Стерилизацияланган консервалар ишлаб чиқариш - Oziq-ovqat texnologiyasi - Referatlar

Стерилизацияланган консервалар ишлаб чиқариш

Yuklangan vaqt:

20.09.2019

Ko'chirishlar soni:

0

Hajmi:

751 KB

Ko'chirib olish

Стерилизацияланган консервалар ишлаб чиқариш Режа: 1. Консерваларнинг классификацияси ва ишлаб чиқаришдаги талаблар. 2. Ўзини шарбатида ва эритма қуйилган консервалар технологияси. 3. Қиймали ва гўштли ўсимлик консерваларининг технологияси. 4. Субмаҳсулотли консервалар.

ТАЯНЧ ИБОРАЛАРИ: 1. Стерилизация, пастеризация, сўлдириш, қовириш, тузлаш. Хом-аше турлари, мол, қўй, чўчқа ва от гўшти. 2. Гўшт турларини категориялари, уларга бирламчи ишлов бериш, хом-ашега қўйилган талаблар. 3. Консерва тайерлаш технологик схемаси. Маҳсулотни органолептик, физик- кимёвий кўрсаткичлари, куттер майдалагич, волчок. 4. Хом-аше ва қўшимча материалларни пассеровка қилиш, қовириш, аралаштириш., идишларга жойлаш, пастеризация, стерилизация, сўлдириш режимлари. Соуслар. Сифатни белгиловчи кўрсаткичлар. Асосий ва ердамчи хом-аше, уларни миқдори. 5. Субмаҳсулот турлари, категориялари, кимёвий таркиби (коллаген ва эластин). 6. Субмаҳсулотларни муздан тушириш, бирламчи ишлов бериш, рецептураларни 3 та гурухга бўлиниши, технологик схемаси. 7. Паштет консерваси, стерилизация режими, органолептик ва физик кимёвий кўрсаткичлари. Хозирги пайтда стерилизацияланган гўштли консерваларнинг ассортименти 150дан юқори бўлиб, рецептура тахлили бўйича уларни хом, сўлдирилган, қовирилган ёки тузланган гўшт консерваларига (димланган, қайнатилган мол гўшти, қовирилган гўшт ва қиймали гўшт консервалари); субмаҳсулотли консерваларига (тил, паштет ва х.к.); гўштли-ўсимлик консерваларига (бутқа, дуккакли гўшт консервалари) бўлинади. Технологик ишлов бериш характери жиҳатидан консервалар хом-ашёга олдиндан иссиқлик ишлаб берилган, хом-ашёга иссиқлик ишловсиз, хом-

ашени тузланган ва тузланган хамда хом-ашёни майдалаш даражаси билан бир-биридан фарқланади. Хар-бир консервани турига қараб уларга бўлган сифат талаблари хам турлича бўлади. Умуман консерваларни ташқи кўриниши, ранги, консистенцияси, хиди, таъми, бактериологик ва физик-кимёвий кўрсаткичлари давлат техник шартларига тўла жавоб бериши керак. Таркибига туз ва зираворлар қўшилган консерваларда, гўшт массаси эзилиб кетмаган бўлиши керак. Паштет консерваларини консистенцияси суркалувчан ва бир хил массада бўлиши керак. Тузланган хом-ашёлардан тайёрланган консерваларда маҳсулотни ранги қизғиш бўлиб, банкаларни очилгандан сўнг хам ранги ўзгармаслиги керак. Паштетда кўкимтир доғлар ва ҳаво бўшлиқлари бўлмаслиги керак. Хом-ашёни сифатига бўлган талаблар ва ишлаб чиқариш технологик режимлари бузилса, тайёр консерваларни органолептик, физикавий-кимёвий, ҳамда бактериологик кўрсаткичларига таъсир этади. Ўзини шарбатида тайерланадиган консерваларнинг технологияси Бу турдаги консерваларни мол, қўй, чўчқа ва от гўштидан тайерланади. Уларни тайерлаш технологик схемаси қйидагича бўлади. хом-ашени тайерлаш, кўриш , бўлиш, суяк ва пайларидан ажратиш

 гўштни майдалаш (50-120г ) ош тузини тайерлаш жойлаш пиез, мурч ва лавр баргини тайерлаш стерилизациялаш. навларга ажратиш ва жойлаш Консерва тайерлашда мол, қўй ва чўчқа гўштини биринчи ва иккинчи категориялари ишлатилади. Асосий маҳсулотдан ташқари пиез, ош тузи, мурч ва лавр барги ҳам ишлатилади. Қабул қилинган ва текширилган ярим тана, чорак тана гўшти суяк ва пай қисмларидан тозаланади. ва 50-120г катталикда қўлда еки машинада бўлакларга бўлинади. Мол ва қўй ички чарвий еғи диаметри 4-6 мм катталикдаги волчокдан ўтказилади. Олдиндан эритиб олинган ёғ эса дозаторга берилади. Бош пиез тозаланиб ювилади, сўнгра 6 ммли волчокда ёки махсус пиёз кескичда (куттерда) майдаланади. Агар қуритилган бўлса, у холда ўзига нисбатан уч баробар кўп сувда ивитилади ва банкаларга солинади.

Махсус дозаторларда ёки қўлда лавр барги, туз ва мурч аралашмаси пиёз, ёғ ва гўшт идишларга солинади. Экспортга мўлжалланган консерваларга фақат гўшт ва ош тузи солинади. Контрол тарозида тортиб олинган ва герметиклиги текширилгандан сўнг уларни стерилизация қилинади. Консерваларни 115 0 С ҳароратда 65-125 мин, 120 0 С хароратда 40-100 мин, ротацион автоклавда (8 номерли идиш учун) 120 0 Сда 8-15 мин стерилизация қилинади. Мол ва қўй гўшти консервалари олий ва биринчи навда ишлаб чиқилади. Олий навли консервалар 1 категорияли мол ва қўй гўштидан ва пиёз қўшиб ишлаб чиқилади. органолептик ва физик-кимёвий кўрсаткичлари қўйидаги талабларга жавоб бериши керак:  таъми ва хиди - меёрида, ўзини шарбатида тайерланган консерваларга хос, ёқимсиз таъм ва хид келмаслиги керак;  гўштнинг ташқи кўриниши ва консистенцияси - гўштда суяк, пай ва бирлаштирувчи тўқималари, қон томирлари бўлмаслиги керак;  бульонни сифати - иситилган ҳолда сариқ рангдан оч жигарранг кўринишида бўлиб, бульон бироз ҳирароқ бўлиши мумкин;  гўшт ва ёғнинг миқдори - нетто массасига нисбатан 54,9-59,3%дан кам бўлмаслиги керак;  ош тузининг миқдори - нетто массасига нисбатан 1-1,5% бўлиши керак;  оғир металларнинг миқдори - қалайни миқдори чегараланган, қўрғошин тузлари ва бошқа аралашмалар булиши ман этилади. Эритма қўйилган гўштли консерваларга мол, қўй ва чўчка гўштидан тайёрланган гуляшлар, қайнатилган мол ва чучқа гўшти, оқ соусдаги гўшт консервалари киради. Уларни ишлаб чиқариш технологик схемаси қўйидагича бўлади.

хом-ашени тайерлаш (бўлиш ва суякдан ажратиш, бирлаштирувчи туқималардан тозалаш) майдалаш бланшировка қилиш пиез, ун ва томатни жойлаш, епиш ва тайерлаш стерилизация қилиш навларга ажратиш ва жойлаш Бу турдаги консерваларни ишлаб чиқаришда текшириб олинган асосий хом-ашени (ярим тана ва чорак тана шаклида) бўлинади ва суягидан ажратилиб гўшт қисми жилеланади, яъни бирлаштирувчи тўқималари

ажратилади. Мол ва қўй гўштидан еғини ажратилмайди. Агар гўштни таркибида еғнинг миқдори 10-15%дан кам бўлса, у ҳолда қўшимча равишда ички чарвли еғи еки иситилган еғ қўшилади. Чучқа гўштини жиловка қилишда унда 25%гача еғини қолдирилади. Кейин гўшт хом-ашёси гўшт майдалагичда 30-60г майдаланади ва аралаштирилади. Қўшиладиган ун юпқа қатламда пассеровка қилинади ва эланади. Тайёрланган пиёзни ёғда жигарранг тусга киргунча қовирилиб олинади ва иккинчи марта майдаланади. (2-3мм диам.) Ёғни миқдори пиёзга нисбатан 20% олинади. Аралаштиришда, аралаштиргичнинг лопастлари гўштни марказдан ичкарига эмас, балки юқорига қараб харакат қилиши керак. Аралаштиргичга бирданига ун ҳам солинади ва 1 мин давомида аралаштирилгандан сўнг олдиндан тайерланган тома-паста, ош тузи, қора ва қизил қалампир, шакар ва қовурилган пиёз аралашмалари қўшилади. Бу масса қўшилгач 1-2 мин аралаштирилади, аралашмада барча компонентлари массада бир хил тарқалган бўлиши керак. бир хил аралашма бўлмаса стерилизация жараёнида гўштдан шарбат ажралиш миқдори кўпаяди. Жойлашдан олдин идишларга лавр барги солинади. Қайнатилган мол ва чучқа гўшти консервасини ишлаб чиқаришда гўштни бланшировка қилинади. Бланшировкада (сўлдиришда) гўшт идишни ҳажмига 3/2 нисбатда солинади. Гўштни идишга (автоклавга) солишдан олдин унинг массасига нисбатан 4-6% иссиқ сув қўйилади. Идишдаги гўштга бир хилда туз ва майдаланган мурч сепилади. Бланшировка натижасида олинган бульон фильтр қилинмай қуйиш учун (70 о Сдан кам булмаган хароратда) юборилади.

Қовирилган мол ва чўчқа гўшти консерваси икки қатламли идишда тайерланади. Бунинг учун 100кг гўштга илик ёғи, 1,2кг туз, 15г мурч солинади. Қовириш давомийлиги 20-25мин. Гўштни олдиндан қобириб олингандан сўнг қўшимча равишда қовириш қозонида 10-15мин. давомида илик ёғида қовирилади. Еғни миқдори гўштга нисбатан 5% олинади. Қовирилган гўштни идишларга солиб жойлаш учун юборилади. Олдиндан ва қўшимча қовириш жараёнида ҳосил бўлган бульон ва соуслар гўшт билан аралаштирган ҳолда идишларга жойланади. Жойлаш вақтида бульони ҳарорати 70-80 о С бўлиши керак, стерилизация ҳарорати 114 о Сда 80-115мин, 120 о Сда 50-75мин, 113 о Сда 70-105мин ва 112 о Сда 50- 80мин. Органолептик ва физик-кимёвий кўрсаткичлари жиҳатдан қўйидаги меёрларга ва талабларга жавоб бериши керак. Хиди ва таъми ушбу турдаги консервага хос, гўштни консистенцияси ва ташқи кўриниши: гўшти суяксиз, пайсиз ва бирлаштирувчи тўғималарсиз, меъерида қовирилган, юмшоқ. Соус : бир хил консистенцияда, тўппасиз, сарғиш рангдан оч сариқ рангда. Гўштнинг миқдори нетто массасига нисбатан 70-87% Ош тузини миқдори 1-1,6%. Қиймали консервалар гурухига мол, қўй ва чўчқа гўштидан тайёрланган “Турист нонуштаси”, “Сосиска учун чўчқа гўшт қиймаси”, “Колбаса қиймаси” ва “Махсус қийма” консервалари киради. Қиймали консервалар ишлаб чиқариш технологик схемаси қўйидагича бўлади. хом-ашеларни тайерлаш (ярим танани бўлиш, суякдан ажратиш ва жиловка қилиш)

хом-ашени майдалаш ва тузлаш гўштни етилтириш хом-ашени иккинчи марта майдалаш қиймани компонентларини тузиш жойлаш, беркитиш ва стерилизация қилиш навларга ажратиш ва жойлаш “Колбаса қиймаси” консервасини тайерлаш учун қабул қилинган ва текширишдан ўтказилган тана, ярим тана ва чорак тана гўштларни бўлакланади ва суякдан ажратилади. Гўшт қисмида бўлган бирлаштирувчи тўқималаридан тозаланади. Чўчқа гўштини тозалаш жараенида 30% еғи қолдирилади. Тузланган чўчқа еғи (шпик) тузидан тозаланади ва 6ммли размерда махсус еғ кескичда (шпикорезка) майдаланади. Еғни майдалашдан олдин - 2-5 0 Сда совутилади. Совитилган еғни майдаланганда унинг шакли яхши сақланиб қолинади. Бирлаштирувчи тўқималардан тозаланган мол ва чўчқа гўшти алоҳида- алоҳида диаметри 16-25 мм еки 2-6мм бўлган майдалагичдан ўтказилади. Кейин эса уларни алоҳида аралаштиргичда тузланади. Бунинг учун ош тузи шакар ва нитрит-натрий ишлатилади. Тузланган гўшт тоғораларга солиниб 2-

4 о Сда 24-48 соат еки 12 соат (2-6мм майдаланган гўшт) ушлаб турилади ва яна майдаланиб (2-3мм) куттер майдалагичга узатилади. Мол ва чўчқа гўшти алоҳида 3-5 мин куттерда майдаланади. Майдалаш жараёнида асосий хом-ашёга нисбатан 5% муз заррачалари қўшилади. Кейин эса еғ (шпик), крахмал ва зираворлар қўшиб аралаштирилади. Аралаштириш жараёнида биринчи мол гўшти, кейин крахмал ва зираворлар қўшиб 3-4 минут аралаштирилади, кейин чўчқа гўшти қўшиб яна 2-3 минут аралаштиргач ёғ (шпик) қўшилади ва 2-3 минут хамма массани аралаштирилади. “Сосиска учун чўчқа қиймасини” тайёрлаш учун бирлаштирувчи туқималардан тозаланган гўштни диаметри 2-3 мм бўлган (волчок) майдалагичдан ўтказилади ва тузли эритма (рассол) қўшиб аралаштирилади. Тузли эритма билан гўштни нисбати 1:10 нисбатда олинади. Тузли эритмани рецептураси: 100л сувга 20кг туз, 120г шакар ва 100г нитрит қўшилади. Чўчқа гўштини етилиши учун 12-24 соат тоғорада 2-4 о С ушлаб турилади. Тоғордаги гўштнинг қалинлиги 15смдан кўп бўлмаслиги керак. Етилган гўшт 1-3 минут давомида куттерда майдаланади, кейин эса крахмал, зираворлар, муз заррачалари қўшилади. Қиймани куттер майдалагичсиз ҳам қилиш мумкин. Бунинг бир неча усуллари бор: а) тузланган гўшт аралаштиргичга ёки вакуум-аралаштиргичга солиниб, устига (тузланган маҳсулотга нисбатан 5%) майдаланган муз заррачалари қўшилади ва 3 мин давомида аралаштирилади. Кейин крахмал ва зираворлар қўшиб яна 3 мин аралаштирилади. Тайер қийма шприцлаш учун узатилади. Куттерсиз қийма тайёрлашнинг иккинчи усулида тузланган чўчқа гўшти АТИМ (гўшт майдалаш агрегати)га солинади ва майда муз

заррачалари қўшилади ва (асосий маҳсулотга нисбати 5%) ва 2-3 минут аралаштирилади кейин эса крахмал ва зираворлар қўшилиб яна 2-3 мин аралаштирилади. Сўнгра бу массани гўшт майдалагичдан ўтказилади. Тайёр қиймани шприцлашга узатилади. Бу турдаги консервалар тайёрлашда хом-ашёни олдиндан тузламасдан ишлаб чиқариш усули ҳам бор, фақат бундай усулда хом-ашега фосфатлар қўшилади. Бу усул билан тайёрлаш учун бирлаштирувчи тўқималардан тозаланган мол ва чўчқа гўштини майдаланади ва куттердан ўтказилади. Кейин эса аралаштиргичга еки вакуум-аралаштиргичга узатилиб, туз, фосфатлар, нитрит, крахмал, шакар ва зираворлар қўшиб 2-3 мин аралаштирилади тайёр бўлган қийма шприц-қилишга юборилади. Тайёр бўлган қиймани шприцга шундай солиш керакки, унинг ичида ҳаво қолмаслиги керак. Қиймани идишларга жойлаш шприц ёрдамида бажарилади. Идишларга солинган ва епилган банкаларни тортиб олиш йўли билан нозарат қилинади. Уларнинг герметик епилганлик сифат даражаси текширилгач стерилизацияга юборилади. Стерилизация ҳарорати №3 банка учун 112-114 о Сда 55-110мин, 120 о Сда 20-55-20мин ва №8 банка учун эса 120 о Сда 20-75-20мин режимда бажарилади. Консерванинг органолептик ва физик-кимевий кўрсаткичлари қўйидаги меъерларга ва талабларга жавоб бериши керак: хиди ва таъми: еқимли, зираворлар аромати сезиларли даражада, еқимсиз хид ва таъм келмайди; қиймани кесилган холдаги кўриниши: оч қизил рангда, ҳаво бўшлиғисиз, бирлаштирувчи тўқималари кўзга кўринарсиз; консистенция: зич, уқаланмайдиган;

намлик миқдори: 62-70%гача; крахмал миқдори: 3,5-5%гача; ош тузини миқдори: 1,8-2,2%. Бу турдаги энг кўп тарқалган консерваларга гўштли бўтқа консерваси киради. Бу консерва таркибида гуручли, перловка, гречка ва тариқ ермалари ишлатилади, уларнинг миқдори 15-24% ташкил этади. Консерва тайёрлашда мол, қўй ва чўчқа гўшти ишлатилади. Уларни суяғидан ва пай қисмларидан тозаланиб решеткасини диаметри 12-15мм бўлган волчокдан ўтказилади. Барча ермалар магнит сепараторидан ўтказилиб турли аралашмалардан тозаланади ва 10-15мин давомида совуқ сувда ювилади. Иситилган мол ёғи кунгабоқар еғи 1:1 нисбатда аралаштирилиб ишлатилади. Еғ аралашмасини ишлатишдан олдин 45%гача иситилган, чўчқа мойи эса эритилган ҳолда ишлатилади. Мол ва чўчқа ички еғи 5ммли волчокда майдаланади. Пиёз инспекциядан ўтказилиб майдаланади ва ёғда, ёки бўлмаса ёғ аралашмасида қовириб олинади. Еғнинг миқдори пиёзга нисбатан 30% олинади. Сўнгра ҳамма таркибий қисмлари қўшилиб 3-4минут давомида бир хил аралашма хосил бўлгунча аралаштирилади. Аралаштиришда аралаштиргични лопастларида минимал еғ қолиши учун аввал гўшт, ерма, еғ, сўнгра сув қўшилади. Аралаштириш давомида туз, мурч ва пиёз тенг нисбатда қўшилади. Аралашма идишларга жойланиб герметик ёпилган 113, 113 ва 120 о Сда АВ-4 типидаги автоклавда стерлизация қилинади. Стерилизация 21-90- 21минутда олиб борилади.

Консервалар тайёрлашда субмаҳсулотлар ишлатилади. Музлатилган субмаҳсулотлардан консерва тайёрлашда уларни 15-20 о Сда 12-15 соат камерада-стеллажларда еки оқар совуқ сувда 6-12 соат давомида муздан туширилади. Кейин хом-ашёдаги лимфатик боғлар, бирлаштирувчи тўқималар ажратилиб оқар совуқ сувда ювилади. Тозаланган калла гўшти ва (мясной обрез) волчокда, гўшт майдалаш машинасида ёки қўлда 50г катталикда майдаланади. Мол суягини ювиб қисмларга бўлинади, сўнгра 1:2 нисбатда сув қуйилади. Суякни кучсиз қайнатиш йўли билан 2-3 соат иссиқлик ишлов берилади. Хосил бўлган бульонни икки қаватли марлидан ўтказиб фильтрланади. Суякдаги гўшт қолдиқларини ажратиб фильтрланган бульонга қўшилади. Ўсимлик хом-ашёси инспекция қилинади. Бунинг учун уларни сепаратордан ўтказиб, чанги ва бегона аралашмалардан тозаланади. Сепаратордан ўтказилган хом-ашёни навларга ажратилади. Навларга ажратишда сўйилган, ерилган, заҳоланган ва кассалланган қисмларидан тозаланади. Кейин эса уларни ювиб, суяк бульонида 3-5минут давомида бланшировка қилинади. Бланшировка қилинган хом-аше бульондан ажратилади. Бош пиез тозаланиб, дефект қисмларидан ажратилади ва совуқ сувда ювилади. Кейин эса волчокда майдаланади (d=8мм). Қуритилган пиезни ишлатишда ундаги қорайган қисмлари олиб ташланади. Навларга ажратилган пиезни (бош пиез нисбатан 25%) бир соат давомида ивитилади. Пиез билан сувни 1:3 нисбатда олинади. Кейин рецептура бўйича аралаштиргичга бульон, соя, хом-ашеси, еғ, калла гўшти, пиез, туз, шакар майдаланган мурч қўшиб 2-3 минут давомида аралаштирилади. Аралаштириш жараенида барча компонентлари тенг

тақсимланиши керак. Аралаштиришдан сўнг хосил бўлган массани жойлаш учун юборилади. Консервани 116-120 хароратда стерилизация қилинади. Масалан №8 банка учун 116 о Сда 20-125-20 минут, еки 120 о Сда 20-75-20 минут. Консерваларнинг сақлаш муддати 24 ой. Консерваларни органолептик ва физик-кимевий кўрсаткичлари қўйидаги талабларга жавоб бериши керак: ташқи кўриниши ва консистенцияси - бўтқаси яхши пишган, сочилувчан консистенцияда, гўшт бўлакчалари хиди ва таъми - ушбу маҳсулотга хос, еқимсиз таъм ва хидсиз. ош тузини миқдори - 1,3дан 1,8%гача. Сўнгги йилларда гўштли консерваларнинг ишлаб чиқаришда субмаҳсулотлардан фойдаланиш кенг ёйилмоқда. Бунинг натижасида тайёр маҳсулотнинг озуқавий ва биологик қиймати ортади. Субмаҳсулотларни таркибида бўлган эластин ва коллаген бирлаштирувчи тўқималарга мустахкам стуктура беради. Уларни тайёр маҳсулот ҳолига келгунча биргина механик, балки узоқ муддатли иссиқлик ишлов бериш зарур. Шуни қайд этиш зарурки, стерилизация жараёнида консервалардаги микрофлоралар нобуд бўлади, ҳамда субмаҳсулотдаги бирлаштирувчи тўқималарни гидротермик парчаланиши бўлади. Бунинг натижасида тайёр маҳсулотнинг органолептик ва озуқавий қиймати юқори бўлади. Гўшт маҳсулотларини ишлаб чиқаришда субмаҳсулотлардан фойдаланиш уларни совитилган ва музлатилган ҳолда реализация қилишга нисбатан анча рентабел ҳисобланади. Субмаҳсулотли консерваларни технологик тахлили шуни кўрсатмоқдаки, уларни шартли равишда икки гурухга бўлиш мумкин: хом-

ашёга олдиндан иссиқлик ишлов бериш ва иссиқлик ишловисиз. Рецептураси бўйича эса 3 гурухга: қонда фойдаланилган, 1 ва 2 категорияли гурухлар. Паштет консерваларини ишлаб чиқариш технологияси хом-ашёни тайёрлашдан бошланиб улар олдиндан иссиқлик бериш, майдалаш, жойлаш ва стерилизация операцияларидан ўтади. Хом-ашёни тайёрлашга: муздан тушириш, кўрикдан ўтказиш, тозалаш, бирлаштирувчи тўқималардан ажратиш, ювиш ва олдиндан майдалаш. Ёғ (агар ички ёғ бўлса олдиндан майдаланади) қозонда аралаштирган ҳолда 90 о Сда иситилади, кейин эса қозонга олдиндан тайёрланган сабзавотлар, гўшт хом-ашёси қўшиб аралаштирилади ва аралашмани 75- 90 о Сга келтирилади. иссиқлик ишлов беришдан мақсад хом-ашёдаги оқсилларни куттер майдалаш жараёнидан олдин коагуляция холатига келтириш хисобланади. Олдиндан иссиқлик ишлов бериш жараёнидан сўнг тайёр маҳсулот суркалувчан консистенцияга эса бўлади. Стерилизация жараёнида эса хом- ашёга қўшимча боғловчи моддалар қўшилмайди, чунки хом-ашё бўлган шарбат етарли даражада бўлади. Олдиндан иситилган аралашма куттерга юборилади ва бошқа компонентлар ҳам қўшилиб 15-30 минут давомида куттерланади. Кейин эса паштет массасини зудлик билан идишларга жойланиб беркитилади ва стерилизиация қилинади. Паштет консерваларини стерилизацияси 112-120 о Сда 55-130 минут давомида бажарилади. Паштет консерваларини органолептик ва физик-кимёвий кўрсаткичлари қўйидаги меъёрларга ва талабларга жавоб бериши керак: хиди ва таъми - ушбу турдаги консерваларга хос, зираворлар аромати сезиларли, бегона хид ва таъмсиз; консистенция - пастасимон, массаси бўйича бир хил, тўппасиз;

ош тузини миқдори - 1,0 дан 1,4%гача; ёғнинг миқдори - 5дан 30%гача; қиймани миқдори чегараланади, бошқа аралашмалар ва қўрғошин миқдори ман этилади. Бундан ташқари ҳайвонотни қайта ишлашда олинадиган қон хом- ашёсини гўштли консерваларда фойдаланиш гўшт саноатида етакчи ўринда туради. Қора мол қонининг таркибида 17,4% оқсил бўлиб, шундан 3,6% альбумин, 2,9% глобумин ва 10,3% гемоглабин ҳисобига тўғри келади. Қон оқсили фракциясида барча алмашинмайдиган аминокислоталар мавжуд. Айниқса қон оқсилида фенилаланин, треонин, лизин, лейцин ва валин аминокислоталари мувозанатлашган ҳолда учрайди. Метионин ва изолейцин эса нисбатан кам миқдорда бўлади.

Субмаҳсулотли консерваларни ишлаб чиқариш технологик схемаси қўйидагича бўлади хом-ашёни муздан тушириш хом-ашёни тайёрлаш (кўрикдан ўтказиш,тозалаш,ювиш,суякдан ажратиш, бирлаштир. тўқим. тозалаш) хом-ашёни бланшировка қилиш ёки қайнатиш хом-ашёни майдалаш суякдаги гўштларини ажратиш

майдаланган хом-ашёни зиравор саримсоқ пиёзни,унни, ва бошқа компонентлар билан сабзини ва соусни аралаштириш тайёрлаш жойлаш, беркитиш стерилизация ва совитиш консерваларни навларга ажратиш ва жойлаш Даврий (тўхтаб ишлайдиган) корхоналарида консерва ишлаб чиқариш технологик схемаси хом-ашени тайерлаш (субмах.ювиш) суяк ва бирл. тўқималаридан тозалаш

гўшт хом-ашёсини ювиш гўштни, субмаҳсулотни ва паррандаларни сўлдириш жўжани гўштни, хом-ашесини суякдан волчокдан ўтказиш ажратиш компонентларини дозалаш ва аралаштириш пюресимон гомогенлаш катта бўлаклаш майдалаш (200 мкм гача майдалаш) (3мм гача май- (1,5мм гача) далаш) идишларга солиш идишларни тайерлаш ёпиш, ювиш ва герметикликни текшириш

стерилизация ювиш, қуритиш этикетлаш, каробкага жойлаш Тўхтовсиз (узлуксиз) ишлайдиган жихозларда консервалар ишлаб чиқариш технологик схемаси хом-ашеларни тайерлаш волчокда майдалаш сўлдириш сув қўшиш билан эмульсиялаш параконтакт иситиш ва бир лахзада совитиш бульон ва ёғни ажратиш

компонентларини дозалаш бульонни ёғсиз- ва аралаштириш (гўшт,бульон лантириш туз, крахмал, ёғ) ёғ гомогенлаш пюресимон катта бўлакли 200 мкмгача (1,5 ммгача майдалаш) 3ммгача майда- майдалаш лаш деаэрация консерва массасини иситиш (80-85 о С ) жойлаш консерва идишини тайерлаш стерилизация, ювиш ва қуритиш Этикеткалаш ва ящикларга жойлаш

O'xshashlar

Гўштли консервалар ишлаб чиқариш технологияси

Нон ишлаб чиқариш технологияси

Каттиқ ўсимлик мойлари ишлаб чиқариш

Аммоний сульфат ишлаб чиқариш технологияси

Каттиқ ўсимлик мойлари ишлаб чиқариш.