Харакатни келиб чикиши тарихи - Pedagogika - Referatlar

Харакатни келиб чикиши тарихи

Yuklangan vaqt:

20.09.2019

Ko'chirishlar soni:

0

Hajmi:

67.5 KB

Ko'chirib olish

Ҳаракатни келиб чиқиши тарихи. Тарихий маълумотларга қараганда ибтидоий овчилар ҳаётида овчилик ўйинлари мухим ўрин тутган. Баъзи манбаларда улар овдан олдин ўтказилиши ёзилган бўлса, бошқаларида овдан сўнгги ўйинлар ўйинлар хақида фикрлар баён этилган. Агар бу маълумотларни чуқурроқ тахлил этадиган бўлсак, унда овчилик ўйинлари овдан олдин ҳам, ундан сўнг ҳам ўтказилган, дейиш мумкин. Овдан олдинги ўйинлар – аввалда машқ (овга тайёргарликни текшириш, овга рухий ва жисмоний тайёргарлик) вазифасини ўтаган ҳамда жиддий ўзига хос кичик ибтидоий одамлар ўлжани осонгина қўлга тушириш, унга яқинлашишни ўрганишган, бунинг учун ниқоб кийиб, хайвон қиёфасига тушишни, унинг юриш-туришлари ва товуш чиқаришларини машқ қилишган. Айнан ана шундай ўйинлар жараёнида ёшларни ҳам ов қилишга ўргатишган. Шу боисдан ҳам у ўзига хос мактаб вазифасини ўтаб, бир томондан, овчилар махоратини ўстиришга ёрдам берган бўлса, иккинчи томондан эса, уларда тақлид санъатини шакллантирган ва ривожлантирган. Овдан сўнги ўйинлар ов мувоффақиятли тугагандангина уюштирилган деб тахлил қилиш мумкин. Чунки обдон ўлжа билан қайтиш, бу зиёфат, хурсандчилик қилишга, бутун жамоанинг байрам қилишига имкон яратган. Ўрта Осиё территориясида ибтидоий одамлар хаётида ҳам овчилик ўйинлари бўлган деган тахминий исботни биз палеолит даври Бойсун тоғидаги Тешиктош ғоридан бундан юз минг бурунги песпертоль (ўрта палеолит) одам суягини топилиши, Самарқандаги Омонкўтон қишлоғидаги гордан топилган тош қуроллар. Сурхандарёнинг Заркўт камарида олвон рангдаги суратлар. Хўжакент қишлоғидаги тошларга чизилган кийик ва хўкиз тасвири ва бошқа кўпгина археологик топилмалар ва улардаги тасвирий санъатга оид элементлар, бу рақс ўйинларининг, шу жумладан болалар фольклор ўйинларининг энг содда шахобчаларга эга эканлигидан далолат берибгина қолмай, балки унинг туғилиши босқичларини аниқлашга

ҳам ёрдам беради. Мазкур суратларда ибтидоий кишиларнинг қадимги овчилиги, ҳайвонат ва табиий борлиқ билан боғлиқ ритуаллар акс этиб, ов вақтида жаниворлар терисидан ниқоб қилиб юришлари, бир томондан ов жараёнида ёввойи ҳайвонларни хуркитиб юбормасликни кўзласа, иккинчи жихатдан, уларнинг тушунча ва эътиқодларини этнографик ҳамда урф- одатлари, қадриятларининг ҳам ифода этади. Фарғонанинг Саймалитош тоғи ғорларига чизилган расмлар (Эрамиздан олдинги II - I асрлар) ҳайвон терисини ёпиниб, ўйинга тушаётган ишкор маросимларидан далолат беради. Ҳайвонлар тўдасига яқинлашиш учун ибтидоий одам ҳайвон ёки қушларга айнан тақлид қилиш, бунинг учун эса уларнинг ўзига хос хусусиятларини, юриш-туришларини, ўтлашларини, бир-бирлари билан олишишларини, хуркиб қочишларини, ҳатто товушларини ҳам ўрганишга тўғри келарди. Нихоят, ёввойи хайвонларни ов лиш шарт-шароити одамнинг чаққон ва абжир, жасур ва толиқмас бўлишини, бунинг учун доим тинимсиз шуғуллана боришини талаб қиларди. Буларнинг хаммасини ўз навбатида ибтидоий одамда жисмоний - ритмик ҳаракатнинг феъли ёки табиат ходисаларига тақмод қилувчи пантомим ҳаракат ва ўйинларнинг, қаҳрамонлик рақсларининг туғилишига олиб келар эди. Тоғ қоялари ва ғорларда чизилган суратлардаги ўйин тасвири мазмун-маъно, ва шакл-шамойил жихатдан турларига характерга эга. Айримлари ов ва меҳнат жараёнини, баъзилари эса табиат стихияларига тақлид шаклида, бошқалари жанговорликни, афсунгарликни, имо-ишора ва понтомима саънатини эслатади. Дастлабки пайтларда шавқинли бетартиб ўйинлар бора-бора мусиқавий оханг пантомим ҳамда пластик ҳаракатлар орқали амалга оширила бошланган кейинги даврларда, бундай этнографик талқиндаги ўйинлар турли шаклларга кўчиб “Айиқ ўйини”, “Дев ўйини”, “Маймун ўйини”, сўнгра “Пишиқ ўйини”, “От ўйини”, “Юмрон қозиқ ўйини”, “Эчки ўйини”, “Бўри ўйини”, “Калтак ўйини”, “Бургут ўйини”, “Ит ўйини (иррилатар ўйини)”, “Қуён ўйини”, “Тулки ўйини”, “Жак-жаку ўйини” каби кўпгина ўйинлар, пантомималари авлоддан-авлодга ўтиб суяк суриб келаётгани маълум. Улар бевосита, ёхуд

билвосита болалар фольклор ўйинларига алоқадордир. Шу тариқа “ўйин” сўзи туркий халқарининг ўйнамоқ сўзи билан боғлиқ ҳолда (уй, ақл, хикмат маъноларни беради). Ақл фақимни, ҳаракат ва имо-ишоралар воситасида ифода этмоқлик эса ўйинларнинг дунёга келишида мухимдир. Ўзбек анъанавий болалар фольклор ўйинларининг мавзу қамрови, ижро услублари жуда кенг. Ижтимоий ҳаёт, кишилар муносабатларининг бирон бир жабхаси йўқки, улар ўйинлар назарига тушмаган бўлсин. Халқимизнинг деҳқончилик, чорвачилик, боғдорчилик, полизчилик, маданияти дейсизми, касб-ҳунар ва илим-билим соҳаси дейсизми, фалсафий, эстетик, аҳлоқий ёҳуд таълим-тарбия, аҳлоқ-одоб бобидаги қарашлари дейсизми-барчаси анъанавий ўйинларга мавзудир. Хусусан, ўзбек болалар фольклор ўйинлари бошдан оёқ маънавий, маърифий, аҳлоқий тушунчалар билан йўғрилган. Халқимизнинг минг-минг йилларда босиб ўтган тарихий йўлида, тажриба-синовлардан қайта-қайта ўтиб, яхлит ва мукаммал холга келиб, бизгага етиб келган болалар фольклор ўйинларнинг мазмуни йўналишига қараб қуйидагига турларга бўлиш мумкин. 1. Мавсумий болалар фольклор ўйинлари: илк баҳор, ёз, қиш мавсумларида ўйналадиган фольклор ўйинлар. 2. Маросим болалар фольклор ўйинлари: расм-русумлар, одатлар, маросимлар, анъанавий байрамларда ўйналадиган ўйинлар. 3. Меҳнат билан боғлиқ болалар фольклор ўйинлари: “Ерни тобиги келтириш, хайдаш”, “Экин экиш”, “Қовун-қовун”, “Ўрик қоқиш”, “Қовун сайли”, “Янчиқ”, “Ҳуш-ҳуш”, “Чурей-чурей”, “Сигр соғди”, “Туя қайтариш”, “От суғариш” ва бошқалар. 4. Оилавий-маиший болалар фольклор ўйинлари: “Меҳмон- меҳмон”, “Келин тушириш”, “Келин-куёв”, “Она бола”, “Овқат пишириш”, “Уй жихозлаш”, “Қўғирчоқ ўйини”, “Нон ёпиш”, “Эр-хотин”, “Алла-алла”, “Бешик безаш”, “Бешикка белаш” ва бошқалар.

5. Жисмоний ҳаракатли болалар фольклор ўйинлари: “Қувлашмачоқ”, “Кес-кес”, “Кўрпа ёпилди”, “Зийрак”, “Ғоз-ғоз”, “Коптокни қувиб ет”, “Олар сока”, “Оқ суяк”, “Тўп-тош”, “Синиш”, “Чиқилдо³”, “Чопиш”, “Зув-зув”, “Оқ теракми-кўк терак”, “Эшак минди”, “Ланка”, “От ўйини”, “Қиз қувди” ва бошқалар. 6. Мантиқий болалар фольклор ўйинлари: тез айтишлар, топишмоқни топиш ўйинлари, санимоқлар, айтишувлар, савол жавоблар, ўйлаб топлар, хотирани тиклашлар, чамалашлар ва бошқалар. 7. Ҳайвонлар ва табиат ходисалари билан боғлиқ болалар фольклор ўйинлари. 8. Эрмак болалар фольклор ўйинлари. 9. Мусиқа ўйинлари. Халқ ўйинлари, жумладан болалар фольклор ўйинлари, энг қадим вақтларда бошлаб халқ хаёти тарзини, маънавий-маърифий, жисмоний тайёргарлигини, эстетик дунёқарашини мужассамлаштирган холда шу кунимизга қадар ўсиб, мазмун мақсадига кўра теранлашиб бизга етиб келгандир. Бошқа санъат турларидан фарқлиги ўлароқ ўйинларда халқ рухияти, психологияси, колорити, ёш авлод тарбиясига бўлган муносабатида ёрқин акс этади. Тарихий маънбаларга қараганда, кечки полеолит даврида (тахминан милоддан 40-41 минг йил илгари) ер юзининг шмолий қисмида Тотемга оид “Айиқ байрамлари” бўлган. Тотем – айиққа бағишланган афсоналардан бу байрам хақида баъзи маълумотларни топиш мумкин (уларнинг бирида айиқ одамларни офатдан сақлаб қолади, бунинг эвазига қобилининг энг гўзал қизини айиққа турмушга беришади. Улар ўртасидаги тўй тасвиридаги “Айиқ байрамига” оид баъзи элементларини билса бўлади). Шуни эслаб ўтиш керакки, “Айиқ байрамларинг вариантлари ва элементлари Сибирь

халқаларининг баъзиларида XX аср бошларида ҳам сақланган ва бундай байрамларда айиқ образидаги киши бош қахрамон бўлиб, у айиқ характерини қилиб, рақсга тушиб юрган. Ўрта Осиёда эса “Айиқ ўйини” (понтомимик рақс сифатида) кейинги вақтларга етиб келган. Хатто хозирги кунда ҳам Ўзбекистон Республикаси худудида ва шунингдек Туркия, Хиндистон, Кавказ каби жойларда кўчаларда айиқ ўйнатиб юрган одамни яъни айиқчини кўриш мумкин. Улар одамлар ғовжум жойларда кичик томоша кўрсатиб юришади. Балки бу қадимги айиқ ўйинидан бизгача етиб келган элементларнинг бир бўлаги бўлиши ҳам мумкин. Меҳнат тақсимотининг вужудга келиши муносабати билан қадимги одамларнинг чорвачилик ва дехқончиликка ўтиши (Бу жараён Ўрта Осиёда миладдан олдинги III - минг йиллик охири II - минг йиллик бошларига тўғри келади) ана шу янги сохага оид одат, маросим ва ўйинларни вужудга келтира бошлади. Маълумки, дехқонларнинг хаётида энг қувончли вақиа-бу хосилни йиғиш ва янги ноз-нематларни тотиб кўриш жараёни бўлган. Йил бўйи кутилган бундай жараён, табиатни, дехқонларда байрам кайфиятини вужудга келтирган. Бундай кўтаринки кайфиятни ҳаракатларда акс эттириш мақсадида кишилар ўйинлар ва маросимларни ташкил қилган, “Меҳнат ўйинлари” яхши кайфият, кенг маънода айтганда, байрам холатини вужудга келтирган. Броиза даврларидан бошлаб ўтроқ дехқончиликнинг вужудга келиши ва унинг тез ривожланиши натижасида бахорда меҳнат мавсумига киришиш, кузда хосилнинг йғиб олиш якунига бағишланган байрамлар ва ўйинлар шу тариқа юзага келиб, улар йиллар ўтиши билан анъанага айлана бошлаган. Демак инсонинг “Биринчи касби” - овчилик асосида – “Овчилик ўйинлари” вужудга келган бўлса унинг дехқончиликка ўтиши ва у билан шуғулланиши натижасида “Мехнат ўйинлари” шаклланиб, янги меҳнат ўйинлари ва байрамлари учун замин яратган. Аду Райхон Берунийнинг “Қадимги халқлардан қолган ёдгорликлари” асари мухим рол ўйнайди. Аниқса “Наврўз” кунларида ҳар хил мусобақалар

ва ўйинлар “Кўпкарра, кураш”, “Экин экиш”, “Хўрозлар жанги”, пойга байрамининг кўрки саналган. Шу билан бирга бедана, ҳўроз, қўчқор уриштириш ўйинлари ҳам ўтказилган. Шунинг учун халқ ўйинларининг дастлабки намуналари инсоният онги, тафаккури билан боғлиқдир. Унинг пайдо бўлишида ўша давр шарт- шароитлари, одамларнинг ов ва турмуш тажрибалари, дунё қараши, урф-одат ва маросимлари асосий рол ўйнаган. Аввало оддий оғзаки баёнинг дастлабки намуналари пайдо бўлган. Улар нихоятда содда бўлиб, турли хилдаги ундов хитоблар ва воқиалар баёнидан иборат бўлган. Ов жараёни ҳамда тафаккурнинг ривожланиши воқиа ва ходисалар талқинида оддий баёндан образли тасвирлашга олиб келди. Энг қадимги халқ ўйинлари намуналари ёзув юзага келмасдан анча илгари пайдо бўлган. Илк халқ ўйинлари асл холда, тўлалигича бизга етиб келмаган. У отадан – болага, авлоддан-авлодга ўтиб ҳар бир ўйин турли хил ижтимоий-иқтисодий босқичларни босиб ўтганлиги сабабли унинг шакли ва мазмунида янги-янги вариантлари юзага келган. Халқ ўйинларининг энг қадимги намуналари баъзи тарихий ёдгорликлар, илмий асар ва ёдномалар орқалигина бизга етиб келган. Энг қадимги ўйинлар, жангномалар, мифлар, афсона ва ривоятлар, қахрамонлик эпослари, саноқлар, рақслардан ташкил топган. Жахонга машхур бўлган олим, тиббиёт илмининг буюк номояндаларидан бири Абу Али ибн Сино тиббиётда жисмоний машқарнинг роли катта эканлигини илмий асослаб, ўша вақтлардаёқ халқ миллий ўйинлари ва миллий кураш хақида қимматли фикирларни ёзиб қолдирган. Масалан, у қуйидаги ўйинларни “Ёйдан ўқ отиш”, “Кичик курролар билан човғон ўйинлар”, “Бир оёқда сакраш”, “Юқоридаги бир нарсага ирғиб осилиш”, “Найза отиш”, “Тош кўтариш” ва шунга ўхшаш ўйинларни ёзиб қолдирган. Унга теварак-атрофидаги шахслар сен билимдон ва ақлли ўзинг болаларга ҳар хил фанлардан билим берасан у, яна улар билан ўйнайсан, деганлар, Ибн Сино бундай танқидий мулохазага: “Инсон хаётининг ҳар бир

даври ўзининг гўзаллигига эга. Болаликнинг хусусияти эса ўйин” деб жавоб берган эди. XI асрда яшаб, ижод этган Маҳмуд Кашғарий “Девону луғатит - турк”, яни туркий сўзлар девонини тузиб чиқди, унда халқ ўйинларининг 150 га яқин турлари тилга олинади ва шундан 20 га яқин ўйинларга таъриф берилади. Олим ўйин турлари, ўйинларнинг бола ва катталарнинг ёш хусусиятларига нисбатан тақсимоти, машғулот, мусобақа турларини баён қилади. Махмуд Қашғарий баёнида ўйинлар нафақат жисмоний, балкий ақлий машғулотларга ҳам бўлинадики, улар диққат билан ўрганилишга лойиқ. Хозирда биз “Спорт мусобақалари” - деб қўллаб юрган ибора, Маҳмуд Қашғарий девонида “бахс” атамаси билан берилган. Бундай “бахслар”нинг турлари кўп бўлган. Масалан, мерганликда бахс қилмоқ, ўқ ёй отиб қуш ва хайвонларни овламоқ, шунингдек, арқон тахтали сопқонларда тош отмоқ бахси. Буни “Олтин қовоқ” ўйини деб атаганлар. Девонда бундай бахсларнинг қоида ва шартлари, хиллари, ғолибларга бериладиган совринлар, асбоб-анжомларнинг номлари бешфасил баён этилган Куриш бахси ҳам турлича бўлган, чунончи, боғдоди, чалиш, енг силкиш, буйин айтариш, балиқ ови, овчилик бахслари шулар жумласидандир.

O'xshashlar

Педагогика тарихи

Олимпиада уйинлари тарихи

Телевидение ва тележурналистика тарихи

Педагогик технологиянинг ривожланиш тарихи

Педагогика назарияси ва тарихи