Мини-баскетбол буйича мусобакани ташкил қилиш ва утказиш - Jismoniy tarbiya - Referatlar

Мини-баскетбол буйича мусобакани ташкил қилиш ва утказиш

Yuklangan vaqt:

20.09.2019

Ko'chirishlar soni:

0

Hajmi:

86.5 KB

Ko'chirib olish

Мини-баскетбол буйича мусобакани ташкил қилиш ва утказиш Режа: 1. Кириш. 2. Ўйин майдони . Асбоб – анжомлар . 3. Ў йин ўтказиш қоидалари . 4. Қоида бузилиши ва жазо . 5. Ўйин бошланиши ва баҳс тўпи отилиши . 6. Тартибсизлик ва қўпол ўйин.

Анатолий Титчук деган журналист бир воқеани айтиб берган эди. Баскетбол майдончасига бир ғалатироқ одам келиб катталар баскетбол ўйинини бинокол ёрдамида кузатарди. Шуниси қизиқки, у ўйинни биноколни тескарисига ушлаб, яъни майдонни ва ўйинчиларни кичик қилиб кўрсатадиган ҳолда кузатарди. Бу ўйин-майдонча ҳам, ўйинчилар ҳам кичкина ўйинчоқ каби кафтга сиғарди. Буни кузатаётган томошабин Америкалик ўқитувчи Жей Арчер эди. У ёш болаларга «кичик» баскетболни туҳфа қилди. 1948 йилда у 8-12 ёшдаги болалар учун ушбу ўйин бўйича мусобақа ташкил қилди, ҳамда уни Мини- баскетбол деб атади. Ўйинда катталарни тўпига нисбатан кичикроқ ва енгилроқ тўпдан фойдаланилди, саватлар эса пастроқ жойлаштирилиб, ёш болалар тўпни ташлашларига, шундай қилиб қулайлик яратилди. Янги ўйинни кенг миқёсда ёйилишига расмий мусобақалар ва телевиденияда баскетбол бўйича бўйича махсус чиқишлар катта ёрдам берди. Айниқса, мини-баскетбол «Катта» баскетбол яхши ривожланган мамлакатларда яхши муваффақиятларга эришди. А Қ Ш дан сўнг мини баскетбол Канадада, Австралияда, Япония ва бошқа мамлакатларда пайдо бўла бошлади. Бу ерда мини баскетболни афзаллик томонларини тез баҳолай оладилар, ҳамда уни мактабларда ва болалар клубларида, шаҳар ва қишлоқларда ривожлантиришга қарор қилдилар. Тез орада, яъни 1967 йил А Қ Шда мини- баскетбол бўйича I жаҳон чемпионати бўлиб ўтди. Унда 10 та жамоа қатнашди. 1968 йил бўлиб ўтган ҳалқаро Баскетбол асосиацияси (ФИБА)нинг бутун Жаҳон Конгрессида (Мехико) Мини-баскетболнинг ҳалқаро қўмитаси тузилди. Испаниялик Ансельмо Лопес шу қўмитанинг президенти қилиб, Жей Арчер эса Вице-президенти қилиб сайландилар. Ҳалқаро Мини-баскетбол қўмитаси чоп этган қўлланмада Мини-баскетбол ўйинини вазифалари ва мақсадлари, ҳамда уни такомиллаштириш йўл- йўриқлари кўрсатилди.

1979 йил Мадридда ўтказилган Мини-баскетбол бўйича ҳалқаро-конгрессда Мини-баскетбол ўйинининг расмий қоидалари қабул қилинди. Мини-баскетбол Европа Давлатларидан Литва ва Латвия давлатига ўтди. У ерда ўйин қоидалари чоп этилди. Майдончалар, мосламалар асбоб-анжомлар тайёрланди, ўқув гуруҳлари, ҳамда I чи жамоалар ташкил этилди. Литвада «Мини-баскетбол ўйнанг» деган плакат яратилиб, унда ўргатиш методикаси ва ўйин мусобақалари ҳақида маълумот берилган. Собиқ Иттифоқнинг бошқа республикалари ҳам Мини-баскетболни ривожлантиришга қизиққан ҳолда ёндошдилар. 1974 йилдан бошлаб ҳар йили Мини-баскетбол бўйича турнирлар ўтказилиб келиняпти. Ўйин майдони. Асбоб – анжомлар. Ўйин майдони тўғри тўртбурчак шаклида бўлиб, узунасига 26м, энига 14м бўлади. Майдоннинг пропорциясини сақлаган ҳолда кичикроқ майдончада ҳам ўйин ва мусобақалар ўтказилади. Мини-баскетбол ўйнаш учун майдонда ён ва эн чизиқлар, марказий доира, марказий чизиқ, чегараланган чизиқлар, жарима тўп ташлашлар чизиқлари чизилади. Жарима чизиқлари шчитнинг юз қисмини майдондаги проекциясидан 4м узоқликда бўлиши керак. Майдонни иккала чеккасига эн чизиқларига параллел ҳолда стационар ёки осма шчитларўрнатилади. Шчитни пастки қирраси майдон юзасидан 2м 35см баландликда туриши керак. Ҳалқа майдонга нисбатан горизотал ҳолатда 2м 60см баландликда бўлади. Ҳалқани ички диаметри 45 см, унга илинадиган оқ тўрлар узунлиги 40 см. Тўп шарсимон шаклга эга бўлиб, айланаси узунлиги 60-73 см, оғирлиги 450- 500 гр. Ҳар бир жамоада 12 тадан ўйинчи бўлади. 10 таси асосий ўйинчилар, 2 таси заҳирадагилардир.

Тренер жамоанинг раҳбари ҳисобланади. У ўйин олдидан қайдномани тўлдиради, асосий ўйинчилар тартибини белгилайди, ўйин давомида танаффуслар олади, ўйинчиларга буйруқ ва маслаҳатлар бериш ҳуқуқига эгадир. Команда сардори унинг ўриндоши, биринчи ёрдамчисидир. Ўйинчилар жамоаларида 2 хил рангдаги формалар бўлиши керак. Яъни 1чи жамоада қизил бўлса, 2чи жамоада оқ ва ҳоказо. Ўйинчилар номерлари 4чи номердан бошланган бўлиши керак. Жамоа сардори майкасидаги номер ёнида «С» ҳарфи бўлиши шарт. Ўйин давомида формани алмаштириш ман қилинади. Мини-баскетбол бўйича ўтказиладиган мусобақаларда қатнашадилар: 7-8 ёшдаги кичик гуруҳ 9-10 ёшдаги ўрта гуруҳ 11-12 ёшдаги катта гуруҳ. Ҳар бир ёшдаги гуруҳ учун ўйин вақти ҳар хил: 7-8 ёшдагилар учун 12 минут 9-10 ёшдагилар учун 16 минут 11-12 ёшдагилар учун 24 минут (тоза вақт). Бир хил ёшдаги жамоа болалари қатнашиш учун жамоадаги ўйинчилар иккига «бешлик»ка бўлинади. Биринчи таймда биринчи асосий таркиб ўйинчилари «бешлиги» II таймда иккинчи «бешлик», III таймда ҳоҳлаган беш ўйинчи асосий таркибдан, IV таймда қолган беш ўйинчилар ўйнайди. Масалан 9-10 ёшдагиларда ҳам жамоа 2 га бўлинади. I ва III таймда биринчи “бешлик”, II - IV таймда – иккинчи “бешлик” қатнашади, ўйнайди. Ўйинчини алмаштириш фақат асосий таркибдаги ўйинчи бешта шахсий фол ёки жароҳат олган тақдирда алмаштирилади. Жароҳат олганда қайта алмаштиришга рухсат берилади. Заҳирадаги ўйинчи ўйинда 2 таймннг вақтига тенг муддатидан ортиқ ўйнаши мумкин эмас, ундан кейин у ўйинда иштирок эта олмайди. Ўйинчини алмаштиришлар қатнашчилар ёшига мувофиқ амалга оширилади.

Ўйиндан саватга тушган тўп 2 очко билан баҳоланади. Ўйин бирон бир жамоанинг ўйин давомида тўплаган очколар сони кўп бўлганда ғалаба қозониши, тўплаган очколар сони тенг бўлганда эса дурранг билан якунланиши мумкин. Мини-баскетболда ғолибни аниқлаш учун, қўшимча вақт берилмайди. Майдондаги ҳакамлик 2 та ҳакам ўйинчилар қоидаларига риоя қилишини кузатадилар, қоида бузилганда сигнал берадилар. Саватга тушган тўпни қайд қиладилар, ҳамда уни ҳисобга олиш ёки олмасликлари мумкин, жарима тўпи белгилайдилар. Котиб ўйин қайдномасини тўлдиради, ҳисобни олиб боради, ўйинчи алмашишини тўғри-нотўғрилигини кузатади, шахсий ва жамоа фолларини қайд қилади, дам олишларни белгилайди. Секундометрист вақтни назорат қилиб, ҳар бир таймни ва танаффусларни тугаганлиги ҳақида, майдондаги ҳакамга хабар беради. 24 секунд вақтни назорат қилувчи секундометрист 24 секунд қоидасига риоя қилишни назорат қилади. Ў йин ўтказиш қоидалари. Тўпни узатиш, саватга отиш ёки майдонга бир қўл билан уриб юриш мумкин. Тўпни мушт билан уриш ёки тепиш ман этилади. Тўпга беҳосдан оёқ билан тегиб кетиш хато ҳисобланмайди. Тўп ўйиндан чиқиб кетди деб қуйидаги ҳолларда: - майдон ташқарисидаги полга, одамга ёки бирон бир нарсага текканда; - майдон ташқарисида турган ўйинчига ёки, майдончани чегараловчи чизиққа текканда;

- шчит маҳкамланган конструкцияга ёки шчитнинг ташқи юзига тегса, тўп ўйиндан чиққан деб ҳисобланади. Тўпга охирги бўлиб теккан ўйинчидан тўп ташқарига чиқиб кетди деб ҳисобланади. Агар тўп ташқарига қарама-қарши жамоаларнинг 2 та ўйинчисини бир вақтда тегиши орқали чиқиб кетса, баҳсли тўп белгиланади. Ўйинчи ҳаракатда тўпни қабул қилиб олганида, у тўп билан фақат 2 та қадам қилиши, сўнгра тўпни узатиши, саватга отиши ёки тўпни майдонга уриб юриши мумкин. Агар ўйинчи тўпни турган жойида қабул қилса ёки тўхташни тўғри бажарган бўлса, у тўп билан бурилиш ҳаракатларини бажариши мумкин. Бурилишлар майдондан бир оёқни узмасдан бошқа оёқ билан ҳоҳлаган томонга бажарилиши мумкин. Тўпли ўйинчи тўп билан фақат тўпни ерга уриш орқали ҳаракатланиши мумкин. Ўйинчига қуйидагилар: - икки қўллаб бир вақтнинг ўзида майдонга уриб юриш; - тўпни майдонга уриб юрилганда уни илиб олиш; - тўпни бир ёки икки қўллаб ушлаб олингандан кейин, тўпни майдонга уриб юришни қайтадан бошлаш; ман этилади. Тўпни назорат қилаётган жамоа 24 секунд давомида рақиб саватига тўп отиши шарт, акс ҳолда тўп рақиб жамоасига берилади. Агар 24 секунд давомида тўп ўйиндан чиқса, ҳамда шу жамоанинг ўзи тўпни ўйинга киритадиган бўлса, 24 секунд ҳисоби қайтадан бошланади. Агар ўйинчи атайлаб, тўпни рақибга отиши орқали тўп ўйиндан чиқиши сабаб бўлса, ва янги 24 секундга эгалик қилишга эришмоқчи бўлса, бундай ҳолларда ҳакам тўпни қарама-қарши жамоага бериши керак. Майдон ташқарисидан тўпни ўйинга киритиш учун, тўпни ўйинга киритаётган ўйинчига 5 секунд вақт берилади. 5 секундли вақт ўйинчи қўлига олган ёки уни ҳакамдан олган заҳоти бошланади. Рақиб ўйинчилари томонидан, таъқиб қилинаётган тўпни

ушлаб турган ўйинчи, уни 5 секунддан ортиқ ушлаб туриши мумкин эмас, акс ҳолда ҳакам баҳсли тўп белгилайди. Жарима тўпи отишга ўйинчига 5 секунд вақт берилади. Бу вақт жарима чизиғида турган ўйинчига ҳакам тўпни берган вақтдан ҳисобланади. Ҳужумдаги ўйинчи рақибнинг чегараланган зонасида 3 секунддан ортиқ туриши мумкин эмас. Чегараланган зона деб эн чизиқ билан, жарима чизиқларини бирлаштириб турувчи чизиқ ҳосил қилган трапеция тушунилади. Чегараловчи чизиқлар шу зонани таркибига киради. Агар ўйинчи тўп олиш учун ман этилган зонада атайлаб қолса, бу ҳолларда 3 секунд қоидаси қўлланиши керак. Агар ўзининг жамоасининг ҳаракатларида бевосита иштирок этмаётган ўйинчи шу зонада турса, қоида бузилишини қайд қилмаслик ҳам мумкин. Ҳужумдаги жамоанинг ўйинчиси олд зонадан ўзининг орқа зонасига тўпни узатиши мумкин эмас. Бу қоида бузилганида тўп рақиб жамоасига берилади, тўпни марказий чизиқ билан ён чизиқ кесишган жойдан ўйинга майдоннинг ҳоҳлаган нуқтасига тўп узатиш билан тугатилади. Қоида бузилиши ва жазо. Қоида бузилганда ҳакам ҳуштак чалиб сигнал беради ва тўп “жонсиз” ҳолатга ўтади, ўйин соати тўхтатилади. Одатда қоида бузилгандан кейин тўпни қарама-қарши жамоа ўйинга киритади. Тўпни ўйинга киритиш майдон ташқарисидан, ҳакам кўрсатган жойдан, яъни қаерда қоида бузилган бўлса, ўша жойга яқин, майдон ташқарисидан киритилади. Тўпни 5 секунд ичида, майдон ташқарисидан ўйинга киритилиши шарт. Рақиб ўйинчисининг гавдасининг бирон бир қисми майдонни чегаралаб турган чизиқларни, яъни тўпни ўйинга киритилаётган жойдаги чизиқни кесиб ўтмаслиги лозим. Ҳужумдаги жамоа рақиб зонасида тўпни ўйинга киритишни фақат ҳакам рухсати билангина, яъни ҳакам ўйинчига тўп бергандан кейин бажариши

мумкин. Ҳар бир шахсий ёки техник фолдан кейин тўпни ўйинга киритиш юқорида айтганимиздек, ҳакам орқали бўлади. Агар тўпни ўйинга киритиш қоидасига риоя қилинмаса, ҳакам тўпни ўйинга киритишни қайтадан бошлашни ёки тўпни ўйинга киритиш ҳуқуқини рақиб жамоага бериши мумкин. Ўйин бошланиши ва баҳс тўпи отилиши. Ўйинни бошида, ҳамда ўйиннинг иккинчи ярми бошланишида марказий доирада ҳакам қарама-қарша жамоаларнинг икки ўйинчиси ўртасида тўпни юқорига отиб ўйинни бошлаб беради. Баҳс тўпи содир бўлган пайтда тўпни “галма-гал” ўйинга киритиш қоидасига риоя қилиб ўйин давом эттирилади. Галма- галлик дегани – бу ўйин бошида ёки ўйиннинг иккинчи ярми бошидаги баҳсда тўпни эгаллай олмаган жамоа баҳсли тўп содир булган вазиятда тўпни шу (воқеа) ҳолат юзага келган жойнинг майдон ташқарисидан тўпни майдонга киритиш ҳуқуқига эга бўлади. (Буни котиб столидаги галма- галлик кўрсаткичи, яъни стрелкага қараб аниқланади). Изоҳ: Галма-галликни кўрсатувчи стрелкани қуйидагича ифодалаш мумкин. Мисол, А жамоа ва Б жамоа ўйинчилари марказий доирада баҳс тўпи отилганда агар А жамоа ўйинчиси тўпни эгаллаб олса, котиб столидаги стрелка А жамоа томонига йўналтирилган бўлади. Яъни ўйин жараёнида баҳсли тўп отиш вазияти содир бўлганда 1чи галда Б жамоа тўпни ўйинга киритади. Тўп ўйинга киритилган заҳоти, ёки Б жамоаси 5 секунд қоидасини бузса, стрелка бошқа томонга йўналтирилиб қидирилади. Навбатдаги галда бошқа жамоа ўйинни шу тарзда давом эттиради. Тартибсизлик ва қўпол ўйин. Мини-баскетбол ўйинчилари доим аҳлоқ-одоб талаблари ва спортчиларга оид бўлган фазилатларни намоён қилишлари лозим. Ўзларини тута олмайдиган ёки қўпол ҳатти-ҳаракат қиладиган баскетболчилар майдондан чиқариб юборишлари зарур.

Рақиблар ўртасида тўқнашув содир бўлганида ҳакам бу учун жавобгарни аниқлаши ва тааллуқли (тегишли) жазо ҳақида қарор чиқариши лозим. Атайлаб содир қилинган тўкнашувлар албатта жазоланиши, беҳосдан ҳамда ўйинга таъсир қилмайдиганларини эса, эътиборга олмаслик лозим. Ўйинчилар рақиб билан тўқнашишни олдини олишга ҳаракат қилишлари лозим. Тўқнашувни онгли равишда келиб чиқишига ёки, шуни олдини олишга ҳаракат қилмаган ўйинчи зиммасига ҳакам жавобгарликни юклайди. Тўқнашувга сабаб бўлган ўйинчи шахсий фол билан жазоланади. (Котиб қайдномада буни қайд этиб қўяди.) Ҳимоячининг асосий қоида бузишлари: - блокировка (рақиб жамоасининг тўпсиз ўйинчисини ҳаракат қилишига қўллар, тиззалар, ёки сон билан ҳалақит қилишга ҳаракат қилиши); - ўйинчини ушлаб қолиш (рақиб ўйинчисини эркин ҳаракат қилишига йўл қўймаслик); - рақиб ҳаракатини олдинга силжитишига турли ҳаракатлар билан йўл бермаслик; ҳужумчини асосий қоида бузишлари: - ўйинчини устига ташланиши (тўп отган ҳужумчи ўз ҳаракатини тўхтатишга интилмай, буни оқибатда рақиб билан тўқнашиб кетиши); - куч ишлатиб ўтиш (тўпли ўйинчи тўпни майдонга уриб юриши, ҳамда йўлида турган 2 та рақиб ҳимоячини орасидан ўтишга имкон ва шароит бўлмаганлигига қарамай, ҳаракат қилиши натижасидаги тўқнашув); Шахсий хато – бу рақиб билан ўйинчини бир-бирига тўқнашиши, тегишида бўладиган хатодир. Шахсий хато бўлганда, майдондаги ҳакам, ҳуштак чалиб сигнал бериши ва уни тўхтатиши керак. Майдондаги ҳакам ҳар бир қоида бузилганда ўйинчини рақамини котибга кўрсатади, ва жазони белгилайди.

Агар 2 та рақиб бир вақтнинг ўзида бир-бирига нисбатан шахсий хато қилсалар, ундай ҳолда икки томонлама хато бўлганлигини қайд қилинади. Ҳакам шу иккала ўйинчини шахсий хато билан жазолайди, ҳамда ўйинни баҳс тўпини шу 2 ўйинчи ўртасида отиш билан давом эттиради. Шахсий хатолар оддий, атайлаб, ўйиндан чиқариш, 2 ёқлама, кўп маротаба бўлиши мумкин. 1. Оддий шахсий хато – бу рақибини ҳаракатига атайлаб қўполлик қилиб тўқнашганлигини аниқлаш қийин бўлганда бериладиган хатолар. Оддий шахсий хато бўлганида ҳакам тўпни рақиб жамоасининг ўйинчисига шу хато бўлган жойнинг майдон ташқарисидан тўп киритиш учун беради. 1. Атайлаб қилинган шахсий хато – бу рақиб ўйинчини ўйнаши учун атайлаб ҳалақит бериб, тўқнашиш содир қилишига айтилади. Шахсий хато тўпни саватга отаётган ўйинчига нисбатан қилинганда, бу доим атайлаб қилинган деб баҳоланади. Жабрланган ўйинчига жарима тўпи отиш имкони берилади. Агар шахсий хато қилинган пайтда, саватга ҳужум қилинган ва тўп саватга тушган бўлса, жарима тўп отиш белгиланмайди. 2. Дисквалификация (ўйиндан четлатиш) шахсий хатоси – бу шундай хатоки, рақибга нисбатан ҳурматсизликдир. Ўйиндан четлатиш хатосини қилган ўйинчи ҳакам томонидан ўша заҳоти ўйинни охиригача ўйиндан четлаштирилади. Уни заҳирадаги ўйинчи алмаштириши мумкин. 3. Икки ёқлама шахсий хато – бу бир вақтнинг ўзида қарама-қарши жамоаларнинг икки ўйинчиси бир-бирига нисбатан қилган хатосидир. Икки ёқлама хато бўлган пайтда жарима тўплари отилмайди. Ўйин галма-галлик навбати кимда бўлса, ўша жамоа бошлайди. (қаерда бу содир бўлган бўлса, ўша жойга яқин майдон ташқарисидан тўп ўйинга киритилади.) 4. Кўп маротаба қилинган шахсий хато – рақиб жамоасининг бирон бир ўйинчисига нисбатан бир жамоанинг бир нечта ўйинчиси содир қилган шахсий хатосидир. Кўп маротаба шахсий хато содир бўлганида жабрланган ўйинчига худди атайлаб қилинган шахсий хато каби (айбдор ўйинчилар

нечталигига қарамасдан) жарима тўпи отиш бажарилади. Агар қоида бузилган пайтида саватга ҳужум қилинаётган бўлса, ҳамда тўп саватга тушган бўлса, жарима тўплари отиш белгиланмайди. Шахсий хато содир бўлганида, бу ҳол котиб томонидан ўйин қайдномасига жазоланган ўйинчи исм-шарифи қаршисидаги шунга ажратилган жойга ёзиб қўйилади. Бешта шахсий хато қилган ўйинчи ўйиннинг охиригача майдондан чиқариб юборилади. Уни заҳирадаги ўйинчи алмаштириши мумкин. Котиб қайдномада ҳар бир жамоанинг ўйинчиларини шахсий хатоларини қайд қилиб боради. Ҳар бир таймда шахсий хатолар сони 5 тадан кейин (ҳимоядаги) худди атайлаб қилинган хато сингари, жарима тўпи билан жазоланиши лозим. Жарима тўпи бажарадиган ўйинчи тўпни ҳакамдан олиб, жарима тўпини 5 секунд ичида отиши лозим. Бошқа ўйинчилар жарима майдонини ён чизиқлари атрофида жойлашишлари мумкин. Шчитга яқин иккала томондаги жойларни ҳимояланаётган жамоа ўйинчилари эгаллайдилар. Уларни ёнида ҳужумдаги жамоа ўйинчилари туради. Тўп саватга ёки шчитга тегмагунича ўйинчилар чегараланган зонага киришга ҳақлари йўқ. Жарима тўпи отаётган ўйинчига қуйидагилар: - жарима тўпи отаётган пайтда тўп шчитга ёки ҳалқага тегмасидан аввал жарима чизиғини босиши; - жарима тўпи отишга 5 секунддан ортиқ вақт кетказиш ман қилинади. Бу қоидалар бузилганда, тўп саватга тушган ва тушмаганлигидан қатъий назар бошқа жамоага жарима чизиғига яқин майдон ташқарисидан ўйинни бошлаш учун тўп уларга берилади. Жарима тўпи отиши керак бўлган ўйинчига ҳакам тўпни берганидан сўнг, қолган ўйинчилар тўп ҳалқага ёки шчитга теккунга қадар: - чегараловчи зона чизиқларини боши; - чегараланган зонани босиб ўтиш;

- жарима тўпи отаётган ўйинчига қандайдир ҳатти-ҳаракат билан ҳалақит қилиш ман этилади. Жарима тўпи отаётган ўйинчининг шериклари бу қоидаларни бузган пайтида, агар тўп саватга тушмаса, у ҳолда тўп рақиб жамоасига ён чизиқ ташқарисидан ўйинга киритиш учун берилади, агар жарима тўпи отилаётган жамоа ўйинчилари қодаларни бузсалар, у ҳолда тўп қайтадан отилади. Қарама-қарши жамоаларнинг ўйинчилари бир вақтда шу қоидаларни бузсалар баҳсли тўп отиш вазияти бўлади. Агар тўп саватга тўғри отиб туширилган бўлса, аммо бирон бир жамоа томонидан қоида бузилган бўлса, тушган тўп ҳисобланади.

Фойдаланилган адабиётлар. 1. Айрапетьянц Л.Р., Годик М.А. Спортивные игры. Т., Ибн-Сино, 1991 2. Бриль М.С. Отбор в спортивных играх. М., ФиС, 1980 2. Вуден Д. Современный баскетбол. М., ФиС, 1987 3. Ғаниева Ф.В. Хужумда жамоа булиб харакат килишни уюштиришда кулланиладиган машклар. Усл.кулланма. 1998 4. Исматуллаев Х.А., Ганиева Ф.В. Баскетболда техник приемларни эгаллашда ёрдам берувчи хуккабозлик машклари. Метод.кулланма. Т., 1999 5. Костикова Л.В. Методика ведения НИР по баскетболу. Метод.рекомендации для студентов. М., 1980 6. Колос В.М. Теория и практика. Метод.пособие. М., ФиС, 1986 7. Костикова Л.В. Система контроля в подготовке баскетболистов высокой квалификации. М., ФиС, 1986 8. Курбанов Ш.Э., Сейтхалилов Э.А. Национальная модель и программа по подготовке кадров - достижение и результат независимости Узбекистана. Т., «Маърифат», 2001 9. Мини-баскетбол. Международные правила. М., ФиС, 2000 10. Официальные правила баскетбола. Т., 2001 11. Портнов Ю.М. Баскетбол. – Учебник для ИФК. М., ФиС, 1988 12. Платонов В.Н. Общая теория подготовки спортсменов в олимпийском спорте. Киев, 1997 13. Расулев А.Т., Исматуллаев Х.А. Баскетбол уйини расмий коидалари. Т., УзДЖТИ, 1993 14. Расулев А.Т. Баскетбол. Олий укув юртлари учун дарслик. Т., УзДЖТИ, 1998 15. Соколова Н.Д., Исматуллаев Х.А., Ганиева Ф.В., Курс лекций III курса. Т., УзДЖТИ, 1997

O'xshashlar

Мусобакаларни ташкил килиш ва утказиш

Мактабда енгил атлетика дарсини ташкил килиш ва утказиш услубияти

Мусобақани ташкил қилиш, мусобақани ўтказиш ва ҳакамлар хайъати

Жисмоний тарбия байрамини ташкил қилиш ва ўтказиш методикаси

Жисмоний тарбия байрамларини ташкил қилиш ва ўтказиш хусусиятлари