Биофармация ва фармакокинетика - Materialshunoslik - Referatlar

Биофармация ва фармакокинетика

Yuklangan vaqt:

20.09.2019

Ko'chirishlar soni:

0

Hajmi:

229.5 KB

Ko'chirib olish

Биофармация ва фармакокинетика Режа: 1. Биофармация асослари. дориларнинг биосамарадорлигини аниклаш усуллари 2. Дориларнинг биосамарадорлигига таъсир этадиган омиллар 3. Таблетканинг биосамарадорлигини аниклаш усуллари. Терапевтик эквивалентлик. Фармакокинетика 4. Таблеткаларнинг биосамарадорлигини 5. in vitro ВА in vivo тажрибаларида аниклаш усуллари 6. Капсулалар ва микрокапсулалар. 7. Тиббиётда ишлатиладиган капсулалар 8. (capsulae medicinales) 9. Микрокапсулалар (microcapsulae)

Биофармация асослари. дориларнинг биосамарадорлигини аниклаш усуллари «Биофармация» - технологиянинг назарий асоси булиб, биринчи марта фармацияда XX асрнинг 60-йилларидан кулланила бошланди. Адабиётлардаги маълумотларга караганда, биофармация атамасини биринчи марта 1961 йилда АКШ олимлари Леви ва Вагнерлар ишлатишган. Бу атаманинг аник ва тулик ифодаси 1972 йилда Америка фармацевтика ассоциациясининг илмий фармацевтика Академияси томонидан келтирилади. Бунга биноан биофармациянинг асосий вазифаси дориларнинг одамда ва хайвонларнинг биологик фаоллигига таъсир курсатадиган омилларни урганиш ва шунга биноан уларнинг терапевтик унумдорлигини ошириш ва кушимча таъсирини камайтиришдир.Кадим замонларда дориларнинг терапевтик унумдорлигига таъсир этувчи айрим омиллар маълум булган. Жумладан, Гиппократ (эрамиздан олдинги 460-370 йиллар) дориларнинг фаоллиги унинг турига ва тайёрлаш жараёнига богликлигини , Гален (130- 200 йиллар) ва Ибн Сино (980-1037-йиллар) эса майдалик даражасига хам богликлигини амалиётда исботлаганлар. Демак, бундан 3-5 минг йиллар илгариёк биофармация омиллари урганила бошланган. Ибн Сино бу омилларга асосланиб, дори хакида уз билимларининг назарий асосларини ва атамаларини яратди. У одамнинг мижози ва дориларнинг хусусиятларига караб, уларнинг терапевтик унумдорлигини олдиндан айтиб бера олган. Ибн Сино дорилар икки кисмдан ташкил топган, деб хисоблаган. 1-таъсир этувчи, 2-ёрдамчи моддалар. Ёрдамчи моддалар сифатида тулдирувчи, богловчи, юмшатувчи, ковушкокликни оширувчи, тургунлаштирувчи моддалар, нохуш хидни ва мазани яхшиловчи, таъсирни узайтирувчи, копловчи кабилардан фойдаланган. Купинча у бу максадда асални ишлатган. Чунки у асални «хамма дориларнинг тожи», деб атаган. Юкорида келтирилган маълумотларга кура, «биофармация» тушунчасига америкалик олимлар Леви ва Вагнер эмас,ватандошимиз Ибн Сино асос

солган. «Биофармация» атамасини юкорида номлари кайд этилган олимлар куллаганлиги туфайлигина уларни биофармация асосчиси деб караш ноурин хисобланади. Дори тури танага тушганда мураккаб жараёнларга дуч келади, сунгра уз таъсирини курсатади. Бу жараённинг куйидаги соддалаштирилган боскичларини келтириш мумкин: Дориларнинг биосамарадорлигига таъсир этадиган омиллар Дори тури. Дорининг биосуюкликда, кон ёки тукималарда парчаланиши. Дориларнинг меъда -ичак, буйрак, упка, тер безлари оркали ажралиши. Биринчи боскичга кабул килинган дори туридан биофаол модданинг ажралиб чикиши ва унинг керакли аъзога бориб сурилишигача булган жараёнлар киради. Иккинчи боскичда биосуюкликка утган дори диффузия конунига биноан сурилади. Диффузия кинетикасига фармацевтик омиллар таъсир курсатади. Жумладан, сирт фаоллиги, технологик жараён, дори турининг суюкликда эриши ва парчаланиши. Диффузия кинетикасига тукима мембранасининг хусусияти ва холати, тукималарнинг фермент фаоллиги киради. Дориларнинг сурилиши беморнинг ёши, жинси, тана холатига боглик булади. Учинчи боскичда физиологик омиллар асосий урин тутади, яъни дорилар ёки унинг метаболитлари танада (конда, тукималарда) таксимланади. Туртинчи боскичда д ориларнинг танадаги харакатида асосий биохимик омиллар кузатилади. Бунда дорилар ёки метаболитларининг биосуюкликдаги харакати ва ажралиб чикиши содир булади. Дориларнинг танага сурилиш тезлигига фармацевтик омиллар катта таъсир курсатади. Бу омилларга дориларнинг кимёвий ва физик холати, ёрдамчи моддалар, дори тури ва уни кабул килиш йуллари ва фармакотехнологик жараёнларнинг таъсири киради. Юкорида келтирилган омилларни мужассам холда урганиш дориларнинг танага киритилиши, унинг xаракати ва таъсир килиши биофармациянинг

асоси хисобланади. Бу келтирилган тасвиримиз умумий деб кабул килиниши лозим. Чунки,биофармацияга бошка омиллар xам таъсир курсатади. Шунинг учун дори ва уларнинг фаоллиги уртасидаги муносабатни биофармация билан фармакокинетикага биргаликда каралгандагина аниклаш мумкин. Фармакокинетикани аниклаш технологларга максадга мувофик дори турини яратишга ёрдам беради. Кейинги йилларда биофармация жуда тез суръатлар билан ривожланмокда, чунки барча фармацевтика институтлари ва корхоналарининг асосий иши шу сохани уз ичига камраб олади. Бу сохада проф. И.С.Ажгихин, проф. А.И.Тенцова ва бошкалар етакчи олимлар хисобланадилар. Дориларнинг сурилиш тезлиги ва терапевтик унумдорлигига таъсир курсатадиган асосий омиллар куйидагилар. Хар кандай дори модданинг асоси унинг кимёвий тузилиши хисобланади. Бунга шу дори моддадан дори тури тайёрлаш учун кулланиладиган технологик омиллар, модданинг кристалик шакли, майдалик даражаси, эрувчанлиги, ёрдамчи моддалар ва хоказолар таъсир килади. Кристалик шакли. Полиморфизм. Дори моддаларнинг технологик хусусиятларини белгиловчи омиллардан бири - модда заррачаларининг тузилиши булиб, улар табиатда кристалл ва аморф холда учрайди. Мутахассисларнинг тадкикотлари кимёвий таркиби бир хил булган купчилик органик ва анорганик моддаларнинг физик ва технологик хоссалари хар хил булишини курсатади. Бу эса дори моддалар хар хил кристалик холатда була олиши мумкинлигидан далолат беради. Натижада битта дори модда хар хил физикавий хоссаларни намоён килади. Модданинг хар хил кристалик шаклда (модификацияда) була олиш хоссаси полиморфизм дейилади. Моддаларнинг полиморфизм холати А, В, С харфлари билан ёки ва бошка ракамлар оркали белгиланади. Купчилик бирикмалар 5,6,7, xатто 11 ва ундан куп кристалик холатда булиши мумкин. Полиморфизм холати купинча салицилатлар, барбитуратлар, гормонлар ва сульфаниламидларда учрайди. Масалан, ацетилсалицил кислота 6 хил, кортизон ацетат 5 хил, левомицетиннинг 2 хил кристалик холатда була

олиши аникланган. Бундай моддаларнинг эрувчанлиги, суюлиш харорати, оксидланувчанлиги бир-биридан фарк килади ва шунинг учун уларнинг сурилиши ва дори турларининг тургунлиги хар хил булади. Полиморфизм ходисаси хозирги замон фармацевтик технологияси учун катта ахамиятга эга, чунки дори тури кайси кристалик холатдан ташкил топганлигига караб унинг самарадорлиги ва тургунлиги хар хил булади. Аксарият тургун булмаган кристалик холатга эга булган моддалар биосуюкликларда яхши эриб, танага осон ва тез сурилади. Дориларнинг кристалик холатда булиши уларнинг олиниш усулига, куритиш, майдалаш, дори турини тайёрлаш жараёнига ва сакланишига боглик булади. Кимёвий холати. Бир хил модда бир неча кимёвий холатда ишлатилиши мумкин. Масалан, шохкуя усимлигидан олинадиган алкалоид турли кислоталар билан хосил килган тузига караб, хар хил номланади: эрготин - сирка кислотали, корнузол - узум кислотали, эрготал - фосфат кислотали тузи, адреналин гормони эса гидрохлорид ва гидротартарат тузлари холида булади. Тузлар технологик, кимёвий, физик ва биофармацевтик томондан хар хил булади, яъни сурилиш тезлиги ва биологик таъсири булиши мумкин. Масалан, аскорбинат кислотанинг битта водороди натрий ионига алмаштирилса, бутунлай янги хусусиятли модда хосил булади. Бу аскорбинат кислотадан фаркли уларок, танада электролит холатни узгартириш, инсулин ишлаб чикарадиган безлар фаолиятини сусайтириш хусусиятига эга булади. Амидопирин ок рангли пластинка шаклидаги кристалл модда булиб, сувда секин эрийди (1:20). Амидопирин молекуласидаги битта водород натрий сульфонат гурухига алмаштирилса, сувда яхши эрийдиган (1:155) оч саргиш таёкча ва призмасимон шаклдаги анальгин хосил булади. Морфин алкалоидининг кимёвий молекуласига метил гурухи киритилса кодеин, этил гурухи киритилса дионин хосил булиб, икки хил физик-кимёвий хусусиятга ва таъсирга эга булган янги модда хосил булади.

Майдалик даражаси . Дори моддалар заррачасининг майдалик даражаси факатгина уларнинг сочилувчанлигига, бир хил аралашишига, сочилма зичлигига ва аник дозаларга булинишига таъсир килиб колмасдан, балки биофармацевтик хусусиятларига хам таъсир килади. Бу айникса мураккаб дори турларини тайёрлашда яккол намоён булади. Дори кайси турда тавсия килинишидан катъи назар, унинг сурилиш тезлигига дори заррачаларининг майдалик даражаси албатта таъсир килади. Купчилик дори кукунларининг майдалик даражаси ортиши билан уларнинг танага сурилиш тезлиги,терапевтик унумдорлиги мутаносиб равишда ортиб боради. Лекин бунда уларнинг тургунлиги ва кушимча таъсири узгармаслиги керак. Масалан, ацетилсалицилат кислотанинг майдалик даражаси 30 марта ортса, унинг терапевтик унумдорлиги икки баравар ошиши аникланган; деципиразон 200 баравар майдаланганда, терапевтик унумдорлиги 13,4 марта ошади; сульфадимезиннинг ута майдаланган кукуни одамларга берилганда унинг кондаги юкори концентрацияси одатдагига нисбатан икки соат олдин хосил булиб, умумий сурилган микдори 20% куп булади. Моддаларнинг эрувчанлиги . Дори моддаларнинг купчилиги сувда ёмон эрийди ёки эримайди. Унинг сурилишини яхшилаш учун эрувчанлигини яхшилаш лозим. Сирт фаол моддалар иштирокида уларни ёмон эрийдиган ёки эримайдиган холатга утказиш мумкин. Масалан, твин-80 иштирокида синестролнинг эрувчанлигини 31 марта, метилтестостероннинг эрувчанлигини 20 марта, диэтилстилбестролнинг эрувчанлигини 110 марта ошириш мумкинлиги амалда исботланган. Шу максадда глицеризин кислотанинг аммонийли тузи хам ишлатилиб, унинг 0,1% ли эритмаси (глицерам) гидрокортизоннинг эрувчанлигини 100 марта оширади. Глицерамнинг 0,2% ли ишкорий эритмаси фурагин моддаси эрувчанлигини 300 марта, фурадонинникини эса 75 марта оширади. СП-7 ва СП-10 сирт фаол моддалар моно-ёки полигликол диалкил эфирлари булиб, асацей, астирон ва пальфицерин дориларининг эрувчанлигини 50 мартагача ошириши мумкин. Келтирилган мисоллардан

куриниб турибдики, дори турларини тайёрлашда дориларнинг кристалик холати, майдалик даражаси, эрувчанлиги ва кимёвий холати хисобга олингандагина юкори терапевтик унумдорликка эга булган дори турини яратиш мумкин. Дори турининг ахамияти. Дори тури билан даволаш унинг энг кулай ишлатиш йулини танлашга боглик. Шунинг учун дори ишлаб чикаришнинг усиши уни тайёрлаш жараёнларининг такомиллашиши ва янги дори турларининг яратилишига боглик булади. Дори тури диалектик нуктаи назардан дори ва ёрдамчи моддалар хамда технологик жараёнлар мажмуасидир. Дори турини танлаш уни танага юбориш йулини хам ифодалайди.Шу сабабдан дориларнинг сурилиши, таъсир килиши учун кетган вакт хамда кайси аъзога таъсир курсатиши дори турини юбориш усулига боглик булади. Масалан, нитроглицерин таблеткаси тил остига куйилганда, 2-5 дакика ичида уз таъсирини курсатади. Аэрозол холдаги октил нитрат огиз бушлигига пуркалганда эса 30 сония ичида стенокардия хуружини тухтатади. Астма касали хуруж килганда ишлатиладиган преднизолон ва эфедрин хам аэрозол таблеткасига караганда бир неча марта тез таъсир килади. Бу дори тури таъсир килиш тезлиги буйича купинча инъекция учун ишлатиладиган дорилардан хам устун туради. Айрим холларда ичишга буюрилган дори турига нисбатан йугон ичак оркали (ректал) юборилган дори тури афзалрок хисобланади. Масалан, цистамин гидрохлорид таблеткаси кабул килинганда сурилиш 58 % ни ташкил этса, худди шу микдордаги шамча шакли ишлатилганда 85,5% сурилади. Амидопирин шамча шаклида ишлатилганда 5 дакикадан сунг конга сурилиб утганлиги аникланган. Кукун холида ишлатилганда эса 15-20 дакикадан сунггина конда аникланган. Худди шундай холат изадрин гидрохлоридда хам кузатилган. Тиотриазазин препарати жигар касалликларида ва яраларни даволашда ишлатилади. Унинг 3 хил дори тури яратилиб (эритма, таблетка, шамча) хар хил усуллар билан (огиз оркали, йугон ичакка, мушак орасига ва корин

бушлигига ) юбориб курилганда, уларнинг хаммаси жигар касаллигини даволашни тезлаштириши, лекин таблетка дори турининг терапевтик унумдорлиги юкори эканлиги кузатилган. Этаден кийин битадиган яраларни даволашда ишлатилади. Ундан венага, йугон ичакка юбориладиган ва огиз оркали кабул килинадиган дори турлари тайёрланган. Улар ичида шамчаларнинг терапевтик унумдорлиги яхширок эканлиги аникланган. Трифтазин киём холида ишлатилганда таблетка дори турига нисбатан тез сурилади ва узок муддат таъсир этади. Фурагиннинг капсула холдаги сурилиши 87%, таблетка холида эса 50% ни ташкил этади. Овкатдан сунг кабул килинганида эса сурилиши 8 марта ортади. Фенасол гранула холида таблетка ва кукун холидагига нисбатан фаолрок таъсир курсатиши тажрибада исботланган. Ёрдамчи моддаларнинг ахамияти. Дори турларини тайёрлашда ишлатиладиган барча ёрдамчи моддалар уларнинг кимёвий, физик ва бошка томонлардан бетараф булишига карамасдан биофармацевтик нуктаи назардан бефарк деб булмайди. Улар маълум даражада дори моддаларнинг ажралиб чикиш ва сурилиш тезлигига таъсир курсатиб, дориларнинг таъсир кучини оширади ёки сусайтиради. Шунинг учун дори турини тайёрлашда танлаб олинадиган ёрдамчи моддалар хар бир дори модда учун узига хос булиши максадга мувофик. Асоссиз равишда танлаб олинган ёрдамчи моддалар дори таъсирини камайтирибгина колмай, умуман йукка чикариши хам мумкин. Таъсир килувчи модда билан ёрдамчи моддалар узаро бирикиб, комплекс бирикма хосил килиши, адсорбцияланиши натижасида сурилиш тезлиги кескин узгариши мумкин. Адабиётларда ёрдамчи моддаларнинг биофармацияга таъсирини курсатадиган илмий ишлар куплаб келтирилган. Фенобарбиталдан ПЭО-400 ёрдамчи моддаси билан тайёрланган шамча ва таблеткада сувда кийин эрийдиган комплекс бирикма хосил булади, натижада фенобарбиталнинг сурилиши ёмонлашади, шунинг учун у таъсир

килмайди. Агар шундай дори турлари натрий барбитал ёки бошка барбитуратлар билан тайёрланса, ишлатилган ПЭО дорилар хеч кандай салбий таъсир курсатмайди. Ёрдамчи модда сифатида куп ишлатиладиган иккиламчи кальций фосфат иштирокида тайёрланган тетрациклин таблеткаси ичакда умуман сурилмайдиган бирикма хосил килади. Сут канди, бентонит, фаолллаштирилган кумир иштирокида тайёрланган ацетилсалицил кислота, стрихнин нитрат, апоморфин гидрохлорид дори турида хам сурилишнинг кескин камайиши ва терапевтик унумдорлигининг сусайиши кузатилган. ПВП иштирокида тайёрланган левомицетин каби антибиотикларда уларнинг микробга карши кучи кескин камаяди. ПВП эса салициламид, преднизолон каби дори моддаларининг сурилиши ва терапевтик унумдорлигини кучайтиради. Куп ишлатиладиган, бефарк хусусиятга эга деб караб келинган сут канди хам биофармация нуктаи назаридан бундай эмас экан. Масалан, тестостерон сут канди билан биргаликда ишлатилганда сурилиш тезлиги ортади, фенобарбиталники эса камаяди, изониазид билан ишлатилганда унинг фаоллигини камайтиради. Сут канди таъсирида куп дориларнинг тургунлиги йуколади. Асосланмаган холда ишлатилган ёрдамчи моддалар саклаш жараёнида дори моддаларнинг фаоллигини сусайтиради. Масалан, стероидлар магний оксиди ва магний 3-силикат иштирокида тез парчаланади. Ампуладаги В 1 витаминининг натрий сульфит, натрий метабисульфит ва бошка сульфитлар иштирокида тургун лиги камаяди. D витаминининг тальк, кальций сульфат, кальций фосфат, лимон кислота иштирокида тургунлиги камаяди. Тальк ацетилсалицилат кислотанинг ташки куринишини узгартиради. Бир хил шароитда канд, сут канди, глюкоза иштирокида тайёрланган белладонна экстракти билан папаверин гидрохлорид, дибазол ва папазол таблеткаларидан таъсир килувчи моддаларнинг ажралиб чикиши кальций карбонат билан тайёрлангандагига караганда 25-38% юкори булади. Шу маънода юкорида келтирилган ёрдамчи моддаларни таблеткаларнинг

терапевтик фаоллигини сусайтириши буйича куйидаги каторга жойлаштириш мумкин: канд < глюкоза < сут канди < кальций карбонат Худди шу ходиса пирацен, кобальт-30, купир таблеткаларида хам кузатилади. Дориларнинг терапевтик унумдорлигига ёрдамчи моддаларнинг микдори хам таъсир курсатади. Бу папаверин гидрохлорид таблеткаси мисолида яккол намоён булади. 0,04 г папаверин гидрохлорид таблеткаси бир хил шароитда 0,26 ва 0,36 г дан килиб тайёрланганда, биофармацевтик курсаткичлари буйича 0,26 г ли таблеткаларнинг устунлиги кузатилди. Замбуругларга карши ишлатиладиган нитроксалин ПЭО (полиэтиленоксид), каттик ёг ва какао мойи ёрдамида тайёрланган суртма ва хукна дори турларининг антимикотин фаоллиги текшириб курилганда, ПЭО асосидагининг афзаллиги кузатилади. Таблетка тайёрлаш жараёнида ёрдамчи моддаларни биофармация нуктаи назаридан урганиб, В. И. Ищенко кальций глюконат таблеткаси ёрдамида донадорлаш учун крахмал шилимшиги, какаонинг эфирдаги эритмаси ва ПВП ни ишлатиб курган. Бунда таъсир этувчи модда ажралиш тезлигини камайтирган, ПВП эса оширган. Шундай килиб,юкори терапевтик унумдорликка эга булган дори турини тайёрлаш учун ишлатиладиган ёрдамчи моддалар биофармацевтик нуктаи назардан бахоланган булиши лозим. Технологик омилларнинг таъсири. Дори турининг сифати, тургунлиги, терапевтик унумдорлиги уни тайёрлаш жараёнига купрок боглик булади. Дори тайёрлашда маълум булган майдалаш, куритиш, донадорлаш, тахтакачлаш каби омиллар тайёр дориларнинг терапевтик унумдорлигига таъсир курсатади. Шунинг учун бу омиллар хисобга олинса, максадга мувофик дори турини танлаш ва унинг фаоллигини ошириш мумкин булади. Нам усулда донадорлашда дори моддаларнинг фаоллиги ва микдори камайиши мумкинлиги исботланган. Масалан, раувольфия алкалоидини донадорлашда богловчи моддаларнинг табиатига караб алкалоид 14% (сув)

дан 8% (спирт) гача йуколиши мумкин. Тритрипцин ва неомицинни донадорлашда КМЦ эритмаси ишлатилса, уларнинг терапевтик унумдорлиги анча пасаяди. Пресслаш босимининг биофармацевтик курсаткичларга таъсирини стафилококк анатоксини мисолида хам куриш мумкин. 100 МПа босимда олинган таблеткаларнинг фаоллиги 4-5 булиб, 250 МПа босимда 2 га камайган, яъни 22,2 - 27,7 % ва 16% ни ташкил килган. Препарат фаоллигининг камайиши босим ортишига богликлиги аникланган. Тугридан-тугри пресслаб олинган таблеткалардаги дори моддаларнинг сурилиш тезлиги купинча донадорлаш оркали олинганига нисбатан юкори эканлиги амалиётда тасдикланган. Сифатли, тургун ва юкори терапевтик унумдорликка эга булган дори тайёрлаш учун максадга мувофик технологик омилларни танлаб олиш юкоридаги мисолллардан куриниб турибди. Таблетканинг биосамарадорлигини аниклаш усуллари. Терапевтик эквивалентлик. Фармакокинетика Фармакокинетика дориларнинг танадаги (конда, суюкликларда, турли аъзоларда) харакатини, уларнинг сифат ва микдор узгаришини ва бу узгаришларнинг содир булиш сабабларини урганади. Танада дориларнинг харакати уларнинг сурилиши, аъзоларга таксимланиши ва чикарилишидан иборат булади. Дориларнинг сурилиши. Дориларнинг сурилиши ёки абсорбцияси деб дори туридан ажралиб чиккан таъсир килувчи модданинг аъзоларга етиб боришига айтилади. Шу шарт бажарилиши учун таъсир килувчи модда албатта дори туридан ажралиб чикиши ва аъзоларга етиб бориши керак. Кейинчалик бу таъсир килувчи модданинг диффузияси суст (диффузия ва конвекция) ва фаол холда кечади. Агар таъсир этувчи модданинг ажралиб чикиши фармацевтик омилларнинг мажмуасига боглик булса, дориларнинг танадаги харакати тери

катлами юзаси, шилимшик кават, мушак тукималарининг тури, тузилиши ва физиологик холатига богик булади. Демак, дориларнинг таъсири уларнинг у ёки бу аъзолар тукимаси билан мулокатда булиши натижасида вужудга келади, тукима мембранасидан диффузия ва конвекция оркали утиши кузатилади. Диффузия . Диффузиянинг харакатлантирувчи кучи мембрана ички ва ташки каватларидаги дори концентрацияларнинг фарки хисобланади. Бунда моддалар говаксиз мембраналар оркали утадиган булса, утаётган оким мембрана материали ва юза каватининг эритувчиси орасидаги таксимланиш курсаткичига тугри, мембрана калинлигига эса тескари нисбатда булади. У куйидаги тенглама буйича ифодаланади: бу ерда: q - мембранадан утаётган модда микдори; D - диффузия доимийси; F - мембрана юзаси; d - мембрана калинлиги; u - таксимланиш курсаткичи; С-C 1 -мембрананинг ташки ва ички томонидаги дори концентрациялари фарки. Юкоридаги тенгламага биноан, дориларнинг тез сурилишига мембрана ташкарисида юкори концентрацияни хосил килиш,сувда эримайдиган модда булса, катта сатх юзасини яратиш (майдалик даражасини ошириш) билан эришилади. Бу конуният юкорида келтирилган дориларнинг терапевтик унумдорлигига таъсир килувчи омиллар мухим эканлигини яна бир бор тасдиклайди. Конвекция. Бунда дори молекулалари эритувчининг харакатига биноан бир тукимадан иккинчи тукимага утади. Дориларнинг бу харакат тезлиги

мембрананинг таш ки ва ички босимлар фаркига, мембрана сатхига, говаклик радиуси квадратига тугри ва мембрана калинлигига тескари нисбатда булади. бу ерда: d - конвекция натижасида узатилган модда микдори; n - ковушкоклик доимийлиги; r - мембрананинг говаклик радиуси; F - мембрана юзаси; d - мембрана калинлиги; Р a - Р 1 - ташки ва ички мембрана босимлари фарки. Модданинг мембранадан силжиши кай тарзда (диффузия ёки конвекция) булиши тукима мембранаси тузилишига боглик. У турт хил булиши мумкин: 1. Говакликка эга булган мембраналар. Бунда дорилар асосан конвекция ва сувга тула булган говакликлар оркали диффузияланиб сурилади. 2. Говаклиги булмаган мембраналар. Бунда дориларнинг харакати диффузия оркали содир булади. Бу холат дори моддаларининг эриши туфайли юзага келади. Бу ионлашмасдан липидларда эрийдиган молекулаларга хос булиб, ионлашадиган молекулалар эса бундай мембранадан утмайди. 3. Булар юкорида келтирилган икки хил мемебрана хусусиятини узида мужассамлаштирган, яъни говаклик ярим утказгич хусусиятига эга мембраналардир. Бундай мембраналар дори модда харакатида умумий булиб хисобланади. Мембрана говаклари зарядланган ва зарядланмаган булиши мумкин. Зарядланган говаклар оркали электролит булмаган молекулалар утиши мумкин. Мембрана говаклари диаметри биринчи гурух говакларидан каттарок булганлиги учун анча йирик молекулаларни хам утказади.

4. Говаксиз мембраналарда дориларнинг харакати узига хос молекулалар ёрдамида амалга оширилади. Кийин эрийдиган, йирик молекулали дори моддалар (гормон, фермент ва бошкалар) шу усулда сурилади. Узига хос молекулалар мембрана юзасида кушимча каналлар хосил килади, шимилади ва мембрана тукимаси дори моддани узига сингдириб олади ва мембрана тукимаси хамда дори молекуласи уртасида узаро липид алмашиниши вужудга келади. Натижада тукималар кушилади. Масалан, липосома. Беморларни дори тури билан даволашда дори асосан огиз оркали кабул килинганлиги туфайли ошкозон - ичак йулида кандай жараёнлар кечишини хисобга олиш лозим. Сурилиш жараёни жуда мураккаб булиб, у моддаларнинг эрувчанлигига доим боглик булавермайди. Чунки ошкозон-ичак суюклиги, овкат моддалари, хар хил ферментлар, тузлар ва хоказолар дориларнинг сурилишига маълум даражада таъсир курсатади. Айникса шилимшик каватини ташкил килиб турувчи муцин (полисахарид) моддаси юкори ковушкокликка эга булганлиги туфайли дориларнинг диффузиясига кескин таъсир этади. Масалан, стрептомицин ва гипотензив моддалар билан муцин ёмон суриладиган аралашма хосил килиб,унинг сурилиши кескин камаяди. Сафро (ут) кислотада сирт фаоллик хусусияти булганлиги учун сувда кийин эрийдиган моддаларнинг эрувчанлигини яхшилайди. Неомицин ва канамицинлар кийин суриладиган комплекс бирикма хосил килиб, уларнинг сурилишини ёмонлаштиради, нистатин ва полимексиннинг таъсирини эса йукотади. Кейинги вактларда инъекция учун ишлатиладиган дори тури билан бир каторда ректал дорилар ишлаб чикариш хам анча ривожланди. Бунда йугон ичакдан вена кон томирларига сурилган дори моддалар жигар тусигига учрамасдан, умумий кон окимига тушади. Шунинг учун дори моддаларнинг мумкин булган узгаришлари камаяди. Агар бунга йугон ичак оркали берилган дориларнинг 10-15 дакикадан сунг конга сурилиб, терапевтик фаоллиги ошишини кушсак, бу усулнинг афзаллиги яккол намоён булади.

Дориларнинг терапевтик унумдорлиги уларнинг технологик омиллар туфайли хосил булган майдалик даражаси, эрувчанлиги ва бошка хоссаларига богликлиги юкорида келтирилган 4 хил мембрана оркали сурилиши билан исботланади. Дори моддаларнинг тана аъзоларида таркалиши. Танага турли йуллар билан киритилган дори конга сурилиб утади ва кон элементлари билан бириккан холда харакатланиб, бутун аъзога таркалади. Аъзолардаги дори модданинг микдори шу аъзодаги кон айланиш тезлигига боглик.Масалан, юрак, упка, мияда кон томирлари куп булганлиги туфайли шу аъзоларни купрок таъминлайди. Дори модданинг танада узига хос таъсирини намоён килиш учун аъзоларда унинг таъсир килувчи энг кам микдори булиши керак. Терапевтик таъсирга эришиш учун конда унинг микдори етарли булишига ахамият бериш лозим.Бунинг учун дори бир кеча-кундузда маълум вакт оралигида бир неча марта бериб турилади ёки узок муддат концентрациясини ушлаб туриш учун таъсири узайтирилган дори турлари ишлатилади. Дорилар биотрансформацияси (метаболизми). Метаболизм грекча «mе- tabola» сузидан олинган булиб, «узгариш» маъносини билдиради. Дорилар метаболизми танада дори модданинг кимёвий узгаришларидан иборат булиб, бунинг натижасида дори моддалар захарсизланиб, буйрак оркали ажралиб чикадиган оддий моддага айланади. Купинча моддалар метаболизмида дори моддаларнинг фаолияти суст ёки бутунлай фаол булмаган метаболитлари хосил булади. Танада кечадиган кимёвий узгаришлар асосан жигарда содир булади. Лекин тукима ва конда хам ферментлар таъсирида шундай узгаришлар булади. Кон плазмасида моддалар биотрансформацияси уларнинг кон таркибидаги оксиллар томонидан бирикиши билан кечади. Айрим вактларда метаболизм натижасида фаолрок таъсир килувчи дори моддаси,баъзан эса захарли ва хавфли моддалар хам хосил булиши мумкин. Масалан, метил спирти формальдегид ва чумоли кислотага утади.

Дори моддаларнинг организмдан чикиши. Дори моддаларнинг организмдан чикиши бир неча йуллар билан содир булади. Конга сурилиб утган дори моддалар ёки унинг метаболитлари асосан буйрак оркали чикиб кетади. Ошкозон-ичак оркали конга сурилмай колган дори моддалар йугон ичак оркали чикиб кетади. Дориларнинг буйрак оркали ажралиб чикиши энг куп таркалган булиб, сийдикдаги микдори кон таркибидагидан куп булади. Айрим дорилар, масалан, сульфаниламидлар буйрак тукималари оркали кайтадан сурилиши мумкин, натижада у конда узок муддат сакланади.Пенициллин махсулотлари буйрак тукималаридан тезрок сурилиб чикиб кетиш хусусиятига эга. Сут бези, куз ёши, тер оркали чикиши кам учрасада, лекин айрим вактларда улар хам хисобга олинади. Дори моддаларнинг биологик фаоллиги. 60-йилларгача бир хил дозада берилган дори турлари бир хил биологик фаолликка эга булади, деб тушунилар эди. Бир хил доза ва турдаги дори модданинг хар хил биологик фаоллигига эса бемор танасининг узига хос хусусияти деб каралар эди. Дориларнинг сифатини текширишда унинг микдорини аниклаш унинг асосий сифат курсаткичи деб хисобланар эди. Афсуски, хамма дори тури хам биофармация нуктаи назаридан бир хил таъсир килмайди. Шунинг учун ташки сифат ва микдор курсаткичларига биноан даволаш уларнинг xакикий сифатини белгиламайди. Oser ва бошкалар 1945 йилда биринчи марта «биологик фаоллик» деган атамани ишлатишган. Уларнинг фикрича, «биологик фаоллик даражаси» дори туридан маълум вакт оралигида сурилган модда микдорининг худди шу микдорда (дозада) эритма холида берилган стандарт доридан ажралиб чиккан моддага нисбати билан улчанади ва фоиз билан ифодаланади: БФД - текширилаётган дори туридан сурилган модда микдори. 100 та стандарт доридан ажралиб чиккан модда микдори. Бу ерда БФД - биологик фаоллик даражаси.

Таблеткаларнинг биосамарадорлигини in vitro ВА in vivo тажрибаларида аниклаш усуллари Биологик фаолликни аниклаш усуллари. Дори моддаларнинг биологик фаолллиги икки усулда аникланади: «ин виво» ва «ин витро». « Ин витро » усулида дори туридан таъсир килувчи модданинг суюкликка ажралиб чиккан микдори аникланади. Умуман, дори тури таъсир этувчи ва ёрдамчи моддалар мажмуасидан иборат булиб, таъсир килувчи модданинг суюкликка ажралиб утган микдори сурилишига тугри нисбатда булади. Шу сабабли XI Давлат фармакопеясига бу усул каттик дори турлари учун мажбурий текшириш усули сифатида киритилган. Бу усул мазкур дарсликнинг «Таблетка» булимида келтирилган. «Ин витро» усули дориларнинг биологик фаоллигини аниклашнинг биринчи боскичи булиб, уларнинг сурилиш тезлиги албатта «Ин виво» тажрибаларида текшириб курилади. « Ин виво » тажрибалари анча мураккаб булиб, дориларнинг сурилишига физиологик омиллар: беморнинг, ёши, жинси, холати, кабул килиш усули, вакти ва хоказолар таъсир килади. «Ин виво» xакконий усул булиб, текширишларни одамларда утказиш максадга мувофик хисобланади, лекин бу максадда маълум талабларга жавоб берадиган, узи устида текшириш утказишга розилик билдирган шахслар танлаб олинади. Улар 40 ёшдан ошмаган, тажриба бошланишидан 12 соат олдин овкат истеъмол килмаган, тиббий курикдан утган булиши, ошкозон-ичак системаси, буйраги, жигари касалланмаган булиши, тажрибадан бир ой олдин танасининг фермент ва гормонал фаолияти бузилмаган булиши, бир хафта олдин хеч кандай дори кабул килмаган ва спиртли ичимлик ичмаган булиши лозим. Бундай одамларга тажриба утказилгандан икки соат утгач овкатланишга рухсат этилади. Тажриба вактида огир мехнат килиш, спиртли ичимлик ичиш ва айрим овкатларни истеъмол килишга рухсат берилмайди.

Одамларда тажриба утказиш дорилар билан боглик булган айрим кунгилсиз ходисалардан холи эмас. Айникса, антибиотиклар, гормонлар, стероидлар, юрак гликозидлари ва xоказолар шундай ходисаларни келтириб чикариши мумкин. Шунинг учун бундай тажрибалар купинча хайвонларда утказилади. Денгиз чучкачалари, сичкон, ит, куён, мушуклар шулар жумласидандир. Таъсир килувчи модданинг дори туридан ажралиб чикишини куйидаги соддалаштирилган моделдан куриш мумкин: k k —---------—————> m D = —> G ——> B ——— ————> u ¦¦ ———¬————>E ¦¦ T D - дори туридаги таъсир килувчи модда; G - аъзоларга шимилган дори модда микдори; В - конга утган дори модда микдори; Т - тукималардаги дори модда микдори; u - сийдик билан ажралган дори модда микдори; m - дори модданинг метаболит микдори; Е - бошка аъзолар оркали чикарилган дори модда микдори. Бу моделдан фойдаланилганда ажралиб чикиш доимийсини назарда тутиш керак. «Ин виво» усулидаги тажрибаларни утказиш кийин ва катта харажат талаб килганлиги учун купинча «ин витро» усулидаги тажрибаларда эриш тести 0,75 дан кам булмаса «ин виво» тажрибаларини утказишга хожат колмайди. Бизнинг тажрибаларимиз натрий нуклеинат таблеткаларининг нафакат «ин витро» ва «ин виво» усулига тугри келишини, балки таблетканинг сувда парчаланиш тезлигига хам мослигини курсатади. Демак, натрий нуклеинат таблеткасининг терапевтик унумдорлигини аниклаш учун унинг сувда

парчаланишини аниклаш кифоя экан. Бундай ходиса хозиргача бизга маълум булган адабиётларда учраган эмас. Капсулалар ва микрокапсулалар. Тиббиётда ишлатиладиган капсулалар (capsulae medicinales) Капсулалар аник дозаларга булинган дори туридир. Улар суюк, кукунсимон, бутка ва донадор шаклдаги дорилар билан тулдирилган желатина кобигидан иборат. Капсулалар ичишга, йугон ичакка ва вагинал усулда ишлатишга мулжалланган булади. Капсулалар икки хил: копкокчали каттик (Capsulaе operculatae - Capsulaе qelatinosae) ва бутун кобикли юмшок (Capsulal qelatinosae molles) булади. Каттик желатина капсулаларининг шакли цилиндрсимон, учи ярим шарсимон-думалок булиб, икки кисмдан иборат. Танаси ва копкокчаси тиркиш колдирмасдан бир-бирига осон кириши керак. Каттик желатина капсулаларида «кулф» вазифасини бажарувчи бурама шаклдаги чукурча булиши мумкин. Каттик капсулалар сигимига караб -000 (энг каттаси) дан, 5 гача (энг кичиги) 8 улчовда тайёрланади (17-жадвал). Юмшок желатина капсулаларининг улчови хар хил булиб, сигими 1,5 гача булади. жадвал Тартиб раками 000 00 0 1 2 3 4 5 Капсуланинг уртача сигими, мл 1,37 0,95 0,68 0,5 0,37 0,3 0,71 0,13 Уларнинг кобиги таркибидаги пластификаторлар микдорига караб каттик ёки кайишкок - эластик булади. Юмшок желатина капсулалари думалок, уртасида чоки булиб, сигими 0,1- 0,2 мл булса, «дурлар» ( perlae qelatinosae ) деб аталади. Агар юмшок желатина

капсулаларининг бир томони чузинчок булса, тубатиналар ( tubatinae ) деб аталади ва болаларга ишлатилади (63-расм). Капсулани биринчи булиб франциялик доришунослар Мот (Mothes) ва Дюблан (Dublane) лар 1883 йилда таклиф килишган. 14 йилдан сунг Англияда каттик капсула олиш усули таклиф килинди. 1933 йилда Германияда Шеррер фирмаси томонидан тахтакачлаш усули билан капсула олиш таклиф этилди. Шундан сунг ривожланган мамлакатлар - АКШ, Англия, Япония, Германияда капсула шаклидаги дори тури кенг ёйилди ва саноат микёсида ишлаб чикарила бошланди. Швейцариядаги «Капсугел» фирмасининг маълумотига кура, жахон микёсида йилига 35 миллиард дона капсула тайёрланар экан. Биргина Англиянинг Лайнер фирмаси йилига 300 миллиондан купрок капсула ишлаб чикаради. АКШ фармакопеясига киритилган 40 дан ортик, Англия фармакопеясига кирган 30 дан ортик ва Халкаро фармакопеяга кирган 10 дан ортик маколалар бу дори шаклининг тутган мавкеи канчалик юкори эканлигининг исботи була олади. Нижний Новгород шахридаги кимё фармацевтика заводида юмшок желатина капсулалари, Москвадаги Карпов номли заводда ва Санк- Петербург озик-овкат комбинатида каттик желатина капсулалари ишлаб чикариш йулга куйилган.

Дориларнинг капсула шаклида чикарилиши уларнинг нохуш таъми ва хидини йукотиш,аъзонинг маълум жойига таъсир этишини таъминлаш имкониятини яратади. Желатина капсулаларининг нур утказмайдиган ва 1000 дан ортик хар хил эстетик завк берувчи рангга буялиши мумкинлиги уларга булган кизикишни орттиради. Шу билан бирга бу дори турининг узига хос камчиликлари xам бор: желатина микроорганизмлар ривожланиши учун яхши мухит хисобланади, сувда эрийдиган моддаларни желатина капсулаларида чикариш мумкин эмас. Желатина капсулалари уч хил усулда тайёрланиши мумкин: 1. Колипни желатина эритмасига ботириб олиш. 2. Томчилаш. 3. Тахтакачлаш. Желатина капсулаларини тайёрлаш мураккаб технологик жараён булиб, куйидаги боскичларда бажарилади: 1. Желатина массасини тайёрлаш. 2. Желатина кобикларини олиш. 3. Капсулаларни тулдириш ва кавшарлаш. 4. Куритиш ва пардозлаш. 5. Саралаш ва кадоклаш. Желатина массасини тайёрлаш. Бу максадда муайян навли желатина ишлатилади. Масса тайёрлашда ишлатилган глицерин микдорига караб олинадиган капсула юмшок ёки каттик булади. Каттикларининг таркибида глицерин 0,3 % гача, юмшокларида 20-25% гача булиши мумкин. Желатина капсуласининг инфекцияга чидамлилигини ошириш учун консервантлар: бензой кислота ва натрий бензоат 0,05-0,1% гача, салицилат кислота 0,12% гача, нипагин ва нипазол (7:3 нисбатдаги аралашмаси) 0,3-0,5% гача кушилиши мумкин (32-жадвал). Реакторда желатина сувда буктирилиб, ёрдамчи моддалар билан бирга 45-70 0 С хароратда эритилади ва масса етилгунча шу хароратда (3 соат) ушланади. Харорат 45-50°С дан паст булса, могор босади, юкори булса, эриши кийинлашади. Иккала холда xам желатина

навига путур етади. Капсулага эстетик куриниш бериш максадида озик-овкат саноатида ишлатиладиган буёклардан кислотали кизил «2», амарант, эритрозин (кизил), тартразин (сарик), тропеолин «О», сунъий индиготин (хаво ранг) ва бошкалар ишлатилади. Тиник булмаган капсула олишда эса титан IV- оксид ишлатилади. Желатина капсуласи тайёрлашда энг мураккаб ва маъсулиятли иш массадаги хавони тула чикариб юбориш булиб, уни уч хил усулда бажариш мумкин: 1) массани 45-50 0 С да узок вакт тиндириб куйиш; 2) хавосини суриб олиш; 3) диаметри 0,1 мм ли элакда сузиб, 45-47 0 С да маълум физик-кимёвий хусусият олгунча (етилгунча) колдириш. Келтирилган усуллардан энг самаралиси элак оркали сузишдир. Желатина массасининг ковушкоклиги катта ахамиятга эга булиб, 800-1000 сантипуазга тенг булиши керак. Ёпишкокликнинг меъёрида булмаслиги капсула сифатига путур етказади. Ботириб олиш билан капсула тайёрлаш. Москвадаги Л.Я.Карпов номли заводда «Колтон» (АКШ) фирмасининг автоматик усулда ишлайдиган дастгохида капсула тайёрлаш куйидагича олиб борилади: автомат тарзда 45- 47 0 С хароратдаги желатина массасига капсула колипи ботирилади. Сунгра колипни эритмадан чикариб, айланма харакат килдириб турилади, куритиш жавонида нисбий намлиги 45-50% булган хаво пуркаб 26-27 0 С да капсулалар куритилади. Колдик намлик 2-15% булиши керак, агар намлик меъёридан камайиб кетса, капсуланинг эластиклиги йуколади, ортиб кетса юмшаб колади. Махсус мослама капсуланинг асосини киркиб, колипдан чикариб беради. Бунда капсуланинг копкоги ва унга мос танаси тайёрланади. Шундай усулда Хёфлигер ва Карт фирмасининг автомати ёрдамида битта боскичда 5250 дона капсула олинади. Копкокли желатина капсулаларини дори модда билан тулдириш. Каттик желатина капсулаларини дори билан тулдириш ярим автомат ва автомат дастгох ёрдамида олиб борилади. Бу поршен ёки сургич ёрдамида бажарилади. Республикамизда Германиянинг Хёфлигер ва Карт, Италиянинг Занази фирмалари чикараётган автоматлардан фойдаланилади. Буларда

тулдирилган капсулалар копкоги билан беркитилиб, зичлигини таъминлаш максадида желатина эритмаси ёки поливинил спирти билан ишлов берилади. Томчилаш усулида капсула олиш. Бу Голландия фирмасининг махсус Глобекс Марк курилмасида олиб борилади (64-расм). Асбоб желатина массаси ва дори модда эритмаси солинган иккита идиш ва улар остидаги найчалардан ташкил топган. Найчалар бир-бирига ки - йгизилган булиб, дори модда эритмаси ички найчадан окиб чикади. Ташки найчадан чикаётган шарсимон желатина эрит маси ичига ички найчадан чикаётган дори модда том чиси тушади. Маълум огирликка етгач эритма том - чи шаклида кабул ки лувчи идишга тушади. Хар бир томчининг очик кисми желатина массасининг юза таранглик кучи таъсирида беркилиб, бутун холатга келади. Томчилар 4 0 С да тебраниб турган вазелин мойи устига тушади ва думалок шаклга утади. Капсулалар элаклар ёрдамида ажратиб олиниб, ювилади ва куритилади. Бу усулда соатига 28 000 дан 1 000 000 тагача капсула олиш мумкин. Тахтакачлаш усулида капсула тайёрлаш махсус машиналарда олиб борилади. Бунинг учун олдиндан парда холига келтирилган желатина кобиги булиши ёки у иш жараёнида бевосита тайёрланган булиши керак. Ишлаш

усулига караб машиналар хар хил булиши мумкин. Колип икки булакдан иборат булиб, уларнинг хар бири капсуланинг ярмини тайёрлашга мулжалланган. 45-50 0 С хароратгача иситилган колип устига желатина пардаси куйилади ва унинг устига керакли микдорда модда солинади. Желатина пардаси иссикда юмшаб, доривор модданинг огирлиги билан чукиб колип деворини эгаллайди. Сунгра устига яна бир кават желатина пардаси куйилади. Устига колипнинг иккинчи кисми мустаххкамланиб, колип тескарисига агдарилади. Натижада иккита парда эриб, узаро ёпишади ва капсула керакли шаклга киради (65-расм). Колип совигандан сунг ажратиб олинади ва капсулаларга пардоз берилиб куритилади. 1983 йилда Америкалик мухандис Шерер бу жараённи такомиллаштириб, икки думбирали тахтакачлаш дастгохини таклиф килган. Думбиралар сатхи бир нечта яримта капсула шакли тарзида ишланган булиб, улар карама- карши томонга харакатланади. Думбиралар учрашадиган жойида иккита ярим капсула кушилиб, битта бутун думалок шаклни хосил килади. Иккала

думбира желатина пардалари билан таъминлаб турилади, улар уртасига эса таъсир этувчи модда тушади. Капсулаларнинг ичакда эришини таъминлаш учун (глютоидли капсулалар- Capsulae qlutoudales) 3:1 тайёрланадиган ацетон-спирт аралашмасига 5% ли ацето-фталат эритмаси билан ишлов берилади ёки капсула тайёрлаш жараёнида желатина массасига 15-30% микдорида ацето-фталат целлюлозанинг аммонийли тузи кушилади. Капсулалар сифатини текшириш. Капсулалар юзаси силлик, шикастланмаган булиши, кузга куринадиган хаво пуфакчалари ва механик аралашмалар булмаслиги керак. Капсулаларда уртача огирликни аниклаш, дори моддалар микдорининг бир хиллигини, парчаланиши ва эришини текшириш лозим. Уртача огирликни аниклаш. Бунинг учун очилмаган 20 та капсула биргаликда тортилади ва уртача огирлиги аникланади. Сунгра хар бир капсулани алохида тортиб,уртача огирлиги билан солиштирилади. Хар бир капсуланинг уртача огирлигидаги фарки ±10% дан ошмаслиги керак, кейин уша 20 та капсула очилиб, ичидаги моддадан иложи борича тозаланади ва хар бир кобик тортилади. Суюк ёки хамирсимон (пастообразный) массалар билан тулдрилган юмшок капсулалар кобигини тортишдан олдин эфир ёки бошка мос келадиган эритувчи билан ювилиб, эритувчи колдиги хаво ёрдамида учирилади. Капсула ичидаги модданинг огирлиги аникланади. Хусусий моддаларда бошка курсатма булмаса, хар бир капсуладаги модданинг уртача огирлигидаги фарки ±10% дан ошмаслиги керак, бунда факат 2 капсула огирлигидаги фарк ±25% гача булишига рухсат этилади. Агар 2 тадан 6 тагача капсуланинг уртача огирликдаги фарки ±10% дан ±25% гача булса, хар бир капсуладаги модда микдори аникланади ва яна кушимча 40 та капсулани олиб, хаммаси булиб 60 капсуладаги модданинг уртача огирлиги аникланади.

Бунда 6 тадан куп булмаган капсуладаги модданинг уртача огирлигидаги фарки ±10% дан ошмаслиги керак ва бирорта капсуладаги модданинг уртача огирликдагидан фарки ±25% дан ошмаслиги лозим. Капсулаларга таъсир килувчи модданинг микдори ва хусусий моддада келтирилган бошка курсаткичларни аниклашда 20 та ёки 60 та капсула олинади. Дори моддалар микдорининг бир хиллигини аниклаш. 0,05 г ва ундан кам дори моддаси саклаган капсулаларда уларнинг микдорини бир хил таксимланганлиги, «Таблетка» (хусусий моддаларда бошка курсатмалар булмаса) мавзуида баён килинганидек текширилади. Парчаланиш. Ичишга мулжалланган капсулалар ошко зон-ичак йулида парчаланиб ёки эриб кетиши керак. Капсулаларнинг парчаланишини аниклаш «Таблетка» мавзуида баён килинган усулда олиб борилади. Агар хусусий моддаларда бошка курсатмалар булмаса, капсулалар 20 дакикагача вактда парчаланиши керак. Эриши. Хусусий моддаларда бошка курсатмалар булмаса, капсулаларнинг эриши «Таблетка» мавзуида баён килинган усул буйича олиб борилади. Нижний Новгород кимё-фармацевтика заводида капсулалар каттиклиги ТУ-169-61 буйича текширилади: тулдирилган юмшок желатина капсуласи устига 1 кг юк куйиб, 1-2 сония кузатилганда капсула шакли узгармаслиги керак. Каттик желатина капсуласи эса 2 кг юкка бардош бериши лозим. Капсулалар 16-22 0 С да, нисбий намлиги 30-40% булган хоналарда, лозим булса салкин жойда сакланади.

Микрокапсулалар (microcapsulae) Микрокапсулалар янги дори тури булиб, майда заррача, томчи, газсимон моддалар, хатто микроорганизмларни хам кобиклаш имкониятини беради. Умуман физик-кимёвий хусусиятларидан катъи назар мавжуд булган хамма моддаларни бу турда тайёрлаш мумкин. Микрокапсулалаш факат дори ишлаб чикаришда эмас, халк хужалигининг хамма сохаси (кишлок хужалиги, озик-овкат саноати, косметика, маиший хизмат) да кенг мик ёсда ишлатилмокда. Г.П.Грядунова, В.Я.Лебеденко (1976) маълумотларига кура, Германия, Англия, Франция, Италия, АКШ ва Миср микрокапсулалар билан кенг куламда шугулланмокда. Уларни ишлаб чикариш билан эса 180 га якин фирма ва илмий-текшириш институтлари шугулланмокда. Хозирги вактда микрокапсула холида бир неча хил дорилар: витамин, фермент, антибиотик, антиастматик, ухлатувчи, сийдик хайдовчи, яллигланишга карши, юрак кон томир касалликларида ишлатиладиган дорилар, вируслар, бактериялар чикарилади. Микрокапсулалар кукун, таблетка, брикет, эмульсия, суспензия, паста, суртма, малхам дори шаклларида булиши мумкин. Уларнинг катталиги 0,5-6500 микрометр, кобигининг калинлиги эса 0,1-400 микрометр булиши мумкин. Кобик огирлиги микрокапсуланинг 10-70% гачасини ташкил этиши зарур. Амалиётда купрок ишлатиладиган микрокапсулаларнинг катталиги 100- 500 микрометр, таъсир килувчи моддаси эса капсуланинг 15-99% ини ташкил килиши лозим. Микрокапсуланинг шакли дори модданинг агрегат холатига ва олиниш усулига боглик. Суюк ва газсимон моддалардан тайёрланган микрокапсулалар думалок шаклда, каттик моддалардан тайёрланганлари эса тухумсимон ёки нотугри геометрик шакл да булиши мумкин. Кобик сифатида 50 дан ортик хар хил тиббий ва сунъий полимерлар ишлатилади. Улардан энг куп ишлатиладиганлари желатина, целлюлоза

хосилалари, поливинил спирт, поливинил хлорид, полиэтилен, полипропилен, полиамид ва бошкалардир. Кобик хосил киладиган моддалар капсулага яхши ёпишиши, унинг герметик ва эластиклигини таъминлаши керак. Кобикловчи моддаларни 4 та асосий гурухга булиш мумкин: 1. Сувда эрийдиган бирикмалар — желатина, крахмал, ПВП, КМЦ, ГОЭЦ, поливинил спирт ва бошкалар. 2. Сувда эримайдиган бирикмалар — каучук, ЭЦ, АЦ, ПЭ, ПП, полиамид, целлюлоза нитрат, силиконлар. 3. Мум ва липидлар — парафин, спермацет, асалари муми, стеарин ва пальмитин кислоталар, цетил ва лаурил спиртлар. 4. Ичакда эрийдиган бирикмалар — шеллак, зеин, ацетофталат, ацетобутират, ацетосукцинат целлюлозалар. Дориларни микрокапсула холида беришдан максад нохуш хид ва мазани йукотиш, дориларнинг учувчанлигини, ёнувчанлигини, ташки мухит таъсирини камайтиришдан иборатдир. Булардан ташкари, микрокапсулалар кобик билан копланганлиги туфайли дориларнинг таъсир килиш муддати узайтирилади хамда керак аъзога таъсир килишига эришилади. Микрокапсула тайёрлаш усуллари. Бу максадда уч хил усулдан фойдаланилади: физик, кимёвий, физик-кимёвий. Физик усуллар. Бу усул каттик ёки суюк заррачани кобик билан механик усулда коплашдан иборат. «Сохта кайнок» юзада заррача устини кобик билан коплаш, хавосиз шароитда (вакуумда) пуркаш, электростатик усул, май далаш ( диспергирлаш), обакилаш ва хоказолар шу усул жумласига киради (66 А,Б-расм).

Энг оддий ва кулай усуллардан бири оба килаш усули булиб, у обакилаш козонларида олиб борилади. Кенг таркалган усул сифатида пуркаш усу лини келтириш мумкин. Бунда кобик ёгсимон (липид) моддалардан иборат булса, кобик эритмасида таъсир ки лувчи модда суспензияси хосил килиниб, камера ичига пуркалади. Бунда заррачалар иссик хаво окимида курийди ва туплагич оркали пастки кисмда йигилади. Заррачаларнинг катталиги 30-50 микрометр булади. Электростатик усулда микрокапсула тайёрлаш учун алохида курилмадан фойдаланилади. Курилма камерадан иборат булиб, унга юкори томондан кобик ва таъсир этувчи модда эритмаси алохида сигимлардан пуркагич ор - кали пуркалади. Заррачалар хар хил зарядли булганлиги сабабли жуда майда булакларга булиниб кетади. Бунда пуркагичга урнатилган юпка когоз

пуркалган майда заррачаларни камера томонга йуналтиради. Камерада манфий ва мусбат заррачалар бирикиб, унинг тубида йиги лади. Физик-кимёвий усул. Бу оддий ва кулай булиб,боскич табакаланишига караб олиб борилади. Дори моддалар кобигининг эритмасида майдаланади (диспергирланади). Хосил булган системанинг хароратини ёки таркибини узгартириб, суюкликнинг табакаланишига эришилади. Бунда модда заррачалари сатхини майда-майда кобик томчилари (консервант) коплайди. Бу майда томчилар узаро бирлашиб, заррача устини кобик билан коплайди. Кимёвий усул. Бу усул нисбатан янги булиб, таъсир килувчи модда заррачаси устида кобик материалининг полимерланиши ёки поликонденсацияланишига асосан тайёрланади. Микрокапсула суюк мухитда хосил булади. Унинг катта-кичиклиги бир неча микрометрдан бир неча миллиметргача булиши мумкин. Таъсир этувчи модда 99% гача булади. Кимёвий усулда микрокапсула олишнинг илк боскичида эмульсия ёки суспензия тайёрланади. Кобик зичлиги таъсир килувчи модда зичлигига якин булгани маъкул. Бунда таъсир килувчи модда кобик эритмасида эримаслиги керак. Микрокапсула кобиги хосил булиши учун кобик ва таъсир килувчи модда маълум нисбатда олиниши ва полимер эритмасининг маълум концентрацияси булиши керак. Кобик материаллари дори модда заррачаси томонидан енгил шимиб олиниши керак. Полимеризация усулига асосланиб микрокапсула тайёрлашни сувли ёки органик эритувчилар мухитида олиб бориш мумкин.

O'xshashlar

Эритмалар

Эритмалар1

Стандартлаш ва стандартлар

Хом ашё ва материалларни майдалаш усуллари ва жихозлари

Шпонкали ва шлицали бирикмаларга қуйим ва қўнимлари тизими