Muhandis-pedagog shaxsiga qo'yiladigan pedagogik talablar - Pedagogika - Referatlar

Muhandis-pedagog shaxsiga qo'yiladigan pedagogik talablar

Yuklangan vaqt:

20.09.2019

Ko'chirishlar soni:

0

Hajmi:

78 KB

Ko'chirib olish

Muhandis-pedagog shaxsiga qo'yiladigan pedagogik talablar Reja: 1. Hozirgi jamiyatda pedagoglik kasbi va o'qituvchining asosiy vazifalari. 2.Pedagogik faoliyatda o‘quvchilarning yosh xususiyatlarini hisobga olish. 3. Pedagogning professional pozitsiyasi. O‘qituvchining axloqiy fazilatlari. 4. Pedagogga qo‘yiladigan talablar: ishchanlik sifatlari, shaxsiy sifatlar, pedagogik mahorat.

Hozirgi zamon o'qituvchisining asosiy fazilatlaridan biri o'z kasbiga sadoqatliligi, g'oyaviy e'tiqodliligi, kasbini sevishi, o'z kasbiga bo'lgan cheksiz sadoqat o'qituvchini boshqa kasb egalaridan ajratib turadi. Chunki ta'lim maskanlarida ta'lim-tarbiya ishining yuqori saviyada olib borilishi faqat o'qituvchiga, uning kasbiy tayyorgarligiga bog'liq. O'qituvchining yuksak madaniyati, uning teran bilim doirasi ta'lim-tarbiya ishlarini muvaffaqiyatli kechishiga yordam beradi. O'qituvchilik kasbi juda katta ruhiy va jismoniy kuch talab etadi, shuning uchun o'qituvchi sog'lom, asablari joyida, mustaqil tafakkur va yuksak axloqiy fazilatlarga ega bo'lgan, shuningdek, o'z ustida tinmay ishlamog'i lozim. «Kadrlar tayyorlash milliy dasturida», «uzluksiz ta'limni isloh qilishning yo'nalishlaridan biri, ta'lim tizimini kadrlar salohiyatini tubdan yaxshilash, tarbiyachi, o'qituvchi, muallim va ilm-fan xodimlarining kasbiy nufuzini oshirish», -deb ko'rsatilgan. Demak, hozirgi kunda o'qituvchi mehnatining nufuzini oshirish asosiy masalalardan biri. O'qituvchining faol mehnatisiz jamiyatni, jumladan, iqtisodiyotni rivojlantirish mumkin emas, chunki har qanday rivojlanishning asosida kadrlar turadi. O'qituvchining mas'uliyatli va murakkab faoliyati zaminida yosh avlodni odobli, e'tiborli qilib tarbiyalash, ularni ilmiy bilimlar bilan qurollantirish kabi vazifalar yotadi. Bu kabi ishlarni amalga oshirish esa o'qituvchining xilma-xil faoliyatiga bog'liq: yoshlarni o'qitish, maktabdan va sinfdan tashqari tarbiyaviy ishlarni tashkil eta bilish va o'tkazish, ota-onalar o'rtasida pedagogik targ'ibot ishlarini olib borish va hokazo. Bularning barchasi o'qituvchidan chuqur bilimlarga ega bo'lishni, o'z sohasini, bolalarni sevishni talab etadi. O'zbekiston Respublikasi oliy ta'lim konsepsiyasida o'qituvchi- mutaxassis oldida turgan vazifalar quyidagicha belgilanadi: «Mutaxassis

malakasi –chuqur bilim, keng dunyoqarash va kasb tayyorgarligi, kompyuter bo'yicha savodxonligi, o'z bilimlarini tezlik bilan yangilash va to'ldira olish qobiliyati singari omillardan tashkil topadi... Shular qatorida uning intizomi, mas'uliyat, ziyolilik, o'z ishiga, Vatan va jahon taraqqiyoti yo'lida ezgulik va adolatga sadoqat tuyg'ularini ham tarbiyalash zarur». Shuning uchun ham hozirgi jamiyatda o'qituvchining vazifasi quyidagilardan iborat: 1. O'quvchilarni hozirgi zamon dunyo taraqqiyoti darajasida bilimlar bilan qurollantirish; 2. O'quvchilarda bilimga qiziqish va ishtiyoqni tarbiyalash, o'qish motivlarini rivojlantirish; 3. O'quvchilarning ma'naviy o'sishiga alohida e'tibor qaratish, ularda milliy va umuminsoniy qadriyatlarga hurmat va e'tiqodni shakllantirish orqali ularni vatanparvarlik, baynalminallik ruhida tarbiyalash; 4. O'quvchilarni axloqiy, huquqiy, etik va estetik bilim, mahoratlarining rivojlanishiga e'tibor qaratish; 5. Bo'lajak avlodni hayotga, ongli mehnat va kasb tanlashga tayyorlash; 6. Yoshlarda ishbilarmonlik, tashabbuskorlik va tadbirkorlik sifatlarini rivojlantirish; 7. Ta'lim jarayonini takomillashtirish o'zining kasb mahoratini oshirish, pedagogik mahorat, pedagogik texnologiya sirlarini o'rganish uchun tinimsiz ijodiy ishlash, izlanish; Ushbu fikrlar o'qituvchilarga bevosita ta'luqli. Chunki jamiyatimizda sodir bo'layotgan tub o'zgarishlar, bozor munosabatlariga kirib borishimiz o'qituvchidan nafaqat kasbiy bilimlarni, balki iqtisodiy, yuridik, texnikaviy bilimlardan ham xabardor bo'lishni taqozo qilmoqda. 20.2. Pedagogik faoliyatda o‘quvchilarning yosh xususiyatlarini hisobga olish.

Bolalar maktabda rivojlanishning turli davrlarini: bolalik, o‘smirlik, o‘spirinlik pallalarini bosib o‘tadilar. Bolalarning yoshi rivojlanish darajasiga ko‘ra ularga beriladigan tarbiyaning mazmuni o‘zgarib boradi, yoshi ulg‘aygan sari ularga talab ham ortadi. Shu tufayli o‘rta va katta yoshdagi bolalarni tarbiyalashda ularning mustaqilligiga suyanib ish ko‘rish yaxshi natija beradi. O‘qituvchi o‘quvchilarga nisbatan muayyan holatda tursagina (bu holat ularning yoshiga qarab turlicha bo‘ladi) pedagogik ta’sir ko‘rsatishni muvaffaqiyatli amalga oshira oladi. Mazkur holat o‘quvchilar bilan muomala sohasida o‘qituvchining asosiy yo‘l-yo‘rig‘idan iborat bo‘lib, u o‘quvchilarning psixologik yosh xususiyatlariga monand bo‘ladi. Turli yoshdagi o‘quvchilarning muomalasiga ta’sir ko‘rsatish sub‘ekti bo‘lgan o‘qituvchi tutgan yo‘l va mahoratining umumlashtirilgan tavsifini quyidagicha tasavvur qilishi mumkin: quyi sinflarda o‘qituvchi tashkilotchi bo‘lib maydonga chiqadi. V. Dalning lug‘atiga qaraganda-tuzuvchi-ta’sis etuvchi (tashkil etish-yo‘lga qo‘yish, qat‘iy asoslash degan so‘zdan) ma’noni bildiradi. Pedagogning kichik yoshdagi o‘quvchilar hayotiga -ta’sir ko‘rsatishining asosiy mazmuni uni tashkil etish zarurati bilan belgilanadi. Kichik yoshdagi o‘quvchilar jamoalarida talabchan va quvnoq tarbiyachi bo‘la oladigan, bolalarning faol ijodkorlik bilan to‘la hayotini tashkil etib, ular orasida o‘zaro xayrihoxlik, g‘amxo‘rlik vaziyatini, zavqli vaziyatni vujudsa keltira oladigan tarbiyachilar katta obro‘-e‘tibor qozonadilar. Bolalar katta yoshdagi bunday kishilarni o‘z do‘stlari deb qabul qilshiga moyildirlar. Bunday munosabat eng yaxshi munosabatdir, chunki u katta yoshdagi kishiga tashkiliy vazifalarni hal etishni osonlashtiradi, tarbiya vazifalarini mohirlik bilan samarali hal etishga yordam beradi. O‘smirlar o‘qiydigan sinflarda o‘qituvchining holati rahbar degan so‘z bilan ifodalanishi mumkin. V. Dal bu

so‘zni quyidagicha, ya’ni ko‘rsatuvchi, murabbiy, ishboshi, boshlovchi deb ta’riflaydi. Pedagoglarning o‘smirlarga ta’sir ko‘rsatishining asosiy mazmuni ularning faoliyatiga rahbarlik qilish zarurati bilan belgilanadi, bu faoliyat o‘z- o‘zini tashkil qilishning ko‘proq ulushini o‘ziga qamrab oladi, bu esa o‘qituvchining ta’lim tarbiya jarayonining rahbari sifatida, o‘quvchilarga quyidagi talablar mazmunini ochib beradi. O‘smirlar pedagogik talablarni ongli va sidqidildan bajarishlari uchun talab mavzuiga nisbatan o‘qituvchi va o‘quvchining bir xil yo‘l tutishi zarurdir, u bilish nuqtai nazaridan qiziqarli bo‘lishi yoki amaliy jihatdan foydali bo‘lishi zarur, yoxud hissiyotlarni yengillashtirish va xokazolar uchun kerak, boshqacha so‘zlar bilan aytganda, jamoa faoliyat jarayonini qulaylashtirish zarurdir, aks holda talab samarasiz bo‘lib qoladi. O‘qituvchi yuqori sinf o‘quvchilari bilan muomala qilganda o‘tmish g‘oyaviy merosining muhim ahamiyatini tasdiqlab berish lozim. Bunday holda u keng muammolar bo‘yicha maslahatchi bo‘lib keladi va yuqori sinf o‘quvchilariga samarali ta’sir ko‘rsatish imkoniga ega bo‘ladi. O‘qituvchi jamoa a’zolari bilan gaplasha olishi ham kerak. Ta’lim – tarbiya jarayonining hamma tomonlari umumsinf o‘quvchilari jamoasiga xos xususiyatlarga amal qilgan holda yo‘lga qo‘yiladi. Ammo, har bir o‘quvchi o‘ziga xos jismoniy, axloqiy, aqliy, ruxiy va boshqa xususiyatlarga egaki, bu uning o‘quv faoliyatiga katta ta’sir etadi. Shu boisdan ta’lim jarayonida guruhdagi o‘quvchi-talabalarning o‘ziga xos xususiyatlarini hisobga olgan holda ish ko‘rish muhim didaktik ahamiyatga ega. Dars davomida har bir o‘quvchining o‘ziga xos xususiyatlarini to‘la hisobga olish juda qiyin va har doim ham buning iloji bo‘lavermaydi. Darsdan tashqari vaqtlarda o‘rtoqlari va boshqalarga bo‘lgan munosabati,

xulqi, irodaviy sifatlarini o‘rganadi, ular bilan suhbatlashadi. Kuzatish jarayonida pedagog o‘quvchining kuchli va ojiz tomonlarini, uning qiziqishlari, tafakkuri, nutqi, xotirasi, diqqati, xayoliga mos bo‘lgan xususiyatlarni bilib oladi, o‘quvchilarning hayotiy va mehnat qobiliyatini o‘rganadi. Mohir pedagog o‘quvchilar psixologiyasini ham yaxshi o‘rganib, ularda fanni o‘zlashtirish darajalarini qay darajada oshirish yullarini topadi. 20.3. Pedagogning professional pozitsiyasi. O‘qituvchining axloqiy fazilatlari. Pedagoglik kasbini tanlagan kishi avvalo sog‘lom bo‘lishi, so‘zlarni to‘g‘ri va yaxshi talaffuz qila olishi, bosiq va asablari joyida bo‘lishi, boshqalar bilan muomalada o‘zini to‘ta olishi zarur. Shuningdek, bolalarni yoqtirish, ular bilan ishlashga mayli borlik, xushmuomalalik, kuzatuvchanlik, keng fikrlay olish, tashkilotchilik, o‘ziga va boshqalarga nisbatan talabchanlik kabi shaxsiy sifatlar mavjudligi ham kishining pedagogik ishga yaroqliligini ko‘rsatadi. Pedagogik faoliyatga tayyorgarlik ko‘rayotgan yoshlarda ana shunday professional xususiyatlar tarbiyalanishi va mavjud bo‘lishi lozim. O‘qituvchi deyarli har kuni o‘quvchilar bilan uchrashadi, savol-javob qiladi, ularning yaxshi ishlarini ma’qullaydi, bilimini baholaydi, nojo‘ya xatti-harakatlari uchun tanbeh beradi. Albatta o‘qituvchining fikri, mulohazalarida nisbiylik, sub‘ektivlik alomatlari mavjud. U hammaga aynan birdek juda to‘g‘ri munosabatda bo‘la olmasligi mumkin, lekin u hamma o‘quvchilarga nisbatan xolis niyatli, yaxshilik qilishga intiluvchi, adolatli kishi bo‘lishi lozim. O‘qituvchining muhim fazilati – kishilar bilan tez til topisha olishi, ko‘pchilikka aralasha bilish, ulfatijon, dilkashlik bo‘lib, bu unda muomala madaniyatining yuksakligini ifodalaydi. Chunki o‘qituvchiga hamisha odamlar bilan aloqa qilishga, ular bilan ishlashga to‘g‘ri keladi.

O‘qituvchi odobining mohiyati, asosiy mazmuni pedagogik faoliyat uchun muhim bo‘lgan axloqiy (fazilat) sifatlarda ifodalanadi. Axloqiy fazilatlar mehnat jarayonida kishining xulqi, fe‘l-atvorini tartibga solib turuvchi qoidalar, normalar, talablar, mezonlar shaklida ifodalanadi. Insonparvarlik, vatanparvarlik, milliy g‘urur, adolat, yaxshilik qilish, burch, qadr-qimmat, mas‘uliyat, vijdon, halollik, rostgo‘ylik, poklik, talabchanlik kabi axloqiy fazilatlar o‘qituvchi obro‘sini oshiradi va pedagogik faoliyatning samarali bo‘lishini ta’minlaydi. Bolalarga yaxshilik qilish, o‘qituvchilik burchi, o‘qituvchilik sha’ni, qadr-qimmati, o‘qituvchilik mas‘uliyati, o‘qituvchilik vijdoni, talabchan va adolatli bo‘lish, o‘qituvchining ma’naviy qiyofasi, halolligi, pokligi, rostgo‘yligi kabilar o‘qituvchi axloqining muhim fazilatlari hisoblanadi. Ularni chuqur va puxta o‘zlashtirish bo‘lajak o‘qituvchi uchun kata amaliy ahamiyat kasb etadi. Yaxshilik –ijobiy axloqiy fazilat bo‘lib, xulqiy sifatlarning majmuini, inson faoliyati yoki biror xatti-harakatiga ijobiy munosabatning yig‘indisini aks ettiradi. Yaxshilik qaror topishi uchun pedagogik jarayonda yomonlikka murosasiz bo‘lish, yaxshi istak bilan xushmuomala qilish, yaxshi qiliq, yaxshi xatti-harakatlarning birligi zarur. Burchga sodiqlik har bir kishining odobi, axloqini ko‘rsatadi. Har bir ishda, har bir masalada muallim o‘z burchiga sodiq bo‘lishi zarur. O‘qituvchi yosh avlodga ta’lim-tarbiya berish sohasidagi o‘z burchini zo‘rlik tufayli yuklatilgan majburiyat emas, balki o‘z hayotining ma’nosi, ishonch va vijdon da’vati deb hisoblaydi. O‘qituvchining kasbiy-axloqiy fazilatlaridan biri talabchan va adolatli bo‘lishdir. Pedagogik faoliyatda adolat bo‘lish bolani o‘qituvchiga bo‘lgan ishonch-muhabbatiga olib keladi. Albatta, pedagogda vijdon bo‘lishi kerak. Pedagog hech qachon o‘z fikrini o‘quvchilarga majburan o‘rgatishiga va

majburan javob olishga harakat qilmasligi kerak, aks holda o‘quvchi o‘qituvchi o‘rtasidagi munosabatlar keskinlasha boshlaydi. Bilimdonlik, halollik, rostguylik – o‘qituvchining muhim axloqiy fazilati hisoblanadi. Bu fazilatlar insoniy munosabatlarni go‘zallashtiradi. O‘qituvchining ma’naviy boyligi, bilimdonligi xalq manfaatiga, yoshlarning baxti, istiqboli, kelajagiga qaratilishi, xizmat qilishi zarur. Muallimning bilimdon bo‘lishi, insoniyat yaratgan ma’naviy boyliklarni ko‘paytirishi va uni yoshlarga astoydil o‘rgatishi, o‘z ishidan qanoat hosil qilishi, o‘z kasbini, bolalarni dildan sevib, berilib ishlashi – bularning barchasi o‘quvchi shaxsining shaxsining shakllanishiga bebaho axloqiy ta’sir etadi. O‘qituvchining ma’naviy qiyofasida halollik, rostgo‘ylik, axloqiy poklik, oddiylik va kamtarinlik muhim fazilatlar hisoblanadi. Pedagogik faoliyatning samaradorligi ham bevosita o‘qituvchining muomala odobiga bog‘liqdir. Muallim ta’lim-tarbiya ishlari jarayonida o‘quvchilar, kasbdoshlari, ota-onalar bilan muomalada bo‘ladi. Pedagogik jarayonda sodir bo‘ladigan muomala odobida muallimning axloqiy madaniyati, tarbiyalanganlik darajasi aks etadi. Xullas, muallim hayotga endigina kirib kelayotgan, barkamol shaxs sifatida shakllanayotgan insonlar – yoshlarga ta’lim-tarbiya beradi, shu boisdan u axloqiy fazilatli mukammal inson bo‘lishi lozim. 20.4. Pedagogga qo‘yiladigan talablar: ishchanlik sifatlari, shaxsiy sifatlar, pedagogik mahorat. O‘qituvchining barkamol insonni tarbiyalash, unda milliy va umuminsoniy fazilatlarni tarkib toptirish vazifasi eng oliyjanob, yuksak va eng murakkab vazifadir. Har bir bola o‘z hulq-atvoriga, xarakteriga ega. Yoshlarni tarbiyalashda ularning ana shu o‘ziga xos xususiyatlarini hisobga olish, o‘rganish nihoyatda murakkab. Pedagogik faoliyatga tayyorgarlik ko‘rayotgan yoshlar ana shunday xususiyatlarini bilishlari lozim.

O‘ qituvchi shaxsining xususiyatlari quyidagilarni o‘z ichiga oladi: - mafkuraviy sohada – ilmiy dunyoqarash va e‘tiqod, sotsial extiyoj va axloqiy zaruriyatlarni chuqur tushunish, ijtimoiy va fuqarolik burchini anglash, ijtimoiy-siyosiy faollik; - kasbiy pedagogik sohada – bolalarni sevish va ular bilan ishlashga qiziqish, pedagogik ishni sevish; psixologo-pedagogik ziyraklik va kuzatuvchanlik, pedagogik takt, pedagogik tasavvur, tashkilotchilik qobiliyati; haqqoniylik, dilkashlik, talabchanlik, qat‘iylik va maqsadga intilish; vazminlik, o‘zini tuta bilish; kasbiy layoqatlilik; - bilish sohasida – keng ilmiy saviya, ma’naviy ehtiyoj va qiziqish, yangilikni his qila bilish, pedagogik ma’lumotni oshirishga intilish. O‘zbekiston Respublikasi ta’lim muassasalarida ishlash uchun tayyorlanayotgan o‘qituvchilar: pedagogik faoliyatga qobiliyatli, ijodkor, ishbilarmon, umuminsoniy va milliy-madaniy qadriyatlarni, dunyoviy bilimlarni mukammal egallagan, shuningdek, umuminsoniy qadriyat sifatida ilohiy ilmlardan ham xabardor, ma’naviy barkamol, O‘zbekistonning mustaqil davlat sifatida ravnaq topishiga ishonadigan vatanparvarlik, fuqarolik burchini anglagan, ixtisosga doir bilimlar, ko‘nikmalarni, ijtimoiy- gumanitar bilimlarni, psixologo-pedagogik, metodik bilim va ko‘nikmalarni mukammal egallagan, o‘qituvchilik kasbini va bolalarni yaxshi ko‘radigan, insonparvar, talabchan, adolatli, ishchan, erkin va ijodiy fikrlay oladigan, har bir shogirdi ulg‘ayib yaxshi odam bo‘lishiga ishonadigan, ularning barkamol shaxs bo‘lib yetishishlariga ko‘maklashadigan kishi bo‘lmog‘i kerak. Boshqata’limturlaridabo‘lganidek, oliymaktabo‘qituvchisishaxsigahamjiddiytalablarqo‘yiladi. O‘qituvchi shaxsiga qo‘yiladigan eng muhim talab uning yuqori malakali bo‘lishidir. Balki uningsiz pedagogik faoliyat yuritib bo‘lmaydi. Oliy maktab o‘qituvchisi ham shunday talablarga javob berishi kerakki, bunda talabalar

uni yuksak darajada bo‘lg‘usi mutaxassisni shakllantiradigan shaxs darajasiga ko‘tarsin. Oliy maktab o‘qituvchisiga quyidagi muhim va doimiy talablar qo‘yiladi: - jamiyat rivojlanishining siyosiy, sotsial va iqtisodiy yo‘nalishlarini to‘g‘ri baholay olishi; - pedagogik faoliyatni sevishi; - o‘z sohasi bo‘yicha maxsus bilimlarga ega bo‘lishi; - zakovatli bo‘lishi; - pedagogik tuyg‘u; - yuksak yetuklik; - umumiy madaniyat va axloqning yuksak darajasi; - pedagogik texnologiyalarni mahorat bilan egallagan bo‘lishi. Yuqorida sanab o‘tilganlar, pedagog shaxsiga xos bo‘lgan tug‘ma xislatlar emas, balki ular pedagogning o‘z ustida muntazam va betinim mehnati, ulkan xizmatlari natijasida yuzaga keltiriladi. 20.5. Kadrlar tayyorlash milliy dasturi talablari asosida o'qituvchi shaxsiga qo'yiladigan talablar. Mamalakatimizda kadrlar tayyorlash milliy dasturini bosqichma- bosqich muvaffaqiyatli amalga oshirish ko'p jihatdan o'qituvchi faoliyatiga, uning kasbiy nufuzini oshirishga bog'liqdir. Shunday ekan, sog'lom, har tomonlama barkamol avlodni etishtirish uzluksiz ta'lim tizimida mehnat qilayotgan pedagogning saviyasiga, texnikasiga, mahoratiga, tayyorgarligiga va fidoyiligiga, yosh avlodni o'qitish va tarbiyalash ishiga bo'lgan munosabatiga bog'liqdir. Kadrlar tayyorlash milliy dasturi kadrlar tayyorlash milliy modelini ruyobga chiqarishni, har tomonlama kamol topgan, jamiyatda turmushda moslashgan, ta'lim va kasb-hunar dasturlarini ongli ravishda tanlash va

keyinchalik puxta o'zlashtirish uchun ijtimoiy-siyosiy, huquqiy, psixologik- pedagogik va boshqa tarzdagi sharoitlarni yaratishni, jamiyat, davlat va oila oldida o'z javobgarligini his etadigan fuqarolarni tarbiyalashni nazarda tutadi. Kadrlar tayyorlash sohasidagi davlat siyosati insonni intellektual va ma'naviy-axloqiy jihatdan tarbiyalash bilan uzviy bog'liq bo'lgan uzluksiz ta'lim tizimi orqali har tomonlama barkamol shaxs – fuqaroni shakllantirishga asoslanadi. Shu boisdan «Kadrlar tayyorlash Milliy dasturi ta'lim sohasini tubdan isloh qilish, uni o'tmishdan qolgan mafkuraviy qarashlar va sarqitlardan to'la xalos etish, rivojlangan demokratik davlatlar darajasida, yuksak ma'naviy axloqiy talablarga javob beruvchi yuqori malakali kadrlar tayyorlash milliy tizimini yaratish» dek o'lkan maqsadni ko'zlab yaratildi. Albatta bu maqsadni amalga oshirishda o'qituvchining roli beqiyosdir. Shuning uchun ham Kadrlar tayyorlash Milliy dasturi o'qituvchi shaxsiga ham katta talablar qo'ymoqda: 1. O'qituvchi hozirgi zamon talablariga javob beradigan yuksak axloqiy-ma'naviy sifatlarga ega bo'lgan, chuqur bilim va mahorat egasi bo'lishi lozim. 2. Vatan tarixi, milliy va umuminsoniy qadriyatlarni chuqur biladigan, ma'naviy komil inson bo'lishi; 3. O'z fani doirasida chuqur bilimga ega bo'lgan, fanlararo aloqalarni yaxshi bilish va uni o'quvchilarga o'rgatish; 4. Pedagogik texnologiyani yaxshi biladigan, uning yangi-yangi yo'llarini yarata oladigan, izlanuvchan, ijodiy ishlaydigan pedagogik mahorat egasi bo'lish; 5. Pedagogik muomala madaniyatini yaxshi egallagan, o'z hissiyotini idora qiladigan, sabotli bo'lishi, pedagogik etika qoidalariga amal qiladigan bo'lishi;

6.Dunyo taraqqiyoti darajasidagi bilimlardan xabardor, ilmiy dunyoqarashga ega bo'lgan inson bo'lishi; 7. Bolalarni sevishi va ularning kelajagi uchun qayg'uradigan, istiqbolini o'ylab ish ko'ra biladigan mohir inson bo'lmog'i lozim; 8. Nutqi ravon, xalq tili boyligi, ifoda usuli va tasvir vositalarini adabiy til uslubi va me'yorini to'la egallagan bo'lishi zarur. O'qituvchining yuksak axloqiy fazilarlari, uning teran bilim doirasi, pedagogik mahoratga egaligi ta'lim-tarbiya ishlarini muvaffaqiyatli kechishiga yordam beradi. O'z xizmati xususiyatiga ko'ra o'qituvchi tashkilotchilik fazilatiga ham ega bo'lmog'i lozim. Buning uchun o'qituvchi tashabbuskorlik va tashkilotchilik qobiliyatiga ega bo'lib, har doim tetik, g'ayratli, o'z kuchi va imkoniyatlariga ishongan bo'lmog'i zarur. Tashabbuskor va g'ayratli o'qituvchi yoshlarni (talabalarni) o'z orqasidan ergashtira oladi, o'quvchilar unga ishonadi va ergashadi. Xullas, har bir o'qituvchi o'z ustida tinmay ishlashi kerak hamda barcha sohada chuqur bilimli bo'lishi talab etiladi

O'xshashlar

Muhandis – pеdagog shaxsiga qo`yiladigan talablar

Muhandis – pedagogning pedagogik qobiliyatlari

Pedagog pedagogik faoliyati sub'ekti sifatida

O’quvchi shaxsiga yo’naltirilgan ta’lim

Muhandis - pеdagogning pеdagogik qobiliyatlari