Умумий вазифали ва ихтисослаштирилган ярим тиркамалар - Mashinasozlik - Referatlar

Умумий вазифали ва ихтисослаштирилган ярим тиркамалар

Yuklangan vaqt:

20.09.2019

Ko'chirishlar soni:

0

Hajmi:

317.5 KB

Ko'chirib olish

Умумий вазифали ва ихтисослаштирилган ярим тиркамалар Режа: 1. Бир ўқли тиркамалар 2. Таянч қурилмаси 3. Икки ўқли ярим тиркамалар

Ярим тиркама – эгарли тортувчи автомобиль билан таянч-тиркаш қурилмаси ёрдамида уланувчи транспорт воситасидир. Ярим тиркамалар вазифасига кўра умум вазифали ва ихтисослаштирилган турларга бўлинади. Умумвазифали ярим тиркамалар ҳар хил юкларни ташишга мўлжалланган бўлса, ихтисослаштирилган ярим тиркамалар эса муайян турли юкларни ташийди. Бир ўқли тиркамалар асосан шаҳар ичидаги юк ташишларда қўлланилади. Улар юқори маневрчанлиги ва техник хизмат кўрсатиш соддалиги билан ажралиб туради. Ҳозирги пайтда қуйидаги бир ўқли ОдАЗ-885, МАЗ-5245, МАЗ-9380, МАЗ93802 ярим тиркамалардан фойдаланилмоқда. МАЗ-93802 бир ўқли ярим тиркама – фургон юк ташишнинг TIR талабларига тўла жавоб беради. Ярим тиркаманнг тузилиши 11.35-расмда келтирилган. 11.35-расм. МАЗ – 5245 ярим тиркама. 1-шкворень; 2-платформа; 3-таянч қурилмаси; 4-тиргович; 5-рама; 6- рамани устки қисми; Бир ўқли МАЗ-5245 русумли ярим тикама умум вазифали, очиқ платформали, қайтарма ён бош ва орқа бортли. Ярим тиркама рамаси поғонали. Раманинг юқори қисми 6 айни бир вақтда платформани 2 таглиги ҳисобланади, пастки қисми 5 рессораларни ва таянч

қурилмасини 3 маҳкамлашга асос бўлиб хизмат қилади. Рамани ҳамма қисмлари пайвандлаб бирлаштирилган. Раманинг устки қисми лонжеронлар ва кўндаланг тўсинчалардан ташкил топган. Рамани олдинги қисмида шкворенни 1 пресслаб ўрнатиш учун уя қилинган. Шкворень қўшимча равишда тождор гайка ва шплинт билан қотирилган. Шкворень қисмидан узатилаётган юкланмани бир текис тарқатиш мақсадида кўндаланг тўсинчадан бурчак остида синч (тиргович) пайвандланган. Лонжеронларга ва кетинги тўсинчага парчин ёрдамида бортларни илиш учун тутқич ўрнатилган. Кетинги тўсинча учки қисмига ичкари томондан бурилиш кўрсаткичи ва ёритгичлар кронштейнлари пайвандланган. Рамани орқа қисмида лонжеронлар деворига кучайтирувчи планкалар орқали автопоездни авария ҳолатида тортиш учун болтлар билан ҳалқалар ўрнатилган. Рамани пастки қисми ҳам бир-бирига пайвандланган лонжерон ва кўндаланг тўсинчалардан иборат. Лонжеронларга парчин орқали рессоралар кронштейнлари қотирилган. Пастки рамани олдинги кўндаланг тўсинчасига ва лонжеронларга таянч қурилмасини ҳамда тиргович 4 кронштейнлари пайвандланган. Ғилдираклар ўқи устидаги кўндаланг тўсинча қолган тўсинчалардан қисқароқ. Бу эса, ғилдиракларни вертикал текисликда силжишига имкон беради. Таянч қурилмаси эгарли тортувчи автомобилдан ажратилган ярим тиркамани горизонтал ҳолатда ушлаб туриш, автомобил билан ярим тиркамани қўшиш ва ажратиш пайтида баландлик бўйича унинг ҳолатини ростлаш учун хизмат қилади. Таянч қурилмаси ярим тиркама рамасига шарнир ўрнатилган иккита винтли домкратдан иборатдир (11.36-расм).

11.36-расм. Таянч қурилмаси. 1-корпус; 2-подшипник; 3-конуссимон шестерня; 4-картер; 5-сурилувчи устун; 6-ғилдирак; 7-ўқ; 8-чеклагич; 9-винт; 10-домкрат корпуси; 11-гайка; 12-шестерня; 13-подшипник. МАЗ-5245 русумли ярим тиркаманинг таянч қурилмаси (винтли домкрат) винтни 9 айлантирувчи конуссимон редуктордан 12 иборат. Винтни учига тирак подшипник ўрнатилган. Винт 9 сурилувчи устунда 5 қўзғалмас ўрнатилган гайкада 11 айланади. Ғилдираклар 6 сурилувчи устун билан уланган ўққа 7 ўрнатилган. Сурилувчи устун редуктор картери 4 билан боғланган домкрат корпусининг 10 ичида ўқ бўйлаб силжиши мумкин. Сурилувчи устунни чекка ҳолатлари винтни 9 юқори белбоғи ва чеклагич 8 билан қайд қилинади. Конуссимон шестерня 3 текис қиррали қисмига ўрнатиладиган дастак ёрдамида подшипникларда 2 айланади. Ярим тиркамани икки томонига ўрнатиладиган винтли домкратлар, корпусни 1 юқори қисми билан рама кронштейнига ўқлар ёрдамида ўрнатилади. Иш ҳолатида домкратлар кўндаланг ва бўйлама тирговичлар 4 (44.35-расм) билан қайд қилинади. Тирговичлар бир томондан домкрат

зўғотасига (проушина), икки томондан штир ёрдамида рама кронштейнига уланган. Домкратларни транспорт ҳолатига ўтказиш учун бўйлама тирговични рамага уловчи штирларини чиқариб, домкратларни юқорига зўғоталар тешиги кронштейн тешиги билан тўғри келгунга қадар кўтарилади ва тешикларга штирлар киргизилади. Икки ўқли ярим тиркамалар энг кўп тарқалган. 11.37–расмда яримтиркамаларнинг мумкин бўлган компоновка схемалари келтирилган. 11.37-расм. Ярим тиркамаларнинг компоновка схемалари. а-икки ўқли; б- уч ўқли. Икки ўқли бурилмайдиган аравали, ўқлари яқинлаштирилган 1-схема энг кўп қўлланилади. Бу схема бўйича КАЗ-717, ОдАЗ-9370, МАЗ-5205А, МАЗ-9397, МАЗ-9398 ярим тиркамалар ишлаб чиқилган. Биринчи схемани ўқлари икки томонга сурилган конструктив варианти битта ўққа тушадиган юкланмадан тўла фойдаланиш имконини беради ва бу юк кўтарувчанликни 2-4т гача оширишга олиб келади. Лекин, бунда бурилишга қаршилик моменти ошади ва натижада, шиналар интенсив ейилади. Бу камчиликни бартараф қилиш ва шиналарни кўтариш имкониятидан тўла фойдаланиш 3 ва 4 схемаларда намоён бўлади, яьни бурилмайдиган кўприкни олдида ёки орқасида жойлашган якка ўзи

ўрнатилувчи кўприкли ярим тиркамани базаси катта бўлса, маневрчанликни ошириш мақсадида орқа арава бурилувчи қилинади (2-схема). Буриш айланаси, одатда тиркамалар буриш айланасига ўҳшаш. Буриш қурилмаси механик ёки гидравлик юритмали бўлиши мумкин. Қурилма автопоезд бурилганда, тортувчи автомобиль ва ярим тиркама бўйлама ўқларининг ўзаро ҳосил бўлган бурчаги таьсирида ишга тушади. Қуйида икки ўқли тиркамаларнинг қисқача техникавий характеристикаси келтирилган. Русуми МАЗ-9398 МАЗ-93866 МАЗ- 938662 Тортувчи автомобиль МАЗ-6422 МАЗ-64229 МАЗ- 642205 Юк кўтарувчанлиги, кг 26000 27500 22800 массаси, кг: шайланган 6500 7500 8200 тўла 32700 35000 31000 Платформа майдони, м 2 29,47 29,5 32,9 Уч ўқли ярим тиркамалар автопоездларни юк кўтарувчанлигини оширади. Бу ярим тиркамаларнинг ҳам компоновка схемаси хилма-хил. 5 ва 6 схемалар бурилмайдиган ўқли бўлиб, маневрчанлиги паст ва шиналарнинг ёйилиши жадал. Схема 5 кўприклардан бирини олдироққа сурилганлиги ва уни юксиз ҳаракатланганда шиналарни ейилишини камайтириш мақсадида кўтарилиб қўйилиши эвазига аравани юқори юк кўтарувчанлигини таьминлайди. Схема 8 мажбурий бурилувчи кетинги буриладиган кўприк ёки ўзи ўрнатилувчидир. Маневрчанликни айтарли даражада оширишга 7 схемада эришилади. 11.38-расмда МАЗ-9389 уч ўқли ярим тиркамасининг ўзи ўрнатилувчи ғилдиракларли кетинги ўқ кўрсатилган. Уконструктив автомобилнинг олдинги бошқарилувчи кўпригига ўхшаш ишланган.

11.38-расм. Ўзи ўрнатилувчи ғилдиракларли кетинги ўқ ва блокировкалаш механизми. 1-тескари клапан; 2-ҳаво ўтказгич; 3-ресивер; 4-электрпневмоклапан; 5- электр ўтказгич; 6-руль трапецияси; 7-камера; 8-ўқ балкаси; 9-буриш цапфаси; 10шкворень; 11-гидравлик стабилизатор; 12-кран корпуси; 13,15- пружиналар; 14турткич; 16-қопқоқ; 17-мембрана; 18-стопор; 19-кронштейн; 20-траверса; 21кўндаланг тортқи; 22-электр магнит; 23-турткич якор билан. Шкворень 10 вертикал ўрнатилган, лекин ғилдираклар ўқига нисбатан олдинги томонга елкали қилиб сурилган. Руль трапециясининг 6 кўндаланг тортқисига блакировка механизмининг траверсаси 20 қотирилган. Трапеция ричакларига ғилдиракларни шкворенга нисбатан тебранишини сўндирувчи, гидравлик стабилизаторлар уланган. Автопоезд орқага ҳаракатланганда ва тезлиги 30 км/соатдан юқори бўлганда, блокировкалаш механизмининг стопори 18 энг пастки чекка ҳолатда бўлиши лозим, яьни ғилдираклар блокировкаланган бўлиши керак. Бунинг учун кабинадан ишга туширилувчи элекрмагнит 22 туртқични якорь билан 23 тортади ва клапан очилади.

Сиқилган ҳаво ресивердан 3 камерага 7 кириб, мембранани 17 босади. Бу ҳолатда, стопор 18 кўндаланг тортқига ўрнатилган траверса 20 тешигига киритилади. Автопоездни олдинга ҳаракатланиш тезлиги 30 км/соатдан кам бўлса ва бурилишларда клапан ёпилади, сиқилган ҳаво камерадан атмосферага чиқади. Бунда пружина 15 таьсирида стопор 18 юқорига кўтарилади ва блокировкаланган ғилдираклар бўшайди.

Адабиётлар 1. Автомобили. Специализированнўй пожвижной состав. Под ред. М.С.Вўсоцкого, А.И.Гришкевича. Минск.: Вўш.шк.1989.-240с. 2. Вахламов В.К. Техника автомобильного транспорта. Подвижной состав и эксплуатационнўе свойства: М.:2004. -528с. 3. wwwziyonet.uz

O'xshashlar

Умумий вазифали ва ихтисослаштирилган тиркамалар

Оғир юк ташувчи тиркама ва ярим тиркамалар

Тортувчи автомобиллар. Лебёдка

Иҳтисослаштирилган ҳаракатланувчи таркиб

Юк автомобиллари