Улчаш усуллари ва воситалари - Metrologiya - Referatlar

Улчаш усуллари ва воситалари

Yuklangan vaqt:

20.09.2019

Ko'chirishlar soni:

0

Hajmi:

322.03515625 KB

Ko'chirib olish

Улчаш усуллари ва воситалари Режа: 1. Қурилиш тузилмаларини бузмасдан синаш услублари ва воситалари 2. Пластик деформация усули Механик ва оптик асбоблар ёрдамида конструкция юзасида ўрганилаётган нуқталарнинг нисбий кўчиши ёки қўзғалмас асосга нисбатан мутлоқ кўчиши аниқланади. Механик асбобларда ўлчанилаётган катталик, яoни, кўчиш ричаг ёки шестерна тизими ёрдамида асбоб шкаласидаги стрелкани ҳаракатга келтиради. Оптик асбобларда эса ричаг ролини ёруғлик нури ўтайди. Натуравий тузилмалар ёки йирик масштабли моделларни синашда қуйидаги механик асбоблар кенг қўлланилади:  барабан шестернали прогибомер;  рейка шестернали индикатор;  клинометр;  ричагли тензометр. 13.6-расмда кўрсатилган прогибомер - корпус 1, цилиндрик барабан, шестерналар тизимидан иборат. 7 барабаннинг айланиши 3 ва 4 шестерналар тизимини айлантиради ва натижада 5 шкаладаги стрелка ҳаракатга келади. 13.6-расм. Прогибомер ишлаш схемасиПрогибомер (1) -(4.1. расм) корпус, цилиндрик барабан, шестерналар тизимидан иборат. 7 барабанни айланиши, 3 ва 4 куллардаги шестерналар тизимини айлантиради ва натижада 5 шкаладаги стрелка ъаракатга келади. Шестерналар тишлари шундай танланганки, барабанни битта айланиши 3 куни 10 маротаба, 4-куни 100 маротаба айланишига тщьри келади.

Шестерналар тишлари шундай танланганки, барабаннинг битта айланиши 3- нинг 10 маротаба, 4-нинг 100 маротаба айланишига тўғри келади.Прогибомер шкаласининг бўлиниши мос ҳолда: 1 см, 1 мм ва 0,01 мм. Битта учи текширилаётган тузилмага, иккинчиси юкка маҳкамланган сим (2) нинг ҳаракатланиши прогибомер барабанини айлантиради. Прогибомер корпуси қўзғалмас асосга маҳкамланади. Прогибомернинг афзаллиги - унда барабаннинг айланишлар сони чекланмайди. Демак, прогибомер ёрдамида катта кўчишларни ўлчаш мумкин. Юк осилган симга ҳароратнинг таoсирини синов натижаларини қайта ишлашда албатта ҳисобга олиш лозим. 13.7-расмда кўрсатилган рейка- шестернали индикатор (соат типидаги индикатор) синов тузилмасига бевосита маҳкамланадиган асбоблар тоифасига киради. 1 штифт ёрдамида асбоб ўрганилаётган тузилмага маҳкамланади. Тишли рейка 2 маҳкамланган штифтнинг ҳаракатланиши шестерна 4 нинг айланишига ва шкала 3 даги стрелканинг ҳаракатланишига олиб келади. Клинометр - қаралаётган кесим бурилиш ёки буралиш бурчагини аниқлайдиган асбоб ҳисобланади.13.8-расмда клинометр кинематик схемаси келтирилган. Клинометр махсус тишча ёрдамида конструкциянинг белгиланган кесимига маҳкамланади, “шайтон” эса горизонталикни та o минлашга ҳизмат қилади. 13.7-расм. Рейка-шестернали индикатор

13.8-расм. Клинометр кинематик схемаси “Шайтон” 3 асос 1 га шарнирли маҳкамланган; “шайтон”нинг асосга нисбатан ҳаракатланиши микрометрик винт 5 ёрдамида амалга оширилади. Саноқ градусларга бўлинган лимфа 4 орқали олинади. Конструкция юклангандан кейин “шайтон” ҳолати горизонтал ҳолга келтирилади ва саноқ олинади. Олинган саноқлар фарқи кесимнинг бурилиш бурчагини беради. Оптик асбоблар асосан натуравий синовларда қўлланилади. Улар ёрдамида бино ва иншоотлар элементларининг кўчиши аниқланади. Асосий ўлчов ускунаси сифатида нивелир, теодолит ва стереофотокомфораторлар қўлланилади.

13.9-расм. Иншоот оғишини ёндан нивелирлаш усулида аниқлаш схемаси Бурчакли кўчишлар иншоотдан 20-40 м масофага ўрнатилган теодолит ёрдамида аниқланади. Иншоотнинг қаралаётган нуқталарига марка (бутчалар чизилган коғоз бўлакча) лар елимланади ва уларга теодолит кўриш нурини йўналтириб вертикал ва горизонтал оғиш бурчаклари ўлчанади. Электр ўлчов ускуналари ва уларнинг турлари. Электр алмаштиргичлар ёки электр алмаштиргичли датчиклар универсаллиги билан фарқланади. Электр датчиклар ёрдамида деформация, кўчиш, зўриқиш, тезланишни ўлчаш мумкин. Улардан статик ёки динамик юкланишда, лаборатория шароитида ҳамда натуравий тажрибада фойдаланиш мумкин. Электр алмаштиргичларнинг чиқиш сигналлари тегишли ўзгартириш (кучайтириш, интеграллаш), масофага узатиш ва қайд қилиш учун қўлайдир.

Механик катталикларни параметрли алмаштиргичлар ёрдамида ўлчашда электр занжирнинг қуйидаги параметрларига асосланилади:  Индуктивлик  Сиғим  Қаршилик  Частота Параметрли алмаштиргичлар индуктив, сиғимли ҳамда резисторли бўлади. Индуктив алмаштиргичлар дроселли, соленоидли ва трансформаторли турларга бўлинади. Дросселли алмаштиргич (13.10., а расм) ўзгарувчан ҳаво бўшлиқли бўлади. Щзакнинг ҳаракатланиши натижасида контур индуктивлиги ўзгаради. Бундай алмаштиргичли асбобнинг ўлчов диапазони 0,1 дан 1 мм гача бўлади. 13.10-расм. Индуктив алмаштиргичлар: а) дроселли; б) соленоидли; в) транформаторли. Катта кўчишлар 20-30 мм ли соленоидли (13.10.,б расм) алмаштиргичларда ўлчанади. Индуктив алмаштиргичларнинг камчилиги қуйидаги таoсир қилувчи омилларга ўта сезгирлигидир:  генератор частотаси ва кучланиши;  ҳаво бўшлиғи магнит сингувчанлигининг ўзгариши;  ташқи магнит майдонлари таoсири.

Ом қаршилигининг регисторли алмаштиргичлари реостатли ва тензорезисторли бўлади. Реостатли алмаштиргич қаршилиги ток қабул қилгичнинг чизиқли ва бурчакли кўчишига мутаносиб бўлади. Ток қабул қилувчи бевосита бирламчи механик алмаштиргичнинг силжувчи қисмига маҳкамланган бўлади. Тензорезисторли алмаштиргичлар ўтказгич ва ярим ўтказгичли материаллар механик деформацияланганда, уларнинг электр қаршилиги ўзгаришига асосланган. Бу хусусият тензоэффект дейилади. Тензорезистор сезгир элементи диаметри 10-25 мкм қалинликдаги симдан ёки қалинлиги 2-5 мкм ли юпқа фолpгадан тайёрланади (13.11-расм). 13.11-расм. Тензорезисторларнинг турлари: а) симли; б) илмоқ симли; в) фолpгали; г) монокристалли. Илмоқ симли тензорезисторлар қаршилиги 60-100 Ом ва ўлчов базаси 5-100 мм бўлади. Кўндаланг кўчишга сезгирлиги, яoни илмоқларнинг кўндаланг йўналишда деформацияланиши натижасида чиқиш сигналининг ўзгариши уларнинг асосий камчилигидир. Фолpгали тензорезисторлар қалинлиги 2-5 мкм ли фолpгадан тайёрланади. Уларнинг афзаллиги:  кўндаланг сезгирлигининг кичиклиги;  тайёрлашнинг юқори технологияси;  ҳар хил шаклда, кичкина ўлчамда чиқарилиши. Қурилиш тузилмаларини бузмасдан синаш услублари ва воситалари Мустаҳкамликни конструкцияни бузилишга олиб келувчи юклама белгилайди; бикрликни эксплуатацион юклама остидаги салқилик қиймати белгилайди; дарзбардошликни - дарз ҳосил бўлиши мумкин бўлган юклама белгилайди. Мустаҳкамлик, бикрлик ва дарзбардошликни текшириш учун

намуна - конструкция олиниб, уларни бузишгача амалдаги давлат стандартлари асосида синалади. Аммо темирбетон конструкцияларни мустаҳкамлиги, бикрлиги ва дарзбардошлигини бузмасдан синаш усуллари ёрдамида ҳам аниқлаш мумкин. Бузмасдан синов ўтказиш усулини асосий тамойили қуйидагича. Темирбетон конструкцияларининг мустаҳкамлиги, бикрлиги ва дарзбардошлиги конструкциядаги бетон ва арматуранинг мустаҳкамлигига, кўндаланг кесими юзасига, арматуранинг жойлашиш ўрнига, зўриқиш кучига (олдиндан зўриқтирилган элементларда), арматура билан бетоннинг ўзаро тишлашиш мустаҳкамлиги ва бошқаларга бевосита боғлиқ. Агар юқоридаги кўрсаткичларни талаб қилинган қийматлари бажарилса, лойиҳа бўйича белгиланган мустаҳкамлик, бикрлик ва дарзбардошлик таoминланади. Шундай қилиб, бузмасдан синов ўтказиш орқали назорат қилиш деганда қуйидагиларни тушунилади:  темирбетон конструкцияларнинг тайёрлаш жараёнида ва қабул қилишда белгиланган лойиҳавий мустаҳкамлик, бикрлик ва дарзбардошликни кафолатловчи тезкор синов тадбирлари мажмуи;  алоҳида жараён ёки кўрсаткичларни тузилмани бузмасдан синов ўтказиб назорат қилиш. Бузмасдан синаш усуллари белгиланишига кўра қуйидаги турларга бўлинади:  бетон мустаҳкамлигини назорат қилиш усуллари;  темирбетон конструкцияларда арматуранинг жойлашишини назорат қилиш;  бетон конструкция ичидаги яхши зичланмаган қисмларни, ғовакларни аниқлаш усуллари (дефектоскопия усули);  бетон зичлигини назорат қилиш усуллар;  бетон ва тўлдирувчилар намлигини назорат қилиш усуллари;  арматуранинг тортилишини назорат қилиш усуллари.

Бузмасдан синаш усуллари физик моҳиятига кўра қуйидаги турларга бўлинади:  механик, шу жумладан бетон юзаси хусусиятларини ўлчашга ва бетон юзасини маҳаллий бузилишга асосланган усуллар;  улpтратовуш усули;  магнит усули. Бузмасдан синаш усуллари бетон мустаҳкамлиги ва зичлигини аниқлаш, бетон мустаҳкамлигини вақт бўйича назорат қилиш, конструкция ички нуқсонларини аниқлаш, арматуранинг жойлашиши, бетон ва тўлдирувчилар намлигини аниқлаш, пайванд чоклари сифатини ва арматуранинг тортилишини назорат қилишда самарали қўлланилади. Умуман айтганда, бузмасдан синов ўтказиш усуллари темирбетон конструкцияларнинг мустаҳкамлиги, бикрлиги ва дарзбардошлигини тезкор баҳолаш учун хизмат қилади. Бетон мустаҳкамлигини назорат қилиш учун бузмасдан синаш усуллари, бетоннинг қотишини ва уни зичланишини намуна (кублар) ёрдамида аниқлаш мумкин бўлмаган ҳолларда қўлланилади. Бу усул ёрдамида йиғма ва яхлит йиғма конструкцияларни, йирик панелли бинолар чокларига тўлдирилган бетон мустаҳкамлигини ҳамда яхлит темирбетон тузилмаларидан қолипни бўшатиш олдидан ёки эксплуатацияга барвақт топширилиши лозим бўлган конструкцияларнинг мустаҳкамлигини аниқлаш мумкин. Бетон мустаҳкамлигини бузмасдан синаш усуллари фойдаланилаётган биноларнинг темирбетон тузилмалари текширув ўтказилганда, шу жумладан қайта таoмирлаш ишлари билан боғлиқ ишларда кенг қўлланилади. Бетонни иссиқлик билан ишлаш режимини муқобиллаштириш мақсадида бетон мустаҳкамлиги ошиб боришини назорат қилишда ҳам бузмасдан синаш усуллари қўлланилади. Бу усулдан фойдаланиб буғ сарфининг оптималлаштирилган режимини танлаш мумкин.

Бузмасдан синаш усулларидан электротермик усулда тортилган арматурада зўриқишни аниқлашда ҳам самарали қўлланилади. Бузмасдан синаш усуллари қурилиш жараёнида бирикмаларнинг бетон билан тўлдирилиш сифатини аниқлашда ҳам кенг қўлланилади. Тузилмани бетонлаш жараёнида арматуралар лойиҳа ҳолатидан силжиши мумкин. Буни аниқлаш учун ҳам бузмасдан синаш усуллари қўлланилади. Бундан ташқари эксплуатация қилинаётган биноларни текшириш арматурани жойлашиш ўрни ва диаметрини аниқлашда ҳам бузмасдан синаш усуллари қўлланилади. Пайванд бирикмаларнинг сифатини назорат қилиш учун ҳам бузмасдан синаш усуллари қўлланилади. Тўсувчи тузилмаларда (девор панели) зичлик ва намликни аниқлаш асосан бузмасдан синаш воситасида амалга оширилади. Бу кўрсаткичлар орқали тузилманинг иссиқлик ўтказувчанлиги ҳам баҳоланиши мумкин. Пластик деформация усули Пластик деформация усули бетонни сиқилишга бўлган мустаҳкамлиги билан зарба берилганда бетон юзасида ҳосил бўладиган из ўлчамлари орасидаги боғланишга асосланган. Зарба натижасида ҳосил бўлган из бетон мустаҳкамлигининг ҳар хил қийматларини тавсифловчи катталик бўлиши учун зарба кучи алоҳида олинган асбоблар учун доимий бўлиши лозим. Бу эса асбобларга маoлум бир талабларни қўяди. Бу талаблар эталон таёқчали асбобларга тааллуқли эмас. Чунки бу асбобларда бир вақтда 2 та из ҳосил бўлади. Биттаси бетон юзасида, иккинчиси эса эталон таёқчада. Бетонда 1та из ҳосил қилишга асосланган асбобларга ПМ-2, ХПС, НИИЖБ штампи ва ПБ асбоблари киради. 2 та из ҳосил қилишга асосланган асбобга эса Кашкаров болғачаси киради (13.12-расм).

13.12-расм. К.П.Кашкаров русумидаги эталон болғача: а – схематик қирқим; б – ташқи кўриниш; 1 – корпус; 2 – метал даста; 3 – каллак; 4 – пружина; 5 – тешикли стакан; 6 – эталон стержен; 7 – пўлат шарча Кашкаров болғачаси айланадиган каллакли корпусдан дастадан шарча ва пўлат стержен ўтказиладиган тешикларга эга стакандан, шунингдек, шарчани стерженга сиқиб турадиган пружинадан ташкил топган. Стержен диаметри 10 мм ли Ст.3. синфдаги пўлатдан тайёрланади ва одатда 150 мм узунликка эга бўлади. Шарча эса 15 мм ли диаметрга эга бўлиб, подшипниклардан олинади. Тузилма сиртига зарба берилганда бир пайтда иккита из – бетон ва пўлат стержен сиртларида ботиқликлар ҳосил бўлади. Мазкур изларнинг диаметрларини юқори аниқликда ўлчаш учун бурчакли штрихли андозалар ишлатилади (13.13-расм). 13.13-расм. Бурчакли штрихли андоза

Бетон ва эталон стерженда қолган из диаметрлари нисбати d б / d э га асосланиб, болғача паспортига илова қилинадиган график (13.14-расм) асосида бетон мустаҳкамлиги аниқланади. Шунингдек, бетоннинг ҳақиқий мустаҳкамлигини аниқлаш учун асбоб паспортига мустаҳкамликнинг намликка, бетон ёшига ва излар сонига боғлиқлик коэффициентлари графиклари илова қилинади (13.15-расм). Шу асосда бетоннинг реал мустаҳкамлиги аниқланади. Кашкаров болғачасининг афзалликларидан бири шуки, синовларда зарбларнинг бир хил бўлмаслиги натижага айтарли та o сир кўрсатмайди. Бетон намлиги Бетон ёши, йил Излар сони 13.15-расм. Бетон мустаҳкамлигига тузатмалар киритиш графиклари. ПМГ асбоби ҳам пластик деформация усулида ишлайди (13.16- расм). Мустаҳкамлик бетонда зарб натижасида қоладиган из диаметри асосида аниқланади. 13.14-расм. Бетон мустаҳкамлигини 28 суткалик ёшида аниқлаш графиги

13.16-расм. ПМГ асбоби: а) умумий кўриниш; б) асбоб схемаси; 1-шарча, 2-зарба берувчи стерженp, 3-боек, 4-шток, 5,9-пружиналар, 6-тишли зашелка, 7-цилиндрик корпус, 8-втулка, 10-қопқоқ. Асбоб болғача шаклида тайёрланган бўлиб, зарба кучи доимийдир. Асбобда 2 та пружина 5 ва 9 ўрнатилган бўлиб, ундан бири 5 боек 3 ни қўзғалмас боек 8 билан боғлайди. Боек штоги 4 зарба берувчи стерженp 2 боғланган бўлиб унинг четида диаметри 17 мм.ли пўлат шарча 1 ўрнатилган. Бетон юзасига асбобни қадаб сўнгра орқа қопқоғига аста босилса, шток зарбасидан стерженp ва зашелка силжийди, натижада 5 пружина тортилади. Кейинги ҳаракат натижасида зашелка тиши боёкдан очилиб, пружина озод бўлиб шток зарба берувчи стерженp билан бетон юзасига зарба беради. Пластик деформация усулида ишлайдиган асбоблардан яна бири НИИЖБ штампидир (13.17-расм). Асбоб ишлаш тамойили бетон юзасига катта диаметри сферик штамп 4-ни статик куч билан эзишга асосланган. Асбоб радиуси R =10,14 ва 24 мм ли 3 та штамп билан жиҳозланган. Штампга босим норматив гидравлик прессда ҳосил қилинади. Ҳосил қилинадиган куч штамп диаметри ва бетоннинг мумкин бўлган мустаҳкамлигига боғлиқ ҳолда 10 дан 22 кН гача ҳосил қилинади. Асбоб ёрдамида қалинлиги 30 мм дан 300 мм гача бўлган конструкцияларни синаш мумкин.

13.17-расм НИИЖБ штампи. 1-диномометр струбцинаси, 2-индикатор, 3- гидравлик насос, 4-штамп, 5-синалаётган маҳсулот, 6-шарнирли таянч

А дабиётлар: 1. А.Г.Сергеев, В.В.Крохин. Метрология. Учебное пособие. М.: Логос, 2001. - 408 с.: ил. 2. В.П.Коротков. Основ метрологии и теории точности измерителнх устройств. М.: Изд. Стандартов, 1978. - 352 с. 3. Б.Э.Мухамедов. Метрология, технологик параметрларни ўлчаш усуллари ва асбоблари. Т.: Уқитувчи. 1991. – 320 б. 4. Р.Ж. Тожиев, А. Йўлдошев, Ш.Д. Султонов. Аҳмад ал-Фарғоний ҳаёти ва ижоди. Т.: Фан. 1998. 5. А.Абдураҳмонов. Улуғбек академияси. Т.: Қомуслар Бош таҳририяти, 1993. 6. А.Иброҳимов, Х.Султонов, Н.Жўраев. Ватан туйғуси. Т.: Узбекистон, 1996. –396 б.

O'xshashlar

Ўлчаш усуллари ва воситалари

УЛЧАШ ТУРЛАРИ ВА УЛЧАШ УСУЛЛАР

Курилишда метрология стандартлаш ва сифат назорати кузатиш фанини максад ва масалалалари

Ўлчаш воситалари хатоликларини меъёрлаш

Метрология асослари