Нусрат Агзамович Парпиев - Kimyo - Referatlar

Нусрат Агзамович Парпиев

Yuklangan vaqt:

20.09.2019

Ko'chirishlar soni:

0

Hajmi:

27.3125 KB

Ko'chirib olish

Нусрат Агзамович Парпиев Нусрат Агзамович Парпиев 1931 йилда Тошкент шаҳрида туғилган. Ўрта мактабни битиргач, 1948 йилда Ўрта Осиё Давлат университетининг (ҳозирги Узбекистан Миллий университети) кимё факультетига ўқишга кирди. Уни 1953 йилда битириб, Москва Давлат университети кимё" факультетининг аспирантурасида ўқиб, 1958 йилда номзодлик, 1974 йилда «Ноорганик кимё» мутахассислиги бўйича докторлик диссертациясини ҳимоя қилди. 1984 йил сентябрь ойида Узбекистан Республикаси Фанлар академиясининг кимё - технология бўлими бўйича мухбир аъзоси (академик) қилиб сайланган. Н. Парпиев ўз иш фаолиятини Узбекистан Республикаси Фанлар академиясининг Кимё (ҳозирги Умумий ва ноорганик кимё) институтида бошлаган. Бу ерда у 18 йил давомида кичик, катта илмий ходим, лаборатория мудири ва илмий ишлар бўйича директор муовини лавозимларида ишлаб келган. У академияда тадқиқотнинг физик-кимёвий услублари лабораторияси ва оралик металларнинг координацион бирикмалари кимёси бўйича илмий йўналишларнинг ташаббускори ва ташкилотчисидир. 1976 - 1977 йиллар давомида Ўрта Осиё нефтни қайта ишлаш саноати илмий- тадқикрт институти директори, 1977 — 1989 йилларда Бухоро Озиқ- овқат ва енгил саноат технологияси институти ректори бўлиб ишлади. Н.Парпиев 1989 - 2010 йилларда ЎзМУ (ТошДУ) Кимё факультети «Ноорганик кимё» кафедрасининг мудири, 1992 йилдан бошлаб Тошкент Давлат университетининг биринчи прорекгори ва 1994 — 2001 йиллар давомида Тошкент Кимё-технология институтининг ректори, 1994 — 2000 йиллар давомида Узбекистон Республикаси Фанлар академиясининг Президиуми аъзоси ва кимё- технология бўлими раиси лавозимларида хизмат қилди.

Академик Н.Парпиев ноорганик кимё соҳасидаги долзарб йўналиш бўлган координацион (комплекс) бирикмалар кимёси бўйича самарали меҳнат қилаётган йирик олимдир. У ва унинг раҳбарлигидаги жамоанинг илмий йўналиши - янги комплекс бирикмаларни олиш, физикавий ва кимёвий хоссаларини ўрганиш билан бирга замонавий экспериментал ва ҳисоблаш усулларини кўллаб синтез қилинган бирикмаларни амалиётга татбиқ қилиш билан боғликдир. У шогирдлари билан 1000 дан ортиқ янги комплекс бирикмаларни синтез килди, 200 дан ортиқ комплексларнинг тузилиши рентгенструктуравий таҳлил оркали ўрганилди ва таҳлил натижалари кристаллструктуравий натижаларнинг Кембриж банкига жойлаштирилган. Қаттиқ ва суюқ фазадаги комплекс ҳосил бўлиш жараёнларининг реакция механизмлари аниқланган. Н.Парпиев раҳбарлик қилиб келаётган координацион бирикмалар кимёси илмий макгабида нафақат фундаментал масалалар, балки координацион бирикмаларни амалиётда кўллаш соҳаларига ҳам катта эътибор берилиб келинмокда. Масалан, синтез қилинган қатор координацион бирикмалар асосида металларнинг миқдорини аниқлаш, ўта тоза ҳолдаги металл бирикмаларини ажратиб олиш усуллари аникланди ва ишлаб чиқаришга жорий қилинди. Таркибида олтингугурт ва фосфор тутган органик моддаларнинг рангли ва қимматбаҳо металлар билан координацион бирикмаларини ўрганиш асосида платина гуруҳи металларини экстракция усули билан ажратиб олиш мумкинлиги аниқланди. Координацион бирикмаларнинг биологик фаол хоссаларини ўрганиш натижалари ванадил, кобалт ва мис ионларини аминокислоталар, амидлар ва гидразонлар билан, бирикмаларини камқонликда, ванадилни сарколизин, глютамин ва кобалт. никелни гидроксам кислоталари билан, бирикмалари эса саратон касаллигига ҳамда мис ва руҳни тиазол ва тиадиазол ҳосилалари билан комплекс бирикмалари турли вируслар, эхинококка қарши қўлланилиши тавсия этилди. Шунингдек, синтез килинган комплекслар

кучли стимуляторлик хоссага эга эканлиги ҳам аниқланган ва қўлланилиши тавсия этилган. Н.Парпиев ва унинг шогирдларининг куп йиллик меҳнатлари туфайли координацион кимёнинг назарий асослари ва амалий ечимлари исботланди ва ривожлантирилди. Буларнинг самараси куйидаги чоп этилган монографияларда намоён бўлди: Ю.Н.Кукушкин, О.Ф.Ходжаев, В.Ф.Буданова, Н.А.Парпиевларнинг «Термолиз координационных соединений» (Тошкент, «Фан», 1986); А.Г.Ганиев, О.Ф.Ходжаев, Х.Х.Тўраевларнинг «Экстракция благородных металлов производными дитиофосфорных кислот и их радиоактивационное определение» (Тошкент, «Фан», 1998); Н.А.Парпиев, А.Кушакбаев, М.М.Азизовларнинг «Координа - ционные соединения металлов с лекарственными препаратами» (Тошкент, «Фан», 1982); А.Г.Ганиев, О.Ф.Ходжаев, Х.Х.Тўраев- ларнинг «Закономерность трансвлияния в комплексных Соединениях кобальта» (Тошкент, «Фан». ' 1998); Б.Б.Умаров, Н.А.Парпиевларнинг «Фторли Р - дикетон ҳосилалари ва уларнинг комплекс бирикмалари» (Тошкент, « Dizayn - press », 2012) асарлари ва бошкалар. Академик Н.Парпиевнинг шогирдлари билан олиб борган тадқиқотлари фақатгина фундаментал ва назарий аҳамиятга эга бўлмасдан, балки амалий аҳамиятга хам эгадир. Молибден, рений, вольфрам ва симобни аниклаш ҳамда юқори даражада тоза молибден олишнинг термик усули ишлаб чиқилди. Бу ишлар бевосита назарий изланишлар натижаси бўлиб, амалиётда Узбекистон қийин эрувчан ва ўтга чидамли металлар комбинатида татбиқ қилинди. Ишларнинг яна бир амалий томони шундаки, олинган комплексларнинг айримлари юқори каталитик ва биоактив хусусиятга эгадир. Н.Парпиевнинг илмий ишлари натижалари хорижий ва республика миқёсидаги илмий журналларда чоп этилган. 750 дан зиёд мақола, 7 та монография ва тўпламлар, 22 та муаллифлик гувоҳномалари ва 3 та патент илмий жамоатчиликка етказилган. Олим томонидан узбек тилида ноорганик кимёдан 3 та дарслик ва 15 дан ортиқ ўқув ва услубий қўлланмалар ёзилган.

Академик Н.Парпиев кенг кўламдаги илмий-педагогик ишларни олиб боради, илмий ва услубий жиҳатдан умумий ва ноорганик кимё курсларидан маърузалар ўқийди ҳамда олий даражадаги малакали кадрлар тайёрлашга ҳам катта эътибор беради. Унинг раҳбарлигида 11 та докторлик ва 35 та номзодлик диссертациялари тайёрланди ва муваффакиятли ҳимоя қилинди, бир қатор докторлик диссертациялари якунланиш арафасида турибди. Н.Парпиевнинг илмий-ташкилий фаолияти серқирра бўлиб, у жамоат ишларида ҳам фаол қатнашиб келади. Узбекистон кимёгарлар жамиятининг раиси, Узбекистон олий ва ўрта махсус таълим вазирлиги кошидаги илмий- услубий бирлашмалар фаолиятини мувофиклаштирувчи Кенгаш Президиумининг аъзоси. Узбекистон Республикаси Вазирлар Маҳкамаси қошидаги Олий Аттестация Комиссияси Президиумининг аъзоси. Узбекистон Фанлар академияси қошидаги докторлик диссертациясини ҳимоя қилиш махсус кенгаши аъзоси, Узбекистон кимё журнали редколлегияси аъзоси ва Узбекистон Олий ўкув юртлари ахборотномаси журнали «Химия ва биология» сериясининг бош муҳаррири сифатидаги ишлари бунга ёркин мисол бўла олади. •2001 йилдан бошлаб, академик НПарпиев раҳбарлигида мунтазам равишда Республика миқёсидаги кимё ва кимё- технологиянинг долзарб муаммолари бўйича илмий-амалий конференциялар ўтказилиб келинмоқда. 1996 йилда унинг узбек тилида «Координацион бирикмалар кимёси» дарслиги нашр этилиб, ҳозир кимё йўналишидаги барча олий ўкув юртларида фойдаланилмоқда. Шунингдек, 2000 - 2002 йилларда узбек тилида нашр этилган «Анорганик кимёнинг назарий асослари» ва «Анорганик кимё» дарсликлари пайдо бўлиши ҳам Н.Парпиевнинг илмий мактаби билан боглик бўлди. Буларнинг барчаси академик Н.Парпиевнинг нафақат республикамиз олимлари жамоатчилиги ўртасида, балки чет давлатлардаги олимлар ораеида ҳам чуқур хурмат қозонишига олиб келди. У 1998 йилда Олий Таълим Халқаро Фанлар академиясининг ҳакиқий аъзолигига сайланди ва кимё фанини ривожлантиришга ҳамда ўқитишга қўшган улкан хизматлари учун

Америка биографик институти унинг номиии «Халқаро буюк шахслар каталоги» таркибига киритди. У «Ҳурмат белгиси» ордени, бир неча медаллар ва «Фахрий ёрлиқлар» билан тақдирланган. Академик Н.Парпиев ҳозирги кунда ҳам шогирдлари ва ҳамкасбларининг илмий изланишларида фаол иштирок этмоқда. Унинг олим, устоз ва жамоат арбоби сифатидаги серқирра ҳаёт йўли ўсиб келаётган ёш авлодга намунадир. Мирзо Улуғбек номидаги Узбекистон Миллий университетида Н.Парпиев етакчилигида самарали фаолият кўрсатаётган илмий мактаб катта хизмат кўрсатиб келмоқда. Ушбу илмий мактаб келажакда янада ривож топиб, ҳар томонлама тармоқ отиб боришига ишончимиз комил. Чунки, ҳозир унинг икки авлод олимлари давомчилари ҳисобланган учинчи авлод вакиллари ҳам Ватанимиз кимё фани ривожига ҳисса қўша бошладилар.

Адабиётлар: 1.Каримов И.А. “Ўзбекистон ХХI аср бўсағасида: хавфсизликка тахдид ва барқарорлик шартлари ва тараққиёт кафолатлари.”Т. 1997 105-128 бетлар. 2.Тўхтаев А. “Экология” Т. Ўқитувчи-1998. 3.Ғуломов М. Жўраев Й. “Экология. Жиноят ва жазо” Т. 1991 4.Алимов Т.А. Рафиқов А.А. “Экология хатолик сабоқлари” Т. “Ўзбекистон”1991

O'xshashlar

Qaytar va qaytmas kimyoviy reaktsiyalar. Kimyoviy muvozanat

Oksidlanish qaytarilish reaksiyalari

Kimyoviy reaktsiyalar

Kvant sonlari haqida tushuncha

Kimyoviy kinetika va termodinamika asoslari