Улоқтиришлар бўйича мусобақа қоидалари - Jismoniy tarbiya - Referatlar

Улоқтиришлар бўйича мусобақа қоидалари

Yuklangan vaqt:

20.09.2019

Ko'chirishlar soni:

0

Hajmi:

378.5 KB

Ko'chirib olish

Улоқтиришлар бўйича мусобақа қоидалари Режа: 1. Уринишларнинг бажарилиши 2. Натижаларни ўлчаш

Ҳакамлар гуруҳи таркиби, уларнинг ҳуқуқ ва мажбуриятлари. Катта ҳакам: - мусобақа ўтказиладиган жой ва асбоб-анжомларнинг тайёргарлик ҳолатини текширади; - мусобақаларнинг уюштирилган ҳолда талаб даражасида ўтказилишини таъминлайди ва уларни ўтказиш жойларида тартиб сақланишини, хавфсизлик таъминланишини кузатиб туради; - қоидаларга риоя этилишини талаб қилади ва ўз қарорини тегишли байроқчани кўтариш орқали ифодалайди: оқ ранг – тўғри; қизил ранг – уринишни амалга ошириш қоидаларининг бузилиши, натижанинг ўлчанишини назорат қилади; томошабинлар, иштирокчилар ва ҳакамлар учун зарур ахборотларнинг етказилишини таъминлайди; - иштирокчини бир уринишига бир минут вақт ажратилади, иштирокчини уринишни амалга ошириш вақтини чўзганлиги учун огоҳлантиришга, уни навбатдаги уринишдан маҳрум этишга, иштирок-чини қоидаларни бузганлиги учун дисквалификация қилишга ҳақли; - рекорд ўрнатилган ҳолларда бош ҳакам иштирокида натижани назорат қилиш мақсадида ўлчашни амалга оширади; - совриндорларнинг мукофотлаш маросимига қатнашишини таъминлайди; - мусобақалар давомида асбоб-ускуналар ва жиҳозларнинг бутлиги учун жавоб беради. Ўлчовчи ҳакамлар: - катта ҳакам томонидан иштирокчининг уринишни тўғри бажарганлиги тўғрисида сигнал берилганидан кейин снаряднинг ерга тушган жойини белгилайдилар, сўнгра натижани ўлчайдилар; - катта ҳакамнинг кўрсатмаси билан ҳакамлардан бири уринишни тўғри бажарилганлигини кузатади, ҳакамлик холисона бажарилиши учун;

- ҳакамларга иштирокчиларнинг ҳисобга олинмаган уринишла-рини ўлчаш, шунингдек, асоссиз равишда уларга қўшимча уриниш учун имконият бериш тақиқланади. Котиблар: - баённома асосида иштирокчиларни қайд этадилар; - иштирокчиларни уринишни бажаришга чақирадилар ва уринишни бажариш учун ажратилган вақтни назорат қиладилар; - мусобақалар баённомасини ёзиб борадилар, мукофотлаш варақасини тузадилар. Юксак даражадаги мусобақаларда улоқтиришлар бўйича гуруҳларда санаб ўтилган ҳакамлардан ташқари ахборотчи ҳакамлар ҳам иш олиб борадилар. Мусобақа ўтказишнинг умумий шартлари. Малакавий (саралаш) мусобақалар: - малакавий мусобақалар иштирокчиларнинг миқдори жуда кўп бўлган ҳолларда ўтказилади. Бу мусобақаларда кўрсатилган натижалар финал мусобақаларида ҳисобга олинмайди; - мусобақаларнинг финал қисмига нуфузли мусобақаларда камида 12 спортчи, республика миқёсидаги мусобақаларда камида 8 сротчи чиқиши керак; - малакавий мусобақаларда ҳар бир иштирокчининг учта уринишни бажаришига рухсат этилади. Малакавий меъёрни бажарга-нидан кейин спортчи саралаш мусобақаларида қатнашишни давом эттира олмайди; - агар ҳеч бир спортчи белгиланган малакавий меъёрни бажармаган бўлса ёки уни талаб этилганидан камроқ спортчилар бажара олган бўлсалар, у ҳолда финалчилар гуруҳи саралаш мусобақаларида кўрсатган натижалари бўйича спортчиларни қўшиш ҳисобига зарур миқдоргача кенгайтирилади. Финал мусобақалари:

- иштирокчилар кетма-кетлиги натижасига қараб белгиланади, суст натижали спортчи биринчи бўлиб финал ҳаракатларини бажаради, охирида эса энг яхши натижа кўрсатган улоқтирувчи ҳаракатини бажаради; - улоқтиришнинг барча турларида агар саккиз нафардан ортиқ иштирокчи мусобақалашаётган бўлса, уларнинг ҳар бирига учта уринишни бажариш учун имконият берилади, энг яхши натижаларни кўрсатган саккиз иштирокчи учта қўшимча (финал) уринишни бажариши мумкин. Охирги саралаш ўрнини аниқлашда, агар икки ёки ундан ортиқ иштирокчи кўрсатган натижалар тенг бўлиб қолса, уларнинг барчасига финал уринишларини бажаришга рухсат этилади; - агар мусобақада иштирокчилар сони 8 нафар ёки ундан кам бўлса, уларнинг ҳар бирига олтитадан уринишни бажаришга рухсат этилади. Сўнгра уч уриниш дастлабки уч уринишдан кейин қайд этилган натижаларга нисбатан тескари тартибда бажарилади; - алоҳида ҳолатларда бош ҳакам қарорига кўра улоқтиришлар бўйича мусобақаларнинг барча иштирокчилари учала уринишни кетма-кет бажарадилар, бунда иштирокчи ҳар бир уринишни бажарганидан сўнг айланадан чиқиши шарт; - иштирокчи фақат мусобақа ўтказиладиган жой тайёр бўлгач, ҳакам уни чақирганидан кейингина уринишни бажаришга киришиши мумкин; - иштирокчи навбатдаги уринишни бажаришдан бош тортиши мумкин, бунда у кейинги уринишларни бажариш ҳуқуқидан маҳрум этилмайди; - уриниш бажарилганидан сўнг, агар қоидалар бузилмаган бўлса, катта ҳакам “Ҳисоб!” сигналини бериб, айни вақтда оқ байроқчани кўтаради ёки, қоидалар бузилган ҳолларда “Йўқ!” сигналини бериб, қизил байроқчани кўтаради; - улоқтиришлар бўйича мусобақалар баённомасини юритишда уринишлар ҳақидаги маълумотлар шундай белгиланади: ҳисобга олинган

уринишда ўлчаш натижаси ёзиб қўйилади, ҳисобга олинмаган уринишда “Х” белгиси қўйилади, уриниш ўтказиб юборилса, “-“ белгиси қўйилади; - мусобақа иштирокчиларининг шахсий ўринлари финалда қатнашган спортчилар орасида дастлабки ва финал мусобақаларининг барча уринишларида кўрсатилган энг яхши натижага қараб тақсим-ланади; - финалга чиқмаган иштирокчилар орасида ўринлар дастлабки мусобақаларнинг натижалари бўйича тақсимланади; - натижалар тенг бўлган ҳолларда, мусобақалар давомида кўрсатилган иккинчи энг яхши натижа, кейин, агар зарур бўлса, учинчи энг яхши натижа ва ҳ.к. эгалланадиган ўринга таъсир кўрсатади. Sho t Put -Introd uc tion Правила соревнований КРУГ ИСЕКТОР СЕГМЕНТ 2 of 17 рaсм. Ядрo итқитиш бўйича мусобақа ўтказиш жойи. Уринишларнинг бажарилиши - я дрoни итқитиш айлана ичида туриб амалга оширилади. Спортчи уринишни айлана ичида эгалланган вазиятдан бажариши керак. Ядрo улоқтиришда сегмент, металл ҳалқанинг ички қисмига тегиниш мумкин; - агар спортчи уринишни амалга ошириш жараёнида ядрoни қўлидан нотўғри чиқарса ёки уринишни бошлар экан, танасининг ҳар қандай қисмини айланадан ташқаридаги ерга ёхуд металл ҳалқанинг юқори четига; ё

сегментнинг юқори четига; ёки танасининг бирор қисми ё қўл-оёғини чизиққа ёхуд сектор ортидаги ерга теккизса, уриниш ҳисобга олинмайди; - уринишни бажариш давомида қоидалар бузилмаган бўлса, спортчи бошлаган уринишини тўхтатиб, снарядни сектор ичига ёки унинг ташқарисига қўйиб, сектордан чиқиши, кейин эса секторга қайтиб, яна уринишни бошлаши мумкин; - уриниш ҳисобга олиниши учун ядрo ерга тушиш секторининг ички ҳудуди чегараларида тўлиқ ерга тушиши шарт; - снаряд ерга тегмагунича спортчи айлана ёки сектордан чиқмаслиги керак. Айланадан чиқишда металл ҳалқа четига ёки айлана ташқарисидаги ерга биринчи тегиниш фақат айлана ташқарисига чизилиб, унинг шартли марказидан ўтадиган оқ чизиқ (“мўйлoвчaлaр”) ортидан амалга оширилиши мумкин; - уриниш бажарилганидан сўнг снарядни айлана ёнидаги ҳудудга қайтариб олиб келиш, лекин ҳеч қачон ташламаслик керак; - уринишга тайёрланиш ва уни амалга ошириш учун иштирок- чиларга 1 дақ вақт берилади. Натижаларни ўлчаш - ҳар бир натижа уриниш бажарилганидан кейин дарҳол я дрo қолдирган изнинг яқиндаги чегарасидан айлана марказига йўналган чизиқ бўйлаб айлана ҳ алқаси ёки сегментнинг ички қисмигача ўлчанади; - истисно сифатида (учинчи даражали мусобақаларда ёки ноқулай об- ҳаво шароитида) ўлчашни кетма-кет бажарилган уч уринишдан сўнг ёки мусобақалар тугагач амалга оширишга рухсат этилади; - барча улоқтиришларнинг натижалари ўлчанаётган масофа тўлиқ 1 см гача аниқлик билан қайд этилади. Ядрo улоқтириш бўйича мусобақа ўтказишнинг ўзига хос хусусиятлари:

- ядрo турган жойдан, бурилиб ёки ҳаккалаб, бир қўл билан елкадан итқитилади. Спортчи уринишни бажариш олдидан айлана ичида жойлашган заҳоти ядрo бўйин ёки иякка теккизилиши ёки шу ҳолатда тутиб турилиши, итқитиш пайтида қўл панжаси мазкур вазиятдан пастга туширилмаслиги керак. Ядрo елка чизиғи ортига ўтказилиши мумкин эмас. Ядрo итқитиш айланаси ёки ҳалқа ташқарисидаги майдонча сиртида снаряд ерга тушадиган секторнинг ўқ чизиғига перпендикуляр диаметрнинг давоми сифатида айлананинг иккала томонига узунлиги 75 см ва кенглиги 5 см ли оқ чизиқлар тортилади (“мўйлoвчaлaр”).

Адабиётлар : 1. Алабин В.Г., Кривоносов М.Н. Тренажёры и специальные упражнения в легкой атлетике. – М.: Фи C , 1982. 2. Бакаринов Ю.М. и др. Легкоатлетические метания. Методические рекомендации. Харьков, 1991, с. 103. 3. Боген М.М. Обучение двигательным действиям. – М.: Фи C , 1985. 4. Бондарчук А.П. и др. Легкоатлетические метания. К.: Здоровье, 1984. 136 с. 5. Бондарчук А.П. Перенос тренированности в легкоатлетическом спорте. Киев, 1999, с. 332. 6. Бондарчук А.П. Периодизация спортивной тренировки. – К.: Олимпийская литература, 2005. – 318 с. 7. Буевская И.П. Примерная программа спортивной подготовки для ДЮСШ, СДЮШОР, М., Советский спорт. 2005, 104 с. 8. Верхошанский Ю.В. Основы специальной силовой подготовки в спорте. – М.: Фи C , 1988. 9. Войнова С.Е. и др. Базовые виды спорта: легкая атлетика: Учебное пособие. Национальный Государственный Университет физической культуры, спорта и здоровья им. П.Ф. Лесгафта, Санкт-Петербург, 2010. – 212 с.

O'xshashlar

Шахсий мусобақа даври

Ядро итқитиш техникаси асослари

Волейбол ўйининг вужудга келиши ва унинг қоидалари

Oммaвий рaзряд бaжaрувчи ядрo итқитувчилар учун машғулотларининг режалаштирилиши

Мусобақани ташкил қилиш, мусобақани ўтказиш ва ҳакамлар хайъати