Neft va gazni qayta ishlashga tayyorlash - Konchilik ishi - Referatlar

Neft va gazni qayta ishlashga tayyorlash

Yuklangan vaqt:

13.11.2023

Ko'chirishlar soni:

0

Hajmi:

324.3193359375 KB

Ko'chirib olish

Neft va gazni qayta ishlashga tayyorlash Reja: 1. Neftning tarkibiy tuzilishi. 2. Qayta ishlanigan neftlarga qo’yiladigan standart talablar. 3. Konlarda neftni barqarorlashtirish.

Bizga ma’lumki, neft va gaz, gaz kondensati konlardan burg’ilash yo’li bilan o’z bosimi ostida yoki nasoslar yordamida er qa’ridan qazib olinadi. Dunyo olimlarining fikriga ko’ra neft, gaz va gaz kondensati organik moddalar maxsuli sifatida qaraladi. Ular dastlab dengiz loyihalari orasida qolib ketgan o’simliklarning kimyoviy o’zgarishlari orqali vujudga kelganligi qayd qilinadi. Neft bir jinsli suyuqlik bo’lmay, balki tartibida turli molekula og’irligiga ega bo’lgan uglevodorodlar aralashmasidan iboratdir. Tartibi ham har hil bo’lib, undagi oltingugurtli, azotli, kislorodli va smolasimon moddalar miqdori bilan farq qiladi. Konlardan qazib chiqarilayotgan neftlar o’zi bilan birgalikda yo’ldosh gazlar, qum yoki tuz kristallari va suvni olib chiqadi. Neftdagi yo’ldosh va erigan gazlar separatorlarda quduq bosimidan atmosfera bosimigacha pasaytirish yo’li bilan ajratiladi. Separator yuqori qismidan ajratilgan gaz qisman kondensatdan ajratilib, gazni qayta ishlash zavodlariga yoki qatlam bosimini saqlash maqsadida quduqqa qayta xaydaladi. Neft separatorlardan o’tgandan keyin ham uning tarkibida erigan gazlar qoladi, ya’ni ularning miqdori 4 % (massa) gacha etadi. Separatorlarda gazlarni ajratish bilan bir vaqtda neftdagi mexanik jinslar va suvni katta miqdorini ajratish uchun tindirish jarayoni o’tkaziladi. Neftni qayta ishlash zavodlariga beriladigan neftlar GOST 9965-62 ga muvofiq undagi xloridlar, suv va qo’shimchalar miqdori quyidagi jadvalda keltirilgan. Jadval № 1 Xloridlar 40 mg/litr Suv 0,1% (massa) Mexanik qo’shimchalar 0,05 % (massa) Biroq ushbu talabni hamma vaqt ham bajarish imkoni bo’lmaydi, ayniqsa yangi konlar uchun,shunga ko’ra 1971 yil 1-yanvardan neftni qayta ishlash zavodlariga neftni quyidagi me’yorlarga ko’ra uzatiladi. Jadval № 2

Keraksiz komponentlar Neft navlari I II III IV Xloridlar … dan ko’p emas, mg /l 40 300 1800 3600 Suv … dan ko’p emas, (massa) % 0,2 1,0 1,0 2,0 Mexanik qo’shimchalar … dan ko’p emas, (massa) % 0,05 0,05 0,05 0,05 Neftni fizik barqarorlashtirish jarayoni gaz komponentlarini siqib chiqarish uchun mo’ljallangan. Neft uzatilayotganda atrof muxit temperaturasi va yuqori bosim ta’sirida gazning to’yingan bug’lari o’zi bilan birga benzin frakstiyasidagi kerakli komponentlarni olib chiqadi. Bunday bug’lanishlar rezervuarlarda neft va neft maxsulotlarini qo’yish va bo’shatishda kuzatiladi. Shuning uchun yo’qotishlar 5% (massa) gacha bo’lishi mumkin.Bundan tashqari neft tarkibida gazlarning bo’lishi quvurlarda bug’ tiqinlarini hosil qilish xususiyatiga ega bo’lib, uzatishni qiyinlashtiradi. Neftni barqarorlashtirish qurilmasi konlarda quriladi va ishlatiladi. Faqat neftni barqarorlashtirish uchun bir kolonkali qurilma qo’llaniladi. Ikki kolonnali qurilma esa birida neftni ikkinchisida gazli benzinni barqarorlashtirish o’tkaziladi. Ikki kolonnali qurilmalar asosan tarkibi 1,5 % (massa) dan yuqori bo’lgan erigan gaz tarkibli neftlar uchun foydalaniladi. Ikki kolonnali neftni barqarorlashtirish qurilmasi texnologik sxemasi 1- rasmda keltirigan.

1- r asm. Neftni barqarorlashtirish qurilmasining texnologik sxemasi 1-quvurli pech; 2-13-kolonnalar ; 3,5,4,11,20-nasoslar; 6,17-issilik almashtirgichlar; 7-qizdirgich; 8,14-sovutgich kondensatorlar; 9-gaz-suv ajratgich; 10,16-redukstion klapanlar; 12-qaynatgich; 15-gaz separatori; 18-sovutgich; 19- havoli sovutgich. Kondagi ELOU (elektr tuzsizlantirish va suvsizlantirish) qurilmasi rezervuarlaridan xom-ashyo neft 5-nasos yordamida 6-issiqlik almashtirgich orqali haydalib 7-bug’li qizdirgichda qizdirilib, 60 S atrofidagi temperaturada birinchi barqarorlashtirish kolonkasi 2-ning yuqori tarelkasi ostidan beriladi. Bu kolonna yo’lakchasimon tipidagi tarelkalar bilan jihozlangan bo’lib, ularning soni 16 dan 26 tagacha bo’ladi. Kolonnadagi ortiqcha bosim 0,2-0,4 MRa bo’lishi 8-suvli sovutgich – kondensatorda benzin bug’larini kondensatsiyalanishi uchun qulay sharoit yaratadi. Neft tarelkadan tarelkaga qo’yilishi da yuqoriga ko’tarilayotgan qizigan bug’lar bilan to’qnashadi va yengil frakstiyalari ajrala boradi. Kolonna pastki qismida temperatura 1-chi pech orqali stirkulyastiyalanayotgan barqarorlashgan neft issiqligi hisobidan 130-105 S da ushlab turiladi. Barqarorlashgan neft kolonna pastidek 4-nasos yordamida 6-issiqlik almashtirgich orqali xaydaladi va u o’z issiqligini xom-ashyo neftga beradi.Syongra barqaror neft 19-havoli sovutgichdan

o’tib rezervuarga va neftni qayta ishlash zavodlariga jo’natiladi. 2-kolonna yuqorisidan chiqayotgan gazlar va bug’lar aralashmasi 8-sovutgich –kondensatorda sovutiladi. Gazlar hosil bo’lgan kondensat bilan birgalikda 9-gaz - suv ajratgichga tushadi. Gaz-suv ajratgichning yuqorisidan kondensatsiyalanmagan quruq (tetan, etan) gazlar qurilmadan chiqariladi. Gaz chiqarish quvuriga 10-redukstion klapan o’rnatish orqali 2-kolonnada va 9-gaz-suv ajratgichda bosim barqarorligi saqlanadi. Gaz-suv ajratgich vertikal ustunlarga bo’lingan bo’lib, qurilmaning pastki qismidan suv chiqariladi. Ikkinchi yarimidan ugleodorodlar aralashmasidan iborat kondensat 11-nasos yordamida 17- issiqlik almashgich orqali xaydaladi. Bu erda aralashma taxminan 70 S gacha qizdiriladi va shu xaroratda 13-barqarorlashtiruvchi kolonnaning bug’latish qismiga kiritiladi. Kolonna 30-32 ta yo’laksimon tarelkaga ega bo’lib, undagi bosim 1,3-1,5 MPa da tutib turiladi.13-chi kolonkani yuqori qismidan chiqayotgan gazlarni (propan C 3 H 8 , butan C 4 H 10 ) og’ir qismi 14-suvli sovutgich kondensatorda kondensatsiyalanib, 15-gaz separatorda kondensatsiyalanmaydigan qismidan ajratib olinadi. Kondensatsiyalanmagan gaz 15-gaz-separator yuqorisidan chiqishda 16- redukstion klapandan o’tadi va 9-gaz-suv ajratgichdan kelayotgan gazlar oqimi bilan birlashadi. 13-kolonnadagi bosim 16-redukstion klapan yordamida 1,2-1,5 MPa bosimda ushlab turiladi. 15-gaz-ajratgichning pastidan ajraladigan suyultirilgan gaz 20-nasos orqali yig’gichga xaydaladi. Bir qismi 13-kolonna yuqori tarelkasidan sovuq sug’orish hosil qilish uchun qaytariladi. Kolonna yuqorisidagi harorat 40-50 S da ushlanadi. Erigan gazlarni to’la ajratishiga erishish uchun kolonna pastidagi harorat 120-130 S dan bo’lishi kerak. Bunday temperaturani ta’minlash maqsadida barqaror benzin restirkulyastiyasini 12- qaynatgich orqali bug’ yordamida qizdirish orqali erishiladi. Qaynatgichda benzin 160-180 S gacha suv bug’i bilan qizdiriladi (0,3-0,5 MPa bosimda). Qaynatgichda hosil bo’lgan bug’lar 13-kolonnada, suyuq barqaror qismi esa 12-qaynatgichning ichki to’siqlari orqali sizib o’tib , tizimning bosimi ostida 17-issiqlik almashgichdan o’tib, 18-sovutgichda sovutiladi. So’ngra barqaror

benzin saqlanadigan rezervuarga jo’natiladi. Yengil neftni barqarorlashtirish natijasida uning tarkibidan tetan, etan va propan 95% gacha ajratiladi. Neftni 40 S dagi to’yingan bug’lar bosimi 0,55 dan 0,03 MPa gacha pasayadi, bu esa neftni tashish va saqlashda uning doimiy frakstion tarkibda qolishini kafolatlaydi. Neftni qayta ishlash zavodlarida tuzsizlantirish va suvsizlantirish qurilmasining texnologik tasnifi Neftni qayta ishlash zavodlariga keladigan neftlardagi suvning katta qismi 2-5 mkm diametrdagi suv tomchilaridan hosil bo’lgan emulstiya ko’rinishida bo’ladi. Neftli muhitdan tomchi yuzasiga smolasimon moddalar, asfaltenlar, organik kislotalar va ularni neftda erigan tuzlari adsorbstiyalanadi. Shuningdek, qiyin suyuqlanadigan parafinlarni yuqori dispers zarralari neftga aralashgan bo’ladi. Vaqt o’tishi bilan adsorbstiya qavati qalinlashib, uning mexanik mustaxkamligi ortadi va emulstiya susayishi kuzatiladi. Bu xolatni oldini olish maqsadida ko’pgina konlarda neftga deemulgator qo’shiladi. Deemulgatorlardan neftni suvsizlantirishni termokimyoviy va elektrokimyoviy usullarida foydalaniladi. Deemulgatorlar sarfi har bir tonna neft uchun 0,002 -0,005 % (massa) oralig’ida bo’ladi. Neftni deminirallash-uning korrozion aktivligini kamaytirishning asosiy usullaridan biri bo’lib, xom-ashyo xolidagi neft tarkibidagi mineral tuzlarni maksimal darajada ajratib olishdir. Neft tarkibidagi mineral tuzlar ikki ko’rinishda: 1) uglevodorodlar bilan aralashgan kristallar; 2) Neft tarkibidagi suvda erigan tuzlarning emulstiyasi ko’rinishida bo’ladi. Neft tarkibidagi mineral tuzlar erigan suv tomchisi (emulstiya) o’lchami 1/10 mikron bo’lib, u emulstiya zarrachasi quyidagi ko’rinishda bo’ladi va emulgator zarrachalari yordamida barqarorlashgandir.

1 2 2-rasm. Suv tomchisi emultsiyasi. 1-neft; 2-suv; Neft tarkibidagi emulgatorlar qatoriga quyidagilar kiradi:  naftenatlar;  asfalten yoki oleatlar (organik kislota tuzlari);  temir sulfidi. Emultsiya yadrosini o’rab turuvchi qatlam murakkab, ko’p qavatli tuzilishiga ega ekanligi sababli tomchilarni o’zaro bir-biriga qo’shilib ketishi (dekantatsiyasi)ga qarshilik qiladi. Emultsiyaning "yoshi" qanchalik katta bo’lsa, uning buzilishi shunchalik qiyin va barqarorligi yuqori bo’ladi. Deminerallash jarayoni maqsadi - neft xom ashyosi tarkibidagi barcha mineral tuzlarni "evakuatsiya" qilishdir. Bu jarayon demineralizatorda amalga oshirilib, quyidagi o’zaro ketma-ket boruvchi bosqichlardan iborat:  "neft - suv" yupqa qatlami orqali mineral tuzlarni "deminerallash suvi"ga o’tkazish;  elektr maydoni ta’sirida tuzga to’yingan suv tomchilarini elektrokoalestsentsiya yo’li bilan yiriklashtirish;  gravitatsiya kuchlari ta’sirida neft xom ashyosi tarkibidagi suvni ajratish. Demineralizatorning umumiy ko’rinishi 3-rasmda keltirilgan.

Xom-ashyo, neft Issiq suv Sho'r suv Deminerallangan neft pH-metr “ Neft-suv” chegara qavatiTo'siq yoki deflegmator Elektrodlar 3-rasm. Elektrodemineralizatorning printsipial sxemasi. Uning ishlash printsipi: a) Neft tarkibidagi tuzlarni suvda diffuziyalanishini ta’minlash. Buning uchun qaynoq suv bir necha joydan neft tarkibiga purkaladi va emultsiyalangan "neft - suv" aralashmasi demineralizatorga yuboriladi. Suvning umumiy miqdori 3 - 6% ni tashkil etib, aralashtirgich yordamida aralashtirilib turiladi. b) Suv tomchilarini elektrokoalestsentsiyalash. Suvning neftdagi emultsiyasi uzluksiz neft fazasida suv tomchilarining tarqalishidan hosil bo’lgan 1/9 mikron o’lchamdagi zarrachalardan iborat. Bu zarrachalarni neft tarkibidan ajratish (separatsiyalash) uchun gravitatsion ta’sir tufayli yiriklashtirilib, suv qatlam holiga o’tkaziladi (dekantatsiyalanadi).

Suv tomchilarining o’zaro birikib yiriklashuvi - koalestsentsiya hodisasi deyiladi. Bunga quyidagi omillar to’sqinlik qilishi mumkin:  juda yuqori tezlikda neft va suvni aralashtirish natijasida barqaror emultsiya hosil bo’lishi;  suv tomchilarining o’zaro qo’shilishini qiyinlashtiruvchi moddalar (naftenatlar va temir sulfid)ni tomchilar atrofida yig’ilib qolishi;  aksariyat hollarda yuqoridagi omillar ta’sirini kamaytirish suv va tuzni ajratib olish uchun elektrokoalestsentsiya usulidan foydalaniladi. Suv molekulalarida kislorod atomi ( q- ) zaryadga vodorod atomlari ( q+ ) zaryadlanib qutbli tuzilishga ega. Suvda Na + , Mg +2 , Ca +2 , Cl - ionlari erishi tufayli uning qutbliligi yanada ortadi va tashqi elektr maydoni ta’sirida "dipol - dipol" o’zaro ta’siri sababli tomchilarning o’zaro qo’shilishi tezlashadi Neft tarkibida suvning protsent miqdorining yuqoriligi va elektr maydoni kuchining kattaligi deminerallashgan suv miqdorini oshiradi. Elektrokoalestsentsiyalanishning asosiy vazifasi suv molekulalarining qutbliligidan foydalanib, ularni birlashtirishdan iborat (4-rasm): 4-rasm. Tomchilarning qo’shilishi: (1) suv tomchilarning o’zgaruvchan tok ta’sirida batartib joylashuvi va harakati; (2) suv tomchilarining o’zaro tortish kuchi osonlashadi va elektrokoalestsentsiya yuz beradi. c) Neftdagi suv emultsiyasining buzilishi. Emultsiya holida neft ichida tarqalgan suv tomchilari turli kuchlar ta’sirida qo’shiladi va solishtirma og’irligi moysimon qatlamnikidan katta bo’lgani (ρ=2 g/sm 3 ) uchun deminerilizator tubida

yig’iladi. Bu jarayon ma’lum vaqt oralig’ida ro’y beradi. Bu oraliq: - suv tomchilari diametri kattalashuvi; - suv va neft fazalari zichliklari o’rtasidagi farqning ortishi; - neftning qovushqoqligi kamayishi bilan kamayadi. Demineralizator neft xom-ashyosini qovushqoqligi 2-5 mm 2 /santistoks bo’lgunga qadar 20 - 30 daqiqa davomida ajratishga rejalashtirilgan. Demineral- langan neft idishning yuqori qismida gorizontal holda joylashgan quvurlarda ( kol- lektorlarda) yig’iladi. Ajratilgan suv idish tubidagi moslamalar orqali chiqarib yuboriladi. Demineralizatorning asosiy ishchi parametrlari qatoriga quyidagilar kiradi:  harorat;  yuvuvchi suvning % miqdori;  suvni purkash nuqtasi;  aralashtirgich klapanida kuch (bosim)ning kamayashi;  deminerallash suvining chiqarish quvurii;  neft va suv sirt chegarasi sathi;  deemulgatorning yetkazib berilishi quvuri. Deminerallangan neft tarkibida 2-7% gacha suv qolib ketadi, lekin suv tar- kibidagi tuzning miqdori ancha kamayadi. Deminerilizatorning ish unumi 95% ni tashkil etadi. Lekin, qoldiq suv tarkibidagi tuz gidrolizlanib HCl ni hosil qiladi. Bu modda ta’sirida haydash kolonnasining "boshagi" korroziyalana boshlaydi. Shu sababli demineralizatsiyalangan neft qayta (qo’shimcha) neytrallanadi.

Deminerallashdan keyingi qo’shimcha neytrallash . Bu jarayonning vazifasi deminerallangan neftga soda (Na 2 CO 3 ) eritmasini yuborish. Bundan maqsad qolgan tuzlar (MgCl 2 , CaCl 2 ) ni Mg (OH) 2 va CaCO 3 holida ajratib chiqarish. Neftda qisman qoladigan NaCl atmosferali haydash cho’kmasi bilan chiqarib yuboriladi. Bu jarayon unumdorligiga halaqit beradigan omillar:  "neft-suv" muhitida kam miqdordagi tuzlar bilan neytrallovchi reagent o’rtasidagi o’zaro ta’sirlashuvning qiyinligi;  ortiqcha olinishi mumkin bo’lgan soda ta’sirida jihozlarning yemirilishini oldini olish uchun zarur bo’lgan soda miqdorini aniqlash (hisoblash). Sodaning miqdori 5 - 10 ppm ni tashkil etadi. Yuqorida aytib o’tilgan tadbirlar amalga oshirilgandan so’ng deminerallangan neft atmosferali haydash kolonnasi boshagidagi kondensatorda yig’iladi. Uning tarkibi uglevodorod va oz miqdordagi suv aralashmasidan iborat bo’lib, oson kondensatsiyalanadi. Kondensatsiyalanish "neft / suv" nisbatiga (ularning partsial bosimlariga) bog’liq. Uning oldini olish uchun kondensatsiyalanishning quyidagi ikki usulidan foydalaniladi: 1. Suvli muhitdagi HCl ni neytrallash. 2. Metall sirtida himoya pardasi hosil qiluvchi aminobirikmalarni purkash. HCl ni neytrallash ikki usulda amalga oshiriladi: a) Ammiak bilan neytrallash. Bu usulda sistemaga gaz holidagi ammiak yuboriladi va HCl gazsimon holdagi amoniy xlorid tuziga aylantiriladi. Bu tuz kondensatsiyalangan suvda erib HCl hosil qiladi va uning miqdorini pH-metriya usuli bilan aniqlab, neytrallangan HCl miqdori aniqlanadi. Bu usulning kamchiliklari: 1)Sistemadagi HCl miqdori ko’p bo’lsa, ko’p miqdorda tuz hosil bo’lib, gaz holidan kristall holidagi moddaga aylanadi va kondensatsiyalanishdan avval tuz cho’kindisi kolonna tubida cho’kadi, natijada cho’kindi ta’siridagi juda xavfli korroziya turini keltirib chiqaradi. Bu "boshak"dagi xloridlar miqdori > 50 ppm bo’lganda sodir bo’ladi. 2)Ammiak sistemaga kiritilganda pH ning ortishi oqibatida gaz holidagi H 2 S ning suvda eruvchanligi ortadi. Bu qo’shimcha H 2 S - li

korroziya jarayoni yuz berishiga olib keladi. Buning oldini olish uchun deminerallash suvini qizdirib, erigan ammiakni bug’latib turish kerak. b) Neytrallovchi aminobirikmalardan foydalanish. Atmosferali haydash kolonnasida vodorod xloridni neytrallash uchun morfolin - geterotsiklik amino birikma O (CH 2 - CH 2 -) 2 NH dan foydalaniladi. Uning ta’sirida: O (CH 2 - CH 2 ) 2 NH + HCL = O(CH 2 CH 2 ) NH 2 + Cl - reaktsiya borib, suvda eruvchan barqaror tuz hosil bo’ladi. Jarayonning afzalligi. 1. Idish tubi(devori)da korroziya keltirib chiqaruvchi cho’kindi hosil qilmaydi; 2. Kolonnadagi chiquvchi maxsulotda pH-ni aniq va oson nazorat qilish imkoniyatini beradi. Jarayonni ishlatish usuli. Neytrallovchi aminobirikma kolonnaga kondensa- tsiyalanish boshlanishidan avval purkalanadi. Deemulgatorlar adsorbstiya qavatini buzib moyda suv tomchilarini bir-biriga qo’shilishidan yirik tomchilar hosil qiladi, va emulstiyani tindirish orqali ajralishi tezlashadi. Bu jarayon yuqori temperaturada ( odatda 80-120 S) tez boradi. Shuni e’tiborga olish kerakki, 120 S dan yuqori temperaturada neft qovushqoqligi kam o’zgaradi, shuning uchun deemulgatorlar ta’sir samarasi sezilarli darajada ko’tarilmaydi. Neftni qayta ishlash zavodlarida uch turdagi elektrodegidratorlar ishlatiladi- vertikal, gorizontal, sharsimon. Elektrodegidratorlar tavsiflari quyidagi jadvalda keltirilgan: Jadval № 3 Ko’rsatkichlari Vertikal Sharsimon EDSh – 600 Gorizontal 1EG - 160 2EG - 160 Diametr, m 3 10.5 3.4 3.4 Hajmi, m 3 30 600 160 160 Ruxsat etilgan temperatura, 0 C 70-80 100 110 160 Me`yoriy bosim, MPa 0.34 0.69 0.98 1.76 Quvvati, t/soat 10-12 230-205 180-190 200-250 Elektrodlar orasidagi 27-33 32-33 22-44 22-44

kuchlanish, kV Elektr tuzsizlantirish qurilmalari ikki bosqichda ajratuvchi, ya’ni 1-bosqichda sho’r suvlarni 70-80 % (massa) ni va tuzlarni 95-98% (massa) sini ajratadi. 2-bosqichda esa qolgan emulstiya suvlarini 60-65 % (mass)ni va tuzlarni taxminan 92% (mass) sini ajratadi. Zamonaviy elektrtuzsizlantirish qurilmalari orasida gorizontal elektrodegidratorlar imkoniyatlari yuqoriligi va ko’pgina qulayliklarga egaligi bilan ajralib turadi, ya’ni uning elektrodlar yuzasi kattaligi, ishlab chiqarish quvvati yuqoriligi, shuningdek, neftning vertikal harakat tezligini past bo’lishidadir. Bu esa jarayonni ancha yuqori temperatura va bosimlarda o’tkazish imkonini berib, suvni yaxshi cho’kishini ta’minlaydi. Elektrodlar orasidagi ruxsat etilgan kuchlanishni (22-44 kV) oshirish samarasizdir, ya’ni suv tomchilari ajralishi qaytar xolatga o’tib, emulstiya mustaxkamligini oshishiga olib keladi. Gorizontal elektrodegidratorli ikki bosqichli elektrtuzsizlantirish qurilmasi 5- rasmda keltirilgan. Xom-ashyo neft 1-nasos yordamida issiqlik almashgich 2 va 3- bug’li qizdirgich orqali o’tib 110-120 S haroratda 4-elektrodegidratorni 1- bosqichiga tushadi. Neftni 1-nasos yordamida haydashdan oldin unga deemulgator, 3-chi bug’li qizdirgichdan so’ng esa 7-nasos yordamida ishqor eritmasi qo’shiladi.

5-rasm. Neftni elektr kuchlanish yordamida suvsizlantirish va tuzsizlantirish qurilmasi texnologik sxemasi: 1, 7, 8, 13, 14- nasoslar; 2- issiqlik almashtirgich ; 3, 9- qizdirgichlar; 4, 11- elektrodegidr atorlar; 5- injektorli aralashtirgich

Bundan tashqari, elektrodegidratorlar 2-bosqichdan ajratilgan suv 13-nasos yordamida xom-ashyo neftga qo’shiladi. Neft 5-intektorli aralashtirgichda teng miqdorda ishqor va suv bilan aralashtiriladi. Ishqor eritmasini kiritishdan maqsad quduqlarni kislotali ishlov berish vaqtida neftga tushgan korroziya chaqiruvchi vodorod sulfid kislotalarini neytrallash, suv esa-tuz kislotalarini yuvish uchun ishlatiladi. Neft 4- elektrodegidrator pastidan gorizontal teshiklar ochilgan 21-tarqatish quvuri orqali kiritiladi. Tuzsizlantirilgan neft elektrodegidrator yuqori 19- kollektoridan chiqariladi. Suvning ajralgan qismi drenaj kollektori 22 orqali kanalizastiyaga yoki 12-qo’shimcha tindirgichga yuboriladi. Tindirgichdan ajratilgan suyuq aralashma 14-nasos yordamida jarayonga qaytariladi. Elektrodegidrator 1-bosqichida to’la suvsizlantirilmagan neft bosim ostida 2- bosqichga o’tadi. Diafragmali 10-aralashtirgichda neft oqimi toza kimyoviy suv bilan yuviladi. Yuvish uchun beriladigan suv oldindan 9-bug’li qizdirgichda 80- 90S da qizdiriladi. Suvning sarfi 5-10 % (mass) ni tashkil etadi. Tuzsizlantirilgan va suvsizlantirilgan neft elektrodegidrator 1-bosqichidan chiqarilib rezervuarga yuboriladi. Elektrodegidratordagi suv sathi avtomatik tarzda tutib turiladi. Elektrodegidratorlar 1 va 2 bosqichlardan katalizastiyaga tushuvchi suv qismini tindirilganlik sifat nazorati 15-kuzatuv fonaridan o’tadi.

Adabiyotlar : 1. Альбом технологических схем ы процесс ы переработки нефти и газа. //Под. Ред.Бондаренко Б.И. М., Химия, 198 4 . 1 2 4 с. 2. Смидович Е.В. Технология переработки нефти и газа, ч. 2; Учеб. для вузов. М., Химия, 1980. 328с. 3. Суханов В.П. П ереработк а нефти . М.: Высшая школа , 19 74 . 252 с.

O'xshashlar

Sanoatda neft, gaz kondensati va gazni qayta ishlash

Neft va gazni qayta ishlash korxonalarining jihozlarini sinflash hamda hisoblash usullari

Neft va gazni konda yig’ish tizimlari

Tabiiy gazlarni qayta ishlashga tayyorlash, gaz gidratlari hosil bo’lishining oldini olish

Gazni qayta ishlash zavodlaridagi asosiy tehnologik jarayonlar tavsifi