Тинчлик ва осуда хаётимизни химоя килиш – мукаддас бурч - Manaviyat asoslari - Referatlar

Тинчлик ва осуда хаётимизни химоя килиш – мукаддас бурч

Yuklangan vaqt:

20.09.2019

Ko'chirishlar soni:

0

Hajmi:

68 KB

Ko'chirib olish

Тинчлик ва осуда ҳаётимизни ҳимоя қилиш – муқаддас бурч Мамлакатимиз истиқлолга эришган кунданоқ Ўзбекистон миллий давлатчилигини, унинг ҳудудий яхлитлиги, аҳолининг тинч ва осойишта ҳаётини таъминлаш давлат сиёсатининг бош масалаларидан бирига айланди. Собиқ иттифоқ даврида адолатсиз сиёсатни ҳарбий соҳада ҳам яққол кўриш мумкин эди. Жумладан, Ўзбекистондан чақирилувчиларнинг аксарият қисми ўша даврда асосий мулоқот тили бўлган “рус тилини билмайди”, “жисмоний жиҳатдан ривожланмаган”, “билим даражаси паст”, “техникани ўзлаштира олмаганлар” деган асоссиз баҳоналар билан уларни аксарият ҳолларда таъминот, қурилиш ҳамда иккинчи даражали вазифаларга юборилар эди. Мамлакат хавфсизлигининг кенг қамровли концепцияси ишлаб чиқилди, унинг ҳуқуқий асоси яратилди. Бу йўналишда, авваламбор, 1991 йил 31 августда қабул қилинган “Ўзбекистон Республикаси мустақиллигининг асослари тўғрисида”ги Қонунда мудофаа тизимини вужудга келтиришда мамлакат ҳарбий сиёсатининг белгиланиши, 1996 йил 24 апрелда Ўзбекистон Республикаси Олий Мажлисининг бешинчи сессиясида маъқулланган “Миллий хавфсизлик тўғрисида”ги Қонун, 1997 йил август ойида Олий Мажлис IX сессиясида қабул қилинган Ўзбекистон Республикасининг Миллий хавфсизлик концепцияси алоҳида аҳамиятга эга бўлди. Ўзбекистон Республикаси Олий Кенгашининг 1991 йил 31 августда бўлиб ўтган навбатдан ташқари ўн иккинчи сессиясида қабул қилинган “Ўзбекистон Республикаси давлат мустақиллиги тўғрисида”ги баёнотида “Давлат мустақиллиги ни, ҳудудий яхлитлигини, фуқароларнинг консти туциявий ҳуқуқи ва эркинлигини ҳимоя қилиш мақсадида Ўзбекистон Республикаси Мудофаа ишлари вазирлиги ва Миллий гвардия тузилади, республика ҳудудида жойлашган СССР Ички ишлар вазирлиги, СССР Давлат хавфсизлик ко митети ҳамда Ички қўшинлар Ўзбекистон Респуб ликаси

юрисдикциясига олинади” деб кўрсатилди. Бу 1991 йил 31 августда қабул қилинган “Ўзбекистон Республикаси давлат мустақиллигининг асослари тўғрисида”ги қонунда ҳуқуқий жиҳатдан мустаҳкамланди ва унинг 6- моддасида “Ўзбекистон Республикаси Мудофаа ишлари вазирлигини тузиш, Миллий гвардия ва ноҳарбий (муқобил) хизматни ташкил этиш ҳуқуқига эга” деб мустаҳкамланди. Бу амалда ёш республикага ўз ҳарбий сиёсатини белгилаш ва амалга оши ришнинг ҳуқуқий асосини яратиб, Қуролли Куч ларини тузишга асос бўлди. Ўзбекистон Республикаси Президенти ҳузуридаги Вазирлар Маҳкамасининг 1991 йил 25 октябрдаги “Ўзбекистон Республикаси Мудофаа ишлари вазирлиги масалалари бўйича” Қарори асосида мамлакат Мудофаа ишлари вазирлиги ташкил этилди ва унинг Низоми ҳамда ташкилий – штат тузилиши тасдиқланди. Вазирлик маҳаллий ҳарбий бошқарув органлари, фуқаролар мудофааси штаби ва армия сафидан ташқаридаги хизматнинг махсус бошқармаси негизида ташкил қилинди. Кейинчалик Туркистон ҳарбий округининг бошқарув органлари негизида Мудофаа ишлари вазирлиги Бош штаби ва бошқармаси ҳамда уларнинг жойлардаги қуйи бўлинмалари тузилди. 1991 йил 30 декабрь куни Минск шаҳрида МДҲ давлат раҳбарларининг йиғилишида ҳарбий масала кўтарилди ва унда Ўзбекистон Республикаси биринчилардан бўлиб ўз Қуролли Кучларини тузажагини билдирди. Кенгашда Қуролли Кучлар ва Чегара қўшинлари тўғрисидаги Битим қабул қилинди. Ҳамдўстлик қатнашчилари бўлган давлатлар ўз қуролли кучларини тузишларини тасдиқлади. Ўзбекистон Республикаси Олий Кенгаши томонидан 1992 йил 10 январда “Ўзбекистон Республикаси ҳудудида жойлашган СССР Ички ишлар вазирлигининг ҳарбий қисмлари ва ўқув муассасаларини Ўзбекистон Республикаси тасарруфига олиш тўғрисида”ги ва 14 январда “Ўзбекистон Республикаси ҳудудида жойлашган ҳарбий қисмлар ва ҳарбий ўқув муассасалари тўғрисида”ги қарорлар қабул қилинди. Ушбу қарорларга

мувофиқ, собиқ СССР Қуролли Кучларининг республика ҳудудида жойлашган қисмлари, қўшилмалари, бирлашмалари, ҳарбий ўқув юртлари, муассасалари, ташкилотлари ва бошқа ҳарбий тузилмалари қонуний асосда Ўзбекистон Республикаси юрисдикциясига олинди. Мазкур қарор қабул қилинган кун – 14 январь, Ўзбекистон Республикасининг 1993 йил 29 декабрдаги Қонунига мувофиқ, “Ватан ҳимоячилари куни” деб эълон қилинди. Ўзбекистон Республикаси Президентининг 1992 йил 18 майдаги “Ўзбекистон Республикаси ҳудудида жойлашган ҳаво десанти қўшинлари, ҳарбий транспорт авиацияси, разведка қўшинлари, таъминот қисмлари ҳақида”ги, 1992 йил 12 ноябрдаги “Ўзбекистон Республикаси ҳудудида жойлашган ҳаво ҳужумига қарши ҳарбий қисмлар ҳақида”ги, 13 ноябрдаги “Ўзбекистон Республикаси ҳудудида жойлашган кимёвий ҳарбий қисмлар ҳақида”ги фармонлари билан мамлакатимиз ҳудудида жойлашган мазкур турдаги қўшинлар республика тасарруфига олинди ва сифат жиҳатидан такомиллаштирилди. Мудофаа вазирлиги тасарруфида қуруқликдаги қўшинлар, ҳарбий ҳаво ҳужумидан мудофаа қўшинлари, ҳарбий ҳаво кучлари, махсус ва муҳандислик-қурувчилик қўшинлари, Миллий гвардия ташкил этилиб, ҳар бир қўшин турининг аниқ вазифалари белгиланди. Миллий хавфсизлик хизмати тасарруфидаги Чегара қўшинлари бошқармаси 1992 йил 24 мартда Ўзбекистон Республикаси Президентининг Фармони билан ташкил этилди. 1993 йил 26 апрелда эса давлат чегараларини мустаҳкамлаш, қўшинларни бошқаришни мукаммаллаштириш ва уларнинг хавфсизлигини ошириш мақсадида Бошқарма Ўзбекистон Республикаси Миллий хавфсизлик хизматининг чегара қўшинлари Бош бошқармасига айлантирилди ва унинг зиммасига д авлат чегарасини ҳимоя қилиш ҳамда қўриқлаш соҳасидаги давлат сиёсатини амалга оширилишини таъминлаш вазифаси юкланди. “Ўзбекистон Республикаси Давлат чегараларини қўриқлашни кучайтиришнинг ташкилий тадбирлари тўғрисида”ги Вазирлар

Маҳкамасининг 1998 йил 30 ноябрдаги қарори давлат чегаралари ҳимоясини ташкил этишни янада такомиллаштиришда муҳим воқеа бўлди. Бунга мувофиқ, Ўзбекистон Республикаси Давлат чегараларини қўриқлаш ва ҳимоя қилиш Концепцияси тасдиқланди. Ўзбекистонда чегара қўшинларини ривожлантириш ва такомиллаштиришдаги янги давр – 1999 йилнинг 13 январдан амалга оширила бошланди. Худди шу куни Ўзбекистон Республикаси Президентининг Фармони билан чегара қўшинлари Бош штаби негизида Ўзбекистон Республикаси Давлат чегараларини ҳимоя қилувчи қўмита ташкил топди. Мамлакатимиз чегараларини қўриқлаш “Ўзбекистон Республикасининг Давлат чегараси тўғрисида”ги 1999 йил 20 августда қабул қилинган қонуни асосида амалга оширилиб келинади. Ўзбекистон Республикаси мудофаасини ташкил этишда Ички ишлар вазирлигининг махсус қисм ва бўлинмалари қайта ташкил этилди. Мазкур қўшинларга мамлакат ички хавфсизлиги ва тинчлигини таъминлаш, муҳим давлат объектлари, ахлоқ тузатиш колонияларини қўриқлаш, махсус юкларни кузатиб бориш, жиноий жавобгарликка тортилган шахсларга суд жараёнларида соқчилик қилиш, махсус ҳарбий операцияларда қатнашиш, террорчиларга қарши кураш каби вазифаларни бажариш юклатилди. Мамлакат аҳолисининг хавфсизлигини ҳамда ишлаб чиқариш объектларининг барқарор ишлашини самарали таъминлаш мақсадида Фавқулодда вазиятлар вазирлиги ташкил этилгани диққатга сазовор. Вазирлик Ўзбекистон Республикаси Президентининг 1996 йил 4 мартда қабул қилинган “Ўзбекистон Республикаси Фавқулодда вазиятлар вазирлигини ташкил этиш тўғрисида”ги Фармонига асосан Мудофаа вазирлигининг тузилмаси сифатида фаолият кўрсатиб келган Фуқаро мудофааси ва фавқулодда вазиятлар бошқармаси негизида ташкил этилди. Шуни қайд этиш лозимки, Ўзбекистон Республикаси ўз мудофаа тизимини яратишда биринчи навбатда дуч келинган қийинчилик бу кадрлар масаласи эди. Ҳарбий хизматга жалб этилган офицерларни тайёрлаш мақсадида қисқа муддатли курслар ташкил этилди. Ўзбекистон Республикаси

Қуролли Кучларини малакали кадрлар билан таъминлашни йўлга қўйиш мақсадида Ўзбекистон Республикаси Президенти – Қуролли Кучлар Олий Бош Қўмондони ташаббуси билан янги ҳарбий ўқув муассасалари ташкил этиш, уларда тайёрланадиган мутахассисларни кўпайтириш масалаларига ҳам алоҳида эътибор қаратилди. Бу йўналишда Ўзбекистон Республикаси Президентининг 1993 йил 12 февралдаги Фармонига асосан Тошкент электротехника ва алоқа институтининг махсус факультети, Вазирлар Маҳкамасининг “Ўзбекистон Республикаси Қуролли Кучлари Академиясини ташкил этиш тўғрисида”ги 1994 йил 15 июлдаги Қарорига мувофиқ, Ўзбекистон Республикаси Қуролли Кучлар Академияси, 1994 йил 18 мартдаги қарорига мувофиқ Жиззах авиация олий ҳарбий билим юрти ташкил этилгани ҳарбий соҳадаги ислоҳотларни янада чуқурлаштиришга хизмат қилди. Ўзбекистон Республикаси Президентининг 2001 йил 26 январдаги профессионал ҳарбий хизматчиларни тайёрлашга ихтисослаштирилган сержантлар тайёрлаш мактабларига асос солиш ҳақидаги фармони асосида Марказий ва Тошкент ҳарбий округларида 2001 йил май ойидан ва 1 ноябридан Шарқий ва Жануби-ғарбий махсус ҳарбий округларида, 2007 йилда Шимоли-ғарбий ҳарбий округида сержантлар тайёрлаш мактаби ташкил этилди. Мактабларда мудофаа, ички ишлар ва чегара қўшинлари учун мутахассислар тайёрлаш йўлга қўйилди. Мактабларда замонавий услублар асосида моделлаштириш жараёнларини ўз ичига олган янги таълим усуллари жорий этилди. Амалга оширилган серунум ишлар натижасида профессионал кадрлар танқислиги бартараф этилди. Ўзбекистон Қуролли Кучлари фаолиятининг ҳуқуқий негизини яратиш мақсадида мамлакат XII чақириқ Олий Кенгашининг 1992 йил 3 июлдаги X сессиясида Ўзбекистон Республикасининг “Мудофаа тўғрисида”ги, “Умумий ҳарбий мажбурият ва ҳарбий хизмат тўғрисида”ги, “Муқобил хизмат тўғрисида”ги Қонунлари қабул қилинди. Мазкур қонунлар асосида мамлакат мудофаасини ташкил этиш, фуқароларни ҳарбий хизматни

ўташларининг ҳуқуқий асослари яратилди. “Мудофаа тўғрисида”ги Қонунга биноан Ўзбекистон Республикаси Мудофаа ишлари бўйича вазирлиги Мудофаа вазирлигига айлантирилди. Мазкур сессияда Ўзбекистон Қуролли Кучлари сафига киришда ҳарбий хизматчилар томонидан қабул қилинадиган Ҳарбий қасамёднинг матни ва қасамёд қилдириш тартиби тасдиқланди. Таъкидлаш жоизки, бугунги кунда Ҳарбий қасамёд ҳақли равишда жангчиларнинг ахлоқий- руҳий, маънавий ва жанговар кодексига айланди. Мазкур ҳужжатларнинг қабул қилиниши мамлакат Қуролли Кучлари фаолиятининг ишончли ҳуқуқий негизини яратди, мудофаа асослари ва мақсадлари ҳамда мустақил давлат армиясининг қурилиши тамойилларини белгилади. Ўзбекистон Республикасининг Конституциясида Қуролли Кучларнинг ҳуқуқий мавқеи узил-кесил ва энг юксак даражада мустаҳкамланди. Унинг 125-моддасида: “Ўзбекистон Республикаси Қуролли Кучлари Ўзбекистон Республикасининг давлат суверенитетини ва ҳудудий яхлитлигини, аҳолининг тинч ҳаёти ва хавфсизлигини ҳимоя қилиш учун тузилади” деб белгиланиши давлат Қуролли Кучларининг асл мақсад ва вазифаларини дунё ҳамжамияти олдида яна бир бор намоён этди. Ватан ҳимояси мамлакатнинг ҳар бир фуқароси учун шарафли бурч эканлиги Ўзбекистон Конституциясининг 52-моддасида белгилаб қўйилди. Унга асосан, “Ўзбекистон Республикасини ҳимоя қилиш – мамлакат ҳар бир фуқаросининг муқаддас бурчидир”. Ушбу модда Ўзбекистон Республикаси “Умумий ҳарбий мажбурият ва ҳарбий хизмат тўғрисида”ги қонунининг 1- моддаси билан мустаҳкамланади. Мазкур моддада “Ўзбекистон Республикасини ташқаридан бўладиган қуролли тажовуздан ҳимоя қилиш Ўзбекистон Республикаси фуқароларининг конституциявий бурчи”, деб кўрсатилди. Ушбу конституциявий бурчни адо этиш Ўзбекистон Республикасининг “Мудофаа тўғрисида”ги Қонуни билан мустаҳкамланди. Ўзбекистон Қуролли Кучлари фуқароларнинг умумий ҳарбий мажбуриятлари асосида ҳарбий хизматга чақириш ҳамда фуқароларнинг

шартномага асосан ҳарбий хизматга кириши белгиланди. 1996 йил 9 октябрда Ўзбекистон Республикаси Президенти Фармони билан Ўзбекистон Республикаси Қуролли Кучларининг Ички хизмат, Интизом, Гарнизон қоровуллик хизматлари низомлари тасдиқланди. 1996 йил 14 октябрда эса Мудофаа вазирининг буйруғи билан Саф низоми ҳарбий ҳаётга жорий этилди. Мамлакат мудофаасининг ҳуқуқий базасини ташкил этишда 1995 йилнинг 6 майида Ўзбекистон Республикаси Олий Мажлисида мамлакат Ҳарбий Доктринаси лойиҳасининг биринчи ўқишда маъқулланиши ва мазкур ҳужжат халқ муҳокамаси учун матбуотда эълон қилиниши ҳамда ўша йилнинг 30 август куни Ўзбекистон Республикаси Олий Мажлисининг VIII сессиясида қабул қилиниши катта аҳамиятга эга бўлди. Мазкур ҳужжат муҳокамасида кенг халқ оммасининг иштирок этиши мамлакат мудофаа тизимини яратиш ва мудофаани ташкил этиш умумхалқ иши эканлигини яна бир бор кўрсатди. Ҳарбий Доктрина давлатнинг ижтимоий тузуми ва сиёсати билан белгиланади. Ўзбекистон Республикасининг ташқи ва мудофаа сиёсати тамойилларидан келиб чиққан ҳолда 2000 йил 3 февралда Ўзбекистон Республикаси Президенти ҳузуридаги Хавфсизлик кенгашида Ўзбекистон Республикаси Мудофаа Доктринасининг қабул қилиниши давлат ҳарбий сиёсатининг асосий моҳияти мамлакат мудофаасига қаратилганлигини яна бир бор тасдиқлади. Мамлакатдаги мудофаа соҳасидаги туб ўзгаришлар, Марказий Осиё минтақасидаги ҳарбий сиёсий вазиятдан келиб чиққан ҳолда Ўзбекистон Республикасининг “Мудофаа тўғрисида”ги (янги таҳрири) Қонуни (2001 йил 11 май) ва “Умумий ҳарбий мажбурият ва ҳарбий хизмат тўғрисида”ги (2002 йил 12 декабрь) Қонуни қайта ишлаб чиқилди ва Ўзбекистон Республикаси Олий Мажлиси томонидан қабул қилинди. Ўзбекистон Республикаси Олий Мажлисининг 1995 йил февралда бўлиб ўтган биринчи сессиясида мамлакатимиз Президентининг “Ўзбекистонни ижтимоий-сиёсий ва иқтисодий ривожлантиришдаги асосий

тамойиллар” маърузасининг “ Миллий хавфсизликни таъминлаш тамойиллари” номли қисми мустақил Ўзбекистон Республикасининг ҳарбий- сиёсий ҳужжати даражасига кўтарилди. Унда илк бор давлат ҳарбий сиёсати, миллий хавфсизлик муаммолари, янги армиянинг қурилиши, мамлакатни мудофаага тайёрлаш, унинг суверенитети ва ҳудудий яхлитлигини ҳимоя қилишга бўлган расмий қарашлар кенг ва тўлақонли тарзда баён этилди. Ҳарбий соҳа ривожланишининг сиёсий, иқтисодий, маънавий жиҳатлари жамланиб, ҳарбий қурилишнинг стратегияси ва тактикаси асослаб берилди. Президентимиз Ислом Каримов Ўзбекистон Республикаси Биринчи чақириқ Олий Мажлиснинг ўн тўртинчи сессиясида сўзлаган нутқида халқ депутатлари эътиборини яна бир бор Қуролли Кучларни, чегара ва ички қўшинларни ягона давлат сиёсати асосида босқичма-босқич чуқур ислоҳ этиш масалаларига қаратди. Армия ислоҳотлари асосий йўналишларининг назарий асосларини ишлаб чиқди. Президентимиз “Ўзбекистон ХХI асрга интилмоқда” асарида армия ислоҳотларининг мақсади аниқ баён этилди. Унда “... армияни, чегара қўшинлари ва ички қўшинларни ислоҳ қилишга доир давлат сиёсатини амалга ошириш фақат мудофаа салоҳиятимизни юксалтиришга қаратилган. Бошқача айтганда, бу жараён ягона мақсадни ижтимоий-иқтисодий ва сиёсий ислоҳотларни амалга ошириш, демократик жамият ва ҳуқуқий давлат қуриш учун, одамларимизнинг тинч ҳаёти ва бунёдкорлик меҳнатини таъминлаш учун шарт-шароит яратиб беришни кўзлаб амалга оширилмоқда”, деб кўрсатилди. Мамлакатимизда Қуролли Кучлар тизимини профессионал асосда ташкил этишда ҳарбий ислоҳотлар даври бошланиб, уч босқичда амалга оширилди. Ҳарбий ислоҳотларнинг биринчи босқичи 1998 – 2000 йилларда ўтказилди. Бу даврда: – қўшинларда тезкор бошқарувни амалга ошириш мақсадида Тошкент (Тошкент шаҳри ва вилояти), Шарқий (Андижон, Наманган, Фарғона), Марказий (Сирдарё, Жиззах, Самарқанд), Шимоли-ғарбий (Қорақалпоғистон Республикаси, Хоразм), Жануби-ғарбий махсус (Бухоро,

Навоий, Қашқадарё, Сурхондарё) ҳарбий округлари, чегара ҳудудлар, ички ишлар қўшинларининг ҳудудий қўшилмалари тузилди; – муҳим стратегик йўналишларда қўшин гуруҳлари ташкил этилди; – қўшинлар, бирлашмалар ва қисмларни қайтадан жойлаштириш тадбирлари мамлакат хавфсизлигига таҳдид солаётган хавф-хатарларни чуқур таҳлил қилиш асосида, амалга оширилиши мумкин бўлган жанговар операцияларнинг тартиби ва йўналиши, хусусияти ҳамда мазмуни, шунингдек, Марказий Осиё минтақасидаги ҳарбий ҳаракатлар майдонининг ўзига хос жиҳатларини ҳисобга олган ҳолда ўтказилди; – ҳаво ҳужумидан мудофаа қўшинлари билан Ҳарбий ҳаво кучлари бирлаштирилди ҳамда Ҳарбий ҳаво кучлари ва ҳаво ҳужумидан мудофаа қўшинлари ташкил этилди; – сони ва тузилиши, профессионал таркиби жиҳатидан энг мақбул армияни тузиш учун амалий ҳаракатлар бошланди. Махсус операцияларни амалга оширувчи кучлар қисмларининг ташкил этилиши – профессионал армияга ўтишдаги илк қадам бўлди. Ислоҳотларнинг иккинчи босқичи 2000 – 2002 йилларни ўз ичига олади. Бу даврда: – Ўзбекистон Мудофаа Доктринасига мувофиқ, Мудофаа вазирлиги ва Чегара қўшинлари бўлинмалари, Ички ишлар вазирлиги ва Миллий хавфсизлик хизматининг махсус қисмлари, шунингдек, бошқа идораларнинг ҳарбий тузулмаларини ўз ичига олган Қуролли Кучлар тизими яратилди. Қуролли Кучларнинг ягона марказлашган бошқарувини ташкил этиш мақсадида Мудофаа вазирлиги бош штаби Ўзбекистон Қуролли Кучлари Бирлашган штабига айлантирилди. – Мудофаа вазирлиги, Чегара ва Ички қўшинлар қўшилма ва қисмларининг тубдан янги жанговар, техник таъминот тизими жорий этилди; – жанговар ҳаракатларни олиб бориш юзасидан асосий низомий ҳужжатлар, кўрсатмалар, йўриқномалар яратилди ва қайта ишланди; – сержантлар тайёрлаш мактаблари ташкил этилди.

Ўзбекистон Республикаси Олий Мажлисининг 2002 йил 29-30 август кунлари бўлиб ўтган сессиясида мамлакатда мудофаа соҳасида олиб борилаётган ҳарбий ислоҳотлар депутатлар эътиборига ҳавола этилди. Сессия ишига таклиф этилган ҳарбий округ қўмондонлари ўтган даврда округларда олиб борилган ташкилий ҳамда ҳарбий бошқарув тизимида амалга оширилган ишлар тўғрисида маъруза қилдилар. Маърузалар ҳарбий ислоҳотлар самарасини яна бир бор кўрсатди. Ислоҳотларнинг учинчи босқичи 2002 – 2005 йилларни ўз ичига олади. Бу даврда: – мамлакатда умумий ҳарбий мажбурият ва ҳарбий хизмат тубдан ўзгарди; – Ўзбекистон фуқароларининг ҳарбий таълим ва ватанпарварлик тарбиясининг узлуксиз кўп поғонали тизими яратилди. Вазирлар Маҳкамасининг 2004 йил 12 апрелдаги “Ўзбекистон Республикаси Қуролли Кучлари сержантларининг мақоми тўғрисида”ги Қарорига асосан 5 йил давомида сержантлар таркиби лавозимларида бенуқсон хизмат қилган ҳарбий хизматчиларга тест синовларида тўпланиши мумкин бўлган энг кўп баллнинг 20 фоизи миқдорида қўшимча имтиёз бериш ҳамда “Энг илғор сержант” танловининг республика босқичи ғолиблари олий ҳарбий таълим муассасаларига танлов (конкурс)дан ташқари қабул қилиниш ҳуқуқига эга бўлди. Ўзбекистон Республикаси Президентининг 2005 йил 31 октябрдаги қарорига мувофиқ, олий ҳарбий таълим муассасаларига ўқишга кирувчи, ҳарбий хизмат даврида жанговар ва маънавий-маърифий тайёргарлик бўйича юқори натижаларга эришган, муддатли ҳарбий хизматни тамомлаб, белгиланган шаклдаги тавсияномага эга бўлган фуқароларга тест синовларида тўпланиши мумкин бўлган энг юқори баллнинг 25 фоизи миқдорида қўшимча имтиёз берилди. Ўзбекистонда ҳарбий хизматчиларни ижтимоий муҳофаза қилишни кучайтириш, уларни уй-жой, озиқ-овқат, маблағ ва тиббий хизматлар билан

таъминлаш, ҳарбий кучларни техник қайта жиҳозлаш, ҳаракатчанлигини ошириш бўйича улкан ишлар амалга оширилди. Амалга оширилган бу ишлар Қуролли Кучларни ҳар томонлама такомиллаштирди, унга жанговарлик касб этди, шахсий таркибни жипслаштирди, мавжуд ҳарбий-сиёсий вазиятда масъул вазифаларни бажаришга қодирлигини оширди, ҳарбий хизматчилар ва уларнинг оила аъзолари ижтимоий ҳимоясини янада такомиллаштирди, кадрлар тайёрлаш тизимини жаҳон андозалари даражасига кўтарди, мамлакатимизда ҳамда минтақамизда тинчлик ва барқарорлик кафолатига айлантирди.

Фойдаланилган адабиётлар рўйхати: 1. Ўзбекистон Республикасининг Конституцияси. –Т.: “Ўзбекистон”. 2008. 2. Каримов И.А. Ўзбекистон: миллий истиқлол, иқтисод, сиёсат, мафкура. 1-жилд. -Т.: “Ўзбекистон”, 1996. 3. Каримов И.А. Биздан озод ва обод Ватан қолсин. 2 -жилд . – Т.: “ Ўзбекистон ” , 1996. 4. Каримов И.А. Ватан саждагоҳ каби муқаддасдир. 3-жилд. –Т.: “Ўзбекистон”, 1996. 5. Каримов И.А. Бунёдкорлик йўлидан. 4-жилд. –Т.: “Ўзбекистон”, 1996. 6. Каримов И.А. Янгича фикрлаш ва ишлаш – давр талаби. 5 -жилд . – Т.: Ўзбекистон, 1997. 7. Каримов И.А. Хавфсизлик ва барқарор тараққиёт йўлидан. 6 -жил д. –Т.: “Ўзбекистон”, 1998. 8. Каримов И.А. Биз келажагимизни ўз қўлимиз билан қурамиз. 7-жилд. –Т.: “Ўзбекистон”, 1999. 9. Каримов И.А. Озод ва обод Ватан, эркин ва фаровон ҳаёт – пировард мақсадимиз. 8-жилд. –Т.: “Ўзбекистон”, 2000. 10. Каримов И.А. Ватан равнақи учун ҳар биримиз масъулмиз. 9-жилд. –Т.: “Ўзбекистон”, 2001. 11. Каримов И.А. Хавфсизлик ва тинчлик учун курашмоқ керак. 10-жилд. –Т.: “Ўзбекистон”, 2002.

O'xshashlar

Динлараро бағрикенглик –тинчлик ва барқарорлик гарови

Миллий ва умуминсоний маънавият хамда уларнинг узаро муносабати

Ижтимоий шериклик имкониятлари

Ислом динида инсон маънавияти масаласи

Ислом динида инсон маънавияти масаласи тасаввуф таълимотида шахснинг маънавий киёфаси