Пармалаш станоклари - Materialshunoslik - Referatlar

Пармалаш станоклари

Yuklangan vaqt:

20.09.2019

Ko'chirishlar soni:

0

Hajmi:

43 KB

Ko'chirib olish

Пармалаш станоклари Режа: 1.Пармалаш станокларини синф (тип) ларга ажратиш. 2.Вертикал бир шпинделли пармалаш станоклари. 3. Кўп шпинделли пармалаш станоклари ва уларни ишлаш принцплари. 4.Радиал пармалаш станоклари. Пармалаш станоки учун мосламалар 5.Пармалаш-фрезалаш ярим автомат станоки. Узлуксиз ҳаракатланувчи олти шпинделли вертикал пармалаш ярим автомат станоки.

Дарснинг мақсади: Пармалаш-фрезалаш станоклари ҳақида маълумотлар бериш. ПАРМАЛАШ СТАНОКЛАРИ . Пармалаш станоклари тешиклар пармалаш, тешикларга метчик ёрдамида резьбалар қирқиш, тешикларни йўниб кенгайтириш ва уларни притирлаш, листавий материалдан дисклар қирқиб олиш ва бошқа ишлар учун мўлжалланган. Бу операциялар парма, зенкер, развёртка ва бошқа шуларга ўхшаш асбоблар билан бажарилади Пармалаш станоклари қуйидаги турларга бўлинади; 1.Вертикал пармалаш станоклари. 2.Бир шпинделли ярим автоматлар. 3. Кўп шпинделли ярим автоматлар. 4.Координат тешик кенгайтириш станоклари. 5. Радиал пармалаш станоклари. 6. Олмосли тешик кенгайтириш станлклари. 7. Горизантал пармалаш станоклари. 8.Ҳар хил пармалаш станоклари. Пармалаш ва йўниб кенгайтириш станокларининг қуйидаги типлари мавжуд: 1. Вертикал-пармалаш станоклари (асосий ва энг кўп тарқалган тип станоклар) нисбатан кичик ўлчамли деталларга тешиклар пармалаш учун ишлатилади. Ишлов бериладиган тешикнинг ўқи билан асбобнинг ўқини тўғри келтириш учун бу станокларда заготовкани асбобга нисбатан суриш кўзда тутилган. 2. Бир шпинделли ярим автоматлар , кичик станоклар приборсозликда кенг тарқалган. Уларнинг шпинделлари катта частота билан айланади. 3. Кўп шпинделли ярим автоматлар ; бу станоклар иш унумини бир пинделли станокларга қараганда анчагина оширишга имкон беради. 4. Координатавий тешик кенгайтириш станоклари: 5. Радиал-пармалаш станоклари катта ўлчамли деталларга тешиклар пармалаш учун мўлжалланган. Радиал- пармалаш станокларида тешикларнинг ўқларини асбобнинг ўқи билан тўғри келтириш учун станокнинг шпиндели қўзғалмас деталга нисбатан силжитилади. 6. Тешик кенгайтириш станоклари:

7. Олмосли тешик кенгайтириш станоклари: 8. Горизонтал-пармалаш станоклари . 9 . Ҳар хил пармалаш станоклари. Пармалаш станоклари группасига марказ пармалаш станокларини ҳам киритиш мумкин, бу станоклар заготовкаларнинг торецларида марказ тешиклари ҳосил қилиш учун ишлатилади. Пармалаш станокларининг асосий ўлчамлари қуйидагилар: энг катта шартли пармалаш диаметри, шпиндель конусининг ўлчами, шпинделнинг қулочи, шпинделнинг энг катта юриш :йўли, шпинделнинг торецидан столгача бўлган энг катта масофа, шпинделнинг торецидаги фундамент плитасигача бўлган энг катта масофа ва бошқалар. 2Н118 ВЕРТИКАЛ ПАРМАЛАШ СТАНОГИ. Станокнинг характеристикаси. Пармаланиши мумкин бўлтан тешикнинг энг катта диаметри 18 мм; шпиндель конуси — Морзе № 2; шпинделнинг ўқий силжиши мумкин бўлган энг катга масофа 150 мм; шпинделнинг қулочи 200 мм шпинделнинг торецидан столгача бўлган масофа 0 — 650 мм чегарасида ўзгариши мумкин; шпинделнинг айланиш частотаси 177 — 2840 айл/мин ; шпинделнинг айланиш частоталари сони — 9; суриш қиймати 0,1—0,56 мм/ айл ; суришлар сони — 6; бош ҳаракат электрик двигателининг қуввати 1,5 квт ; электрик двигатель валининг айланиш частотаси 1420 айл/мин ; станокнинг габарит ўлчамлари 870 X 590 х 2080 мм ; станокнинг массаси 450 кг . КЎП ШПИНДЕЛЛИ ПАРМАЛАШ СТАНОКЛАРИ. Кўп шпинделли пармалаш станокларининг учта асосий тури мавжуд а)шпинделлари бир қаторга жойлашган станоклар, бу станоклар бир деталда ҳар хил диаметрли бир неча тешикни кетма-кет пармалаш ёки битта тешикка бир неча асбоб билан ишлов бериш учун мўлжалланган; б) шарнирли алмаштириб қўйиладиган шпинделлари бўлган қўнғироқ типидаги головкалари бор станоклар, бу станоклар бир неча тешикка бир вақтда ишлов бериш учун мўлжалланган;

в) кўплаб маҳсулот ишлаб чиқариш учун мўлжалланган кўпшпинделли агрегатавий станоклар. Чуқур тешиклар пармалаш станоклари ( токарлик-пармалаш станоклари деб ҳам аталадиган станоклар) узунлиги диаметридан бир неча марта катта бўлган тешиклар пармалаш ва уларни пармалаб кенгайтириш учун мўлжалланган. Станокларнинг конструкцияси ишлов бериладиган тешикнинг узунлиги ва диаметрига, заготовканинг узунлиги ва массасига, шунингдек, маҳсулот ишлаб чиқариш кўламига боғлиқ бўлади. Станоклар бир ёки икки ёқлама, яъни тешикларга бир томонидан ёки бир вақтнинг ўзида икки томонидан ишлов бера оладиган бўлиши мумкин. Кичик диаметрли, узунлиги эса 1000 мм дан ошмайдиган тешиклар пармалаш учун мўлжалланган станокларда, ишлов бериладиган заготовка айланади. Катта, оғир заготовкалар ишлов бериш вақтида қўзғалмай туради, кесувч асбоб (махсус парма ва тешик йўниб кенгайтириш кескичлари ўрнатилган борштанга) эса айланма ҳаракатга келтирилади ва ўқ бўйлаб сурилади . 2Н55 РАДИАЛ- ПАРМАЛАШ СТАНОГИ . Бу станок яккалаб ва сериялаб маҳсулот ишлаб чиқаришда йирик деталларнинг заготовкаларига тешиклар пармалаш, уларни зенкерлаш ва развёрткалаш ҳамда резьба қирқиш учун мўлжалланган. Станок кўп асбоб билан ишлаш учун қулай. Заготовка тешигининг ўқи шпинделнинг ўқига шпиндель головкасини (бабкасини) қўзғалмас деталга нисбатан траверса (енг) йўналтирувчиси бўйлаб силжитиш ва траверсани сиртқи буриш колоннаси билан биргаликда қўзғалмас ички колонна атрофида буриш орқали тўғри келтирилади. Станокнинг характеристикаси ва ишлаш принципи . Пармаланиши мумкин бўлган тешикнинг энг катта диаметри 50 мм ; шпиндель конуси — Морзе № 5; шпинделнинг энг катта қулочи (шпинделнинг ўқидан колоннанинг сиртқи газасигача бўлган масофа) 1600 мм; шпинделнинг айланиш частотаси 20 - 2000 айл/мин ; суришлар қийматининг чегаралари 0,056 + 2,5 мм/айл ; бош ҳаракат электрик двигателининг қуввати 4 квт ;

станокнинг габарит ўлчамлари 2670X1000x3315 мм; станокнинг массаси 3900 кг. Станокда содир бўладиган ҳаракатлар. Радиал-пармалаш станогида шпинделнинг айланма ҳаракатидан, суриш ҳаракати эса шпинделнинг пиноль (гильза) билан биргаликдаги силжишдан иборат.Ёрдамчи ҳаракатлар жумласига траверсанинг бурилувчи сиртқи колонна билан биргаликда бурилиши ва шундан кейин қўзғалмас ички колоннага маҳкамланиши, траверсанинг сиртқи колонна бўйлаб силжиши ва зарур баландликда маҳкамланиши, шпинделлар головкасининг силжиши ва траверсада маҳкамланиши, шпинделнинг тезликларини ва сурилишларини қайта улаш ҳаракатлари ҳамда бошқа ҳаракатлар киради. 2Н55 радиал-пармалаш станогининг бикрлиги юқори бўлиб, узеллари жуда пухта сиқилади. Бу станокда шпиндель айланиш частотасининг ва суришлар қийматининг переселектив набори қўлланилган. Радиал-пармалаш станоклари ичида энг кўп тарқалгани 2Н53 станоги (пармаланиши мумкин бўлган энг катта тешик диаметри 35 мм), 2Н55, 2Н57 станоклари (пррмаланиши мумкин бўлган энг катта тешик диаметри 75 мм), 2Н58 станоги (пармаланиши мумкин бўлган энг катта тешик диаметри 100 мм.) ва бошқа станоклардир. Бизнинг саноатимиз кўчма радиал-пармалаш станоклари ҳам ишлаб чиқарадики, бу станоклар ҳар хил жойлашган текисликлардаги тешикларга ҳам ишлов бериш имкониятини туғдиради. Пармалаш станоклари учун мосламалар. . Технологик имкониятларни кенгайтириш ва меҳнат унумини ошириш учун пармалаш станокларида универсал ва махсус керак-яроқлар ишлатилади. Станоклар кўп шпинделли пармалаш головкалари, тез алмаштириладиган ва резьба қирқиш патронлари билан таъминланади.Ишлов бериладиган детални ўрнатиш ва махкамлаш учун винтавий, эксцентрикавий, гидравликавий ва пневматикавий тискилар, ўзи марказлайдиган қисиш мосламалари,

кондукторлар, буриладиган оддий ва кўп позицияли столлар ҳамда кесувчи асбобни йўналтирувчи махсус мосламалар ишлатилади. Кривошип-шатунли механизми бўлган кўп шпинделли головкага айланма ҳаракат станокнинг шпинделидан иш шпинделларига қуйидаги тарзда узатилади. Станок шпинделининг айланиш ўқидан эксцентриситет в қадар оралиқда жойлашган кривошип бармоғи иш шпинделларини ҳаракатга келтирувчи тегишли кривошип бармоқлари учун пастида тешиклари бўлган дискни айлантиради. Шпинделларнинг айланиш ўқлари орасидаги минимал масофа 7 мм га тенг. Агар асбоб конусининг ўлчами билан шпиндель конусининг ўлчами бир- бирига тўғри келмаса, оралиқ втулкалар ишлатилади.

O'xshashlar

Токарлик станоклари

Токарлик – револьвер станоклари

Фрезалаш станоклари гуруҳи (турлари)

Токарлик - карусель лобовой станоклари

Металларни механик ишлаш тўғрисида маълумот