Конструкторлик ҳужжатларининг ягона тизими - Mashinasozlik - Referatlar

Конструкторлик ҳужжатларининг ягона тизими

Yuklangan vaqt:

20.09.2019

Ko'chirishlar soni:

0

Hajmi:

67.16015625 KB

Ko'chirib olish

Конструкторлик ҳужжатларининг ягона тизими Режа: 1. Конструкторлик ҳужжатларининг ягона тизими стандартларининг таркиби, классификацияси ва белгиланиши. 2. Маҳсулот турлари ва лойиҳа ҳужжатлари 3. Машиналарни таркибий қисмларга бўлиш методикаси

Конструкторлик ҳужжатларининг ягона тизими стандартларининг таркиби, классификацияси ва белгиланиши. Умумий маълумотлар. Конструкторлик ҳужжатлари ягона тизими комплекси стандартларига куйилган вазифалар, уларнинг таъсир доираси, классификацияси, белгиланишга оид умумий қоидалар, Давлат стандарти (ГОСТ 2.001-68) да белгиланган. Стандартларнинг таърифи ва вазифаси. Конструкторлик ҳужжатларининг ягона тизими - Республикамиздаги барча корхона, ташкилот, муассасалар ишлаб чикаётган ва фойдаланаётган конструкторлик ҳужжатларини тайёрлаш, расмийлаштириш ва ишлатиш билан боғлиқ бўлган тартиб ва қоидаларни белгиловчи давлат стандартлари комплексидир. Конструкторлик ҳужжатларининг ягона тизими стандартларининг асосий вазифаси - корхона, ташкилот, муассасаларда конструкторлик ҳужжатларига риоя қилиш, расмийлаштириш ҳамда улардан фойдаланишда ягона тартиб ва қоидаларни жорий этишдан иборат. Бу тартиб ва қоидалар ёрдамида: 1. Корхона ва ташкилот, муассасалар ўзаро конструкторлик ҳужжатларини қайта расмийлаштирмай туриб, улар уртасида бу ҳужжатларни алмаштира олиш имкони яратилади. 2. Ишлаб чиқаришга кераксиз ҳужжатларнинг такрор ишлаб чикарилишининг олди олинади ҳамда комплектлари стабиллаштирилади (баркарорлаштирилади). 3. Саноат буюмларининг конструкторлик лойиҳаларини ишлашда унификация қилиш имкони кенгайтирилади. 4. Конструкторлик ҳужжатларининг формалари ва графикавий тасвирларининг соддалаштирилиши, саноат буюмларининг машаккатли лойиҳа-конструкторлик ишларини камайтиради. 5. Техникавий ҳужжатларни ва улардаги маълумотларни ишлаб чиқишни механизациялаштириш ва автоматизациялаштириш имкони яратилади.

6. Ишлаб чиқаришнинг техникавий тайёрлик шароити яхшиланади. 7. Саноат буюмларининг ишлатиш шароити яхшиланади. 8. Ишлаб турган корхоналарни тезда қайта созлашда ҳужжатларни оператив равишда тайёрлаш имкони яратилади. Стандартларнинг таъсир доираси. Ҳужжатларни тайёрлаш, расмийлаштириш ва улардан фойдаланишда конструкторлик ҳужжатларининг ягона тизими (КХЯТ) стандартларида белгиланган тартиб ва қоидалар қуйидагиларга: а) конструкторлик ҳужжатларининг барча турларига; б) конструкторлик ҳужжатларига ўзгартиришлар киритувчи ва ҳисобга олувчи ҳужжатларга; в) техникавий норматив ва технологик ҳужжатларга таъсир этади. 2. Конструкторлик ҳужжатларининг ягона тизими стандартлари конструкторлик ҳужжатларини тўзиш ва улардан фойдаланиш билан боғлиқ бўлган ҳужжатлар ҳамда адабиётларни нашр эттириш учун асос бўлади. Масалан, бундай ҳужжатларда: а) корхоналар техника бўлимининг (техникавий ҳужжатлар бўлими, норма-назорат хизмати ва ш.к.) структураси ва вазифаларни белгиловчи қоидалар; б) саноат ва корхоналарнинг тармоқлари уртасида конструкторлик ҳужжатларининг ҳаракати ҳамда келишиб олиш тартиби тўғрисидаги қоидалар; в) техникавий ҳужжатларни тайёрлаш, саклаш, комплектлаш ва гурппалаш бўйича курсатмалар ва қоидалар белгиланади. Конструкторлик ҳужжатларининг ягона тизими стандартларининг таркиби, классификацияси ва белгиланиши. Конструкторлик ҳужжатларининг ягона тўзимига кирувчи стандартларнинг таркиби Республика Вазирлар Махкамаси кошидаги Давлат стандартлар кенгаши томонидан белгиланган тартибда эҳлон килинадиган руйхатларда курсатилади.

Конструкторлик ҳужжатларининг ягона тизими стандартларининг классификация группалари бўйича булиниши 2-жадвалда келтирилган. Конструкторлик ҳужжатларининг ягона тизими стандартлари классификациялаш группаси асосийда белгиланади. Конструкторлик ҳужжатларининг ягона тизими стандартлари 2-классга киритилган булиб, стандартларнинг номери нуктали 2. рақами билан бошланади. 2-жавдал Стандартларнинг классификация гуруҳлари Гуруҳ шифри Гуруҳдаги стандартлар мазмуни Стандартнинг номи 0 Умумий қоидалар ГОСТ 2.001-70 ГОСТ 2.002-72 1 Асосий қоидалар ГОСТ 2.101-68 ГОСТ 2.121-73 2 Конструкторлик ҳужжатларида буюмнинг белгиланиши ва классификацияси ГОСТ 2.201-68 3 Чизмалар бажаришнинг умумий қоидалари ГОСТ 2.301-68 ГОСТ 2.317-69 4 Машинасозлик ва асбобсозлик саноати буюмларининг чизмаларини бажариш қоидалари ГОСТ 2.401-68 ГОСТ 2.426-74 5 Конструкторлик ҳужжатларидан фойдаланиш (ҳисобга олиш, сақлаш, нусҳа кўчириш, ўзгаришлар киритиш) қоидалари ГОСТ 2.501-68 ГОСТ 2.503-74 6 Эксплуатация ва таъмирлаш ҳужжатларини бажариш қоидалари ГОСТ 2.601-68 ГОСТ 2.607-72 7 Схемаларни бажариш қоидалари ГОСТ 2.701-68 ГОСТ 2.792-74 8 Қурилиш ва кемасозлик ҳужжатларини бажариш қоидалари ГОСТ 2.801-74 ГОСТ 2.857-75 9 Бошқа стандартлар Конструкторлик ҳужжатларининг ягона тизими стандартининг белгиланишига мисол келтирамиз: “Конусли тишли гилдираклар чизмасини бажариш” ГОСТ 2.405 - 75

Эслатма: Техникавий норматив ҳужжатларининг ягона классификацияси ва белгиланиши жорий этилгунча, мазкур классификация ва стандарт номерини тўзиш системаси ўз кучини саклаб қолади. Маҳсулот турлари ва лойиҳа ҳужжатлари Буюм турлари. Буюм деб ясаш мумкин бўлган предмет ёки предметлар тўпламининг исталган кўринишига айтилади. Буюмларга, масалан, деталлар ва йиғиладиган бирликлар, комплектлар ва комплекслар киради (ГОСТ 2.101-68). Детал деб номи ва маркаси бир хил материалдан ясалган, йиғиш операцияларисиз тайёрланган буюмга айтилади. Масалан, вал, куйма тана ва х.к.). Йиғма бирлик деб қисмлари йиғиш операциялари ёрдамида йиғиладиган буюмларга. Масалан, редуктор, пайвандланган тана ва х.к.) айтилади. Ўқув шароитларида асосан 2 хил кўринишдаги буюмлар қўлланади - деталлар ва йиғма бирликлар. Конструкторлик ҳужжатларининг турлари. Уларнинг ишлаб чиқаришдаги турлари ва комплектларини ГОСТ 2.102-68 белгилаб беради. Бундай ҳужжатлар буюмларни ишлаб чиқишда, тайёрлашда, сифатини назорат қилишда, эксплуатация ва та’мирлашда уларнинг таркиб ва кўрилишини аниқлаб беради.

Конструкторлик ҳужжатларига график ва матний ҳужжатлар киради. Масалан, деталнинг ишчи чизмаси, йиғиш чизмаси, умумий кўриниши, схемаси, спецификацияси, тушунтириш хати ва бошқалар. Детал чизмаси ва спецификацияси асосий конструкторлик ҳужжатлари саналади. Бундай ҳужжатлар оригинал, нусҳа, дубликат кўринишида бажарилиши мумкин. Детал чизмаси - бу детални тайёрлаш ва назорат қилиш учун зарур бўладиган детал тасвири ва бошқа маълумотлар ҳақидаги ҳужжатдир. Ишчи чизмада буюмнинг ўлчамлари, четланишлари, юза ғадир- будирликлари ва бошқа шунга ўхшаш буюм йиғишда мос келиши керак бўлган маълумотлар кўрсатилади. Ишчи чизмаларда технологик кўрсатмалар беришга йўл қўйилмайди. Йиғма чизма - бу йиғма бирликни йиғиш ва бошқа ма’лумотлар ҳақидаги ҳужжатдир. Йиғма чизмаларга, шунингдек, гидромонтаж, пневмомонтаж ва электромонтаж чизмалари киради. Умумий кўриниш чизмаси - бу буюм конструкцияси, асосий тузувчи қисмларининг ўзаро таъсири, ишлаш принципини тушунтирувчи ҳужжатдир. Схема - бу буюм тузувчи қисмларининг шартли белги ва тасвирлари ва улар орасидаги боғликликларни кўрсатувчи ҳужжатдир. Спецификация - йиғма бирлик, комплекс ёки комплектнинг таркибини аниқловчи ҳужжатдир. Тушунтириш хати - бу устида иш олиб борилаётган маҳсулотнинг тузилиши ва ишлаш принципини баён қилувчи, шунингдек устида ишлашда қабул қилинган техник ва техник - иқтисодий қарорларни асословчи ҳужжатдир. Ўқув шароитларида мазмун жиҳатдан баъзи ишлаб чиқариш конструкторлик ҳужжатларига яқин бўлган ўқув чизмалари қўлланилади. Уларга деталлар ўқув чизмаси, ўқув йиғма чизмалар, ўқув умумий кўринишлар, спецификациялар ва бошқалар киради.

Машиналарни таркибий қисмларга бўлиш методикаси Машина йиғма чизмаларида йиғма бирликнинг барча таркибий қисмлари айни йиғма бирлик спецификациясида кўрсатилган позиция нормаларига мувофиқ номерлаб чиқилади ва шу усулда таркибий қисмларга бўлинади. Спецификацияси тўзилаётган машина таркибига кирувчи барча асосий таркибий қисмларнинг рўйхати, шу билан бирга машина таркибий қисмларига тегишли бўлган конструкторлик ҳужжатлари киритилган жадвал спецификация дейилади. Йиғма бирлик, комплекс ва комплектлар таркибий қисмларини аниқлаш, конструкторлик ҳужжатларини ишлаб чиқаришга жорий этишни режалаштириш учун спецификация зарур. Умумий ҳолда машиналар қуйидаги таркибий қисмларга бўлинади: “Комплекслар”, “Йиғма бирликлар”, “Деталлар”, “Стандарт буюмлар”, “Бошқа буюмлар”, “Материаллар”, “Комплектлар”. Давлат стандарти бўйича ҳужжат белгилаш. Чизмада график ишлар учун қуйидаги белгилашлар курсатилади: Нокомплекс (содда) гурухли комплекс буюмлар учун:

Детал - бу номи ва маркаси бир хил материалдан йиғма бирликларсиз тайёрланган буюм. Узел - бирикма қисмларга ажраладиган ёки ажралмас тузувчи қисмлар бирикмасидан тузилган буюм. Гурух - ишлаб чиқаришни мустакил ташкил этиш мақсадга мувофиқ бўлган қисмларга булинадиган ёки бўлинмайдиган тузувчи қисмлар бирикмаси. Комплекс - икки ёки ундан ортиқ, тайёрловчи корхона йиғиш операциялари билан бириктирилмаган, аммо ўзаро боғлиқ равишда эксплуатацион функцияларни бажаришга мўлжалланган махсуслаштирилган буюм. Индекслар уларни ўзлаштириш, бериш ва ҳисобга олиш топширилган ташкилот томонидан марказлашган ҳолда берилади. Варақ шаклантирувчи машинани белгилаш учун намуна:

Машиналарни таркибий қисмларга бўлиш умумий ҳолда қуйидаги кетма- кетликда жойлашиши керак бўлган бўлимлардан тузилади: - йиғма - бирликлар; - деталлар; - стандарт буюмлар; - бошқа буюмлар; - материаллар. “Йиғма бирликлар” ва “Деталлар” бўлимларига бевосита спецификацияланаётган буюмга кирувчи детал ва йиғма бирликлар киритилади. Кўрсатилган буюмларни ёзиш белгига кирувчи рақамларнинг усиб бориш тартибига қараб олиб борилади. Буюм таркибига кирувчи йиғма бирлик (узел) қуйидагича белгиланади. И.00.01.000. Буюм таркибига кирувчи гурух қуйидагича белгиланади: И.01.00.000. Гурух таркибига кирувчи узел қуйидагича белгиланади: И.01.01.000. яъни бу, буюмнинг биринчи гурухи таркибига кирувчи биринчи узели. Узелларнинг биринчи гурухига кирувчи детали қуйидагича белгиланади: И.01.01.001. Бутун буюм таркибига кирувчи детал эса қуйидагича белгиланади: И.00.00.001. “Стандарт буюмлар” бўлимига қуйидагилар бўйича кулланган буюмлар ёзилади: - давлат стандарти бўйича; - республика стандарти бўйича; - тармоқ стандарти бўйича; - корхона стандарти бўйича;

“Стандарт буюмлар” бўлимининг “белгиси” графасига буюмнинг стандарт рақами қўйилади. Давлат стандартига мувофиқ стандартларнинг ҳар бир категорияси чегараларида буюмларнинг гурухлари бўйича ёзиб бориш керак, кайсики бу гурухлар функционал вазифаси бўйича бирлашган (масалан, подшипниклар, махкамлаш буюмлари ва х.к.); ҳар бир номлар ичида стандартларни белгиси ортиб бориши тартибида; ҳар бири гурух ичида буюмлар номи алфавит тартибида ёзиш; стандартнинг ҳар бир белгиси ичида эса буюмнинг асосий ўлчам ёки параметрлари усиб бориши тартибида ёзиб бориш керак. “Бошқа буюмлар” бўлимига асосий конструкторлик ҳужжат бўйича кулланилмаган буюмлар (техник шароитга, каталокка, прейскўрантга кўра) киритилади. “Материаллар” бўлимига спецификацияланаётган буюмга бевосита кирувчи ҳамма материаллар турига кўра қуйидаги кетма-кетликда ёзилади: - қора металлар; - магнитоэлектрик ва ферромагнит металлар; - рангли, кимматбаҳо ва ноёб металлар; - кабеллар, шнур ва симлар; - пластмасса ва преоспластмассалар; - когоз ва текстил материаллари; - ёгоч материаллар; - резина ва чарм материаллар; - минерал, керамик ва шиша материаллар; - лак, бўёқ, нефт маҳсулоти ва химикатлар; - бошқа материаллар Чизмаларда машина таркибий қисмларига позиция рақамларини қўйиш (2.109-73 Давлат умумий стандарти). Йиғиш чизмаларида йиғма бирликнинг барча таркибий қисмлари айни йиғма бирлик спецификациясида кўрсатилган позиция рақамларига мувофиқ номерлаб чиқилади. Позиция рақамлари таркибий қисмлар тасвиридаги чиқариш чизикларининг нуктасида

курсатилади. Позиция рақамлари буюмнинг асосий кўринишларида, шунингдек, унинг таркибий қисмлари яккол куринган кирким ёки четга чиқариш элементларида курсатилади. Буюм таркибига кирувчи ҳар бир деталғ ёки йиғма бирликлар позиция номери чизмада факат бир марта ёзилади. Буюмнинг такрорланувчи бир хилдаги таркибий қисмлари позиция билан бир хил бўлган номер ёки белги билан курсатилади, шунингдек, деталлар такрор кўрсатилганида позиция рақами нуктасининг остига чизикча чизиб кўрсатиш тавсия этилади. Позицияларнинг рақамларини ёки белгиларни чизманинг асосий ёзувига параллел ҳолда горизонталига ёки вертикалига бир катор килиб жойлаштирилади.

Адабиётлар рўйхати: 1. И. Каримов. Баркамол авлод - Ўзбекистон тараққиётининг пойдевори. Тошкент: Шарқ ,1997. 2. Правовая охрана изобретений и полезних моделей. Сборник нормативних актов. Государственное Патентное ведомство Республики Ўзбекистан. Ташкент, 2000. –63 с. 3. Ўзбекистон ихтирочилар ва рационализаторлар жамиятининг Республика Кенгаши. Расмий ҳужжатлар тўплами. №2. Тошкент-1994. 4. Я.Х. Закин., Н.Р. Рашидов Основ научного исследования. Тошкент: Ўқитувчи, 1981.

O'xshashlar

Конструкторлик хужжатларининг ягона тизими

Машиналар яратишнинг асосий босқичлари прогнозлаш лойиҳалаш ва ишлаб чиқаришга тайёрлаш

Машиналар ишончлилиги ва таъмирлаш фанининг мақсади ва структураси

Бадиий конструкциялаш асослари

Ишлаб чиқаришни ташкилий – технологик тайёрлаш