujjatlarini analiz qilish 2. Tarbiyalanuvchilar rivojlanishi individual dasturini tuzish Prognoztik Bola haqidagi to‘plangan ma’lumotlarni tahlil qilish, bolani psixologik pedagogik reabilitatsiyalarini aniqlash 3. Bolani moslashtirish, reabilititsiya integratsiyasi Tuzatish - reabilitatsion Kuzatish, suhbat, o‘yin, mashqlar, trening, rag‘batlantirish, jazolash, yo‘l ko‘rsatish. Bolaning shaxsiy ishlarini olib borish ijtimoiy xizmatlar va tashkilotlar bilan aloqalar olib borish. 4. Huquqni himoya qilish boshqaruv organlarida bola qiziqishlarini manfaatlarini himoya qilish Vositachilik va patronajlik Glossariy – ijtimoiy-pedagogik tushunchalar va atamalar lug‘ati Oila – odamlar orasidagi o‘zaro munosabatlar doimiy shakli. Ijtimoiy institut, uning doirasida odamlarning kundalik hayoti asosiy qismi amalga oshiriladi: jinsiy munosabatlar, bola tarbiyalash, turmush, boshlang‘ich ijtimoiylashish, maishiy hayotning katta qismi, ta’lim va tibbiyot xizmatlari va boshqalar. Xavfi bor guruh oilalari - balog‘atga yetmaganlarning ota-onalari yoki ularning qonuniy vakillari bolani tarbiyalash bo‘yicha o‘z majburiyatlarini bajarmaydigan, yoki ularga nisbatan qonuniy harakatlar qilayotgan oiladir.

Oilaning ijtimoiy mavqei – oilaning individual xususiyatlari bilan uning tuzilish va funksional parametrlari bilan mos kelishi hisoblanadi. Oilaning quyidagi tuzilishlari xususiyatlarini ko‘rsatiladi: nikohli er-xotinlar mavjudligi (to‘la, rasmiy to‘la, to‘la bo‘lmagan) oilaning hayotiy sikli bosqichi (yosh, yetuk, keksa); nikoh tuzish tartibi (birinchi, takroriy) oilada avlodlar soni (bir yoki bir necha avlod); bolalar soni (ko‘p bolalik, kam bolalik). Oilada hech bo‘lmaganda to‘rtta mavqei bo‘lishi mumkin: ijtimoiy-iqtisodiy (oilaning moddiy ta’minlanganligi holati); ijtimoiy-psixologik (oiladagi psixologik muhit); ijtimoiy- madaniy (oilaning umumiy madaniyati); ijtimoiy-ahamiyatli (oilada bolaga munosabatlar). Yetimlik – jamiyatda ota-onalari vafot etgan bolalar hamda ota-onalari qarovisiz qolgan bolalar borligi sababli ijtimoiy holatdir. Ijtimoiy yetimlik – biologik ota-onalariga ega bo‘lgan bola, lekin ular biror-bir sabablarga ko‘ra bolani tarbiyalash bilan shug‘ullanmaydilar va unga g‘amxo‘rlik ko‘rsatmaydilar; shunday holatda bola haqidagi tashvishlarni jamiyat va davlat o‘z zimmasiga oladi. Ota-onalari qarovisiz qolgan bolalar – bu bolalarning ota-onalari: vafot etgan; ota-onalik huquqidan mahrum etilgan; ota-onalik huquqlari cheklangan; noma’lum sabablarga ko‘ra yo‘qlar deb tan olingan; layoqatsiz (nogironlar); axloq tuzatish koloniyalarida jazo muddatini o‘tayotganlar, jinoyat sodir etishda ayblanadilar va qamoqqa olingan; bola tarbiyasidan bosh tortadiganlar; bola vaqtinchalik joylashtirilgan davolash, ijtimoiy muassasalaridan bolani olib ketishdan bosh tortadilar. Vasiylik va himoyasiga olish – yetim bolalarni va ota-onalari qarovisiz qolgan bolalarni boqish va tarbiyalash hamda ularni huquq va manfaatlarini himoya qilish uchun joylashtirish shakli; huquq va manfatlarini himoya qilish 14 yoshga yetmagan bolalar ustidan, vasiylik 14-18 yoshgacha bolalar ustidan o‘rnatiladi. Farzand qilib olish – farzand qilib olinayotgan va farzand qilib olayotganlarga ota- onalar hamda bolalar o‘rtasidagi mavjud bo‘lgan kabi huquq va majburiyatlarni berish yuridik akt.

Davlat qaramog‘iga olish – farzand qilib olinayotgan bolaga (yetim bolaga) uni tarbiyalash va rivojlantirish uchun qulay, zarur sharoitlar yaratib berilgan maxsus tashkilotlarga joylash

O'xshashlar

Ota-onalarining qaramog‘isiz qolgan bolalar va oilalar bilan ijtimoiy pedagogik faoliyat

Pedagogik faoliyat va pedagogik mahorat

Oila ijtimoiy jamiyatning bir bo‘lagi ekanligi

Ijtimoiy-madaniy faoliyat xodimining pedagogik tashkilotchilik qobilyati va mahorati

Pedagogik jihatdan qarovsiz qolgan bolalar xulq-atvori, xarakter xusussiyatlarini diagnos qilish va korreksiyalash