Туристик фирмаларни ташкил этиш тартиби ва лицензиялаш - Iqtisodiyot - Referatlar

Туристик фирмаларни ташкил этиш тартиби ва лицензиялаш

Yuklangan vaqt:

20.09.2019

Ko'chirishlar soni:

0

Hajmi:

149 KB

Ko'chirib olish

Туристик фирмаларни ташкил этиш тартиби ва лицензиялаш Режа: 1. Туристик фирмаларни ташкил қилишнинг ҳуқуқий асослари. 2. Туристик фирмаларни ташкил қилишда бизнес режа лойиҳалари. 3. Туристик фирмаларни ташкил қилишда таъсис ҳужжатлар лойиҳасини тақдим қилиш. 4. Туристик фирмаларни ташкил қилиш йўллари. 5. Корхоналарни ҳисобга олиш тартиби ва қоидалари. 6. Туризмда лицензия олиш учун тақдим қилинадиган ҳужжатлар ва уларнинг мазмуни. 7. Туризм фаолияти билан шуғулланувчи туристик корхоналарга лицензия бериш тартиблари. 8. Турфирмаларнинг лицензияга амал қилиш шартлари.

1. Туристик фирмаларни ташкил қилишнинг ҳуқуқий асослари. Республикада туристик имкониятларни кенгайтиришда хусусий корхоналар фаолиятини ривожлантириш бошқа иқтисодиёти тармоқларида бўлгани каби туризм саноатида ҳам етакчи рол ўйнайди. Айниқса, бозор иқтисодиётиига ўтаётган мамлакатларда, шу жумладан Ўзбекистон Республикасида жаҳондаги кескин ўзгаришларга мослаша оладиган замонавий туризм соҳасини ривожлантиришда хусусий корхоналар субъектлари ниҳоятда муҳим аҳамият касб этади. Маълумки, собиқ Иттифоқ даврида Республикамизнинг туризм соҳасидаги салоҳиятидан етарли даражада фойдаланилмади, яъни деярли кўпчилигимизнинг тасаввуримизда туризм деганда фақатгина саноқли шаҳарлар ва уларда жойлашган тарихий обидаларни зиёрат қиладиган сайёҳлар намоён бўларди. Кўриниб турганидек, туризм мамлакатимизнинг бу борадаги бошқа барча имкониятларини етарли даражада ҳисобга олмаган ҳолда бир томонлама ривожлантирилган. Ваҳоланки, мамлакатимиз нафақат тарихий обидаларга эга шаҳарлар, балки ўзининг гўзал ва хуш табиат манзаралари билан ғарбий Европанинг Швецария, Австрия, Англия ва бошқа кўплаб мамлакатларидан қолишмайдиган масканлари билан ҳам ажралиб туради. Шуни алоҳида таъкидлаб ўтишимиз жоизки, маъмурий- буйруқбозлик тузумида ҳатто тарихий обидаларга қаратилган туризм ҳам жаҳон андозаларига мувофиқ равишда ривожлантирилмаган эди. Дунёнинг турли хил мамлакатларидан келадиган туристларга транспорт хизматларини, жойлаштириш ва озиқ-овқат билан таъминлаш хизматларини кўрсатиш даражаси юқори савияда ташкил этилмаган эди. Буларга мисол қилиб, вилоятлар марказлари ва турли шаҳарларда фаолият кўрсатадиган меҳмонхоналарнинг хизмат кўрсатиш даражасининг пастлиги, спорт майдончаларининг замон талабларига жавоб бермаслиги ва ҳатто тарихий обидаларнинг бир нечтаси таъмирталаб аҳволда бўлиб турганлиги кабиларни кўрсатиб ўтишимиз мумкин. Умуман олганда,

мустақилликнинг дастлабки йиллариданоқ туризм саноатини қайта ислоҳ этиш ва замон талабларига тўлиқ жавоб берувчи туризм инфратузилмасини шакллантириш ва ривожлантириш долзарб муаммолардан бирига айланди. Бундай ислоҳотлардан кўзланган асосий мақсад дунё мамлакатлари билан мустақил юртимиз ўртасидаги ўзаро ижтимоий ва иқтисодий муносабатларни барқарорлаштиришда ривожланган туризм соҳасидан самарали фойдаланишдир. Чунки, дунё мамлакатларидан ташриф буюрадиган туристлар оқими қанчалик юқори даражада бўлса, миллий иқтисодиётиимизнинг жаҳон иқтисодиётиига интеграциялашуви жараёни шунчалик даражада юқори бўлади. Ўз-ўзидан маълумки, такомиллашган туризм соҳасини самарали ташкил этиш ва ривожлантиришнинг асоси хусусий мулкчилик муносабатларини қандай даражада ривожланишига боғлиқ бўлади. Хусусий мулкчилик муносабатлари ўз ривожини топса, табиий равишда рақобат муҳити шаклланади, бу эса, биринчидан, мамлакатимизда мавжуд туризм имкониятларидан тўлиқ фойдаланиш, иккинчидан, хусусий фирмалар ўртасида туристлар оқимига хизмат кўрсатиш борасида ўзига хос мусобақалашувнинг шаклланиши натижасида сифатли хизматларнинг кўрсатилиши, учинчидан, аҳолининг катта қисмини туристларга бевосита ва билвосита хизмат кўрсатадиган тадбиркорлик субъектларида банд бўлиши ва бошқа шу кабиларга олиб келади. 2. Туристик фирмаларни ташкил қилишда бизнес режа лойиҳалари Умуман олганда, туризм соҳасини ривожлантиришда хусусий мулкчилик муносабатларини ташкил этиш ва такомиллаштиришнинг асосини кичик ва ўрта бизнес субъектлари ташкил этади. Жаҳон мамлакатлари ва Ўзбекистонда туризм соҳасини ривожлантиришда кичик ва ўрта бизнес корхоналарининг аҳамияти ва тутган ўрни хусусида олдинги параграфларда фикр юритилган эди. Ушбу бўлимда мамлакатимиз туризми, шу жумладан, миллий иқтисодиётиимизнинг ривожланишида хусусий туристик корхоналарнинг кўрсатаётган таъсири таҳлил қилиниб, бу борада мавжуд муаммоларни аниқлаб беришни маъқул топдик.

Ўзбекистон туризм саноатини 2002-2004 йиллардаги ривожланишининг иқтисодий кўрсаткичларига эътиборни қаратадиган бўлсак (3-жадвалга қаранг), бу соҳада кичик ва хусусий тадбиркорлик субъектларининг сезиларли таъсири бўлаётганлигининг гувоҳи бўламиз. 2002 йилда мамлакат бўйлаб саёҳат қилган жами туристларнинг миқдори 752 минг кишини ташкил этган бўлса, 2003 йилда 864 минг кишини ва 2004 йилда 916 минг кишини ташкил этди. Мос равишда, чет эллик туристларнинг ҳам салмоғи йилдан-йилга ошиб борди. Масалан, 2002 йилда 274 минг киши, 2003 йилда 306 минг киши ва 2004 йилда 329 минг кишини ташкил этди. Шу ўринда эътиборингизни 2004 йилда жами туристлар миқдори салкам 100 минг кишига ортган бир вақтда хорижий туристлар миқдори эса 2003 йилдагига қараганда атиги 23 минг кишига ортганлигига қаратмоқчимиз. Кўриниб турганидек, мамлакатимизда маҳаллий туристларни саёҳати чет эллик туристлар саёҳатига қараганда кўпроқ уюштирилган. Бизнинг фикримизча, бу бевосита сиёсий аҳволга бориб тақалади. Чунки, ҳаммамизга маълумки, 2001 йил 11 сентябрда Америка қўшма Штатларида амалга оширилган террористик ҳаракат туфайли мамлакатимизга қўшни бўлган бир неча мамлакатларда нотинч вазият юзага келди. Бу эса ўз навбатида мамлакатимизга келадиган туристлар оқимини камчиликни ташкил этишига олиб келди.

3-жадвал Ўзбекистон туризмининг иқтисодий кўрсаткичлари Йиллар Туристлар, минг киши Турхизматлар Жами Шундан чет эллик туристлар Экспорт млн. Доллар 2002 752 274 25,5 2003 864 306 25,8 2004 916 329 27,5 Энди эътиборингизни маҳаллий ва чет эллик сайёҳларга кўрсатиладиган туристик хизматлар ёки туристик хизматлар экспортини ифодаловчи кўрсаткичларга қаратмоқчимиз. Маълумотлардан кўриниб турганидек, туристик хизматлар экспорти ҳам туристлар оқимининг кўпайиши билан бирга уч йил мобайнида ошиб борган. 2002 йилда бундай экспорт 25,5 млн. АқШ долларини ташкил этган бўлса, 2003 йилда 25,8 млн. АқШ доллари ва 2004 йилда 27,5 млн. АқШ долларини ташкил этган. 3. Туристик фирмаларни ташкил қилишда таъсис ҳужжатлар лойиҳасини тақдим қилиш. Мамлакатимизда кўрсатилаётган туристик хизматлар ўз ичига қуйидаги туристик маҳсулот турларини қамраб олади: треккинг, спелеотуризм, альпинизм, экотуризм, таълим олиш мақсадига йўналтирилган туризм, сафари, туяларда саёҳат қилиш, дам олиш курортлари ва санаториялари, сув туризми, тарихий туризм, археологик туризм, ов ва балиқ ови, гербарийлар ва ҳашоратлар йиғиш, орнитология ва фотоовчилик, пикниклар, от туризми, маданий туризм, маҳаллий халқлар хаётини ўрганиш, фольк туризми, бизнес-туризм ва сувенирлар ишлаб чиқариш. Кўриниб турганидек, мамлакатимизда кўрсатилаётган туристик хизматларнинг тури анча миқдорни ташкил этади. Шуни алоҳида таъкидлаб ўтиш

жоизки, туристлар оқимининг йил сайин ортиб бориши натижасида фақатгина «Ўзбектуризм» миллий компаниясининг ва унинг жойлардаги шаҳобчаларини барча туристларга, яъни ҳам ички ва ҳам ташқи туристларга хизмат кўрсатиш имконияти доираси чекланиб қолмоқда. Табиий равишда, бу соҳада ўзига хос рақобатчиларни шакллантиришга кескин эҳтиёж юзага келмоқда. Мамлакатимизда туризм соҳасидаги ушбу эҳтиёжни самарали қондиришнинг бирдан-бир йўли туризм хизматлари кўрсатадиган кичик ва ўрта бизнес субъектларини ривожлантиришда ўз ифодасини топади. Айнан мана шундай тадбиркорлик субъектларини аста-секинлик билан ривожлантириш натижасида биринчидан, мамлакатимиз бўйлаб саёҳат қилаётган туристлар оқими йил сайин ортиб бормоқда. Чунки, уларга хизмат кўрсатиш бўйича хусусий туристик фирмаларнинг ўзаро рақобати натижасида туристлар, айниқса, чет эллик туристлар эҳтиёж сезадиган жаҳон сифат андозаларидан қолишмайдиган туристик хизматлар таклиф этилмоқда. Иккинчидан, кичик ва ўрта бизнес субъектларининг ривожлантирилиши натижасида туристик хизматлар экспортининг салмоғи йил сайин ошиб бормоқда. Бу эса ўз навбатида мамлакатимизда мавжуд туризм имкониятларидан имкон қадар кўпроқ фойдаланиш, шунингдек, янада кўпроқ имкониятларни кашф этиш учун ўзига хос замин яратмоқда. Юқорида таъкидлаб ўтганимиздек, туризм Республикамиз иқтисодиётии учун ғоятда зарур бўлган валюта тушумини таъминлайди (4-жадвалга қаранг). Жадвалдан кўриниб турганидек, 2002-2004 йилларда валюта тушуми ҳар йили ошиб борган. 4-жадвал Ўзбекистонда туризмдан келаётган валюта тушуми Йиллар Валюта тушуми (минг АқШ. доллари) Ўртача бир туристга тўғри келадиган валюта ($ ҳисобида) 2002 18,835 74,5 2003 20,980 77,1 2004 25,255 93,2

2002 йилда валюта тушуми 18,835 минг АқШ долларини ташкил этган бўлса, 2003 йилда бу кўрсаткич 20,980 минг АқШ долларига ва 2004 йилда эса 25,255 минг АқШ долларига баробар бўлган. Бунга мос равишда ўртача бир туристга тўғри келадиган валюта миқдори ҳам йилдан-йилга ошиб борган. 2002 йилда ўртача битта туристга тўғри келадиган валюта миқдори 74,5 АқШ долларини ташкил этган бўлса, 2003 йил 77,1 АқШ доллари ва 2004 йилда 93,2 минг АқШ долларини ташкил этди. Умуман олганда, учинчи ва тўртинчи жадвалларда келтирилган маълумотлар мамлакатимиз туризмини ривожланишида хусусий секторга, яъни асосан кичик ва хусусий тадбиркорлик субъектларига ниҳоятда муҳим эътибор берилаётганлигидан далолат беради. Мамлакатимиз туризмида хусусий мулкчилик салмоғини ошириш борасида олиб борилаётган ислоҳотлардан кўриниб турганидек, яқин келажакда бу борада фаолият кўрсатаётган кичик ва ўрта бизнес субъектларининг салмоғи янада ортиб бориши кутилмоқда. 4. Туристик фирмаларни ташкил қилиш йўллари. Ҳозирги кунда Республикамизда жами 450 дан ортиқ хусусий туристик фирмалар мавжуд бўлиб, уларнинг деярли барчаси кичик ва ўрта бизнес субъектларига тегишлидир. Маълумки, Республикамизда туризмни ривожлантириш концепциясига мувофиқ «Ўзбектуризм» миллий компанияси мамлакатимиз туризм соҳасидаги хусусий мулкчилик муносабатларини қарор топтириш ва ривожлантириш бўйича бош ташкилот ҳисобланади. Шу туфайли жами туристик фирмалардаги иш жараёни миллий компания томонидан назорат қилиб борилади. Хулоса қилиб айтадиган бўлсак, хусусий туристик корхоналарнинг мамлакатимиз миллий иқтисодиётиига кўрсатаётган ижобий таъсирига ҳалақит берувчи талайгина муаммолар мавжуд бўлиб, улар бевосита ҳукуматимиз томонидан аста-секинлик билан бартараф этиб борилмоқда. Туризм соҳасида замон талабларига жавоб берадиган юқори малакали кадрларнинг етишмаслиги, мамлакатда туризм маркетингининг ривожланмаганлиги, туристик

фирмалар иш фаолиятига давлат ва маҳаллий вакиллик органларининг аралашуви, туристлар эҳтиёж сезган кўплаб туристик маҳсулотларни етиштириш борасида тадбиркорлик субъектларининг умуман мавжуд эмаслиги, айрим туристик фирмаларнинг молиявий имкониятлари етарли даражада эмаслиги ва бошқа шу кабилар шундай муаммолар жумласига киради. 5. Корхоналарни ҳисобга олиш тартиби ва қоидалари. Бозор иқтисодиёти шароитида ҳар қандай ташкилотлар бир-бири билан ўзаро интеграциялашувсиз ҳеч қандай ривожланишга эриша олмайдилар. Масалан, автомобиль ишлаб чиқариш компаниялари бу компания маҳсулотларига хизмат кўрсатадиган хусусий автосервисларни амалий жиҳатдан қўллаб-қувватлаши керак. Чунки, автосервислар компания томонидан чиқарилаётган автомобилларни таъмирлаш бўйича барча қулайликларга эга бўлса, бу автомобилларга бўлган талаб табиий равишда ошиб боради. Худди шунингдек, туризм соҳасидаги кичик ва ўрта бизнес субъектлари ҳам бир-бири билан ўзаро муносабатда бўлишлари туризм саноатининг истиқболли ривожланишига олиб келади. Юқоридаги бўлимларимизда айтиб ўтганимиздек, туризм соҳасида фаолият кўрсатаётган кичик ва ўрта бизнес субъектлари мос равишда бевосита ва билвосита фирмаларга бўлинади. Бевосита тадбиркорлик субъектлари туризм соҳасига тўғридан-тўғри алоқаси бўлган ҳар хил туристик саёҳатларни уюштирувчи агентликлар, туризм операторлари, хусусий меҳмонхоналар, кемпинглар, хусусий саноториялар ва пансионатлар, хусусий ижара уйлари ва умуман олганда, туристик хизматларни кўрсатувчи барча фирмаларни ўз ичига олади. Билвосита тадбиркорлик субъектлари эса, мамлакатимиз ички бозорларида чет эллик туристлар эҳтиёжини қондирадиган рақобатбардош маҳсулотлар ишлаб чиқаришга ихтисослашган кичик ва ўрта бизнес корхоналарини ўз ичига олади. Маълумки, ҳозирги кунда мамлакатимизда халқаро туризмнинг жаҳон андозаларига мос келадиган жиҳатлари эндигина ривожланаётганлиги боис туристларга туристик хизматларни кўрсатиш борасида талайгина қийинчиликларга дуч келинмоқда.

Булар бевосита туризм соҳасида фаолият кўрсатаётган кичик ва ўрта бизнес субъектлари ўртасидаги ўзаро муносабатнинг яхши ўрнатилмаганлигига бориб тақалади. Биз қуйида ана шу муаммони ҳал этиш йўллари хусусида ўз фикр- мулоҳазаларимизни билдириб ўтмоқчимиз. Ўзбекистон Республикаси ўзининг кўплаб тарихий қадамжолари ва зиёратгоҳлари, кўхна ва навқирон буюк шаҳарлари билан бирга гўзал ва хушманзара табиати, сержило дарёлари-ю кўллари, ажойиб ҳайвонот олами, дашту-чўллари, бепоён текисликлари-ю тоғу- тошлари, ўрмонзорлари каби бойликларига ҳам эгадир. Ҳозирги кунда мамлакатимизга ташриф буюрадиган чет эллик туристларнинг саёҳатларини ташкил этиш борасида фаолият кўрсатаётган туристик агентликлар ўз фаолият доирасини мана шундай туризм ресурслари ҳисобидан кенгайтиришга ҳаракат қилишмоқда. Бироқ, бу борада туристик агентлар билан бошқа шу соҳага тааллуқли кичик ва ўрта бизнес субектлари ўртасидаги ўзаро муносабатнинг замон талабларига мос равишда шаклланмаганлиги натижасида кўплаб тўсиқларга дуч келинмоқда. Бунинг учун, биринчидан, маркетинг тадқиқотларини амалга оширадиган кичик хусусий компаниялар билан туристик агентлар ўртасидаги ўзаро муносабатни қарор топтириш керак. Туристик агентликлар янги ташкил этилганлиги боис уларда хизмат кўрсатувчи персонал миқдорининг камлиги ва бундан ташқари тажрибали маркетологларнинг етишмаслиги туфайли улар туристлар учун қандай туристик маҳсулотларга эҳтиёж борлигини, шунингдек, бу туристик маҳсулотларни туристларга реклама қилиш борасида қийинчиликларни бошидан кечиришмоқда. Маркетинг тадқиқотларини ўтказувчи агентликлар эса ўзларидаги маркетинг хизматларини туристик агентликларга таклиф этишса, бу муаммо ҳал бўларди. Улар ҳам маҳаллий, ҳам чет эллик туристларнинг қандай туристик маҳсулот турларига эҳтиёжлари борлигини тўлиқ ўрганиш имкониятига эгадирлар. Бундан ташқари, бу агентликлар мамлакатимизнинг хушманзара ҳудудларини чет элларга реклама қилишлари ҳам туристик агентликларга қараганда осондир. Бунинг сабаби, маркетинг тадқиқоти ўтказувчи агентликларда ҳам тадқиқот ўтказиш, ҳам реклама уюштириш учун етарли даражадаги моддий- техник базанинг шаклланганлигида ўз ифодасини топади. Шуни алоҳида таъкидлаб

ўтиш жоизки, агарда туристларга мамлакатимизда мавжуд туризм ресурслари етарли даражада реклама қилинса, у ҳолда туристларнинг мамлакатимизга бўлган қизиқиши янада ортади. Бу эса туризм соҳасида фаолият кўрсатадиган кичик ва ўрта бизнес субъектлари салмоғини ошишига олиб келади. Иккинчидан, туристик агентлар билан дам олиш саноториялари, меҳмонхоналар ва кемпинглар бевосита алоқа ўрнатиши керак. Масалан, Жиззах вилоятида Зомин тоғ тизмасида Зомин дам олиш санаторияси жойлашган бўлиб, бу санаториянинг атрофида кўплаб дам олиш пансионатлари фаолият кўрсатишади. Бироқ, ачинарли томони шундаки, санаторияга ҳам, пансионатга ҳам чет эллик туристлар деярли ташриф буюрмайди. Ваҳоланки, Зомин тоғ тизмаси иккинчи Швецария деб юритилади. Туристларнинг бу дам олиш зонасига камдан-кам ташриф буюришларига асосий сабаб қуйидагиларда ўз ифодасини топган 1 . -Зомин тоғ тизмаси манзаралари етарли даражада реклама қилинмайди; -Зомин тоғ тизмасига етиб бориш учун автотранспорт йўллари жаҳон сифат андозалари талабларига жавоб бермайди; -Санатория ва пансионотлардаги шарт-шароитлар ҳам жаҳон сифат андозаларига мос келмайди. Бу каби муаммоларни хал этиш учун санаториялар ва пансионотлар туристик агентлар билан мунтазам равишда ўзаро алоқани ўрнатишлари керак. Санаториялар ва пансионотлар маъмурияти автомобил транспорт йўлларини жаҳон сифат андозаларига жавоб берадиган даражага келтириш учун ташаббус кўрсатишлари, туристик агентлар билан келишган ҳолда ўз биноларидаги шарт- шароитларни яхшилашлари, шунингдек, дам олиш зонаси билан вилоят марказлари ўртасидаги замонавий транспорт воситалари қатновини тўғри йўлга қўйишда ташаббус кўрсатишлари керак ва хоказо. 6.Туризмда лицензия олиш учун тақдим қилинадиган ҳужжатлар ва уларнинг мазмуни. 1 Муаллифлар таклифи. 2005.

Туристик фирманинг туризм соҳасидаги фаолиятининг зарурий шарти - унда лицензия (рухсатнома)нинг мавжудлигидир. Туризм фаолиятини лицензиялаш туризмни тартибга солишнинг муҳим бўғинидир. Ўзбекистонда туризмни лицензиялаш бир неча йиллар мобайнида амалга оширилиб келинмоқда. Бу соҳадаги ишни ташкил этишда ҳам муайян тажриба тўпланган. 1994 йилда Ўзбекистон Республикасида туризм биринчи маротаба лицензияланадиган фаолият турларига киритилган эди. Шу жумладан, Вазирлар Маҳкамасининг 1994 йил 19 апрелдаги 215- сонли қарори билан лицензияланиши лозим бўлган баъзи бир фаолият турлари жорий этилди (шу жумладан, туризм соҳасида ҳам) ва лицензияларни берилишини расмийлаштиришга доир умумий низом ҳам тасдиқланди. Лицензиялаш усулларини синовдан ўтказиб бориш, қонунчилик базасини ўзгариши ва таҳлил қилиш ва ҳал этишни талаб қиладиган муаммоларни вужудга келиши билан 1998 йиллар «Ўзбекистон республикасида туризм фаолияти билан шуғулланиш учун рўйхатдан ўтиш ва лицензия бериш қоидаси» янги таҳрири кучга киритилди. Ушбу қоида мулкчилик шакли ва идоравий мансублигидан қатъий назар юридик шахс мақомига эга бўлган ва туризм соҳасига амалдаги қонунчиликка мувофиқ фаолият юритаётган корхона, бирлашма ва ташкилотларни рўйхатдан ўтказиш ва уларга лицензия бериш тартибини белгилаб беради. Янги босқичдан туризм соҳасида фаолият кўрсатадиган иштирокчиларига талаб кучайтирилди. Шунингдек лицензияларнинг бекор қилинишини (чақириб олинишини) кўзда тутувчи ҳолатлар белгиланди. Туризм фаолияти билан шуғулланиш учун лицензия “Ўзбектуризм” Миллий Компанияси томонидан Ўзбекистон Республикаси Вазирлар Маҳкамаси ҳузуридаги комиссия қарори асосида берилади. Туризм фаолияти билан шуғулланиш учун лицензия 5 йил муддатга берилади. Лицензия берилганлиги учун Республикадаги энг кам иш ҳаққини 25 та миқдорида лицензия йиғими тўланади. Лицензия йиғими тўловидан келиб тушадиган маблағлар «Ўзбектуризм» Миллий Компанияси ҳузуридаги туризмни ривожлантириш марказлаштирилган фондига йўналтирилади. 2004 йил ҳолатига кўра «Ўзбектуризм» миллий компаниси томонидан туризм соҳасида фаолият юритиш ҳуқуқини берувчи 450 дан ортиқ лицензия берилган. Айни пайтда

корхона ва ташкилотлар Ўзбекистон Республикасининг амалдаги қонунчилигини бузувчи турли хил сабабларга кўра 70 га яқин корхоналар лицензиядан маҳрум этилганлар. Кўпчилик мамлакатларда, турагент ва туроператор фаолиятини тартибга солиш даражасида фарқлар мавжуд. Жумладан, ривожланган мамлакатларнинг туризм амалиётида туроператорлик ва турагентлик фаолиятни лицензиялашда лицензия йиғими миқдори, таваккалчиликларни суғурталаш тизими, ушбу соҳада муайян маълумотга эга бўлишга доир талабларда фарқланиш мавжуд. Ушбу фаолият турларининг белгиланган фарқлари, мақсад ва вазифалари, мижоз билан ўзаро ҳамкорлик қилиш тартибидан келиб чиққан ҳолда ушбу корхоналарни лицензиялашга ҳам турлича методологик ёндашув амалга оширилади. Ўзбекистон Республикасида туризм соҳасидаги тадбиркорлик фаолияти ташкил топиш ва ривожланишининг дастлабки босқичида кўпчилик кишилар бир вақтнинг ўзида туроператор ва турагент фаолиятини фарқлай олмасдан ушбу фаолият билан шуғуллана бошлаши албатта мақсадга мувофиқ эмас эди. Ҳозирги босқичда ушбу фаолият соҳасидаги тадқиқотлар ва амалиётдан келиб чиққан ҳолда Бутунжахон Туристик Ташкилотининг «Туризм соҳасидаги фаолият турларини халқаро таснифлаш андозалари»га мувофиқ ҳолда ушбу соҳадаги фаолият турларини алоҳида кўрсатган ҳолда умумий лицензиялаш тизимини жорий этиш зарурлиги мақсадга мувофиқдир. 7. Туризм фаолияти билан шуғулланувчи туристик корхоналарга лицензия бериш тартиблари . Туризм соҳасини лицензиялашга доир фаолиятни ташкиллаштирилишини таҳлил қилиш натижасида жахон тажрибаси ва Бутунжахон Туристик Ташкилотининг баъзи бир тавсияларидан келиб чиққан ҳолда республикамизда туризмни давлат томонидан тартибга солиниши юзасидан баъзи бир мулоҳазаларни билдириш мақсадга мувофиқдир. Жумладан туризмда фаолият соҳаси сифатида учта томон иштирок этади: 1.Туристик махсулот ва хизматларни истеъмол қилувчи туристлар;

2.Туристик махсулот ва хизматларни ишлаб чиқарувчи ва сотувчи туристик фирмалар (ушбу ҳолатда туристларга хизмат кўрсатишга у ёки бу муносабатда бўлган барча ташкилотлар); 3.Туризм фаолиятини лицензиялаш билан шуғулланувчи шунингдек тегишли маъмурий-ҳуқуқий ва бошқа вазифаларни амалга оширувчи (паспорт, виза, чегара, божхона, санитария-эпидемиология ва ҳ.к.) давлат идоралари. Ушбу учта томонлар: «Туристлар» - «Туристик фирмалар» - «Давлат» ўзаро муносабатларида бир «учбурчак»ни ташкил этадилар. Жахоннинг ҳар қандай давлатида ушбу «учбурчак» ҳар бўғинининг яъни «Туристлар-туристик фирмалари», «туристик фирмалар-давлат», «турист-давлат» ўзаро муносабатлари тегишли қонунчилик билан тартибга солинади. Масалан, Ўзбекистонда булар жумласига «Корхоналар тўғрисида», «Истеъмолчиларнинг ҳуқуқларини ҳимоялаш тўғрисида» ва бошқа қонунларни киритиш мумкин. Аста- секинлик билан ушбу қонунчилик янада аниқлаштирилиб ва тўлдирилиб борилмоқда. Соф ҳолатда юқорида қайд этилган қонунлар ўзаро муносабатларининг ҳар бир элементи ҳуқуқий меъёрлар билан тартибга солиниши лозим. Лекин, қанча давлат бўлса, шунча ўзига хос жиҳатлар ҳам мавжуддир. Амалда, ҳар бир давлатда қайд этилган «учбурчак» нинг у ёки бу томонига алоҳида эътибор қаратган ҳолда туризмни тартибга солиш юзасидан ўз ёндашувлари ишлаб чиқилган. Ўзбекистонда кўпчилик бошқа мамлакатлар сингари, асосий эътибор «туристик фирма - давлат» муносабатларини тартибга солишга йўналтирилган. Бу ҳол, авваломбор, туристик фаолиятни лицензиялаш шаклини, яъни давлатнинг юридик шахсларига берилган муайян рухсатномаси билан амалга оширилади. Лекин бундан лицензия бериш жараёнининг алоҳида аҳамият касб этмайди (ушбу рухсатномани олиш қийинлиги ва осонлигидаган қатъий назар). Туризм фаолиятининг лицензияда кўрсатилган ва кўрсатилмаган бошқа шартларини тўлиқ бажарилишини назорат қилиб борадиган давлат механизмининг ривожланганлиги ва самарали фаолият юритиши ва тегишли ҳолларда ўрнатилган тартибга риоя қилинишини таъминлаш учун зарурий чора тадбирларни кўриши муҳим аҳамиятга

эгадир. Зеро, бундай механизм мавжуд бўлмаган ҳолда лицензиялаш туристик махсулот сифати устидан назорат қилиш имкониятига эга бўлмайди. Бир қатор мамлакатларда (масалан, Буюк Британия, Германияда) «лицензиялаш» атамаси қонунчиликда мавжуд эмас. Туристик фирмаларга уларнинг мижозлар олдидаги молиявий фан бошқа масалалар, рахбарлар ва ходимларни касбий тайёрлаш, туристик фирмалар ҳамда туристларнинг ўзини суғурталаш юзасидан жавобгарлиги бўйича қўйилаётган давлат талаблари одатда жуда қатъий бўлади. Ушбу мамлакатларда, асосий эътибор «туристик фирма учбурчаги» йўналишни тартибга солишга қаратилади ва истеъмолчи- туристларнинг хуқуқларини энг юқори даражада ҳимоялаш ва туристик фирмаларнинг туристик маҳсулоти ва бошқа хизматлар сифатини мунтазам равишда ошириб боришга йўналтирилади. Масалан, ГФРда адлия вазирлиги томонидан, туристлар учун «Сизнинг хуқуқларинингиз сизлар билан биргаликда саёҳат қилади» ва «Туристларнинг хуқуқларининг тўлиқ рўйхати» шаклидаги эслатмалар тасдиқланган. Сифатсиз туристик маҳсулот истеъмол қилинганда ёки алохида хизматлар қониқарсиз бажарилган ҳолатларда, норози туристга тур қийматининг анча қисми товон тарзида тўланади 2 . Фикримизга кўра, туризмни тартибга солишнинг худди шу шакллари, туристик маҳсулоти умумий сифатини ошириш ва туристлар хуқуқ ва манфаатларини ҳимоялаш, шунингдек, туризм соҳасини умуман тартибга солишнинг энг самарали воситаларидан биридир. Туристик маҳсулот сифатини ошириш мақсадида мазкур қоидаларнинг жорий этилиши, туризм бозорини муайян даражада ривожлантиришни, мукаммал қонунчилик, биринчи навбатда ушбу соҳада меъёрга келтирилган андозалар ва туристларга хизмат кўрсатишга доир бошқа аниқ белгилаб қўйилган қоидалар мавжуд бўлишини талаб этади. 8. Турфирмаларнинг лицензияга амал қилиш шартлари. 2 Лицензирование и сертификацие в туризме. Учебное пособие Дехтярь Г.М.:Финансы и статистика, 2003.

Ҳозирги вақтда ўтиш даври иқтисодиётиини бошидан кечираётган Ўзбекистонда, нафақат иқтисодий ислохотлар амалга оширилмоқда, шу билан бирга жамиятнинг ўзи ҳам ўзгаришлар жараёнини бошидан кечираяпти. Ушбу шарт-шароитда 1999 йил 20 августда «Туризм тўғрисида»ги қонуннинг ишлаб чиқилганлиги алоҳида аҳамиятга эгадир. Мисол учун, Бутунжахон туристик ташкилотида бу борада дунёнинг турли хил мамлакатларида туризм соҳасини тартибга солиш бўйича ишлаб чиқилган қонунчилик ва бошқа меъёрий хужжатларга доир жуда бой ахборот тўпланган. Истеъмолчини туризм маҳсулоти сифатини белгиловчи тартиб ва қоидаларнинг муайян мажмуини қўллаш орқали ҳимоя қилиш мумкин. Бу эса, муайян натижаларга эришиш йўлларини белгилаш билан чекланиб қолмай, айни пайтда уларга эришиш мажбуриятини ҳам зиммага юклайди. Юқорида қайд этилганлардан келиб чиққан ҳолда, келажакда Ўзбекистон туристик махсулотининг сифати кўп ҳолларда Хусусий Туристик Ташкилотлар уюшмаси фаол ва ташкилий жиҳатдан уюшган фаолиятига боғлик бўлади деган хулосага келиш мумкин. Шимолий Европанинг аксарият давлатлари учун хусусиятли бўлган ушбу фикримиз исбот бўлиши мумкин. Ушбу давлатларда туризм фаолияти билан эркин шуғулланиш амалиёти мавжуд. Жумладан, уларда туристларга хизмат кўрсатиш билан шуғулланувчи туроператорлар ва турагентлар фаолият кўрсатувчи тизим шаклланган. Аммо ўтиш даври билан боғлик мураккаблик ва авваломбор, туризм бозори етарлича ривожланмаганлиги ҳисобга олган ҳолда ҳозирча, туризмни тартибга солиш ва туристик махсулот сифатини оширишнинг муҳим бўғини бўлган лицензиялаш тартибини республикамизда қўллаш мақсадга мувофиқдир. Юқорида қайд этилганлардан келиб чиққан ҳолда, лицензия бериш шартларини қийинлаштиришга эхтиёж йўқ деб ҳисоблаймиз. Айни пайтда, туристик фирмаларининг туристик махсулот сифати учун жавобгарлигини кучайтириш юқори самара бериши мумкин. Хулоса Ҳозирги кунда Республикамизда жами 450 дан ортиқ хусусий туристик фирмалар мавжуд бўлиб, уларнинг деярли барчаси кичик ва ўрта бизнес

субъектларига тегишлидир. Маълумки, Республикамизда туризмни ривожлантириш концепциясига мувофиқ «Ўзбектуризм» миллий компанияси мамлакатимиз туризм соҳасидаги хусусий мулкчилик муносабатларини қарор топтириш ва ривожлантириш бўйича бош ташкилот ҳисобланади. Шу туфайли жами туристик фирмалардаги иш жараёни миллий компания томонидан назорат қилиб борилади. Хулоса қилиб айтадиган бўлсак, хусусий туристик корхоналарнинг мамлакатимиз миллий иқтисодиётиига кўрсатаётган ижобий таъсирига ҳалақит берувчи талайгина муаммолар мавжуд бўлиб, улар бевосита ҳукуматимиз томонидан аста-секинлик билан бартараф этиб борилмоқда. Туристик фирмалар фаолиятини зарурий шарти ундаги лицензиянинг мавжудлигидир. Республикамизда Туризмни лицензиялаш бир неча йиллардан бери амалга оширилиб келинмоқда. Туризм билан шуғулланиш учун Лицензия фақат «Ўзбектуризм» М.К. ва Вазирлар Маҳкамаси хузуридаги комиссия қарори асосида берилади. Лицензия берилганлиги учун энг кам иш хақининг 25 баробари миқдорида йиғим тўланади. Йиғим «Ўзбектуризм» М.К. хузуридаги туризмни ривожлантириш фондга йўналтирилган. Ҳозирда кўпчилик лицензияси бор кишилар бир вақтнинг ўзида туроператорлик ва туристик фаолият билан шуғулланишлари мақсадга мувофиқ эмас. Шунинг учун жамоат ташкилотларидан туризм соҳасидаги фаолият турларини халқаро таснифлаш андозаларига мувофиқ ҳолда умумий лицензиялаш тизимини жорий этиш зарурлиги мақсадга мувофиқдир.

Фойдаланилган адабиётлар 1. Ўзбекистон Республикаси Вазирлар маҳкамасининг 8-август 1998 йилдаги №346 « Туристик ташкилотлар фаолиятини такомиллаштириш ҳақида » ги қарори. 2 . В. Г. Гуляев. « Правовое регулирование туристической деятельности » . 2003. 3. «Туризм как экономический приоритет» (Серия «Экономика современной России»)», Проуорзин Л.Ю. 2004 г 4. Технология путешествий и организация обслуживания клиентов. Уч.пособие Черных Н.Б. 2002 г. 5. Жукова М.А. Индустрия туризма: М 2003 г 6. Квартальнов В.А. Мировой туризм на пороге 2010 года: прогнозы и реальность. М.: Финансы и статистика.2003. 7. Лицензирование и сертификацие в туризме. Учебное пособие Дехтярь Г.М.: Финансы и статистика, 2003 г. 8. Менеджмент туризма: Туризм как объект управления. Учебник Волошин Н.И., Исаева Н.В., Ильина Е.Н. 2004 г . 9. Kotter. P., Bowen J., Makens J. – Marketing For Hospitality and Tourism. – 2d. Edit. – Upper Saddle River: Prentide Hall, 1998 3. Большой Глоссарий терминов международного туризма - Биржаков М . Б ., Никифров В . И 2002 год . 4. Биржаков М.Б. Введение в туризм. С.Пб.: Издательский Торговўй Дом «Герда», 2004 5. География международного туризма: Страну СНГ и Балтики. Учеб пособе Гайдукевич Л.М Хомич С.А., Аношко Я.И. 2004. 6. Маркетинг в туризме. Учебное пособие 4-е изд., стереотип, (ГРИФ) Дурович А.П. 2004 г. 7. Менеджмент туризма: Туризм как объект управления. Учебник. Волошин Н.И., Исаева Н.В., Ильина Е.Н. 2004 г. 8. Интернет сайтлари.

www . world - tourism . org – Всемирная туристская организация www . wttc . org – Всемирный Совет по путешествиям и туризму www . tag - group . com – Консультативная группа по вопросам туризма ( TAG ) www . ziyonet . uz www . nur . uz

O'xshashlar

Туристик фаолиятни лицензиялаш

Инновацион корхоналарида патент ва лицензиялаш фаолиятини ташкил этиш

Халқаро туризмда туристик саёҳатларни ташкил этиш

Ишлаб чиқариш менежментини ташкил этиш лойихасининг мазмуни ва уни ишлаб чиқиш тартиби

Туризм ва сафарларни ташкил этиш